1. పూర్తి ఆరోగ్యం మరియు ఆనందం కోసం తాజా పండ్లతో జీవితాన్ని ఆస్వాదించండి  

“శరీర సంరక్షణ కోసం మీకు అన్నిరకముల ప్రోటీన్లు మరియు విటమిన్లు అవసరం… పండ్లు  మరియు కూరగాయలు తీసుకోండి, ఇవి మీకు ఎంత బలాన్ని ఇస్తాయి”…శ్రీ సత్య సాయి బాబా .¹

1. ఫలం అంటే ఏమిటి ?

తల్లి భూమి నుండి వచ్చిన విలువైన బహుమతులలో ఒకటి, ఒక చెట్టు లేదా మొక్క యొక్క కండగల్గి విత్తనములను కలిగి ఉన్న తినదగిన పదార్ధం. ఒక పండు యొక్క ప్రాధమిక ఉద్దేశ్యం విత్తనాన్ని రక్షించి నలువైపుల వ్యాప్తి చేయడం ద్వారా పర్యావరణ సమతుల్యతను కాపాడటం. దయతో, మానవుల ఆకలి మరియు దాహాన్ని తీర్చి ప్రకృతికి అనుగుణంగా జీవించడానికి వీలు కల్పిస్తుంది .^2-4

ప్రతి పండు స్వయంగా దానికదే సంపూర్ణమైన ఆహారం మరియు చాలా పోషకమైనది, సులభంగా జీర్ణమయ్యేది కావడం ద్వారా మన శరీర వ్యవస్థపై ఒత్తిడి చేయదు. దీనిలో కేలరీలు తక్కువగాను మరియు ఖనిజాలు, విటమిన్లు, ఫైబర్ అధికంగాను ఉంటాయి. మన రోజువారీ ప్రోటీన్ అవసరాలలో 10% కూడా తీర్చగలదు.^5,8,9,10

ముఖ్యమైన అవయవాలను ఆరోగ్యవంతంగా ఉంచడం మరియు డయాబెటిస్, గుండె జబ్బులు, జీర్ణ రుగ్మతలు, ప్రోస్టేట్ పెరుగుదల, మూత్రపిండాల్లో రాళ్ళు మరియు క్యాన్సర్ వంటి వ్యాధులను నివారించడం వల్ల అన్ని పండ్లు ప్రయోజనకరంగా ఉంటాయి. అవి హార్మోన్లను సమతుల్యం చేస్తాయి, వయస్సుతోపాటు జరిగే ఎముకల నష్టాన్ని తగ్గిస్తాయి, రక్తపోటును నియంత్రిస్తాయి మరియు రోగనిరోధక శక్తిని పెంచుతాయి. ప్రతి పండుకు ప్రత్యేక గుణాలు ఉన్నాయి. అందువల్ల, స్థానిక మార్కెట్లో లభించే ఘనీభవించిన, నిలువ ఉంచిన లేదా ప్రాసెస్ చేసినవి కాకుండా దొరికే వివిధ రకాల తాజా పండ్ల కొనుకోవడం మంచిది. ప్రతి కాలం (సీజన్‌)తో వచ్చే రోగాలను నివారించడానికి ఆ కాలంలో దొరికే పండ్లు సహాయపడతాయి. మనం ఉండే ప్రాంతంలో మనకి ఆయా కాలాలలో కావలసిన పండ్లు మనకు దొరుకుతాయని తెలుసు, అంటే, ఆ సమయంలో తినడానికి ఉత్తమమైనవి అని. ఉదా. వేడి వాతావరణంలో పుచ్చకాయలు మరియు మామిడిపండ్లు లాంటివి. పండ్ల రసానికి బదులుగా, సాధ్యమైనంతవరకు, గింజలను మరియు తొక్కలను తీయకుండా పండ్లను వాటి సహజ రూపంలో తీసుకుంటే పూర్తి ప్రయోజనాలు లభిస్తాయి. ^5,9,11

చక్కర వ్యాదితో బాధపడే రోగులు చక్కెర స్థాయిని సమస్థాయిలో వుంచడానికి, ఆయాకాలాలలో లభించే పండ్లను పండ్ల రసంగా కాకుండా పండుగానే తీసుకోవడం ద్వారా ప్రయోజనం పొందవచ్చును. తక్కువ గ్లైసెమిక్ ఇండెక్స్ (GI) ఉన్న పండ్లు సురక్షితమైనవి. జామకాయ, లేదా నల్ల నేరేడు పండ్లు మరియు స్ట్రాబెర్రీలలో డయాబెటిస్ నిరోధక లక్షణాలు ఉన్నాయి. మధుమేహ వ్యాధిగ్రస్తులు ఆహార మార్గదర్శకాలను పాటించడం మంచిది. ^12-15

ప్లానెట్ ఫ్రెండ్లీ: పచ్చిగా వండకుండా తినడం ద్వారా మనము కార్బన్ మోతాదును తగ్గించి పర్యావరణానికి సహాయం చేస్తున్నాము. పండ్లు చెట్ల నుండి వస్తాయి గాని దున్నుతున్న భూమి మరియు పంట నుండి కాదు, పర్యావరణపరంగా ఇది ప్రపంచానికి చాలా  తేడాను కలిగిస్తుంది. అందువలన, పండ్లు తినడం ద్వారా, మనము భూమికి కూడా సేవ చేస్తున్నాము! ^10,16

3. ఎప్పుడు మరియు ఎలా పండ్లను తీసుకోవడం?

పండ్లను శుబ్రపరచడం: పండ్లను బాగా కడిగి, వాటిని గిన్నెలో సగం నింపిన నీటిలో ఒక చెంచా ఉప్పు మరియు రెండు చెంచాల వెనిగర్ కలిపి ఆ నీటిలో ఈ పండ్లను వుంచండి. వాటిని 20 నిమిషాలు నానబెట్టి తరువాత కుళ్ళాయి నీటిలో మళ్ళీ బాగా కడగాలి. లేదా దీనికి ప్రత్యామ్నాయంగా, ఒక చుక్క CC17.2 Cleansing లేదా NM72 Cleansing ని మంచినీటిలో కలిపి కూడా పండ్లను నానబెట్టవచ్చు. ¹⁷

పండ్ల పై తొక్కలు సహజంగా పండ్ల లోపల ఉండే యాంటీఆక్సిడెంట్ విటమిన్లను కాపాడుతాయి. పండ్లు కోసిన తర్వాత, వాటిని వెంటనే లేదా 30 నిమిషాల లోపు తినాలి. ఒకవేళ వెంటనే తినలేకపోతే, వెంటనే వాటిని రిఫ్రెజిరెట్ లో వుంచండి; లేకపోతే వాటిలో విటమిన్లు ఆక్సీకరణం చెంది ఎందుకు ఉపయోగం లేకుండా పోతాయి. ¹⁸

పండ్లకి సరైన సమయం: పర కడుపుతో పండ్లను తినండి, తద్వారా శరీరం వాటిలోని పోషక పదార్ధాలని సులభంగా గ్రహిస్తుంది మరియు వ్యవస్థలోని విషఫలితాలను (టాక్సీడ్స్) సులభంగా తొలగిస్తుంది. రోజును ప్రారంభించడానికి పండుని మించింది ఏమీ లేదు! ^19-22

పండ్లు వాటిని జీర్ణం చేయడానికి కడుపు యొక్క ఆమ్ల మాధ్యమం అవసరం లేదు; అవి నేరుగా కడుపు గుండా పేగుకు వెళతాయి. అందువల్ల రుచికొరకు ఎటువంటివి కలపకుండా సహజమైన పండ్లను ఒక్కొక్కటిగా తినాలి. మామూలుగా భోజనానికి కనీసం 30 నిమిషాల నుండి ఒక గంట ముందు పండ్లు తినండి; కానీ ఖచ్చితంగా భోజనం తిన్న వెంటనే కాదు .^19,20

మనము మొదటి ముద్ధను నోటిలోకి పెట్టినప్పుడే జీర్ణ ప్రక్రియ మొదలవుతుంది; అధి భోజనం ముగించే వరకు వేచి ఉండదు. పండ్లు మరియు కూరగాయలు మినహా, సాధారణంగా, శాఖాహార ఆహారం చిన్న ప్రేగులోకి వెళ్ళే ముందు, కడుపులో జీర్ణం కావడానికి రెండు నుండి రెండున్నర గంటలు పడుతుంది. కాబట్టి, భోజనం తిన్న తరువాత అల్పాహారం గా పండ్లు తిన్నడానికి కనీసం 2 గంటలు వ్యవద్ది ఉండాలి; లేకపోతే, పండ్లు శరీరంలో పీల్చుకోబడటానికి బదులుగా శరీరంలో పులిసిపోవును. ^19-22

ఒక అధ్యయనం ప్రకారం, పుల్లటి పండ్లను పగటిపూట ఉదయం 10 నుండి మధ్యాహ్నం 3 గంటల మధ్యలో తీసుకోవడం మంచిది, ఖాళీ కడుపుతో కాదు. అరటి, మామిడి వంటి తీపి పండ్లు నిద్రపోయే ముందు తినడం మంచిది కాదు  ఎందుకంటే అవి శక్తి స్థాయిని పెంచి వారిని మేల్కొని ఉండేటట్లు చేస్తాయి.^19,22

సామాన్యంగా తీసుకోవలసిన పండ్ల పరిణామం: రోజువారీ ఆహారంలో కూరగాయలు మరియు తృణధాన్యాలు ఉంటే, రోజుకు 2 పండ్లు సరిపోతాయి; ప్రతిసారీ 150 గ్రాములు, అనగా ఆపిల్, పియర్, నారింజ లేదా అరటి వంటి ఒక మీడియం సైజు పండు లేదా ఒక కప్పు నిండా ముక్కలుగా చేసిన పండ్లు సరిపోతాయి. పండ్లతో ఉపవాసంలో ఉంటే, సాధారణ ఆహారానికి బదులుగా పగటిపూట మూడుసార్లు పండ్లను తీసుకోవాలి. గుర్తుపెట్టుకోవలసిన నియమం “అతిగా ఏది తీసుకోరాదు” ఉదా,2 చిన్న అరటిపండ్లు తినడం సహాయపడుతుంది కాని నాలుగు అరటిపండ్లు మనలను మందకొడిగా చేస్తుంది. ^23,24

పండ్ల మిశ్రమం ^25-27: నిజానికి మనం పండ్లను మూడు రకాలుగా విభజించవచ్చు: తీపి, పుల్లని (ఆమ్లం) మరియు సగం తీపి మరియు సగం పులుపు. వివిధ రకాల పండ్లలో లభించే ఫ్రక్టోజ్ (ఫల చక్కెర), ఆమ్లం, విటమిన్లు, ప్రోటీన్లు, సెల్యులోజ్ మరియు పిండి పదార్ధాల నిష్పత్తి వేర్వేరుగా వుండి, ఒక విలక్షణమైన రుచిని కలిగి వుండటం ద్వారా అవి ఏ రకానికి సంబందించినదో నిర్ణయిస్తారు.

అరటి, టెంకతో వున్న పండ్లు, జామ, ద్రాక్ష, అంజీరము, ఖర్జూరం          మరియు అన్ని రకాల పుచ్చకాయలు (అధిక నీటి శాతం కలిగి ఉంటాయి) మొదలైనవి రుచిలో తీయగా ఉండే కొన్ని పండ్లు. ఈ పండ్లలో పుల్లని పండ్ల కంటే చాలా ఎక్కువ ఫ్రక్టోజ్ (ఫలచక్కెర) ఉంటుంది.

నల్లని ఎండు ద్రాక్ష, రాస్బెర్రి మరియు కివి పండ్లు రుచిలో పుల్లగా ఉంటాయి. పుల్లటి పండ్లు అయిన పెద్ద నిమ్మ, చిన్న నిమ్మ కాయ మరియు ద్రాక్షపండు కూడా పుల్లగా ఉంటాయి కాని కొన్ని సార్లు చేదుగా కూడా ఉంటాయి. వాటిలో పెద్ద మొత్తంలో ఆమ్లం ఉంటుంది.

అన్ని పండ్లు తీపి లేదా పుల్లని రుచిని కలిగి వుండవు. నారింజ, దానిమ్మ, పైనాపిల్, ఆపిల్, మామిడి, పియర్, బొప్పాయి, స్ట్రాబెర్రీ మరియు బ్లాక్‌బెర్రీ వంటి కొన్ని పండ్లలో ఫ్రక్టోజ్ (పండ్ల చక్కెర) మరియు ఆమ్లం దాదాపు సమానంగా ఉంటాయి, ఇవి తీపి మరియు పుల్లని రుచిని ఇస్తాయి.

ఒకే వర్గానికి చెందిన పండ్లు ఒకే రకమైన వేగంతో జీర్ణమవుతాయి అందువల్ల వాటిని కలపవచ్చు. కానీ తీయటి పండ్లను పుల్లని పండ్లతో కలపి తినరాదు. అయితే తీపి / పులుపు కలిగిన పండ్లను తీపి లేదా పుల్లని పండ్లతో కలిపి తినవచ్చు. ^25-27

4. ముంధు జాగ్రతకు సంబందించిన  చిట్కాలు

మంచి ఆరోగ్యం కోసం తీసుకొనే ఆహారం ప్రతి ఒక్కరిలో ఉన్న పంచ భూతాలైన ఆకాశం(అంతరిక్షము), గాలి, అగ్ని, నీరు మరియు భూమి వీటికి సరిపోవునట్లు ఉండాలని ఆయుర్వేద శాస్త్రం తెలియచేస్తోంది. అనుచితమైన ఆహారం, శరీరంలోని జీర్ణ అగ్నిని గందరగోళానికి గురిచేసి అసమతుల్యతకు కారణమవుతాయి. దీని ప్రకారం: ¹⁹

• కడుపు నిండినప్పుడు కాకుండా ఇతర సమయాలలో, ఒకే రకమైన పండ్లు వేరే వాటితో కలపకుండా తీసుకోవాలి.

• అజీర్ణం వల్ల కలిగే విరోచనాలు లేదా అపానవాయువు(పిత్తు) లాంటివి నిరోదించడానికి, పండు తిన్నవెంటనే కాకుండా తినడానికి అరగంట లేదా గంట ముందుగా నీటిని త్రాగాలి.
• తాజా పండ్లను పచ్చి లేదా వండిన కూరగాయలతో కలపవద్దు.
• 2-5 సంవత్సరాల వయస్సు తరువాత మన శరీరం పాలయొక్క పోషక పదార్ధాలని జీర్ణం చేయడానికి అవసరమైన ఎంజైమ్ (లాక్టేజ్) ను ఉత్పత్తి చేయలేనందున తీపి పండ్లను పాలతో కలిపి తీసుకోరాదు. ²⁸ పండ్లను పాలతో కలిపి తీసుకోవడం ద్వారా మనం పండ్ల యొక్క విశిష్టతను కోల్పోవడమే కాకుండా జీర్ణవ్యవస్థపై అధిక ఒత్తిడి పెట్టడం ద్వారా అనారోగ్యానికి దారి తీస్తుంది. ²⁹

5. చివరి మాట!

మనుష్యుల యొక్క శరీరాకృతులు ఒక్కలాగా వుండకపోవడం వల్ల, కొన్ని సార్లు కొంతమందికి సాధారణ మార్గదర్శకాలు పనిచేయకపోవచ్చు. కావున మనం తిన్న తరువాత మనకి ఎట్లా అనిపిస్తాయో తెలుసుకోవడం చాలా ముఖ్యం.  శరీరం నుండి వచ్చే సూచనలపై మనం జాగ్రతవహిస్తే, మనకు ఏది ఉత్తమమో, ఎప్పుడు, ఎంత తినాలో మనకు తెలుస్తుంది.

రేఫెరన్సెస్ మరియు లింకులు:

1. Health, Food, and Spiritual Disciplines, Divine Discourse 8 October 1983, Sathya Sai Baba Speaks on Food, Sri Sathya Sai Sadhana Trust, Publications Division, First edition, 2014, page 56.
2. What is a fruit: https://www.organicfacts.net/health-benefits/fruit
3. https://www.cropsreview.com/functions-of-fruits.html
4. http://www.uky.edu/hort/Ecological-importance-of-fruits
5. Types of fruit: https://www.nutritionadvance.com/healthy-foods/types-of-fruit/
6. Tomato is vegetable: https://www.livescience.com/33991-difference-fruits-vegetables.html 
7. https://en.wikipedia.org/wiki/Nix_v._Hedden
8. Eat water through fruits: https://www.youtube.com/watch?v=gSYsI3GCbLM
9. https://isha.sadhguru.org/us/en/wisdom/article/fruit-diet-good-for-you-planet
10. Fruits have protein: https://www.myfooddata.com/articles/fruits-high-in-protein.php
11. https://www.healthline.com/nutrition/20-healthiest-fruits
12. For diabetics: https://www.everydayhealth.com/type-2-diabetes/diet/fruit-for-diabetes-diet/
13.  https://diabetes-glucose.com/fruit-diabetes-diet/
14.  https://www.onlymyhealth.com/health-slideshow/best-fruits-diabetics-eat-1271667125.html
15. https://drmohans.com/dos-and-donts-in-diabetes/
16. Impact on planet: https://www.independent.co.uk/life-style/health-and-families/veganism-environmental-impact-planet-reduced-plant-based-diet-humans-study-a8378631.html
17. Washing fruits: Manual for Senior Vibrionic Practitioners, 2018, chapter 9, A.6, page86; Newsletter, vol.8, # 5, Sept-Oct 2017, Health Tips, Enjoying food the healthy way,  para 6,  https://news.vibrionics.org/en/articles/228
18. Cut fruits: https://www.verywellfit.com/fruits-vegetables-cut-nutrients-lost-2506106
19. Healthy Fruit eating: http://www.muditainstitute.com/articles/ayurvedicnutrition/secrettohealthyfruiteating.html
20. https://www.quora.com/Do-fruits-need-stomach-acids-to-get-digested
21. http://www.ibdclinic.ca/what-is-ibd/digestive-system-and-its-function/how-it-works-animation/
22. https://www.ayurvedabansko.com/fruits-and-vegetables-in-ayurveda/
23. How much to eat: https://www.eatforhealth.gov.au/food-essentials/how-much-do-we-need-each-day/serve-sizes
24. How much Satvic food: http://www.saibaba.ws/teachings/foodforhealthy.htm
25. Food combinations: https://lifespa.com/fruit-ayurvedic-food-combining-guidelines/
26.  https://www.ehow.com/info_10056003_sweet-vs-sour-fruits.html
27. http://www.raw-food-health.net/listoffruits.html#axzz5mXlWmuVw
28. Inadequate lactase in adult to digest milk: https://healthyeating.sfgate.com/milk-digestible-4441.html
29. Science of nutrition-yogic view: https://www.kriyayoga-yogisatyam.org/science-of-nutrition

2. ఏ‌వి‌పి వర్క్ షాప్ పుట్టపర్తి, ఇండియా, 6-10 మార్చ్ 2019

ఇద్దరు అనుభవం కలిగిన కోర్సు ఉపాధ్యాయుల^{10375 &11422} ద్వారా నమూనా క్లినిక్ తో కూడిన 5 రోజుల వర్క్‌షాప్ నందు ఎనిమిది మంది అభ్యర్థులు, భారతదేశం నుండి ఆరుగురు (ఇప్పుడు జనరల్ హాస్పిటల్, పుట్టపర్తిలో స్వచ్ఛంద సేవ చేస్తున్నఇద్దరు వైద్య నిపుణులతో కలిపి) ఫ్రాన్స్ మరియు క్రొయేషియా నుండి ఒక్కొక్కరు పాల్గొని AVP లుగా అర్హత సాధించారు.

వర్క్‌షాప్‌లో మరో నలుగురు అర్హత సాధించిన సాధకులు కూడా తమ జ్ఞానాన్ని పెంపొందించుకోవడానికి పాల్గొన్నారు. ఇద్దరు వైద్యులు తెలియచేసిన విషయాలు వర్క్‌షాప్‌ను మరింత సుసంపన్నం చేశాయి మరియు మరింత ఉల్లాసంగా మరియు పరస్పర అభిప్రాయాలూ తెలుసుకొనేవిధంగా చేశాయి. వర్క్‌షాప్‌లో పాల్గొన్నవారు మాక్ / ఫీల్డ్ క్లినిక్‌లకు ఎక్కువ సమయం కేటాయించడం ద్వారా మరింత ఆచరణాత్మకంగా వుంటుందని సూచనలు ఇచ్చారు. ప్రత్యేక సెషన్ ద్వారా ఆచరణాత్మక ఉదాహరణలతో కేస్ హిస్టరీలను ఎలా రాయాలి మరియు రోగి రికార్డులను జాగ్రతగా నిర్వహించడం యొక్క ప్రయోజనాలు తెలియచేసారు.

డాక్టర్ అగర్వాల్ తన మాటల ద్వారా ఈ శక్తివంతమైన చికిత్స ఎలా అభివృద్ధి చెందినది, ప్రతి అడుగులోనూ స్వామి ఏలా మార్గనిర్దేశం చేసినది తెలియచేస్తూ స్వామివారి మార్గదర్శకత్వం ఇంకనూ కొనసాగిస్తూ అభ్యాసకులకు వైబ్రియోనిక్స్ సాధన చేయడంద్వారా వారి జీవితాన్ని ఎలా మారుస్తున్నారో తెలియచేసి అభ్యర్ధులను అలరించారు.

3. అవగాహన మరియు నైపుణ్యం పెంపొందించే సదస్సు, కామ్బ్రై, ఫ్రాన్స్, 9 మార్చ్ 2019

ఫ్రెంచ్ సమన్వయకర్త⁰¹⁶²⁰ సాధకుల వివరాల కొరకు SRHVP కల్గిన చాలామంది పాత సాధకులను కలిశారు. వారంతా తిరిగి శిక్షణ పొందటానికి ముఖ్యంగా 108CC ని వాడటానికి ఉత్యాహం చూపించారు. ఆమె ఒక సాధకురాలి ఇంట్లో ఏర్పాటు చేసిన అవగాహనా సధస్సు లో తొమ్మిది మంది పాల్గొన్నారు. వారందరికి వైబ్రియనిక్స్ గత కొన్ని సంవత్సరాలుగా ఎలా వృద్ధి చెంది వస్తోందో  తెలియచేసి సమావేశంలో పాల్గొన్న ప్రతి ఒక్కరి పాత్ర యొక్క ఆవశ్యకత గురించి తెలియచేసారు. ఆమె వారికి వైబ్రియోనిక్స్ సాహిత్యానికి సంబందించిన పుస్తకాలతో పాటు మొదటి అంతర్జాతీయ సమావేశ పుస్తకాన్ని మరియు మన ప్రధాన సైట్‌ ను చూపించారు. సమావేశంలో పాల్గొన్న ప్రతి ఒక్కరూ తిరిగి నేర్చుకోవడానికి మరియు ఈ మిషన్ లో చురుకుగా పాల్గొనడానికి, ఇతర స్నేహితులను వైబ్రియోనిక్స్ లోనికి తిరిగి తీసుకురావడానికి చాలా ఉత్సాహం చూపించారు. ​పాల్గొన్న వారిలో కొంతమంది వద్ద ఇప్పటికే 108CC బాక్స్ కలిగి వున్నారు మరియు వారి అనుభవాలను పంచుకోవడానికి మరియు వారి బాక్స్ లను తిరిగి ఛార్జ్ చేయడానికి ఈ అవకాశాన్ని ఉపయోగించుకున్నారు.​

4. SVP శిక్షణ మరియు  నైపుణ్యం పెంపొందించే శిబిరం, పెరిగిక్స్, ఫ్రాన్స్,16-20 మార్చ్ 2019

ఫ్రెంచ్ కోఆర్డినేటర్ & ట్రైనర్ ⁰¹⁶²⁰ ఒక ఐదు రోజుల SVP కోర్సును ఆమె తన నివాసంలో నిర్వహించారు. ఆ సమావేశంలో ఆమె SVP గా మారడానికి అవసరమైన వారి పాత్ర మరియు బాధ్యతలను తెలియచేసినప్పుడు శిబిరంలో పాల్గొన్నవారు ప్రశంసించారు. మారిషస్ నుంచి వచ్చిన ఒక VP అద్భుత ప్రదర్శన చూపి, SVP గా అర్హత సాధించిన తరువాత అక్కడే ఒక రెమెడీ తయారు చేసి, తోటి అభ్యర్ధికి SRHVP మీద తయారు చేసి చూపించారు. ఏడాది క్రితం అర్హత సాధించిన ఇద్దరు SVPలు తమ అనుభవాలను, కేసు చరిత్రలను మిగతా వారితో పంచుకున్నారు. శిబిరంలో పాల్గొన్నవారు ఈ 5-రోజుల శిబిరం చాలా విలువైనదిగా భావించారు. చివరిగా స్కైప్‌లో డాక్టర్ అగర్వాల్‌తో ప్రశ్నోత్తరాల సెషన్‌ ద్వారా కోర్సు ముగిసింది.

5. నైపుణ్యం పెంపొందించే శిబిరం, న్యూడిల్లీ, ఇండియా, 23 మార్చ్ 2019

డిల్లీ కో-ఆర్డినేటర్ మరియు ఉపాధ్యాయుని ⁰²⁰⁵⁹ ద్వారా సాయి ఇంటర్నేషనల్ సెంటర్‌లో నిర్వహించిన ఉత్తేజపరిచే వర్క్‌షాప్‌లో 19 మంది అభ్యాసకులు హాజరయి తమ విజయవంతమైన మరియు కష్టమైన కేసులను అంధరితో పంచుకున్నారు. డాక్టర్ అగర్వాల్ అభ్యాసకులకు నిరంతరాయంగా నిస్వార్థ సేవగా వైబ్రియోనిక్స్ సాధన కొనసాగించాలని మరియు స్వామి ముందు తీసుకున్న ప్రమాణం యొక్క నిజమైన స్ఫూర్తితో ప్రభువుకు లొంగిపోవాలని కోరారు. తదుపరి స్థాయికి వెళ్ళడానికి ప్రయత్నిస్తూ ఉండమని, జ్ఞానాన్ని మరియు నైపుణ్యాలను నిరంతరం నవీకరించుకుంటూ, సమిష్టి కృషి మీద నమ్మకముంచి వైబ్రియోనిక్స్ సరైన దిశలో వృద్ధి చెందేలాగా పరిపాలనా భాద్యతలను చేపట్టడానికి ముందుకు రంమ్మని కోరారు.

న్యూస్ లెటర్స్ లలో ఇటీవల తెలియచేసిన వైబ్రియనిక్స్ యొక్క ముఖ్యమైన మరియు కీలకమైన అంశాలను దీర్ఘంగా చర్చించారు.

• అభ్యాసకుడు 2 వారాలకు పైగా దూర ప్రాంతాలకి వెళ్ళేటట్లైతే వారి రోగులకు ముందుగానే ప్రత్యామ్నాయ ఏర్పాట్లు చేయాలి.
• వేడి చేసి చల్లార్చిన నీటితో కంటి చుక్కలు మరియు స్వచ్ఛమైన నూనె / నెయ్యితో చెవి చుక్కలు తయారుచేసేటప్పుడు జాగ్రత్త వహించడం; చర్మ సంబందిత సమస్యలకు నూనె, క్రీమ్ లేదా జెల్ లాంటివి కాకుండా సమర్థత కల్గిన నీటిని ఉపయోగించడం, మార్గదర్శకాలకు అనుగుణంగా కోణం, దూరం మరియు ప్రభావిత ప్రాంతం దృష్టిలో పెట్టుకొని చాయాచిత్రాలను తీయవలసిన ఆవశ్యకత; మరియు ప్రతి 2 సంవత్సరాలకు 108 CC బాక్స్ రీఛార్జింగ్ యొక్క ప్రాముఖ్యత.
• సరైన ఆహారం, నిద్ర, వ్యాయామం మరియు స్వచ్ఛమైన గాలిలో ధీర్గశ్వాసతో కూడిన ఆరోగ్యవంతమైన జీవనశైలి గురించి రోగులకు ప్రేరణ మరియు మార్గనిర్దేశం చేయడం.
• రెమెడీని తయారు చేసే సమయంలో రోగులకు వైబ్రియోనిక్సుకు సంబందించిన వార్తాలేఖలు / సమావేశ పుస్తకాలను ఇవ్వడం ద్వారా వారి విశ్వాసాన్ని పెంచడం.
• రోగ లక్షణాలు తగ్గిన తరువాత క్రమంగా రెమెడీస్స్ ని క్రమంగా తగ్గించడం, తరువాత రోగి యొక్క రోగనిరోధక శక్తిని పెంపొందించడానికి ప్రత్యామ్నాయ ప్రక్షాళన మరియు రోగనిరోధక శక్తిని పెంచే రెమెడీస్స్ లను ఇవ్వడం, తరువాత వ్యాధిని మూలాల నుండి పూర్తిగా నిర్మూలించడానికి మియాస్మ్‌లతో చికిత్స చేయడం.
• క్షమాగుణం ద్వారా మనసుని ప్రక్షాళన చేయడం