Sai Vibrionics Newsletter

" Whenever you see a sick person, a dispirited, disconsolate or diseased person, there is your field of seva. " Sri Sathya Sai Baba
Hands Reaching Out

అదనంగా

Vol 14 సంచిక 6
నవంబర్ / డిసెంబర్ 2023

1. ఆరోగ్య కథనం

సమ తుల్య ఆహారంలో అవసరమైన స్థూల పోషకాలను చేర్చడం

  “భౌతిక శరీరం అన్నమయ కోశ నిర్మితము, శరీరం క్షణభంగుర మైనది, కానీ మీరు దాన్ని పోషించాలి, ఎందుకంటే సరైన పోషక కారకమైన ఆరోగ్యకరమైన శరీరము మాత్రమే ప్రాణమయ కోశము మరియు మనోమయ కోశము నకు మద్దతు ఇస్తుంది. ప్రాణమయ కోశము శరీరంలోని ప్రాణ శక్తి సమతుల్య ప్రవాహానికి సహాయపడుతుంది”...సత్యసాయిబాబా 1

పరిచయము : ఆరోగ్యం యొక్క ప్రధాన లక్షణం “శారీరక, మానసిక, మరియు సామాజిక శ్రేయస్సు యొక్క సంపూర్ణ స్థితి”2 స్థిరమైన మంచి ఆరోగ్యానికి సరిపడినంత మరియు తగు విధమైన ఆహారం, వ్యాయామం, విశ్రాంతి, నిద్ర, సంతృప్తికరమైన వృత్తి మరియు బాల్యం నుండి కూడా వినోదంతో పాటు మానసిక శాంతి కూడా ప్రధానంగా ఉండాలి. ఇందులో స్థూల మరియు సూక్ష్మ పోషకాల సమతుల్య ఆహారం ప్రధాన పాత్ర పోషిస్తుంది. ఈ ఆరోగ్య కథనం అవసరమైన స్థూల పోషకాలను పరిశీలిస్తుంది.  

1. స్థూల పోషకాలు అంటే ఏమిటి ?  

1.1 కార్బోహైడ్రేట్లు, ప్రోటీన్లు, మరియు కొవ్వులు సమూహంగా CPF “మాక్రో న్యూట్రియంట్స్” (సంక్షిప్తంగా మాక్రోస్)  Carbohydrates (carbs) are the primary అని పిలుస్తారు. ఇది శరీరం ఉత్పత్తి చేయదు కానీ అది సరైన రీతిలో పనిచేయడానికి ఇవి ఖచ్చితంగా అవసరం. కార్బోహైడ్రేట్లు( పిండి పదార్థాలు) కేంద్రం నాడీ వ్యవస్థ, మెదడు మరియు కండరాలకు కీలకమైన ప్రాథమిక శక్తి వనరు. కణజాలాలను నిర్మించడానికి మరియు మరమ్మత్తు చేయడానికి జీవక్రియను నియంత్రించడానికి ఎంజైములను ఉత్పత్తి చేయడానికి మరియు శరీరం అంతటా పోషకాలు రవాణా చేయడానికి ప్రోటీన్ చాలా ముఖ్యమైనది. ప్రోటీన్ లోని అమినోయాసిడ్లు ఇన్ఫెక్షన్లతో పోరాడేందుకు రోగ నిరోధక వ్యవస్థ ఏర్పరుస్తాయి. కొవ్వులు శరీరానికి శక్తి నిల్వలు, ఇవి అవసరమైన కొవ్వు ఆమ్లాలను అందిస్తాయి, తీవ్రమైన ఉష్ణోగ్రతల నుండి శరీరాన్ని నిర్వహిస్తాయి మరియు శరీర మరియు ఆరోగ్యకరమైన హార్మోన్ సమతుల్యతను కాపాడుతాయి.3,4,5

1.2 CPF నిష్పత్తి : పిండి పదార్థం, ప్రోటీన్, కొవ్వులు ఒక ఆదర్శ వంతమైన నిష్పత్తిలో ఎప్పటికీ ఉండవు. ఐతే 40-65% కార్బోహైడ్రేట్, 10-35% ప్రోటీన్ మరియు 20-35% కొవ్వు, సంతృప్త కొవ్వు 10% సీలింగ్ తో కూడినటువంటి ఒక విస్తృత ఫ్రేమ్ వర్క్ ఆకృతిలో ఒకరి శరీరకూర్పు, స్త్రీ పురుష బేధము, బరువు, వృత్తి, జీవనశైలి, మరియు ఆరోగ్య స్థితిని పరిగణనలోనికి తీసుకున్న తర్వాత ఒకరి మొత్తం క్యాలరీల అవసరాల ఆధారంగా వీటన్నింటిని సమతుల్య ఆహారంలో చేర్చాల్సిన నిష్పత్తిని మనం ప్లాన్ చేసుకోవాలి. ఉదాహరణకు సగటు ఆరోగ్యవంతమైన పెద్దలకు 50- 20- 30 నిష్పత్తిలో, 60 ఏళ్లు పైబడిన వారికి 45- 25- 30 నిష్పత్తిలో, మరియు బరువు తగ్గడమే లక్ష్యంగా ఉన్న వారికి 40-40-20 నిష్పత్తిలో తీసుకోవాలి.3,4,5

2. మన శక్తి అవసరాలు-ప్రాధమిక విషయాలు

2.1 కేలరీ అంటే ఏమిటి ? కేలరీ అంటే జీవక్రియ జరుప బడినప్పుడు ఆహారం ద్వారా విడుదలయ్యే శక్తి యొక్క కొలత. ఇది సాధారణంగా కిలో క్యాలరీలలో వ్యక్తీకరించబడుతుంది(క్యాలరీ చాలా చిన్న యూనిట్ కాబట్టి) కిలో క్యాలరీ ని సంక్షిప్తంగా kcal లేదా కేలరీ అని వ్రాయబడుతుంది. కారు పెట్రోల్ నుండి శక్తిని గ్రహించిన రీతిగా మన శరీరం కార్బోహైడ్రేట్లు ప్రోటీన్లు మరియు కొవ్వుల నుండి శక్తిని సంగ్రహిస్తుంది. పిండి పదార్థాలు మరియు ప్రోటీన్లు గ్రాముకు 4 క్యాలరీల శక్తిని ఉత్పత్తి చేస్తే కొవ్వు గ్రాముకు 9 క్యాలరీలు శక్తిని ఇస్తుంది.4,5,6

2.2 రోజుకు అవసరమైన కేలరీ శక్తి: రోజుకు మహిళలకు 1600 నుంచి 2,400 క్యాలరీలు మరియు పురుషులకు 2000 నుంచి 3200 క్యాలరీల వరకు అవసర మవుతుంది. 6-8

2.3 వర్క్ అవుట్ :

శ్వాసక్రియ, జీర్ణక్రియ, వంటి కీలక విధులను కొనసాగించడానికి అవసరమైన కనీస శక్తి స్థాయి మరియు సర్కులేషన్ అనేది ఒకరి  బరువు, ఎత్తు, వయసు, మరియు నిశ్చల జీవనశైలి నుండి చురుకు జీవన శైలి వరకు వారి యొక్క శారీరక శ్రమ స్థాయిపై ఆధారపడి ఉంటుంది. క్రింది లింకులలో ఇవ్వబడిన సూత్రాల ఆధారంగా పనితీరు తెలుసుకోవచ్చు.6-8

3. ఆరోగ్య వంతమైన కార్బో లను ఎంచుకోవడం:

3.1 కార్బో హైడ్రేట్ లు పంచదార, స్టార్చ్ మరియు ఫైబర్లను కలిగి ఉండి ప్రకృతిలో పచ్చని మొక్కల ద్వారా ఏర్పడిన అత్యంత సమృద్ధిగా మరియు విస్తృతమైన శ్రేణిలో లభించే సేంద్రియ ఆహార పదార్థములు. చక్కెర సాధారణ కార్బో హైడ్రేట్, ఇది తక్షణ శక్తిని ఇస్తుంది. ఇందులో ఫ్రూట్ షుగర్(ఫ్రక్టోజ్), టేబుల్ షుగర్(సుక్రోజ్), మిల్క్ షుగర్(లాక్టోజ్) ఇవన్నీ కూడా సహజంగా పండ్లు కూరగాయలు, పాలు పాల ఉత్పత్తులలో ఉంటాయి. స్టార్చ్ మరియు ఫైబర్ అనేవి పండ్లు, కూరగాయలు, ధాన్యాలు, మరియు ఉడికించిన బీన్స్ మరియు బఠానీలలో కనిపించే సంక్లిష్ట పిండి పదార్థాలు. అవి శరీరానికి ధృఢత్వాన్ని, బలాన్ని, మరియు ఎక్కువ కాలం శక్తిని ఇస్తాయి. చాలా వరకు పండ్లలో ఫైబర్ పుష్కలంగా ఉంటుంది కానీ అరటి మరియు ఖర్జూరాలలో స్టార్చ్ చాలా ఎక్కువగా ఉంటుంది9,10.  

3.2 చాలామంది ప్రజల ఆహారంలో కార్బోహైడ్రేట్ లు ఎక్కువగా ఉంటాయి. ప్రజల యొక్క ప్రధాన ఆహార వనరులు, మరియు వారి ఆచారాల ఆధారంగా పాశ్చ్యత్య దేశాల్లో స్టార్ట్ నిష్పత్తి 50%గాను, ఆసియా మరియు ఆఫ్రికాలో దేశాలలో 80% వరకు ఉంటుంది.  కార్బో అనేది శరీరానికి కావాల్సిన ఇంధన వనరు అయినప్పటికీ ఇది కనీస అవసరాలు తీర్చలేని ఏకైక స్థూల పదార్థం. రోజుకు 275 గ్రాముల కార్బోహైడ్రేట్లు సిఫారసు చేయబడినప్పటికి తక్కువ తీసుకోవడం రక్తంలో చక్కెరను తగ్గించడంలో మరియు హార్మోన్ల అసమతుల్యతను నివారించడంలో సహాయపడవచ్చు5,9,11-14. ఈ కథానిక చివరిలో ఇచ్చిన  లింకుల ఆధారంగా కార్బో హైడ్రేట్ ల లిస్టు ప్రకారం ప్రతీ వస్తువుకు ఏ పరిమాణంతో ఒక వ్యక్తి తీసుకోవాలో ట్రాక్ చేయవచ్చు13-19.

జాగ్రత్తలు: సరళ కార్బో హైడ్రేట్ లను అధికంగా తీసుకోవడం రక్తంలో విడుదల చేయబడిన చక్కెరను నిరోధించ డానికి ఇన్సులిన్ ఎక్కువ ఉత్పత్తికి కారణ మవుతుంది. అధికంగా చేరిన కార్బో హైడ్రేట్లు కొవ్వు వలె నిలువ చేయబడి ఉదర పెరుగుదలకు, అంతేకాక శరీరంలో నీటిని అధికంగా నిలువ చేయడం వలన  ఉబ్బరం, గ్యాస్ మరియు ఏర్పడవచ్చు.20,21

3.3 ఫైబర్ అధికంగా ఉండే ఆహారం:

  ఫైబర్ అనేది మొక్కల నుండి లభించే ఆహారాల్లో ప్రత్యేకించి వాటి కణ గోడలలో ఉంటుంది. పండ్లు, ఓట్ మీల్, చియా గింజలు కాయ ధాన్యాల్లో ఉండే కరిగే ఫైబర్ కడుపు మరియు ప్రేగుల నుండి జీర్ణశయాంతర ద్రవాలలో కరిగిపోయినప్పుడు అది పెద్దప్రేగులలో జీర్ణం అయ్యే జెల్ లాంటి పదార్థాన్ని ఏర్పరుస్తుంది. ఇది మొత్తం జీర్ణక్రియను మెరుగుపరుస్తుంది, కొవ్వులు శోషించబడకుండా నిరోధిస్తుంది, మరియు రక్తంలో కొలెస్ట్రాల్ మరియు చక్కెరను తగ్గిస్తుంది. పులియబెట్టబడే ఫైబర్ కొన్ని చిక్కుళ్ళు, పచ్చి అరటి, లీక్స్, ఉల్లిపాయ మరియు వెల్లుల్లిలో ఆరోగ్యకరమైన గట్ బ్యాక్టీరియాను పోషిస్తుంది. (వండి చల్లపరిచిన అన్నం, బంగాళాదుంపలు పచ్చి అరటి, వివిధ రకాల పప్పు దినుసులు, జీడిపప్పులు మరియు పచ్చి ఓట్స్ లో ఉండే రెసిస్టెంట్ స్టార్చ్ పులియ పెట్ట బడిన  ఫైబర్ల మాదిరిగానే పనిచేస్తుంది). తృణ ధాన్యాలు, పచ్చి బఠానీలు, పొట్టు తీయని బంగాళదుంపలు, మరియు అనేక రకాల గింజలు మరియు విత్తనాలలో కనిపించే  కరగని ఫైబర్ క్యాలరీలను విడుదల చేయదు కానీ సమూహ ప్రతినిధి గా (బల్కింగ్ ఏజెంట్గా) పని చేస్తుంది, మరియు ప్రేగుల కదలికలను సులభతరం చేస్తుంది. పెద్దలకు రోజుకు కనీసం 20-35 గ్రాముల ఫైబర్ మంచిది కానీ వయసు పైబడిన వారికి ఈ అవసరం కొంచెం తక్కువ ఉంటుంది. 2-5 సంవత్సరాల వయసు ఉన్న పిల్లలకు ఇది 15 గ్రాములుగా ఉండి వయసు పెరిగే కొద్దీ  క్రమంగా పెంచబడుతుంది. ఒక కప్పు అన్నము, పప్పులు, కొన్ని పండ్లు మరియు కూరగాయలు రోజువారి ఫైబర్ అవసరాన్ని తీర్చగలగాలి. అనేక రకాల ఫైబర్స్ తీసుకోవడం వల్ల పేగు క్యాన్సర్ వచ్చే ప్రమాదం తగ్గుతుంది.22-30

హెచ్చరిక : అధిక ఫైబర్ తీసుకోవడం వలన కడుపు నిండి నట్లుగా అని పించి ఆవసరమైన ఇతర పోషకాలను తీసుకోవడంలో నిరోధింప బడడమే కాక త్రేనుపులు, గ్యాస్, మలబద్ధకం ఏర్పడే అవకాశాలు ఉన్నాయి.23 

4. ప్రోటీన్ అధికంగా ఉండే ఆహారాన్ని ఎంచుకోవడం

4.1 మన శరీరంలోని ప్రతీ భాగము మరియు దాని కణజాలాలలో ప్రోటీన్ కనిపిస్తుంది. మన శరీరం అమైనో ఆమ్లాలు అని పిలవబడే 20 కంటే ఎక్కువ బిల్డింగ్ బ్లాకుల నుండి ప్రోటీన్ లు (వీటిలో 9 రకాలు మన శరీరం తయారు చేయలేదు కాబట్టి అవి ఎంతో అవసరం) ఆహార పదార్థాల నుండి తీసుకోబడతాయి. నిశ్చల జీవన శైలి గల సగటు వయోజన వ్యక్తి అనారోగ్యం బారిన పడకుండా నిరోధించడం కోసం సిఫార్సు చేయబడిన కనీస రోజువారి ఆహారం మనిషి శరీర బరువులో 08g/kg, లేదా 0.36g/పౌండ్. ఆరోగ్యకరమైన జుట్టు, 4,12,31-33

4.2 గుడ్లు: ఒక గుడ్డులో ఆరు గ్రాముల ప్రోటీన్ కలిగిన ఆహారంగా ప్రపంచవ్యాప్తంగా ఇష్టపడుతున్న అధిక ప్రోటీన్ కలిగిన ఆహారం. కానీ వాణిజ్యపరంగా విక్రయించే గుడ్లు ఆరోగ్యకరం కాదని, వాణిజ్యపరంగా పెంచిన కోళ్లు ప్రతికూల పరిస్థితులలో జీవిస్తాయి మరియు అనారోగ్యానికి గురికాకుండా నిరోధించడానికి యాంటీబయాటిక్ ఇంజక్షన్ చేయడం వల్ల ప్రజలు యాంటీబయాటిక్ లకు నిరోధకతను కలిగి ఉంటారని అధ్యయనాలు చూసిస్తున్నాయి. మొక్కల ఆధారిత నాణ్యమైన ప్రోటీన్ విత్తనాలు మరియు గింజలనుండి లభిస్తాయి. ( ఉదాహరణకు వాల్నట్లు, బాదం, పెఖాన్లు వీటిలో ఒక పిడికెడు పరిమాణంలో 6 గ్రాముల ప్రోటీన్లు ఉంటాయి). వండిన చిక్కుళ్ళు(, బఠానీ లు, వేరుశనగలు, బీన్స్, తృణ ధాన్యాలు జీలకర్ర గింజలు మరియు బే ఆకుతో వండినప్పుడు సులభంగా శోషించబడతాయి) వేపించిన పప్పులు, మరియు దాని పొడి, క్వినోవా, ఓట్లు, సంపూర్న సోయా, బచ్చలి కూర వంటి కూరగాయలు, బంగాళదుంప, చిలకడదుంప, మరియు బ్రోకలీ లో అధిక ప్రోటీన్లు లభిస్తాయి. పాల ఆధారిత వనరులు A2 పాలు (10 గ్రాములు/ కప్పు) కాటేజ్ చీజ్ (11.5g/ 100 గ్రాములు), పెరుగు (8.5g/కప్పు) ఐతే ఇవి ప్రాధాన్యతా పరంగా తాజాగా మరియు ఇంట్లో తయారు చేసిన వై ఉండాలి.  31-37

4.3 సరియైన పాళ్లలో ప్రోటీన్ తీసుకోవడానికి ప్రతీ రోజు తినే ఆహారములో వీటిని చేర్చడం ముఖ్యం.31

హెచ్చరిక : అధిక ప్రోటీన్ తీసుకోవడం మూత్రపిండ రుగ్మత మరియు మూత్రం ద్వారా కాల్షియం నష్టానికి దారి తీస్తుంది  శాఖాహారులు తీసుకునే విధంగా ప్రోటీన్లను తక్కువ తీసుకుంటూ శరీరానికి అలవాటు పడేలా క్రమంగా పెంచండి, లేకుంటే పొత్తికడుపులో అసౌకర్యానికి దారి తీయవచ్చు. ప్రోటీన్ పౌడర్ ను సప్లమెంటుగా తీసుకొనే టట్లైతే ఎడిటివ్స్ లేకుండా జాగ్రత్త పడాలి. ఇది వారి రోజువారీ అవసరాలలో 10% మించ కూడదు.36,38

5. ఆరోగ్య కరమైన కొవ్వులను ఎంచు కోవడం.

మీకు రోజుకు 2000 క్యాలరీల ఆహారం అవసరమైతే అందులో మొత్తం కొవ్వు భాగం70 గ్రాములు(=630 క్యాలరీలు @9 క్యాలరీ / గ్రామ్) కు మించకూడదు. మీరు బరువు తగ్గాలనుకొంటే కొవ్వు చాలా తక్కువగా ఉండాలి. మీరు ఆరోగ్య కరమైన కొవ్వులను తీసుకోవాలనుకుంటే మొక్కల ఆహారాల నుండి లభించే విత్తనాలు అనగా వాల్నట్లు(అక్రోట్లు), గింజలు ప్రత్యేకించి అవిసె మరియు చిక్కుళ్ళు, బఠానీలు, మొలకలు, అవకాడో మరియు బచ్చలి కూర వంటివి తీసుకోవాలి. పాల ఉత్పత్తులలో కనిపించే సంతృప్త కొవ్వులను అవి కూడా మీరు తీసుకునే మొత్తం క్యాలరీలో 5-10% కంటే మిన్చి ఉండకుండా జాగ్రత్త వహిస్తూ తీసుకోండి. కొబ్బరి నుండి సంతృప్తి కొవ్వు ప్రయోజనకరంగా ఉంటుందని అధ్యయనాలు చెబుతున్నాయి12,37,39-44

హెచ్చరిక  ; ప్యాక్ చేసిన వేయించిన మరియు బేకింగ్ చేసిన ఆహారాల్లో ఎక్కువగా కనిపించే హానికరమైన ట్రాన్స్ ఫ్యాట్ లను నివారించండి.

 6. స్థూల పోషకాలను సమతుల్యం చేయడానికి చిట్కాలు:  

  

తుది పలుకు : స్థూల పోషకాల యొక్క ప్రాధాన్య మూలాలు ఎక్కువ మొక్కల ఆధారిత పూర్తి ఆహారాలుగా ఉండాలి తప్ప సప్లిమెంట్లు గా కాదు. అలాగే ప్రతీదీ మితంగానే తీసుకోవాలి. ఆహారంలో మార్పులు పరిస్థితికి అనుగుణ్యంగా మరియు క్రమాను గతంగా ఉండాలి, ఎందుకంటే శరీరం మార్పును స్వీకరించడానికి కొంత సమయం తీసుకుంటుంది.   

రిఫెరెన్సు లు మరియు లింకులు

  1. Sri Sathya Sai Speaks on “Nature of Self”, Divine Discourse, Kodaikanal, 28 April 1999: sss32p1-13.pdf (sssbpt.info)
  2. World Health Organization(WHO) Definition Of Health - Public Health
  3. What are macros: https://www.foodnetwork.com/healthyeats/healthy-tips/what-are-macronutrients
  4. What Are Macronutrients? All You Need to Know (healthline.com)
  5. Macronutrient ratios: Daily Diet Composition Charts for Carbs, Protein, and Fat (verywellfit.com)
  6. Recommended Calories: https://www.verywellfit.com/what-is-a-calorie-and-why-should-i-care-3496238
  7. Calories calculation: https://www.verywellfit.com/how-many-calories-do-i-need-each-day-2506873
  8. BMR: https://www.wikihow.com/Calculate-Basal-Metabolic-Rate
  9. What is a Carb: https://www.brittanica.com/science/carbohydrate
  10. Types of Carbs: https://www.mayoclinic.org/healthy-lifestyle/nutrition-and-healthy-eating/in-depth/carbohydrates/art-20045705#
  11. No minimum carbs prescribed: https://ncbi.nlm.nih.gov/pmc/articles/PMC5996878/
  12. Body’s Preferred fuel source: Macronutrients: 3 Types of Food Your Body Needs Daily (verywellfit.com)
  13. RDA for carbs: https://www.myfooddata.com/articles/foods-highest-in-carbohydrates.php
  14. Carbs and Insulin response: How Many Carbs Should a Person with Diabetes Have? (healthline.com)
  15. Carbs list: https://www.med.umich.edu/1libr/MEND/CarbList.pdf
  16. https://www.healthline.com/nutrition/12-healthy-high-carb-foods
  17. https://www.medicalnewstoday.com/articles/323110
  18. Determining food portions for fruits: https://www.bhf.org.uk/informationsupport/support/healthy-living/healthy-eating/healthy-eating-toolkit/food-portions/fruit
  19. Portion of vegetables: https://www.eatforhealth.gov.au/food-essentials/how-much-do-we-need-each-day/serve-sizes#
  20. Blood Sugar Spikes: Symptoms and How to Manage Them (verywellhealth.com)
  21. Do Carbs Make Your Belly Fat? | Healthfully
  22. Fibre: https://www.usta.com/content/dam/usta/pdfs/USTAFiber.pdf
  23. Soluble vs. Insoluble Fiber: What’s the Difference? (healthline.com)
  24. https://medicalnewstoday.com/articles/319176#what-are-the-benefits-of-fiber
  25. https://hsph.harvard.edu/nutritionsource/carbohydrates/fiber/
  26. Fibre - British Nutrition Foundation
  27. What Are High Fiber Foods? Chart, Fiber Needs, and More (healthline.com)
  28. https://health.clevelandclinic.org/high-fibre-foods/
  29. The Top 25 Fruits High In Fiber - Nutrition Advance
  30. https://healthline.com/nutrition/resistant-starch-101#how-to-add
  31. Protein: https://hsph.harvard.edu/nutritionsource/what-should-you-eat/protein/
  32. Essential Amino acids: https://my.clevelandclinic.org/health/articles/22243-amino-acids
  33. 5 Amazing vegetarian protein foods better than egg—fit tuber: https://youtube.com/watch?v=Pcd28t9x8w87t=459s
  34. https://hopkinsmedicine.org/wellness-and-prevention/5-protein-packed-foods-for-healthy-meatless-meals
  35. https://pharmeasy.in/blog/list-of-protein-rich-food-for-vegetarians/
  36. How much protein you need for weight loss: How much PROTEIN do you need for weight loss? - YouTube
  37. Fat and Protein in fruits: Fruits Protein And Fruits Fat Content (dailyonefruit.com)
  38. Excess protein: https://pubmed.ncbi.nlm.nih.gov/9614169
  39. Track your fats: https://newsnetwork.mayoclinic.org/discussion/fat-grams-how-to-track-fat-in-your-diet/
  40. Healthy fats: https://helpguide.org/articles/healthy-eating/choosing-healthy-fats.htm
  41. https://www.hsph.harvard.edu/nutritionsource/what-should-you-eat/fats-and-cholesterol/
  42. Goodness of coconut oil: https://www.hsph.harvard.edu/nutritionsource/food-features/coconut-oil/
  43. https://www.healthline.com/nutrition/healthy-cooking-oils#TOC_TITLE_HDR_3
  44. Healthy Eating Plate | The Nutrition Source | Harvard T.H. Chan School of Public Health
  45. Melt extra fat: https://www.youtube.com/watch?v=gjYVS8m91UU
  46. Should you try the keto diet? - Harvard Health

_______________________________________________________________________________________________

2.UK వార్షిక సమావేశము, లండన్, 24 సెప్టెంబర్ 2023

యూకే కోఆర్డినేటర్02822 నిర్వహించిన ఈ జాతీయ సమావేశానికి 21 మంది ప్రాక్టీషనర్లు వ్యక్తిగతంగా హాజరయ్యారు మరియు 8 మంది ఆన్లైన్లో పాల్గొన్నారు. సెమినార్ లో సమర్పింపబోయే మొత్తం మెటీరియల్ను కోఆర్డినేటర్ కు ముందుగానే పంపడంతో వారు దీన్ని యూకే ప్రాక్టీషనర్లు అందరికీ పంపిణీ చేశారు.

1994లో స్వామివారి ఆశీస్సులతో వైబ్రియానిక్స్ ప్రారంభించినప్పటి నుంచి వైబ్రియానిక్స్ సేవలో యూకే ముందంజలో ఉందని డాక్టర్ అగర్వాల్ తన ప్రసంగంలో తెలియ జేశారు. ప్రాక్టీషనర్లు తమ యొక్క రోగులు, స్నేహితులు, బంధువులు, మరియు సాయి కేంద్రాల సభ్యులు ఇలా ఈ వైబ్రో సేవను చేపట్టడానికి మరింత మంది కొత్త వ్యక్తులను పరిచయం చేయడం ద్వారా ఈ మిషన్ ఊపందుకుంటుందని ఆయన సమావేశములో సభ్యులను ప్రోత్సహించారు. తన మరియు UK కోఆర్డినేటర్ యొక్క పని భారాన్ని తగ్గించడానికి నిర్వాహక(అడ్మిన్) పనిని చేపట్టడానికి మరింత మంది ప్రాక్టీషనర్లు ముందుకు రావాలని వారు విజ్ఞప్తి చేశారు. ఇప్పటికే IT వర్కంతా తన భుజ స్కందాలపై వేసుకొని సేవలు నిర్వహిస్తున్న ప్రాక్టీషనర్03531 కు ఇది ఎంతో ఊరట నిచ్చేదిగా ఉంది. అడ్మిన్ సేవ కోసం ప్రాక్టీషనర్ల నుండి కాక ఇతరులను నియామకం చేసుకొని వారికి పూర్తి స్థాయి శిక్షణ ఇవ్వడం ద్వారా ఎంతో ఉపయుక్తంగా ఉంటుందని ప్రాక్టీషనర్02802 ఎంతో విలువైన సూచన చేసారు.

సమావేశంలో సమర్పించిన రెండు పవర్ పాయింట్ ప్రజెంటేషన్లో మొదటిది డాక్టర్ భిషక చౌదరి టైప్ 2 మధుమేహం, రక్త పోటు, హై కొలెస్ట్రాల్ లను నిజ జివితంలో సమర్ధవంతంగా ఎలా పరిష్కరించ గలగాలో వివరంగా తెలిపారు. ఈ మూడింటిలో ప్రతీ ఒక్కటి చికిత్స లేకపోతే ప్రాణాంతకం ఔతాయి అని తెలిపారు. ఇవి మూడు కలిసే ప్రభావితం చేస్తూ ఉంటాయి, అంతేకాక ఈ మూడు గుండె పోటు మరియు స్ట్రోక్ కు దారి తీస్తాయి. సరళ మైన మరియు అనువైన జీవన విధాన పద్ధతుల ద్వారా ఈ రుగ్మతలను ముందుగానే అరికట్టుకొనే విధానాలకు ప్రాముఖ్యత ఇవ్వబడింది. చక్కర తక్కువగా ఉన్న ఆహారం, కార్బో హైడ్రేట్లు, లవణాలు మరియు సంతృప్త కొవ్వులు, అధిక ఫైబర్ ఉన్న పప్పు ధాన్యాలు, అపరాలు, నీటిని అధికంగా తీసుకోవడం(రోజుకు రెండు లీటర్లు) ఇవి ఆకలిని తగ్గిస్తాయి. ప్రతీ రోజు క్రమం తప్పకుండా ఎక్సర్ సైజ్ చెయ్యడం ద్వారా బరువు తగ్గడం అలాగే గుండె పై వత్తిడి ఆందోళన తగ్గుతాయి. సరైన సమయానికి క్రమం తప్పకుండా ముఖ్యంగా సాయంత్రం 8 గంటల లోపు ఆహారం తీసుకోవడం ఉత్తమం.

మరొక ప్రెజెంటేషన్ SVP 02802 “ప్రాణాంతక మైన వైద్య అత్యవసర పరిస్థితులు”అనే టాపిక్ పై 33 సంవత్సరాలుగా GPగా పనిచేసిన తన అనుభవములను ఉటంకిస్తూ అవగాహన ప్రాణాలను కాపాడుతుంది అని నొక్కి చెప్పారు. తక్షణ వైద్య సంరక్షణ అవసరమయ్యే క్రింది అత్యవసర పరిస్థితులను ఆమె వివరించారు. 30 నిమిషాలకు పైగా అపస్మారక స్థితి లేదా ఛాతి నొప్పి, శ్వాస తీసుకోవడంలో ఇబ్బంది, తీవ్రమైన రక్తస్రావం, షాక్ గురైన లక్షణాలు, సెప్సిస్ లేదా మెనుం జైటీస్ సంకేతాలు, ఆకస్మిక తీవ్రమైన తలనొప్పి, తీవ్రమైన అలర్జీ ప్రతి చర్య, తీవ్రమైన కాలిన గాయాలు, మరియు ఉక్కిరి బిక్కిరి చేయడం ఇవన్నీ అత్యవసర పరిస్థితిగా గుర్తించాలి.  మరియు సహాయం వచ్చేవరకు అటువంటి పరిస్థితులను ఎలా ఎదుర్కోవాలి అనే దానిపై ఆమె ఉపయోగకరమైన చిట్కాలను అందించారు.

కోఆర్డినేటర్ IB ని ఉపయోగించడం కొనసాగించమని ప్రాక్టీషనలకు గుర్తు చేస్తూ ముగించారు. తను తన ఇల్లు మరియు గార్డెన్ లో క్రమం తప్పకుండా ప్రతీరోజూ IB చిలకరిస్తారు, మరియు ఈ ప్రాంతాలను పరిశుభ్రంగా ఉంచడానికి IB సహాయపడుతుందని విశ్వ సిస్తారు. ఎనిమిది మంది ప్రాక్టీషనర్లు తమ108 CC బాక్సు లను రీఛార్జి చేసుకునే అవకాశాన్ని పొందారు.

*పూర్తి వివరాలు పవర్ పాయింట్ ఫార్మేట్ లో [email protected] నుండి అభ్యర్థన పై అందుబాటులో ఉంటాయి. 

_______________________________________________________________________________________________

3.సాయి వైబ్రియానిక్స్ ఇన్సిటూట్ ఫర్ రెసెర్చ్ మరియు ట్రైన్నింగ్ (SVIRT ) ద్వారా సామూహిక కార్యకలాపాలకు కొత్త ఒరవడి

క్యాంపులు /శిబిరాలు

ఆర్ సి ల అలుపెరగని ప్రయత్నం మరియు స్థానిక ప్రాక్టీషనర్లు ఉత్సాహంగా పాల్గొనడం ద్వారా భారీ వర్షాలకు కూడా లెక్క చేయకుండా కేవలం 7 నెలల్లో సెప్టెంబర్ ముగిసే వరకు 118 మంది ప్రాక్టీషనర్లు మహారాష్ట్ర, ఆంధ్రప్రదేశ్, తెలంగాణ, మరియు గుజరాత్ లో 17 కొత్త వేదికలతో సహా మొత్తం 97 ప్రదేశాలలో 968 శిబిరాలు నిర్వహించారు. ఇతర రాష్ట్రాలు ఐన కేరళ, కర్ణాటక, రాజస్థాన్, ఢిల్లీ, హర్యానా, ఉత్తరప్రదేశ్, ఉత్తరాఖండ్, తమిళనాడు, పశ్చిమ బెంగాల్, మరియు ఒడిశాలలో కూడా శిబిరాలు నిర్వహింప బడ్డాయి. శిబిరాలు సాధారణంగా నెలవారిగా మరియు కొన్ని ప్రదేశాలలో స్థానిక డిమాండ్ ను బట్టి వారానికి ఒకసారి నిర్వహించబడుతున్నాయి. మొత్తం 32,837 రోగులు చికిత్స పొందారు. ఈ ఒరవడి భవిష్యత్తులో మరింత పటిష్టంగా  కొనసాగుతుందని భావిస్తున్నారు.

పుట్టపర్తి లో వైబ్రో క్లినిక్    

స్థానిక మరియు సందర్శన ప్రాక్టీషనర్లు చే SVIRT కార్యాలయంలో వారానికి రెండుసార్లు సాధారణ క్లినిక్ నిర్వహించబడుతుంది.

ప్రేమ తరు జాతీయ మొక్కలు నాటే కార్యక్రమంలో భాగస్వామ్యం

2023 సెప్టెంబర్ 16 మరియు అక్టోబర్ 14 భారతదేశంలోని ఉత్తర ప్రాంతంలో ఎనిమిది మంది ప్రాక్టీషనర్లు, బాలవికాస్ పిల్లలు, సేవా దళ్ మరియు స్థానిక నివాసితుల భాగస్వామ్యంలో   వైబ్రియానిక్స్ సంరక్షణలో మొత్తం 278 మొక్కలు నాటబడ్డాయి. బలమైన పునాది కోసం CC1.2 Plant tonic నాటే సమయంలో ఉపయోగించబడింది, మరియు అనంతర సంరక్షణ కోసం తగిన ఇతర రెమిడిలను వాడటం జరిగింది. ఇప్పటివరకు నాలుగు రాష్ట్రాల్లో 278 మొక్కలు, ఢిల్లీలో 232, హర్యానాలో 38 యూపీలో 5, ఉత్తరాఖండ్లో 3 మొక్కలు నాటారు.  మన పర్యావరణ పరిరక్షణకు సంబంధించి చేపట్టే సహాయక కార్యక్రమాలకు SVIRT కట్టుబడి ఉంటుందని తెలిఫేందుకు ఇది ప్రారంభ సూచిక మాత్రమే.

_______________________________________________________________________________________________

4.ఉదంతం

ప్రాణాపాయ స్థితిలో ఉన్న రోగి పై సాయి అనుగ్రహం 03598…UK

ప్రాక్టీషనరుకు సన్నిహిత కుటుంబ సభ్యుడు ఐన 93 ఏళ్ల భార్యా విహీనుడు, పొరుగువారు మరియు స్నేహితుల సహకారంతో ఒంటరిగా నివసిస్తున్నారు. ఇతను తన మోకాలు మరియు వెన్నుముక యొక్క ఆస్టియో ఆర్థరైటిస్ వ్యాధి తప్ప ఆరోగ్యంగానే ఉండేవారు. తన మోకాళ్ళకు సాధారణ స్టెరాయిడ్ ఇంజక్షన్ అందుకుంటు పాక్షిక ఉపశమనం పొందుతున్నారు. వారు 2023 మార్చి లో బాత్రూంలో పడిపోయి తీవ్రమైన అల్పోష్ణస్థితికి (హైపో థెర్మియకి) గురై ఆస్పత్రిలో చేరేంత వరకు కూడా స్వతంత్రంగా జీవిస్తూ బాగానే ఉండేవారు. అప్పటినుండి ఈ సంఘటన పునరావృతం అయ్యే మూత్ర మరియు ఛాతీ సంబంధిత అంటువ్యాధులు మరియు సాధారణ ఆరోగ్యంలో క్రమ క్షీణత వఆంటీ సంక్షోభాల శ్రేణిని ప్రారంభించింది. వారికి కీళ్ల నొప్పులు తీవ్రంగా పెరగడంతో తను పూర్తిగా మంచం పట్టారు. వారి రెండు మోకాళ్లు వాచిపోయి కేవలం స్పర్శకే బాధతో విలవిలలాడే పరిస్థితి ఏర్పడింది. తను బలమైన ఓపియేట్ అనాల్జసిక్ మందులపై ఆధారపడ్డా చాలా స్వల్పంగామాత్రమే తేడా ఉంటోంది.

వివిధ ఇన్ఫెక్షన్ ల కారణంగా ఆసుపత్రిలో చాలాకాలం గడపడంతో కోలుకోబడే ఆశ కూడా క్షీణించ సాగింది. ఎక్కువగా మగతగా ఉంటున్నారు. తినడానికి నిరాకరిస్తున్నారు. యాంటీబయాటిక్స్ యొక్క రెండు కోర్సులు పూర్తి చేసిన తర్వాత కూడా ఇవ్వబడే సూచనలు లేదా ఆదేశాలకు స్పందించడం చాలా పేలవంగా ఉంది. తను బలమైన మందులు పై ఉన్నప్పటికీ కాళ్ల ప్రతి చిన్న కదిలికకు అరుస్తున్నారు. చివరి ప్రయత్నంగా అతనికి నొప్పి నుండి ఉపశమనం పొందడంలో సహాయపడటానికి ఇటీవలే పదవీ విరమణ పొందిన ఈ వైద్యుడు మరియు వైబ్రో ప్రాక్టీషనర్ ఈ క్రింది రెమిడిని సిద్ధం చేసారు.

CC12.1 Adult tonic + CC20.2 SMJ pain + CC20.3 Arthritis + CC20.4 Muscles and soft tissues + Pain* + Inflammation**…నీటితో అంతర్ముఖంగా, ఆముదంతో బాహ్య అనువర్తనం కోసం

జూన్ 3న ప్రాక్టీషనరు అతనికి నోటిలో ఒక డోస్ ఇచ్చి స్వామి నామాన్ని స్మరిస్తూ అతని రెండు మోకాళ్ళకు రెమిడి ఆయిల్ రాశారు తన పడక పక్కనే ఉన్న తాగునీటి పాత్రలో మూడు మాత్రలు కూడా వేశారు. వైద్యుల మరియు సాధారణ వ్యక్తులు అతని అంత్యక్రియలకు కొద్ది రోజులు మాత్రమే మిగిలి ఉన్నాయని అభిప్రాయ పడసాగారు. కానీ రెండు రోజుల తర్వాత ఆమె అతన్ని సందర్శించడానికి వెళ్ళినప్పుడు ఆమె పూర్తిగా ఆశ్చర్యానికి గురి అయ్యారు. రోగి పూర్తిగా అప్రమత్తంగా మంచంలో సౌకర్యవంతంగా మరియు పరిపూర్ణమైన తెలివైన సంభాషణ చేయగలిగారు. తన మోకాళ్లలో ఎలాంటి నొప్పి లేదని కూడా తెలిపారు. ఇక కీళ్ళ వద్ద వాపులు సున్నితత్వం కూడా లేవు. నర్సింగ్ సిబ్బందితో మాట్లాడి నప్పుడు అతని పరిస్థితిలో ఇంత నాటకీయ పరిణామం ఏర్పడడానికి అతని మందుల్లో ఎటువంటి మార్పు కూడా లేదు. అతను జూన్ మధ్యలో ఒక సంరక్షణ గృహానికి డిస్చార్జి చేయబడ్డారు అక్కడ తన చివరి మూడు వారాలు ప్రశాంతంగా గడిపారు. 2023 జూలై 7న నొప్పిలేకుండా ప్రశాంతంగా స్వర్గస్తులయ్యారు. 

*Pain: NM20 Injury + NM36 War + SR397 Morphinum + Cannabis 10M + Cocaine 10M + Crotalus Horridus 30C + Lithium 10M, all four from homoeo store

**Inflammation: NM45 Atomic Radiation + NM113 Inflammation + SM2 Divine Protection + SM5 Peace & Love Alignment + SM6 Stress + SR324 X-ray + SR348 Cortisone

_______________________________________________________________________________________________

శ్రీమతి చంద్రావతి వామన్ శెట్టి 12017…India,ముంబైకి చెందిన చురుకైన మరియు బహుముఖ ప్రజ్ఞాశాలి 73 ఏళ్ల VP సబ్ ఆర్కానాయిడ్ హెమరేజ్ అనగా మెదడు లోని మధ్య మరియు లోపలి పొరల మధ్య రక్తస్రావం కారణంగా పది నెలల సుదీర్ఘ వేదన అనంతరము 2023 ఆగస్టు 1న స్వామి వారి పాదాలకు చెంత చేరుకున్నారు. 2011 నుండి ఆమె చాలా చురుకైన ప్రాక్టీషనర్, ఆమె ఆసుపత్రిలో చేరే వరకు చాలా దూరం ప్రయాణించి సీయోను మరియు వడల వైద్య శిబిరాలలో రోగులకు క్రమం తప్పకుండా చికిత్స అందిస్తూ వచ్చారు. తను అందరిచే ఆరాధింపబడే బాలవికాస్ గురువుగా, మనోహరమైన భజన గాయని, ప్రశాంతి నిలయంలో నిత్య సేవాదళం మరియు అన్ని సమితి కార్యక్రమాల్లో ఎంతో అంకితభావం భక్తి మరియు ఉత్సాహంతో పాల్గొంటూ తన అందమైన చిరునవ్వు మరియు ఉల్లాసమైన ప్రవర్తనతో అందరినీ ఉత్తేజపరిచేవారు. ఆమె కుటుంబం మరియు సాయి కుటుంబం కూడా ఆమె ప్రేమకు దూరం కావడం బాధాకరం.