1. ఆరోగ్య చిట్కాలు

కొబ్బరితో ఆరోగ్య అద్భుతాలు !

లేత కొబ్బరి నీరు, రుచికరమైన తెల్లని కొబ్బరి, కొబ్బరి నూనె, కొబ్బరి పాలు ఇవి మనిషి ఆరోగ్యానికి ప్రకృతి అందించిన వరాలు.

“  కొబ్బరి బొండం లో అమృతం లాంటి నీరుంటుంది. ఎవరు పోశారు? ఇది మనిషికి సాధ్యమయ్యే పనేనా ? లేదు కేవలం భగవంతుడు మాత్రమే ఆ పని చేయగలదు ." ... సత్యసాయిబాబా                                                                

1. కొబ్బరి నీళ్ళు – పోషక పదార్ధాల కార్ఖానా ^1-9

లేత కొబ్బరి కలిగి ఉండే కొబ్బరికాయల లోని నీరు అన్ని పోషక పదార్ధాలను కలిగి ఉంటుంది.ఇది పరిశుద్ధమైనదే  కాక మానవ రక్తంలోని ప్లాస్మా లో ఉండే పదార్ధాల మిశ్రమమంతా దీనిలో కూడా ఉంటుంది.

• దీనిలో 94% నీరు చాలా స్వల్పంగా కొవ్వు పదార్దములు,ఉంటాయి కొలెస్ట్రాల్ అసలే ఉండదు.కొన్ని అధ్యయనాల ప్రకారం ఇది శరీరంలోని  HDL స్థాయిని పెంచుతుందని తెలుస్తోంది.
• దీనిలో ఉండే కార్బోహైడ్రేట్ లు మానవ శరీరంలో ఉన్నవాటికి సరిపోలేలా సులువుగా జీర్ణమయ్యే చెక్కెర,ఎలక్ట్రో లైట్ల రూపంలో లభిస్తుంది.దీనిలో మన శరీరానికి కావలసిన ఐదు రకాల ఎలక్ట్రోలైట్లు,లవణాలు సమృద్ధిగా ఉంటాయి.   
• సాధారణంగా మనం తినే పండ్ల లో కన్నా దీనిలో విటమిన్లు ఖనిజలవణాలు చాలా ఎక్కువ .
• దీనిలో అధిక మొత్తంలో అమినో ఆమ్లాలు,ఎంజైములు,ప్రతిక్షా కారిణులు లేదా యాంటిఆక్సిడెంట్లు ఉండి ఇవి ఫంగస్,బాక్టీరియా,వైరస్ లకు వ్యతిరేకముగా పనిచేస్తూ శరీరము యొక్క రోగనిరోధకశక్తిని పెంచుతుంది.   
• దీనిలో వృక్ష సంబంధమైన హార్మోన్లు సమృద్ధిగా ఉన్నాయి.అవి అకాల వృద్ధాప్య నివారణ,క్యాన్సర్ నివారణ,రక్తం గడ్డకట్టక పోవడం నివారణ వంటి వాటికి సహాయకారిగా ఉంటాయి.  
• ఒక కప్పు కొబ్బరిలో  అనగా 240 గ్రాములలో -కార్బో హైడ్రేట్లు (9 గ్రాములు ), పీచు  పదార్ధము(3 గ్రాములు), ప్రోటీన్లు (2 గ్రాములు), విటమిన్ -C (RDI  రిఫెరెన్సు డైలీ ఇన్టేక్ అనగా నిత్యమూ ఎంత తీసుకోవలనో తెలిపే సూచి ప్రకారము 10% ), మెగ్నీషియం  (15% of RDI), మాంగనీస్ మరియు పొటాషియం (ఒక్కొక్కటి  17%  RDI ప్రకారము ), సోడియం  (RDI ప్రకారము 11% ), కాల్షియం  (RDI ప్రకారము 6%) మరియు వీటన్నింటితో పాటుగా 46 కేలరీల శక్తి కూడా ఉంటుంది. సాధారణముగా పరిమాణము బట్టి ఒక  కొబ్బరిబొండం లో  200 మి.లీ. నుండి 1000 మి.లీ.నీరు లభిస్తుంది.

హెచ్చరిక : దేనికైనా సరే మితము హితము ఉండాలి.ఏది తీసుకున్నా సరే మనకు మంచి జరిగేంత వరకే తీసుకోవాలి. కొబ్బరి కాయను పగలగొట్టిన వెంటనే తీసుకోవాలి ఎందుకంటే ఆలశ్యం చేసేకొద్దీ గాలి సోకడం వలన దానిలో ఉన్న పోషక విలువలు కోల్పోయే ప్రమాదం ఉంది.కొబ్బరికాయలు దొరకని వారు స్టోర్ లో తీసుకోదలిస్తే బ్రాండెడ్ కంపెనీ వాటిని మాత్రమే తీసుకోవాలి.కొబ్బరినీటిలో చెక్కర కలిపి లేదనికూడా నిర్ధారణ చేసుకోవాలి.

కొబ్బరి నీటి యొక్క ఔషధ గుణాలు ^1-9

మూత్రపిండాల సమస్యలు ఎదుర్కోవడంలో సహాయకారి :  కొబ్బరి నీరు మూత్ర విసర్జన సహాయకారిగా పనిచేస్తూ మూత్రము తగినంతగా సాఫీగా పోయే మార్గం సుగమం చేస్తుంది. అధిక శాతం మూత్ర పిండాల నిపుణులు మూత్ర పిండాలలో రాళ్ల పరిమాణం తగ్గింపుకు ,లేదా వాటిని పూర్తిగా తొలగించడానికి రోజు మార్చి రోజు కొబ్బరి నీళ్ళను తీసుకోమని సలహా ఇస్తారు.

చర్మ సంరక్షణకు అద్భుతమైనది : మొటిమలు,మచ్చలు,ముడుతలు,చర్మము సాగిపోయినట్లు ఉండడం, కణజాలపు వ్యాధులు,ఎక్జిమా లేదా తామర వంటి వ్యాధుల నిమిత్తం రెండు నుండి మూడు వారాలు కొబ్బరి గుజ్జును రాసుకోవాలి. దీనిని రాత్రిపూట పడుకునేముందు రాసుకొని ఉదయమే కడుగు కున్నట్లయితే చర్మానికి యువజీవం ఉట్టి పడుతుంది. ఇది గాయాలు మాన్పడానికి,గజ్జి దురద నివారణకు,వేసవిలో వచ్చే గడ్డల నివారణకు, అమ్మతల్లి పోసినప్పుడు (స్మాల్ ఫాక్స్,చికెన్ ఫాక్స్) వచ్చే దద్దుర్లు ,తట్టు పొంగు మొదలగు వాటి నివారణకు ఉపయోగ పడుతుంది. .

శరీరం నుండి విష పదార్ధాలను తొలగించి నిర్జలలీకరణము కాకుండా చూస్తుంది. : ఉష్ణ ప్రాంతాలలో సాధారణంగా  నీళ్ళవిరోచనాలతో  నిర్జలీకరణ ( డీహైడ్రేషన్ )కు గురి అయ్యే రోగులకు సెలైన్ లాంటివి ఎక్కించవలసిన అవసరం లేకుండానే  కొబ్బరినీరు అద్భుతంగా పనిచేస్తుంది. అనగా డీహైడ్రేషన్ ఐన సందర్భాలలో దీనిని అమృతం లాగా భావించి తీసుకోవచ్చు. కొన్ని పరిశాధనా ఫలితాలు ఏమీ సూచిస్తున్నాయి అంటే కొబ్బరి నీరు మానవ శరీరముతో ఎంతగా కలిసిపోతుందంటే దీనిని నేరుగా సెలైన్ లాగా నరాలకు ఎక్కించ వచ్చట. అనగా మారుమూల ప్రాంతాలలో సెలైన్ వంటివి అందుబాటులో లేని సందర్భాలలో ప్రాణాన్ని రక్షించ డానికి ఎట్టి సందేహము లేకుండా దీనిని నరానికి ఎక్కించ వచ్చట.  

జీర్ణ వ్యవస్థకు, జీవక్రియలకు సహాయకారి : ప్రేవులలో సమస్యలతో బాధపడే శిశువులకు ఇది ప్రత్యామ్నాయ ఆహారంగా ఉపయోగపడుతుంది. ఇది ప్రేవులలో ఉండే పురుగులను సంహరించడానికి శరీరంలో అసిడిటీ సమస్య నిర్మూలనుకు ఉపయోగ పడుతుంది. మలబద్ధకం,నీళ్ళవిరోచనాలు, రెండింటికీ ఇది ప్రయోజనకర మైనదే. , ఆటగాళ్ళకు ఇది మంచి శక్తి కారిణి మాత్రమే కాక గర్భిణులకు కూడా ఎంతో మేలు చేస్తుంది. ఇది మంటలను తగ్గించడమే కాక కాళ్ళు ,చేతుల లో వాపులనునిరోధిస్తుంది.  

ఇతర ప్రయోజనాలు : ఇది రక్తంలో గ్లూకోజ్ మరియు ఇన్సులిన్ స్థాయిని  సమతౌల్యం లో ఉంచడానికి, అసాధారణముగా రక్తం గడ్డకట్టడాన్ని నివారించుటకు,రక్తపోటు నియంత్రణకు, రక్త సరఫరా వ్యవస్థ పటిష్ఠ పరచడానికి, పలకికలు ఏర్పడడాన్ని నిరోధించడానికి,కంటిచూపును పెంచడానికి,ఎముకల బోలుతనం వ్యాధి(ఆస్టియో పోరోసిస్) నిరోధానికి ఉపయోగకరమైనది. ఇది మొక్కలకు కూడా మేలు చేస్తుంది. సాధారణంగా దీనిని మొక్కల పెరుగుదలకు సంప్రదాయకమైన సప్లిమెంటు గా ఉపయోగించేవారు.

2. కొబ్బరి గుజ్జు ^10-11

లేత  కొబ్బరి తినడానికి ఎంతో మధురంగా ఉంటుంది, అంతేకాక దీనిలో ఎన్నో ఖనిజ లవణాలు,పీచుపదార్ధాలు,యాంటిఆక్సిడెంట్ లు,విటమిన్లు ముఖ్యంగా రక్తం గడ్డకట్టడానికి,ఎముకల నిర్మాణానికి ఉపయోగపడే కె విటమిన్ సమృద్ధిగా లభిస్తాయి.

బాగా తయారైన కొబ్బరికాయలతో చేసిన మిఠాయి కొంచం గట్టిగానూ,తీయగాను,ఉంటుంది .దీనిలో అధిక శాతం పీచుపదార్ధాలు ఉండడమేకాక ప్రేవులలో ఉండే హితకారక బ్యాక్టీరియా కు పోషక వర్ధిని గా కూడా ఉపయోగ పడుతుంది.. కొన్ని పరిశోధనల ప్రకారము ఈ పీచుపదార్ధాలు గుండెజబ్బులు,గుండె పోటు నివారణకు కూడా ఉపయోగపడుతాయని నిరూపించాయి.

3. కొబ్బరి నూనె  – అన్ని నూనెల లోనూ అత్యంత ఆరోగ్య కరమైనది.^12-35

ఎండిన కొబ్బరికాయల నుండి తయారు చేసిన ముడి కొబ్బరి నూనెను బిస్కట్లు,చాక్లెట్లు,ఐస్ క్రీములు వంటి మిఠాయి పరిశ్రమ లలోనూ మందుల పరిశ్రమల లోనూ,ఖరీదయిన రంగులు తయారుచేసే పరిశ్రమల లోనూ ఉపయోగిస్తారు. అలాగే శుద్ధి చేయబడిన కొబ్బరి నూనెను వంటకు మరియు ఇతర సౌందర్య సాధన ప్రయోజనాలకు ఉపయోగిస్తారు.

బాగా తయారయిన తాజా కొబ్బరికాయల పాలనుండి విర్జిన్ కోకోనట్ ఆయిల్ తయారు చేస్తారు. ఇది మంచి పరిమళము తో పాటు దీని రుచి ఎంతో మధురంగా ఉంటుంది. కొందరు పరిశోధనా నిపుణులు చెప్పిన  దాని ప్రకారము ఇది రెండు కారణాలను బట్టి  ఇతర వృక్ష సంబంధ మైన నూనెల కన్నా ప్రత్యేక మైనది : 

(i) దీనిలో చాలా ఎక్కువగా (90%) మధ్యస్థ సంకెల రకానికి చెందిన సంతృప్త కొవ్వు ఆమ్లాలు ఉన్నాయి.* ఇవి మిగతా దీర్ఘ సంకెల రకానికి చెందిన సంతృప్తకొవ్వు ఆమ్లాల కన్నా ఆరోగ్య పరంగా అత్యంత ప్రయోజనాత్మకమైనవి. ఇవి ఇతర ప్రత్యేకమైన ఎంజైముల  అవసరం లేకుండానే కణజాలపు పొరలలో సులువుగా ఆవరిస్తాయి.జీర్ణ వ్యవస్థ పైన ఎక్కువ భారం మోపకుండానే సులువుగా జీర్ణమవుతాయి. వీటిని ఆసుపత్రులలో ప్రేగులలో కొంత భాగము ఆపరేషన్ ద్వారా తొలగింపబడి కేవలం ద్రవరూప పదార్దమే తప్ప ఘనపదార్ధాన్ని జీర్ణము చేసుకోలేని స్థితిలో ఉన్నవారికి ఆహారంగా ఇస్తారు. ఇవి నేరుగా లివర్ (కార్జము) లోనికి వెళ్లి కొవ్వు గా నిలవుండకుండా శక్తిగా మారుతుంది.  

* కొందరు నిపుణులు చెప్పిన ప్రకారము దీనికి సైద్దాంతిక ఋజువులు కూడా అందుబాటులో ఉన్నాయి.

(ii) దీనిలో లభించే కొవ్వు పదార్ధాలలో సగభాగము లారిక్ ఆమ్లము తో కూడి ఉంటుంది .అనగా ప్రకృతిలో కేవలం మానవాళికి సంబంధించి తల్లి పాలలో లభించే ప్రత్యేక కొవ్వుపదార్ధాల తో సమతూకంలో ఉండేటటువంటిదన్నమాట. మానవ శరీరము  ఈ లారిక్ అమ్లమును అత్యంత ప్రయోజనాత్మకమైన మోనో గ్లిజరిడ్ గా మారుస్తుంది. ఈ పదార్ధము సంత్రుప్త కొవ్వుపదార్ధాలలో ఉండే  HIV, సర్పి,పొంగు,తట్టు వంటి వ్యాధులు కలిగించే వైరస్ లను పరాన్నజీవులయిన బ్యాక్టీరియ ,ప్రోటోజోవా వంటి సూక్ష్మ జీవులను నాశనం చేస్తుంది. 

 3.1 ముడి కొబ్బరి నూనె యొక్క ఔషధ గుణాలు.^12-35 

అనేక అధ్యయనాల ప్రకారం కొబ్బరి నూనె దీనిలో ఉన్న అద్వితీయమైన గుణాలవల్ల అనేక రుగ్మతలను తగ్గించడములో సహాయకారిగా ఉండడమేకాక  కాక ఆరోగ్యాన్ని కూడా ఇస్తుంది. ముఖ్యంగా ఇది : 

• కొలెస్ట్రాల్ ను (కొవ్వును) అదుపులో ఉంచి గుండెజబ్బులు, అధిక రక్తపోటు నుండి దూరం చేస్తుంది.
• మతిమరుపు వ్యాధిని,మూర్చలను ఇంకా ఇతర మెదడుకు సంబంధించిన రుగ్మతలను దూరం చేసి మెదడుయొక్క పనితీరును జ్ఞాపక శక్తిని వృద్ధి చేస్తుంది ; 
• మూత్ర పిండాలు,పిత్తాశయము అనగా బ్లాడర్  కు చెందిన ఇన్ఫెక్షన్ లను మరియు జీర్ణ వ్యవస్థకు చెందిన సమస్యలను నిరోధించడమే కాక ఇన్సులిన్ వ్యవస్థను పటిష్ఠ పరచి మధుమేహ సమస్యను అరికడుతుంది.  ;
• ఇది వాపులను,తగ్గిస్తుంది, మోకాళ్ళ నొప్పులను అరికడుతుంది. ఎముకల బోలుతనాన్ని( పెళుసుగా మారడాన్ని) నిరోధిస్తుంది ;
• రోగనిరోధక వ్యవస్థను పటిష్టం చేస్తుంది, జీవక్రియా వ్యవస్థను ఉత్తేజ పరుస్తుంది, క్యాన్సర్ ను నిరోధిస్తుంది.
• శరీర బరువును తగిస్తుంది, కండరాలను తయారికి దోహదం చేస్తుంది,హార్మోన్లను సమతుల్యం చేస్తుంది.
• సామాన్య జలుబు,ఫ్లూ, వంటి సమస్యలను తగ్గించడమే కాక న్యుమోనియా (నిమ్ము)నిర్మూలనుకు ప్రకృతి సిద్ధమైన ఔషదం గా పనిచేస్తుంది. ²⁶;
• మద్యపానానికి బానిసలు కావడాన్ని నిరోధిస్తుంది. తదనుగుణమైన వాటిని నివారిస్తుంది .²⁷;
• కొబ్బరి నూనె దంత సమస్యలను నివారిస్తుంది.నోటిని శుభ్రపరిచే మౌత్ వాష్ లాగా పనిచేస్తుంది, ఆయిల్ పుల్లింగ్ ద్వారా నోటిలోని సూక్ష్మ క్రిములను చంపడానికి ఉపయోగపడుతుంది.దంతాల పరిరక్షణ కు తోడ్పడుతుంది. నోటి దుర్వాసన పోగొడుతుంది.పెదాలు,నోరు,గొంతులో తడి ఆరకుండా చేస్తుంది, దీనితో సమానంగా బేకింగ్ షోడా కలిపి టూత్ పేస్ట్ గా కూడా ఉపయోగించుకొనవచ్చు.
• చర్మానికి సంబంధించిన అన్ని వ్యాధులను నిరోధించి చర్మ సంరక్షిని గానూ కేశ రక్షని గానూ పనిచేస్తుంది. దీనిలో ఉన్న సూక్ష్మ జీవి నిరోధక, వైరస్ నిరోధక గుణాల వలన చెవికి సంబంధించిన ఇన్ఫెక్షన్ లు,ఫంగల్ ఇన్ఫెక్షన్ లు  పుండ్లు,దద్దుర్లు,కీటకము కరిచినందువలన కలిగే సమస్యలు,తేనెటీగల కాట్లు ముక్కువెంట రక్తం కారడం, మూలశంక, స్ర్త్రీ జననాంగాలలో తడి ఆరిపోవడం,వంటివి నిరోధించడమే కాక పిల్లలను ఆశిస్తున్న తల్లులకు మార్గం సుగమం చేస్తుంది..  తలలో పేలు నిరోధానికి కొబ్బరి నూనె ను సోపు గింజలతో కలిపి రాసిన ట్లయితే బజారులో దొరికే మందుల కన్నా బాగా పనిచేస్తుంది.   
• కొబ్బరి నూనె ను ఇంటిని శుభ్రపరిచే లోషన్ గా కూడా ఉపయోగించవచ్చు.!^17-18

కొబ్బరి నూనె వినియోగదారుల అనుభవాలు  కోకోనట్ డైట్ లో గానీ ఆరోగ్య సూచనల ఫోరం నుండి గానీ తెలుసుకోవచ్చు. ²⁰.

3.2 ఇంట్లోనే విర్జిన్ కోకోనట్ ఆయిల్ పొందేందుకు సరళమైన మార్గము ^32-35

ముదురుగా ఉన్న కొబ్బరికాయలన నుండి కొబ్బరినూనె ఎలాపొందవచ్చో క్రింద పేర్కొన్న కొన్ని వెబ్సైటు చూసి తెలుసుకోవచ్చు.     . ఎవరయినా ఇంట్లోనే ఇవి తయారుచేయలనుకుంటే తక్కువరకం కొబ్బరి నూనె ను బ్లీచింగ్,హైడ్రోజనేషన్,వంటి వాటి ద్వారా శుభ్ర పరచు కోవచ్చు ఐతే చివరిలో  వీటియొక్క అవశేషాలు పాత్రలో ఉండవచ్చు.

3.3 ముడి కొబ్బరినూనె పొందే మార్గం ^17-22

రోజుకు రెండు స్పూన్ల (30మి.లీ.) ముడి సేంద్రియ కొబ్బరినూనె తిసుకోన్స్ద్సం వలన ఎన్నో ఆరోగ్య ప్రయోజనాలున్నాయని అధ్యయనాలు తెలుపుతున్నాయి. కొన్ని రకాల గింజలు,అవకడో పండు,ఆలివ్ నూనె వంటి ద్వారా లభించే  ఆరోగ్య కరమైన కొవ్వు పదార్ధాలు కూడా కొబ్బరినూనె లో మనకు లభిస్తాయి.  ఐతే ఇలా తీసుకోవడం కొంచం కొంచం గా ప్రారంభించి మన అనుకూలతను బట్టి క్రమంగా  పెంచుకుంటూ పోవచ్చు. దీనిని మాములుగా తీసుకోవడం కష్టమనుకున్నవారు టీ,కాఫీ,సలాడ్ వీటిలో కలుపుకొని త్రాగవచ్చు. ఇది ఎక్కువ ఉష్ణోగ్రత వద్దకూడా స్థిరంగా ఉండగలదు కనుక దీనిని వంట కు కూడా వాడుకోవచ్చు.

హెచ్చరిక ^23-24: దీనిలో అధిక శాతంలో ఉన్న సంతృప్త కొవ్వు ఆమ్లము కారణముగా దీని యొక్క అద్వితీయమైన గుణముల పట్ల కొన్ని దేశాలలోని  ఆరోగ్య సంస్థలకు సందేహాలున్నప్పటికీ పరిశోధనా ఫలితాలు మాత్రం ఇది అద్భుత ఆరోగ్య కారిణి అనే తెలియ జేస్తున్నాయి.  

4. కొబ్బరి పాలు ^36-39

జంతువులకు సంభందించిన పాలు పడని వారికి కొబ్బరిపాలను   ప్రత్యామ్నాయముగా కూడా వాడవచ్చు . ఈ  పాలలో సాగుడు గుణం కలిగినవి బంక వంటివి ఏమీ ఉండవు కనుక మిల్క్ షేక్ వంటి పదార్ధాలు చేసుకోవడానికి  అనుకూలంగా ఉంటుంది. అంతేకాక బ్యాకరీ పరిశ్రమ వారికి  పాలకి ప్రత్యామ్నాయంగా కూడా ఉపయోగ పడుతుంది.

కొబ్బరిపాలలో సమృద్ధిగా విటమిన్లు,ఖనిజలవణాలు ఉన్నాయి. దీనిలో సమృద్ధికరమైన పాళ్ళలో లారిక్ ఆమ్లము, తగు పాళ్ళలో ఫాటీ ఆమ్లాలు ఉండడం వలన ఇది కొబ్బరినూనె ఇచ్చే ఫలితాలన్నీ అందిస్తుంది. ఇది నోటి పూతను నివారించి నోటిలో పుండ్లను అరికడుతుంది. ఇది  చర్మము పైన ముడుతలు రాకుండా, ఎండకు రక్షణగా నూ చేసి చర్మాన్ని మృదువుగా ఉంచుతుంది.జుట్టుకు కూడా కండిషనర్ లాగా పనిచేస్తుంది.  

సంబంధించిన వెబ్సైట్లు : 

దీనిలో ఇవ్వబడిన సమాచారము విద్యా సంబంధమైన సమాచారము కోసమే గానీ దీనిని చికిత్సా సంభదిత మైనదిగానూ, వ్యాధి నివారణ నిమిత్తము, వ్యాధి నిరోధానికి సంబంధించినది గానూ భావించరాదు. మరిన్ని వివరాలకోసం క్రింద సూచించిన వెబ్సైట్ లు చూడండి. వ్యక్తిగతమైన అవసరాల మేరకు చికిత్సా పరిస్థితుల మేరకు తగిన జాగ్రత్తలు తీసుకోవడం మంచిది.

1. http://www.coconutboard.nic.in/tendnutr.htm
2. http://articles.mercola.com/sites/articles/archive/2011/11/27/coconut-water-ultimate-rehydrator.aspx
3. https://fitnesspell.com/benefits-of-drinking-coconut-water/
4. http://www.nutrition-and-you.com/coconut-water.html
5. http://www.webmd.com/food-recipes/features/truth-about-coconut-water
6. http://www.medindia.net/patients/lifestyleandwellness/coconut-water-health-benefits.htm
7. https://www.healthline.com/nutrition/8-coconut-water-benefits
8. https://drhealthbenefits.com/food-bevarages/beverages/health-benefits-of-coconut-water-from-young-coconut
9. https://www.ncbi.nlm.nih.gov/pubmed/10674546
10. http://www.be-healthy-with-coconuts.com/coconut-meat.html
11. https://drhealthbenefits.com/food-bevarages/fruits/health-benefits-young-coconut-meat
12. http://pca.da.gov.ph/pdf/techno/virgin_coconut_oil.pdf
13. https://www.livestrong.com/article/363811-the-fatty-acid-composition-of-coconut-oil/
14. https://www.organicfacts.net/health-benefits/oils/properties-of-coconut-oil.html
15. http://www.coconutboard.nic.in/cnoqulty.htm
16. http://www.coconutresearchcenter.org/
17. https://articles.mercola.com/sites/articles/archive/2013/11/18/coconut-oil-uses.aspx
18. http://products.mercola.com/coconut-oil/
19. http://coconutoil.com
20. http://www.coconutdiet.com
21. https://www.healthline.com/nutrition/how-to-eat-coconut-oil
22. http://www.naturallivingideas.com/eat-coconut-oil/
23. https://draxe.com/coconut-oil-benefits/
24. https://draxe.com/coconut-oil-healthy/
25. https://www.healthline.com/nutrition/top-10-evidence-based-health-benefits-of-coconut-oil
26. https://www.naturalnews.com/025038_coconut_child_oil.html
27. http://www.coconutresearchcenter.org/hwnl_10-2/hwnl_10-2.htm
28. https://www.ncbi.nlm.nih.gov/pubmed/27543472
29. http://www.thehindu.com/society/Matters-of-the-heart/article17139237.ece
30. https://www.ncbi.nlm.nih.gov/pmc/articles/PMC4247320/
31. https://www.ncbi.nlm.nih.gov/pubmed/26545671
32. https://healthytraditions.com/coconut-oil/what-is-virgin-coconut-oil
33. https://www.youtube.com/watch?v=I5qlPhhjYzU
34. https://www.youtube.com/watch?v=JcBE0eNQHTQ
35. https://www.youtube.com/watch?v=qEZMm2NAwpo
36. http://www.bbcgoodfood.com/howto/guide/ingredient-focus-coconut-milk
37. http://www.seedguides.info/coconut-milk/
38. http://www.med-health.net/Coconut-Milk-Benefits.html
39. http://www.sharecare.com/health/diet-nutrition/article/coconut-milk-really-good-for-you

2. స్వామి వైబ్రియానిక్స్ పైన  తమ అనుగ్రహ వర్షం కురిపించడం కొనసాగిస్తూనే ఉన్నారు.……

రెండు విశిష్ట వైబ్రో వైద్యాలయముల ప్రారంభం

 2016.డిసెంబర్ 28 వ తేదీన హైదరాబాద్ లో ఉన్న శివం మందిరానికి చెందిన ఈశ్వరమ్మ సదన్ లో వైబ్రో వైద్యశాల ప్రారంభ మయ్యింది. ప్రతీ గురువారము ఇద్దరు ప్రాక్టీషనర్ లు పేషంట్ల చికిత్సా అవసరాలు చూస్తారు.

2017 డిసెంబర్ 12 వ తేదీన తెలంగాణా రాష్ట్రంలో భద్రాద్రి కొత్తగూడెం  జిల్లా సత్యసాయి సేవాసంస్థ అధ్యక్షులు  పాల్వంచ మందిరంలో వైబ్రియానిక్స్ చికిత్సా కేంద్రాన్ని ప్రారంభించారు. ఈ సందర్భంగా  ప్రాక్టీషనర్  ¹¹⁵⁸⁵, తన స్వల్ప ప్రసంగం ద్వారా వైబ్రియానిక్స్ గురించి సభ్యులకు వివరించారు. చికిత్సా కేంద్రం ప్రారంభించిన వెంటనే 13 మంది పేషంట్లు వైద్య సహాయం పొందారు. ప్రతీ గురువారము ఇద్దరు ప్రాక్టీషనర్ లు  ఈ చికిత్సా కేంద్రాన్ని నడిపిస్తారు.

క్రొత్తగా శిక్షణ తీసుకున్న SVP పైన స్వామి కృపా వర్షం  

  2017 నవంబర్లో  SVP గా శిక్షణ పొంది  చికిత్సా నిపుణురాలు  ¹¹⁵⁷⁰ 29 ^వ  తేదీన తమ ఇంటికి వెళ్లారు. నవంబర్ 30 వ తేదీన తన  SRHVP ని ఉపయోగించడం కోసం సోహం పుస్తకం 3,తెరవగానే అత్యంత ఆశ్చర్య కరంగా అమృత బిందువులు కవర్ పేజీ పైన కనిపించాయి.అంతేగాక మరింత అమృతం డిసెంబర్ 2 న కూడా కనిపించింది.

Om Sai Ram