1. ఆరోగ్య కథనం

ఆరోగ్యవంతమైన ప్రేగుల ద్వారా ఆరోగ్యవంతమైన జీవితం !

“కడుపు చాలు అని కేకలు వేస్తుంది కానీ నాలుక మరింత కావాలి అని వత్తిడి చేస్తుంది, ఈ విధంగా మనిషి నిస్సహాయంగా వ్యాధికి లక్ష్యం అవుతున్నాడు. మీరు తీసుకునే ఆహారం మీరు నియంత్రించ గలిగే ఏకాగ్రత స్థాయిని నిర్ణయిస్తుంది, దాని నాణ్యత మరియు పరిమాణం మీ స్వీయ నియంత్రణ ఎంతవరకు తగ్గింపబడిందో లేదా పెంచబడిందో నిర్ణయిస్తుంది... జీవించడానికి మాత్రమే తినండి కానీ తినడానికి మాత్రమే జీవిస్తున్నారని భావించవద్దు”.... సత్య సాయి బాబా^1,2   

1. గట్ అంటే ఏమిటి?

సాధారణ వాడుక భాషలో ప్రేగులను గట్ అనే ఆంగ్ల పదంతో సూచిస్తారు. మన జీర్ణవ్యవస్థలో ఒక ముఖ్యమైన భాగం. ఎలిమెంటరీ కెనాల్ గా కూడా పిలవబడే ఈ గట్ వాస్తవానికి జీర్ణాశయ అంతర మార్గము (GI ట్రాక్ట్ ) అని పిలుస్తారు. ఇది నోటి నుండి మొదలవుతుంది, అన్నవాహిక ద్వారా కడుపులోకి ఆహారం సులభంగా వెళ్లడానికి లాలాజల రసాలు ఆహారాన్ని తేమగా ఉంచడమే కాక యాంత్రిక జీర్ణక్రియకు కూడా సహాయ పడతాయి. జీర్ణాశయంలో ఆహారం మరింతగా విభజింపబడి జీర్ణ రసాలతో కలిసి కైమ్ అనే పేరుతో చిన్నప్రేగు కు తీసుకువెళ్లబడుతుంది. 22 అడుగుల పొడవుగా చుట్టబడిన గొట్టం వలె ఉండే చిన్న ప్రేగు మన శరీరం కంటే మూడున్నర రెట్లు పొడవు ఉంటుంది. దీన్ని ఆంత్రము అనికూడా పిలుస్తారు. నీరు, పోషకాలు మరియి జీర్ణ రసాలు మ్యూకోసా ద్వారా గ్రహింపబడతాయి, మరియు జీర్ణం కాని మూలకాలు పెద్ద పేగు లేదా కోలన్ కు పంపించబడతాయి. చూషణ ప్రక్రియ ఇక్కడ పూర్తయ్యి వ్యర్ధాలు పురీష నాళము మరియు పాయువు ద్వారా తొలగింపబడతాయి. అనుబంధ అవయవాలు కాలేయము, ప్యాంక్రియాస్, మరియు గాల్బ్లేడర్ ఈ జీర్ణ ప్రక్రియలో సహాయపడతాయి. అందువల్ల గట్  అనేది కేవలం ఒక ప్రసరణ ఉపకరణం మాత్రమే కాదు, జీర్ణక్రియ, శోషణము, సమీకరణము, మరియు వ్యర్ధాలను మలము ద్వారా పంపించి వేసే పూర్తిస్థాయి వ్యవస్థను నిర్వహిస్తుంది. దీని ప్రాముఖ్యత విషయంలో మనం తక్కువ అంచనా వేస్తాం కానీ 2వ మెదడుగా పిలవబడే ఈ అవయవం ఒక సామెతలో చెప్పినట్లుగా గట్(గుడ్) ఫీలింగ్ అనే అనుభూతి మనకు అందిస్తుంది.  

2. ఆరోగ్య కరమైన ప్రేగు యొక్క ప్రాముఖ్యత  

2.1 ప్రేగు వృక్ష జాలం:  శైశవ దశలో ప్రేగులో ఏ సూక్ష్మ జీవులు లేకుండా శుద్ధిగా ఉంటుంది. క్రమ క్రమంగా ఇది చెడు మరియు మంచి బ్యాక్టీరియా ను స్వీకరించడం ప్రారంభించడంతో వలస ప్రారంభమై ఇది మైక్రోబియం లేదా మైక్రో బయోటా అని పిలవబడే ట్రిలియన్ల కొద్ది బ్యాక్టీరియా యొక్క అధనాతన సంక్లిష్టమైన సూక్ష్మ ప్రపంచాన్ని సృష్టిస్తుంది. దీనిలో కొన్ని రకాల వైరస్లు, శిలీంద్రాలు లేదా ఫంగి, మరియు పరాన్న జీవులు ఇవన్నీ కూడా పేగుల్లో పెద్ద సంఖ్యలో ఉంటాయి. జీవితం యొక్క ప్రాధమిక దశలో ఏర్పడిన మైక్రోబియం యొక్క నాణ్యత అనువంశికత, మాతృ సంబంధిత మైక్రో బయోటా, యోని నుండి సాధారణ డెలివరీ (సిజేరియన్ కాకుండా) మరియు తల్లి పాలు ఇవ్వడం పై ఆధారపడి ఉంటుంది⁵. బాల్యంలో పొందిన ప్రాథమిక మైక్రోబయోట మెరుగైన రోగనిరోధక శక్తిని పెంచుతుంది. ఆహారం మరియు పర్యావరణ బహిర్గతం, ఆరోగ్యం మరియు వ్యాధి రెండింటి లోనూ కీలక పాత్ర పోషిస్తున్నప్పటికీ ప్రాధమిక దశ మైక్రో బయోటా వయోజన మైక్రో బయోట నాణ్యత నిర్ణయించడంలో కీలక పాత్ర పోషిస్తుంది.⁶

2.2 మైక్రోబియం ఎలా పనిచేస్తుంది మరియు మన శరీరానికి ఎలా మేలు చేస్తుంది! ఒక ఆరోగ్యకరమైన వ్యక్తిలో అతిధి గట్ కణాలు మరియు నివాస బ్యాక్టీరియా శాంతియుతంగా సహజీవన సంబంధంతో ఉంటూ రెండూ ఒకదానివలన మరొకటి ప్రయోజనం పొందుతాయి. మానవ ప్రేగు వ్యవస్థ బ్యాక్టీరియాకు పోషకాలు అందిస్తే ప్రతిఫలంగా ఇది జీర్ణ క్రియ, శోషణ మరియు ఇతర ప్రక్రియలకు సహాయపడుతుంది. అవి సమ్మేళనాలను విచ్చిన్నం చేస్తాయి అమినో ఆమ్లాలు మరియు B విటమిల్లు మరియు విటమిన్ K తో సహా కొన్ని విటమిన్లను సంశ్లేషణ చేస్తాయి. అవసరమైన కీలక B12 ఏర్పడడాని కావలసిన ఎంజైములు గట్ బ్యాక్టీరియా ద్వారా సంశ్లేషణ చేయబడతాయి కానీ మొక్కలు లేదా జంతువుల ద్వారా కాదు⁶. ఇవి పెద్ద ప్రేవులోని కార్బోహైడ్రేట్ల జీవక్రియకు సహాయ పడతాయి. చిన్నపేగు యొక్క పై భాగంలో చక్కెర త్వరగా శోషింపబడుతుంది. స్టార్చ్ మరియు ఫైబర్ సమ్మేళన కార్బోలు పెద్ద పేగులోకి ప్రయాణిస్తాయి అక్కడ మైక్రో బయోట వాటిని జీర్ణ ఎంజైముల సహాయంతో విచ్చిన్నం చేస్తుంది. జీర్ణం కానీ సమ్మేళనలు పులియబెట్టబడి చిన్న గొలుసు కొవ్వు ఆమ్లాలను (SCFA) విడుదల చేస్తాయి. ఇవి పెద్ద పేగు యొక్క PH ని తగ్గించి హానికరమైన బ్యాక్టీరియా పెరుగుదలను పరిమితం చేస్తాయి. గట్ లో ఉన్నSCFA కండరాల పనితీరును మెరుగుపరవడమే కాక క్యాన్సర్ ప్రేగు రుగ్మలతో సహా దీర్ఘకాలిక వ్యాధులను నివారిస్తుంది మరియు వ్రణోత్పత్తి(అల్సరేటివ్ కొలైటిస్) పెద్దప్రేగు క్రోన్స్ వ్యాధి మరియు యాంటీబయాటిక్ సంబంధిత విరోచనాల చికిత్సలో కూడా సహాయపడుతుంది. గట్ బ్యాక్టీరియా కూడా కొవ్వులను జీర్ణం చేయడంలో సహాయపడటానికి కాలేయం పంపిన బైల్ లేదా పిత్తాన్ని జీవ క్రియ చేస్తుంది. ⁶

గట్ మరియు మెదడు మధ్య కమ్యూనికేషన్ వ్యవస్థ మన మానసిక ఆరోగ్యాన్ని గుర్తించడానికి పేగు మైక్రోబయోటాను అనుమతిస్తుంది. శరీరం లో 95% శరిటోనిన్ అనే భావోద్వేగాలను ప్రభావతం చేసే హార్మోన్ గట్ బ్యాక్టీరియా ద్వారా ఉత్పత్తి అవుతుంది. ఒత్తిడి మైక్రో బయోట యొక్క కూర్పును ప్రభావితం చేయడంతో ఇది మన హార్మోన్లు మరియు నాడీ వ్యవస్థకు ప్రతికూలంగా మారుతుంది⁷

ఇంతే కాకుండా మన రోగ నిరోధక వ్యవస్థలో 80% మన ప్రేగు యొక్క జీవక్రియ వ్యవస్థలతో దగ్గర సంబంధం కలిగి ఉన్నది. గట్  బ్యాక్టీరియా యాంటిజన్స్ (గుర్తించని పదార్థము లేదా జీవ వ్యవస్థ) తగువిధంగా ప్రతి స్పందించడానికి రోగనిరోధక వ్యవస్థను ఉత్తేజపరుస్తుంది మరియు శిక్షణ ఇస్తుంది. అలెర్జీ కి గురికాని పిల్లలతో పోలిస్తే అలెర్జీతో బాధపడే శిశువులు మరియు పిల్లలలో అనేక రకాల ప్రేగు సంబంధిత బ్యాక్టీరియా ఉన్నట్లు గుర్తింప బడింది.  

శుభ్రమైన మరియు ఆరోగ్యకరమైన పేగు హానికరమైన వ్యాధికారకాలకు దూరం చేస్తుంది రోగనిరోధక వ్యవస్థను అభివృద్ధి చేస్తుంది మరియు మ్యాడ్యులేట్ చేస్తుంది అలర్జీలు, ఇన్ఫెక్షన్లు మరియు వ్యాధులను నివారిస్తుంది మరియు మొత్తం ఆరోగ్యాన్ని జాగ్రత్తగా చూసుకుంటుంది

2.3 మంచి ప్రేగు వృక్షజాలం మరియు ఆరోగ్యాన్ని ప్రోత్సహించే కారకాలు: బలమైన ప్రేగులు సూక్ష్మజీవులు యొక్క ఆరోగ్యకరమైన వైవిధ్యాన్ని కలిగి ఉండడంతో  ఏ ఒక్క బ్యాక్టీరియా, వైరస్, లేదా ఫంగస్ ఆధిపత్యం చెలాయించదు. సరైన వైవిద్య ఆహారం ద్వారానే ఇది చేకూరుతుంది.  

ఫైబర్ అధికంగా ఉన్న ఆహార పదార్ధాలు: కూరగాయలు, పండ్లు, తృణ ధాన్యాలు, బీన్స్ మరియు చిక్కుళ్ళు, గింజలు మరియు విత్తనాలు వంటి ఫైబర్ అధికంగా ఉండే ఆహారాలు స్థూల మరియు సూక్ష్మ పోషకాలు యొక్క మంచి కలయికతో ఉన్నవి మనకు అత్యవసరము. సంపూర్ణ ఆహారము ఐన అన్నము మరియు బీన్స్, చీజ్ తో కూడిన పాస్తా, పిటా బ్రడ్ మరియు హ్యూమస్, వేరుశనగ, వెన్న వంటి ఆహారాలు అన్ని అమైనో ఆమ్లాలను అందిస్తాయి.

ప్రీ బయోటిక్స్: సహజంగా అనేక మొక్కల ఆహారాల్లో ఉంటాయి. ప్రేగు బ్యాక్టీరియాకు మంచి ఆహారంగా పనిచేసి వాటిని పెంపొందించుకుంటాయి. అన్ని ఫ్రీ బయోటిక్స్ ను ఫైబర్ అని చెప్పవచ్చు కానీ అన్ని ఫైబర్ రిచ్ ఆహారాలు ఫ్రీ బయోటిక్స్ కాదు. ఇవి ఆపిల్స్, అరటి వంటి పండ్లు, వచ్చి వెల్లుల్లి, ఉల్లిపాయలు, లీక్స్, ఆస్పరాజస్, ఆర్టీచోక్స్, క్యాబేజీ, జికామ లేదా మెక్సికన్ టర్నిప్, బఠానీలు, బ్యాండ్ లైన్ గ్రీన్స్ వంటి కూరగాయలు, గోధుమలు, ఓట్స్, రై, బార్లీ, క్వినోవా, ఉసిరి, మొక్కజొన్న వంటి తృణధాన్యాలు, బీన్స్ మరియు చిక్కుళ్ళు, అవిసె గింజలు, చియా గింజలు మరియు వాల్ నట్స్ వంటి గింజలు⁹. 

ప్రీ బయోటిక్స్ అనేవి ప్రయోజన కరమైన మైక్రో బయోటా  కు సజీవ తార్కాణాలు: ది యాక్టివ్ లేదా లైవ్ కల్చర్ తో కూడిన ప్రాసెస్ చేయని పెరుగు వంటి పులియబెట్టిన ఆహారాలలో కనిపించే ప్రత్యేక ప్రయోజనకరమైన మైక్రోబయోటా ఊరగాయగా చేసిన  కూరగాయలు, సోయా ఆధారిత తెంపే, మీసో(బి విటమిన్లు ముఖ్యంగా బి12 సమృద్ధిగా) నాటో, కించి, మరియు సౌర్ క్రాట్ ప్రత్యేకించి క్యాబేజీ, కాఫీర్(పాల ప్రపంచంలోని చాంపియన్ అని పిలవబడే పాల పానీయం) మరియు పులియబెట్టబడిన టీ  (కొంబుచా) పులియబడిన లేదా ఆవిరితో ఉడికించిన భారతీయ ఇడ్లీలు, మరియు ఢోక్లా వంటి ఆహారాలు ఇప్పటికీ ప్రయోజనకరంగా పరిగణింపబడుతున్నాయి. అయినప్పటికీ ప్రోబయాటిక్స్ ఆవిరితో లేదా ఉడికించిన పదార్ధాలలో మనుగడ సాగిస్తాయా అనే దానిపై విభిన్న అభిప్రాయాలు కూడా ఉన్నాయి

హైడ్రేషన్: స్వచ్ఛమైన నీరు ఎక్కువగా తీసుకుంటూ, రసంతో కూడిన తాజా పండ్లు మరియు కూరగాయలతో శరీరాన్ని ఆర్ద్రతగా ఉంచండి.

2.4. అసమతుల్యత మరియు అనారోగ్య గట్ మైక్రోబియమ్ కు కారణమయ్యే కారకాలు: మన పేగుల యొక్క దైనందిన కదలిక సూక్ష్మజీవుల ఉత్పత్తిని నిర్ధారిస్తుంది. జీర్ణాశయ మార్గం ద్వారా ఆహారం మరియు వ్యర్ధాల కదలిక వివిధ సూక్ష్మజీవులను ఆ మార్గంలో వివిధ ప్రదేశాల్లో పంపిణీ చేస్తుంది. తొలగింపు వేగంగా జరిగితే అనారోగ్యకరమైనవి వృద్ధి చెందవు. కొన్ని ఆహారాలు, అంటువ్యాధులు, యాంటీబయోటిక్స్, ఏవైనా మందుల యొక్క దీర్ఘకాలిక వినియోగం, నిద్ర తక్కువ కావడం, అధిక స్థాయి వత్తిడి స్థాయి వల్ల సమతుల్యత దెబ్బతింటుంది. ప్రాసెస్ చేయబడిన లేదా చక్కెర అధికంగా ఉండే ఆహారాలు అనారోగ్యకరమైన సూక్ష్మజీవులు వృద్ధి చెందటానికి సహాయపడతాయి. ఆల్కహాల్, పొగాకు, పొగ, ఇతర కాలుష్య కారకాలు మరియు పురుగుమందులు వంటి పర్యావరణ విష పదార్థాలు మంచి సూక్ష్మజీవులు వృద్ధి చెందకుండా చేస్తాయి. ^8,11,12

3. ప్రేగు బ్యాక్టీరియా అసమతుల్యత లక్షణాలు (గట్ డిస్ బయోసిస్)

డిస్ బయోసిస్ అనేది మైక్రోబియం యొక్క వైవిధ్యం మరియు అసమతుల్యత లక్షణము. దీని లక్షణాలు నోటి దుర్వాసన, నొప్పితో కూడిన గ్యాస్, కడుపు ఉబ్బరం, గుండెల్లో మంట, ఆమ్లత్వం, యాసిడ్ రిఫ్లెక్స్, పేలవమైన జీర్ణ క్రియ, పొత్తికడుపులో నొప్పి, అతిసారం, మలబద్ధకం, ప్రేగు అలవాట్లలో మార్పు, ఆరోగ్యంగా లేనట్లు అనిపించడం, ఆకస్మికంగా ఆహార అసహనం, ఊహించని  అలసట, ఆందోళన మరియు నిరాశ వంటి మానసిక రుగ్మతలు, బరువు పెరగటం, స్వీటు పై మక్కువ, చర్మంపై దద్దుర్లు లేదా అలర్జీలు మరియు నిద్రారుగ్మతలు.^11,13ఈ లక్షణాలకు ఇతర వైద్య సంబంధిత కారణాలు లేకుంటే  ఇది అనారోగ్య ప్రేగు మరియు ప్రాసెస్ చేసిన అదనపు ఆహారాలు తీసుకోవడం వలన కావచ్చు.  

సాధారణ గట్ బ్యాక్టీరియా యొక్క అసమతుల్యత తాప జనక ప్రేగు వ్యాధి (IBD) లేదా ప్రకోప ప్రేగు సిండ్రోమ్ (IBS) కు కారణం అవుతుంది. దీని విస్తృతమైన అనారోగ్య సూచికలు ఊబకాయం, టైప్ టు మధుమేహం మరియు ఆటోపి. అలాగే పార్కిన్సన్స్ లేదా ఆల్జీమర్స్ వ్యాధికి కూడా దారి తీయవచ్చు.⁵

మన ప్రేగు మైక్రోబియం యొక్క కూర్పును తెలుసుకోవచ్చు, కానీ వివిధ రకాలైన గట్ బ్యాక్టీరియా మన శరీరాన్ని ఎలా ప్రభావితం చేసుకుంటూ తెలుసుకోవడానికి తగినంత పరిశోధనలు అందుబాటులో లేవు. కానీ ఇన్ఫెక్షన్లు మరియు బ్యాక్టీరియా అధిక పెరుగుదల అసమతుల్యత, ప్రత్యేకించి ఈ పెరుగుదల కనిపించే విధంగా మరియు నిరంతరంగా ఉంటే రక్తము, మలము, లేదా శ్వాస పరీక్ష ద్వారా తనిఖీ చేయవచ్చు.⁸

4. గట్ బ్యాక్టీరియాను పెంచడానికి, నిర్వహించడానికి, పునరుద్ధరించడానికి చిట్కాలు

• నెమ్మదిగా తినండి, స్థానికంగా పండించిన తాజా ఆరోగ్యకరమైన ఆహారాన్ని మరియు పులియబెట్టబడిన ఆహారాన్ని శ్రద్ధతో పూర్తిగా నములుతూ తినండి¹¹. ఆహారం పరిశుభ్రంగా తయారు చేయబడినది నిర్ధారించుకొని ఇది దేవుని నుండి లభించిన ఒక విలువైన బహుమతిగా కృతజ్ఞతతో మరియు ప్రేమతో మౌనంగా కృతజ్ఞత మరియు ఆరాధనతో డిజిటల్ పరద్యానాలు లేకుండా తీసుకోండి. ప్యాక్ చేసిన, మరియు ప్రాసెస్ చేయబడిన ఆహారాలు లేదా ఉప్పు మరియు చక్కెర తో కూడిన పదార్ధాలు  నివారించండి. అతిగా తినవద్దు. మంచినీటి నియమాలు తప్పనిసరిగా అనుసరించండి.
• ప్రీ బయోటిక్ ఆహారాన్ని హఠాత్తుగా పెంచవద్దు. ఇది ఉదరంలో వాయువును పెంచి అపాన వాయువు మరియు ఉబ్బరానికి దారి తీస్తుంది. భరించగలిగే తత్వాన్ని, మరియూ సున్నితత్వాన్ని అంచనా వేయడానికి తక్కువ మొత్తంతో ప్రారంభించి అధిక ఫైబర్ గల ఆహారాన్ని క్రమంగా పెంచండి. ఎందుకంటే తక్కువ ఫైబర్ గల ఆహారం తీసుకుంటే అది బ్యాక్టీరియాను తగ్గిస్తుంది మరియు వ్యాధికారిక బ్యాక్టీరియా పెరుగుదలను ప్రోత్సహిస్తుంది.
• మీ జీర్ణ క్రియకు మరియు సెల్లులార్ స్థాయిలో మలినాల ప్రక్షాళనకు ప్రతీ రాత్రి కనీసం 12 గంటల పాటు ఉపవాసం పాటించండి. సహజ షిర్కేడియం విధానంకు అనుగుణంగా పగటిపూట సమయ పరిమితితో కూడిన ఆహారపు షెడ్యూల్నుపాటించండి¹⁴. సూర్యోదయం తర్వాత ఏదైనా పానీయం (నీరు కాకుండా) ముందుగా తీసుకోవాలనుకుంటే ఉదయం ఏడు గంటలకు తర్వాత అలాగే చివరిగా సూర్యాస్తమయం అనంతరం సాయంత్రం ఏడు గంటల లోపు తీసుకొనేలా చూసుకోండి. ఆహార విరామాన్ని 12 గంటల నుంచి కనీసం 10 గంటలకు క్రమంగా తగ్గించవచ్చు. రాత్రి 10 గంటల నిద్రకు ఉపక్రమించి సూర్యోదయానికి కనీసం ఒక గంట ముందుగా నిద్ర లేచే క్రమశిక్షణ అలవరచుకుంటే అది మంచి గట్ బ్యాక్టీరియాను నిర్మించడంలో సహాయపడుతుంది (సమయ పరిమితి తో కూడిన అట్టి ఆహారపు అలవాటు మరియు అప్పుడప్పుడు చేసే ఉపవాసం జీర్ణక్రియ ప్రక్రియకు విశ్రాంతి నిచ్చి పాత కణాల తొలగింపు మరియు కొత్త కణాల పునరుత్పత్తితో కూడిన ప్రేగు సంబంధిత మ్యూకస్ పొరకు స్వస్థత నిస్తుందని పరిశోధన సూచిస్తున్నది.) ¹⁵
• మలవిసర్జన చేయడానికి తొడ భాగంలో బాగా వంచి కూర్చోండి లేదా వెస్ట్రన్ టాయిలెట్ ఐతే పాదాల వద్ద  తక్కువ ఎత్తున్న పీటను ఉంచి శరీర పై భాగాన్ని కొద్దిగా ముందుకు వంచి కూర్చోవాలి. ఇది కండరాలకు విశ్రాంతి నిచ్చి ప్రేగు కదలికలను సులభతరం చేస్తుంది.⁴

చివరి మాట:  మీరు ఏమి తింటారో, ఎప్పుడు తింటారో, ఎంత తింటారో అదే మీ తత్వంగా మారుతుంది. ఫ్రీ మరియు ప్రొ బయాటిక్స్ తో కూడిన ఆరోగ్యకరమైన సంపూర్ణ ఆహారం, తగినంత నీరు,  ఆరోగ్య కరమైన జీవనశైలి ఇవి ఆరోగ్యకరమైన ప్రేగు మరియు ఆరోగ్యకరమైన జీవితానికి కీలకము.

రిఫెరెన్సులు మరియు వెబ్ సైట్ లింకులు

1. Sathya Sai Baba Divine Discourse on “Food and Health” on 21 Sept 1979: https://sssbpt.info/ssspeaks/volume14/sss14-31.pdf
2. Sathya Sai Baba Divine Discourse on “Well or Ill” 26 Sept 1965: https://sssbpt.info/ssspeaks/volume05/sss05-38.pdf
3. https://www.niddk.nih.gov/health-information/digestive-diseases/digestive-system-how-it-works#
4. Gut, The Inside Story of Our Body’s Most Underrated Organ, Giulia Enders, published by Greystone Books, 2015.
5. Human gut microbiome in health and disease: https://ncbi.nlm.nih.gov/pmc/articles/PMC4566439/
6. https://www.hsph.harvard.edu/nutritionsource/microbiome/
7. Impact of Gut microbiome: https://www.apa.org/monitor/2012/09/gut-feeling
8. https://my.clevelandclinic.org/health/body/25201-gut-microbiome
9. Prebiotics: https://www.chop.edu/health-resources/food-medicine-prebiotic-foods
10. Probiotics: https://healthline.com/nutrition/11-super-healthy-probiotic-foods
11. https://www.betterhealth.vic.gov.au/health/healthyliving/gut-health
12. https://www.ncbi.nlm.nih.gov/pmc/articles/PMC6699480/
13. Imbalance/Dysbiosis: https://my.clevelandclinic.org/health/diseases/dysbiosis
14. Circadian rhythm for health: https://www.youtube.com/watch?v=fciGNBN0nKM
15. Right way of intermittent fasting: https://www.youtube.com/watch?v=0P2lz45rFCA

______________________________________________________________________________

2. వర్క్ షాప్ లు & సెమినార్లు

2.1 స్పానిష్ లో AVP వర్క్ షాప్, మొంటి విడియో, ఉరుగ్వే 6-7 ఏప్రిల్ 2024

ప్రాక్టీషనర్ ⁰¹⁰⁰¹ స్పానిష్ లో తన తొలి వర్క్ షాప్ ను నిర్వహించారు. అర్జెంటీనాకు చెందిన ఇద్దరు నిబద్ధత కలిగిన విద్యార్థులు ఉరుగ్వే కు సుదీర్ఘ ప్రయాణం చేసి ఈ వర్క్ షాప్ కు చేరుకున్నారు. 2024 ఫిబ్రవరి 19 నుండి 23 వరకు నుండి జరిగిన వర్చువల్ కోర్సులో అర్హత సాధించి తర్వాత AVP లుగా మారారు. ప్రాక్టీషనర్ కు ఇద్దరు టీచర్లు ^{11422 & 10375} మద్దతు ఇచ్చారు. డాక్టర్ అగర్వాల్ ఈ రెండు రోజుల వర్క్ షాప్ లో పాల్గొన్న వారిని ఉద్దేశించి మాట్లాడుతూ వారి సందేహాలకు సమాధానం ఇచ్చారు. కొత్తగా అర్హత పొందిన ప్రాక్టీషనర్లు^{03618 & 03619}  వైబ్రియానిక్స్ యొక్క స్వచ్ఛమైన సేవా స్ఫూర్తికి గాఢంగా కనెక్ట్ అయ్యారు. మరియు వారి ఈ కోర్సు పూర్తిచేసి ఈ అపారమైన కృతజ్ఞతతో వారు స్వామి తమకు చూపిన ఈ అద్భుతమైన మార్గంలో తమ ప్రయాణాన్ని ప్రారంభించడానికి తమ నగరాలకు చేరుకున్నారు. 

______________________________________________________________________________

2.2 పుట్టపర్తి లో AVP వర్క్ షాప్, 26-28 ఏప్రిల్ 2024

ఏప్రిల్ బ్యాచ్ కి చెందిన ఎనిమిది మంది ఉత్సాహవంతులైన విద్యార్ధులు వర్చువల్ కోర్సులో అర్హత సాధించి ఏప్రిల్ 27న ఆశీర్వదింప బడిన 108CC బాక్సులు పొందడం ద్వారా AVPs ^11661-11668 లు గా ఎంపిక కావడం అద్భుతమైన ఆశీర్వాదం గా భావిస్తున్నారు. కోర్స్ మొత్తంలో వారు విషయ పరిజ్ఞానము, మరియు అభ్యాస నైపుణ్యాలను అర్థం చేసుకోవడానికి ఆసక్తిని కలిగి ఉంటూ విషయ సంబంధిత మరియు గ్రహణ శక్తి గల ప్రశ్నలను లేవనెత్తడం ద్వారా అధ్యాపకులను ఆనందపరిచారు. వారు రోగులతో ఒకరితో ఒకరు పరస్పరం సంభాషించే అవకాశాన్ని పొంది, రోగులనుండి వివరాలను సున్నితంగా పొందడం, వారి కోసం రెమిడీలను ప్రణాళిక ద్వారా తయారు చేయడం మరియు ఫాలో అప్ చేయడం వంటివి నేర్చుకున్నారు. డాక్టర్ అగర్వాల్ తమ ముగింపు ఉపన్యాసంలో రోగులకు చికిత్స చేయడంలో తన వ్యక్తిగత అనుభవాలను పంచుకుంటూ వైబ్రియానిక్స్ ఎంత సరళమైనదో అంత శక్తివంతమైనదని, విశ్వాసం యొక్క ప్రాముఖ్యత, స్వామితో సన్నిహితంగా ఉండవలసిన ఆవశ్యకత, ప్రాపంచిక ఆకర్షణ నుండి మనస్సును ఎలా మచ్చిక చేసుకోవాలి అనే విషయాలు వివరించారు. స్వామి ఆసుపత్రిలో నర్సుగా పనిచేసిన అనుభవం ఉన్న ప్రాక్టీషనర్ ¹¹⁶¹⁴  మూర్ఛ, గుండెపోటు, పాముకాటు, రక్తస్రావం, లేదా డయాబెటిక్ పేషంటులలో హైపో గ్లైకేసీమియా వంటి సందర్భాల్లో కొన్ని ప్రథమ చికిత్స చిట్కాలను అందించారు. ఆనందంతో కూడిన వారి ముఖ బింబాలు కృతజ్ఞతా భావాలను వ్యక్త పరుస్తూ ఈ సేవలో మునిగిపోవడానికి తమ  సంసిద్ధతను ప్రతిబింబించాయి.   

______________________________________________________________________________

2.3 సాయి వైబ్రియానిక్స్ ప్రాక్టీ షనర్ల సమావేశము UK మిడ్ లాండ్ గ్రూప్, 21 జనవరి 2024

వర్చువల్ గా నిర్వహించిన ఈ ఒక పూట సమావేశములో చిత్తవైకల్యము మరియు హార్మోన్ల సమతుల్యత ద్వారా ఎండోక్రైన్ వ్యవస్థను నిర్వహించడం పై ప్రాక్టీషనర్లు^{02802 & 00534} విజ్ఞాన దాయకమైన చక్కని ప్రదర్శన అందించారు. పాల్గొన్న ప్రాక్టీషనర్లు విజిటింగ్ ఫ్యాకల్టీ  డాక్టర్ పభాని నొప్పిని నివారించే చిట్కాలు, బే ఆకులను ఉపయోగించి చికిత్స నిర్వహించే పద్ధతులను తెలిపారు. అంకిత భావంతో అనేక విధాలుగా పనిచేసిన వారందరికీ కృతజ్ఞతలు తెలుపుతూ సమావేశం ముగిసింది.గమనిక: ఈ సమావేశంలో అందించిన మెటీరియల్ ప్రాక్టీషనర్ సైట్ లో సైట్లో (Forms > Download).ఆప్షన్ ద్వారా అందుబాటులో ఉన్నాయి.  

______________________________________________________________________________

3. క్యాంపులు మరియు క్లినిక్ లు 

కొత్త సాయి వైబ్రియానిక్స్ సెంటర్ ప్రారంభోత్సవం, 7 ఏప్రిల్ 2024, AP.

భగవాన్ శ్రీ సత్య సాయి బాబా వారి దివ్య ఆశీస్సులు మరియు అనుగ్రహంతో ఆంధ్ర ప్రదేశ్ లో అనకాపల్లి జిల్లా లోని అచ్యుతాపురం లో హరిపాలెం శ్రీ సత్య సాయి మందిరంలో 2024 ఏప్రిల్ 7న సాయి వైబ్రియానిక్స్ వెల్నెస్ సెంటర్ ప్రారంభించబడింది. స్థానిక సమితి సభ్యులు మరియు చుట్టుపక్కలప్రాంతాల నుండి ప్రజలు ఎక్కువగా హాజరైన ఈ కార్యక్రమంలో భక్తి పూర్వక ప్రార్ధనలు మరియు భజనలతో రీ చార్జి చేయబడిన తరువాత సీనియర్ ప్రాక్టీషనర్¹¹⁵⁶⁷ స్ఫూర్తిదాయకమైన ప్రసంగం మరియు వైబ్రియానిక్స్ పై ప్రశ్న-జవాబు సెషన్ తో ముగిసింది. సందర్శకులకు 54 IB బాటిల్ పంపిణీ చేసిన అనంతరం హారతి మరియు ప్రసాదం తో ముగిసింది.  అంకిత భావం గల ఇద్దరు ప్రాక్టీషనర్లు^{11634 & 18009} ఈ కేంద్రంలో 2024 మే 5 నుండి ప్రతినెల 1వ ఆదివారం ఉదయం 10 నుంచి 12 గంటల వరకు రోగులకు చికిత్స చేస్తారు. 

______________________________________________________________________________

4. జ్ఞాపకార్ధం

శ్రీ మహేంద్ర పోపట్  ^00298…UK 2024 మార్చి 24 తేదీన 75 సంవత్సరాల వయసులో లండన్ నుండి తన స్వర్గపు నివాసానికి బయలుదేరారు. వీరు ప్రారంభ ప్రాక్టీ షనర్లలో ఒకరు, ఆ రోజుల్లో లండన్లో సమావేశాలు, వర్క్ షాప్ లు నిర్వహించడం ద్వారా UK లో  వైబ్రియానిక్స్ స్థాపనలో ఎంతో కృషి చేశారు. వైబ్రియానిక్స్ లోనికి రావడంలో వీరి నుండి ప్రేరణ పొందిన వీరి జ్యేష్ట సోదరి ప్రాక్టీషనర్⁰²⁸²¹ వీరి గురించి ఇలా చెప్పారు, “ఇతని నిష్క్రమణం చాలా ఆశ్చర్య కరమైనది! అతను ఎవరికీ లేనంత బలం మరియు ధైర్యం కలిగి ఉన్నాడు, అతని సేవ నిజంగా నిస్వార్ధమైనది, వారి సన్నిహితులు అందరూ ఇవే మనోభావాలు పంచుకుంటున్నారు. అతను ఎల్లప్పుడూ వైద్య సేవపై దృష్టిపెట్టి ఉండేవారు, రోగులకు సేవ చేయడానికి అనేక నెలలు పుట్టపర్తి కి వచ్చి ఉండేవారు. 2020లో అతనికి స్ట్రోక్ వచ్చిన నాటి నుండి వారు అంతగా చురుగ్గా లేరు కానీ రోగులకు మరియు ఇతర ప్రాక్టీషనర్లకు సలహాల ద్వారా సహాయం చేయడానికి ఎల్లప్పుడూ సిద్ధంగా ఉండేవారు. అతని స్నేహితులు, కుటుంబ సభ్యులు, స్నేహితులు వారి నిష్క్రమణానికి ఎంతో చింతుస్తున్నారు. మరియు సహోదరితే మిస్ అవుతున్నాడు. వారి ఆత్మకు శాంతి కలగాలని మరియు శాశ్వతమైన ఆనందాన్ని పొందాలని ప్రార్ధన!