“ఒక వ్యక్తి జ్ఞాన రంగంలో నిపుణుడు కావచ్చు, లేదా పదార్ధ నైపుణ్యములలో సిద్ధహస్తుడు కావచ్చు కానీ అంతర్గత శుద్ధి లేకపొతే అతని మెదడు ఎడారితో సమానము. ^1-2”…శ్రీ సత్యసాయి బాబా

1. మానవ శరీరము అత్యంత ప్రతిభాశాలి.!^3-5

మానవ శరీరము రూపొందింపబడిన తీరు ఎంత అద్భుతంగా ఉంటుందంటే  శరీరంలో ప్రతిరోజూ సృష్టించబడుతున్న రోజువారీ వ్యర్థాలు, కాలేయం మరియు మూత్రపిండాలు ద్వారా ఇంకా చర్మము ద్వారా చెమట ద్వారా విసర్జించబడి శరీరం శుద్ది అవుతోంది.  శరీరం యొక్క రోగనిరోధక వ్యవస్థను నిర్వహిస్తున్న శోషిక వ్యవస్థ ఒక వీధులు శుభ్రం చేసే వానిలాగా పని చేస్తూ, శరీర ద్రవాలను సమతుల్యం చేయడం మరియు అంటువ్యాధులకు వ్యతిరేకంగా రక్షించడం వంటి పనులు నిర్వహిస్తుంది.  బాహ్యముగా చూస్తే ప్రతికూల  పరిస్థితులు ఉన్నప్పటికీ, శరీరము  శుభ్రంగా మరియు తాజాగా ఉండటానికి రక్త ప్రసరణ వ్యవస్థ, జీర్ణవ్యవస్థ, మరియు శ్వాసకోశ వ్యవస్థలు దీనికి తమవంతు సహకారం అందిస్తాయి. శరీరము  యొక్క స్వీయ నియంత్రిత  నియంత్రణా వ్యవస్థ మన అవగాహన లేదా ఆలోచన లేకుండానే నిశ్శబ్దంగా తన పని తాను చేసుకుపోతూ ఉంటుంది.

2. విషపూరితమైన పదార్ధాలు శరీరంలో ఏవిధంగా చేరతాయి.?⁵

   భౌతిక, రసాయన, లేదా జీవసంబంధ ఏజెంట్ల ద్వారా చేరిన విష పదార్ధాలను ఎదుర్కోలేని స్థితిలో లేదా వాటిని బయటకు పంపలేని స్థితిలో శరీరము యొక్క అద్భుతమైన వ్యవస్థ నిర్వీర్యం ఐనప్పుడు అవి శరీరంలో పోగవుతూ పెరిగిపోతాయి. వాటి  యొక్క తీవ్రత లేదా దీర్ఘ కాల వ్యవధి కారణంగా, శరీరంపై ఒత్తిడి చాలా ఎక్కువ అవుతుంది. టాక్సిసిటీ అనేద  శరీరం విషప్రాయంగా ఉందని చెప్పడానికి ఉపయోగించే పదం. ఇది సాధారణంగా ఒక జీవరసాయన మార్పు వలె మొదలయ్యి కణాంగ సంబంధమైన లేదా సెల్యులర్ మార్పులకు తద్వారా భౌతికమైన శరీరధర్మ మార్పులకు దారితీస్తుంది..

సాధారణ సూచికలు ^6-8 శరీరంలో టాక్సిసిటీ పెరిగిపోయింది అనడానికి కొన్ని సూచికలు స్థిరంగా కొనసాగే  అలసట,  బరువు పెరుగుట, చెడు శ్వాస, నాలుక మీద భారీ తెలుపు పూత లేదా పాచి పెరుగుదల, శరీరము నుండి దుర్వాసన, మలబద్ధకం, అజీర్ణం, అధిక వాయువు మరియు గట్టిపడిన మలం, వళ్ళు నొప్పులు, వాసన పడక పోవడం, దీర్ఘకాలిక సైనస్ సమస్యలు మరియు తలనొప్పి, చర్మ వ్యాధులు దీర్ఘకాలిక నిద్రావస్థ  మొదలైనవి.  ఇవి స్వల్పకాలికంగా లేదా దీర్ఘకాలికంగా ఉంటాయి. వీటి కారణంగా అంటురోగాలకు, లేదా దీర్ఘకాలిక వ్యాధులకు  గురికావడం  ఒక్కొక్కసారి, కోమా మరియు మరణానికి దారితీసే సంఘటనలు కూడా సంభవిస్తాయి. విషపూరితమైన పదార్ధాల వలన కలిగే వ్యాధులను నివారించే మార్గాలున్నప్పటికీ  దీనికి చాలా సమయం తీసుకుంటుంది.

 3. నిర్విషీకరణ చేయవలసిన అవసరం ఉందా ?^7-16

 వైద్య పరిభాషలో, ఆల్కహాల్ లేదా ప్రాణాంతక మాదకద్రవ్య వ్యసనం యొక్క చికిత్స సందర్భంలో తప్ప నిర్విషీకరణ అనే పదం ఏదీ లేదు; దీనిని ఇప్పుడు ఉపసంహరణ వైద్యం గా సూచిస్తారు. మన శరీరం ప్రాధమికంగా ఒక స్వయంగా శుభ్రపరుచుకొనే యంత్రం కనుక  ఏ ప్రత్యేక నిర్విషీకరణ ప్రక్రియ అవసరం లేదు అనే వాదన కూడా ఇటీవల వినిపిస్తోంది. ప్రాసెస్ చేయబడిన ఆహారము,  అధిక కొవ్వు మరియు పంచదారతో చేసిన ఆహార పదార్ధాలను మాత్రమే పరిమితం చేసి బదులుగా  పండ్లు మరియు కూరగాయలు వంటి వాటిని ఎక్కువ మొత్తంలో ఆహారములో తీసుకోవాలి. వైద్య నిపుణుల అభిప్రాయం ప్రకారం, శరీరం దాని అవయవాలు మరియు వ్యవస్థల ద్వారా మలినాలను విసర్జించలేని పరిస్థితి ఏర్పడితే  వెంటనే వైద్య సహాయం అవసరమవుతుంది.

దీనికి విరుద్ధంగా, 5000 ఏళ్లనాటి  "జీవితం మరియు దీర్ఘాయువుకు చెందిన శాస్త్రము’’ గా పిలువబడే ఆయుర్వేదమునకు చెందిన అంకిత భావము గల వైద్యశాస్త్ర నిపుణులు, ఆధునిక వైద్యము టాక్సిన్స్ మరియు నిర్విషీకరణకు అవసరమైన ప్రాధాన్యత ఇవ్వక  దీర్ఘకాలంగా నిర్లక్ష్యం చేస్తూ వచ్చిందని స్పష్టము చేస్తున్నారు ^12-16.  ప్రస్తుతం ఈ భావన అనగా రసాయనాలు శరీరాన్ని విషతుల్యం చేస్తున్నాయనే భావన  వైద్య నిపుణులలో నెమ్మదిగా ఆదరణ పొందుతున్నది.

కొందరు వైద్య నిపుణులు ఇప్పటికే ఆయుర్వేద అధ్యయనం ప్రారంభించి టాక్సిన్లను నిరోధించడానికి ఆధునిక ఔషధ పరిజ్ఞానముతో ఆయుర్వేదాన్ని జోడించే పనిలో నిమగ్నమైనారు ¹³.

4. మనోదేహాలను పరిశుభ్రంగా ఉంచడం !^12,14-21

బాహ్య సంబంధమైన విషాలు:  

మన శరీరము ఐదు ఇంద్రియాల ద్వారా పర్యావరణము నుండి మరియు ఆహారము నుండి విషాన్ని గ్రహిస్తుంది. సిగరెట్ల ద్వారా లోనికి చేరే పొగ, వాహనాలు మరియు పరిశ్రమల నుండి చేరే పొగ; త్రాగునీటి ద్వారా చేరే కాలుష్య కారకాలు, పండ్లు, కూరగాయలు మరియు ఇతర ఉత్పత్తుల పైన పిచికారీ చేసే పురుగుమందులు మరియు రసాయనాలు ద్వారాకూడా విషపదార్ధాలు శరీరములోనికి  చేరతాయి. వ్యక్తిగత ఆరోగ్య సంరక్షణ నిమిత్తం వాడే ఉత్పత్తులలో ఉండే రసాయనాలు కూడా టాక్సిన్ల పెరుగుదలకు మూలము  ^12,14-16 .

తల్లి కడుపులో ఉన్న శిశువులు కూడా విష కాలుష్య వలయము  నుండి తప్పించుకోలేరు. 2004 లో ఒక పరిశోధనా అధ్యయనం, అమెరికాలోని  ఆసుపత్రులలో పుట్టిన బిడ్డల బొడ్డు తాడు రక్తంలో సగటున 200 పారిశ్రామిక రసాయనాలు మరియు కాలుష్య కారకాలు ఉన్నట్లు కనుగొన్నది. ఈ అధ్యయనం ఇంకా ఏం చెపుతోందంటే ఈ కాలుష్యం బొడ్డు తాడును దాటి అభివృద్ధి చెందే శిశువుకు కవచంగా నమ్ముతున్న గర్భస్థ మావిని (తల్లి యొక్క గర్భంలో) కూడా చేరుకొని హాని కలిగిస్తుందని తెలిపుతోంది.^16-17. కనుక విషాన్ని లోపలికి చేరకుండా నివారించలేకపోతున్నామని స్పష్టమవుతుంది, ఐతే దానిని ఎలా ఎదుర్కోవాలనేది మనం తెలుసుకోవాలి.    

మనంతట మనం ఆరోగ్యంగా ఉన్నట్లు భావిస్తాము.  మనంతట మనం నిరుత్సాహముగా, బలహినముగా లేదా సాధారణమైన రోజువారీ కార్యక్రమాల నిర్వహణకు కావలసిన  శక్తిని సమకూర్చుకోవడానికి ఇబ్బంది పడుతున్నా అది మన జీవనవిధానమును పునః పరిశీలించుకొనడానికి ఒక పిలుపు వంటిదని గమనించాలి. మనము మన అలవాట్ల ద్వారా శరీరంలో విషాలను నింపుతూ ఉండి ఉండవచ్చు. ఉదాహరణకి మనం తినడానికి ఇష్టపడే పాల ఉత్పత్తులు, ప్రాసెస్ చేయబడిన ఆహారము, లేదా కొవ్వు పదార్ధాల వలన మన శరీరక  వ్యవస్థలు నిరోధింపబడుతూ ఉండవచ్చు, ఎందుకంటే శరీరము వాటిని కలుపుకోలేక తొలగించనూలేక సతమతమవుతూ ఉంటుంది.¹⁸ 

విషాలు అంతర్గతంగా కూడా సృష్టింపబడుతూ ఉంటాయి: సుదీర్ఘ కాలంగా అనుభవింపబడే ఒత్తిడి దీర్ఘకాలిక వ్యాధిగా గానీ లేదా  టాగ్జిన్స్ సృష్టించేదిగా కానీ మారి మన శరీరము మరియు మెదడులపైన దాడి చేస్తూ ఉంటుంది.¹⁹  ఇట్టి  విషపూరితమైన ఒత్తిడిని అనుభవించే పిల్లలు పెద్దయిన తర్వాత దీర్ఘకాలిక ఆరోగ్య సమస్యలను ఎదుర్కొనే అవకాశం ఉంది. ^2o మన ఆలోచనలు నియoత్రణ లేకుండా ఎక్కువైతే అవి, విషపదార్ధములు పెరగడానికి కారణం అవడమే కాక చివరకు వ్యాధికి కూడా దారితీస్తుంది. కోరిక, కోపం, అహంకారం, దురాశ, భ్రాంతి, మరియు అసూయ అనే అరిషడ్వర్గములు మన అంతర్గత శాంతికి  భంగం కలిగించడమే కాక  రోగనిరోధక శక్తిని తగ్గించి విషాలను శోషింపచేసుకొనడానికి అవకాశం కల్పిస్తాయి.²¹

5. విషాలను తొలగించుకొనడానికి సాధారణ పద్దతులు ^22-35

యోగా ^22-24 యోగ అనేది మానవుడు ఆనందకరంగా జీవించడానికి మరియు పని భారం వలన ఏర్పడే వత్తిడి నివారించడానికి, శరీరము లోపల నుండి ఉత్పత్తి అయ్యే విషపూరితమైన పదార్ధాలు నివారించడం లోనూ ఒక చక్కని సాధనంగా ఉంటుంది. ఇది సత్యం, సంతృప్తి, అహింస, స్వీయ-అధ్యయనం మరియు అంకితభావం, అలాగే ఆసనాలు, మరియు ప్రాణాయం ( శ్వాస నిశ్వాసముల నియంత్రణ) వంటి  కొన్ని ప్రాథమిక పరస్పర అనుసంధానిత మార్గదర్శక సూత్రాలను అనుసరిస్తుంది. యోగా పద్ధతులు రక్త ప్రసరణ మరియు ఊపిరితిత్తుల సామర్ధ్యాన్ని పెంచుతాయి మరియు నిర్విషీకరణకు ప్రధానంగా బాధ్యత వహించే అత్యంత ముఖ్యమైన అవయవం 'కాలేయము'ను  ప్రేరేపించి, బలోపేతం చేస్తాయి. యోగ మార్గంలో జీవింపదలచిన వారు ఒక యోగ నిపుణుడు వద్ద గానీ లేదా యోగ పాఠశాల మార్గదర్శకంలో యోగ జీవన శైలిని స్వీకరించవచ్చు.

సాయి వైబ్రియోనిక్స్ రెమెడీలు: భగవాన్ శ్రీ సత్య సాయిబాబా వారిచే దీవించబడిన సాయి వైబ్రియోనిక్స్ రెమెడీలు, శరీరము  మరియు మనస్సు యొక్క సూక్ష్మ రంగాలలో విషాలను తొలగించి ఈ వ్యవస్థలను శుభ్రపరచడం ద్వారా రోగనిరోధకత మరియు సమతుల్యత రెండింటిని పెంచుతాయి. ప్రాక్టీషనర్లు, మరింత సమాచారము కోసం '108 కామన్ కాంబోస్' మరియు 'వైబ్రియోనిక్స్ 2016' లను చూడండి. 

ఆయుర్వేదం ^12,25-26:  నిర్విషీకరణ ప్రక్రియ కోసం కోలన్ లేదా పెద్ద ప్రేగు  శుద్ధీకరణ లేదా శరీర ప్రక్షాళన వంటివాటికి వెళ్ళాలంటే, ఆయా సంస్థల ప్రామాణికతను మరియు సమర్ధతను గుర్తించిన తర్వాతే సరైన వ్యవస్థ మరియు సంస్థను ఎన్నుకోవాలి. టాక్సిన్లను తగ్గించడానికి ఆయుర్వేదములో కొన్ని ప్రత్యేకమైన పద్ధతులున్నాయి. లోపలికి చేరే విషాలను తగ్గించడం బయటకు వెళ్ళే విషాన్ని గరిష్టీకరించడం, తద్వారా విషపదార్థాల వృద్ధి నిరోధించడం. ఋతువులలో మార్పు, ముఖ్యంగా ఋతువు ప్రారంభం మరియు నిర్గమనము, శరీరం మరియు మనస్సు యొక్క నిర్విషీకరణకు ముఖ్యమైన కాలాలుగా భావిస్తారు. ఇంటిలో ఉపయోగించే  సాధారణ నిర్విషీకరణ పద్దతులలో కొన్ని నాలిక బద్దతో నాలుకను శుభ్రం చేయడం, పొడి చర్మం రుద్దడం, మసాజ్ చేయడం, ఆవిరి ప్రక్రియ మొదలైనవి. రాత్రి పడుకోబోయే ముందు అర చెంచాడు త్రిఫలా చూర్ణము  (తానికాయ, ఉసిరికాయ, కరక్కాయ అనే మూడు స్థానిక భారతీయ మూలికలతో  చేసినది)  ఒక కప్పు వేడినీటితో తీసుకుంటే అది జీర్ణ వ్యవస్థ నుండి విషాలను  తొలగించడానికి ఎంతో సహాయపడుతుంది.

సరళమైన గృహ చిట్కాలు ¹³  టీ మరియు సూప్ రూపంలో తీసుకునే ద్రవ పదార్ధాలు శరీరాన్ని నిర్విషీకరణ చేయడములో  అద్భుతాలు సృస్టిస్తాయి. కొన్ని ఉదాహరణలు బార్లీ నీరు, ఫెన్నెల్ టీ, జొన్న/టేపియోకా/గంజి, మరియు బ్రోకలీ, వెల్లుల్లి రేకలతో కలిపి చేసిన క్యాబేజీ మరియు ఉల్లిపాయ సూప్.

నిర్విషీకరణ పానీయాలు ²⁷ మన అవసరాలకు అనుగుణంగా క్రింద సూచింపబడిన ప్రకృతి వరప్రసాదముల వంటి వానిలో రెండు లేదా అంతకంటే ఎక్కువ వాటిని ఎన్నుకొని పానీయాలు చేసుకొనవచ్చు. పుచ్చకాయ, దోసకాయ, నిమ్మకాయ, సున్నం, ద్రాక్ష పండు, కోరిందకాయలు, స్ట్రాబెర్రీలు, పుదీనా, అల్లం, రోజ్మేరీ, డాండెలైన్, ఆపిల్ పళ్లరసం వెనీగర్, మరియు కలబంద గుజ్జు.

ఆయిల్ పుల్లింగ్ ^28-29  మన శరీరములో ప్రతీ విభాగము నాలుకతో కలపబడి ఉంది కనుక శరీరంలో అంటువ్యాధులను నివారించడానికి, దంత పరిశుభ్రతకు ఆయుర్వేదలో చెప్పబడిన ఆయిల్ పుల్లింగ్ గొప్ప నిర్విషీకరణ సాధనముగా పేర్కొనబడింది. స్వచ్ఛమైన కొబ్బరి లేదా నువ్వుల నూనె ఒక స్పూన్ నిండుగా తీసుకొని సుమారు 20 నిముషాల పాటు ఆ నూనంతా తెల్లగా నీటివలే మారిపోయేంత వరకూ పుక్కిలి పట్టాలి. ఆ తర్వాత దానిని  జాగ్రత్తగా ఉమ్మి వేసి సాధారణంగా దంతాలను ఎలా శుభ్ర పరుస్తారో ఆ విధంగా నోటిని  పూర్తిగా శుభ్రం చేయాలి. ఈ విధానము ఉదయాన్నే ఖాళీ కడుపుతో చేయడం మంచిది.

విషపదార్ధాల వృద్ధిని అరికట్టడానికి  లేద తగ్గిoచడానికి కొన్ని వ్యూహాలు ^30-35: 

• స్థానికంగా పెరిగిన పండ్లు మరియు కూరగాయలతో కూడిన ఆరోగ్యవంతమైన సహజ సిద్ధమైన ఆహారాన్ని తీసుకోవాలి. అలాగే రెడీ మేడ్ ఆహారపదార్ధాలు, కృత్రిమంగా తయారుకాబడిన వంటకాలు, జన్యుపరంగా సవరించిన ఆహారపదార్ధాలను తినడం మానేయాలి;

• ఆయుర్వేదంలో నిర్విషీకరణ కోసం చెప్పబడిన విధంగా వారానికి ఒకరోజు లేదా మీ వీలును బట్టి ఉపవాసం ఉండాలి;

• శరీరంలో సరైన హైడ్రేషన్ కోసం నీటిని ఎక్కువ తీసుకోవాలి;

• నీటిని త్రాగడానికి ప్లాస్టిక్ సీసాలు ఉపయోగించడం నివారించాలి;

• చర్మ సంరక్షణ ఉత్పత్తులు మరియు గృహ క్లీనర్ల విషయంలో నాణ్యమైన వాటినే ఎంచుకోవాలి;

• ఒత్తిడి స్థాయిని తగ్గించడానికి మరియు భావోద్వేగములను అదుపులో ఉంచుకోవడం ద్వారా టాక్సిన్ల పెరుగుదలను నిలువరించవచ్చు;

• తీరిక సమయాలలో తగినంత విశ్రాంతి తీసుకుంటూ నియమానుసారం నిద్రించాలి^30-32

నిద్ర: నిద్ర మెదడుని నిర్విషీకరణ చేసేందుకు సహాయపడుతుoది. ఇటీవల చేపట్టిన అధ్యయనాల ప్రకారం మెదడు నుండి వ్యర్ధాలను తొలగించే శోషరస వ్యవస్థ అనే ప్రత్యేక యంత్రాంగం శరీరంలో ఉందని ఇది ప్రధానంగా నిద్రలో క్రియాశీలకంగా ఉంటుందని పరిశోధన ఫలితాలు నిరూపిస్తున్నాయి. ఒక ప్రక్కకు నిద్రించడం ఈ ప్రక్రియను పెంచడానికి ఉత్తమ మార్గం ^33-35.

6. మనం విషాల నుండి దూరం కావచ్చు ²¹

మన ఆరోగ్యం మన చేతుల్లోనే  ఉంది. మన  శరీరం కాంతి యొక్క దైవిక కంపనాలుతో చుట్టబడి ఉంటుంది. మనము మనలోనే ఉన్న "ప్రకృతి" మరియు "దైవము" లను గుర్తించి మన ఉనికిని వానిలో గుర్తించినట్లయితే, ఏ విషక్రిములు మన దరి చేరవు. ఏ వ్యాధికి మనము గురికాము. కారణమేమిటంటే భగవంతుడు ‘‘ప్రకృతి‘’ కి కారణమైన పంచ భూతాలకు అధిపతి. మానవ శరీరము ఈ పంచ భూతలతోనే నిర్మితమైనది. మానవునిలో వీటి శక్తి అపరిమితం.

సూచనలు మరియు వెబ్సైటు మూలములు: