ప్రాక్టీషనర్ల వివరాలు 11633...भारत
ప్రాక్టీషనర్ 11633...ఇండియా బాటనీలో బీఎస్సీ కలిగి ప్రస్తుతం వృత్తిపరంగా టైలర్ ఐన వీరు ఫ్రీ హ్యాండ్ అవుట్ లైన్ మరియు మోడల్ డ్రాయింగ్ లో కోర్సులు కూడా చేశారు. టైలరింగ్, డ్రాయింగ్ మరియు గార్డెనింగ్ ఆమె అభిరుచులు. 
1992లో వివాహం తర్వాత అత్తమామల నుండి మొదటిసారి సత్యసాయి బాబా వారి గురించి విన్నారు. 1994లో మొదటిసారి సాయిబాబావారిని బెంగళూరులో దర్శనం చేసుకున్నారు, వారి బోధనల గురించి చదవటం, స్వామిని అంత దగ్గరగా చూడడం ఆమెకు ప్రేరణ ఇచ్చి సాయి భక్తురాలిగా మారేలా చేసింది. 2000 లో ముంబైలో నెల రోజులు పాటు నిర్వహించబడుతున్న స్వామి నామ పారాయణ కోటి అర్చనకు హాజరై ఆశీర్వాదం పొందారు. ఈ అనుభవం ఆమెలో పరివర్తన కలిగించింది. 2003లో ఆమె సోదరి వీరిని స్థానిక సాయి సమితికి పరిచయం చేశాక ఆమె బాలివికాస్, నారాయణ సేవ, మరియు భజనలు పాడే కేంద్రంలో సాధారణ వాలంటీర్ గా మారారు. 5-6 సంవత్సరాల వరకు NIMHANS లో నెలవారీ నారాయణ సేవ, వైట్ ఫీల్డ్ ఆసుపత్రిలో కొంత కాలం సేవ, షిరిడి సాయి ఆలయం మరియు సాయి ప్రేమాంజలి లో విభూది ప్యాకింగ్ సేవ, మరియు మహమ్మారి సమయంలో సేవాదళ్ కోసం IB తయారీకి స్వచ్ఛందంగా పనిచేశారు. ఆమె సామాజిక సమస్యల కోసం అనగా వీధి దీపాలు మరియు రోడ్డు మరమ్మత్తులు వంటి స్థానిక మౌలిక సదుపాయాలు మెరుగుపరచడానికి తరచుగా ప్రభుత్వ అధికారులను కలుస్తూ ఉంటారు.
చిన్నతనం నుండి తన తండ్రి హోమియోపతి వైద్య నిర్వహణ చూసి ప్రత్యామ్నాయ వైద్యం పట్ల ఉత్సుకత కలిగి ఉండేవారు. ఆమె తండ్రి వారి గ్రామంలో ప్రజలకు ఉచితంగా వైద్యం చేసేవారు, తేలు కుట్టడంతో వైద్యం కోసం వారి ఇంటికి అర్ధరాత్రి రోగులు వచ్చిన జ్ఞాపకాలు కూడా ఆమెకు ఉన్నాయి. ఆమె తండ్రి రెమిడీని అందించిన తర్వాత వారు అరగంటలో సాధారణ స్థితికి చేరుకునేవారు! సహజ చికిత్సలను అభ్యసించిన తన తాత ముత్తాతల గురించి కథలు వింటూ పెరిగిన వీరు ఇంటి నివారణలతో కత్తిరింపబడిన వ్రేళ్లను కూడా సరిదిద్దవచ్చని తెలుసుకున్నారు. ఇవన్నీ ప్రాక్టీషనరును వైద్యసేవ వైపు ఆకర్షితురాలయ్యేలా ప్రేరేపించాయి. 2018లో సాయి గీతాంజలి సమితిలో వైబ్రో ప్రాక్టీషనర్ల సేవను ఆమె గమనించి ప్రాక్టీషనరుగా మారడానికి దరఖాస్తు చేసుకోవడానికి ప్రేరణ పొందారు. కుటుంబ కట్టుబాట్ల కారణంగా ఆలస్యం అయినప్పటికీ ఆ తర్వాత 2021 జూలైలో AVP శిక్షణ పూర్తి చేసి 2022 ఆగస్టులో VP అయ్యారు.
యూనివర్సల్ హీలర్ ఐన స్వామికి ఒక పనిముట్టుగా ఎంపిక చేయబడిన ఉద్వేగంతో రొగులు కోలుకున్న తర్వాత వారిలో వ్యక్తమయ్యే ఆనందాన్ని చూడటం కంటే గొప్ప అనుభూతి మరేది లేదు అంటారు. ఆమె మొదటి పేషంటు ఐన ఆమె భర్త గాయం కారణంగా నాలుగు నెలల పాటు చేతిలో నొప్పి మరియు వాపుతో బాధ అనుభవిస్తూ కేవలం వైబ్రోతో ఒక నెలలో పూర్తిగా కోలుకున్నారు.
ప్రాక్టీషనర్ కొన్ని ఆసక్తికరమైన సందర్భాలను పంచుకోవాలని అనుకుంటున్నారు. 2020 నవంబర్లో ఈమె క్రింద పడిపోయి వెన్నుముక కంప్రెషన్ ఫ్రాక్చర్ కి లోనయ్యారు. తీవ్రమైన నొప్పిని తగ్గించ డానికి నొప్పి నివారణ మందులు సూచించబడ్డాయి. ఈ సమయంలో ఆమె AVP కోసం అడ్మిషన్ ప్రక్రియ మధ్యలో ఉన్నారు. రెండు రోజుల తర్వాత నిర్వాహక బృందం ఆమెను ఒక ప్రాక్టీషనర్ను సంప్రదించి పెయిన్ కిల్లర్లు లేకుండా కేవలం వైబ్రోతో నొప్పి తగ్గించు కోవడంలో ఆమెకు సహాయపడ్డారు. కొన్ని వారాల తర్వాత ఆమె ఒక వీధి కుక్కను చూశారు, అది కాలికి బలమైన గాయంతో నొప్పితో నిరంతరం విలపిస్తూ కదలేకపోయింది. ఆమె తన సొంత ఔషధాన్ని పాలలో వేసి ఒక డోసు ఇచ్చారు, అలాగే కొన్ని పిల్స్ నీటిలో కరిగించి దాని శరీరంపై చల్లారు. అద్భుతం! రెండు మూడు డోసుల తర్వాత కుక్క సాధారణంగా నడవ గలిగింది!
2022 మార్చిలో చెట్టు నుండి పడిపోయినందున ముక్కు నుండి రక్తం కారడంతో షాక్ లో ఉన్న చిన్న చిలుక పిల్లకు చికిత్స చేయడంలో ఆమె విజయం సాధించారు. CC10.1 Emergencies రెండు మోతాదులతో చిలుక ఇతర పక్షుల కూతలకు ప్రతిస్పందించి మళ్లీ ఎగరడం ప్రారంభించింది. 2022 సెప్టెంబర్ లో ఆమె కుమార్తె ఆరు చేపలతో కూడిన చేపల తొట్టి ఎక్వెరియమ్ ఇంటికి తీసుకువచ్చారు. దురదృష్టవశాత్తు ఆ చేపలన్నీ ఆ మరునాడే మరణించగా ఆమె మరో ఆరు కొనవలసి వచ్చింది. ఈసారి ప్రాక్టీషనర్ తొట్టెలో CC1.1 Animal tonic + CC15.1 Mental & Emotional tonic + CC17.1 Travel sickness (ఎక్కువ సార్లు నీటి మార్పు కారణంగా చేపలు చనిపోతాయి అనే భావనతో) ఇచ్చారు. ఈ ఆరు చేపలు ప్రాణాలతో బయటపడి ఆరోగ్యంగా ఉన్నాయి.
ఈ ప్రాక్టీషనర్ అనుభవంలో IB అద్భుతమైన ఫలితాలు ఇస్తోంది. 2021 ఆగస్టు 17 నుండి క్రమం తప్పకుండా IB తీసుకోవడం ప్రారంభించిన తర్వాత 61 ఏళ్ల పురుషుడు తన పదేళ్ల మైగ్రేన్ సమస్య నుండి మూడు వారాల్లో 50% ఉపశమనం పొందారు. అక్టోబర్ 17 నాటికి ఏ ఇతర ఔషధం తీసుకోకుండానే పూర్తిగా తగ్గిపోయింది. అంతేకాక ఇదే సమయంలో రోగిని అప్పుడప్పుడు ఇబ్బంది
పెట్టే మడమ నొప్పి, తలనొప్పి, దగ్గు కూడా మాయమై అతని ఆనందానికి అవధులు లేకుండా పోయింది. అతను 2023 జనవరి లో రెమిడీ ఆపివేసినా 2023 డిసెంబర్ నాటికి అతనికి లక్షణాలు ఏమీ తిరిగి రాలేదు.
ఆన్ని అనారోగ్యాలకు మనసు మూలకారణం కాబట్టి అన్ని రెమిడీలకు CC15.1 Mental & Emotional tonic కలిపితే రోగులకు విశ్వాసం మెరుగుపడుతుందని మరియు కోలుకోవడం వేగవంతం అవుతుందని ఆమె కనుగొన్నారు. తల్లులకు మొదటి కాన్పు సందర్భంలో ప్రసవానంతర వ్యవస్థ చాలా షాక్ తో కూడినది కనుక ప్రాక్టీషనర్ వారి కొంబోలకు CC10.1Emergencies జోడిస్తారు. మొత్తం మీద శరీరంలో రోగ నిరోధక శక్తిని మెరుగుపరచడానికి అన్ని రెమిడీలకు CC12.1 Adult tonic లేదా CC12.2 Child tonic జోడించడానికి ఇష్టపడతారు.
కుడి కంటిలో లింబల్ డెర్మాయిడ్ సిస్ట్ (కంటి పాపకు దగ్గరగా ఉన్న ప్రదేశంలో తిత్తి) తో బాధపడుతూ కనురెప్పను మూయలేక పోతున్న14 ఏళ్ల బాలికకు ఆమె చికిత్స చేసారు. పాప రెండు ఏళ్ళ వయసులో లేజర్ సర్జరీ చేయించుకున్నా ఫలితం లేకపోయింది. ఆమె అల్లోపతి, హోమియోపతి, ఆయుర్వేదం ప్రయత్నించినా ఫలించలేదు. ఆమెకు ఆ కంటిలో చూపులేక పోవడంతో వైద్యులు కార్నయా మార్పిడిని సూచించారు. ప్రాక్టీషనర్ ఆమెకు : #1. CC2.3 Tumours & Growths + CC7.2 Partial Vision కంటి చుక్కలుగా మరియు #2. CC10.1 Emergencies + CC12.4 Autoimmune diseases + CC18.5 Neuralgia + #1. ఇచ్చారు. క్రమంగా దృష్టి మెరుగుపడటం ప్రారంభించి ఆమె కనుపాపను కప్పి ఉంచిన తెల్లటి పొర ఒకచోట పేరుకు పోవడం ప్రారంభించింది. ఒక నెలలో ఆమె రెండు అడుగుల వ్యాసార్థంలో గల వస్తువులను స్పష్టంగా చూడగలిగింది, మూడు నెలల్లో తిత్తి పరిమాణం తగ్గిపోయి ఆమె కన్ను పూర్తిగా తెరుచుకుంది. ఆ తర్వాత పాప విజయవంతముగా కార్నియా గ్రాఫ్టు చేయించుకున్నది.
యుక్త వయసు నుండి సక్రమంగా ఋతుక్రమం లేని 38 ఏళ్ల మహిళ అల్లోపతి మందులు ప్రయత్నించారు, కానీ అది ఆపిన తర్వాత సమస్య పునరావృతం అవుతున్నది. 2021 నవంబర్ 22న ఆమెకు CC8.1 Female tonic + CC8.4 Ovaries & Uterus + CC8.8 Menses irregular ఇచ్చారు. మరుసటి నెల నుండే ఋతు క్రమం సక్రమం అయ్యింది. ఇదే విధంగా ఋతు క్రమం సక్రమంగా లేని 15 ఏళ్ల అమ్మాయి CC8.8 Menses irregular + CC12.2 Child tonic తో ఇదే అద్భుతమైన ఫలితాన్ని పొందారు.
రోగ లక్షణాలను అధ్యయనం చేయడానికి, మూల కారణాన్ని అంచనా వేయడానికి, మరియు రిపోర్టులు ఏమైనా ఉంటే పరిశీలించడానికి తద్వారా మెరుగైన ప్రిస్క్రిప్షన్ సూచించడానికి తగినంత సమయం ఉంటుందని ఫోన్ లో రోగులను సంప్రదించడానికి ఆమె ఇష్ట పడుతూ ఉంటారు. వైద్య సేవలో పాలుపంచుకోవాలన్న చిన్ననాటి కలను నెరవేర్చుకున్నఈ ప్రాక్టీషనర్ స్వామి చేత ఆశీర్వదింపబడినందుకు సంతృప్తిని అనుభవిస్తున్నారు. రోగులు అనేక ఇతర వైద్య విధానాలను ప్రయత్నించినా విజయం సాధించకుండా వైబ్రో రెమిడీల ద్వారా రోగ స్వస్థత పొందినప్పుడు స్వామివారి అపారమైన ఆశీర్వాదాల పట్ల ఆమె లోతైన కృతజ్ఞతతో నిండిపోతున్నారు.
ఆసక్తిగల తోటమాలి కావడంతో వివిధ ఔషధ మొక్కలతో పాటు తన టెర్రస్ పై కూరగాయల తోటను పెంచుకుంటున్నారు (చిత్రాన్ని చూడండి). అన్ని మొక్కలకు ప్లాంట్ టానిక్ మాత్రమే కాకుండా మిగిలిపోయిన రెమిడి నీటిని కూడా 
మొక్కలకు ఇస్తారు. మొక్కలపై పరిశోధనలో భాగం కావడంతో పాటు తమిళంలోకి అనువాద పనుల్లో కూడా ఎంతో ఆసక్తి కనబరుస్తున్నారు. వైబ్రియానిక్స్ ను దైవిక ఔషధంగా అభివర్ణిస్తూ ఈ సేవ నుండి తనకు లభించే గొప్ప ఆనందాన్ని మాటల్లో వ్యక్తం చేయలేను అంటున్నారు.
పంచుకున్న కేసులు :