Sai Vibrionics Newsletter

పునరావృత మవుతున్న మూత్రకోశ వ్యాధి (UTI) ^{11235...India}

67 ఏళ్ల మహిళ జ్వరం మరియు మూత్రవిసర్జన సమయంలో నొప్పితో పునరావృతమవుతున్న UTIతో ఆరు నెలలకు పైగా బాధపడుతున్నారు. ఇది ప్రతి రెండు నెలలకు ఏర్పడుతూ ఉంటుంది, ఆ సమయంలో ఆమె 5 నుండి 7 రోజుల పాటు సూచించిన యాంటీబయాటిక్స్ యొక్క కోర్సును తీసుకుంటారు. ఆ తర్వాత ఆమె లక్షణాలు తొలగిపోతాయి. ఆ తర్వాత 2014 ఆగష్టు 8 న ఆ రోగ లక్షణాలు మరలా  ఏర్పడినప్పుడు ఆమె తన వైద్యుడి వద్దకు వెళ్లడానికి బదులుగా, ప్రాక్టీషనరును సంప్రదించాలని నిర్ణయించుకొనగా వారు క్రింది రెమిడీ ఇచ్చారు:

 CC8.1 Female tonic + CC13.2 Kidney & Bladder infections + CC15.1 Mental & Emotional tonic…TDS 

మూడు రోజుల తర్వాత జ్వరం తగ్గి మరో నాలుగు రోజుల తరువాత నొప్పి పూర్తిగా అదృశ్యమైపోయింది. ఈసారి యాంటీబయాటిక్స్‌ను ఆశ్రయించాల్సిన అవసరం రాలేదని రోగికి ఎంతో ఆనందంగా ఉంది. తదుపరి ఈ  సమస్య పునరావృతం కానందున మోతాదు నాలుగు నెలల తర్వాత BDకి మరియు మరో రెండు నెలల తర్వాత ODకి తగ్గించబడి జూన్ 2015లో రెమిడీ నిలిపివేయబడింది. ఫిబ్రవరి 2022 నాటికి, సమస్య పునరావృతం కాలేదు.

పార్శ్వపు నొప్పి, భుజం నొప్పి ^{11235...India}

51 ఏళ్ల మహిళకు రెండేళ్ల క్రితం నుండి తలనొప్పి రావడం ప్రారంభించింది. సూర్య కాంతి ఐదు నిమిషాలు వంటిమీద సోకినా ఆ రోజంతా వికారంతో తలనొప్పిని కలిగిస్తుంది. వాంతి తర్వాత మాత్రమే ఉపశమనం కలుగుతుంది. ఆమె పరిస్థితి మైగ్రేన్‌గా నిర్ధారణ అయింది. ఆమె వృత్తి రీత్యా నెలకు 4-5 సార్లు టూర్‌కి వెళ్లాల్సి రావడంతో ఎండలో వెళ్లకుండా ఉండలేకపోయేవారు. అదనంగా, కొన్ని నెలల క్రితము, ఆమెకు మెడపై నొప్పి ప్రారంభమై ఎడమ భుజం మరియు మోచేయి వరకు పాకుతూ పోయేది. నొప్పి నివారణ మాత్రలు తీసుకోవడం ఆమెకు ఇష్టం లేదు కాబట్టి ప్రత్యామ్నాయం కోసం వెతికారు. 2018 సెప్టెంబర్ 21న, ప్రాక్టీషనర్ ఆమెకు క్రింది రెమిడీ అందించారు:   

పార్శ్వపు నొప్పి కోసం : 

#1. CC11.3 Headaches + CC11.4 Migraines + CC15.1 Mental & Emotional tonic…6TD

భుజం నొప్పి కోసం :

#2. NM59 Pain + OM4 Cervical + OM27 Supportive tissue + CC20.4 Muscles & Supportive tissue…TDS 

రోగిని ఆశ్చర్య ఆనందాలకు గురి చేస్తూ #1 యొక్క మూడు మోతాదులను తీసుకున్న తర్వాత ఆమె తలనొప్పి మరియు వికారం నుండి పూర్తిగా ఉపశమనం పొందారు.  2 వారాల తర్వాత, అక్టోబర్ 5న, ఆమె తలనొప్పి తీవ్రత, వ్యవధి మరియు తరుచుదనం 75% తగ్గిందని చెప్పారు. #1 TDSకి తగ్గించ బడింది. ఒక నెల తర్వాత ఆమెకు 100% ఉపశమనం లభించింది. ఈ సమస్య యొక్క జాడ లేకుండా పోవడంతో ఆమె ఎండలో బయటకు వెళ్లగలుగుతున్నారు. ఈ రెమెడీని మరో నెల పాటు కొనసాగించారు, తర్వాత డిసెంబర్‌ 4న ODకి తగ్గించి 2019 ఫిబ్రవరి 6 న ఆపివేయబడింది. భుజం నొప్పికి సంబంధించి, ఒక నెల తర్వాత 20% ఉపశమనం లభించింది, ఐదు నెలల తర్వాత 90% మరియు మరో రెండు నెలల తరువాత 100% ఉపశమనం లభించింది. మే 28న, #2 OD కి తగ్గింపబడి నెల అనంతరం 2019 జూలై లోఅపీయబడింది. 2022 మార్చి నాటికి ఎలాంటి లక్షణాలు పునరావృతం కాలేదు.

108CC బాక్సు ఉపయోగిస్తున్నట్లైతే #2:CC20.1 SMJ tonic + CC20.2 SMJ pain + CC20. 4 Muscles & Supportive tissue ఇవ్వండి

కీళ్ల వాతం ^{02051...Chile}

44 ఏళ్ల మహిళకు శరీరం అంతటా కీళ్లలోబిగుసుకు పోయినట్లు ఉండడం ముఖ్యంగా ఆమె చేతుల్లో  ఇది ఎక్కువగా ఉంటోంది. ఆమె పరిస్థితి క్రమంగా క్షీణించడం వలన కీళ్ళు వాపు మరియు బాధ తోపాటు విపరీతమైన అలసట మరియు రోజువారీ పనులను నిర్వహించడానికి ఆసక్తి లోపిస్తోంది. ఉదయపు వేళల్లో లక్షణాలు మరింత అధ్వాన్నంగా ఉండటంతో ఆమె కదలడం కూడా కష్టమవుతోంది. ఆమెకు 2017లో కీళ్లనొప్పులు ఉన్నట్లు నిర్ధారణ అయింది మరియు అప్పటి నుండి సూచించిన స్టెరాయిడ్స్, మరియు యాంటీ ఇన్‌ఫ్లమేటరీ మరియు పెయిన్ కిల్లర్ మందులను తీసుకుంటున్నారు కానీ కొద్దిపాటి ఉపశమనం మాత్రమే లభించింది. 2021 ఆగస్ట్ 28 న, ఆమె వైబ్రియానిక్స్ తీసుకోవాలని నిర్ణయించుకుని ప్రాక్టీషనర్‌ను సంప్రదించారు. సందర్శన సమయంలో ఆమె చేతుల్లో తీవ్రమైన కీళ్ల నొప్పులు ఉండడంతో చాలా ఆందోళనకు గురై ఉన్నారు. వీరికి క్రింది రెమిడీలు ఇవ్వబడ్డాయి:   

CC15.1 Mental & Emotional tonic + CC20.2 SMJ pain + CC20.3 Arthritis…TDS 

ప్రాక్టీషనర్ సలహా మేరకు, రోగి క్రమం తప్పకుండా వ్యాయామం చేయడం, ఆధ్యాత్మిక అభ్యాసాలు, ఆశావాదం తో ఉండడం, క్షమార్పణ తత్వం మరియు ప్రేమను పెంపొందించుకోవడం, ఆకుకూరలు మరియు వాటి రసాలను ఆహారంలో చేర్చడము, మాంసం మరియు పాల ఉత్పత్తులను మినహాయించడం, వంటి ఆరోగ్యకరమైన ఆహారంతో సహా అనేక జీవనశైలి మార్పులను చేసారు. ఒక నెల తర్వాత ఆమె నొప్పి, వాపు మరియు కీళ్ల బిగింపు నుండి 30% ఉపశమనం పొందారు. మరో రెండు నెలల్లో ఇది 50%కి పెరిగింది. ఆమె సులభంగా కదలగలుగుతున్నందుకు చక్కని ఆనందానుభూతిని పొందారు. రెండు వారాల తర్వాత, అనగా డిసెంబర్ 15 నాటికి ఆమె భయాందోళన తొలగడంతో సహా మొత్తం మీద ఆరోగ్యంలో 85% మెరుగుదల కలిగినట్లు చెప్పారు. ఇది అల్లోపతి మందులను ఆపగలిగేలా ఆమె ఆత్మవిశ్వాసాన్ని పెంచింది.

2022 జనవరి నాటికి ఆమెకు ఎటువంటి వ్యాధి లక్షణాలు లేవు, ప్రశాంతంగా మరియు మరింత శక్తివంతంగా ఉండగలుగుతున్నారు. కొన్నిసార్లు వాతావరణ మార్పులు మరియు అమిత ఆహారము తీసుకున్న సమయాలలో, ఆమె స్వల్పంగా లేదా అతితక్కువ స్థాయిలో కీళ్ల నొప్పిని అనుభవిస్తున్నారు. 2022 ఏప్రిల్ నాటికి, ఆమె ఆరోగ్యంగా ఉంటూ   రెమిడీ ని TDSలో తీసుకోవడానికి ఇష్టపడుతున్నారు.  

దీర్ఘకాలిక దగ్గు ^03567...USA

52 ఏళ్ల మహిళ గత నాలుగు సంవత్సరాలకు పైగా రోజుకు కనీసం రెండు లేదా మూడు సార్లు తరుచుగా పొడి దగ్గును ఎదుర్కొంటున్నారు. దగ్గు అకస్మాత్తుగా మొదలై 20 నుండి 30 నిమిషాల పాటు స్వల్ప విరామాలతో కొనసాగుతుంది, దీనితో ఆమె చాలా అలసిపోతుంది. ఈ దగ్గును అణచివేయడానికి ఆమె వేడి నీటిని త్రాగుతుంది లేదా లాజెంజ్‌లను (చప్పరించే మాత్రలను) తీసుకుంటుంది. ఆమెకు ఇతర శ్వాసకోశ సమస్యలు ఏమీ లేవు. డాక్టర్ అనేక పరీక్షలను సూచించారు కానీ అవి ఏమీ రోగ కారణాన్ని వెల్లడించలేదు మరియు ప్రిస్క్రిప్షన్ మందులు ఏమాత్రం సహాయం చేయలేదు. ప్రాక్టీషనరు ఉంటున్న మేడిటేషన్ గ్రూపు లోనే రోగి ఉన్న కారణంగా ప్రాక్టీషనర్ ఆమెకు అనేక సందర్భాల్లో వైబ్రియానిక్స్ చికిత్సను తీసుకోమని కోరినా ప్రతీసారీ ఆమె సున్నితంగా తిరస్కరించారు.

ఆమె తీసుకుంటున్న చికిత్సతో ఎటువంటి ఉపశమనం లేనందున రోగి ఇకపై పరిస్థితిని ఎదుర్కోలేక అయిష్టంగానే వైబ్రియానిక్స్ ప్రయత్నించాలని నిర్ణయించుకున్నారు. ఆమె అన్ని ఇతర మందులను నిలిపివేసి  2020 మార్చి 1 న  ప్రాక్టీషనర్ ని సంప్రదించగా వారు క్రింది రెమిడీ ఇచ్చారు:  

CC10.1 Emergencies + CC12.1 Adult tonic + CC15.1 Mental & Emotional tonic + CC19.1 Chest tonic + CC19.6 Cough chronic…TDS 

రెండు నెలలుగా పేషెంట్ నుంచి ఎలాంటి ఫీడ్ బ్యాక్ రాలేదు! 2020 మే లో, ప్రాక్టీషనర్ రోగికి ఫోన్ చేసినప్పుడు, దగ్గు పూర్తిగా తగ్గిపోయిందని మరియు ఈ మొత్తం అనుభవం ఆమెను ఆశ్చర్యానికి గురిచేసిందని ఆమె తెలిపారు. మోతాదు  మెయింటెనెన్స్ డోసేజ్‌కి క్రమంగా తగ్గించబడింది, అనారోగ్యం మళ్లీ తలెత్తకుండా చూసుకోవడానికి ఆమె 2020 చివరి వరకు OW గా కొనసాగించారు. ఆమె ఇకపై దగ్గు తో ఇబ్బంది పడే సంఘటనలు ఎదుర్కోవాల్సిన అవసరం రాదని తెలిసి ఎంతో  ఉపశమనం పొందారు. వైబ్రియోనిక్స్ చికిత్స కోసం ఆమె తన కుటుంబంలోని ఒక సభ్యుడిని కూడా ప్రాక్టీషనర్‌కి సూచించారు. 2022 ఫిబ్రవరి నాటికి, ఒక సంవత్సరం తర్వాత, రోగి బాగానే ఉన్నారు. ఏదైనా అనారోగ్య సమస్య వచ్చినప్పుడల్లా, ఆమె ఇప్పుడు సంతోషంగా చికిత్స కోసం వైబ్రియానిక్స్ వైపు చూస్తున్నారు.

మొటిమలు ^{03554...Guyana}

34 ఏళ్ల మహిళ 2016 జనవరి నుండి  ముఖం అంతా తీవ్రమైన మొటిమలతో బాధపడుతున్నారు. చర్మవ్యాధి నిపుణుడితో సహా అనేక మంది వైద్యులను ఆమె సంప్రదించారు, యాంటీబయాటిక్స్ మరియు ఇతర మందులతో పాటు సిఫార్సు చేసిన ఫేషియల్ క్రీమ్‌లను కూడా ఉపయోగించారు కానీ అవి ఏమీ సహాయం చేయలేదు. మొటిమలు ఎండిపోయిన వెంటనే, కొత్త మచ్చలు కనిపిస్తాయి. వైద్యుని సలహా మేరకు మూత్రపిండాలు, అండాశయాలు మరియు పిత్తాశయం యొక్క అల్ట్రాసౌండ్ స్కాన్ చేయించుకున్నారు, మరియు క్యాన్సర్, పాప్  స్మియర్, మామోగ్రామ్, హార్మోన్లు, థైరాయిడ్, కాలేయం, కొలెస్ట్రాల్ మరియు బ్లడ్ షుగర్ పరీక్షలు కూడా మొటిమల కారణము వెల్లడించలేదు. ఆమె ఇటీవలే తన నాలుక యొక్క రుచిని కోల్పోయింది, అలాగే ఆమె కుడి చెవిలో వినికిడిని కోల్పోవడం ప్రారంభించింది, పరీక్షలో ఓటోస్క్లెరోసిస్ అని నిర్ధారణ అయింది. 2016 అక్టోబరు 21 న ఆమె ప్రాక్టీషనరును సంప్రదించగా క్రింది రెమిడీ ఇచ్చారు:   

మొటిమలకు :

#1. CC8.1 Female tonic + CC10.1 Emergencies + CC21.2 Skin infections…6TD in water for 7 days 

వినికిడి శక్తి లోపానికి :

#2. CC5.2 Deafness + CC15.1 Mental & Emotional tonic…TDS నీటిలో, రెండు చుక్కలు చెవిలో కూడా వేసుకోవలసి ఉంది.

రోగి #1 మాత్రమే తీసుకున్నారు, 3 రోజుల తర్వాత పుల్ అవుట్ ఏర్పడి -` అతిసారం మరియు వాంతులు - రెండు గంటల పాటు కొనసాగాయి. మొటిమలు ఎండిపోవడం ప్రారంభించాయి మరియు కొత్తవి ఏర్పడలేదు. ఒక వారం తర్వాత మోతాదు TDSకి తగ్గించబడింది. 2017 జనవరి 10 నాటికి, 95% ముఖం సాధారణ స్థితికి చేరుకుంది, మరియు మచ్చలు కూడా మసకబారడం ప్రారంభించాయి. ఆగస్ట్‌లో ఆమెకు మొటిమల దగ్గర మంటగా అనిపించ సాగింది కానీ రెమిడీ #1 ని TDS లో కొనసాగించడంతో వెంటనే తగ్గిపోయింది. నవంబర్ 2017 నవంబర్ నాటికి అన్ని మచ్చలు మాయమైనందున ఆమె రెమిడీలు నిలిపివేసారు. 2022 ఫిబ్రవరి నాటికి ఆమెకు ఈ పరిస్థితి పునరావృతం కాలేదు.

రోగి 2016 అక్టోబర్ 27 నుండి #2 తీసుకోవడం ప్రారంభించారు. ఒక వారంలోపు, వినికిడిలో 20% మెరుగుపడింది, మరియు నాలుక యొక్క రుచి కూడా తిరిగి వచ్చింది. ఉదయం మేల్కొన్న తర్వాత ఆమె చెవిలో ఎండిపోయిన  మైనమున వంటి పదార్థమును కనుగొనడం ప్రారంభించారు. 2017 జనవరి 10 నాటికి, ఆమె వినికిడి శక్తి 60% మెరుగయ్యింది. కానీ 2017 నవంబర్ వరకు ఆ పైన ఎటువంటి మెరుగుదల లేకపోవడంతో, ఆమె #2ని కూడా ఆపివేసారు.

ఎడిటర్ యొక్క వ్యాఖ్యానం: నూనెను చెవిలొ చుక్కల మందుగా (ఇయర్‌డ్రాప్స్‌గా) ఉపయోగించమని మేము సిఫార్సు చేస్తున్నాము (30ml వర్జిన్ ఆలివ్/కొబ్బరి నూనెలో ఒక చుక్క రెమెడీని డ్రాప్పర్ బాటిల్‌లో వేయాలి) మరియు ఎప్పుడూ నీటిలో వేయకూడదు. చెవిలో చేరిన నీరు వినికిడి లోపంతో సహా అనేక సమస్యలను కలిగిస్తుంది. టింపానిక్ మెంబ్రెన్ లో రంధ్రం కారణంగా చెవుడు వచ్చినప్పుడు రోగికి చెవి చుక్కలు ఇవ్వకూడదు.

అపెండిసైటిస్ ^{11601...India}

2018 ఆగస్టు మధ్యలో 9 ఏళ్ల బాలికకు అకస్మాత్తుగా తీవ్రమైన కడుపునొప్పి వచ్చింది. ఆమె సరిగ్గా తినలేదు మరియు ప్రతిరోజూ నొప్పితో ఏడుస్తుంది. డాక్టర్ తీవ్రమైన అపెండిసైటిస్‌ గా నిర్ధారించి  శస్త్రచికిత్సను సిఫార్సు చేశారు. అతను ఎటువంటి మందు రాయలేదు మరియు చాలా తేలికైన ఆహారం తీసుకోవాలని బాలికకు సూచించాడు. నాలుగు రోజుల తర్వాత 2019 ఆగస్టు 19  బాలిక యొక్క అమ్మమ్మ ఆమెను ప్రాక్టీషనర్ వద్దకు తీసుకువెళ్లారు. ప్రాక్టీషనర్ ఈ క్రింది రెమిడీ ఇచ్చారు:

CC4.1 Digestion tonic + CC4.3 Appendicitis + CC10.1 Emergencies + CC12.2 Child tonic…ప్రతీ 10 నిమిషాలకు ఒక మోతాదు చొప్పున ఒక గంట వరకు ఆ తరువాత ఒక వారం వరకు 6TD తర్వాత TDSకి తగ్గింప బడుతుంది.

రీఫిల్‌లను తీసుకువెళుతున్నప్పుడు పాప వాళ్ళ అమ్మమ్మ, రోగికి నొప్పి లేదని మరియు బాగా తిని నిద్రపోతున్నదని ప్రాక్టీషనరుకు తెలియజేసారు. అక్టోబరు 12న, అపెండిక్స్ పరిమాణం తీవ్ర పరిస్థితి నుంచి కొంచెం తక్కువ తీవ్ర పరిస్థితికి  (అక్యూట్ నుండి సబ్‌అక్యూట్‌కు) తగ్గిందని నివేదిక రావడంతో మోతాదు TDS వద్ద కొనసాగించబడింది. డిసెంబరు 30న, రోగి యొక్క తల్లి స్కాన్‌లో అపెండిక్స్ పరిమాణం మరింత తగ్గిందని మరియు ఇప్పుడు సాధారణ పరిధిలో ఉందని మరియు ఆమె కుమార్తె పూర్తిగా క్షేమంగా ఉందని ప్రాక్టీషనరుకు తెలియజేసారు. మోతాదు ఒక నెల పాటు ODకి తగ్గించబడింది మరియు 2019 జనవరి 31 న ఆపివేయబడింది. 2022 మార్చి నాటికి, నొప్పి పునరావృతం రాలేదు.

చూపు కోల్పోవడం ^{11520...India}

53 ఏళ్ల వ్యక్తికి 2018 జులై 25 నుండి నుదిటిపై తీవ్రమైన నొప్పి, ముఖం ఎడమవైపు వాపుతో పాటుగా ఎడమ కంటిలో మంట మరియు దృఢత్వముతో (స్టిఫ్నెస్ తో) బాధ పడుతున్నాడు. తర్వాతి కొద్ది రోజులలోనే, అతను ఈ కంటిలో దృష్టిని కోల్పోయారు. రెండు వారాల తర్వాత, అతను నేత్ర వైద్యుడిని చూసినప్పుడు, అతని పరిస్థితి టెంపోరల్ BRVO (బ్రాంచ్ రెటినాల్ వెయిన్ ఆక్యులూజన్, అంటే చిన్న సిరల్లో అడ్డు ఏర్పడడం) అని నిర్ధారణ అయింది. రోగికి గత పదేళ్లుగా అధిక బిపి ఉంది, దీని కోసం అతను ఆల్ప్రాక్స్ 0.5 మి.గ్రా. తీసుకుంటున్నారు. బిపి హెచ్చుతగ్గులే  BRVO కి కారణమని కంటి పరీక్షలో నిర్ధారించారు. రక్తం గడ్డలను కరిగించడానికి డాక్టర్ ఐ-సైట్ క్యాప్సూల్స్ మరియు నెపాఫెనాక్ కంటి చుక్కలు మరియు నొప్పి మరియు వాపు కోసం 30,000 ($400) విలువ చేసే ఇంట్రావిట్రియల్ ఇంజెక్షన్‌లను సూచించారు. ఇంజెక్షన్‌లు తన పరిస్థితిని నయం చేస్తాయనే నమ్మకం లేక అతను వాటిని తీసుకోలేదు. 2018 ఆగస్టు 18 నుండి ఇతర రెండు మందులను తీసుకోవడం ప్రారంభించారు. అదే రోజు, అతను ప్రాక్టీషనర్ ను సంప్రదించగా క్రింది రెమిడీ ఇచ్చారు.

 #1. NM17 Eye + NM36 War + NM109 Vision + NM113 Inflammation + OM11 Eye + OM25 Eye-Retina + OM26 Eye Muscles + BR20 Eye + SM20 Eyes + SR216 Vitamin-E + SR247 Triple Warmer + SR405 Ruta…6TD 

ఏడు వారాల తర్వాత, సెప్టెంబర్ 30 న నొప్పిలో 50% మెరుగుదల మరియు వాపులో 20% మెరుగుదల ఏర్పడింది,  అయినప్పటికీ, అతను తీవ్రమైన నొప్పి అనేక సార్లు ఏర్పడుతూ వేదన అనుభవిస్తూ ఉన్నారు. అటువంటి సమయాల్లో సాధారణ 6TDతో పాటు ప్రతీ ఐదు నిమిషాలకు ఒక మోతాదు చొప్పున మొత్తం మూడు డోసులను అదనంగా  తీసుకోవాలని ప్రాక్టీషనర్ రోగికి సూచించారు. 10 రోజుల తర్వాత, ఈ తీవ్రమైన నొప్పి యొక్క తరుచదనం గణనీయంగా తగ్గింది మరియు వాపు మరియు మంటలో 100% మెరుగుదల కలిగింది. నవంబర్ 8 న రోగి నొప్పి పూర్తిగా తగ్గిపోయిందని నివేదించారు. ప్రభావితమైన కంటిలో అప్పుడప్పుడు మాత్రమే దృఢత్వం ఉంటోంది. ఇప్పుడు కొన్ని రెమిడీలు అవసరం లేనందున, #1 క్రింది విధంగా సవరించబడింది.   

#2. NM36 War + NM109 Vision + OM25 Eye-Retina + OM26 Eye Muscles + BR20 Eye + SM20 Eyes + SR216 Vitamin-E + SR247 Triple Warmer + SR405 Ruta…6TD 

2019 జనవరి 30 న చూపు కోల్పోవడం తప్ప, తనికు ఏ ఇతర కంటి సమస్యలు లేవని రోగి తెలిపారు. అల్లోపతి మందులు చూపు పునరుద్ధరణకు సహాయం చేయనందున మరియు రోగ నిరూపణ సరిగా లేనందున వాటిని నిలిపివేయమని అతని వైద్యుడు అతనికి సలహా ఇచ్చారు.   

తీవ్రమైన కాంతి నుండి దూరంగా ఉండాలని మరియు ఆరోగ్యకరమైన కుడి కన్ను ఒత్తిడికి గురికాకుండా ఉండటానికి ఎక్కువసేపు టీవీ, కంప్యూటర్ లేదా మొబైల్ ఉపయోగించవద్దని ప్రాక్టీషనర్ రోగికి సూచించారు. నాలుగు నెలల తర్వాత, మే నెలలో ఇప్పుడు తను చిత్రాలను  రేఖమాత్రంగా చూడగలుగుతున్నానని సంతోషంగా తెలియ జేసారు! మోతాదు QDSకి తగ్గించబడింది మరియు ప్రాక్టీషనర్ అదే రెమిడీ OD గా ప్రసారం చేయడం ప్రారంభించారు.   

మరో రెండు నెలల తరువాత, జూలైలో, రోగి ఎటువంటి రంగు లేకుండా నలుపు చిత్రాలను చూడగలిగారు, మరియు సెప్టెంబర్ 9 నుండి, అతను సుదూర చిత్రాలను మాములుగానే చూడగలుగుతున్నారు కానీ ఇప్పటికీ అక్షరాలు  చదవలేకపోతున్నారు. మోతాదును TDSకి తగ్గించి, హృదయపూర్వకమైన ప్రార్థన తో ప్రసారాన్ని కొనసాగించారు. ఒక నెల తర్వాత, అక్టోబర్ 10న, అతను కొన్ని అక్షరాలు అలలుగా మరియు అస్పష్టంగా కనిపించినప్పటికీ వాటిని గుర్తించగలిగారు. నవంబరులో, రోగి మరియు ప్రాక్టీషనర్ ఇద్దరినీ అమిత ఆనందమునకు గురిచేస్తూ అతని దృష్టి పునరుద్ధరించబడింది. అతను ఇప్పుడు ప్రతిదీ స్పష్టంగా చూడగలుగుతున్నారు. ప్రసారం నిలిపివేయబడింది. మోతాదు నెమ్మదిగా OWకి తగ్గించబడి చివరకు 2020 జనవరి 10 న ఆపివేయబడింది. 2022 ఏప్రిల్ నాటికి, రోగి యొక్క దృష్టి  సాధారణ స్థాయిలోనే ఉంది.

108CC బాక్సు ఉపయోగిస్తున్నట్లైతే  #1: CC7.1 Eye tonic + CC7.2 Partial Vision + CC7.3 Eye infections; #2: CC7.1 Eye tonic + CC7.2 Partial Vision + CC7.3 Eye infections ఇవ్వండి.

ప్రాక్టీషనర్ వ్యాఖ్య : 2011,లో ఈ రోగి దాదాపు మంచాన పడి వైబ్రియానిక్స్ తో విజయవంతంగా చికిత్స పొందారు. అంతర్జాతీయ కాన్ఫరెన్స్ పుస్తకం లోని 151 వ పేజీని చూడండి.   

చర్మముపై దురద ^{11592...India}

ప్రాక్టీషనర్ తల్లి ఐన 62 మహిళ తన శరీరమంతా దురద మరియు కొన్ని చోట్ల తేలికపాటి దద్దురుతో 15 సంవత్సరాలుగా బాధపడుతున్నారు. సూచించబడిన అల్లోపతి మందులు  మూడేళ్లపాటు, ఆయుర్వేద చికిత్స నాలుగేళ్లపాటు తీసుకున్నా ఫలితంలేదు. ఆమె బెండకాయ మరియు పుల్లని ఆకులను తిన్నప్పుడల్లా, దురద తీవ్రమవుతోంది, కాబట్టి ఆమె తన ఆహారం నుండి వీటిని తొలగించారు. ఆమె  కుమారుడు పదే పదే విజ్ఞప్తులు చేసినప్పటికీ ఆమె వైబ్రియానిక్స్ చికిత్స తీసుకోవాలనుకోలేదు. ఆమె లక్షణాలు చాలా అధ్వాన్నంగా మారినప్పుడు, ఆమె చర్మవ్యాధి నిపుణుడిని సంప్రదించేవారు, సూచించిన మందులు ఆమెకు కడుపులో చికాకు మరియు వికారం కలిగించగా దానిని ఆమె  తట్టుకోలేక పోయారు. కాబట్టి ఆమె ఒక నెల తర్వాత వాటిని ఆపివేసి చివరకు వైబ్రియోనిక్స్ ప్రయత్నించాలని నిర్ణయించుకున్నారు. 2018 నవంబర్ 30 న ప్రాక్టీషనర్ తన తల్లికి ఈ క్రింది రెమిడీని ఇచ్చారు:

 #1. CC21.2 Skin infections + CC21.3 Skin allergies…TDS 

ఒక నెల తర్వాత దురదలో 20% ఉపశమనం లభించింది, అది మరో నెలకి 40%కి పెరిగింది. దద్దుర్లు యొక్క కొత్త మచ్చలు ఏర్పడడంతో ఇవి ఆహార అలెర్జీ వల్ల కావచ్చునని భావించినందున, ప్రాక్టీషనర్ 2019 జనవరి 29 తేదీన రెమిడీ క్రింది విధంగా మెరుగుపరిచారు:

 #2. CC4.10 Indigestion + CC21.6 Eczema + #1…TDS 

 ఫిబ్రవరి 24 నాటికి, అనగా ఒక నెల లోపే రోగికి ఆనందం మరియు ఆశ్చర్యం కలిగించే విధంగా, ఆమె దద్దుర్లు మరియు దురద నుండి 100% ఉపశమనం పొందారు. 2019 ఏప్రిల్ 22 నాటికి రెమెడీని ఆపడానికి ముందు రెండు నెలల వ్యవధిలో డోసేజ్ ODకి ఆపై OWకి తగ్గించబడింది. లక్షణాలు తిరిగి రాలేదు.

మే మొదటి వారంలో, రోగికి రోగనిరోధక శక్తిని పెంచడానికి ఈ క్రింది వాటిని అందించారు. 

#3. CC12.1 Adult tonic + CC12.4 Autoimmune diseases…OD ఒక సంవత్సరం వరకు

2022 ఫిబ్రవరి నాటికి ఆమె తన ఆహారంలో బెండకాయ మరియు సోరెల్ ఆకులను చేర్చుకోవడంపై ఇంకా భయపడుతూ ఉన్నారు కనుక #2 ను ముందస్తు జాగ్రత్త కోసం OD మోతాదులో సూచించబడింది, ఇది ఇప్పటి వరకు కొనసాగుతూనే ఉంది. అప్పటి నుండి ఆమె ఎటువంటి ఇబ్బంది లేకుండా అప్పుడప్పుడు పైన పేర్కొన్న కూరగాయలను ఆస్వాదించడం ప్రారంభించారు.  

Haemorrhoids, indigestion ^{11623...India}

Since early 2019, the practitioner’s 45-year-old husband had a protruding haemorrhoid forming a lump that was very uncomfortable and caused severe pain while sitting for long periods at work. Occasionally he had shooting pain while passing stool with slight blood in it. He took homoeopathic treatment for six months but stopped it as he had very little relief. Then he managed the pain by applying coconut oil to the anal region. He also used a soft cushioned chair in his office and started on a healthy diet.

On 5 April 2020 he developed throbbing pain along with swelling in the anus which he ignored due to his busy work schedule. Two days later the pain became worse; he developed fever and chills accompanied by severe vomiting and burping with a bad odour. The indigestion occurred due to the intake of spicy food. Because of the Covid situation the patient isolated himself, took paracetamol for the pain and fever and, on 7 April 2020, his wife, who had just qualified as a practitioner, gave him:

CC4.4 Constipation + CC4.10 Indigestion...in water every 10 minutes for one hour followed by 6TD 

There was no relief after one hour and the fever was consistently high, so he was advised to dab the remedy water on the anal region. While applying the remedy the patient suddenly strongly felt the presence of the Divine, started sweating profusely and the fever began to subside. The next day, the fever and vomiting were gone and burping and pain in the anus had reduced by 50%.

In three days he became free of all symptoms except for the lump. The dosage was reduced to TDS and within a month the lump vanished as well. The dosage was gradually tapered down over the next one month and finally stopped on 10 June 2020. The patient is delighted that he was completely cured of this painful condition. There has been no recurrence as of Feb 2022.

వాపు మరియు ముఖం పై దురద ^03555...UK

36 ఏళ్ల మహిళ కనురెప్పలతో సహా ముఖంపై పునరావృతమయ్యే వాపు మరియు దురదతో మూడు సంవత్సరాలకు పైగా బాధపడుతూ ఉన్నారు. వైద్యులు కారణాన్ని గుర్తించలేకపోయారు ఐతే  నోటి ద్వారా మరియు పై పూత కోసం స్టెరాయిడ్ల మందులను మరియు క్రీమ్ రెండింటినీ సూచించారు. లక్షణాలు నెమ్మదిగా తగ్గిపోతాయి కానీ ప్రతీ ప్రతి సారి ఈ పరిస్థితి తట్టుకోడానికి ఆరు వారాలు పడుతుంది. ఆమె స్టెరాయిడ్లను ఆపివేస్తే కొన్ని వారాల తర్వాత లక్షణాలు మళ్లీ కనిపిస్తాయి. దురద తీవ్రంగా ఉన్నప్పుడల్లా ఆమె పదేపదే పనికి సెలవు పెడుతూ ఉంటుంది. గత ఆరు నెలల్లో, ఆమె మునుపటి కంటే ఎక్కువ తీవ్రతతో మూడు సార్లు ఈ విధమైన ఇబ్బంది ఎదుర్కొన్నారు. ప్రస్తుతం ఏర్పడిన ఇబ్బంది ప్రకారం స్టెరాయిడ్స్ వాడిన ఆరు వారాల తర్వాత కూడా లక్షణాలు తగ్గలేదు, కాబట్టి నిరాశతో, ఆమె వైబ్రియానిక్స్‌ను ఎంచుకున్నారు. ఆమె ముఖానికి మేకప్ చాలా మందంగా  వేసుకోవడం గమనించిన ప్రాక్టీషనర్ ఆమె అనారోగ్యానికి ఇదే కారణం కావచ్చని భావించారు. మేకప్ ఉపయోగించడం మానేయమని  ఆమెకు సలహా  ఇస్తూ 2021 జూన్ 28 న ఆమెకు క్రింది రెమిడీ ఇచ్చారు:

 #1. CC7.1 Eye tonic + CC7.3 Eye infections + CC15.1 Mental & Emotional tonic + CC21.2 Skin infections + CC21.3 Skin allergies + CC21.6 Eczema...6TD 

24 గంటల్లోనే ఆమెకు 50% ఉపశమనం లభించింది మరియు ఆమెను ఆశ్చర్యపరిచే విధంగా, ఇది 48 గంటల్లో ఇది 100%కి పెరిగింది! మూడు వారాల తర్వాత ఆమెకు డోసేజ్‌ని TDSకి తగ్గించమని సలహా ఇవ్వబడింది కానీ బదులుగా, ఆమె దానిని ఆపివేసారు. ఐదు రోజుల్లో, దురద మరియు వాపు తిరిగి వచ్చింది కానీ తీవ్రత తక్కువగా ఉంది. దీనితో వత్తిడికి గురియైన ఆమె ప్రాక్టీషనరును సంప్రదించగా #1 యొక్క రీఫిల్‌ని అందించారు. రెండు రోజుల్లో ఆమెకు ఎలాంటి లక్షణాలు లేకుండా తగ్గిపోయింది. మోతాదు TDSకి తగ్గించబడింది. ఆగస్ట్ 8న ఆమె తన అనారోగ్యానికి సంబంధించిన మరో విషయాన్ని బయటపెట్టారు. గత ఏడాది కాలంగా తాను ఎండలో బయటకు వెళ్లినప్పుడల్లా, ముఖం మీద, ముఖ్యంగా కళ్ల చుట్టూ మంట మరియు దురద ఉంటుంది. సన్ గ్లాసెస్ మరియు సన్ హ్యాట్ ఉపయోగించమని ఆమెకు సలహా ఇవ్వబడింది మరియు అదనపు రెమిడీ కూడా ఇవ్వబడింది:

#2. CC7.3 Eye infections + CC21.3 Skin allergies + CC21.6 Eczema బయటకు వెళ్ళేటప్పుడు ముఖం మీద రాసుకోవడానికి వీలుగా క్రీమ్ రూపంలో ఇవ్వబడింది. 

రెండు రోజుల తర్వాత ఆమె #2 తక్షణ ఉపశమనం అందించిందని తెలిపారు. తరువాతి కొన్ని నెలల్లో, ఆమె ఎలాంటి సమస్యలు లేకుండా తన అలంకరణను తిరిగి ప్రారంభించగలిగారు. ట్రీట్‌మెంట్ ప్రారంభించినప్పటి నుండి ఆమెకు పనికి సెలవు పెట్టాలని ఎప్పుడూ అనిపించలేదు. 2022 జనవరి 10 న, #1 మోతాదు ODకి తగ్గించబడింది. 2022 ఫిబ్రవరి లో రెండు రెమిడీలు నిలిపివేయబడ్డాయి. పేషెంట్ ఇండియాకు వెళ్లి భారీ మేకప్ వేసుకుంటూ నాలుగు పెళ్లిళ్లకు హాజరైనా లక్షణాలు పునరావృతం కాలేదు. ఏప్రిల్ నాటికి ఆమె బాగానే ఉన్నారు. ఈ విజయవంతమైన ఫలితం ద్వారా ప్రేరణ పొందిన ఆమె కుటుంబ సభ్యులందరూ ఇప్పుడు వారి ఆరోగ్య సమస్యల కోసం వైబ్రియానిక్స్‌ని ఆశ్రయిస్తున్నారు.

సక్రమంగా రాని ఋతుక్రమం ^{11616...India}

21 ఏళ్ల యువతికి తొమ్మిదేళ్ల క్రితం రజస్వల అయినప్పటినుండి సక్రమంగా రుతుక్రమం లేదు. ఆమెకు మూడు నెలలకు ఒకసారి మాత్రమే పీరియడ్స్ వస్తూ ఒక్కో ఋతు చక్రం 6 రోజులు కొనసాగుతూ వీనిలో ఎక్కువ రోజుల పాటు అధిక రక్తస్రావం ఏర్పడ సాగింది. ఆమె ఎలాంటి చికిత్స తీసుకోలేదు. వ్యక్తిగత పరిస్థితుల కారణంగా, ఆమె ప్రస్తుతం చాలా ఒత్తిడిలో ఉన్నారు. ఆమెకు  చివరి పీరియడ్ 2021 జనవరిలో  కలుగగా 2021 మార్చి 11 న ఆమె ప్రాక్టీషనర్‌ను సంప్రదించారు, వీరికి క్రింది రెమిడీ ఇవ్వబడింది:

CC8.8 Menses irregular + CC15.1 Mental & Emotional tonic…ప్రతీ 10 నిమిషాలకు ఒక మోతాదు చొప్పున 2 గంటల వరకు అనంతరం 6TD

ఆమె తదుపరి ఋతుస్రావం ఏప్రిల్ 15న వచ్చింది, రెండు వారాల పాటు ఉన్నప్పటికీ సాధారణ రక్తస్రావంతో కొనసాగింది. మోతాదు TDS కి తగ్గించబడింది.

రోగి తదుపరి ఋతుక్రమం వరకు TDS లో కొనసాగాలని సూచించినప్పటికీ, ఆమె ఏప్రిల్ 25 నుండి మోతాదును OD కి తగ్గించారు. మే 6న, ఆమె తను ఏమాత్రం వత్తిడిని అనుభవించడం లేదని ప్రాక్టీషనరుకు తెలిపారు. మే మరియు జూన్‌లో రోగికి సాధారణ రక్తస్రావం ఏర్పడి ఐదు రోజులు మాత్రమే ఉంది, కాబట్టి ఆమె జూన్‌లో రెమిడీను తీసుకోవడం మానివేసారు. 2022 మార్చి నాటికి, ఆమెకు 3 నుండి 4 రోజుల పాటు సాధారణ రక్తస్రావంతో రెగ్యులర్ పీరియడ్స్ కొనసాగుతున్నాయి.

పిలోనిడల్ కణితి ^03596...USA

22 ఏళ్ల మహిళ గత ఐదు సంవత్సరాలుగా వీపుపై వెన్నుచివర ఎముక వద్ద  పునరావృతమవుతున్న తిత్తితో బాధపడుతున్నారు. ఇది పిలోనిడల్ సిస్ట్‌గా నిర్ధారించబడింది – అనగా జుట్టు మరియు చర్మ వ్యర్థాలను కలిగి ఉండే చర్మంలోని ఒక అసాధారణ కణితి. సంవత్సరానికి ఒకటి లేదా రెండుసార్లు అది ఇంఫెక్శన్ సోకి చీము చేరి తీవ్రమైన నొప్పి మరియు వాపుకు కారణమవుతుంది. ఇది 3 నుండి 4 వారాల పాటు ఆమె కదలిక మరియు నిద్రను ప్రభావితం చేసింది, ఆ తర్వాత అది దానంతటదే చీలి తగ్గిపోతుంది. ఇటీవలే 2020 సెప్టెంబరు మధ్యలో ఇది ఏర్పడి రోగి సాధారణ వాపు మరియు తీవ్రమైన నొప్పిని అనుభవించినప్పుడు, ఆమె ఆసుపత్రి ఎమర్జెన్సీని సందర్శించడానికి ఎంచుకున్నారు. అక్కడ ఆమె సర్జన్ కి రిఫర్ చేయబడగా డిసెంబరు 11న శస్త్రచికిత్స షెడ్యూల్ చేయబడింది, ఈసారి తిత్తి తనంత తాను పగిలిపోలేదు. అందుచేత ఆమె 2020 నవంబర్ 3 వ తేదీ న ప్రాక్టీషనర్‌ను సంప్రదించగా ఈ క్రింది రెమిడీ అందించబడింది:

 #1. CC10.1 Emergencies + CC12.1 Adult tonic + CC20.1 SMJ tonic + CC20.2 SMJ pain + CC20.4 Muscles & Supportive tissue + CC20.5 Spine + CC21.1 Skin tonic + CC21.2 Skin infections + CC21.11 Wounds & Abrasions…TDS

ఒక వారం తర్వాత వాపు 20% తగ్గడంతో ఎక్కువ నొప్పి లేకుండా ఆమె తన పనులు తాను చేసుకోవడానికి సానుకూల పడింది. తదుపరి ఐదు వారాల వరకు ఈ మెరుగుదల కొనసాగింది. డిసెంబరు 11న ఆమె శస్త్రచికిత్సకు వెళ్లే సమయానికి, నొప్పి గాని వాపు గానీ లేవు. అయినప్పటికీ, షెడ్యూల్ ప్రకారం శస్త్రచికిత్స జరిగింది. తిత్తి కనిపించకపోవడంతో సర్జన్ అయోమయంలో పడ్డారు.! తదుపరి పరీక్ష కోసం మరియు కుట్లు తొలగించడం కోసం అతను 18 జనవరి 2021న మరొక అపాయింట్‌మెంట్‌ని షెడ్యూల్ చేశారు. మరోసారి ఏమీ కనిపించలేదు. ఈ అద్భుత స్వస్థతకు సాయి వైబ్రియానిక్స్ మాత్రమే కారణమని రోగికి స్పష్టంగా అర్థమైంది. CC10.1 Emergencies ఇకపై అవసరం లేదని ప్రాక్టీషనర్ భావించినందున, జనవరి 18న ఆమె #1 స్థానంలో క్రింది రెమిడీ ఇచ్చారు.    

#2. #1 CC10.1 Emergencies…TDS లేకుండా

ఏప్రిల్ 2021 చివరి నాటికి డోసేజ్ OWకి తగ్గించబడింది. జూలై చివరిలో రోగి రెమెడీ తీసుకోవడం మానేశారు. అయితే, అక్టోబర్ 2021 ప్రారంభంలో, రోగికి తన వీపు భాగంలో కొంచెం నొప్పి అనిపించడం ప్రారంభించింది. #2 TDS వద్ద పునఃప్రారంభించబడింది. రెండు రోజుల తర్వాత, రోగి యొక్క గొప్ప ఆనందానికి, అవధులు లేని చందంగా అసౌకర్యం పూర్తిగా పోవడమే కాక కణితి యొక్క జాడ కూడా లేదు. ఆమెకు ఒక నెల పాటు రెమిడీ కొనసాగించమని సలహా ఇవ్వబడింది, ఆ తర్వాత అది నిలిపివేయబడింది. ఏప్రిల్ 2022 నాటికి ఎటువంటి పునరావృతం లేదు.  

ప్రాక్టీషనర్ల వివరాలు ^{11235...India}

ప్రాక్టీషనర్  ^{11235...ఇండియా}   సైన్స్ మరియు లా లో గ్రాడ్యుయేట్ ఐన వీరు కొచ్చిన్‌లోని ఒక ప్రైవేట్ సంస్థలో అకౌంటెంట్‌గా పని చేస్తున్నారు. తీరిక సమయాల్లో ఆధ్యాత్మిక పుస్తకాలు చదవడంతోపాటు సేవా కార్యక్రమాల్లో పాల్గొంటారు. 1990లో తన బంధువు ఇచ్చిన సాయిబాబా పుస్తకాన్ని మొదటిసారి చదివారు. పుస్తకం చదువుతున్నప్పుడు అతను పూర్తిగా వేరే ప్రపంచము లోనికి చేరినట్లు భావోద్వేగం చెందగా కన్నీరు ధారాపాతంగా వీరి చెక్కిళ్ళ మీదుగా ప్రవహించాయి అంతేకాకుండా అంతరంగికంగా ఏవో అవ్యక్త భావాలను అనుభవించారు. స్వామి వైపుకు వీరు చేసే ప్రయాణంలో ఇది ప్రధామాంకము.

1992 నుండి, వీరు ప్రశాంతి సేవ, ప్రాథమిక ఆరోగ్య కేంద్రాలలో మందుల పంపిణీ మరియు నెలవారీ వైద్య శిబిరాలలో పాల్గొనడం వంటి సాయి సేవా కార్యక్రమాలలో చురుకుగా పాల్గొంటున్నారు. మొత్తం ఏడేళ్లపాటు సేవా, ఆధ్యాత్మిక, ప్రచురణ విభాగాల్లో సమన్వయకర్తగా సేవలందించారు. మూడు సంవత్సరాలుగా వారు తన స్థానిక సాయి సమితిలో స్టడీ సర్కిల్‌లకు ఇన్‌ఛార్జ్‌గా ఉంటున్నారు.

ఒక జిల్లా సమావేశంలో సాయి వైబ్రియానిక్స్ గురించి విన్నప్పుడు, ప్రాక్టీషనరుగా మారాలని అంతరంగంలో బలమైన కోరిక అంకురించింది. 2010లో దీనికి అవకాశం వచ్చినప్పుడు, అతను రెండో ఆలోచన లేకుండా వెంటనే దరఖాస్తు చేసుకున్నారు. అదే సంవత్సరం డిసెంబర్‌లో AVP, సెప్టెంబరు 2011లో VP మరియు మార్చి 2013లో SVPగా అర్హత సాధించారు. అతను 9200 కంటే ఎక్కువ మంది రోగులకు చికిత్స అందించారు. కేరళలో గల ఐదు ప్రాంతీయ సమన్వయ కర్తలలో వీరు కూడా ఒకరు. వీరి బృందం వేల సంఖ్యలో ఇమ్యూనిటీ బూస్టర్ బాటిళ్ల పంపిణీలో ప్రధాన పాత్ర పోషించింది, 50% కంటే ఎక్కువ IBలు వీరి రాష్ట్రంలో పంపిణీ చేయబడ్డాయి.

అతను ఇతర ప్రాక్టీషనర్లతో కలిసి పని చేయడం మరియు మహమ్మారి ప్రారంభానికి ముందు ఒక నెలలో మూడు వారాంతాల్లో మూడు వేర్వేరు కేంద్రాలలో వైబ్రియానిక్స్ శిబిరాలు నిర్వహించే అవకాశాలను పొందడం అదృష్టంగా భావిస్తారు.  మహమ్మారి సమయంలో కూడా, అతను తన రోగులతో ఫోన్ సంప్రదింపుల తర్వాత కొరియర్ ద్వారా రెమెడీలను పంపడం ద్వారా సేవను కొనసాగించారు. అతని సేవ యొక్క లబ్ధిదారులు ప్రస్తుతం నెలకు 100 మంది రోగులు ఉన్నారు.

ఈ ప్రాక్టీషనరు తన సేవలో అనేక ఆసక్తికరమైన సందర్భాలను ఎదుర్కొన్నారు. ఒక సందర్భంలో, 42 ఏళ్ల మహిళ RA ఫ్యాక్టర్‌ పరీక్షలో పాజిటివ్‌గా నిర్ధారింప బడ్డారు. ఆమె దీర్ఘకాలంగా కీళ్లలో వాపు మరియు నొప్పితో బాధపడుతూ ఉన్నారు.  దీని కోసం ఆమె చాలా కాలం అల్లోపతి మందులను తీసుకున్నారు కాని ఉపశమనం కలుగ లేదు. వైబ్రో రెమెడీలు తీసుకున్న రెండు వారాల తర్వాత, 50% మెరుగుదల మరియు ఒక నెల తరువాత దాదాపు పూర్తి ఉపశమనం కలిగింది. మరో సందర్భంలో, వెర్టిగోతో బాధపడుతున్న 63 ఏళ్ల వ్యక్తి, నాలుగు నెలల పాటు అల్లోపతి చికిత్సను ప్రయత్నించినా ఉపశమనం కలగని కారణముగా తనకు  CC5.3 Meniere's disease + CC15.1 Mental & Emotional tonic + CC18.7 Vertigo  ఇవ్వబడింది. రెండు వారాల్లో అతనికి 70% ఉపశమనం కలుగగా తదనంతరం అతను పూర్తిగా నయమయ్యారు.   

 వైబ్రియానిక్స్ చికిత్స వలన పూర్తి స్వస్థత చేకూరిన వీరి రోగులలో ఒక మహిళ ఎంతో ప్రేరణ చెంది తన కుమార్తె మరియు అల్లుడిని ప్రాక్టీషనరు వద్దకు పంపారు. ఈ యువ జంట గత మూడు సంవత్సరాలుగా బిడ్డ కోసం ప్రయత్నిస్తున్నప్పటికీ సఫలం కాలేదు. ఇద్దరికీ అధిక కొలెస్ట్రాల్ మరియు బ్లడ్ షుగర్ ఉన్నాయి, దీని కోసం వారు అల్లోపతి చికిత్స తీసుకుంటున్నారు. ఆ యువతికి పిసిఒడి కూడా ఉంది, దాని కోసం ఆమె కొన్ని ల్యాప్రోస్కోపిక్ సర్జరీలు చేయించుకుంది. వైబ్రో రెమెడీలు తీసుకున్న ఒక నెల తర్వాత, వీరిద్దరికీ కొలెస్ట్రాల్ మరియు బ్లడ్ షుగర్ లెవల్స్‌లో తగ్గుదల కనిపించింది అంతేకాక రెండు నెలల తర్వాత ఆమె IVF చికిత్స ప్రారంభించటానికి కేవలం ఒక వారం ముందు తను గర్భం దాల్చింది! గర్భం దాల్చిన తేదీ అల్లోపతి మెడిసిన్ షెడ్యూల్‌తో సరిపోలడం లేదని, తద్వారా ఈ విజయాన్ని పూర్తిగా వైబ్రియానిక్స్ చికిత్సకు ఆపాదించాలని సంబంధిత వైద్యుడు సూచించాడు, కాబట్టి నవంబర్ 2019లో వారి కుమారుడు జన్మించినప్పుడు, వారు అతన్ని 'వైబ్రో బేబీ' గా పిలిచారు.

 ఈ ప్రాక్టీషనరు కొన్ని కాంబోలు చాలా ప్రభావవంతంగా పనిచేస్తాయని గ్రహించారు. అతను CC8.2 Pregnancy tonic నొప్పిలేకుండా, సాధారణ ప్రసవానికి ఉత్తమమైన ఔషధంగా కనుగొన్నారు. వీరి అనుభవంలో CC18.7 Vertigo, CC19.6 Cough chronic, CC19.7 Throat chronic మరియు CC21.11 Wounds & Abrasions ఎప్పుడూ విఫలం కాలేదు సిమ్యులేటర్ కార్డ్‌లలో NM59 Pain మరియు NM97 Sciatica అతనికి అసాధారణమైన ఫలితాలను అందించాయి.

 వైబ్రియానిక్స్ అభ్యాసం ప్రాక్టీషనరుకు నిస్వార్థ సేవ యొక్క నిజమైన అర్థాన్ని నేర్పింది, అలాగే రోగుల పట్ల సహనం,  కరుణను పెంచింది. ఈ సేవలో విజయవంతం కావాలంటే, అహంకారం లేకుండా మరింత క్రమశిక్షణతో మరియు అంకితభావంతో పనిచేస్తూ మెరుగైన శ్రోతగా ఉండాలని అతను గుర్తించారు. ప్రారంభ రోజులలో ఒక పేషెంట్ తనను 'డాక్టర్' అని పిలిచినప్పుడు అతను ఉబ్బితబ్బిబ్బైన అనుభూతి చెందినా క్రమంగా చికిత్సా ఫలితాలను నిరంతరం గమనించడం ద్వారా, అతని అహం చికిత్సా ప్రక్రియకు ఆటంకం కలిగిస్తోందని అవగాహన కలిగింది. అప్పటి నుండి, అతను రోగుల పట్ల తన విధానంలో సమానత్వాన్ని కొనసాగించడానికి ప్రయత్నించ సాగారు. రోగులకు స్వస్థత చేకూర్చే స్వామి చేతిలో తాను కేవలం ఒక సాధనం మాత్రమేనని వీరికి ఇప్పుడు స్పష్టంగా అర్థమైంది. ఇంత వయసులో కూడా తను అలసిపోకుండా వైబ్రియానిక్స్ క్యాంపులు నిర్వహించేందుకు వివిధ ప్రాంతాలను సందర్శించే శక్తి కలిగి ఉండటం స్వామివారి కృప వల్లనే అని భావిస్తారు.

    ఇతర ప్రాక్టీషనర్లకు వీరి సందేశం ఏమిటంటే, ‘మన వైద్య ప్రక్రియ యొక్క విజయం మన ఆలోచనలు, మాటలు మరియు పనుల స్వచ్ఛతపై ఆధారపడి ఉంటుంది. సానుకూల ప్రకంపనలను పెంపొందించేది మన సాధన మరియు దీనిని సాధించడానికి నామస్మరణ ఉత్తమమైన పద్ధతుల్లో ఒకటి. ప్రాక్టీషనర్లు ఆధ్యాత్మిక మరియు సేవా ఆధారిత వ్యక్తులతో సహవాసం చేయాలని మరియు సేవ చేయడానికి అందుబాటులో ఉన్న ప్రతీ అవకాశాన్ని సద్వినియోగం చేసుకోవాలని వీరు సూచిస్తున్నారు.

 పంచుకున్న కేసులు

• పునరావృత మవుతున్న మూత్రకోశ ఇన్ఫెక్షన్ వ్యాధి (UTI)
• పార్శ్వపు నొప్పి మరియు భుజం నొప్పి

ప్రాక్టీషనర్ల వివరాలు ^{02051...Chile}

ప్రాక్టీషనర్ ^{02051…చిలీ}   అభ్యాసన వ్యూహాలు మరియు వనరుల విభాగంలో మాస్టర్స్ డిగ్రీని కలిగి ఉన్నారు. 2018లో వెనిజులా నుండి చిలీకి వలస వచ్చినప్పటి నుండి, సమస్యాత్మకమైన వెనిజులా నుండి అవసరమైన డాక్యుమెంటేషన్‌ను పొందలేకపోవడం వల్ల ఆమె మరియు ఆమె భర్త, గతంలో యూనివర్సిటీ ప్రొఫెసర్‌లు, అయినప్పటికీ క్లరికల్ ఉద్యోగాలు చేయవలసి వచ్చింది.

  ఏప్రిల్ 1988లో, బరువైన నీటి బాటిళ్లను తీసుకువెళుతున్న ఒక మహిళకు సహాయం చేస్తున్న సందర్భంలో  ప్రాక్టీషనర్ మరియు ఆమె భర్త సాయి కేంద్రానికి తీసుకెళ్లబడ్డారు, అక్కడ వారు సాయి బాబా గురించి మొదటిసారి  విన్నారు. వారు తక్షణమే స్వామితో ప్రేమలో పడి శాకాహారులుగా  మారిపోయారు మరియు వారి ఇంట్లో సాయి కేంద్రాన్ని ప్రారంభించగా అది తదుపరి 13 సంవత్సరాలు పనిచేసింది. వారు భారతదేశాన్ని చాలాసార్లు సందర్శించారు మరియు ప్రాక్టీషనరుకు పుట్టపర్తిలోని బాబా విశ్వవిద్యాలయంలో పరిశోధన చేసే అదృష్టం లభించింది. ఆమె ఏడు సంవత్సరాలు వెనిజులా లో EHV ఇన్స్టిట్యూట్ డైరెక్టర్‌గా పనిచేసారు మరియు 2016-2018 నుండి మూడు సంవత్సరాల పాటు నేషనల్ ఎడ్యుకేషన్ కోఆర్డినేటర్‌గా పనిచేసారు. ప్రస్తుతం, ఆమె చిలీ యొక్క ఏకైక సాయి సెంటర్‌కు ఎడ్యుకేషన్ ఇన్‌ఛార్జ్‌గా ఉన్నారు మరియు చిలీలో EHV ఇన్‌స్టిట్యూట్ ఏర్పాటులో పాలుపంచుకున్నారు. ఆమె భర్త, పిల్లలు కూడా సాయి సంస్థలో క్రియాశీలక పాత్రలు పోషిస్తున్నారు.

2001లో, తన భర్త మరియు కుమార్తెతో కలిసి ప్రశాంతినిలయం మొదటిసారి సందర్శించినప్పుడు ఆమె వైబ్రియానిక్స్ గురించి తెలుసుకున్నారు. తనకు మరియు ఇతరులకు స్వస్థత చేకూర్చగలగడమే తన వృత్తి అని భావించడం, ఆమె సాయి వైబ్రియానిక్స్ ప్రారంభ కోర్సు తీసుకోవడానికి మార్గనిర్దేశం చేసింది. పరీక్ష మరియు ఇంటర్వ్యూలో ఉత్తీర్ణులు కావడంతో ఈ  ముగ్గురూ ప్రాక్టీషనర్లుగా అర్హత సాధించారు. తదనంతరం, ఆమె తన SVP కోర్సు 2006లో పూర్తి చేసారు.  ప్రస్తుతం, ఆమె మాత్రమే చురుకుగా వైబ్రియానిక్స్ సాధన చేస్తున్నారు, అయినప్పటికీ ఆమె కుటుంబం ఆమెకు పూర్తి మద్దతు ఇస్తున్నది.

గత కొన్ని సంవత్సరాలుగా వైబ్రియానిక్స్‌పై ఈమె విశ్వాసం ఎంతో బలపడింది. ఆమె అనుభవంలో సాయి వైబ్రియానిక్స్ ఔషధం 'సాయి' స్వరూపం కనుక అపజయము ఎరుగనిది.  ఆరోగ్య పరిస్థితి మెరుగుపడని వ్యక్తులు

సూచించిన ప్రోటోకాల్‌ను పాటించని వారు మాత్రమే అని ఆమె అనుభవంలో తెలుసుకున్నారు. ఆమె రోగులలో చాలామంది వైబ్రియానిక్స్‌ స్వస్థతా ప్రక్రియలో తాము ప్రశాంతంగా ఉన్నట్లు గమనించారు. ప్రతి వ్యక్తి ప్రత్యేకంగా ఉంటారని మరియు అందరూ ఒకే విధంగా రెమిడీలకు ప్రతిస్పందించరని లేదా ఒకే ఫలితాలను పొందరని ఆమె తెలుసుకున్నారు. ఒక ప్రాక్టీషనరుగా ఆమె రోగికి చికిత్స చేయడం ప్రారంభించే ముందు, మరియు రెమిడీలను సిద్ధం చేసే ముందు ప్రార్థన తప్పనిసరిగా చేస్తారు. ఆమె వైబ్రియానిక్స్‌ సేవ చేసే రోజులను ముందుగానే నిర్ణయించుకుని దానికి  అవసరమైన మెటీరియల్‌ అంతా ముందుగానే సమీకరించు కోవడంలో జాగ్రత్త వహిస్తారు. అలాగే ఈ సేవ లో ఉపయోగింపబడే రెమిడీల యొక్క సమగ్ర రికార్డులను భద్రంగా ఉంచుతారు. వైబ్రియానిక్స్‌ పట్ల నమ్మకం చూపేందుకు  ప్రజలు ఎల్లప్పుడూ సిద్ధంగా ఉన్నందున తనకు రోగుల కొరత లేదని ఆమె స్వామికి కృతజ్ఞతలు తెలుపుతున్నారు.

ఒక ఆసక్తికరమైన కేసును ఈ ప్రాక్టిషనరు పంచుకోవాలనుకుంటున్నారు. కంప్యూటర్ అద్దెకు ఇచ్చే సెంటర్ లో ఈమె వర్క్ చేస్తున్నప్పుడు, అత్యంత నిస్పృహకు లోనై ఉన్న ఒక మహిళ తనకు ఇక జీవించడం ఇష్టం లేదని ఏడుస్తూ ఆమె పక్కన కూర్చోనడం తటస్థించింది. ప్రాక్టీషనరు CC15.1 Mental & Emotional tonic + CC18.1 Brain disabilities ను సిద్ధం చేసి, మొదటి మోతాదును ఆమెకు అందించారు. మరుసటి రోజు ఆ మహిళ తన కోసం వెతుకుతూ వచ్చింది, తాను ఒక అద్భుతాన్ని చూశానని తన జీవితంలో మొదటిసారిగా, ఎలాంటి బాధాకరమైన ఆలోచనలు లేకుండా రాత్రిపూట నిద్రపోగలిగానని ఆమె చెప్పింది. అప్పటి నుండి, ఈ మహిళ ఎలాంటి డిప్రెషన్‌తో బాధపడలేదు.

అన్ని కాంబోలు శక్తివంతమైనవి అయినప్పటికీ, ఈ ప్రాక్టీషనర్ CC6.3 Diabetes  మధుమేహ వ్యాధిని నియంత్రించడంలో మరియు CC15.1 Mental & Emotional tonic మరియు CC15.2 Psychiatric disorders, మానసిక మరియు భావోద్వేగ అంశాలను సమతుల్యం చేయడంలో అసాధారణంగా ప్రభావవంతంగా ఉన్నట్లు కనుగొన్నారు. క్యాన్సర్, మధుమేహం, హార్మోన్ల రుగ్మతలు, వంధ్యత్వం, ఆటిజం, డిప్రెషన్/భావోద్వేగ సమస్యలు, కీళ్లనొప్పులు, ఎముకలు మరియు చర్మ బాధలు వంటి వ్యాధులు నయం చేయడంలో ఆమె గొప్ప విజయాన్ని సాధించారు.

తనకు, తన కుటుంబం మరియు ఇతరుల యొక్క సమగ్ర ఆరోగ్యం (శారీరక & మానసిక ఆరోగ్యం & ఆరోగ్యకరమైన సంబంధాలు) పట్ల ఆసక్తిని రేకెత్తించి వైబ్రియోనిక్స్ ప్రాక్టీషనరుగా తనకు పాత్రను ఇచ్చినందుకు ఆమె స్వామికి కృతజ్ఞతలు తెలుపుతున్నారు. ఏవైనా ఆరోగ్య సమస్యలు ఎదురైనప్పుడు ఆమె మరియు ఆమె భర్త వైబ్రియానిక్స్ వైపు మొగ్గు చూపుతారు. మెరుగైన ఫలితాల కోసం రోగుల చికిత్సల విషయంలో సహాయపడటానికి మరియు తద్వారా వారు మెరుగైన జీవన నాణ్యతను సాధించడంలో సహాయపడటానికి ఆమె రోగులకు ఉపయోగకరమైన సూచనలను అందించడానికి పోషకాహారం మరియు ఆరోగ్య సమస్యల గురించి మరింత తెలుసుకోవడానికి చురుకుగా ప్రయత్నిస్తున్నారు. స్వామి ప్రేరణతో, ఆమె తన రోగులకు మార్గనిర్దేశం చేస్తూ పరిస్థితులకు అనుగుణంగా, మానవ విలువలు మరియు జీవనశైలికి సంబంధించి వారికి సూచనలు ఇస్తూ ఉంటారు. వైబ్రియానిక్స్ తనను మరింత దయగల మరియు ఆత్మవిశ్వాసం గల వ్యక్తిగా మార్చిందని మరియు జ్ఞానం కోసం తన తపనని మరింత పెంచడంలో సహాయపడిందని ఆమె భావిస్తున్నారు.

తోటి ప్రాక్టీషనర్లకు ఆమె సలహా ఏమిటంటే, ఎప్పటికీ ఆశ వదులుకోవద్దు; పట్టుదలతో మరియు పూర్తి విశ్వాసంతో, స్వామిని ఆశ్రయిస్తే ఆయన మనల్ని సరైన మార్గంలో నడిపిస్తారు.

పంచుకున్న కేసు

కీళ్ల వాతం