అభ్యాసకురాలి వివరాలు 02859...India
ఈ విశేష భాగంలో ఢిల్లీలో విభిన్న సమూహాలకు చెందిన అభ్యాసకుల వివరాలు ప్రదర్శించ బడియున్నాయి. వీటిలో, ఇప్పటివరకు తమ అనుభవాలను మరియు దృక్పధాన్ని పంచుకుంటున్న ఆరుగురు కొత్త అభ్యాసకుల వివరాలు కూడా చేర్చబడ్డాయి. ఈ అభ్యాసకుల వివరాలను వ్యవస్థీకృత మరియు సంకలనం చేసిన ఢిల్లీ- NCR సమన్వయకర్త 02859...ఇండియా వివరాలతో ఈ భాగం ప్రారంభం అవుతోంది:
అభ్యాసకురాలు02859...ఇండియా వ్రాస్తున్నారు: నేను గత 28 సంవత్సరాలుగా ఢిల్లీ విశ్వవిద్యాలయంలో ఎలక్ట్రానిక్స్ భోధన చేస్తున్నాను. 2011 జూలై నుండి వైబ్రియానిక్స్ అభ్యాసం మొదలుపెట్టాను. అప్పటినుండి వివిధ తీవ్రమైన మరియు ధీర్గకాలిక రుగ్మతలను నయంచేసేందుకు అవకాశాలు వస్తున్నాయి. శిక్షణా శిబిరాలను (వర్క్ షాపులు) జరిపించడం మరియు ఢిల్లీ-NCR ప్రాంతంలో వివిధ వైబ్రియానిక్స్ కార్యకలాపాలను నిర్వహించడం నా వైబ్రియానిక్స్ సాధనలో భాగంగా ఉన్నాయి.
వైబ్రియానిక్స్ గురించి తెలుసుకునే ముందు నాకు సేవ చేయాలని ఒక బలమైన కోరిక ఉండేది కాని తగిన వేదిక దొరకలేదు. అలాంటి ఒక వేదికను వెతుకుతూ నేను వైబ్రియానిక్స్ శిక్షణను పొందాలని అనుకున్నాను. నా మొట్ట మొదటి పేషంటు మా బంధువులింటిలో పనిచేస్తున్న ఒక మహిళ. వాచిపోయి, చీము కారుతున్న పాదాలతో ఆమె కుంటుతూ నడవడం చూసాను. బాబాను మనసార ప్రార్థించుకుని ఆమెకు వైబ్రో మందును తయారు చేసిచ్చాను. ఒక వారంలో పాదాలలో వాపు మరియు చీము కారడం తగ్గి ఆమె సాధారణంగా నడవ సాగింది. అది చూసి నేను నమ్మలేక పోయాను. [సంపాదకుడి వ్యాఖ్యానం: పూర్తి కేసు వివరాలు "పంచుకో తగిన కేసులు" క్రింద ఇవ్వబడియుంది]. ఈ మహిళకు ఉపశమనాన్ని కలిగించడానికి నేనెలా ఒక సాధనగా ఎంచుకోబడ్డానన్న ఆలోచన నాలో కలిగింది. నా వైబ్రియానిక్స్ సాధనలో ఇప్పటివరకు ఇటువంటి క్షణాలు అనేకం. ప్రతీ సారి నేను " నేనెందుకు ఎంచుకోబడ్డాను?" అని ఆలోచిస్తాను. శిభిరాల్లో పాల్గొని అవసరమైన వారికి ఉపశమనాన్ని కలిగించడం ద్వారా నేను ఎంతో సంతృప్తిని మరియు ఆనందాన్ని పొందుతున్నాను. సేవ చేయాలన్న నా బలమైన కోరికను బాబా వైబ్రియానిక్స్ కార్యక్రమం ద్వారా తీర్చారు. బాబా చేస్తున్న అద్భుతాలతో జీవించడం నేర్చుకున్నాను.
వైబ్రియానిక్స్ ప్రపంచంలో వివరించరాని విధములో అనేక అనుసంధానములు ఏర్పడుతున్నాయని నేను గమనించాను. ఉదాహరణకు ఒక సంఘటన: ఎనిమిదవ నెల గర్భిని అయిన ఒక సహోద్యోగికి దురద చాలా ఎక్కువగా ఉండేది. నా ఈమెయిల్స్ ను చూస్తుండగా, ఇదే సమస్యను సమర్థవంతంగా ఎలా నివారించారన్న ఒక అభ్యాసకుడు పంపిన వివరాలను చదవడం జరిగింది. ఇటువంటి అనేక సంఘటనలు బాబా ప్రేమను గుర్తు చేస్తాయి.
వైబ్రియానిక్స్, వేరొక స్థాయిలో, శాస్త్రానికి మరియు ఆధ్యాత్మికతకి మధ్య ఉన్న సంబoధం వాస్తవమైనదని నిర్ధారించే ఒక ఉత్తమ సాక్ష్యమని నేను భావిస్తున్నాను. ఇది పరిశోధన చేయడానికి ఒక మనోహరమైన అంశం. " అందరిని ప్రేమించండి, అందరిని సేవించండి " అన్న బాబా మాటలను పాటించడానికి వైబ్రియానిక్స్ అభ్యసించడం ఒక ఉత్తమమైన మార్గం.