Sai Vibrionics Newsletter

డా. జిత్ కె అగ్గర్వాల్ యొక్క డెస్క్ నుండి

ప్రియమైన ప్రాక్టీషనర్లకు,

ఇప్పుడు గడుస్తున్న కాలం ఈ సంవత్సరంలో అత్యంత పవిత్రమైన పండుగ సమయాలలో ఒకటి. మనము ప్రస్తుతం రెండు ముఖ్యమైన పండుగలను గమనించాము - ఓనం మరియు శ్రీకృష్ణ జన్మాష్టమి, సాధారణ పరిస్థితులలో ప్రశాంతి నిలయంలో అత్యంత ఉత్సాహ హర్షాతిరేకంతో జరుపుకుంటారు. కానీ మహమ్మారి మనకు నేర్పించిన పాఠం ఏదైనా ఉందంటే అది ఇప్పుడు మనమంతా మన అంతరంగ ప్రయాణానికి సన్నద్దం కావడం. ఈ రెండు పండుగల నుండి మనం నేర్చుకోవడానికి ఎన్నో అంశాలు ఉన్నాయి. ఇవి ప్రేమ, త్యాగం మరియు అన్నింటికంటే ముఖ్యంగా నిస్వార్థ సేవ యొక్క రూపాలుగా ఉన్నాయి. స్వామి ఇలా అంటారు, "మీ కార్యకలాపాలన్నిటినీ దేవునికి సమర్పణగానూ మరియు మీరు చేసే పనులన్నీ దేవుని పనిగానే భావించండి. పక్షి ఆకాశంలో ఎంతో ఎత్తున ఎగరడానికి రెండు రెక్కలు మరియు సైకిల్ ముందుకు కదలడానికి రెండు చక్రాలు ఎంత అవసరమో, అలాగే మనిషి తన అంతిమ లక్ష్యాన్ని చేరుకోవడానికి, ప్రేమ మరియు సేవ అవసరం. ప్రేమ లేని సేవను అందించడం ద్వారా ఎటువంటి ప్రయోజనము కలగదు. మీరు చేసే సేవా కార్యకలాపాల నుండి ఎటువంటి ఫలితాన్ని ఆశించవద్దు. సేవను అందించడం ద్వారా మీరు పొందిన సంతృప్తే ఒక అపూర్వ బహుమతి." – శ్రీ సత్య సాయి బాబా, కృష్ణ జయంతి ఉపన్యాసం, 1999 సెప్టెంబర్ 3. మీ అందరికీ తెలిసినట్లుగా, సాయి వైబ్రియోనిక్స్ యొక్క లక్ష్యం ఈ నిస్వార్థ సేవ మరియు షరతులులేని ప్రేమపై ఆధారపడింది!

మా సోదర సోదరీమణులు యుఎస్, కెనడా, గయానా మరియు ట్రినిడాడ్ నుండి ప్రాక్టీషనర్ల కోసం సురక్షితమైన ప్రైవేట్ కమ్యూనికేషన్ నెట్‌వర్క్ అయిన “వైబ్రియోనిక్స్ సర్కిల్ ఆఫ్ నార్త్ అమెరికన్ ప్రాక్టీషనర్స్ ("VCNAP") ను, ప్రారంభించారని మీకు తెలుపుకోవడం ఎంతో ఆనందంగా ఉంది. ఈ అద్భుత మైలురాయి సాధనలో ఉత్తర అమెరికా సమన్వయకర్త చేసిన అవిరళ కృషి, ప్రాక్టీషనర్ ⁰²⁸⁴⁴ నుండి అందిన సాంకేతిక సహకారంతో, సుసంపన్నమైన వేదికను రూపొందించడానికి సాధ్యమైంది. దీనిద్వారా అభిప్రాయాలను పంచుకోవడం, పూర్తి సహకార చేయూత, ప్రశ్నోత్తరాలు, ప్రేరణ, స్వామి లీలలు, ప్రత్యక్ష ప్రకటనలు, ప్రార్థన అభ్యర్థనలు స్వీకరించుట, ఇంకా మరెన్నో కార్యక్రమాల నిర్వహణ సుసాధ్యమైంది. ఈ నెట్వర్క్ గతంలో నిర్వహించిన నెలవారీ జూమ్ కాల్‌లను భర్తీ చేస్తూ ప్రతిరోజూ పర్యవేక్షించబడుతోంది. ప్రాక్టీషనర్ల ప్రశ్నలకు ముగ్గురు అనుభవజ్ఞులైన SVP ల ప్యానెల్ సమాధానమిస్తుంది, మరియు ఈ ప్రాంతంలోని అందరి ప్రయోజనం కోసం ఫోరమ్‌లో పోస్ట్ చేయబడుతుంది.  

భారతదేశంలో మహమ్మారి యొక్క మూడవ తరంగం నియంత్రణలోకి వచ్చినందున, మా ఇమ్యునిటీ బూస్టర్ IB కి డిమాండ్ మందగించడం ప్రారంభమైంది. ఏదేమైనా, పుట్టపర్తిలో IB పంపిణీ స్థానిక ప్రాక్టీషనర్లు మరియు వైబ్రియోనిక్స్ అడ్మిన్ మరియు ఇతర వాలంటీర్ల ద్వారా చాలా చురుకుగా కొనసాగుతున్నది. ఒరిస్సాకి చెందిన ప్రాక్టీషనర్ ⁰²⁸³⁵ స్వల్ప వ్యవధిలో ఇచ్చిన నోటీసుకు వెంటనే ప్రతిస్పందించి 550 IB సీసాలను సిద్ధం చేయడం ప్రత్యేకంగా ప్రస్తావించవలసిన అంశము. భారతదేశంలో IB యొక్క మొత్తం లబ్ధిదారుల సంఖ్య, మేము ఈ వార్తాలేఖ ముద్రణకు వెళుతున్నప్పుడు 487,089 కి చేరుకుంది. అలాగే, భారతదేశంలోని అనేక ప్రాంతాల్లో ఆంక్షలను సడలించడంతో, ప్రాక్టీషనర్లు వ్యక్తిగత శిబిరాలను ప్లాన్ చేయడం మరియు క్లినిక్‌లను తిరిగి ప్రారంభించడం మనం చూస్తున్నాము. సాయి ఆర్గనైజేషన్ వారు నిర్వహించే వైద్య శిబిరాలలో తగిన భద్రతా చర్యలు తీసుకుంటూ ప్రజలకు చేరువ కావలసిందిగా ప్రాక్టీషనర్‌లను నేను హృదయపూర్వకంగా ప్రోత్సహిస్తున్నాను. ఈ సందర్భంగా మీ నివేదికలను స్వీకరించడానికి మరియు ఆయా శిబిరాలలో మీ అనుభవాలను గురించి వినడానికి మేము ఆసక్తిగా ఎదురుచూస్తున్నాము. 

కోవిడ్ మహమ్మారి సమయంలో బ్రాడ్‌కాస్టింగ్ కోసం మన చొరవ అద్భుతంగా రూపుదాల్చి, ప్రస్తుతం, ప్రసార అభ్యర్థనలలో గణనీయమైన పెరుగుదల వ్యక్తమవుతోంది; ప్రధానంగా, మన సరికొత్త మరియు మెరుగైన వెబ్‌సైట్ నుండి ఎక్కువ అభ్యర్ధనలు వస్తున్నాయి. SRHVP మెషిన్ ఉన్న ప్రాక్టీషనర్లు అందరూ ఈ సేవ కోసం ముందుకు వచ్చి స్వచ్ఛందంగా పనిచేయాలని నేను అభ్యర్థిస్తున్నాను. మనము బ్రాడ్కాస్టింగ్ కోసం ప్రామాణిక ఆపరేటింగ్ విధానం(స్టాండర్డ్ ఆపరేటింగ్ ప్రాసిడ్యూర్ SOP) మరియు మార్గదర్శకాలను ఖరారు చేశాము, అది త్వరలో ప్రాక్టీషనర్ వాలంటీర్ లకు పంపబడతాయి. SRHVP లేని అభ్యాసకులందరూ తమ ప్రాంతీయ సమన్వయకర్తలను ప్రసార అభ్యర్థనలతో సంప్రదించాలని కూడా నేను అభ్యర్థిస్తున్నాను.

సాయి వైబ్రియానిక్స్ ని మరింతగా ప్రజలకు చేరువ చేయాలనే మన లక్ష్యానికి అనుగుణంగా, మన స్థానిక సాయి కమ్యూనిటీకి చెందిన సభ్యులలో ఎవరైతే తమ పరిసరాల్లో మరియు సమీప గ్రామాలలో క్యాంపులు మరియు కమ్యూనిటీ సెంటర్లలో సేవ చేయడానికి సిద్ధంగా ఉన్నారో వారిని గుర్తించి వారికి శిక్షణ ఇవ్వాలి. దీని కోసం మేము ఒక కొత్త వర్గం వైబ్రియోనిక్స్ టార్చ్ బేరర్స్ గా చెప్పదగిన అసిస్టెంట్ ప్రాక్టీషనర్‌ (AP) అనే విధానం రూపొందించాము. వారి కోసం మేము సరళమైన మరియు వేగవంతమైన అడ్మిషన్ ప్రాసెస్‌ రూపొందించాము, దాని తర్వాత వారి స్థానిక భాషలో ఇ-కోర్సు మరియు వర్క్‌షాప్ శిక్షణ ఉంటుంది. ప్రాక్టీషనర్లు అందరూ అటువంటి చురుకైన అభ్యర్ధులను గుర్తించి మాతో సంబంధం నెరపే విధంగా తగిన కృషి చేయవలసిందిగా అభ్యర్ధన. ప్రస్తుతం 2021 డిసెంబర్ లో షెడ్యూల్ చేయబడిన వర్క్‌షాప్‌లో హిందీలో శిక్షణ పొందుటకు మొదటి బ్యాచ్ అభ్యర్థులను ఎంపిక చేసే పనిలో నిమగ్నమై ఉన్నాము.   

“స్ప్రెడ్ ద వర్డ్” ప్రచారం లో భాగంగా మనం నిర్వహించిన అనేక ఇంటరాక్టివ్ అవేర్‌నెస్ వెబినార్‌ల దృష్ట్యా చూస్తే ఇది చాలా ఫలవంతమైన సంవత్సరం. అటువంటి అవగాహన చర్చ కోసం ఢిల్లీ-ఎన్‌సిఆర్‌లోని సుప్రసిద్ధ చిన్మయ మిషన్‌ వారు సహకరించినందుకు ఎంతో గౌరవ ప్రదంగా భావిస్తున్నాము. ఇక్కడ చేసిన ప్రసంగానికి మంచి ఆదరణ లభించడంతో పాటు ఆ తరువాత నిర్వహించిన ఆసక్తికరమైన మరియు శ్రేయోదాయకమైన ప్రశ్నోత్తరాల సెషన్, భవిష్యత్తు కోసం అవకాశాలను మెరుగుపరుస్తుందని నేను సంతోషంగా నివేదిస్తున్నాను. సాయి వైబ్రియోనిక్స్ మిషన్ ను మరింత వ్యాప్తి చేయడానికి వైబ్రియోనిక్స్ ప్రాంతీయ కోఆర్డినేటర్లు తమ రాష్ట్ర కోఆర్డినేటర్లతో సంబంధాలు పెట్టుకొని సాయి భక్తుల కోసం తగిన వర్చువల్ ప్లాట్‌ఫామ్‌లలో ఇలాంటి చర్చలను ఏర్పాటు చేయవలసిందిగా మేము ప్రతిపాదిస్తున్నాము. అటువంటి కార్యక్రమాలను సులభతరం చేయడానికి మీకు అవసరమైన ఏదైనా సహాయంతో మీకు సహకరించడానికి మేము ఆనందంగా సంసిద్ధులమై ఉన్నాము. మరింత సమాచారం కోసం మీరు మాకు [email protected] కు ఇమెయిల్ చేయవచ్చు.

రోగుల యొక్క అనుభవాలు టెస్టిమోనియల్స్ (ఆడియో, వీడియో, టెక్స్ట్) మరింత ఎక్కువగా పంపవలసిందిగా ఎప్పటిలాగే, ప్రాక్టీషనర్లందరికీ నేను వినయపూర్వకమైన అభ్యర్థన చేయాలనుకుంటున్నాను. మన సంస్థ ప్రాక్టీషనర్ల అనుభవాల పైనే ఎక్కువగా ఆధారపడుతుంది కనుక మీ అందరి నుండి ఎంత ఎక్కువ సహకారం లభిస్తుందో అంత ఎక్కువగా మనము సమిష్టిగా నేర్చుకుంటూ ఎదుగగలుగుతాము.

మీ అందరికీ సుసంపన్నమైన కాలాన్ని ఆకాంక్షిస్తూ ఉన్నాను. దయచేసి సురక్షితంగా ఉండండి, బృహత్తరమైన ఈ గొప్ప సేవను కొనసాగించండి!

సాయికి ప్రేమపూర్వక సేవలో

జిత్ కె అగర్వాల్

ప్రశ్న జవాబులు

Q1. వార్తాలేఖ సంపుటి 12 సంచిక 3 లో 6 వ ప్రశ్నలో రోగి సుదీర్ఘకాలం ఒక రెమిడీని తీసుకున్నప్పుడు దానికి నిరోధకతను పెంచుకొనే అవకాశం ఉంటుందని నేను అర్ధం చేసుకున్నాను. మేము IB ని కోవిడ్ ప్రారంభ మైనప్పటినుండి ఒక సంవత్సరం పైగా తీసుకుంటున్నందున అది ఇకపై అంత ప్రభావ వంతంగా ఉండదని అర్ధం చేసుకోవచ్చా? 

A. అవును, మనము అన్ని సమయాలలో ఒకే IB ని తీసుకుంటే ఇది జరిగి ఉండవచ్చు. కానీ కోవిడ్ -19 వైరస్ వేగంగా పరివర్తన చెందుతున్నందున (DNA వైరస్ కాకుండా RNA ఉండటం), మా IB అనేకసార్లు సవరించబడింది, అందువల్ల మునుపటిలాగానే ప్రభావవంతంగా ఉంటుంది.   

_______________________________________________________________________________

Q2. 108 CC బాక్సులో ఒక సాధారణ కోంబోలో బహుళ నివారణలు ఉంటాయి. ఇట్టి మిశ్రమము ప్రతీ రెమిడీ యొక్క వ్యక్తిగత వైబ్రేషన్ ను నిలుపు కుంటుందా? అంతేకాక మేము తరుచుగా ఒక బాటిల్ లో అనేక కోంబోలను కలుపుతాము, రోగ నివారణకు ఇది ఎలా ఉపయోగపడుతుంది? 

A. మీరు అనేక రెమిడీలను కలిపి నప్పుడు ఆ మిశ్రమం దానిలోని అన్ని కాంపోజిట్ వైబ్రేషన్‌లను కలిగి ఉంటుంది. కానీ ఈ మిశ్రమ కంపనం దాని ప్రతి వ్యక్తిగత రెమిడీల చికిత్సా శక్తిని నిలుపుకుంటుంది. ఏమైనప్పటికీ మనము అనేక వైబ్రేషన్‌లతో కూడిన కోంబోలను కలిపినప్పుడు, ఇది ప్రతీ వైబ్రేషన్ చర్యను తగ్గిస్తుంది (పలుచన ప్రభావం వలన). అందువల్ల రోగి యొక్క అనారోగ్యానికి సంబంధించిన కాంబోలను మాత్రమే మనం జాగ్రత్తగా ఎంచుకోవాలని సిఫార్సు చేయబడింది. అంతేకాక ప్రాక్టీషనరు యొక్క విశ్వాసం మరియు ప్రార్థన చాలా ముఖ్యం మరియు రోగికి వైబ్రియోనిక్స్‌పై విశ్వాసం మరియు ప్రాక్టీషనరు పై నమ్మకం ఉంటే అది చాలా బాగా  సహాయపడుతుంది. రెమిడీ తయారు చేసేటప్పుడు ప్రాక్టీషనరు యొక్క సానుకూల భావము అత్యంత ప్రధానమైనది!

_______________________________________________________________________________

Q3. మానసిక రుగ్మతలతో బాధపడుతున్న రోగికి రెండు వారాల పాటు CC15.2 Psychiatric disorders తో చికిత్స చేసిన తర్వాత, రోగికి 15 సంవత్సరాల క్రితం తీవ్రమైన ఆటో ప్రమాదం కారణంగా ఎక్కడైతే ఫ్రాక్చర్స్ ఏర్పడ్డాయో అక్కడ నొప్పి తిరిగి ఏర్పడింది. నేను ఆమెకు ఒక వారం పాటు CC10.1 Emergencies ఇచ్చాను, నొప్పి తగ్గి పోయింది. నిద్రలేమి విషయంలో, CC15.6 Sleep disorders పని చేయలేదు కానీ CC10.1తో కలిసినప్పుడు, అది ఒక మంత్రం లాగా పనిచేసింది. ప్రాక్టీషనర్లు అనేక విభిన్న కాంబోలకు CC10.1 ని జోడించిన అనేక సందర్భాలను నేను వార్తాలేఖలలో చూసాను. దీని అర్థం, వాటి సామర్థ్యాన్ని మెరుగుపరచడానికి మేము దీనిని అన్ని కాంబోలకు జోడించవచ్చా?   

A. మీ మొదటి రోగిలో ఫ్రాక్చర్ నొప్పి మళ్లీ కనిపించడం అనేది 3 వ రకం పుల్ అవుట్ కు సంబంధించింది. అందుకే CC10.1 Emergencies మీ రోగిపై పనిచేసి, సమస్యను తగిన విధంగా పరిష్కరించింది. 2 వ రోగిలో, నిద్రలేమికి అంతర్లీన కారణం ట్రామా కావచ్చు లేదా భావోద్వేగ సమస్య కావచ్చు, దానికి CC10.1 మంచి నివారిణి కనుక ఇది చక్కగా పనిచేసింది. ఏదేమైనా, పైన 2 వ ప్రశ్నలో వివరించిన విధంగా ప్రతి కాంబోకి CC10.1 జోడించడాన్ని మేము సిఫార్సు చేయము. ఎల్లప్పుడూ రోగ లక్షణాలకు సంబంధించిన కాంబోలను మాత్రమే ఇవ్వండి. చికిత్సా సమయంలో, గత రోగ లక్షణములు పునరావృతమైతే దానికి CC10.1 సరియైన ఎంపిక అని భావిస్తే, అప్పుడు దీనిని ఇవ్వండి. 

_______________________________________________________________________________

Q4. రోగి భూమిపై తన ఆఖరు క్షణాలలో మరణాన్ని సులభతరం చేయడానికి ఏదైనా రెమిడీ ఉందా ?

A. అవును, SR272 Arsen Alb CM వ్యక్తి యొక్క ఆఖరి క్షణాలను ప్రశాంతంగా మరియు తేలికగా అయ్యేలా చేస్తుంది.  SRHVP లేని వారికి, 108CC బాక్స్ నుండి CC15.2 Psychiatric disorders (యాదృచ్ఛికంగా, ఇందులో SR272 ఉంది) అంతే ప్రభావవంతంగా ఉంటుంది.

_______________________________________________________________________________

Q5. నా స్వీయ అనారోగ్యం కోసం, నాకు నేను చికిత్స చేసుకోవడం మంచిదా లేక నేను మరొక ప్రాక్టీషనరును అడగాలా?

A. తీవ్రమైన (ఎక్యూట్)అనారోగ్యం కోసం, మీరు వెంటనే చికిత్స తీసుకోవడం ప్రారంభించగలరు కనుక మీరే చికిత్స చేసుకోవడం ఉత్తమం. అయితే, దీర్ఘకాలిక సమస్య కోసం, సంపూర్ణ సమాధానం సంచిక 7 సంపుటి 3 లో అందించబడింది. చికిత్స కోసం మరొక అభ్యాసకుడిని సంప్రదించడం ఎల్లప్పుడూ మంచిదే, ఎందుకంటే ప్రేమ మరియు ప్రార్థన అందించడం మరియు స్వీకరించడం వైద్యప్రక్రియలో ఒక భాగం. అలాగే, మరొక ప్రాక్టీషనరు నుండి రెమిడీలు  తీసుకునేటప్పుడు మనం వారు చెప్పిన షెడ్యూల్‌ను అనుసరించడములో నిబద్ధత ఉంటుంది. ఒక నిర్దిష్ట వ్యవధి తర్వాత పురోగతిని నివేదించమని కూడా మీరు ఆ ప్రాక్టీషనరుచేత అడగబడతారు. అసౌకర్యం ఎక్కువగా ఉంటే మీరు ప్రశాంతంగా ఆలోచించలేరు అందువల్ల మరొక ప్రాక్టీషనరును సంప్రదించడం మరింత ముఖ్యం. గతంలో ఒక నిర్దిష్ట రెమిడీ మీకు బాగా పనిచేసి ఉన్నట్లైతే మీరు మరొక ప్రాక్టీషనరు వద్దకు వెళ్లకుండా దాన్ని ఉపయోగించాలనుకోవాలని భావించిన సందర్భాల్లో, మీ స్వంత రెమిడీ తయారు చేయడం మంచిది.

_______________________________________________________________________________

Q6. వార్తాలేఖలు సంచిక 4 సంపుటి 5, సంచిక 7 సంపుటి 3 మరియు సంచిక 12 సంపుటి 3 లలో స్పష్టం చేసినట్లుగా, మనం ఆరోగ్యకరమైన జీవనశైలికి మారకపోతే దీర్ఘకాలిక అనారోగ్యం తిరిగి వచ్చే అవకాశం ఉందని నేను అర్థం చేసుకున్నాను. నేను నా రోగులతో ఈ విషయం గురించి చెప్పినప్పుడు, వారు దాని గురించి మాట్లాడటానికి ఇష్టపడడంలేదు. అలాంటి పరిస్థితిని నేను ఎలా పరిష్కరించు కోవాలి?   

A. ఒక విధానం ఏమిటంటే, రోగితో జరిపే అనేక సంప్రదింపుల సమయంలో వారి జీవనశైలి సమాచారాన్ని సేకరించడం (ఒకొక్క సమయంలో కొంచెం, కొంచం) మీరు రోగితో ఒక అనుబంధాన్ని ఏర్పరుచుకోవడానికి ప్రయత్నించడం, ఉదాహరణకు, డయాబెటిక్ రోగి నుండి, అతను రోజువారీ వ్యాయామం చేస్తారా అని మీరు అడగవచ్చు, మరియు అలా అయితే, ఎంత సేపు చేస్తారు ? ఒక BP రోగి నుండి, వారు తమ ఆహారంలో ఉప్పును అదనముగా కూరలు వగైరాలలో చల్లుకొంటున్నారా? అని మీరు అడగవచ్చు. మీ రోగిని బాగా అర్ధం చేసుకోవడం, మరియు జీవనశైలిలోని వివిధ అంశాలపై సమాచారాన్ని సేకరించడం ద్వారా, మీరు నెమ్మదిగా (1 లేదా 2 సార్లు) సానుకూల జీవనశైలి సిఫార్సులను ప్రవేశపెట్టవచ్చు. గుర్తుంచుకోండి, ఒక ప్రాక్టీషనరు గా మీకు మీరే ఆరోగ్యకరమైన జీవనశైలిని అనుసరించాలి మరియు మీ రోగులకు రోల్ మోడల్‌గా ఉండాలి, అప్పుడే మీ సలహా పాటించబడుతుంది.

దివ్యవైద్యుని దివ్య వాణి

మీరు శారీరక బలాన్ని పెంపొందించుకోవాలంటే, దానికి సమతుల్య ఆహారం అవసరం. మీరు అన్నం మరియు చపాతీ తినవచ్చు. చెడు ఆలోచనలను పోగొట్టుకొనడానికి మీరు మానసిక బలాన్ని పెంపొందించుకోవాలి. మీకు మానసిక బలం ఉన్నప్పుడు, మీకు కష్టాలు మరియు దుఃఖాలు వచ్చినప్పుడు ఆందోళన చెందకుండా ఉండగలరు ... మీరు శారీరక మరియు మానసిక శక్తిని పెంపొందించుకున్నప్పుడు, మీ ఆధ్యాత్మిక శక్తి కూడా మెరుగుపడుతుంది. మీరు ఆధ్యాత్మికత మార్గాన్ని అనుసరించినప్పుడు, మీరు అన్ని సందేహాలు మరియు భ్రమల నుండి విముక్తి పొందుతారు. చెడు ఆహారము, కోపం, వాంఛ మరియు ఉద్రిక్తత వంటి చెడు ధోరణులకు దారితీస్తుంది మరియు అన్ని సమస్యలను సృస్టిస్తుంది. అందువల్ల, మీరు ఎల్లప్పుడూ స్వచ్ఛమైన (సాత్విక) ఆహారాన్ని మాత్రమే తినడం అవసరం.

... శ్రీ సత్యసాయి బాబా, “సంపూర్ణ జ్ఞానం నుండి పరిపూర్ణ ఆనందం లభిస్తుంది” దివ్య వాణి 1996 సెప్టెంబర్ 1                             http://sssbpt.info/ssspeaks/volume29/d960901.pdf

సేవలను అందించండి, ప్రేమను స్వీకరించండి. ఇదే దైవత్వాన్ని అనుభవించడానికి త్రోవ. కానీ ఈరోజులలో సేవ హృదయపూర్వకంగా అందించబడుటలేదు. కొద్దిమంది మాత్రమే ప్రేమతో సేవ చేస్తారు కనుక అట్టి కొద్దిమంది మాత్రమే దేవుని కృపను పొందుతారు. ఐతే ఇట్టి కొద్దిమంది ప్రేమ కూడా స్వీయ-కేంద్రీకృతమైనది, అందరూ నావాళ్ళు అనే భావం లోపించినది. మన ప్రేమ అనేది మన బంధువులకు మాత్రమే పరిమితం కాకూడదు. అది కుటుంబానికి అతీతంగా మొత్తం సమాజానికి, ఆ తర్వాత దేశమంతా విస్తరించి, చివరకు ప్రపంచం మొత్తాన్ని తనలోనే చూసుకోగలగాలి. 

  …శ్రీ సత్యసాయి బాబా, “పుట్టినది సేవ చేయడానికే” దివ్యవాణి, 1987నవంబర్ 19                               http://www.sssbpt.info/ssspeaks/volume20/sss20-26.pdf 

ప్రకటనలు

భవిష్యత్తులో నిర్వహించబోయే వర్క్ షాపులు*

• USA : విర్చువల్ AVP వర్క్ షాప్** వారానికి-రెండు తరగతులు 2021 సెప్టెంబర్ 15 నుండి నవంబర్ 23 వరకు సంప్రదించ వలసినవారు సూషన్ వెబ్సైట్  [email protected]
• UK లండన్ : UK జాతీయ వార్షిక రిఫ్రెషర్ సెమినార్ 2021 సెప్టెంబర్ 19 సంప్రదించ వలసినవారు జెరమ్ పటేల్, వెబ్సైట్    [email protected]
• ఇండియా పుట్టపర్తి : విర్చువల్ AVP ప్రాక్టికల్ వర్క్ షాప్, 2021 నవంబర్ 1-18** అనంతరం పుట్టపర్తిలో ప్రత్యక్ష వర్క్ షాప్ 2021 నవంబర్ 24-26 సంప్రదించ వలసినవారు లలిత, వెబ్సైట్ [email protected] లేదా టెలిఫోన్ నంబరు 8500-676-092
• ఇండియా పుట్టపర్తి: AP వర్క్ షాప్ 2021 డిసెంబర్ 16-18, సంప్రదించ వలసినవారు పద్మ, వెబ్సైట్ [email protected] లేదా టెలిఫోన్ నంబరు 8329-848 898
• ఇండియా పుట్టపర్తి: విర్చువల్ SVP వర్క్ షాప్ 2022 జనవరి ** తేదీలు తరువాత ప్రకటింప బడతాయి సంప్రదించ వలసినవారు హేమ్ వెబ్సైట్ [email protected]

*AVP మరియు SVP వర్క్ షాప్ లు అన్నీ ప్రవేశ ప్రక్రియ, e కోర్సు పూర్తి చేసుకున్న వారికి మాత్రమే. రిఫ్రెషర్ సెమీనార్లు ప్రస్తుతం ఉన్న ప్రాక్టీషనర్లకు నిర్వహింప బడతాయి.  

**మార్పులు ఉండవచ్చు   

అదనంగా

1. ఆరోగ్య చిట్కాలు   

తృణధాన్యాలతో ఆరోగ్యకరమైన ఆహారం

 మీరు తినే ఆహార రకం మీరు నిలుపుకోగల మీ ఏకాగ్రత స్థాయిని నిర్ణయిస్తుంది; దాని నాణ్యత మరియు పరిమాణం మీ స్వీయ నియంత్రణ ఎంత తగ్గిందో లేదా పెరిగిందో నిర్ణయిస్తుంది... శ్రీ సత్యసాయిబాబా¹

1. ధాన్యాలు - సంపూర్ణ మైనవి మరియు అసంపూర్ణ మైనవి                                                                                           1.1 సంపూర్ణ ధాన్యము : తృణధాన్యాలు లేదా నిజమైన ధాన్యం అని కూడా పిలుస్తారు, ఇది సహజ స్థితిలో గడ్డి లాంటి మొక్క యొక్క పూర్తి విత్తనం లేదా పప్పువంటిది. ఇందులో మూడు భాగాలు ఉన్నాయి - ఊక(బ్రాన్), అంకురము(జెర్మ్) మరియు బీజపోషకము(ఎండో స్పార్మ్) (చిత్రాన్ని చూడండి); దీనిలో పిండి పదార్థాలు, ఫైబర్, ప్రోటీన్లు, విటమిన్లు, ఖనిజాలు మరియు ఫైటోకెమికల్స్‌ వంటి మంచి పోషకాలు కలిగిఉండి, సహజంగా సంతృప్త కొవ్వు మరియు ఉప్పు తక్కువగా పాళ్లలో ఉంటాయి. ఈ ధాన్యాలను సంపూర్ణ ధాన్యాలని ఎప్పుడు పిలుస్తామంటే మొత్తం మూడు భాగాలలో 100% కలిగిఉండి, మొత్తం ధాన్యం విత్తనంలోని సహజ పోషకాలను వాటి అసలు నిష్పత్తిలో కలిగి ఉన్నప్పుడే అలా పిలువబడతాయి.^2-6

తృణధాన్యాలలోని ఆహార ఫైబర్ జీర్ణాశయ మార్గాన్ని శుభ్రపరిచి, జీర్ణ వ్యవస్థ ఆరోగ్యాన్ని మెరుగుపరుస్తుంది, రోగనిరోధక శక్తిని పెంచుతుంది, రక్తంలో చక్కెరను సమతుల్యం చేస్తుంది మరియు బరువు పెరుగుట మరియు ఊబకాయం ప్రమాదాన్ని తగ్గిస్తుంది. తృణధాన్యాలలోని పోషకాలు శరీరముపై వాపులను తగ్గించడానికి, సంపూర్ణ  ఆరోగ్యాన్ని మెరుగు పరచడానికి, క్యాన్సర్‌ను నివారించడానికి, గుండె జబ్బులు మరియు స్ట్రోక్ నుండి రక్షించడానికి సహాయపడతాయి.^2-6 

1.2 : సూడో-ధాన్యాలు : ఇవి గడ్డిగా వర్గీకరించబడని మొక్కల నుండి లభించే ధాన్యం లాంటి విత్తనాలు, కానీ వాటికి సరిపోలే పోషక విలువలు ఉన్నకారణంగా తృణధాన్యాలుగానే పరిగణించబడతాయి. అంతేగాక అవి సహజంగా గ్లూటెన్ రహితంగా ఉండి వాటి పూర్ణ రూపంలో అందుబాటులో ఉంటాయి. వీటిలో ప్రధానమైనవి -మరాంత్, బుక్వీట్, క్వినోవా, కానివా మరియు వైల్డ్ రైస్.^7-9

1.3 శుద్ధి చేసిన ధాన్యాలు : వాస్తవానికి అన్ని తృణధాన్యాలు రవాణా లేదా నిల్వలో క్షీణించకుండా నిరోధించడానికి శుభ్రపరచబడి స్వల్పంగా ప్రాసెస్ చేయబడతాయి, అయినప్పటికీ అవి అన్ని పోషకాలను నిలుపుకుంటాయి. ఊక లేదా పైన ఉండే పొట్టు మరియు నూనెవంటి జిగురుగా ఉండే సూక్ష్మకపొర (వేడి మరియు కాంతికి గురైనప్పుడు దుర్వాసన నిచ్చేవి) తొలగింపబడి మృదువైన మరియు సులభంగా జీర్ణమయ్యే ఎండోస్పెర్మ్‌ని మాత్రమే మిగిల్చినప్పుడు అవి శుద్ధి చేసిన ధాన్యాలుగా మారతాయి. వాటి పోషక విలువలు గణనీయంగా తగ్గిపోతాయి, షెల్ఫ్-లైఫ్ పెరుగుతుంది, ఖర్చు తక్కువ అవుతుంది మరియు అవి ఆకర్షణీయంగా కనిపిస్తాయి. శుద్ధి చేసిన ధాన్యాలు అన్ని ప్రాసెస్ చేసిన తృణధాన్యాలు, పాస్తా మరియు అనేక రకాలైన బేకింగ్ వస్తువులలో ఉపయోగించబడతాయి.^10-13

1.4 సుసంపన్నమైన/బలవర్థకమైన ధాన్యాలు : అనేక శుద్ధి చేసిన ధాన్యాలు ప్రాసెసింగ్ సమయంలో కోల్పోయిన వాటిని లేదా వాటిలో లేని కొన్ని పోషకాలతో సుసంపన్నం చేయబడతాయి లేదా బలపరచబడతాయి. ప్రాసెసింగ్ చేసే సమయంలో వాటిలో సహజంగా ఉండే ప్రోటీన్ అలానే ఉంటుంది, ఐతే తొలగింపబడిన బి విటమిన్లు మరియు ఇనుమును తిరిగి జోడిస్తారు కానీ వాటి సహజత్వానికి భిన్నంగా ఉంటాయి. ఫైబర్ మరియు ఫైటోకెమికల్స్ తిరిగి జోడించబడవు మరియు శాశ్వతంగా తొలగిపోతాయి. కొవ్వు, చక్కెర లేదా లవణం వంటివి కూడా జోడించవచ్చు. బలవర్థకమైన ఆహారాలు కొంతమంది ప్రజలలో ఉండే పోషకాహార లోపాలను మరియు సంబంధిత అనారోగ్య సమస్యలను నిరోధించాయి, ఉదా. ఇనుము మరియు B విటమిన్‌లతో బలవర్థకమైన శిశువుల కిచ్చే తృణధాన్యాలు రక్త హీనతను నిరోధించ డానికి, పుట్టుకతో వచ్చే లోపాలను నివారించడానికి ఫోలిక్ యాసిడ్‌తో బలవర్థకమైన గోధుమ పిండి అందిస్తారు. ^11-14

2. సంపూర్ణ మరియు మిధ్యా ధాన్యాలు – గ్లూటెన్-రహితమైనవి భారతీయ పేర్లు కుండలీకరణంలో ఇవ్వబడినవి   

2.1 అమరాంత్ (చోలై/ రామదాన/ రాజ్ గిరా) : అధిక ప్రోటీన్ కంటెంట్ (13-14%), విటమిన్ E, అధిక నాణ్యత గల B- కాంప్లెక్స్ విటమిన్లు మరియు కాల్షియం, ఇనుము, మాంగనీస్ మరియు జింక్ వంటి ఖనిజలవణములతో కూడిన చక్కని ధాన్యం. జంతువులలో ఉండే ప్రోటీన్‌తో సమానంగా పరిగణించబడే పూర్తి ప్రోటీన్ దీనిలో లభ్యమవుతుంది. క్వినోవా మినహా ధాన్యాలలో కనిపించే అరుదైన మరియు ముఖ్యమైన లైసిన్‌తో సహా మొత్తం తొమ్మిది ముఖ్యమైన అమైనో ఆమ్లాలను దీని పొట్టులో ఉంటాయి. 8 గంటలు లేదా అంతకంటే ఎక్కువసేపు నానబెట్టి ఉడికించినప్పుడు ఇది బాగా గ్రహింపబడి జీర్ణమవుతుంది.^6-11,15-18 (మూలికలపై ఆరోగ్య వ్యాసము కొరకు సంచిక 13 సంపుటి 3 చూడండి).   

2.2 బ్రౌన్/పాలిష్ చేయని బియ్యం (భూర చావల్) : ప్రపంచంలో సగభాగం ఆహారం కొరకు ప్రధానంగా బియ్యం మీదనే ఆధారపడుతుంది. సంపూర్ణ ధాన్యమునకు సంబంధించిన బియ్యం సాధారణంగా గోధుమ రంగులో ఉంటుంది, కానీ నలుపు, ఊదా లేదా ఎరుపు రంగులలోనూ ఉంటుంది. గోధుమరంగు పూత ఈ బియ్యానికి చక్కని పోషకాలు, నమలడంలో ఆహ్లాదకరమైన రుచిని ఇస్తుంది. ఇతర తృణధాన్యాల కంటే ఇందులో ఫైబర్ తక్కువగా ఉన్నప్పటికీ తెల్ల బియ్యం కన్నా దీనిలో మూడు రెట్లు ఫైబర్ అధికంగా ఉంటుంది. ఇందులో విటమిన్లు, సెలీనియం, మెగ్నీషియం వంటి ఖనిజాలు అధికంగా ఉంటాయి, అలాగే ఎక్కువ ప్రస్తావింపబడక పోయినా సరైన ఆరోగ్యానికి అవసరమైన మాంగనీస్ కూడా దీనిలో అధికంగా ఉంటుంది. ఈ బియ్యంలో ఉండే ప్రోటీన్ అందులోని పిండి పదార్థాలతో సమతుల్యంగా ఉంటుంది. అధిక కేలరీలు కలిగిఉండే నల్ల బియ్యం, బ్రౌన్ రైస్ కంటే ఎక్కువ పోషకకర మైనది. భూటాన్ రెడ్ రైస్ కూడా అంతే పోషకకరమైనది.^6,19-21

2.3 బక్ వీట్ (కుట్టు) 33% ఎక్కువ ఫైబర్, తక్కువ కార్బోహైడ్రేట్లను అందిస్తుంది, కానీ అమరాంత్ కంటే చాలా తక్కువ కాల్షియం కలిగి ఉంటుంది. ఆంటీ ఆక్సిడెంట్ రుటిన్ అధిక స్థాయిలో ఉన్న ఏకైక ధాన్యం ఇది.^6,22,23

2.4 మొక్కజొన్న(మక్క) : సాధారణంగా పసుపు రంగులో ఉండే ఇది, అనేక ఇతర రంగులలో కూడా ఉంటుంది. కెరోటినాయిడ్ యాంటీఆక్సిడెంట్స్ సమృద్ధిగా ఉండటం వల్ల ఇది కంటి మరియు చర్మ ఆరోగ్యానికి అద్భుతమైనది. బీన్స్ లేదా కూరగాయలతో మొక్కజొన్న కలిపి తినడం వల్ల ప్రోటీన్ విలువను పెంచే అమైనో ఆమ్లాలను సమృద్ధిగా అందిస్తుంది. వండినప్పుడు దాని పోషకాలు బాగా గ్రహించబడతాయి. స్వీట్ కార్న్ అనేది గింజలు పూర్తిగా పరిపక్వం చెందడానికి ముందు పంటకు వచ్చే ఒకరకమైన మొక్కజొన్న; కాబట్టి, ఇందులో చక్కెర మరియు పిండిపదార్ధాలు  ఎక్కువ మొత్తంలో ఉంటాయి. ^6,16,24,25 (సంచిక 11 సంపుటి 5 లో కూరగాయలపై ఆరోగ్య వ్యాసాన్ని చూడండి)

2.5 చిరు ధాన్యాలు : తక్కువ పరిమాణంతో గట్టివిత్తనాలుగా ఉండే ఈ తృణధాన్యాల పంటలు, తక్కువ సంరక్షణ, తక్కువ వ్యయం, నీటియెద్దడిని తట్టుకునే విధంగానూ మరియు బియ్యం మరియు గోధుమలకు అవసరమైన పంట కాలమునకు సగం సమయంలోనే పంటకు వస్తాయి. ఆహార ఔషధం అని పిలువబడే ఈ చిరుధాన్యాలు తక్కువ గ్లైసెమిక్ ఇండెక్స్ కలిగి పిండి పదార్ధాలు, ప్రోటీన్ అధికంగా ఉండే ధాన్యాలు, యాంటీ ఆక్సిడెంట్స్, మినరల్స్, బి విటమిన్స్, మరియు ఫైబర్, సమృద్ధిగా ఉంటాయి, ఆరోగ్యానికి అద్భుతమైనవి మరియు ఎదుగుతున్న పిల్లలకు అనువైనవి.^26-30

కొన్ని ప్రసిద్ధ చిరుధాన్యాల రకాలు:

2.5.1 బార్న్‌యార్డ్ మిల్లెట్ (సన్వా చావల్) : ఉడికించిన అన్నం రుచిని పోలి ఉంటుంది, ఇందులో కేలరీలు తక్కువగా ఉంటాయి, ఫైబర్ అధికంగా ఉంటుంది, రక్తంలో చక్కెర స్థాయి మరియు బరువును తగ్గిస్తుందనే నానుడి కలిగినది.³¹

2.5.2 ఫింగర్ మిల్లెట్ (రాగి) : అన్ని తృణధాన్యాలలో అత్యంత పోషకమైనదిగా పరిగణించబడుతోంది, దీనిలో కాల్షియం ఇతర తృణధాన్యాల కంటే ఐదు నుండి ముప్పై రెట్లు, మరియు పాలు కంటే మూడు రెట్లు ఉంటుంది. బోలు ఎముకల వ్యాధిని నివారించడానికి ఇచ్చే సప్లిమెంట్‌లకు ఉత్తమ ప్రత్యామ్నాయం. ఆరోగ్యానికి కీలకమైన అమైనో ఆమ్లాలు సమృద్ధిగా కలది, సులభంగా శోషించదగిన ప్రోటీన్, ఫాస్ఫరస్ మరియు ఐరన్, రాగి ధాతువు కలిగిన ఈ పంట దక్షిణ భారతదేశంలోని శిశువులకు మొదటి ఘన ఆహారం. ఇది పోషకాహార లోపం మరియు రక్తహీనతను నివారిస్తుంది, పిల్లలలో మెదడు పెరుగుదలను సులభతరం చేస్తుంది. ఇది రక్త స్థాయిని నియంత్రించగలదు మరియు మధుమేహం ఉన్నవారిలో గాయం నయం చేయడాన్ని కూడా వేగవంతం చేస్తుంది.^29,32,33

2.5.3 పెర్ల్ మిల్లెట్ (బజ్రా), విటమిన్ బి మరియు ఆహార ఖనిజలవణాలు అధికంగా ఉంటాయి, (ముఖ్యంగా ఇనుము) అమైనో ఆమ్లాల సమతుల్యతను కలిగి ఉంటాయి. ఋతు సమయంలో వచ్చే తిమ్మిరి మరియు సంబంధిత మానసిక ఆందోళనకు ఇది ఉత్తమ గృహ నివారణలలో ఒకటి.^29,34

2.5.4 జొన్న/గ్రేట్ మిల్లెట్ (జోవర్/మిలో) : కిరణజన్య సంయోగక్రియ విషయంలో అత్యంత సమర్థవంతమైన ఈ మొక్క, చాలా త్వరగా పరిపక్వం చెందుతుంది కనుక కొంతమంది శాస్త్రవేత్తలు ఆహార సరఫరా తగినంతగా లేనప్పుడు భవిష్యత్తు పంటగా దీనిని భావిస్తారు. సాధారణంగా పిండిరూపంలో లభించే దీనిలో యాంటీఆక్సిడెంట్‌లు పుష్కలంగా ఉంటాయి, అత్యంత పోషకకరమైనది- పిల్లలకు ఉత్తమ మైనది.^{29, 35, 36}

2.5.5 టెఫ్ : ఇది పెంచబడే ప్రతీచోటా నమ్మదగిన ప్రధాన ఆహారంగా భావిస్తారు. బహుళ ప్రయోజనములు కలిగినది మరియు దీనిని సిద్ధం చేయడం చాలా సులభం, ఈ చిన్నగా కనిపించే ఈ చిరుధాన్యం ఎముకల ఆరోగ్యానికి అద్భుతమైనది, రక్తహీనత రాకుండా నివారిస్తుంది, మరియు చికిత్స కూడా చేస్తుంది, హార్మోన్ స్థాయిలను సహజంగా సమతుల్యం చేస్తుంది. కోకో మరియు హాజెల్ నట్ అండర్‌టోన్‌లతో టెఫ్ తియ్యగా ఉంటుంది, ఉడికించినప్పుడు ఈ చిరు ధాన్యాలు దగ్గరకు అతుక్కొని ఉంటాయి కనుక వెచ్చని పోలెంటా మరియు గంజి తయారీకి బాగా సరిపోతుంది.^37,38

2.5.6 ఇతర పోషక కరమైన చిరు ధాన్యాలు : ఫాక్స్‌టైల్ మిల్లెట్³⁹ (కంగ్ని/కొర్రా) ఖనిజలవణాలు అధికంగా కలిగి రక్తంలో చక్కెరను సమతుల్యం చేయడానికి అవసరమైన ఆరోగ్యకరమైన పిండి పదార్థాలు కలిగి ఉంటుంది. కోడో మిల్లెట్³⁶ (కోడ్రావ్) గోధుమ మరియు మొక్కజొన్న కంటే మూడు రెట్లు మరియు బియ్యం కంటే 10 రెట్లు ఆహార సంబంధిత ఫైబర్ కలిగి ఉంటుంది. లిటిల్ మిల్లెట్⁴⁰  (కుట్కి/సమాయ్) ఇతర మిల్లెట్ల కంటే సమృద్ధిగా ఇనుప ధాతువు ఉంటుంది, ఇది అన్ని వయసుల వారికి యోగ్యమైనది. ప్రోసో/రెడ్/వైట్ చిరు ధాన్యాలు పక్షి ఆహారంగా పరిగణించబడే, ఈ ఆహారం మానవ వినియోగం కోసం క్రమంగా అంగీకరించబడుతోంది. అధిక లెసిథిన్ కంటెంట్‌తో కూడిన లిపిడ్‌ల సంక్లిష్ట మిశ్రమం ఉండడంతో నాడీ మరియు మానసిక రుగ్మతలకు చికిత్స చేయడంలో సహాయపడుతుంది .⁴¹  

2.6 ఓట్స్ : తృణధాన్యాలు మరియు బేకింగ్ చేసిన వస్తువులలో విస్తృతంగా ఉపయోగిస్తారు. వోట్ గ్రోట్స్ (వోట్స్ నుండి పొట్టు తొలగించగా ఏర్పడేవి) ను పొడి చేసిగానీ, రవ్వగా గానీ, ఆవిరి ద్వారా లేదా ఉడికించి వాడడం ద్వారా గానీ దానిలోని వనరులను  మెరుగుపరచడానికి మరియు వంట సమయాన్ని తగ్గించడానికి వీలవుతుంది. మరింత గాఢ లేదా సాంద్రీకృత పోషక పదార్ధాల కోసం వాటిని అలాగే తినవచ్చు, కానీ వాటిని మెత్తగా చేయడానికి రాత్రంతా నానబెట్టవలసి ఉంటుంది. మార్కెట్ లో లభించే ఇన్స్టంట్ వోట్స్ కూడా ముందుగా వండినవి, ఎండబెట్టి రోల్ చేసినవి గా ఉంటాయి. అత్యంత పోషకకారకమైన ఈ ఓట్స్ లో బీటా-గ్లూకాన్ కంటెంట్ అధికంగా ఉండటం వల్ల గుండెకుఆరోగ్యకరమైన ఆహారం. అలాగే, LDL కొలెస్ట్రాల్ యొక్క హానికరమైన ప్రభావాల నుండి రక్త నాళాలను రక్షించడంలో సహాయపడే యాంటీఆక్సిడెంట్ల యొక్క గొప్ప మూలంగా ఇది చెప్పదగినది.^6,42-44

హెచ్చరిక : ఓట్స్ సహజంగా గ్లూటెన్ రహితంగా ఉంటాయి, అయితే అనేక రకాల ఓట్స్ గ్లూటెన్-అధికంగా ఉండే పంటలు పండించే ప్రదేశాల దగ్గర పెరుగుతాయి లేదా గోధుమ, బార్లీ మరియు రే వంటివి ప్రాసెస్ చేయబడిన సౌకర్యాలలోనే ప్రాసెస్ చేయబడతాయి; కనుక కలుషితమయ్యే ప్రమాదాన్ని తోసిపుచ్చలేము. కనుక ఓట్ మీల్ ప్యాకేజీలపై గ్లూటెన్ రహిత లేబుల్స్ కోసం చూడండి. ^6,42-44

2.7 క్వినోవా : అమరాంత్ తర్వాత అంత పుష్కలంగా పోషకాలు లభ్యమయ్యే చిరుధాన్యము ఇదే. ఇది కార్బోహైడ్రేట్ మరియు ప్రోటీన్ అధిక నిష్పత్తితో కూడిన 9 అతి ముఖ్యమైన వాటితో సహా మొత్తం 20 అమైనో ఆమ్లాలతో కూడిన సంపూర్ణ ప్రోటీన్ గా పరిగణింప బడుతుంది. క్వినోవా లో అనేక రకాలు ఉన్నాయి, కొన్న్జి ముఖ్యమైనవి ఐవరీ వైట్ (అందరికీ తెలిసినవి మరియు సులభంగా వండబడేవి), ఎరుపువి (చల్లని సలాడ్‌లకు ఉత్తమమైనది), మరియు నలుపువి (తీపి రుచితో కూడినవి, ఉడికించడానికి 15-20 నిమిషాలు అవసరం). కానివా అనేది పోషకాలు, మరియు వినియోగంలో దీనితో పోలి ఉంటుంది కానీ క్వినోవాలో సగం పరిమాణం మాత్రమే ఉంటుంది.⁴⁶

2.8 అడవి బియ్యము : ఇది బియ్యం కాదు, మిధ్యా-ధాన్యమునకు చెందినది ; దీనిని బియ్యంతో సహా ఇతర ధాన్యాలతో కలిపి తీసుకుంటారు. ఇది బ్రౌన్ రైస్ లో ఉన్న ఫైబర్ మరియు ప్రోటీన్ కు రెండింతలు కలిగి ఉంటుంది కానీ తక్కువ ఇనుము మరియు కాల్షియం కలిగి ఉంటుంది.⁴⁷

3. సంపూర్ణ ధాన్యాలు –గ్లూటెన్ కలిగి ఉంటాయి, భారతీయ పేర్లు కుండలీకరణంలో ఇవ్వబడినవి     

ఈ ధాన్యాలలో ఉండే గ్లూటెన్ బేకరీ ఉత్పత్తులు, పాస్తా మొదలైన ఆహారాలను రూపొందించడానికి, మరియు ఆకృతి తీసుకురావడానికి సహాయపడుతుంది కానీ కొంతమందికి గ్లూటెన్ అసహనం ఉంటుంది. వీరికి అలాగే ఉదరకుహర వ్యాధి(సీలియాక్ డీసీజ్) వంటి ఆటో ఇమ్యూన్ డిజార్డర్ ఉన్నవారికి గ్లూటెన్ రహిత ఆహారం మాత్రమే వారికి ఏకైక మార్గం.^48-53

3.1 బార్లీ (జావు) : ప్రాసెస్ చేయబడిన పెర్ల్ బార్లీ (పాలిషింగ్ సమయంలో దాని ఊక పొరను కోల్పోయినట్టిది) కంటే పొట్టుతో ఉన్న బార్లీ ఆరోగ్యకరమైనది, పోషకాలతో కూడినది విటమిన్లు మరియు ఖనిజాలతో సమృద్ధిగా ఉంటుంది, చాలా తృణధాన్యాల కంటే దీనిలో కొవ్వు తక్కువగా ఉంటుంది మరియు ఆహార ఫైబర్ అధికంగా ఉంటుంది. బార్లీ బ్రెడ్, బార్లీ గంజి మరియు బార్లీ సూప్ వంటివి అందరూ బాగా ఇష్టపడతారు. బార్లీ నీటిని నిత్యమూ పరిమితంగా తీసుకోవడం వల్ల మూత్రపిండాల నుండి విష పదార్ధాలను బయటకు పంపడానికి సహాయపడుతుంది మరియు వాటిలో రాళ్లను నివారించడానికి, కరిగించడానికి, మరియు తొలగించడానికి ఉపయోగ పడుతుంది.^54,55

3.2 రై మరింత పోషకకరమైనది మరియు గోధుమ లేదా బార్లీ తక్కువ గ్లూటెన్ కలిగి ఉంటుంది, ముదురు రంగు రై పిండిలో ఊక మరియు బీజదళాలు అధికంగా ఉంటాయి కనుక ఇది ఆరోగ్యకరమైనది.⁵⁶

3.3 సంపూర్ణ గోధుమ (గెహూన్) : ప్రధానంగా పిండి పదార్ధాలతో కూడి ఉండే ఇది శక్తిని ఇచ్చే పోషకకరమైన ఆహారం. ఇది అనేక రకాలుగా ఉంటుంది: బుల్గుర్, ఎండి చీల్చ బడియున్న గోధుమ; ఫార్రో, ఐంకార్న్, ఎమ్మర్, స్పెల్ట్ లేదా డింకెల్ గోధుమ వంటి పేర్లతో వివిధ ప్రదేశాలలో పరస్పరం మార్చుకోబడుతు ఉంటుంది. దురం (అత్యంత సాధారణ మైనది); ఫ్రీకా - గట్టిగా ఉండే దురం గా ఉండే ఇది ఎండబెట్టబడి, చీల్చ బడిన దానిగా విక్రయించబడుతుంది. కముట్/ఖోరాసన్ - పరిమాణంలో పెద్దది, సాధారణ గోధుమ కంటే ఎక్కువ ప్రోటీన్ మరియు విటమిన్ ఇ, ఉంటుంది, గోధుమ అలెర్జీ ఉన్నవారికి ఇది అనువైనది. ట్రిటికెల్ దురం గోధుమ మరియు రై యొక్క హైబ్రిడ్ రకము; హోల్ వైట్ పై రకాలతో పోలిస్తే సమాన పోషకకరమైనది మరియు రుచిలో తేలికగా ఉంటుంది.^2,6,57-60

హెచ్చరిక : గోధుమలో ఉండే ఒకరకమైన ప్రోటీన్ వల్ల అలర్జీ ఏర్పడి, దద్దుర్లు, పొక్కులు, వాపు అలాగే అలర్జీకి గురయ్యే అవకాశం గల పిల్లల్లో సాధాహరణంగా శ్వాసలో ఇబ్బంది వంటివి కనిపిస్తాయి (అవి సాధారణంగా వయసుతో పాటు పెరుగుతాయి) మరియు. ఇది అలర్జీ కానటువంటి గ్లూటెన్ అసహనానికి భిన్నంగా ఉంటుంది.^58,61

4. తృణధాన్యాల ఉత్తమ ఫలితాన్ని పొందడానికి చిట్కాలు

• లేబుల్‌లను తనిఖీ చేసి GMO-యేతర, శుద్ధి చేయని మరియు ధాన్యపు శాతం అధికముగాగల దానిని మాత్రమే ఎంచుకోండి.^{2-6,12,13, 62}
• నాణ్యమైన వాటిని గాలి-చొరబడని చక్కని ప్యాకేజీలో ఉండే పొడి ధాన్యాలను మాత్రమే ఎంచుకొని, గాలి చొరబడని ఫ్రీజర్ బ్యాగ్‌లలో తాజాదనం పోకుండా ఉంచడానికి ఫ్రీజ్ చేయడము గానీ లేదా చల్లని, పొడి ప్రదేశంలో నిల్వ చేయండి. ఎక్కువ కాలం నిల్వ ఉంచడానికి వీలుగా వాటిమధ్య బే ఆకులను ఉంచండి; పురుగుల బెడద లేకుండా ఉండడానికి దాల్చిన చెక్కను మరియు లవంగాలను జోడించండి.^62-65
• రోజుకు 200 గ్రాముల (6-8 ఔన్సుల) ధాన్యాలు మన ఆహారంలో కలిగి ఉండటము ఆదర్శవంతమైనది, వీటిలో ఆరోగ్యాన్ని పెంచడానికి మరియు వ్యాధిని నివారించడానికి కనీసం 50% తృణధాన్యాలు ఉండడం మంచిది. ^4,10,11,66   
• పోషకాల యొక్క ఉత్తమ గుణాలను పొందడానికి వివిధ రకాల తృణధాన్యాల సమ్మేళనాన్ని ఉపయోగించండి. నిజానికి, ఒకే ధాన్యపు ఆహారం మీద ఆధారపడటం అనేది ఆరోగ్య సమస్యలను కలిగిస్తుంది.^2-6,12,15,27
• యాంటిన్యూట్రియెంట్‌లను తొలగించడానికి, గ్లూటెన్ కంటెంట్‌ను తగ్గించడానికి మరియు జీర్ణశక్తిని పెంచడానికి వీటిని రాత్రిపూట నానబెట్టి ఉపయోగించండి.^6,12,15,27  
• కడుపు ఉబ్బరం, గ్యాస్ మరియు మలబద్దకాన్ని నివారించడానికి ఫైబర్ అధికంగా ఉండే తృణధాన్యాలు తీసుకోవడం క్రమంగా పెంచండి; జీర్ణవ్యవస్థ మార్గం ద్వారా కదలికకు సహాయపడటానికి పుష్కలంగా నీరు త్రాగండి.⁴³
• ధాన్యపు ఆహారాలు చక్కగా జీర్ణమై శక్తిని విడుదల చేయడానికి వీలుగా నిద్రవేళకు కనీసం 2-3 గంటల ముందు తీసుకోవడం మంచిది.²⁹

రిఫరెన్సులు మరియు లింకులు 

1. Food and Health, Sathya Sai Speaks : https://www.sssbpt.info/ssspeaks/volume14/sss14-31.pdf
2. Whole grains : https://wholegrainscouncil.org/definition-whole-grain
3. Whole grains & benefits : https://draxe.com/nutrition/whole-grains/
4. https://www.hsph.harvard.edu/nutritionsource/what-should-you-eat/whole-grains/
5. https://www.glnc.org.au/grains/grains-and-nutrition/wholegrains/
6. https://www.masterclass.com/articles/what-are-whole-grains-learn-how-to-cook-with-whole-grains#what-are-whole-grains
7. Pseudograins: https://www.glnc.org.au/when-is-a-grain-not-a-grain-when-its-a-pseudo-grain/
8. https://sharonpalmer.com/what-are-pseudograins/
9. https://paleofoundation.com/complete-list-of-grains-and-pseudograins/
10. Refined grains : https://www.masterclass.com/articles/all-about-grains-21-types-of-grains
11. https://wholegrainscouncil.org/whole-grains-101/whats-whole-grain-refined-grain
12. https://diet.mayoclinic.org/diet/eat/whole-grains-vs-regular-grains?xid=nl_MayoClinicDiet_20160421
13. https://www.betterhealth.vic.gov.au/health/healthyliving/cereals-and-wholegrain-foods#when-wholegrains-are-refined
14. Fortified grains : https://www.hsph.harvard.edu/nutritionsource/processed-foods/
15. Amaranth : https://draxe.com/nurition/amaranth/
16. https://wholegrainscouncil.org/whole-grains-101/whole-grains-z;
17. https://www.glnc.org.au/grains/types-of-grains/amaranth/
18. https://www.nutrition-and-you.com/amaranth-grain.html
19. Brown rice : https://draxe.com/nutrition/brown-rice-nutrition/
20. https://www.hsph.harvard.edu/nutritionsource/food-features/rice/
21. Bhutanese red rice : https://healthyeating.sfgate.com/nutritional-information-cooked-bhutanese-red-rice-1150.html
22. Buckwheat : https://draxe.com/nutrition/buckwheat-nutrition/
23. Amaranth versus Buckwheat : https://calories-info.com/compare/buckwheat-amaranth/
24. Corn : https://draxe.com/nutrition/nutritional-value-of-corn/
25. https://wholegrainscouncil.org/whole-grains-101/grain-month-calendar/corn-%E2%80%93-october-grain-month
26. Millets : https://vikaspedia.in/health/nutrition/nutritive-value-of-foods/nutritive-value-of-cereals-and-millets/milletsthe-nutricereals
27. Benefits of millet : http://www.whfoods.com/genpage.php?tname=foodspice&dbid=53
28. https://www.thehindu.com/news/national/andhra-pradesh/include-millets-in-regular-diet-say-experts/article3248602.ece
29. Importance of millets : Finger/pearl/sorghum : https://fdocuments.in/document/food-body-by-sadhguru.html
30. https://blog.slurrpfarm.com/millets/different-types-of-millet/
31. Barnyard millets : https://www.medindia.net/dietandnutrition/top-5-health-benefits-of-barnyard-millet.htm
32. Finger millet (Ragi): https://isha.sadhguru.org/in/en/blog/article/7-health-benefits-of-ragi-6-great-ragi-recipes
33. https://www.netmeds.com/health-library/post/ragi-nutrition-health-benefits-uses-for-skin-and-hair-side-effects
34. Pearl millet : https://www.medindia.net/dietandnutrition/health-benefits-of-pearl-millet.htm
35. Sorghum : https://draxe.com/nutrition/sorghum/
36. https://foodtank.com/news/2018/04/icrisat-millets-sorghum-forgotten-foods-future/
37. Teff : https://draxe.com/nutrition/teff/
38. https://wholegrainscouncil.org/whole-grains-101/grain-month-calendar/millet-and-teff-%E2%80%93-november-grains-month
39. Foxtail millet : https://www.netmeds.com/health-library/post/foxtail-millet-nutrition-health-benefits-ayurvedic-uses-and-recipes
40. Little millet : https://www.medindia.net/dietandnutrition/little-millet-the-immune-boosting-indigenous-grain.htm
41. Proso millet : https://www.mdpi.com/2077-0472/9/3/64/htm
42. Oats : https://wholegrainscouncil.org/whole-grains-101/grain-month-calendar/oats-%E2%80%93-january-grain-month#
43. https://draxe.com/nutrition/oatmeal-nutrition/
44. https://www.bobsredmill.com/blog/healthy-living/is-oatmeal-gluten-free/
45. Quinoa : https://draxe.com/nutrition/10-quinoa-nutrition-facts-benefits/
46. Kaniwa versus quinoa : https://nuts.com/healthy-eating/kaniwa-vs-quinoa#
47. Wild rice : https://wholegrainscouncil.org/whole-grains-101/whole-grains-z#wildrice
48. What is gluten : https://wholegrainscouncil.org/whole-grains-101/whats-whole-grain-refined-grain/gluten-free-whole-grains
49. What is Gluten intolerance : https://www.medicalnewstoday.com/articles/312898#symptoms
50. Are gluten-free grains healthy : https://www.mayoclinic.org/healthy-lifestyle/nutrition-and-healthy-eating/expert-answers/is-gluten-free-healthy/faq-20348653
51. https://www.mayoclinic.org/healthy-lifestyle/nutrition-and-healthy-eating/in-depth/gluten-free-diet/art-20048530
52. https://draxe.com/nutrition/gluten-free-grains
53. Is gluten-free diet always good ? : https://www.medicalnewstoday.com/articles/288406#benefits
54. Barley: https://draxe.com/nutrition/barley-nutrition/
55. Barley water : https://www.1mg.com/articles/did-you-know-barley-water-aids-dissolution-of-renal-stones/
56. Rye : https://draxe.com/nutrition/rye-flour/
57. Wheat berries/whole wheat : https://draxe.com/nutrition/wheat-berries/
58. Wheat : https://www.healthline.com/nutrition/foods/wheat#nutrition
59. Wheat Bulgur : https://www.healthline.com/nutrition/bulgur-wheat#nutrition
60. Wheat family : Farro : https://www.healthline.com/nutrition/farro-benefits#TOC_TITLE_HDR_2
61. Wheat allergy different from gluten intolerance : https://acaai.org/allergies/types/food-allergies/types-food-allergy/wheat-gluten-allergy
62. Storage of whole grains : https://wholegrainscouncil.org/recipes/cooking-whole-grains/storing-whole-grains
63. https://www.indiatoday.in/lifestyle/what-s-hot/story/tips-ways-get-rid-of-weevils-grain-beetles-bugs-ghuns-entering-spices-grains-monsoon-lifest-331259-2016-07-25
64. https://www.thekitchn.com/tips-bay-leaves-in-the-pantry-69557
65. https://kitchenhandsdown.com/kitchen-extras/how-to-store-grains-in-your-kitchen/
66. Intake of whole grains : https://wholegrainscouncil.org/sites/default/files/atoms/files/WG_HowMuch.pdf

___________________________________________________________________________

2. ప్రేరణాత్మకమైన కధానికలు

2.1. క్లెన్సింగ్ కొంబో రక్తంలో చెక్కరను సాధారణ స్థితికి తీసుకురావడం! 01001…ఉరుగ్వే   

2018 మే 23న, 73 సంవత్సరాల వయస్సు గల ఈ వృద్ధురాలు ఈ ప్రాక్టీషనరును చూడటానికి వచ్చినప్పుడు, ఆమె నాలుగు సంవత్సరాలుగా మెట్‌ఫార్మిన్ తీసుకుంటుంది, కానీ ఇది ఆమె రక్తంలో చక్కెర స్థాయిని తగ్గించడంలో పూర్తిగా విఫలమైంది. ఆమెకు CC6.3 Diabetes + CC10.1 Emergencies + CC12.1 Adult tonic + CC12.4 Autoimmune diseases + CC15.1 Mental & Emotional tonic ఇవ్వగా నాలుగు నెలలు మెట్‌ఫార్మిన్‌తో పాటు TDS గా తీసుకున్నారు. అయినప్పటికి ఎటువంటి మెరుగుదల లేక ఆమె చక్కెర స్థాయిలో, ఎల్లప్పుడూ 150 mg/dl వద్ద ఉంటోంది. కొన్నిసార్లు 200 mg/dl కి పెరుగుతోంది. సెప్టెంబరులో ఎంతో ఆందోళనతో, ఆమె తన సమస్యకు మూల కారణం భయం మరియు ఫలితంగా ఏర్పడిన ఒత్తిడి, ప్రధార కారణంగా విశ్వసిస్తున్నట్లు తన మనసు విప్పి తెలిపారు. చనిపోయిన తన మాజీ భర్తను తన ఇంటిలో చూస్తున్నట్లు అనిపిస్తూ వారి సంతోషరాహిత్యమైన బంధాన్ని గుర్తుచేస్తూ వేదనకు గురిచేస్తోంది. ప్రాక్టీషనరు ఎంతో నమ్మకంతో  CC17.2 Cleansing ఆమె ఇంటి చుట్టూ పది రోజులు పిచికారీ చేయడానికి సిద్ధం చేశారు. ఒక వారంలోనే ఆమె షుగర్ లెవల్ 125 mg/dl స్థిరంగా నెలపాటు నిలిచిపోగా అక్టోబర్‌లో 110 mg/dl మరియు చివరకు నవంబర్ 9 న 98 mg/dl వద్ద సాధారణమైంది. ఆమె చివరికి తన ఇంట్లో మాజీ భర్త ఉనికినే కోల్పోయారు!

2.2. స్వప్నంలో చెవినొప్పి తగ్గిపోవడం ^03566…USA

ప్రాక్టీషనరుకు బ్యాంకులో పనిచేసే మహిళా స్నేహితురాలు ఉంది. 2018 జులై లో ఆమె తన హెడ్‌ఫోన్‌లను ఉపయోగించి సంగీతం వినడం ప్రారంభించి పని చేస్తున్నకాలమంతా వింటూ ఉండేది. అక్టోబర్ నాటికి ఆమె రెండు చెవులలో చెవినొప్పి పెరగడం తో ఆమె హెడ్‌ఫోన్‌లను ఉపయోగించడం మానేసింది, కానీ చెవులలో బాధ కొనసాగింది. నొప్పి చాలా ఎక్కువగా ఉండడంతో ఆమె రోజూ ఇబుప్రోఫెన్ తీసుకోవలసి వచ్చేది. 2019 నూతన సంవత్సర భజన సందర్భంగా, ప్రాక్టీషనరు ఆమెకు వైబ్రియోనిక్స్ చికిత్సను అందించారు. ఐతే ఆమెకు జనవరి 7న, డాక్టర్ అపాయింట్‌మెంట్ ఉండడంతో రెమిడీ నిరాకరించారు. జనవరి 5 న, స్నేహితురాలికి ఒక కల వచ్చింది, దీనిలో ఆమె డోర్‌బెల్ రింగ్ వినిపించింది. తలుపు వద్ద, ప్రాక్టీషనరు నిలబడి ఆమె సమస్యకు తనవద్ద ఔషధం ఉందని పేర్కొన్నారు. ఇద్దరూ నేలమీద ఎదురెదురుగా కూర్చున్నారు. ప్రాక్టీషనరు ద్రవంతో నిండిన ఆకుపచ్చ గిన్నెను ఇచ్చి రోగిని తాగమని అడిగారు. అది తాగగానే, చెవి నొప్పితో పాటు ప్రాక్టీషనర్‌ కూడా అదృశ్యమైనారు! కల కరిగిపోయి మెలకువ వచ్చింది. ఆమె ఎన్నడూ ENT స్పెషలిస్ట్‌ని చూడలేదని చెప్పడానికి వేరే చెప్పనక్కరలేదు. ఈ రోజు వరకు, ఆమె అప్పుడప్పుడు హెడ్‌ఫోన్‌లను ఉపయోగిస్తున్నప్పటికీ ఆమెకు చెవి నొప్పి కలగలేదు.  

2.3 పశువైద్య నిపుణులు ఆశలు వదులుకున్న పెంపుడు జంతువులను వైబ్రియానిక్స్ రక్షించింది ! ^{00512…స్లొవేనియా}    

లూనా, అనే 10 సంవత్సరాల పూడ్లే జాతికి చెందిన కుక్క, క్యాన్సర్‌తో బాధపడుతున్నందున, 2021 ఫిబ్రవరి 6 న గర్భాశయం తొలగించబడింది. శస్త్రచికిత్స సమయంలో, క్యాన్సర్ చాలా విస్తృతంగా వ్యాప్తి చెందినట్లు పశువైద్య నిపుణుడు కనుగొని, దాని జీవితకాలము ఇక రోజులలోనే ఉందని తెలిపారు. ఈ కుక్క శస్త్రచికిత్స అనంతర జ్వరంతో బాధపడుతూ నాలుగు రోజుల వరకూ ఏమీ తినలేదు; పశువైద్యుడు అనాయాస మరణాన్ని సిఫార్సు చేశారు. శస్త్రచికిత్సకు ముందు రోజు, నుండి ప్రాక్టీషనరు CC9.2 Infections acute రోజుకు రెండుసార్లు ప్రసారం చేయడం ప్రారంభించారు. లూనా ఫిబ్రవరి 11 నుండి తినడం మొదలుపెట్టి, రోజురోజుకు ఆరోగ్యంగా మారడంతో, ఫిబ్రవరి 16 న చికిత్స నిలిపివేయబడింది, ఆ సమయానికి ఆమె సంతోషకరమైన జీవితంతో నిండి ఉంది! పశువైద్యుడు చాలా ఆశ్చర్యపోయాడు. లూనా యజమాని మాటల్లో చెప్పాలంటే, “2015 నుండి నేను ఏదైనా అనారోగ్యం వచ్చినప్పుడల్లా వైబ్రియోనిక్స్ చికిత్స తీసుకుంటున్నాను, నేను ఎంతో కృతజ్ఞతా భావంతో దానిపై ఆధారపడి ఉంటాను. నా కుక్కపిల్లకి చికిత్స చేస్తున్నప్పుడు నేను వైబ్రియోనిక్స్ యొక్క అద్భుత శక్తిని తెలుసుకో గలిగాను. లునాకు కొత్త జీవితానికి అవకాశం లభించినందుకు నేను ఎంతో కృతజ్ఞుడను. ఇప్పుడు ఈ కుక్కపిల్ల కొత్త శక్తితో మైదానం చుట్టూ ఆనందంగా పరుగెత్తుతోంది. పశువైద్యుడు తాను ఇటువంటి అద్భుతాన్ని ఎప్పుడూ చూడలేదని, వినలేదని ఒప్పుకున్నారు.”

13 ఏళ్ల డాల్మేషియన్ కుక్క ‘ఫ్లోకి’ 2014 లో గుండెపోటుకు గురైంది, ఇది అతని మోటార్ వ్యవస్థను దెబ్బతీసి దాని  సమతుల్యతను దెబ్బతీసింది. దీనికి మూత్రంలో చర్మ సమస్యలు, వివిధ అలర్జీలు మరియు మూత్రంలో ఇసుక వంటిది రావడం, కానీ అన్నింటికంటే ముఖ్యంగా, దాని తోక కింద ఏర్పడిన కణితి శస్త్రచికిత్సను అత్యంత ప్రమాదకరంగా చేసింది, కనుక పశువైద్యుడు ఎట్టి సహాయమూ చేయలేకపోయారు. ప్రాక్టీషనరు 13 నెలలకు పైగా CC1.1 Animal tonic + CC2.1 Cancers - all + CC2.2 Cancer pain + CC2.3 Tumours & Growths నీటితో వినియోగించడమే కాక ప్రసారం కూడా చేయసాగారు. తత్ఫలితంగా, చికిత్స నిలిపివేసిన ఆరు నెలల తర్వాత, సెప్టెంబర్ 2016 లో అది ప్రశాంతంగా కన్నుమూసే సమయానికి, ఎలాంటి పరిమితులు లేకుండా సంతోషంగా, పూర్తి జీవితాన్ని గడిపిందని ఫ్లోకి యొక్క శ్రేయోభిలాషి నివేదించారు.   

టిమ్, అనే 4 ఏళ్ల జాక్ రస్సెల్ టెర్రియర్, జుట్టు పాక్షికంగా కోల్పోవడం చర్మం ఎర్రబడడం(పౌల్ట్రీ & సౌందర్య సాధనాలకు అలెర్జీ) మరియు రక్తస్రావం అయ్యే వరకు గోకడం అనే నాడీ సంబంధిత అలవాటు వంటి లక్షణాలకు అల్లోపతి నుండి ఉపశమనం లభించక పోవడంతో అనేక నెలలుగా బాధపడుతూ ఉండేది. 2018 జులై లో దానికి CC1.1 Animal tonic + CC4.2 Liver & Gallbladder tonic + CC21.1 Skin tonic + CC21.3 Skin allergies, నీటిలో ఇవ్వడం జరిగింది. రెండు నెలల్లో గోకడం పూర్తిగా ఆగిపోయింది మరియు ఇతర లక్షణాలు కూడా తగ్గిపోయాయి. అయితే, తరువాత సంవత్సరం 2019 లో, దానికి దుమ్ము మరియు పొద్దుతిరుగుడు పుప్పొడికి అలెర్జీ ఏర్పడింది. పై కాంబో ప్రారంభమైన వెంటనే అలర్జీ మాయమైపోయినప్పటికీ రెమెడీని రెండు నెలలు కొనసాగించబడింది. అది పూర్తిగా కోలుకోవడం జరిగింది.

___________________________________________________________________________

3. వర్క్ షాప్ లు మరియు సెమినార్లు

వర్చువల్ AVP వర్క్ షాప్, 2021 జూన్ 2 నుండి జులై 16 వరకు; ప్రాక్టికల్ వర్క్ షాప్ పుట్టపర్తి 2021జులై 26-27   

భారతదేశంలో ఇటీవల ప్రారంభించిన వర్చువల్ AVP వర్క్‌షాప్‌ల శ్రేణిలో 2 వది ఐన ఈ అత్యంత ఇంటరాక్టివ్ మరియు ప్రాక్టికల్ ఓరియెంటెడ్ వర్క్‌షాప్‌ను ఇద్దరు సీనియర్ టీచర్లు చక్కటి ప్రణాళికతో నిర్వహిస్తున్నారు, ఇందులో 28 సెషన్‌లు ఉన్నాయి. వర్చువల్ ప్లాట్‌ఫాం ప్రాక్టీషనర్లు తమ ఇళ్ల నుండే సౌకర్యవంతంగా హాజరు కావడం సులభతరం చేసింది. అదే సమయంలో అనేక మంది కొత్త ఉపాధ్యాయులు ^{11568,11583,12051}  ఇప్పుడు సుదూర ప్రయాణం చేయకుండానే బోధనలో పాల్గొనడం ద్వారా అవసరమైన అధ్యాపకుల విస్తరణకు తోడ్పడింది. వైబ్రియోనిక్స్ మిషన్ యొక్క అనేకమంది అనుభవజ్ఞులు హాజరైన వారితో తమ జ్ఞానాన్ని మరియు అనుభవాలను పంచుకున్నారు. ఈ కనెక్టివిటీ అనేది పుట్టపర్తి నుండి పాల్గొన్న మన కొత్త శిక్షణ సమన్వయకర్త ⁰³⁵¹⁸ ద్వారా సులభతరం చేయబడింది, ఆమె పాల్గొన్న వారితో సత్సంబంధాలు ఏర్పరచుకొనడం ద్వారా మరియు వారికి ఇంట్లో ఉన్న అనుభూతిని కలిగించారు!

 వర్క్‌షాప్ కు సంబంధించి కొన్ని ముఖ్య అంశాలు:                                                        

• వర్చువల్ వర్క్‌షాప్ లలో మొట్టమొదటి సారి కనిపించిన వైబ్రియోనిక్స్ కుటుంబంలోని అత్యంత సీనియర్ సభ్యురాలు మరియు రీసెర్చ్ విభాగపు అధికారి పాట్ హంట్‌, వ్యాధికి సంబంధించి అవసరమైన కాంబోలకు మాత్రమే రెమిడీ లను పరిమితం చేయడం యొక్క ప్రాముఖ్యతను వివరిస్తూ ఎక్కువ రెమిడీలు ఉపయోగించడం ద్వారా దాని ప్రభావం డైల్యూట్ లేదా పలుచన అయ్యే ప్రమాదం ఉంటుందని తెలిపారు. ఆమె హోమియోపతిపై తన అవగాహనను లోతుగా పరిశీలిస్తూ ప్రతీ కాంబోని నిర్ధారించుకొనే ముందు తనలో ఉన్న అంతర్గత స్వామికి కనెక్ట్ అవుతారు. IB కూడా ఈ విధంగా ఉద్భవించినదే. 
• డాక్టర్ అగర్వాల్ గారి నుండి 108CC భావన అనేది ఎలా ఉద్భవించిందో తెలుసుకోవడం కొత్త ప్రాక్టీషనర్లకు ఆసక్తికరంగా ఉంది. రోగికి ప్రేమతో వ్యవహరించేటప్పుడు, మనం తగు జాగ్రత్త తీసుకోవాలని, ఆందోళన మరియు అహం వంటి భావాలను మన హృదయంలోనికి రాకుండా చూసుకోవాలని, అవి వైద్య ప్రక్రియను మందగించగలవని కూడా డాక్టర్ అగర్వాల్ ముఖ్యమైన చిట్కా తెలియ జేసారు. హేమ్ అగర్వాల్ మాట్లాడుతూ పిల్లల విషయంలో మనం వారి స్థాయికి వెళ్ళి ఎలా ప్రవర్తిస్తామో, అలాగే ప్రాక్టీషనర్లు కూడా రోగి స్థాయికి వెళ్ళి, వారి బాధను మనసులో భావన చేస్తూ, రోగి గురించి ఎట్టి తీర్పు బయటకు ప్రకటించకుండా జాగ్రత్త పడుతూ, స్వామిపై పూర్తి దృష్టి కేంద్రీకరించి ప్రార్థనతో, ప్రశాంత చిత్తంతో రెమిడీ తయారుచేసి అందించాలి అని చెప్పారు.    
• మన ఉత్తర అమెరికా సమన్వయకర్త ⁰¹³³⁹ 108CC బాక్స్‌ని ఎలా జాగ్రత్తగా సంరక్షించాలి, మరియు ఎలా ఉపయోగించాలి అనే చక్కని చిట్కాలు అందించడమే కాక పాల్గొన్నవారి ప్రశ్నలకు సమాధానములు కూడా ఇచ్చారు.   
• డాక్టర్లు గా ఉన్న ఇద్దరు ప్రాక్టీషనర్లు ^{11567 & 11610} పాల్గొన్నవారికి కొన్ని సాధారణ మరియు కొన్ని జీవనశైలి వ్యాధులను ఎలా నిర్ధారణ చేయాలి అనే విషయాలు, కొన్ని ఆరోగ్య చిట్కాలు, వ్యాధి రహిత జీవితానికి పోషకాహార ప్రాముఖ్యత వంటివి వారికి అవగాహన కల్పించారు, మరియు ప్రాక్టీషనర్లు అందరూ రోల్ మోడల్‌గా ఉండాలని మరియు రోగులకు మార్గనిర్దేశం చేయాలని సూచించారు.    
• IASVP వింగ్ డైరెక్టర్ ద్వారా వైబ్రియోనిక్స్ సంస్థ నిర్మాణంపై ఒక చిన్న ప్రదర్శన ఇవ్వబడింది.

చివరి రోజున, ఉత్తీర్ణత పొందిన AVP లు తమ 108CC బాక్సులను ఎంతో భక్తి మరియు ఆరాధనా భావంతో సాయి వైబ్రియోనిక్స్‌తో సేవ చేయడంలో వినయపూర్వకమైన సాధనంగా ఉండాలనే సంకల్పంతో స్వీకరించారు.