Sai Vibrionics Newsletter

తెల్లబట్ట అగుట (లూకొరియ) ^{10596...भारत}

38 ఏళ్ల మహిళ గత ఆరు సంవత్సరాలుగా బాగా వాసనతో కూడిన తెల్లబట్ట అవ్వడంతో బాధపడుతోంది. ఇది ఆమె రోజువారీ పనులను కొనసాగించడానికి చాలా ఇబ్బందిగా మారింది. దాంతో ఆమె చాలా నిరాశకు గురైంది. ఇతర చికిత్సల ఖర్చు భరించలేని ఆమె వాటి కొరకు ప్రయత్నించలేదు. 17 నవంబర్ 2017 న, ఆమెకు ఈ క్రింద చూపిన మందు ఇవ్వబడింది:

CC3.7 Circulation + CC8.1 Female tonic + CC8.5 Vagina & Cervix + CC12.1 Adult tonic + CC15.1 Mental & Emotional tonic + CC21.3 Skin allergies…TDS

5 రోజుల్లో, తెల్లబట్ట మరియు బలహీనత 25% తగ్గింది మరియు ఒక నెలలోనే, తెల్లబట్ట మరియు వాసన పూర్తిగా ఆగిపోయింది. ఆమెకు ఎటువంటి బలహీనత, నిరాశ తిరిగి రాలేదు. 17 డిసెంబర్ 2017 న, మోతాదు BD కి మరియు 2 నెలల తరువాత OD కి తగ్గించబడింది. రోగి మోతాదును మరింత తగ్గించడానికి ఇష్టపడనందున OD పైనే కొనసాగిస్తున్నారు. ఏప్రిల్ 2019 నాటికి లక్షణాలు పునరావృతం కాలేదు.

అరచేతులలో మచ్చలు ^{10596...भारत}

51 ఏళ్ల మహిళ గత ఏడాది కాలంగా తన అరచేతులపై నిరంతరం దురదతో వుండే మందపాటి మరియు నల్లటి మచ్చలు కలిగి ఉంది, రోగి అల్లోపతి చికిత్స కోసం పెద్ద మొత్తంలో ఖర్చు చేసినా ఎటువంటి ఉపశమనం కలుగలేదు. ఆమె పరిస్థితి ఆమెను చాలా నిరాశకు గురిచేసింది. బట్టల సబ్బు వల్ల ఆమెకు అలెర్జీ వచ్చి ఉండవచ్చని భావించింది. 9 సెప్టెంబర్ 2016 న, ఆమెకు ఈ క్రింది మందు నోటిద్వారా మరియు నూనెలో కలిపి అరచేతులపై రాయడానికి ఇవ్వబడింది:

CC3.7 Circulation + CC10.1 Emergencies + CC21.2 Skin infections + CC21.3 Skin allergies…TDS 

2 వారాలలో, దురద తగ్గి పోయింది , రెండు అరచేతులపై మచ్చలు 25% తగ్గాయి. తరువాతి 2 వారాల్లో, మచ్చలు ఇంకా తగ్గాయి. 14 వారాల చికిత్స తర్వాత, 21 డిసెంబర్ 2016 న, మచ్చలు పూర్తిగా కనుమరుగైంది. ఎటువంటి ఖర్చులు లేకుండా అటువంటి సమర్థవంతమైన మరియు అంకితమైన చికిత్స సాధ్యమని ఆమె నమ్మలేకపోయింది. అంధువల్ల ఆమె కృతజ్ఞతతో నిండిపోయింది. ఇక ఆమెకు ఎటువంటి నిరాశ కూడా లేదు. మోతాదును 2 నెలలు OD కి తగ్గించి, ఆపై ఆపివేశారు. రెమెడీని ఆపివేసిన రెండు నెలల తర్వాత కూడా ఆమె వాషింగ్ సబ్బును ఉపయోగించినప్పుడు ఎటువంటి సమస్య లేదని ఆమె తెలియజేసింది.

దీర్గకాలిక ముక్కు దిబ్బడ (క్రోనిక్ బ్లాక్డ్ సైనెస్స్) ^{10596...भारत}

ముంబైలోని ఒక వృద్ధాశ్రమంలో 82 ఏళ్ల చూపులేని ఒక పెద్దాయన గత 8 సంవత్సరాలుగా ముక్కు దిబ్బడ మరియు సైనస్‌లతో బాధపడుతున్నారు; దీనివల్ల సరైన నిద్రకూడా పోలేకపోతున్నారు. అతను అల్లోపతి వైద్యం తీసుకున్నాఎటువంటి  ఫలితం పొందలేదు. అతను జనవరి 2019 నుండి వృద్ధాప్య ఇంటిలో నివసించడం ప్రారంభించిన తరువాత అతను అల్లోపతి మందులు తీసుకోవడం మానేశారు. రోగి తన పరిస్థితికి చాలా బాధపడుతూ సహాయం కోసం తీవ్రంగా ఎదురు చూస్తున్నారు.

19 జనవరి 2019 న, అతనికి ఈ క్రింది కాంబో ఇవ్వబడింది:

CC15.1 Mental & Emotional tonic + CC19.2 Respiratory allergies + CC19.5 Sinusitis…TDS

ప్రాక్టీషనర్ ఒక నెల తరువాత వృద్ధాశ్రమాన్ని సందర్శించినప్పుడు, రోగి అతను మందు మొదలుపెట్టిన 3 రోజుల తర్వాత మంచి నిద్ర పొగల్గుతున్నారని తెలిపారు. అతని ముక్కు దిబ్బడ మరియు సైనస్‌ కూడా నెమ్మదిగా తగ్గడం ప్రారంభమైంది మరియు ఇప్పటికి, అది కనుమరుగైంది మరియు నొప్పి కూడా పోయింది. ఫిబ్రవరి 19 న, మోతాదు OD కి తగ్గించబడింది. మందు అతనికి బాగా నిద్రపోయేలా చేయడంతో, మోతాదును తగ్గించడానికి అతను ఇష్టపడలేదు. ఏప్రిల్ 2019 నాటికి, పునరావృతం కాలేదు; రోగి సంతోషంగా ఉన్నాడు మరియు OD నివారణను కొనసాగిస్తున్నాడు.

మాట పోవడం ^{02836...भारत}

32 ఏళ్ల వయసున్న వ్యక్తి 2010 మార్చి 30 తెల్లవారుజామున మాట పోయినట్లు గ్రహించి వెంటనే మూర్ఛపోయాడు. అల్లోపతి చికిత్స వెంటనే ఇవ్వబడింది కాని అతని పరిస్థితి మెరుగుపడలేదు. దాదాపు మూడు నెలల తరువాత, అతను పని చేసే కార్యలయంలోని అతని నియంత్రణ అధికారి వైబ్రియోనిక్స్ గురించి తెలుసుకొని, రోగికి చికిత్స చేయమని ప్రాక్టీషనర్ ని అభ్యర్థించారు.

20 జూన్ 2010 న, ఈ క్రింది మందులు ఇవ్వబడ్డాయి:

#1. CC15.1 Mental & Emotional tonic + CC18.1 Brain disabilities…TDS
#2. CC19.7 Throat chronic…TDS

రోగి తన మాటని 8 రోజుల్లో తిరిగి పొందాడు. ఈ సంతోషకరమైన వార్తను తెలియజేయడానికి అతను స్వయంగా ప్రాక్టీషనర్ కి ఫోన్ చేసి తెలియచేశాడు. పైన పేర్కొన్న నివారణలను TDS లో కొనసాగించాలని ఆయనకు సూచించారు. రెండు నెలల తరువాత, అతను పూర్తిగా నయమయ్యాడని భావించి తనంత తానుగా వాటిని ఆపివేశాడు. అతను 4 సంవత్సరాల తరువాత ప్రాక్టీషనర్ ని కలుసుకుని అతను పూర్తిగా బాగానే ఉన్నాడని మరియు సమస్య పునరావృతం కాలేదని చెప్పాడు.

మానసిక దాడులు (సైకిక్ అట్టాక్స్) ^{02836...भारत}

35 ఏళ్ల వయసున్న, శారీరకంగా చాలా బలంగా ఉన్న యువతిని, ఆమె భర్త 15 సెప్టెంబర్ 2010 న ప్రాక్టీషనర్ వద్దకు తీసుకువచ్చాడు. గత 10 సంవత్సరాలుగా, ఆమె మానసిక దాడులకు గురైంది. అరవడం, అసభ్యకరమైన భాష వాడటం మరియు ఆమె యవ్వనంలో వున్న కొడుకు, కుమార్తె మరియు ఆమె భర్తను కూడా దాదాపు ప్రతిరోజూ కొట్టడం ఆమెకు అలవాటుగా మారింది. ఆమె గత 3 సంవత్సరాలుగా అల్లోపతి చికిత్స తీసుకుంటున్నా ఎటువంటి మార్పు లేకుండా ఉంది.

ప్రాక్టీషనర్ ఈ క్రింది మందు తయారుచేసి ఇచ్చాడు.

#1. CC15.2 Psychiatric disorders…TDS

అతను రోగిని కొంతసేపు నిశ్శబ్దంగా కూర్చోమని కోరి, తరువాత ఆమె నోటిలో మొదటి మోతాదును ఇచ్చాడు. ఆమెను కళ్ళు మూసుకుని దీర్గ శ్వాసలు తీసుకొంటూ, 5 నిమిషాలు క్రమబద్దమైన శ్వాసపై దృష్టి పెట్టమని కోరి, ప్రాక్టీషనర్ ఆమె కోసం ప్రార్థించాడు. అదే సమయంలో అతను 4 అంగుళాల పొడవున్న ఒక ఆమె ముఖం యొక్క కుడి వైపు నుండి ఉద్భవించి ఆమె ఎడమ వైపు కదులుతున్న నల్ల నీడను చూశాడు, ఆమె పెద్దగా ఏడుపు ప్రారంభించి, కొన్ని నిమిషాల తర్వాత శాంతించింది.

3 రోజుల తరువాత, ఆమె దుర్భాషలాడుతున్నపటికి, ఆమె చాలా ప్రశాంతంగా ఉందని తెలిసింది. ఆమె బాగా నిద్రపోకపోవడంతో, # 1 తోపాటు ఈ క్రిందదానిని కూడా ఇచ్చారు:

#2. CC15.6 Sleep disorders + #1…TDS

ఒక వారం తరువాత, ఆమె, తన భర్తతో కలిసి, ప్రాక్టీషనర్ ని కలసినప్పుడు ఈ దాడులు ఎలా ప్రారంభమయ్యాయో పంచుకున్నారు. యుక్తవయసులో, ఒక నదిలో ఈత కొడుతున్నప్పుడు, ఆమె తన పాదాల అరికాళ్ళను ఏదో తాకుతున్నట్లు అనిపిచింది. ఆమె దాన్ని తీసి చూస్తే అది ఒక అందమైన విగ్రహం. ఆమె దానిని తన ఇంటికి తీసుకువచ్చింది. సుమారు 10 సంవత్సరాల తరువాత, ఆమెలో మానసిక దాడులు మొదలైయాయి. క్షుద్ర శాస్త్రంలో ప్రావీణ్యం ఉన్న ఒక విద్వాంసుడు ఆ విగ్రహాన్నినదిలో విసిరేయమని చెప్పగా, ఆమె ఆ నదిలో పారవేసింది. కానీ ఇది ఆమె మానసిక దాడులను ఆపలేదు. అయితే వైబ్రియోనిక్స్ తీసుకున్న ఒక నెలలోనే, ఆమె ప్రశాంతంగా మారింది మరియు ఆమె కోప తీవ్రత తగ్గింది. అందువల్ల, ఆమె స్వచ్ఛందంగా అల్లోపతి మందులు తీసుకోవడం మానేసింది.

ఆమె # 2 ను మొత్తం 3 నెలల పాటు కొనసాగించింది, ఈ సమయంలో ఆమె లో హింస మరియు దుర్భాషలాడడం లాంటి మానసిక దాడులు పూర్తిగా ఆగిపోయాయి. రోగితో చివరిసారిగా 2017 లో కలిసినప్పుడు ఆమె ప్రాక్టీషనర్ కి కృతజ్ఞతలు తెలియచేసి మానసిక దాడులు పునరావృతం కాలేదని ధృవీకరించింది.

లూపస్ ^{03571...थाईलैंड}

ప్రాక్టీషనర్ యొక్క 26 ఏళ్ల మహిళా సహోద్యోగి జూన్ 2018 లో ఆమె చేతులు మరియు ముఖంపై దద్దుర్లు మరియు చెవుల లోపలి భాగంలో ఎర్రబడటం వచ్చింది. ఆమె ముఖం వాయటమే మాత్రమే కాకుండా ముఖంపై దద్దుర్లు 4 సెం.మీ పరిమాణంలో పెద్దవిగా ఉన్నాయి(రోగి ఫోటో తీయడానికి ఇష్టపడలేదు). ఆమె చర్మవ్యాధి నిపుణుడు సూచించిన విధంగా ఆమె రోజుకు రెండుసార్లు యాంటీ అలెర్జీ ఔషధం (సెటిరిజైన్) వాడుతోంది. వైబ్రియోనిక్స్ రెమెడీ తీసుకోవాలని ప్రాక్టీషనర్ ఆమెకు సూచించినప్పుడు, ఆమె ఒప్పుకోలేదు ఎందుకంటే వేరే మందులు తీసుకోకూడదని డాక్టర్ ఆదేశించారు. చర్మం యొక్క బయాప్సీ 2 రోజుల క్రితం మాత్రమే జరిగింది మరియు నివేదిక త్వరలోనే రానున్నది. వైబ్రియోనిక్స్ యొక్క ప్రయోజనాలు తెలియజేసి దీని వలన ఎటువంటి దుష్ప్రభావాలు రావని ప్రాక్టీషనర్ ఆమెకు వివరించినప్పుడు, చర్మం పైన ఉపయోగించటానికి ఆమె అంగీకరించింది.

25 ఆగస్టు 2018 న, ప్రాక్టీషనర్ ఆమెకు ఈ క్రింది మందును కొబ్బరి నూనెతో తయారు చేసి చర్మ పైబాగంలో రాయడానికి ఇచ్చాడు:

CC8.1 Female tonic + CC21.2 Skin infections + CC21.3 Skin allergies + CC21.7 Fungus…TDS

3 రోజుల తరువాత, ఆమె చేతులు మరియు ముఖంపై దద్దుర్లు తగ్గడం  ప్రాక్టీషనర్ గమనించాడు; ఆమె చెవుల్లో ఎరుపు దాదాపుగా కనుమరుగైంది. పక్షం రోజుల్లో ఆమె ముఖం మీద దద్దుర్లు, ఎరుపు మరియు వాపు కనిపించలేదు. మరో 2 వారాల తరువాత, రోగి సెటిరిజైన్ తీసుకోవడం మానేశారు, కాని 20 అక్టోబర్ 2018 వరకు మరో నెలపాటు వైబ్రియోనిక్స్ రెమెడీని ఉపయోగించడం కొనసాగించింది, ఆమె పూర్తిగా నయమైందని భావించినందున ఆమె దానిని ఆపివేసింది. ఆమె ఉద్యోగ నిమిత్తం వేరొక ప్రదేశానికి వెళ్ళిన కారణంగా ప్రాక్టీషనర్ ఆమెను కలవలేదు, కానీ ఆమె బయాప్సీ నివేదికలో ఆమెకు లూపస్ ఉందని  వచ్చింది కానీ, అది ఇప్పుడు వైబ్రియోనిక్స్ చికిత్సతో అదృశ్యమైంది. 30 ఏప్రిల్ 2019 నాటికి, ఇది 6 నెలలకు పైగా ఉంది మరియు సమస్య పునరావృతం కాలేదు.

కుక్కలో ఎర్లిచియోసిస్, పనోస్టైటిస్ ^{03571...थाईलैंड}

 ప్రాక్టీషనర్ జూలై 2018 లో AVP గా అర్హత సాధించి ఇంటికి తిరిగి వచ్చాడు. అతను తన 2 సంవత్సరాల పెంపుడు కుక్క బ్రౌనీని పొరుగున ఉన్న తన స్నేహితుడి ఇంటి నుండి తీసుకోవటానికి వెళ్ళినప్పుడు, ఆ కుక్క  కదలలేని స్థితిలో చూసి షాక్ అయ్యాడు(చిత్రాన్ని చూడండి).

అది ఎముకలు మరియు మాంసం కాండ వుండి ప్రాణం లేని జీవచ్చంలాగా ఉన్నది. ప్రాక్టీషనర్ కుక్కను పైకి ఎత్తినప్పుడు, అది నేల మీద పడిపోయింది. అది అలసిపోయినది మరియు 4 కిలోల బరువు తగ్గింది. 

6 ఆగస్టు 2018 న, అతను నీటి గిన్నెలో ఈ క్రింది మందుని కలిపి ఇచ్చాడు:

#  1. CC1.1 Animal tonic + CC18.4 Paralysis + CC20.4 Muscles & Supportive tissue + CC20.5 Spine + CC20.7 Fractures…6TD

3 రోజుల తరువాత, పరిస్థితిలో మెరుగుదల లేనందున, ప్రాక్టిషనర్ దాన్ని  సమీపంలోని పశువైద్యుని వద్దకు తీసుకువెళ్ళాడు. దానికి ఎర్లిచియోసిస్ అని పిలువబడే టిక్-బర్న్ అంటు వ్యాధి వచ్చినదని నిర్దారించారు. ఇది బ్రౌన్ టిక్ బైట్స్ వల్ల వ్యాపించింది; దానికి యాంటీబయాటిక్స్ మరియు పెయిన్ కిల్లర్స్ ఇమ్మని రాసిచ్చారు.

దానితో పాటు మరొక కాంబో 9 ఆగష్టు 2018 ఇవ్వబడింది.

#  2. CC9.4 Children’s diseases + CC10.1 Emergencies + CC17.2 Cleansing + CC18.5 Neuralgia + CC21.4 Stings & Bites + CC21.11 Wounds & Abrasions + #1…6TD, 

ఆ కుక్క గిన్నెలో బ్రౌనీ నీరు త్రాగటం మానేయడం తో సిరంజి ద్వారా నోటిలో ఇచ్చారు.

బ్రౌనీ పరిస్థితి క్రమంగా మెరుగుపడింది. ఒక వారంలో, అది తన కుడి కాలు మీద కుంటుతున్నప్పటికీ, నెమ్మదిగా నడవడం ప్రారంభించింది. మరో వారం తరువాత, అది మామూలుగా తయారైయి దాదాపు 3 వారాల పాటు అలాగే ఉంది. అల్లోపతితో పాటు వైబ్రియోనిక్స్ వాడకం వల్ల త్వరగా ఆరోగ్యమును తిరిగి పొందుటకు కారణమని ప్రాక్టిషనర్ పేర్కొన్నాడు.

అయితే దాని కాళ్ళు గట్టిగా మారడం ప్రారంభించి ఒక వారంలో అంటే 18 సెప్టెంబర్ 2018 న, అది కదలలేని స్థితికి వచ్చి నొప్పితో అరవడం ప్రారంభించింది. దాన్ని అలా ఆ పరిస్థితిలో చూసి ప్రాక్టిషనర్ కి హృదయాన్ని పిండేసినట్లైంది.  ప్రాక్టీషనర్ మళ్ళీ దాన్ని కొన్ని రోజుల పాటు యాంటీబయాటిక్స్ మరియు యాంటీ ఇన్ఫ్లమేటరీ ఇంజెక్షన్లతో చికిత్స చేసిన పశువైద్యుని వద్దకు తీసుకువెళ్ళాడు. కుక్క యొక్క పరిస్థితిని పనోస్టైటిస్ అని పిలుస్తారు, దీనివల్ల నొప్పి ఒక అవయవం నుండి మరొక అవయవానికి మారుతుంది. ఈ వ్యాధికి ఎర్లిచియోసిస్ అనేది ఒక సాధారణ కారణంగా భావిస్తారు. దాని స్థితిలో ఎటువంటి మెరుగుదల లేనందున, దాని సెరిబ్రల్ ద్రవాన్ని తనిఖీ చేయడానికి బ్రౌనీని బ్యాంకాక్‌లోని ఆసుపత్రికి తీసుకెళ్లాలని వైద్యుడు సూచించారు.

24 సెప్టెంబర్ 2018 న, స్వామిని ప్రార్థించిన తరువాత, ప్రాక్టీషనర్ బ్రౌనీని ఎక్కడకు తీసుకో పోకూడదని నిర్ణయించుకున్నాడు, అల్లోపతి ఔషధాన్ని ఆపివేసి, పూర్తిగా కొత్త కాంబో నీళ్లలో కలిపి సిరేంజి ద్వారా దాని నోట్లో ఇచ్చాడు

#3. CC3.7 Circulation + CC9.1 Recuperation + CC9.4 Children’s diseases + CC10.1 Emergencies + CC20.7 Fractures + CC21.11 Wounds & Abrasions… 6TD in water through a syringe into his mouth

బ్రౌనీ క్రమంగా కోలుకోవడం ప్రారంభించాడు మరియు 25 అక్టోబర్ 2018 నాటికి ఒక నెలలో 100% ఫిట్ అయ్యాడు (చిత్రాన్ని చూడండి).

అది సాధారణంగా తినడం మొదలుపెట్టింది మరియు తన బరువును కూడా తిరిగి పొందింది. కాబట్టి, మోతాదును TDS కు తగ్గించారు. పాపం, 2019 కొత్త సంవత్సరం సందర్భంగా టపాకాయల నుండి తప్పించుకోవడానికి ఇంటి బయట పరుగెత్తినప్పుడు, రహదారిపై జరిగిన ప్రమాదంలో విధి దాని ప్రాణాలను తీసుకుంది.

ధీర్గకాలిక దగ్గు ^{11573...भारत}

16 ఏళ్ల బాలుడు 3 సంవత్సరాల వయస్సు నుండి దగ్గు మరియు జ్వరంతో కొన్నిసార్లు జలుబు మరియు గొంతునొప్పితో తరచూ (నెలకు ఒకసారి) బాధపడుతున్నాడు. వాతావరణంలో స్వల్ప మార్పు వచ్చినా ఇవి ఎక్కువవుతున్నాయి. ప్రతిసారీ అల్లోపతి ఔషధం తీసుకున్నప్పుడు అతను 5-6 రోజుల్లో ఉపశమనం పొందుతాడు, కానీ అది తాత్కాలికమే. అతని తల్లి వైబ్రియోనిక్స్ ప్రయత్నించినందున ఆమె స్వయంగా అతన్ని ప్రాక్టీషనర్ వద్దకు తీసుకువచ్చింది. బాలుడికి గత రెండు రోజులుగా తేలికపాటి జలుబు, దగ్గు వచ్చింది. అతను ఈసారి అల్లోపతి ఔషధం తీసుకోలేదు.

5 ఆగష్టు 2018 న ఈ కింది మందు ఒక వారానికి ఇచ్చారు.

#1. SR218 Base Chakra…OD for a week

దాని తరువాత పుల్లౌట్ లేదు, బదులుగా అతని పరిస్థితి మెరుగుపడింది. 3 రోజుల విరామం తరువాత అంటే 15 ఆగస్టు 2018 న, ఈ క్రింది మియాస్మ్ ఒక డోస్ ఇవ్వబడింది:

#2. SR252 Tub-Bac

మరుసటి రోజు బాలుడు తనకు చాలా బాగుందని మరియు జలుబు లేదా దగ్గు లక్షణాలు లేవని తెలిపాడు. పుల్లౌట్ లేనందున, # 2 యొక్క రెండవ మోతాదు 30 ఆగస్టు 2018 న ఇవ్వబడింది. 3 వారాల తరువాత, బాలుడు తాను బాగా వున్నట్లు తెలియచేసాడు. ఈసారి కూడా పుల్లౌట్స్ లేనందున, # 2 యొక్క మరొక మోతాదు ఇవ్వవలసిన అవసరం రాలేదు.

బాలుడు ఆరోగ్యo బాగానే వుండి మరింత ఆనందంగా కనిపించాడు మరియు వాతావరణ మార్పుల వల్ల ఎటువంటి ఫిర్యాదులు లేవు. 2018-19 మొత్తం శీతాకాలంలో కూడా ఎటువంటి సమస్య రాలేదు. 17 ఏప్రిల్ 2019 న, సమస్య పునరావృతం కాకపోవడం వల్ల ప్రాక్టిషనర్ బాలుడిని ఒప్పించి, CC12.1 Adult tonic…TDS  ను ఒక నెల పాటు తరువాత CC17.2 Cleansing అతని రోగనిరోధక శక్తిని పెంచుకోవడానికి ప్రత్యామ్నాయంగా ఒక ఏడాది పాటు ఇవ్వడానికి ఒప్పించాడు.

SRHVP  లేని ప్రాక్టీషనర్లు సీనియర్ ప్రాక్టీషనర్‌ను సంప్రదించాలి.

చెవిలో ఫంగల్ ఇన్ఫెక్షన్ ^{11602...भारत}

48 ఏళ్ల మహిళ చెవుల్లో 4 సంవత్సరాల క్రితం దురద రావడం తో అది ఫంగల్ ఓటిటిస్ ఎక్స్‌టర్నాతో బాధపడుతోందని పరీక్షల ద్వారా తెలిసింది. యాంటీబయాటిక్స్ మరియు యాంటీ ఫంగల్ చెవి చుక్కలతో ఉపశమనం పొందింది. ఇది 2 సంవత్సరాల క్రితం మరల వచ్చినప్పుడు అదే చికిత్స తీసుకుంది. మళ్ళీ 3 వారాల క్రితం దురద ప్రారంభమైంది; ఈసారి ఆమెకు అల్లోపతి ఔషధం మరియు చెవి చుక్కలతో పాక్షిక ఉపశమనం లభించింది.

కాబట్టి ఆమె అల్లోపతి మందులు తీసుకోవడం ఆపివేసింది మరియు 20 జనవరి 2019 న ప్రాక్టిషనర్ ని సందర్శించినప్పుడు, ఈ క్రింది మందును 10 నిమిషాల కొకసారి చొప్పున ఒక్క గంటకి ఇచ్చి తరువాత 6TD గా తీసుకోమన్నారు:

#1. CC5.1 Ear infections  + CC12.1 Adult tonic + CC21.7 Fungus…one dose every 10 minutes for one hour followed by 6TD

మొదటి గంటలో, ఆమెకు దురద రాలేదు మరియు తరువాత రోజు, అది కొంచెంగా వుంది. ఈ ఫలితాలు చూసిన తరువాత  మరుసటి రోజు, ఆమె అల్లోపతి చెవి చుక్కలను కూడా ఆపివేసింది మరియు ప్రాక్టిషనర్ అల్లోపతి చెవి చుక్కల బదులుగా ఈ క్రింది వైబ్రో చుక్కలను ఎక్స్ట్రా ఆలివ్ ఆయిల్ తో తయారుచేసి చెరోక చెవి లోను ఒక చుక్క వేయమన్నారు:

#2. CC5.1 Ear infections + CC21.7 Fungus…TDS in extra virgin olive oil, 1 drop in each ear

నూనెను చెవిలో చుక్కలుగా వేసుకోవడానికి మొదట్లో సంశయించినప్పటికీ, ఆమె దీనిని ప్రయత్నించడానికి అంగీకరించింది. మరుసటి రోజు ఆమె దురద 90% తగ్గినట్లుగా తెలియచేసింది. మూడవ రోజు 23 జనవరి 19 న, దురద పూర్తిగా పోయింది. # 1 మోతాదు TDS కి తగ్గించబడింది. ఫిబ్రవరి 15 న, # 1 మరియు # 2 రెండింటి మోతాదు OD కి తగ్గించబడింది.1 మార్చి 2019 న, ENT వైద్యుడు ఫంగల్ ఇన్ఫెక్షన్ యొక్క జాడ లేకుండా ఆమె చెవి రంధ్రము ఆరోగ్యంగా ఉందని కనుగొన్నారు. కాబట్టి 2 వారాల తర్వాత # 2 ఆపివేయబడింది మరియు # 1 ని క్రమంగా 3 వారాల వ్యవధిలో OD నుండి OW కి తగ్గించబడింది. ఏప్రిల్ 2019 నాటికి, నొప్పి రాలేదు కాని ఆమె # 1 ని OW గా కొనసాగిస్తుoది.

తుంటి నొప్పి (స్కియాటిక్ పెయిన్) ^{11603...भारत}

10 సంవత్సరాల నుంచి, 68 ఏళ్ల మహిళ తుంటి నొప్పి తో బాధపడుతోంది. ఆమెకు నడుము క్రింద భాగం నుండి కుడి కాలు వెంబడి కుడి చీలమండ వరకు తీవ్రమైన నొప్పి ఉండేది. మొదట్లో 2 నెలలు, ఆమె హోమియోపతి చికిత్స తీసుకుంది, ఇది ఆమెకు కొంచెం ఉపశమనం మాత్రమే ఇచ్చింది. కానీ అల్లోపతి చికిత్స కొన్ని నెలలు తీసుకున్న తరువాత ఆమెకు పూర్తిగా తగ్గింది. కానీ మళ్ళీ 2 నెలల క్రితం నొప్పి తిరిగి వచ్చిoది. ఆమె ప్రాక్టిషనర్ ని కలవడానికి వచ్చినప్పుడు ఆమె సరిగ్గా నడవలేకపోయింది. గత 2 సంవత్సరాలుగా ఆమె అరికాళ్ళ మంట వల్ల కూడా బాధపడింది. ఒక నెల క్రితం, ఆమె అకస్మాత్తుగా చెమటలు పట్టి చాలా బలహీనంగా అయ్యి సాయంత్ర సమయంలో మూర్ఛబోయినప్పుడు వైబ్రియోనిక్స్ అద్భుత ప్రభావాన్ని చూసినందున, వైబ్రియోనిక్స్ చికిత్స తీసుకోవటానికి ఆసక్తి చూపింది. ఆమె భర్త, వైబ్రో సేవలలో ప్రాక్టిషనర్ లకు సహాయం చేస్తూ వైబ్రియోనిక్స్ యొక్క శక్తి తెలిసిన కారణంగా, సమీపంలో నివసించే ప్రాక్టిషనర్ నుండి మందు తీసుకున్నారు. వారు ఆశ్చర్య పోయేవిధంగా, ఆమె నిమిషాల్లో కోలుకుంది, తద్వారా రాత్రి ఆమెను ఆసుపత్రికి తరలించాల్సిన అవసరాన్ని తప్పించింది.

28 సెప్టెంబర్ 2018 న ఈ క్రింది మందులు ఇచ్చారు. #2 ని కొబ్బరి నూనెలో కలిపి నొప్పి ఉన్నచోట రాసుకునేందుకు ఇచ్చారు.

#1. CC10.1 Emergencies + CC12.1 Adult tonic + CC15.1 Mental & Emotional tonic + CC18.5 Neuralgia + CC20.4 Muscles & Supportive tissue + CC20.5 Spine + CC20.6 Osteoporosis...TDS

#2. CC20.4 Muscles & Supportive tissue + CC20.5 Spine...BD in coconut oil for external application

ఒక వారం తరువాత, ఆమె నొప్పి మరియు అరికాలి మంట బాగా తగ్గిందని తెలియచేసారు. మరుసటి వారం, ఆమె సమస్యలు దాదాపు పోయాయి. మరో 2 వారాల తరువాత 30 అక్టోబర్ 2018 న, ఆమె అరికాలి మంట మరియు ఆమె తుంటి నొప్పి నుండి 100% విముక్తి పొందారని తెలియచేసారు. # 1 & # 2 రెండింటి మోతాదు రాబోయే 2 నెలలకు OD కి తగ్గించబడింది, ఇది 27 ఫిబ్రవరి 2019 న ఆపడానికి ముందు మరో 2 నెలల్లో క్రమంగా OW కి తగ్గించబడింది. రోగిని చివరిగా 17 ఏప్రిల్ 2019 న సంప్రదించినప్పుడు, ఆమె ఆ సమస్యలు తిరిగి రాలేదని తెలియచేసారు.

నివారణ చర్యగా వైబ్రియోనిక్స్ నివారణను కొనసాగించమని ప్రాక్టీషనర్ రోగికి సూచించి ఈ క్రింద మందు ఒక నెలకి ఆమెకు ఇచ్చారు:

#3. CC12.1 Adult tonic + CC20.5 Spine + CC20.6 Osteoporosis…TDS for a month

ఆమె తుంటి నొప్పి యొక్క గత చరిత్రను దృష్టిలో పెట్టుకొని ఆమె రోగనిరోధక శక్తిని పెంపొందించడానికి మరియు ఆమె ఎముకలను బలోపేతం చేయడానికి ఒక సంవత్సరం పాటు CC17.2 cleansing ఇచ్చారు. ఆమెకు ప్రతి రోజు సూర్యురశ్మి నుండి విటమిన్ డి పొందడానికి ఉదయం 10 నుండి మధ్యాహ్నం 12 గంటల మధ్య కనీసం అరగంట సేపు ఎండలో వుండాలని ఆమెకు తెలియచేసారు.

చర్మ రోగం (సోరియాసిస్) ^{11580...India}

61 ఏళ్ల మహిళ గత 3 సంవత్సరాలుగా తన చేతులు మరియు కాళ్ళపై నల్ల మచ్చలు కలిగి అవి దురదతో మానని గాయాల వలె ఉన్నాయి. ఇది సోరియాసిస్ అని నిర్ధారించబడింది. ఆమె ఒక సంవత్సరం అల్లోపతి చికిత్స చేయించుకుంది కానీ ఎటువంటి ఫలితం లేకపోవడంతో ఆపివేసింది. ఆమె వేరే ఏ మందులు వేసుకోలేదు.

9 అక్టోబర్ 2016 న, ప్రాక్టిషనర్ ఈ క్రింది మందు ఇచ్చాడు:

#1. CC4.2 Liver & Gallbladder tonic + CC12.4 Autoimmune diseases + CC21.10 Psoriasis + CC21.11 Wounds & Abrasions…TDS 

ఆమె పూర్తి విశ్వాసంతో ఆ మందు వేసుకుంది. ఒక నెలలో, ఆమె ఆశ్చర్యపోయే విధంగా, నల్ల మచ్చలు మరియు దురద దాదాపు 50% తగ్గాయి. తరువాతి రెండు నెలల్లో, చేతులు మరియు కాళ్ళపై ఉన్న నల్ల మచ్చలన్నీ కనుమరుగయ్యాయి మరియు దురద కూడా లేదు. ఆమె స్వస్థత పొందినట్లు అనిపించినప్పటికీ, వెంటనే మందులను తగ్గించడానికి లేదా ఆపడానికి ఆమె ఇష్టపడలేదు.  మోతాదును 9 నెలలకి BD కి తగ్గించినప్పటికి, ఆమె మరో 8 నెలలు TDS గా కొనసాగించింది, తరువాత OD కి 6 నెలలు మరియు చివరిగా 2018 డిసెంబర్‌లో OW కి తగ్గించారు. మoదులను తగ్గించ్చినప్పటకి ఏ దశలోకూడా సమస్య తిరిగి రాలేదు మరియు ఆమె పూర్తిగా నయమైందని భావిస్తుంది.

OW వద్ద # 1 ను కొనసాగిస్తూనే, 25 ఏప్రిల్ 2019 న, ఆమె రోగనిరోధక శక్తిని పెంచేందుకు #2. CC17.2 Cleansing…TDS & #3. CC12.1 Adult tonic…TDS లను ఒక నెల, #2 తరువాత నెల, తరువాత నెల #3 చొప్పున ఒక సంవత్సరం పాటు వాడడానికి ఇవ్వబడింది:

#2. CC17.2 Cleansing…TDS for one month to be alternated with #3. CC12.1 Adult tonic…TDS for one month.

చికిత్సా నిపుణుల వివరాలు ^{10596...भारत}

ప్రాక్టీషనర్ ^{10596 ... ఇండియా} చరిత్రలో గ్రాడ్యుయేట్ మరియు టైలరింగ్‌లో డిప్లొమా తీసుకొని, 5 సంవత్సరాలు పాఠశాల ఉపాధ్యాయురాలిగా, తరువాత స్థానిక కళాశాలలో 18 సంవత్సరాలు పరీక్షా ఇన్విజిలేటర్‌గా పనిచేశారు.1999 లో తన ఇంటికి దగ్గరలో జరిగిన నారాయణ సేవలో పాల్గొన్న తరువాత ఆమె సాయి సన్నిదిలోకి వచ్చింది. అప్పటి నుండి ఆమె సాయి సంస్థ యొక్క అనేక సేవా కార్యక్రమాలలో చురుకుగా పాల్గొంటుంన్నారు, ఉదాహరణకి సంవత్సరానికి రెండుసార్లు  ప్రశాంతి సేవ, పాటశాల విద్యార్ధులకి ప్రధమ, ద్వితీయ భాషలను బోధించడం, కుట్టు పని నేర్పడం అలాగే దగ్గరలో వున్న మురికివాడల్లోని మరియు "గ్రామ సేవ" క్రింద దత్తత తీసుకున్న గ్రామాలలోని వయోజన మహిళలకు టైలరింగ్ వంటివి. ఆమె ప్రతివారం జరిగే మొబైల్ క్లినిక్‌లో కూడా సేవలందిస్తోంది.

24 సంవత్సరాల వయస్సులో, తన బాల్యం నుంచి ఔషధ మొక్కల పట్ల వున్న అభిరుచితో ఆమె ఇంట్లో కొన్నింటిని పెంచుకోన్నారు. ఈ మొక్కలను ఉపయోగించి, ఆమె తనకు, తన కుటుంబానికి, పొరుగువారికి మరియు జంతువులకు గత 40 సంవత్సరాలుగా చికిత్స చేస్తోంది. ఉదాహరణకు, జలుబు, దగ్గు మరియు కీళ్ల నొప్పుల నుండి ఉపశమనం కోసం ఆమె ఇంట్లో పెరిగిన పిప్లీ తో పల్చని సూప్ తయారుచేసిoది, అలాగే నల్లేరు కాడల పేస్ట్ తో IBS మరియు విరిగిన ఎముకలుకు వైద్యం చేయడానికి మరియు వావిలి ఆకుల ఆవిరి ద్వారా దోమలను పోగోట్టడానికి, ఉబ్బసం నుండి ఉపశమనం పొందటం లాంటివి. ఉడికించిన ఆకుల నుండి ఆవిరితో ఆమె మనవరాలికి వచ్చిన దద్దుర్లతో కూడిన వైరల్ జ్వరాన్ని ఒక రోజులో పోగ్గొటారు. తన పొరుగు వారితో మాట్లాడేటప్పుడు, అలాగే స్థానిక పాఠశాలలు మరియు సమితి సమావేశాలలో మాట్లాడటానికి ఆహ్వానించినప్పుడు ఆమె ఔషధ మొక్కల గుణాలని మరియు తన అనుభవాన్ని సంతోషంగా పంచుకుంటుంది.

ఈమె 2009లో మొబైల్ మెడికల్ వ్యాన్ సేవలో పాల్గొన్నప్పుడు సాయి వైబ్రియోనిక్స్ గురించి తెలుసుకున్నారు. వెంటనే ఆమె తరచుగా శ్వాసకోశ ఇన్ఫెక్షన్లతో బాధపడుతున్న తన కొడుకు కోసం సమీపంలోని ప్రాక్టీషనర్‌ దగ్గర అపాయింట్‌మెంట్ తీసుకొంది. వైబ్రియోనిక్స్ చికిత్సతో తన కొడుకు ఆరోగ్యం త్వరగా మెరుగుపడినప్పుడు ఆమె ఆశ్చర్యపోయి చాలా ఆనందపడింది. వెంటనే ఆమె కోర్సులో పేరు నమోదు చేయించుకుంది. ఏప్రిల్ 2009 లో, ముంబైలోని ధర్మక్షేత్రంలో మొదటి వైబ్రియోనిక్స్ శిక్షణాశిబిరం నిర్వహించినప్పుడు, ఆమె AVPగా అర్హత సాధించింది. తరువాత ఆమె 2013 లో VP అయ్యారు.

ఆమె వైబ్రియనిక్స్ చికిత్స తనకున్న కాలి నరాలు ఉబ్బిపోయే వ్యాది(వేరికోజ్ వీన్స్)కి సంబందించిన చికిత్శ ద్వారా ప్రారంభించింది. ప్రతీ నెల ఒకసారి ఆమె సమీపంలోని వృద్ధాశ్రమంలో వున్న పెద్దవారికి సేవ చేయడానికి వెళ్ళుతుంటారు. ప్రాక్టీషనర్ అయిన తరువాత, ఆమె CC3.1 Heart tonic + CC4.1 Digestion tonic + CC4.2 Liver & Gallbladder tonic + CC12.1 Adult tonic + CC13.1 Kidney & Bladder tonic…TDS అక్కడ వున్న పెద్దవారికి ఇవ్వడం ప్రారంభించింది. వాటివల్ల వారిని ఉల్లాసంగా మరియు ప్రశాంతంగా చేశాయి. వృద్ధాశ్రమంలో నీరు మరియు ఆహారం కలుషితం కావడం వల్ల వచ్చే వ్యాధులను నివారించడానికి కూడా ఇది సహాయపడింది.

ఆమె, మరో ముగ్గురు AVPలతో పాటు, వారం విడిచి వారం ప్రతి గురువారం మరియు శనివారం దగ్గరలో వున్న రెండు దేవాలయాలలో రోగులకు చికిత్స చేస్తున్నారు. ఇద్దరు సహాయకులు సీసాలకు లేబుల్ అతికించడం మరియు సీసాలను చక్కెర మాత్రలతో నింపడము లాంటి సహాయం చేస్తున్నారు. ఆమె ఇప్పటివరకు 11000 మందికి పైగా రోగులకు రోగనివారణ చేయగలిగారు. ఆమె దీర్గకాల వ్యాధులైనటువంటి కాలి సిరలు ఉబ్బడం, ఉబ్బసం, మోకాలి నొప్పులు (ఆర్థరైటిస్), అలాగే దద్దుర్లు, తామర వంటి చర్మ వ్యాధులతో బాధపడుతున్న రోగులకు విజయవంతంగా చికిత్స చేసారు. ముఖ్యంగా, ముంబైలో అధిక ఒత్తిడితో కూడిన జీవనశైలి కారణంగా ఆమె అనేక నిద్ర సంబందిత రుగ్మతలను పోగొట్టడంలో గొప్ప విజయాన్ని సాధించింది.

సమిష్టిగా ప్రాక్టీస్ చేయడం ద్వారా చాలా ఆనందం మరియు నేర్చుకోవడానికి చాలా సహాయపడుతోందని మరియు అంతర్గతంగా, బాహ్యంగా అందరు ఒకటే అనే భావాన్ని పెంచిందని ఆమె చెప్పారు. సేవ చేయడానికి ఇచ్చిన ఈ సువర్ణావకాశానికి ఆమె స్వామికి చాలా కృతజ్ఞతలు తెలియచేసుకుంటున్నారు. రోగులు వారి రోగం నయం అయినప్పుడు వారి సంతోషకరమైన ముఖాన్ని చూడటం ఆమెకు ఎంతో సంతృప్తిని ఇస్తుంది.

క్రమం తప్పకుండా న్యూస్ లెటర్స్ లోని సమాచారం ద్వారా తనను తానుగా విషయ పరిజ్ఞానాన్ని పెంపొందించుకుంటున్నారు. ఆమె కుటుంబ భాధ్యతల కారణంగా గత 3 సంవత్సరాలుగా పుట్టపర్తికి వెళ్లలేకపోయింది. కానీ, ముంబైలో నిర్వహించే రిఫ్రెషర్ సెమినార్‌లకు హాజరయ్యే అవకాశాన్ని ఆమె వదులుకోదు. సంవత్సరంలో నెల విడిచి నెల జరిగే సమావేశాలలో ఇటీవల నిర్వహించిన ఒకరోజు రిఫ్రెషర్ సమావేశం నుండి CC12.1 Adult tonic and CC17.2 Cleansing ద్వారా వ్యాధులను నివారించవచ్చని నేర్చుకోవడం చాలా ఆనందంగా ఉంది. ఆమె తనతో సహా తన రోగులకు ఈ కాంబోలను సూచించడం మరియు ఇవ్వడం ప్రారంభించింది.

వైబ్రియోనిక్స్ సాధన చేయడం ద్వారా ఆమె రోజువారీ సమస్యలను ఇబ్బంది లేకుండా ఎదుర్కోనే ఆత్మవిశ్వాసాన్ని పెంచుకుంది. ఈ సాధన ద్వారా దైవత్వానికి దారితీసే స్వచ్ఛతను సాధించవచ్చని ఆమె నమ్మకంగా ఉంది. ముంబై వంటి అధిక జనాభా వున్న పెద్ద నగరాల్లో నివసించే వారు వైబ్రియోనిక్స్ కోర్సు చేసి ప్రాక్టీషనర్స్ గా మారి తమ మంచి కోసం, తమ కుటుంబం, పొరుగువారు, స్నేహితులు మరియు సమాజాన్ని చూసుకోవాలని ఆమె భావిస్తోంది! వైబ్రియోనిక్స్ తన స్వీయ-పరివర్తనకు సహాయపడిందని,  తన కుటుంబానికి ఆనందాన్ని ఇచ్చిందని ఆమె చాలా కృతజ్ఞతలు తెలిపింది.

పంచుకున్న కేసుల వివరాలు:

• తెల్లబట్ట అగుట(లూకొరియ)
• అరచేతిలో మచ్చలు
• దీర్గకాలిక ముక్కు దిబ్బడ (క్రోనిక్ బ్లాక్డ్ సైనెస్స్)

చికిత్సా నిపుణుల వివరాలు ^{02836...भारत}

ప్రాక్టీషనర్ ^{02836… ఇండియా} అగ్రికల్చరల్ సైన్స్ లో గ్రాడ్యుయేట్, 2007 లో మహారాష్ట్ర రాష్ట్ర ప్రభుత్వంలో పార్క్స్ అండ్ గార్డెన్స్ విభాగానికి సీనియర్ అధికారిగా పదవీ విరమణ చేశారు. అతను ప్రకృతి పట్ల ఆసక్తి వల్ల మరియు  తన తాత నుండి ప్రకృతి వైద్యం నేర్చుకున్నారు. ఆయన ప్రభుత్వ సర్వీస్ లో వుండగా తన స్నేహితుడి నుండి హోమియోపతి యొక్క ప్రాథమిక అంశాలను నేర్చుకున్నాడు తరువాత దానిమీద ఇష్టంతో తన కుటుంబం, స్నేహితులు మరియు ఆఫీసులోని సహచరులకు మందులు ఇస్తుండేవారు. 1980  ప్రారంభంలో స్వామి సన్నిధిలోకి వచ్చిన తరువాత, అయన సాయి సంస్థ యొక్క వివిధ ఆధ్యాత్మిక కార్యకలాపాల్లో పాల్గొనడం ప్రారంభించారు. 2009 లో తన నివాసంలో గురువారం జరిగిన భజన సమయంలో, ముంబైలో వైబ్రియోనిక్స్ వర్కషాప్ జరుగుతున్నట్లు ఆయనకు తెలిసింది. వెంటనే, ఆయన , ఆయన భార్య ఇద్దరూ వర్క్ షాప్‌లో చేరారు, మే 2009 లో AVP మరియు 2011 జనవరిలో VP అయ్యారు. తరువాత, అక్టోబర్ 2011 లో ఆయన ప్రశాంతి నిలయంలో SVP కోర్సును పూర్తి చేశాడు.

పూర్తి విశ్వాసంతో, ఆయన గత 10 సంవత్సరాలగా తన నివాసంలో 4000 మందికి పైగా రోగులకు చికిత్స చేశారు. ఆయన విజయవంతంగా చేసిన చికిత్సలలో రక్త కాన్సర్ (లుకేమియా), గుండె మరియు జీర్ణ రుగ్మతలు, చెవ్వులలో గుయ్‌మనడం (టిన్నిటస్), థైరాయిడ్ గ్రంథి తక్కువగా పని చేయుట వలన కలుగు స్థూలకాయత (హైపోథైరాయిడిజం), జుట్టు రాలడం, తలనొప్పి, నోటి పూతలు, మూత్రపిండాల్లో రాళ్ళు, మానసిక రుగ్మతలు, కీళ్ల నొప్పులు మరియు చర్మ వ్యాధులు ఉన్నాయి. మాట పోయిన 5 కేసులతో ఆయన విజయం సాధించారు; ఒక కేసు ‘కేస్ హిస్టరీస్’ క్రింద ఇవ్వబడింది.

దీర్ఘకాలిక అనారోగ్యంతో బాధపడుతున్నరోగులకు శీఘ్ర ఉపశమనం కలిగించడానికి, అతను విశ్లేషణల కోసం లేదా కారణాల కోసం ఎక్కువ సమయం కేటాయించకుండా, రోగ లక్షణాల ఆధారంగా మాత్రమే నివారణలను మందులు ఇచ్చేవారు. ఈ విధానంతో, 1 లేదా 2 వారాల తరువాత జరిగే తన మొదటి సమీక్షలో చాలా మంది రోగులు మెరుగవుతున్నారని, తద్వారా ఆయనపై మరియు వైబ్రియోనిక్స్ పై విశ్వాసం పెంపొందించడానికి సహాయపడుతోంది. పురోగతి నెమ్మదిగా ఉందని అతను కనుగొన్న సందర్భాలలో, రోగ కారణాన్ని గుర్తించి ఆయన రోగ నివారణకై 108 సిసి బాక్స్ లేదా SRHVP ని ఉపయోగిస్తూ తగిన మందు తయారుచేయడం సముచితంగా భావిస్తారు.

ఆయన ఉద్దేశ్యప్రకారం, ఆధునిక జీవనశైలిని అధిక ఒత్తిడులతో పాటు వాతావరణంలో కాలుష్యం మరియు రేడియేషన్ లను పరిగణనలోకి తీసుకోని ప్రతి రోగికి ముందుగా మనస్సును శాంతింపచేయడానికి మరియు రోగ నిరోధక శక్తిని పెంచడానికి కాంబో ఇవ్వాలి. ఆయన అనుభవంలో, CC12.1 Adult tonic + CC15.1 Mental & Emotional tonic + CC18.1 Brain disabilities కలపి ఇవ్వడం ద్వారా చాలామందికి త్వరిత నివారణ మరియు మరింత ఆరోగ్యవంతులు కావడానికి సహాయపడ్డాయి.

అనేక వ్యాధులకు సంబందించి తయారుచేసిన 108CC (సాధారణ కాంబో)తో చాలా సంతోషపడ్డారు. వైబ్రియోనిక్స్ యొక్క అద్భుత ప్రభావాన్ని మరియు మొక్కలు, జంతువులు మరియు మానవులు అవసరమైన ప్రకంపనలను తీసుకొని నయం పొందుతున్న అద్భుతాలని చూశారు. రోగులకు చికిత్స చేయడానికి ముఖ్యంగా ఖరీదైన వైద్య చికిత్సను చేయించుకోలేని నిరుపేదలకి వైద్యం చేసేందుకు తనకు ప్రత్యేకమైన అవకాశం ఇచ్చిన ఆ దేవునికి ప్రత్యేక కృతజ్ఞతలు తెలియచేసుకున్నారు.

పంచుకున్న కేసుల వివరాలు :

• మాట పోవడం 
• ​మానసిక దాడులు