Sai Vibrionics Newsletter

బోదకాలు, ఫైలేరియా వల్ల కలిగిన కీళ్లవాతం ^{03560...India}

68 సంవత్సరాల వయస్సు గల ఒక మహిళకు 2012లో రెండు కాళ్లు, రొమ్ములలో వాపు, జ్వరం, నొప్పి, అలసట వంటి లక్షణాలు కనిపించడంతో పరీక్షలు నిర్వహించి బోదకాలు (లింఫాటిక్ ఫైలేరియాసిస్) ఉన్నట్లు నిర్ధారించారు. మొదటి 18 నెలల్లో వాపు క్రమంగా పెరుగుతూ వచ్చింది. అదనంగా, ప్రతి మూడు నెలలకు ఒకసారి జ్వరం, నొప్పి మళ్లీ మళ్లీ రావడం కొనసాగింది. వ్యాధి ప్రారంభమైనప్పటి నుంచే ఆమె అలోపతి చికిత్స తీసుకున్నారు. కుటుంబ సభ్యులందరూ ఆరు సంవత్సరాల పాటు మాస్ డ్రగ్ అడ్మినిస్ట్రేషన్ (MDA) అనే నివారణ కార్యక్రమంలో పాల్గొన్నారు. దీని వల్ల వ్యాధి మరింత తీవ్రమవకుండా, వాపు పెరగకుండా నియంత్రించగలిగారు. అయితే జ్వరం, నొప్పి వంటి పునరావృత లక్షణాలు మాత్రం తగ్గలేదు. దీంతో నిరాశ చెందిన ఆమె 2017లో చికిత్సను నిలిపివేశారు (కుటుంబ సభ్యులు మాత్రం కొనసాగించారు).

అదే సంవత్సరంలో ఆమెకు రెండు మోకాళ్లలో తీవ్రమైన నొప్పి ప్రారంభమై, ఫైలేరియల్ ఆర్థ్రైటిస్ ఉన్నట్లు నిర్ధారణ అయింది. వైద్యులు సూచించిన మందులు తీవ్రమైన ఎసిడిటీ, కడుపు అసౌకర్యాన్ని కలిగించడంతో, ఏడాది లోపే వాటిని కూడా నిలిపివేయాల్సి వచ్చింది.

ఒకసారి జ్వరం, కాళ్ల నొప్పితో తీవ్రంగా బాధపడుతున్న సమయంలో ఆమె వైబ్రియానిక్స్ ప్రాక్టీషనర్ ని సంప్రదించారు. ఆమె కాళ్ల చర్మం మందంగా, నల్లగా మారిపోయింది. నడవడం చాలా కష్టంగా ఉండటంతో ఇంట్లో కూడా వాకర్ సహాయంతోనే నడిచేవారు. తన వ్యాధి కారణంగా సమాజంలో ఎదురైన అపోహలు, నిర్లక్ష్యం వల్ల ఎవరినీ కలవడానికి కూడా ఇష్టపడక, తీవ్ర మానసిక వేదనలో ఉండేవారు.

17 డిసెంబర్ 2018న ఈ క్రింది రెమెడీలు ఇవ్వబడ్డాయి:

బోదకాలు కోసం:

#1. CC9.3 Tropical diseases + CC12.1 Adult tonic…6TD for three days followed by TDS

మోకాలి నెప్పి కోసం:

#2. CC15.1 Mental & Emotional tonic + CC18.5 Neuralgia + CC20.3 Arthritis + CC20.4 Muscles & Supportive tissue… మూడు రోజుల పాటు 6TD, అనంతరం TDS. అదేవిధంగా కొబ్బరి నూనెలో కలిపి రోజుకు రెండుసార్లు (BD) కాలుపైన నొప్పి వున్నచోట రాసుకోవాలని సూచించారు.

చికిత్స పురోగతి :

• 15 ఫిబ్రవరి 2019: మోకాళ్ల నొప్పి 40% తగ్గింది. కొంత పరిమితితో నడవగలిగింది. జ్వరం, నొప్పి, అలసట మళ్లీ రాలేదు. మానసికంగా కూడా ప్రశాంతంగా అనిపించింది.
• 20 జూన్ 2019: మోకాళ్ల నొప్పి 70% తగ్గింది. ఇంట్లో స్వయంగా నడవగలిగింది. కాళ్లు, రొమ్ముల వాపు 20% తగ్గింది.
• 14 జనవరి 2020: నొప్పి పూర్తిగా తగ్గిపోయింది (అతిగా శ్రమించినప్పుడు మాత్రమే స్వల్ప మోకాలి నొప్పి ఉండేది). కాళ్ల చర్మం మృదువుగా, సాధారణ స్థితికి వచ్చింది. అయితే వాపులో మరింత తగ్గుదల కనిపించలేదు. రెమెడీ మోతాదును రోజుకు రెండుసార్లు (BD)కు తగ్గించారు.

జూన్ 2025 నాటికి, ఆమె రోజుకు రెండుసార్లు రెమెడీ కొనసాగించాలని స్వయంగా కోరుకుంటున్నారు. వాపు స్థిరంగా ఉన్నప్పటికీ, బయటకు రాసుకునే నూనెతో మర్దన చేయడం వల్ల ఉపశమనం కలుగుతోందని చెబుతున్నారు. ప్రస్తుతం ఇంట్లో ఎటువంటి సహాయం లేకుండానే నడవగలుగుతున్నారు. పొరుగువారిని కలవడం, సామాజిక కార్యక్రమాలకు హాజరవడం కూడా తిరిగి ప్రారంభించారు.

సంపాదకుల గమనిక:

ఎలిఫెంటియాసిస్ పూర్తిగా నయం చేయలేని వ్యాధిగా పరిగణించబడుతుంది; సాధారణంగా లక్షణాలను మాత్రమే నియంత్రించగలరు. ఈ కేసులో వైబ్రియానిక్స్ చికిత్స ద్వారా రోగి నొప్పి, నడవలేని పరిస్థితి నుండి విముక్తి పొంది, సౌకర్యవంతమైన జీవితం గడపగలుగుతున్నందుకు ఎంతో సంతోషంగా ఉంది.

మడమ ఎముక ముళ్లు (కాలకానెల్ స్పర్స్), గుండ్రటి మచ్చలుగా జుట్టు రాలడం ^{03560...India}

50 సంవత్సరాల వయస్సు గల ఒక వ్యక్తి 2018 నుండి ఐదు సంవత్సరాలుగా రెండు మడమలలో కాల్కేనియల్ స్పర్స్ (మడమ ఎముకలపై ముళ్ల వంటి పెరుగుదల) వల్ల తీవ్రమైన నొప్పితో బాధపడుతున్నారు. ప్రతి మడమలో సుమారు 18 మిల్లీమీటర్ల పరిమాణంలో ఒక స్పర్ ఉండేది. కాలక్రమేణా నొప్పి మరింత పెరిగి, నడవడం కష్టమై, కుంటుతూ నడవాల్సిన పరిస్థితి ఏర్పడింది.

ప్రత్యేక ఆర్థోపెడిక్ పాదరక్షలు, చల్లని కాపడం (కోల్డ్ పేక్స్), పాద వ్యాయామాలు వంటి సాధారణ చికిత్సలు ఫలితం ఇవ్వలేదు. వైద్యులు సూచించిన నొప్పి నివారణ మాత్రలు, ఆయింట్మెంట్లు వాడేవారు. వాటి వల్ల 6–8 గంటలపాటు మాత్రమే సుమారు 80% ఉపశమనం లభించేది. అనంతరం మళ్లీ నొప్పి ప్రారంభమయ్యేది.

ప్రముఖ క్రికెట్ క్రీడాకారుడైన ఆయన చివరకు ఆటకు పూర్తిగా దూరం కావాల్సి వచ్చింది. ఇది ఆయన మానసిక స్థితిపై కూడా తీవ్ర ప్రభావం చూపింది. 2023లో వైద్యులు కార్టిసోన్ ఇంజెక్షన్లు, శస్త్రచికిత్స చేయించుకోవాలని సూచించారు. అయితే ఆయన వాటిని అంగీకరించకుండా ప్రత్యామ్నాయ వైద్య విధానాల వైపు మొగ్గుచూపారు.

అదే సమయంలో, ఏడాదికిపైగా ఆయన గడ్డంపై ఒకచోట వెంట్రుకలు పూర్తిగా రాలిపోయి, క్రమంగా గడ్డం, దవడ భాగమంతా వ్యాపించాయి. తొమ్మిది నెలలకు పైగా ఆయుర్వేద నూనెలు, ఇతర స్థానిక మందులు వాడినా ఎటువంటి ఫలితం కనిపించలేదు. అనంతరం అన్ని చికిత్సలు నిలిపివేసి వైబ్రియానిక్స్ వైద్యాన్ని ఆశ్రయించారు. 16 మే 2023న ఈ క్రింది రెమెడీలు ఇవ్వబడ్డాయి.

కాల్కేనియల్ స్పర్స్ కోసం:

#1. CC15.1 Mental & Emotional tonic + CC20.1 SMJ tonic + CC20.4 Muscles & Supportive tissue…TDS

అలోపీసియా ఏరియేటా కోసం:

#2. CC11.2 Hair problems + CC12.4 Autoimmune diseases + CC21.1 Skin tonic…TDS అలాగే కొబ్బరి నూనెలో కలిపి బాహ్యంగా రాసుకోవడం కోసం…BD

చికిత్స పురోగతి:

• 10 ఆగస్టు 2023: నొప్పి 40% తగ్గింది. వెంట్రుకలు రాలడం పూర్తిగా ఆగిపోయింది.
• 5 అక్టోబర్ 2023: నొప్పి, నడకలో ఇబ్బంది 60% తగ్గాయి. ప్రభావిత ప్రాంతాల్లో కొత్త వెంట్రుకలు మొలకెత్తడం ప్రారంభమైంది.
• 4 జనవరి 2024: నొప్పి 95%కు పైగా తగ్గింది. స్పర్ పరిమాణం తగ్గడం ప్రారంభమైంది. సాధారణంగా నడవగలిగారు. తీవ్రమైన శారీరక శ్రమ చేసినప్పుడు మాత్రమే స్వల్ప నొప్పి ఉండేది. #1 మోతాదును BDకు తగ్గించారు. గడ్డం, దవడ ప్రాంతంలో 70% వెంట్రుకలు తిరిగి పెరిగాయి.
• 14 ఏప్రిల్ 2024: నొప్పి పూర్తిగా తగ్గిపోయింది. స్పర్ పరిమాణం 2–3 మిల్లీమీటర్లకు తగ్గింది. ఆయన మళ్లీ సాధారణంగా క్రికెట్ ఆడడం ప్రారంభించారు. గడ్డంపై వెంట్రుకలు పూర్తిగా పెరిగాయి. రెండు రెమెడీల మోతాదును OD కు తగ్గించారు. #1ను 30 ఏప్రిల్ 2024న నిలిపివేశారు. #2ను మూడు నెలల తరువాత నిలిపివేశారు.

మే 2025 నాటికి, స్పర్ పరిమాణం ఇకపై తగ్గకపోయినా సమస్య మళ్లీ రాలేదు.

ప్రాక్టీషనర్ పరిశీలన: మడమ స్పర్స్ సాధారణంగా శస్త్రచికిత్స లేకుండా పూర్తిగా నయం కావని భావిస్తారు. ఈ కేసులో కేవలం ఒక సంవత్సరంలో స్పర్ పరిమాణం గణనీయంగా తగ్గడం విశేషం. మరింత కాలం రెమెడీ కొనసాగించి ఉంటే పూర్తిగా మాయమయ్యే అవకాశం ఉండేది. అయితే తనకు ఎలాంటి అసౌకర్యం లేకపోవడంతో రోగి స్వయంగా చికిత్సను నిలిపివేయాలని కోరుకున్నారు.

శ్వాసకోశ అలెర్జీ ^{11598...India}

13 సంవత్సరాల వయస్సు గల ఒక బాలిక చిన్ననాటి నుంచే నిరంతరంగా తీవ్రమైన పొడి దగ్గుతో బాధపడుతోంది. ఈ దగ్గుతో పాటు గొంతులో తీవ్రమైన మంట, చికాకు ఉండేది. కొన్నిసార్లు దగ్గు ఎక్కువై వాంతులు కూడా అయ్యేవి. ఈ దగ్గు ప్రతి ఋతువు మారినప్పుడు సంవత్సరానికి 4 నుండి 5 సార్లు వచ్చేది. ఒక్కోసారి 8 నుండి 10 రోజుల వరకు కొనసాగేది. ఈ తీవ్రమైన దగ్గు కారణంగా ఆమెకు ఆకలి తగ్గిపోయి, బలహీనత, తీవ్ర అలసట కలిగేవి. ఐస్క్రీమ్, ఫ్రిజ్లో ఉంచిన చల్లటి ఆహార పదార్థాలు తీసుకుంటే ఆమె సమస్య తప్పకుండా మళ్లీ ప్రారంభమయ్యేది. అందువల్ల అలాంటి ఆహారాన్ని పూర్తిగా నివారించేది.

వైద్య పరీక్షల ద్వారా ఆమెకు శ్వాసకోశ అలెర్జీ ఉన్నట్లు నిర్ధారణ అయింది. ప్రతి సారి సమస్య తీవ్రతరం అయినప్పుడు యాంటీహిస్టమిన్లు, యాంటీబయాటిక్ మందులు వాడినప్పటికీ తాత్కాలిక ఉపశమనం మాత్రమే లభించేది.

ఆగస్టు 2018లో, ప్రాక్టీషనర్ తన స్నేహితుడిని సాధారణంగా కలవడానికి వెళ్లినప్పుడు, అతని కుమార్తె తీవ్ర దగ్గుతో బాధపడుతున్నట్లు గమనించారు. ఆయన వైబ్రియానిక్స్ చికిత్సను సూచించగా, కుటుంబ సభ్యులు అంగీకరించారు. ఆ సమయంలో బాలిక పరిస్థితి చాలా తీవ్రమైనదైనా, వారు ఎటువంటి సంప్రదాయ వైద్య చికిత్స తీసుకోకుండా కేవలం వైబ్రియానిక్స్ మాత్రమే ఉపయోగించాలని నిర్ణయించుకున్నారు.

20 ఆగస్టు 2018న ఈ క్రింది రెమెడీ ఇవ్వబడింది:

#1. CC12.2 Child tonic + CC19.2 Respiratory allergies + CC19.6 Cough chronic...6TD

చికిత్స పురోగతి:

• 21 ఆగస్టు 2018: గొంతు మంట, దగ్గు 70% వరకు తగ్గాయి.
• 25 ఆగస్టు 2018: లక్షణాలు పూర్తిగా తొలగిపోయాయి.
• 27 ఆగస్టు 2018: #1 స్థానంలో #2. CC19.2 Respiratory Allergies + CC19.6 Cough Chronic … TDS ఇవ్వబడింది.
• 8 సెప్టెంబర్ 2018: మోతాదును ఒక వారం పాటు BD, తరువాత మరో వారం రోజుకు OD కు తగ్గించారు. అనంతరం రోగి స్వయంగా రెమెడీని నిలిపివేశారు.
• 12 ఫిబ్రవరి 2019: లక్షణాలు మళ్లీ కనిపించడంతో #2 ని 6TD గా మార్చి, తదుపరి సూచనలు వచ్చే వరకు కొనసాగించమని సూచించారు.
• 20 ఫిబ్రవరి 2019: రోగి మరోసారి పూర్తిగా కోలుకుంది. మోతాదును TDS కు తగ్గించి, క్రమంగా తగ్గిస్తూ 22 మే 2019న పూర్తిగా నిలిపివేశారు.

జూన్ 2025 నాటికి, ఈ సమస్య మళ్లీ తిరిగి రాలేదు.

భగందర పుండు (ఇన్ఫెక్ట్డ్ యానల్ ఫిస్టులా) ^{11598...India}

2018 ఏప్రిల్ నుండి ప్రాక్టీషనర్ 67 సంవత్సరాల వయస్సు గల బావమరిది మలవిసర్జన సమయంలో తీవ్రమైన అసౌకర్యాన్ని అనుభవించసాగారు. దీంతో 2018 మే నెలలో వైద్యుడిని సంప్రదించగా, శారీరక పరీక్ష అనంతరం గుద ప్రాంతం సమీపంలో ఫిస్టులా (భగందరం పుండు) ఉన్నట్లు నిర్ధారించి, శస్త్రచికిత్స ద్వారా తొలగించాలని సూచించారు. అయితే ఆ సమయంలో సమస్య పెద్దగా ఇబ్బంది కలిగించకపోవడంతో ఆయన చికిత్సను కొనసాగించలేదు. జూలై నెలాఖరుకు ఫిస్టులా వాపు, నొప్పి, వాపు వల్ల కలిగే మంట తీవ్రంగా పెరిగాయి. మరో వారం రోజులకు సరిగా కూర్చోలేని స్థితి ఏర్పడడంతో, 2018 ఆగస్టు 6న మళ్లీ వైద్యుడిని సంప్రదించారు. వైద్యుడు ఐదు రోజుల పాటు యాంటీబయాటిక్ మందులు, బెటాడిన్ సిట్జ్ బాత్ చేయాలని సూచించి, అనంతరం శస్త్రచికిత్స చేయించుకోవాలని సలహా ఇచ్చారు.

యాంటీబయాటిక్ కోర్సు పూర్తయిన తరువాత ఆయన శస్త్రచికిత్స చేయించుకోవడానికి ఇష్టపడలేదు. అందువల్ల వైబ్రియానిక్స్ చికిత్సను ఆశ్రయించారు. సంప్రదించిన సమయంలో ఆయన బలహీనంగా, ఆందోళనతో కనిపించారు. ఆయనకు అధిక రక్తపోటు, హైపోథైరాయిడిజం, మధుమేహం వంటి వ్యాధులు కూడా ఉండేవి. ఇవన్నీ అలోపతి మందులతో బాగా నియంత్రణలో ఉన్నాయి. ఫిస్టులా మధుమేహ రోగుల్లో ఎక్కువగా కనిపిస్తుందని వైద్యుడు చెప్పినందున, భవిష్యత్తులో సమస్య మళ్లీ రాకుండా ఉండేందుకు మధుమేహానికి కూడా వైబ్రియానిక్స్ రెమెడీ ఇవ్వమని ఆయన కోరారు.

15 ఆగస్టు 2018న ఈ క్రింది రెమెడీలు ఇవ్వబడ్డాయి:

#1. CC4.4 Constipation + CC10.1 Emergencies + CC12.1 Adult tonic+ CC15.1 Mental & Emotional tonic...6TD

#2. CC6.3 Diabetes...OD

అధిక రక్తపోటు, థైరాయిడ్, మధుమేహానికి అలోపతి మందులను కంటిన్యూ చేస్తూ సిట్జ్ బాత్ చేయాలని సూచించారు.

చికిత్స పురోగతి:

• 18 ఆగస్టు 2018: 3 రోజుల తరువాత ఫిస్టులా నుండి పెద్ద మొత్తంలో చీము, రక్తం బయటకు వచ్చాయి. నొప్పి 25% తగ్గింది. దీంతో #1ను #3. CC21.11 Wounds & Abrasions + #1 … 6TD గా మార్చారు.
• 30 ఆగస్టు 2018: నొప్పి పూర్తిగా తగ్గిపోయింది. గాయం ఎండిపోయింది. తిరిగి తన పనికి వెళ్లగలిగారు. సిట్జ్ బాత్ను నిలిపివేశారు. అనంతరం #3ను #4. CC4.4 Constipation + CC21.11 Wounds & Abrasions … TDS గా మార్చారు.
• 14 సెప్టెంబర్ 2018: #4 మోతాదును BD కు 16 సెప్టెంబర్న OD కు తగ్గించి, 18 సెప్టెంబర్ 2018న పూర్తిగా నిలిపివేశారు.

జూన్ 2025 నాటికి, ఫిస్టులా సమస్య మళ్లీ తిరిగి రాలేదు. రోగి మధుమేహం కోసం #2 రెమెడీని అలోపతి మందులతో పాటు ఇప్పటికీ కొనసాగిస్తున్నారు.

పార్శ్వ తలనొప్పి(మైగ్రేన్) ^{11673...India}

38 సంవత్సరాల వయస్సు గల ఒక కుట్టు పనివారు 2021 నుండి గత మూడు సంవత్సరాలుగా తీవ్రమైన మైగ్రేన్ తలనొప్పితో బాధపడుతున్నారు. నొప్పి ఎల్లప్పుడూ తల ఎడమ వైపునే ఉండేది. దానితో పాటు వికారం, వాంతులు, వెలుతురు మరియు శబ్దాన్ని భరించలేని స్థితి కూడా ఉండేది. ఈ తలనొప్పి వారానికి సుమారు మూడు సార్లు వచ్చేది. ఒక్కోసారి రోజంతా మధ్య మధ్యలో కొనసాగుతూ ఉండేది. దాంతో ఆమెకు రోజంతా విశ్రాంతి తీసుకోవాల్సి వచ్చేది. కుటుంబానికి ఏకైక సంపాదనాధారమైన ఆమె నిరంతరం ఆర్థిక, మానసిక ఒత్తిడిలో ఉండేది. అదే తన మైగ్రేన్కు ప్రధాన కారణమని ఆమె భావించేది. కొద్దిసేపు ఎండలోకి వెళ్లినా మైగ్రేన్ దాడి ప్రారంభమయ్యేది. అందువల్ల బయటకు వెళ్లేటప్పుడు ఎల్లప్పుడూ గొడుగు వెంట తీసుకెళ్లేది. తరచూ వచ్చే ఈ తలనొప్పి ఆమె కుట్టు పనితో పాటు ఇంటి పనులను కూడా తీవ్రంగా ప్రభావితం చేసి, ఆమె మానసిక ఆందోళనను మరింత పెంచింది.

2021లో వైద్యులు ఆమెకు మైగ్రేన్ ఉన్నట్లు నిర్ధారించి, ఆవిరి పట్టుకోవాలని సూచించడంతో పాటు నొప్పి నివారణ మాత్రలు ఇచ్చారు. అయితే ఆమె తీవ్రమైన దాడులు వచ్చినప్పుడు మాత్రమే ఆ మాత్రలు వాడేది. వాటివల్ల సుమారు 20 నిమిషాల్లో తాత్కాలిక ఉపశమనం మాత్రమే లభించేది.

8 ఆగస్టు 2024న ఆమె అలోపతి మందులను నిలిపివేసి వైబ్రియానిక్స్ చికిత్సను ప్రారంభించారు. ప్రాక్టీషనర్ ఈ క్రింది రెమెడీలను ఇచ్చారు:

#1. CC10.1 Emergencies + CC11.3 Headaches + CC11.4 Migraines + CC12.1 Adult tonic + CC15.1 Mental & Emotional tonic…TDS

#2. IB (from vol 13 #5)…OD

చికిత్స పురోగతి:

Ø  10 సెప్టెంబర్ 2024: ఇప్పటివరకు ఒక్కసారి మాత్రమే మైగ్రేన్ దాడి వచ్చింది. తలనొప్పి, వికారం, వాంతులు 50% వరకు తగ్గాయి. మానసిక ఒత్తిడి కూడా తగ్గినట్లు ఆమె భావించారు. ఇంటి పనులు, కుట్టు పనిని ఎటువంటి ఇబ్బంది లేకుండా నిర్వహించగలిగారు.

Ø  5 నవంబర్ 2024: మైగ్రేన్ దాడులు పూర్తిగా ఆగిపోయాయి. మానసిక ప్రశాంతత, ఉత్సాహం, ఆనందం పెరిగాయి. ఈ స్వస్థతకు స్వామివారికి హృదయపూర్వక కృతజ్ఞతలు తెలిపారు. #1 మోతాదును OD కు తగ్గించి, 8 జనవరి 2025న పూర్తిగా నిలిపివేశారు.

జూన్ 2025 నాటికి, సమస్య పునరావృతం  కాలేదు. ఆమె #2 రెమెడీని ఇప్పటికీ కొనసాగిస్తున్నారు.

అలర్జీ వల్ల వచ్చే ముక్కు వాపు (అలర్జిక్ రైనైటిస్) ^{03620...South Africa}

ప్రాక్టీషనర్ ఇంట్లో పనిచేసే 37 సంవత్సరాల మహిళ గత నాలుగు సంవత్సరాలుగా అలెర్జిక్ రైనైటిస్తో బాధపడుతున్నారు. ప్రతి రోజు ఉదయం, సాయంత్రం ముక్కు కారడం, కళ్లలో దురద, అలాగే 30 నుండి 60 నిమిషాల పాటు వరుసగా తుమ్ములు రావడం ఆమెకు సాధారణమైపోయింది. అదనంగా, రోజంతా ముక్కు దిబ్బడ, ముక్కులోని కఫం గొంతులోకి కారడం(పోస్ట్-నాసల్ డ్రిప్), నిరంతర దగ్గుతో కూడా ఇబ్బంది పడుతుండేవారు. వైద్యుడిని సంప్రదించడానికి ఆమె ఇష్టపడలేదు. అందువల్ల స్వయంగా యాంటీహిస్టమిన్ మందులు వాడేది. వాటి వల్ల తాత్కాలిక ఉపశమనం మాత్రమే లభించేది. మరుసటి రోజుకే అన్ని లక్షణాలు మళ్లీ తిరిగి వచ్చేవి.

13 డిసెంబర్ 2024న ఆమెకు ఈ క్రింది రెమెడీ ఇవ్వబడింది:

IB (vol 15 #2)…TDS

చికిత్స పురోగతి:

• 15 డిసెంబర్ 2024: ముక్కు కారడం, తుమ్ములు రోజంతా మరింత ఎక్కువయ్యాయి.
• 16 డిసెంబర్ 2024: ఉదయం, సాయంత్రం అలెర్జీ లక్షణాలు కేవలం 20 నిమిషాలపాటు మాత్రమే కొనసాగాయి. మిగిలిన లక్షణాలు సుమారు 50% తగ్గాయి.
• 20 డిసెంబర్ 2024: కళ్ల దురద, ముక్కు కారడం పూర్తిగా ఆగిపోయాయి. తుమ్ములు ఉదయం, సాయంత్రం కొద్దినిమిషాల పాటు మాత్రమే వచ్చాయి. ఇతర లక్షణాలు 80% వరకు తగ్గాయి.
• 10 జనవరి 2025: అన్ని లక్షణాల నుండి పూర్తిగా (100%) ఉపశమనం లభించింది. మరికొంత కాలం కోసం మోతాదును OD కు తగ్గించారు.
• 3 ఫిబ్రవరి 2025: రోగనిరోధక శక్తి పెంపు మరియు శరీర శుద్ధి కోసం CC12.1 Adult Tonic మరియు CC17.2 Cleansing … TDS, నెల విడిచి నెల చొప్పున ఒక సంవత్సరము పాటు తీసుకోవాలని సూచించారు.

జూన్ 2025 నాటికి, అలెర్జిక్ రైనైటిస్ లక్షణాలు మళ్లీ తిరిగి రాలేదు.

ఉబ్బిన సిరలు (వెరికోస్ వెయిన్స్), మణికట్టు నెప్పి ^{11573...India}

45 సంవత్సరాల వయస్సు గల ఒక వ్యక్తికి కుటుంబంలో వెరికోస్ వెయిన్స్ (ఉబ్బిన సిరలు) వ్యాధి చరిత్ర ఉంది. ఆయనకు 2001లో, అంటే 20 సంవత్సరాల క్రితం ఈ వ్యాధి ఉన్నట్లు నిర్ధారణ అయింది. రెండు కాళ్ల కండరాల భాగంలోని సిరలు నీలిరంగులో ఉబ్బి కనిపించేవి మరియు నొప్పిగా ఉండేవి. ముఖ్యంగా గంటసేపు లేదా అంతకంటే ఎక్కువసేపు నిలబడి ఉన్నప్పుడు రెండు కాళ్లలో భారంగా అనిపించడం, వాపు, నొప్పి కలిగేవి. అయితే నడిచేటప్పుడు మాత్రం ఎటువంటి ఇబ్బంది ఉండేది కాదు.

అదనంగా, 2016 అక్టోబర్ నుండి గత ఐదు సంవత్సరాలుగా ఆయన రెండు మణికట్టుల్లో నొప్పి, వాపు, అప్పుడప్పుడు బిగుసుకుపోవడం వంటి సమస్యలతో బాధపడుతున్నారు. కంప్యూటర్పై ఎక్కువసేపు పనిచేయడం వల్లే ఈ సమస్య ఏర్పడిందని ఆయన భావించేవారు. చేతులను ఎక్కువగా ఉపయోగించినప్పుడు లక్షణాలు తీవ్రమయ్యేవి; విశ్రాంతి తీసుకుంటే కొంత ఉపశమనం కలిగేది.

తన తల్లికి కూడా ఇదే సమస్య ఉండడంతో, ఇది వంశపారంపర్యంగా వచ్చిన వ్యాధి అని ఆయన నమ్మారు. ఎటువంటి మందులు వాడకుండా జీవనశైలిలో మార్పులు చేసుకున్నారు. అధిక పీచు పదార్థాలు (ఫైబర్) ఉన్న ఆహారం తీసుకోవడం, క్రమం తప్పకుండా నడవడం, కాళ్లను పైకి ఎత్తి ఉంచడం, గోరువెచ్చని ఉప్పునీటిలో కాళ్లను ముంచడం, ఎక్కువసేపు నిలబడాల్సి వచ్చినప్పుడు ఒక కాలిపై నుండి మరో కాలిపై బరువు మార్చడం, వేళ్లకు వ్యాయామాలు చేయడం వంటి జాగ్రత్తలు పాటించారు. అయినప్పటికీ నొప్పి, వాపు తగ్గలేదు. 5 సెప్టెంబర్ 2021న ఆయన వైబ్రియానిక్స్ ప్రాక్టీషనర్ని సంప్రదించగా, ఈ క్రింది రెమెడీ ఇవ్వబడింది:

CC3.7 Circulation + CC4.2 Liver & Gallbladder tonic + CC13.1 Kidney & Bladder tonic + CC18.5 Neuralgia + CC20.3 Arthritis + CC20.7 Fractures…TDS

చికిత్స పురోగతి:

Ø  8 సెప్టెంబర్ 2021: మణికట్టు సమస్య 50% వరకు మెరుగుపడింది. వెరికోస్ సిరల వాపు మాత్రం కొద్దిగా పెరిగింది. ఇది ఫుల్లౌట్ ప్రక్రియలో భాగంగా జరిగి ఉండవచ్చు.

Ø  14 సెప్టెంబర్ 2021: మణికట్టు నొప్పి పూర్తిగా తగ్గిపోయింది.

Ø  23 డిసెంబర్ 2021: గత మూడు నెలలుగా క్రమంగా మెరుగుదల కొనసాగి, వెరికోస్ వెయిన్స్ పూర్తిగా నయమయ్యాయి. రెమెడీ మోతాదును OD కు తగ్గించారు. తరువాత మూడు నెలల వ్యవధిలో క్రమంగా తగ్గిస్తూ OW చేశారు. ఈ మోతాదును 18 నెలలకు పైగా కొనసాగించి, 10 సెప్టెంబర్ 2023న పూర్తిగా నిలిపివేశారు.

మే 2025 నాటికి, రోగి పూర్తిగా ఆరోగ్యంగా ఉన్నారు. సమస్య మళ్లీ తిరిగి రాలేదు.

నిద్రలేమి ^{11669...India}

ప్రాక్టీషనర్ కు పొరుగునున్న 65 సంవత్సరాల వయస్సు గల ఒక మహిళ రెండు సంవత్సరాలకు పైగా తీవ్రమైన నిద్రలేమి సమస్యతో బాధపడుతున్నారు. ఆమె ప్రతిరోజూ రాత్రి 10 గంటలకు పడుకున్నప్పటికీ, నిద్ర పట్టడానికి సుమారు ఒక గంట సమయం పట్టేది. అనంతరం కేవలం 3 నుంచి 4 గంటలకే మేల్కొని, మిగిలిన రాత్రంతా మళ్లీ నిద్రపట్టక ఇబ్బంది పడేవారు. వారానికి సుమారు రెండు రోజులు పరిస్థితి మరింత అధ్వాన్నంగా ఉండి, కేవలం 2 నుంచి 3 గంటల నిద్ర మాత్రమే లభించేది.

2014 వరకు ఆమెకు ప్రతిరోజూ 8 నుంచి 9 గంటల పాటు ప్రశాంతమైన, నిరాటంకమైన నిద్ర ఉండేది. అయితే, అదే సంవత్సరం ఆమె కుమార్తెలు శాశ్వతంగా ఆస్ట్రేలియాకు వెళ్లిన తరువాత, భావోద్వేగ ఒత్తిడి కారణంగా ఆమె రాత్రి నిద్ర 5 నుంచి 6 గంటలకు తగ్గిపోయింది. ఈ పరిస్థితి జూలై 2022 వరకు కొనసాగింది.

ప్రతిరోజూ మధ్యాహ్నం భోజనం అనంతరం ఒక గంట పాటు నిద్రపోయినప్పటికీ, రాత్రి సరిపడా నిద్ర లేకపోవడంతో ఆమె రోజంతా అలసట, మగతతో బాధపడుతూ, ఇంటి పనులు చేయడం కూడా కష్టంగా మారింది. అదనంగా, కళ్ల కింద నల్లటి వలయాలు (డార్క్ సర్కిల్స్) ఏర్పడ్డాయి. వీటికి కూడా తగినంత నిద్ర లేకపోవడమే కారణమని ఆమె భావించారు.

30 నవంబర్ 2024 న ఆమెకు ఈ క్రింది వైబ్రియానిక్స్ రెమెడీ ఇవ్వబడింది:

CC15.6 Sleep disorders… ప్రతి రాత్రి నిద్రకు అరగంట ముందు ఒక మోతాదు.

చికిత్స పురోగతి:

Ø  7 డిసెంబర్ 2024: రెమెడీ తీసుకున్న కొద్ది నిమిషాల్లోనే నిద్ర పట్టడం ప్రారంభమైంది.

Ø  15 డిసెంబర్ 2024: గత వారం రోజులుగా 4 నుంచి 5 గంటల పాటు నిరాటంకంగా, ప్రశాంతమైన నిద్ర లభించింది.

Ø  22 డిసెంబర్ 2024: గత వారం రోజులుగా 5 నుంచి 6 గంటల పాటు గాఢమైన నిద్ర లభించింది. పగటి సమయంలో ఉల్లాసంగా, శక్తివంతంగా అనిపించింది.

Ø  30 జనవరి 2025: రెమెడీ నిలిపివేయబడింది.

జూన్ 2025 నాటికి కూడా ఆమె ప్రశాంతమైన నిద్రను కొనసాగిస్తూ, సంపూర్ణ ఆరోగ్యంతో ఉన్నారు.  అంతేకాకుండా, కళ్ల కింద ఉన్న నల్లటి వలయాలు పూర్తిగా మాయమయ్యాయి.

అరికాళ్లలో మంట ^{11632...India}

2022 సెప్టెంబరులో, 54 ఏళ్ల వయస్సు గల ఒక పురుష ఉపాధ్యాయుడికి పాదాల అడుగుభాగంలో మంట ప్రారంభమైంది. ఇది ఆరు నెలల ముందు తీసుకున్న COVID-19 బూస్టర్ టీకా వల్ల వచ్చి ఉండవచ్చని భావించారు. ఉదయం ఈ మంట స్వల్పంగా ఉండేది, కానీ రోజు గడిచేకొద్దీ పెరిగి రాత్రికి భరించలేనంతగా మారేది. పాదాలను మంచు నీటిలో ఉంచితే తాత్కాలికంగా ఉపశమనం లభించేది. 2022 అక్టోబర్ 3న, సెన్సరీ నర్వ్ పరీక్షలు మరియు రక్త పరీక్షలు నిర్వహించగా నరాలకు ఎటువంటి నష్టం లేదని తేలింది. అయితే, యాదృచ్ఛిక రక్తంలో చక్కెర (Random Blood Sugar) 225 mg/dLగా ఉండటంతో ఆహార నియమాలు పాటించాలని, క్రమం తప్పకుండా వ్యాయామం చేయాలని వైద్యులు సూచించారు. పాదాల మంట కోసం మాత్రలు కూడా ఇచ్చారు. వాటిని రెండు నెలలు వాడినా ప్రయోజనం కనిపించలేదు.

2022 డిసెంబరులో, ఆయనకు విటమిన్ B12 లోపం ఉన్నట్లు నిర్ధారణ అయింది. దానికి B12 ఇంజెక్షన్లు ఇవ్వగా మంచి ఉపశమనం లభించింది. అయితే, ఒక నెల తర్వాత మళ్లీ పాదాల మంట తిరిగి వచ్చింది. ఇదే సమయంలో, రక్తంలో చక్కెర స్థాయిలు నిరంతరం ఎక్కువగా ఉండటంతో వైద్యులు మెట్ఫార్మిన్ మరియు గ్లైకోమెట్ మందులు ప్రారంభించారు. దీంతో మధుమేహం నియంత్రణలోకి వచ్చినప్పటికీ, పాదాల మంట మాత్రం కొనసాగింది. అందువల్ల, 2024 మే 6న ఆయన ఒక ప్రత్యామ్నాయ ప్రాక్టీషనర్ని సంప్రదించగా ఈ క్రింది చికిత్స అందించారు:

#1. CC3.7 Circulation + CC18.5 Neuralgia + CC20.4 Muscles & Supportive tissue…BD ఆవ నూనెతో బాహ్యంగా రాయడానికి

#2. CC10.1 Emergencies + CC12.1 Adult tonic + #1…TDS

చికిత్స పురోగతి:

Ø  9 మే 2024: అరికాలు మంట సుమారు 30% తగ్గుదల కనిపించింది.

Ø  19 మే 2024: ఉపశమనం 80% వరకు కలిగింది.

Ø  20 జూన్ 2024: అరికాలు మంట పూర్తిగా తగ్గిపోయింది. #1 పూర్తిగా నిలిపివేశారు.

Ø  19 జులై 2024: #2 ను OD కి తగ్గించారు. రోగి తన ఇష్టప్రకారం దానిని కొనసాగిస్తునే వున్నారు.

2025 జూన్ నాటికి, పాదాల మంట మళ్లీ తిరిగి రాలేదు మరియు రోగి ఆరోగ్యంగా ఉన్నారు. అయన మధుమేహం నియంత్రణ కోసం అల్లోపతి మందులను మాత్రం కొనసాగిస్తున్నారు.

అలర్జీ వల్ల ముక్కు వాపు (అలర్జిక్ రైనైటిస్) ^{11984...India}

48 సంవత్సరాల వయస్సు గల ఒక మహిళకు 2023 జనవరి నుంచి తరచుగా గొంతు చికాకు, కళ్లలో దురద, తుమ్ములు, స్వల్పంగా శ్వాస తీసుకోవడంలో ఇబ్బంది వంటి లక్షణాలు కనిపించేవి. ప్రతి ఎపిసోడ్ రెండు రోజుల పాటు కొనసాగేది. ముఖ్యంగా చలికాలంలో మరియు దుమ్ము ధూళికి గురైనప్పుడు, నెలకు 2–3 సార్లు ఈ సమస్య వచ్చేది. ఆమెకు చిన్నతనంలో ఆస్తమా ఉండేది. అయితే యుక్తవయస్సు వచ్చిన తర్వాత అది సహజంగానే తగ్గిపోయింది.

గత కొన్ని నెలలుగా ఆమె మూలికా (హెర్బల్) మందులను ఉపయోగిస్తూ, తీవ్రమైన లక్షణాలు వచ్చినప్పుడు అల్లోపతి మందులు కూడా తీసుకునేది. అయినప్పటికీ, వాటివల్ల శాశ్వత ఉపశమనం లభించలేదు. శాశ్వత పరిష్కారం కోసం, ఆమె 13 జనవరి 2024న నిర్వహించిన నెలవారీ వైబ్రియోనిక్స్ శిబిరాన్ని సందర్శించింది. అక్కడ ఆమెకు ఈ క్రింది రెమెడీలు ఇవ్వబడ్డాయి:

CC19.2 Respiratory allergies + CC19.3 Chest infections chronic + CC19.6 Cough chronic…TDS

చికిత్స పురోగతి:

• 13 ఫిబ్రవరి 2024: ఒకసారి మాత్రమే లక్షణాలు వచ్చి ఒక్క రోజు మాత్రమే కనిపించాయి.
• 14 మార్చి 2024: చాలా స్వల్పంగా లక్షణాలు కనిపించి కొన్ని గంటల్లోనే తగ్గిపోయాయి.
• 14 ఏప్రిల్ 2024: లక్షణాలు పూర్తిగా పోయాయి. దీంతో రెమెడీ మోతాదును OD కు తగ్గించారు.
• 14 మే 2024: క్రమంగా మోతాదు తగ్గిస్తూ OW కు మార్చారు.

2025 జూన్ నాటికి, ఈ సమస్య మళ్లీ రాలేదు. ప్రస్తుతం రోగి OW కొనసాగిస్తున్నారు.

తోక ఎముక డిస్లోకేషన్ నొప్పి (టైల్ బోన్ డిస్లోకేషన్, పెయిన్) ^{11618...India}

25 సంవత్సరాల వయస్సు గల ఒక యువకుడు 2022 మార్చి 10న బైక్ ప్రమాదానికి గురయ్యాడు. వైద్య పరీక్షల్లో, ప్రమాదం కారణంగా తోక ఎముక (కాక్సిక్స్) తన స్థానాన్ని కోల్పోయి (Dislocation) నిటారుగా మారినట్లు నిర్ధారణ అయింది. వైద్యులు ఈ గాయం 6 నుంచి 12 నెలల్లో సహజంగానే మానిపోతుందని తెలిపారు. నొప్పి తగ్గించడానికి ఆరు నెలల పాటు నొప్పి నివారణ మాత్రలు వాడాలని, అలాగే కూర్చునేటప్పుడు ఒత్తిడి తగ్గించడానికి ప్రత్యేకంగా రూపొందించిన కుషన్ ఉపయోగించాలని సూచించారు.

అయితే, నొప్పి నివారణ మాత్రలను ఎక్కువ కాలం వాడడం వల్ల వచ్చే దుష్ప్రభావాల గురించి ఆందోళన చెందిన రోగి వాటిని తీసుకోలేదు. దీంతో అతనికి కూర్చున్నప్పుడు , ఐదు నిమిషాలు నిలబడినా, కూర్చొని లేచేటప్పుడు, ద్విచక్ర వాహనాన్ని నడిపేటప్పుడు తీవ్రమైన నెప్పి వచ్చేది. ఈ సమస్యల వల్ల అతని చదువు, పార్ట్టైమ్ ఉద్యోగం, డాన్స్ కార్యకలాపాలు తీవ్రంగా దెబ్బతిన్నాయి. నొప్పి మరియు కదలికల పరిమితి కారణంగా మానసిక ఒత్తిడి, ఆందోళన కూడా పెరిగాయి.

అతనికి గతంలో వైబ్రియోనిక్స్ చికిత్స వల్ల మంచి ఫలితాలు వచ్చినందున, అదే ప్రాక్టీషనర్ని సంప్రదించాడు. అదనంగా, గత 5–6 సంవత్సరాలుగా వారానికి ఒకటి లేదా రెండు సార్లు మలబద్ధకం (గట్టి మలం) కూడా ఉంటుందని తెలిపాడు. 23 మార్చి 2022న, అతనికి ఈ క్రింది చికిత్స ఇవ్వబడింది:

CC4.4 Constipation + CC10.1 Emergencies + CC20.4 Muscles & Supportive tissue + CC20.5 Spine + CC20.7 Fractures…TDS మరియు బాహ్యముగా రాసుకోవడానికి కొబ్బరినూనెలో…BD

చికిత్స పురోగతి:

• 6 ఏప్రిల్ 2022: నొప్పి 50% తగ్గింది. 15–20 నిమిషాల పాటు సౌకర్యంగా కూర్చోగలిగాడు.
• 7 మే 2022: నొప్పి 85% తగ్గింది. 2–3 గంటల పాటు సులభంగా కూర్చోగలిగాడు. మలబద్ధకం కూడా పూర్తిగా తగ్గిపోయింది.
• 20 మే 2022: ఎక్స్-రే రిపోర్ట్ ప్రకారం తోక ఎముక మళ్లీ తన సహజ స్థానానికి మరియు వంపుకు చేరుకుంది. దీంతో రోగి ఎంతో ఆనందించాడు.
• 30 మే 2022: నొప్పి పూర్తిగా తగ్గిపోయింది. 
• 30 జూన్ 2022: రెమెడీ మోతాదును BD కు తగ్గించారు. బాహ్యంగా రాసే చికిత్సను నిలిపివేశారు. రోగి మళ్లీ ఎలాంటి అసౌకర్యం లేకుండా డాన్స్ తో సహా తన సాధారణ రోజువారీ పనులను ప్రారంభించాడు.
• 30 ఆగష్టు 2022: మోతాదును క్రమంగా తగ్గిస్తూ చికిత్సను పూర్తిగా నిలిపివేశారు. 

2025 జూన్ నాటికి, ఈ నొప్పి మళ్లీ తిరిగి రాలేదు.

పోషకాహార లోపం వల్ల వచ్చే చర్మ వ్యాధి ^{11632...India}

2024 మార్చిలో, 15 సంవత్సరాల వయస్సు గల ఒక బాలిక చేతులు మరియు కాళ్లపై చర్మం పొరలుగా ఊడిపోవడం ప్రారంభమైంది. తరువాతి రెండు నెలల్లో ఈ సమస్య మరింత తీవ్రమై, ప్రభావిత ప్రాంతాల్లో దురద కూడా ఏర్పడింది. 6 జూన్ 2024 న, డెర్మటాలజిస్ట్ ఆమెకు ఇక్తియోసిస్ వల్గారిస్ (Ichthyosis Vulgaris) అని నిర్ధారించి, 30 రోజుల పాటు నోటితో తీసుకునే మందులు మరియు ఒక చర్మ క్రీమ్ను సూచించారు. క్రీమ్ వల్ల కొంత ఉపశమనం లభించినప్పటికీ, మాత్రలు తీసుకోవడం వల్ల వికారం రావడంతో ఆమె 10 రోజులకే వాటిని నిలిపివేసింది. ఆ తర్వాత ఆమె చర్మ సమస్య మరింత తీవ్రమైంది.(చిత్రం చూడండి)

16 జూన్ 2024న చేసిన రక్త పరీక్షల్లో, హీమోగ్లోబిన్ (Hb) స్థాయి 9.5 g/dLగా ఉండి రక్తహీనత (అనీమియా) ఉన్నట్లు, విటమిన్ D స్థాయి కూడా తక్కువగా ఉన్నట్లు తేలింది. మెడికల్ కాలేజ్ ప్రవేశ పరీక్షల కోసం తీవ్రంగా చదవడం వల్ల ఆమె తీవ్రమైన మానసిక ఒత్తిడికి గురైంది. దీని కారణంగా భోజనం సరిగా చేయకపోవడం, పోషకాహార లోపం ఏర్పడింది. అంతేకాక, చిన్నప్పటి నుంచే ఆకుకూరలను చూస్తే వికారం కలిగేది, అందువల్ల వాటిని తినలేకపోయేది.

20 జూన్ 2024 న, ఆమె వైబ్రియోనిక్స్ ప్రాక్టీషనర్ని సంప్రదించగా ఈ క్రింది చికిత్స ఇవ్వబడింది:

#1. CC21.1 Skin tonic + CC21.3 Skin allergies + CC21.5 Dry Sores + Potentised sunrays…BD బాహ్యముగా రాయడానికి కొబ్బరినూనెతో

#2. CC3.1 Heart tonic + CC4.10 Indigestion + CC12.1 Adult tonic + CC12.4 Autoimmune diseases + CC15.1 Mental & Emotional tonic + #1…TDS

చికిత్స పురోగతి

• 25 జులై 2024: చర్మం ఊడిపోవడం మరియు దురదలో 40% మెరుగుదల కనిపించింది. అయితే ఆకుకూరలను చూస్తే వికారం మాత్రం కొనసాగింది.
• 31 జులై 2024: #2 ను #3గా మార్చారు. Potentised Green Leafy Vegetables + #2 TDS.
• 5 సెప్టెంబర్ 2024: చర్మ సమస్యలో 50% మెరుగుదల కనిపించింది. ఆకుకూరలను చూసినప్పుడు వచ్చే వికారం కూడా సగానికి తగ్గి, కొద్దికొద్దిగా ఆకుకూరలు తినగలిగింది.
• 10 అక్టోబర్ 2024: అన్ని లక్షణాలు పూర్తిగా తగ్గిపోయాయి(చిత్రం తా. 15 అక్టోబర్ 2024 చూడండి). రక్త పరీక్షలో హీమోగ్లోబిన్ స్థాయి 13.0 g/dLకు పెరిగింది (రిపోర్ట్ వుంది).
• 7 నవంబర్ 2024: #1 మరియు #3 మందుల మోతాదును OD కు తగ్గించారు.
• 29 జనవరి 2025: #3 క్రమంగా తగ్గిస్తూ పూర్తిగా నిలిపివేశారు.

2025 జూన్ నాటికి, ఈ సమస్య మళ్లీ రాలేదు. ప్రస్తుతం ఆమె ఆరోగ్యంగా ఉండి, #1 ను OD గా కొనసాగిస్తోంది.

            20 జూన్ 2024                            15 అక్టోబర్ 2024

సాధకుని వివరములు ^{03560...India}

ప్రాక్టీషనర్ ^{03560…India} ఫిజిక్స్ లో డిగ్రీ, సిస్టమ్స్ డెవలప్‌మెంట్‌లో పీజీ డిప్లొమా పొందారు. ఫార్మాస్యూటికల్ సేల్స్ విభాగంలో తన వృత్తి జీవితాన్ని ప్రారంభించి, అనంతరం IT రంగంలోకి ప్రవేశించి, అమెరికాలో పోర్ట్‌ఫోలియో మేనేజర్ హోదా వరకు ఎదిగారు.

2015లో ఆయన అత్తగారు భారతదేశం నుండి స్వామివారి చిత్రపటాన్ని తీసుకువచ్చి వారి ఇంటి పూజామందిరంలో ప్రతిష్ఠించినప్పటి నుండి ఆయనకు శ్రీ సత్యసాయి బాబాతో అనుబంధం ప్రారంభమైంది. ఆ సమయంలో స్వామివారి గురించి ఆయనకు పెద్దగా పరిచయం లేదు. అయన భార్య యొక్క సౌలుజర్నస్ కార్యక్రమాలపై గల ఆసక్తి, వాట్సాప్ వీడియోలు, అలాగే అప్పుడప్పుడు స్థానిక సాయి కేంద్రానికి వెళ్లడం వంటి వాటి వల్ల ఆయనకు స్వామివారి గురించి కొంత అవగాహన ఏర్పడింది.

అయితే, 2017 మార్చిలో ఆయన జీవితంలో ఒక కీలక మలుపు తిరిగింది. ఆయన భార్య పన్నెండు సంవత్సరాలుగా కీళ్లవాతం (ఆర్థ్రైటిస్)తో బాధపడుతున్నారు. అలోపతి, ఆయుర్వేద చికిత్సలు తీసుకున్నప్పటికీ ఆశించిన ఉపశమనం లభించలేదు. ఒక రోజు Souljournsలో "What is Vibrionics" వీడియోను చూసిన తరువాత వారు ఒక వైబ్రియానిక్స్ ప్రాక్టీషనర్ని సంప్రదించారు. మొదట నాలుగు వారాల పాటు శరీరము నుండి విషపదార్థములు (టాక్సిన్స్) తొలగించడం కోసం రెమెడీ ఇచ్చి, తరువాత ఆర్థ్రైటిస్‌కు సంబంధించిన రెమెడీ TDS అందించారు. కేవలం రెండు నెలల్లోనే ఆమె ఆరోగ్యం 80 శాతం మెరుగుపడింది.

ఈ అద్భుతమైన కోలుకోవడం ఆయన హృదయాన్ని ఎంతగానో స్పృశించింది. స్వామివారి పట్ల విశ్వాసం, సంపూర్ణ సమర్పణ మరింత పెరిగి, వైబ్రియానిక్స్ ద్వారా మరెంతో మంది ప్రయోజనం పొందాలని ఆయనలో బలమైన అంతరంగ ప్రేరణ కలిగింది. 2017 అక్టోబరులో ఆయన AVP శిక్షణ పూర్తి చేశారు. ప్రారంభంలో అమెరికాలో రోగులను కనుగొనడం కష్టంగా అనిపించింది. రోజుకు కనీసం ఒక్క రోగినైనా పంపించాలని ఆయన స్వామివారిని ప్రార్థించారు. ఆ ప్రార్థనకు త్వరలోనే ఫలితం లభించింది. కొద్ది కాలంలోనే ఆయన వారాంతాలు రోగులతో నిండిపోయాయి. అలాగే అయన స్థానిక సాయి కేంద్రంలో నారాయణ సేవ, ఆఫ్రికాకు పంపేందుకు కళ్లద్దాలను శుభ్రపరచేటటు వంటి సేవ వంటి కార్యక్రమాలలో కూడా చురుకుగా పాల్గొన్నారు.

2019లో, 57 సంవత్సరాల వయస్సులోనే ముందస్తు పదవీ విరమణ చేసి, భారతదేశంలో వున్న వారి వృద్ధ కుటుంబ సభ్యుల సంరక్షణతో పాటు వైబ్రియానిక్స్ సేవకు పూర్తిస్థాయిలో అంకితమయ్యారు. 2020 జనవరిలో VP, 2022 మార్చిలో SVPగా ఎదిగారు. అనంతరం పరిపాలనా బాధ్యతలు పెరగడంతో రోగుల సంఖ్యను తగ్గించాలని స్వామివారిని ప్రార్థించారు. స్వామివారు ఆయన ప్రార్థనకు స్పందించి, ప్రత్యక్ష వైద్యసేవ నుండి సంస్థకు అత్యంత కీలకమైన IT సేవ వైపు ఆయనను మళ్లించారు.

ప్రస్తుతం సంస్థలోని ఐదుగురు గవర్నర్లలో ఒకరిగా, SVIRT కార్యదర్శిగా వివిధ బాధ్యతలను నిర్వహిస్తున్నారు. సంస్థకు సంబంధించిన ఐటీ వ్యవస్థలు, మూడు ఆన్‌లైన్ యాప్‌లు, కేంద్రీకృత డేటా నిల్వ, ఇ-మెయిల్ వ్యవస్థలు, డేటాబేస్ నిర్వహణ, ద్వైమాసిక వార్తాలేఖ రూపకల్పన, దానిని పలు భాషల్లోకి అనువదించే ప్రక్రియ సమన్వయం వంటి బాధ్యతలను నిర్వహిస్తున్నారు. అదనంగా, స్వామివారి శతజయంతి సందర్భంగా సమర్పించబోయే మూడు వైబ్రియానిక్స్ గ్రంథాల కోసం వ్యాసాలను సేకరించే పనిలో కూడా చురుకుగా పాల్గొంటున్నారు. ఆయన అంకితభావం, సాంకేతిక నైపుణ్యం వైబ్రియానిక్స్ బృందానికి అమూల్యమైన ఆస్తిగా నిలిచాయి.

తన AVP శిక్షణ ప్రారంభ దశలో జరిగిన ఒక ఆసక్తికరమైన సంఘటనను ఆయన గుర్తుచేసుకుంటారు. 2018లో, 65 సంవత్సరాల వయస్సు గల తన బావమరిదికి కుడికాలిపై తీవ్రమైన గాయం ఏర్పడి రక్తస్రావం జరుగుతుండేది. నొప్పితో కుంటుతూ నడుస్తున్నప్పటికీ, "ఇవి కేవలం చక్కెర మాత్రలే" అని నోటి ద్వారా తీసుకునే వైబ్రియానిక్స్ మందులను ఆయన తిరస్కరించారు. ఆ రాత్రి ప్రాక్టీషనర్  "Move Well" రెమెడీ కలిపిన నీటిని గాయంపై స్ప్రే చేశారు. మరుసటి ఉదయం తనకు ఏ మార్పు వచ్చిందో కూడా తెలియకుండా ఆయన ఎటువంటి నొప్పి లేకుండా, కుంటకుండా వైద్యుని వద్దకు నడుచుకుంటూ వెళ్లారు. పరీక్షించిన వైద్యుడు గాయం ఆనవాళ్లు కూడా కనిపించకపోవడంతో, ఇది ఒక అద్భుతమైన కోలుకోవడమని ఆశ్చర్యపోయాడు. ఆ సంఘటనతో ఆయన బావమరిది సందేహాలన్నీ తొలగిపోయాయి. ఆ తరువాత మూత్రాశయ క్యాన్సర్ చికిత్స సమయంలో కూడా వైబ్రియానిక్స్‌ను తరచుగా ఉపయోగించి మంచి ఫలితాలను పొందారు.

ఇలాంటి ఎన్నో అద్భుతమైన స్వస్థతలను ఆయన ప్రత్యక్షంగా చూశారు. 2019లో, ఏడు సంవత్సరాలుగా రోజుకు కేవలం నాలుగు గంటలే నిద్రపోగలిగిన 53 ఏళ్ల మహిళకు, పడుకునే సమయంలో అరగంట వ్యవధితో CC15.1 Mental & Emotional Tonic మరియు CC15.6 Sleep Disorders నాలుగు మోతాదులు ఇచ్చారు. కేవలం ఒక రోజులోనే ఆమె నిద్రలేమి పూర్తిగా తగ్గిపోయింది. అలాగే, వెన్నెముక సమస్యలు మరియు విఫలమైన శస్త్రచికిత్స కారణంగా నాలుగు సంవత్సరాలుగా మంచానికే పరిమితమైన 61 ఏళ్ల మహిళకు CC10.1 Emergencies + CC12.1 Adult Tonic + CC15.1 Mental & Emotional Tonic + CC18.5 Neuralgia + CC20.5 Spine + CC20.7 Fractures కేవలం 15 రోజుల పాటు ఇచ్చారు. అనంతరం ఆమె స్వయంగా నడవడం ప్రారంభించారు. రద్దీ వాతావరణంలో తీవ్రమైన తలతిరుగుడు కారణంగా రెండేళ్లుగా ఇంటి బయటకు వెళ్లడానికి కూడా భయపడుతున్న 55 ఏళ్ల మహిళకు CC18.7 Vertigo ఇచ్చారు. ఐదు నెలల్లోనే ఆమె పూర్తిగా కోలుకున్నారు.

మానసిక ఆందోళనతో బాధపడే రోగులకు ఆయన తరచుగా CC15.1 Mental & Emotional Tonic + CC17.2 Cleansingను నీటి స్ప్రే రూపంలో ఇచ్చి, దానిని "ఫీల్ గుడ్ స్ప్రే" అని పిలుస్తారు. ప్రతిరోజూ తమపై స్ప్రే చేసుకోవడం, వారానికి ఒకసారి ఇంటి చుట్టూ కూడా స్ప్రే చేయడం వల్ల ప్రతికూల శక్తులు తొలగి మంచి ఫలితాలు వస్తాయని ఆయన నమ్ముతారు. అనేక శారీరక వ్యాధులకు మూలం మనస్సేనని ఆయన విశ్వసిస్తారు. చర్మవ్యాధుల రెమెడీలను తయారు చేసే సమయంలో CC4.2 Liver & Gallbladder టానిక్ ను కలపడం వల్ల గాయాలు త్వరగా మానుతాయని ఆయన చెబుతారు. కీళ్ల నొప్పుల విషయంలో నూనె కంటే నీటితో తయారుచేసిన స్ప్రేలు మరింత ప్రభావవంతంగా పనిచేస్తాయని ఆయన అనుభవం.

కాలక్రమేణా రెమెడీల ఎంపికలో తర్కం కంటే అంతర్‌ప్రేరణపై ఎక్కువగా ఆధారపడడం నేర్చుకున్నారు. వైద్యం ఫలప్రదంగా ఉండేందుకు అవసరమైన జీవనశైలి సూచనలపై కూడా నిరంతరం అవగాహన పెంచుకుంటున్నారు. దూరప్రాంతాల్లో ఉన్న రోగులకు ఫోన్ ద్వారా సంప్రదింపులు జరుపుతూ, రెమెడీస్ని కొరియర్ ద్వారా పంపి అవి చేరుకునేలోపు వారికి వెంటనే ప్రసారం (Broadcasting) ద్వారా వ్యాధినుండి కోలుకోవడానికి ప్రయత్నిస్తారు.

అతను ప్రతి ఒక్కరినీ వైబ్రియానిక్స్ దృక్కోణంలో చూస్తారు — వారికి ఎలా ఉత్తమంగా సహాయం చేయగలరో ఆలోచిస్తారు. ఫలితంగా, ఇప్పుడు అతని స్నేహితులు మరియు కుటుంబ సభ్యులు అన్ని రకాల తీవ్రమైన అనారోగ్య సమస్యల కోసం ముందుగా వైబ్రోను ఆశ్రయిస్తున్నారు; తరచుగా వారికి మరే ఇతర చికిత్స కూడా అవసరం పడటం లేదు. వైబ్రియానిక్స్‌లోని సరళత మరియు ప్రభావశీలత కారణంగా, అది స్వతంత్రంగా లేదా ఇతర చికిత్సా విధానాలతో కలిపి, ఒక ప్రాథమిక వైద్య విధానంగా సేవలందించగలదని ఆయన విశ్వసిస్తున్నారు.

వైబ్రియానిక్స్ తనను మరింత దయగల వ్యక్తిగా మార్చిందని, వస్తువుల కంటే మనుషులకు ఎక్కువగా విలువ ఇవ్వడం నేర్పిందని ఆయన చెబుతారు. ఆయన అభిప్రాయం ప్రకారం వైద్యం విజయవంతం కావడానికి రెండు మూలస్తంభాలు ఉన్నాయి— ప్రాక్టీషనర్ విశ్వాసం, రోగి కోలుకుంటాననే నమ్మకం. రోగికి ధైర్యం చెప్పడమే చికిత్సలో సగం భాగాన్ని పూర్తి చేస్తుందని, మిగతా పని రెమెడీ చేస్తుందని ఆయన నమ్మకం.

వైబ్రియానిక్స్ సంస్థ సజావుగా నడవాలంటే ప్రతి ప్రాక్టీషనర్ అడ్మినిస్ట్రేటివ్ సేవలకు కూడా కొంత సమయం కేటాయించాలని ఆయన గట్టిగా సూచిస్తున్నారు.

తోటి ప్రాక్టీషనర్లుకు ఆయన సందేశం: “సేవ పట్ల అంకితభావంతో కొనసాగండి. మిగతాదంతా విశ్వమే చూసుకుంటుంది.”

Cases to share:

• బోదకాలు, ఫైలేరియా వల్ల కలిగిన కీళ్లవాతం
• మడమ ఎముక ముళ్లు (కాల్కానియల్ స్పర్స్ ), గుండ్రటి మచ్చలుగా జుట్టు రాలడం

సాధకుని వివరములు ^{11598...India}

 ప్రాక్టీషనర్ ^{11598…India}  బీఎస్సీ, బెంగాలీ భాషలో బీఏ (ఆనర్స్) పట్టాలను పొందారు. వృత్తిరీత్యా చిత్రకళ ఉపాధ్యాయులు. సృజనాత్మకతకు ప్రతిరూపమైన ఆయనకు గానం, కవితలు మరియు పాటలు రచించడం, సంగీత స్వరరచన చేయడం ఎంతో ఇష్టం. చిత్రలేఖనంపై నాలుగు పుస్తకాలను రచించారు. ప్రయాణాలు చేయడం, జంతువులను ప్రేమించడం ఆయన అభిరుచులు. సామాజిక సేవ పట్ల ప్రత్యేక ఆసక్తి కలిగిన ఆయన, నిరుపేద పిల్లలకు ఉచితంగా చిత్రకళను బోధించడంతో పాటు వీధి జంతువులకు ఆహారం అందిస్తుంటారు.

ప్రకృతిని అమితంగా ప్రేమించే ఆయన తన ఇంటి పరిసరాల్లో సుమారు 200 రకాల మొక్కలు, వృక్షాలు, వాటిలో 65 రకాల కాక్టస్ మొక్కలు పెంచుతూ ఒక సుందరమైన ఉద్యానవనాన్ని అభివృద్ధి చేశారు. అంతేకాక, ఒక స్వచ్ఛంద సేవా సంస్థ (NGO)ను స్థాపించి అనేక సామాజిక సేవా కార్యక్రమాలకు నాయకత్వం వహిస్తున్నారు. వాటిలో బంగాళాఖాతంలోని సుందర్‌బన్స్ దీవుల్లో 83,000కు పైగా మాంగ్రూవ్ అడవి మొక్కలు నాటడం, రక్తదాన శిబిరాలు నిర్వహించడం, కోవిడ్ లాక్‌డౌన్ సమయంలో భాబా పాగ్లా ఆశ్రమం సహకారంతో పేదలకు అన్నదానం చేయడం, కోవిడ్ రోగులకు ఆక్సిజన్ మరియు అలోపతి మందులు అందించడం, అలాగే అంఫాన్ తుఫాను బాధితులకు ఆహారం, వస్త్రాలు పంపిణీ చేయడం వంటి విశేష సేవా కార్యక్రమాలు ఉన్నాయి.

చిన్ననాటి నుంచే ఆయనకు ఆధ్యాత్మికత పట్ల ప్రత్యేక ఆకర్షణ ఉంది. ప్రతిరోజూ ఉదయం తన ఇంటిలోని ఆలయంలో అమ్మవారు కాళీమాతను భక్తిశ్రద్ధలతో ఆరాధిస్తారు. ఆయన కుమార్తె బాలవికాస్ విద్యార్థిని కావడంతో సాయి మార్గంతో ఆయనకు పరిచయం ఏర్పడింది. స్థానిక సాయి వైద్య శిబిరాలలో చురుకైన సేవాదళ్ సభ్యుడిగా సేవలందిస్తున్నారు. 2012 నుండి ప్రతి సంవత్సరం డిసెంబరులో ప్రశాంతి నిలయాన్ని సందర్శిస్తూ, సేవాదళ్ బృంద నాయకుడిగా సేవ చేస్తున్నారు.

యుక్తవయస్సులోనే పేదలకు వైద్యసేవ చేయాలనే సంకల్పంతో వైద్యుడిగా మారాలని కలలు కనేవారు. ఆ సంకల్పంతో 2013 నుండి హోమియోపతి, అలోపతి వైద్యులకు సహాయకుడిగా సేవలందించడం ప్రారంభించారు. 2017లో బాబా ఆశ్రమంలో ఒక వైబ్రియానిక్స్ ప్రాక్టీషనర్ని కలుసుకున్నారు. ఆయన ద్వారా వైబ్రియానిక్స్ గురించి తెలుసుకొని ఆసక్తి పెంచుకున్నారు. అనంతరం డా. జిత్ కె. అగర్వాల్‌ను సంప్రదించగా, ఆయన ప్రోత్సాహంతో AVP కోర్సులో చేరి 2018 గురుపూర్ణిమ సందర్భంగా శిక్షణను విజయవంతంగా పూర్తి చేశారు.

“మానవ సేవయే మాధవ సేవ” అనే స్వామివారి బోధనను జీవిత సూత్రంగా భావించి, అపార భక్తి, సమర్పణతో వైద్యసేవ అందిస్తున్నారు. ఒక రోగి కోలుకోవడాన్ని చూడటం తనకు “స్వర్గానుభూతి” తో సమానమని ఆయన చెబుతారు. మరింత మంది రోగులకు సేవ చేసే అవకాశం కల్పించాలని ఎన్నోసార్లు స్వామివారిని ప్రార్థించగా, వెంటనే కొత్త రోగులు రావడం ఆయన గమనించారు. కొన్నిసార్లు లక్షణాల ఆధారంగా ఒక రెమెడీ ఎంచుకున్నప్పటికీ, 108CC పెట్టెలో ఆయన వేళ్లు మరో సీసా వైపు మళ్లడం జరిగింది. దానిని స్వామివారి ప్రత్యక్ష మార్గదర్శకత్వంగా ఆయన భావిస్తారు.

తనకు ఎంతో గుర్తుండిపోయిన కొన్ని స్వస్థత అనుభవాలను ఆయన పంచుకుంటున్నారు. జూన్ 2023లో, 48 సంవత్సరాల వయస్సు గల ఒక పొరుగువ్యక్తి కుడి పై దవడలో తీవ్రమైన పంటి నొప్పి, చిగుళ్ల వాపుతో బాధపడుతూ ఆయనను సంప్రదించారు. నొప్పి భరించలేనంతగా ఉంది. ఆయనకు CC11.5 Mouth Infections + CC11.6 Tooth Infections ఇచ్చారు. మరుసటి ఉదయమే ఆ రోగి ఆశ్చర్యంతో వచ్చి, కేవలం ఒక మాత్ర తీసుకున్న వెంటనే నొప్పి పూర్తిగా తగ్గిపోయిందని, మళ్లీ తిరిగి రాలేదని చెప్పారు. చిగుళ్ల వాపు మొదటి రోజే 20% తగ్గి, ఒక వారంలో పూర్తిగా నయమైంది.

మరో సంఘటనలో, ఆగస్టు 2018లో 37 సంవత్సరాల వయస్సు గల ఒక మహిళ రుతుక్రమ సమస్యలతో ఆయనను సంప్రదించారు. గత మూడు నెలలుగా ఆమెకు అధిక యోని స్రావం ఉండేది. అదనంగా, ప్రతి నెలలో రెండు సార్లు బహిష్టు వచ్చేది. ప్రతిసారి 5–6 రోజుల పాటు అధిక రక్తస్రావం, తీవ్రమైన నొప్పితో బాధపడుతూ, బలహీనతతో పాటు తీవ్రమైన ఆందోళనకు గురయ్యారు. ఆమెకు CC8.5 Vagina & Cervix + CC8.7 Menses Frequent + CC12.1 Adult Tonic + CC15.1 Mental & Emotional Tonic ఇచ్చారు. కేవలం నాలుగు రోజులకే యోని స్రావం 60% తగ్గి, వారం రోజుల్లో పూర్తిగా ఆగిపోయింది. చికిత్స ప్రారంభించిన నెల రోజుల తరువాత ఆమె ఎంతో ఆనందంగా వచ్చి, ఆ నెలలో రెండోసారి బహిష్టు రాలేదని, బలహీనత కూడా పూర్తిగా తగ్గిపోయిందని తెలిపారు. మరో నెల రోజుల పాటు రెమెడీ కొనసాగించారు. అప్పటి నుండి ఆ సమస్య మళ్లీ రాలేదు.

తన అనుభవంలో, అనేక మంది రోగుల రెమెడీలకు CC10.1 Emergencies జోడించడం ద్వారా మంచి ఫలితాలు లభిస్తున్నాయని ఆయన చెబుతారు. ఇటీవలి కాలంలో ఫిస్టులా, మొలలు (పైల్స్), చర్మంపై ఏర్పడే మచ్చలు వంటి సమస్యలకు CC2.3 Tumours & Growths ను కలిపి ఇవ్వడం ద్వారా కూడా ప్రోత్సాహకరమైన ఫలితాలు పొందుతున్నారు.

వైబ్రియానిక్స్ ప్రాక్టీషనర్ గా మారిన తరువాత తన జ్ఞానం ఎంతో విస్తరించిందని ఆయన చెబుతారు. సాధారణ వ్యాధుల గురించి ముందే తెలిసినప్పటికీ, వైబ్రియానిక్స్ ద్వారా మరెన్నో వ్యాధుల గురించి తెలుసుకున్నారు. అంతేకాక, వైద్య పరీక్షల నివేదికలను అర్థం చేసుకోవడం, సాధారణ ప్రమాణాలను గుర్తించడం కూడా నేర్చుకున్నారు.

తన వద్దకు వచ్చే ప్రతి రోగికి కుటుంబ సభ్యుడిలా ఆప్యాయ వాతావరణం కల్పించడానికి ఆయన ప్రయత్నిస్తారు. చిరునవ్వుతో, ప్రేమతో పలకరించడం వల్ల రోగులు సులభంగా మనసు విప్పి మాట్లాడతారని, దాంతో వ్యాధి మూల కారణాన్ని సులభంగా గుర్తించగలుగుతున్నానని ఆయన చెబుతారు.

చిత్రకళ ఉపాధ్యాయుడిగా ఉండడం వల్ల తన విద్యార్థులు, వారి కుటుంబాలకు కూడా వైబ్రియానిక్స్ ప్రయోజనాలను అందించే అవకాశం ఆయనకు లభిస్తోంది. కోవిడ్ మహమ్మారి సమయంలో తన ప్రాంతంలోని ప్రజలకు పెద్ద మొత్తంలో ఇమ్యూనిటీ బూస్టర్ రెమెడీలు, మాస్కులు పంపిణీ చేశారు.

మొక్కల పెంపకం కార్యక్రమాల్లో కూడా ఆయన స్వయంగా విత్తనాల నుండి లేదా అంటుకట్టడం ద్వారా మొక్కలను పెంచుతూ “సాయిరాం” నామస్మరణ, సాయి గాయత్రి జపం చేస్తారు. అవసరమైనప్పుడు CC1.2 Plant Tonicను కూడా ఉపయోగిస్తారు.

వైబ్రియానిక్స్ సేవను స్వామివారు తనకు ప్రసాదించిన దివ్య అవకాశంగా, గత జన్మల పుణ్యఫలంగా ఆయన భావిస్తారు. ఈ సేవ తనను మరింత ప్రశాంతమైన, వినయపూర్వకమైన, కరుణామయమైన వ్యక్తిగా మార్చిందని ఆయన అంటారు. తోటి ప్రాక్టీషనర్లకు ఆయన హృదయపూర్వక సందేశం: “మన సేవను స్వీకరించడానికి స్వామివారే ప్రతి రోగి రూపంలో మన ఇంటి గుమ్మం వద్దకు వస్తారు. ప్రతి రోగిలో స్వామివారి ప్రతిబింబాన్ని చూడండి. ఆయన మన నుండి కోరేది ఒక్కటే—ప్రేమ.”

పంచుకోవలసిన కేసులు

• శ్వాసకోశ అలెర్జీ
• ఇన్‌ఫెక్షన్‌తో కూడిన అనల్ ఫిస్టులా (మలద్వారం వద్ద ఏర్పడేకణుపు)