భగవాన్ శ్రీ సత్య సాయి బాబా వారి అద్భుతమైన 90వ జన్మ దినోత్సవ సందర్భంగా 90 కేసు చరిత్రలతో స్వామికి ప్రేమతో సమర్పించే ప్రత్యేక సంచిక . 

90వ జన్మదిన ప్రత్యేక సంచిక:

ప్రియమైన ప్రాక్టీషనర్లకు,

సాయి వైబ్రియానిక్స్ వార్తాలేఖ యొక్క ఈ ప్రత్యేక సంచిక మన ప్రియమైన స్వామి 90వ జన్మదినోత్సవాన్ని గుర్తు చేస్తుంది. స్వామి పుట్టినరోజు నాడు స్వామికి సమర్పించిన 90 కేసు చరిత్రలు ఇందులో ఉన్నాయి. ప్రత్యేక సమర్పణ క్రింద పొందుపరచబడింది.

ఈ బాహ్య ప్రపంచంలో ఎల్లప్పుడూ ద్వంద్వత్వము సహజమని మన ప్రియమైన స్వామి బోధించారు. మంచి మరియు చెడు, బాధ మరియు ఆనందం, అనారోగ్యం మరియు ఆరోగ్యము ఎల్లప్పుడూ వుంటాయి. మానవులకు వారి బాధలనుండి ఉపశమింప చేయుటకు  ‘సాయి వైబ్రియానిక్స్’ మన స్వామి యొక్క దివ్య హస్తం నుండి సృష్టించబడిన అమోఘమైన వరం. దీనిని ఆచరించడానికి ఆశీర్వదింప బడిన వారి దివ్యహస్తములో పనిముట్ల వంటి మనము, చికిత్స చేయించుకొనడానికి మన వద్దకు వచ్చే రోగులకు ఇది ఎంత విలువైన బహుమతో మనం తెలుసుకోవాలి.  ప్రేమ మూర్తులయిన అభ్యాసకులుగా స్వామి సేవకు పునరంకిత మవుదాం.

 ఈ ప్రత్యేక సమర్పణ కోసం అభ్యాసకులు పంపిన కేసులను సమీక్షించడంలో స్వస్థత పొందిన రోగులలో వైవిద్యం, చికిత్స పొందిన వివిధ రకాల అనారోగ్యాలు, మరియు అభ్యాసకులు అందించిన చికిత్స రకాలు మమ్మల్ని అవాక్కయ్యేలా చేసాయి. ఈ అన్ని సందర్భాల్లోనూ సాధారణమైన విషయం ఏమిటంటే చికిత్సలో చూపించిన ప్రేమ యొక్క ప్రాముఖ్యత, అభ్యాసకులు తమ రోగులపై చూపే ప్రేమ మరియు సంరక్షణ ఒక కేసు తర్వాత మరొక కేసుకు అలా జాలువారుతూనే ఉన్నాయి. సాయివైబ్రియానిక్స్ ఎలా ఉండాలి అనేది ఇది స్పష్టం చేస్తుంది, ప్రేమ లేకుండా నిజమైన వైద్యమే ఉండదు.  

రోగులు మరియు అభ్యాసకుల కథలైన ఈ కేసులను చదివిన వారంతా వీటి నుండి స్పూర్తి పొందుతారని ఆశిస్తున్నాము.

ఇటీవలె మనం నిర్వహించిన గొప్ప కార్యముతో సహాసాయి వైబ్రియానిక్స్ తో చేసే ప్రతి ప్రయత్నంలోనూ స్వామి నేతృత్వం వహిస్తున్నారు. ఆశ్చర్యకరమైన సంఖ్యలో కేసులు వచ్చిన తర్వాత జన్మదినోత్సవ  సమర్పణలో భాగంగా ప్రతి ఒక్కరి రచనలు పొందుపరచడానికి నిర్ణయించుకొని వార్తా లేఖ  బృందంలోని సభ్యులమంతా  రాత్రి పగలు పని చేసాము. అభ్యాసకులంతా మాకు కావాల్సిన అదనపు సమాచారం కోసం మరియు స్పష్టీకరణ కోసం మేము కోరగానే త్వరగా స్పందించడం ముదావహం.

స్వామివారి 90వ జన్మదినోత్సవం నాడు వైబ్రియానిక్స్ బహుమతిని అందించే విలువైన అవకాశం కోసం  ప్రేరణ పొంది ప్రతి ఒక్కరూ ఐక్యతా భావంతో కలసి పని చేసారు.

దీనిని ఒక విజయవంతమైన ముగింపుకు తీసుకురావడంలో పాల్గొన్న వారందరికీ కృతజ్ఞతలు చెప్పడానికి దీనిని ఒక మహత్తర అవకాశంగా భావిస్తున్నాము. ఈ ప్రాజెక్టు ను సులభతరం చేయడంలో సహాయపడటానికి తమ వ్యక్తిగత పనులను పక్కన పెట్టిన ఎంతోమంది అభ్యాసకుల ఉదార  మరియు నిస్వార్థ సేవ లేకుండా ఈ పని పూర్తి కాదు. కేసు చరిత్ర లను సేకరించి వాటిని పూర్తి చేయడానికి మాకు సహాయం చేసిన అభ్యాసకులు మరియు సమన్వయ కర్తలకు ఎంతో కృతజ్ఞులము.  డ్రాఫ్టులను లేదా చిత్తు ప్రతులను సమీక్షించి సవరించి ఆన్లైన్ వార్తాలేఖ ప్రచురించడం కోసం మరియు స్వామి పుట్టినరోజు ప్రత్యేక పుస్తకం సమర్పణకు సిద్ధం చేసిన వార్తా లేఖ యొక్క  అంకితభావం గల అభ్యాసకులకు మా కృతజ్ఞతలు.

ప్రేమతో సాయి సేవలో మీ

జిత్.కె. అగర్వాల్

సమర్పణ

2015 నవంబర్ 23న మన ప్రియతమ భగవాన్ శ్రీ సత్యసాయిబాబా వారి 90వ జన్మదినోత్సవం సందర్భంగా ప్రేమతో సమర్పణ

 ప్రియాతి ప్రియమైన స్వామీ,

తమ దివ్య పాదపద్మాల చెంత సాయి వైబ్రియానిక్స్ యొక్క 90 కేసు చరిత్రల పుష్పగుచ్చమును సవినయంగా సమర్పిస్తున్నాము.  ప్రపంచవ్యాప్తంగా అనారోగ్యంతో ఉన్న వాళ్ళని స్వస్థపరిచేందుకు మరియు వారి బాధలను తొలగించేందుకు బేషరతుగా పనిచేసే మీ ప్రేమ యొక్క శక్తికి తార్కాణంగా ఈనివేదికలు ప్రతిఫలిస్తాయి. అనంతమైన ప్రేమతో కరుణతో మానవాళికి మీరు సాయిరాం హీలింగ్ వైబ్రేషన్స్ ను బహుమతిగా అందించారు. ఈ ఔషధాన్ని అవసరమైన వారందరికీ అందించడానికి మీ  సాధకులు గా పని చేయడానికి మీరు మమ్మల్ని ఆశీర్వదించారు. అంతేకాక మీ వైద్యం యొక్క అద్భుత లీలలకు సాక్ష్యాలు అందించడానికి మాకు అనుమతి కూడా ప్రసాదించారు.

ఈ ప్రతితో మేము మాహృదయాలను, మామనసులను, నిస్వార్థసేవ ద్వారా మేము చేసిన ప్రతి ఒక్కటీ మీకు సమర్పిస్తున్నాము.  ప్రతీరోగికీ ఉత్తమమైన ప్రేమమృత సంరక్షణను అందించడానికి తమ దివ్య మార్గదర్శకత్వాన్ని ఇలాగే కొనసాగించాలని ప్రార్థిస్తున్నాము.