Sai Vibrionics Newsletter

గత పది సంవత్సరాలుగా నిర్మాణ స్థలములలో షిఫ్టుల్లో పని చేస్తున్న 42 ఏళ్ల సీనియర్ సెక్యూరిటీ ఆఫీసర్ తన చేతుల కీళ్ళ భాగంలో ముఖ్యంగా మణికట్టు వద్ద తీవ్రమైన నొప్పితో బాధపడుతున్నారు. ముఖ్యంగా శీతాకాలంలో సాయంత్రం పూట చల్లని వాతావరణానికి గురికావడం వల్ల  అతనికి చిబ్లైన్స్ (చల్లగాలి తగిలిన తర్వాత రక్తనాళాల వాపు, అనంతరం చిన్న గాయాలు వంటివి ఏర్పడి  చేతులు మరియు కాళ్ళు పై చర్మాన్ని ప్రభావితం చేస్తాయి) వ్యాధి ఏర్పడుతూ ఉన్న ఫలితంగా అతను ఏమీ చెయ్యలేక పోయేవారు. అతని వేళ్లను సులభంగా వంచడం లేదా నిటారుగా చాచడం చెయ్యలేకపోయేవారు. అరచేతుల్లో మండుతున్న భావన మరియు అతని పాదాలకు కొద్దిగా వాపు కూడా ఏర్పడింది. శీతాకాలంలో నొప్పి తీవ్రంగా ఉండేది, ముఖ్యంగా రాత్రి వేళల్లో షిఫ్ట్ సమయాల్లో అతని వేళ్ళు ఎర్రగా, తిమ్మిరిగా చలికి స్తంభింప బడినట్లుగా గట్టిగా అయిపోతాయి. వాతావరణం వేడెక్కినప్పుడు అతని పరిస్థితి మెరుగు పడుతుంది. చాలా సంవత్సరాలు అతను వైద్యులు సూచించిన మందులు వాడుతూ ఉన్నా ఎటువంటి ప్రయోజనం కలగలేదు. నొప్పి కారణంగా అతనికి సరైన నిద్ర రాకపోవడంతో అతను నొప్పి నివారణ మందులు మీద ఆధార పడవలసి వచ్చింది అదనంగా, అతను తరచుగా జ్ఞాపకశక్తిని కోల్పోసాగారు. 2018 సెప్టెంబర్ 30న, రోగి ప్రాక్టీషనర్ యొక్క సాధారణ ఆరోగ్య శిబిరమును సందర్శించినప్పుడు అతనికి ఈ క్రిం ది రెమిడీ ఇవ్వబడింది :     

Move Well-2* + Tiredness/Fatigue** + CC9.2 Infections acute + CC12.4 Autoimmune diseases + CC15.6 Sleep disorders + CC21.2 Skin infections + CC21.3 Skin allergies…QDS

నెల రోజుల తర్వాత నవంబరు 1న రోగికి తన వేళ్ళను సహేతుకంగా నొప్పి లేకుండా చక్కగా కదిలించ గలుగుతున్నట్లు తెలిపారు.  అరచేతులలోమండుతున్న అనుభూతి మరియు అతని పాదాలపై వాపు మాయమైంది. అతను గత పది సంవత్సరాలుగా బైక్ మీద వెనక మాత్రమే కూర్చుని ఉండే పరిస్థితి పోయి ప్రస్తుతం తనే బైక్ ను స్వయంగా నడిపించ గలుగుతున్నట్టు సంతోషంగా  తెలియజేశారు. అతను ఇప్పుడు నొప్పి నివారణ మాత్రలు అవసరం లేకుండా హాయిగా నిద్రపోగలుగుతున్నారు. అతని స్థితిలో గణనీయమైన పెరుగుదల చూసిన తర్వాత రోగి వైద్యుడు అల్లోపతి మందులు నిలిపివేశారు. 2019 నవంబర్ 22న, అతని అన్ని లక్షణాల నుండి విముక్తి పొందారు. మోతాదు TDS కి తగ్గించారు. డిసెంబర్ లో అతను రీఫిల్ కోసం శిబిరానికి రాలేదు. కానీ 2020 జనవరి లో అతను 100% ఆరోగ్యంగా ఉన్నట్లు నివేదించారు. శీతాకాలం అంతా నొప్పి ఎరుపుదనం తిమ్మిరి లేదా దృఢత్వం యొక్క సాధారణ లక్షణాలు ఏమీ లేకుండా శాంతియుతంగా గడిచిపోయింది. అతను ఆరోగ్యంగా ఉన్నాడు మరియు ఎటువంటి సమస్యలు లేకుండా తన విధులను కొనసాగించగలగుతున్నారు. రోగి తన లక్షణాలు పునరావృతం కావడం లేదని నమ్మకంగా ఉన్నారు  కాబట్టి తిరిగి రాలేదు. కానీ అతను చాలా మంది ఇతర రోగులను శిబిరానికి సూచించాడు. అతని స్నేహితుల ద్వారా తెలిసిన విషయం ప్రకారం 2020 ఏప్రిల్ నాటికి అతని వ్యాధి లక్షణాలు పునరావృతం కాలేదు.

సంపాదకుని సూచన: ఈ శిబిరంలో రోగుల యొక్క నిర్దిష్ట అవసరం ప్రకారం ప్రాక్టీషనర్ తన వెల్నెస్ కిట్టుకు మరిన్ని అవసరమైన కోంబోలను జోడించారు. మరియు ఈ రోగికి చికిత్స చేయడానికి అతను అలాంటి 2 కొంబో లను ఉపయోగించారు (క్రింద చూడండి).  CC9.2 Infections acute రోగికి షిఫ్టు పని కారణంగా శ్వాసకోశ సంక్రమణ వంటి వ్యాధుల నివారణకు ఇది అవసరమైనది. చిల్ బ్లెయిన్స్ కారణంగా  సంక్రమణం నివారించడానికి చర్మానికి సంబంధించిన రెమిడీలు కూడా  చేర్చబడ్డాయి. CC15.6 Sleep disorders ను అతనికి పగటి పూట విశ్రాంతి మరియు నిద్ర అవసరం కాబట్టి ఇది విడిగా ఇవ్వబడలేదు.

*Move Well 2: CC3.7 Circulation + CC12.1 Adult tonic + CC18.5 Neuralgia + CC20.2 SMJ pain + CC20.3 Arthritis + CC20.4 Muscles & Supportive tissue + CC20.5 Spine

**Tiredness/Fatigue: CC3.1 Heart tonic + CC12.1 Adult tonic + CC15.1 Mental & Emotional tonic + CC17.3 Brain & Memory tonic + CC18.1 Brain disabilities