వైబ్రియానిక్స్ పేషంట్ల నుండి అద్భుతమైన స్పందన లభిస్తున్నప్పటికీ, ఒకటే రోగ సమస్య ఉన్న అనేక పేషంట్లు, ఒకటే మందుకు అనేక విధాలుగా స్పందించడం ఆశ్చర్యాన్ని కలిగిస్తోంది. కొన్ని సందర్భాలలో ఒక అభ్యాసకుడిచ్చిన మందు సఫలితాలను అందించడం, అదే మందును మరొక అభ్యాసకుడు ఇచ్చినప్పుడు ఫలితం లేకపోవడం వంటివి గమనిస్తున్నాము.…

దీనికి అనేక కారణాలున్నాయి. అన్నిటికన్నా ప్రధానమైనది విశ్వాసం. పేషంట్లు కన్నా అధికంగా అభ్యాసకులు ఈ చికిత్సపై పూర్తి విశ్వాసం కలిగియుండడం చాలా అవసరం. అభ్యాసకులకు 108 కామన్ కాంబో బాక్సులో ఉన్న ప్రతియొక్క మందులో ఇమిడియున్న మన ప్రియమైన భగవాన్ యోక్క దివ్య శక్తిపై పూర్తి విశ్వాసం ఉండాలి. ప్రారంభం నుండి స్వామీ వైబ్రియానిక్స్ సేవకు తమ దీవెనలను ఎంతగానో అందిస్తున్నారు. అనేక సందర్భాలలో స్వామీ, రోగులను నయం చేసే ప్రధాన కర్త తానే యని మనమందరు స్వామి యొక్క సాధనములు మాత్రమే యని చెప్పారు. ఈ 108 కామన్ బాక్సు తయారి వెనుక మరియు దీని ఉపయోగం వెనుక స్వామీ యొక్క దివ్య హస్తం తప్ప మరొకటి లేదని మనం గుర్తుంచుకోవాలి.

అభ్యాసకులందరు స్వామీ యొక్క సాధనములన్న విశ్వాసాన్ని కలిగియుండాలి. ఈ చికిత్సా విధానం పై పూర్తి విశ్వాసం కలిగియుండడంతో పాటు అభ్యాసకులు పేషంట్లను, త్వరలోనే వారు కోలుకుంటారని ప్రోత్సాహించడం కూడా ఎంతో ముఖ్యం. రోగ నివారణ కోసం ప్రార్థించిన ఒక వ్యక్తితో ఏసు క్రీస్తు " విశ్వాసం నిన్ను నయం చేసింది, వెళ్ళు" అన్న మాటలు మనందరికీ తెలుసు.

నివారణ ప్రక్రియలో మరో ముఖ్య అంశం ప్రేమ. అభ్యాసకులు ప్రేమతో తమ పేషంట్లతో మాట్లాడాలి. స్వామీ తమ దివ్యోపన్యాసాలలో రోగులకు ప్రేమతో చికిత్సను అందించడం వల్ల వాళ్లకు నివారణ మరింత త్వరగా లభిస్తుందని చెప్పారు. నిజం చెప్పాలంటే మందుల కన్నా మనమిచ్చే ప్రేమ రోగులను నయం చేయడానికి ఎంతగానో ఉపయోగపడుతుంది. ప్రతి యొక్క అభ్యాసకుడు తమ పేషంట్ల కొరకు ప్రేమతో ప్రార్థన చేయాలి. అహంకారం లేని స్వచ్చమైన ప్రేమ నిండియున్న సాధనములుగా ఉండడానికి మనం ప్రయత్నించాలి.

మూడవ అంశం నమ్మకం. పేషంట్లకు అవసరమైన మందులు వాళ్లకు ఇవ్వబడుతున్నాయన్న నమ్మకం ప్రతి యొక్క అభ్యాసకుడు కలిగియుండాలి.. మనమిచ్చిన మందులతో కొందరు పేషంట్లు పూర్తిగా నయమై పోతారు. అవే మందులతో మరి కొంధరకి నయం కాకపోవచ్చు. ఇలాంటి సందార్భాలలో మనం దైవం పై పూర్తి నమ్మకముంచడం ఎంతో ముఖ్యం. ఈ చికిత్స ద్వారా పేషంట్లకు శారీరికంగా మాత్రమే కాకుండా మానసిక ఆరోగ్యం కూడా మెరుగు పడుతుంది.