1. ఆరోగ్య చిట్కాలు  

నీరు మరియు ఆరోగ్యము - 3 వ భాగము - సహజ పద్ధతిలో పరిశుద్ధమైన శక్తియుతమైన నీరు.

మన శరీరములో ఎక్కువ భాగము నీటితో చేరియున్న విషయము మనందరికీ తెలుసు. నీటికి గుర్తుంచుకునే శక్తి ఎక్కువ. కనుక మనము శక్తివంతంగాను, రోగాలకు దూరంగానూ, ఉండాలంటే  ప్రతీరోజు తగినంతగా నీటిని నెమ్మదిగా శాంతియుతంగా ప్రేమగా త్రాగాలి. అలా మనం తీసుకొనే నీరుకూడా  పరిశుద్ధమైనదిగా ఉండాలి. .

ప్రపంచ వ్యాప్తంగా తగ్గుతున్న జలనిల్వలు:  ఒక సర్వేప్రకారము ప్రపంచ జనాభాలో 1/5 భాగము ప్రజలు తగినంతగా నీరు లేని ప్రాంతాలలోను, 1/4 భాగము ప్రజలు శుద్ధ జలము దొరకని ప్రాంతాలలోనూ నివసిస్తున్నారు. ఒకవేళ అక్కడ నీరు ఉన్నా అది త్రాగడానికి యోగ్యంగా ఉండదు. స్వేదనము చేసిన నీటిలో ఖనిజ లవణాలు ఉండవు కనుక అది ఆరోగ్యానికి అంత మంచిదికాదు . ప్లాస్టిక్ క్యాన్లలో లభ్యమయ్యే మినరల్ వాటర్ లో మలినాలు ఉండక పోవచ్చు కానీ మన శరీరానికి కావలసిన జీవశక్తి దానిలో ఉండదు. కనుక  నీటిని సరళమైన పద్ధతుల ద్వారా శుద్ధపరచడం, శక్తివంతం చేయడం, నిలవ చేయడం గురించి తెలుసుకుందాం.

1. శుద్ధపరచడంలో లోహాల పాత్ర.

ప్రాచీన ఆయుర్వేద  గ్రంధాలలో రాగి, వెండి పాత్రలలో నీటిని నిల్వ చేయడం ద్వారా పరిశుద్ధమైన వాటిగా మార్చవచ్చు అనే ప్రస్తావన ఉంది. ఇటీవల వెలువడిన పరిశోధనా ఫలితాలు రాగి మరియు వెండి లోహాలు నీటిని సూక్ష్మజీవి రహితంగాను ఆహారాన్ని శుద్దపరచడానికి, గాయాలను మాన్ప డానికి ఉపయోగకరమైనవని  తెలుపుచున్నాయి.

2. రాగిపాత్రల లోని నీరు –అవగాహన ^5-7

అమెరికాలోని జాతీయ ఆరోగ్య సంస్థ నిర్వహించిన పరిశోధనలో రాగి పాత్ర నీటిలోని సూక్ష్మజీవులను తొలగించి శుద్ధపరచగల గుణము కలిగినదని తెలిపింది. అలాగే అమెరికాలోని వాతావరణ పరిశోధనా సంస్థ ఇదే విషయం ధ్రువ పరిచింది. ప్రపంచ ఆరోగ్య సంస్థ ప్రకారము రాగిపాత్రలో నిల్వ చేసిన నీటిలో ఉన్న రాగి పరిమాణం  నిర్దిష్ట ప్రమాణాలు ప్రకారం ఉండవలసిన 2 mg/litre మాత్రమే ఉంటోందని, అలాకాక ఇది 2.5 mg/litre, ఉన్నట్లయితే నీటి యొక్క రుచి చేదుగా మారుతుందని ఈ పరిమాణం ఇంకా పెరిగితే నీటి యొక్క రంగు కూడా మారిపోతుందని ఈ సంస్థ తెలిపింది.

3. రాగిపాత్రల లోని నీరు –ఒక అమృతం!^8-13

మన ప్రాచీన శాస్త్ర వాంగ్మయం ప్రకారము నాలుగు గంటలు ఇంకా శ్రేయస్కరంగా కావాలంటే రాత్రంతా రాగి పాత్రలో ఉన్న నీటికి ఆరోగ్యము, శక్తి నిచ్చే గుణం ముఖ్యంగా కాలేయమునకు బలాన్నిచ్చే ఔషదగుణం వస్తుందట. రాగి మన శరీరములోని pH ఆమ్లత్వమును సమపాళ్ళలో ఉంచుతుంది. ఈ నీరు మన శరీరంలో ఒక  సహజమైన యాన్టి ఆక్సిడెంట్ లా ఉంటూ జీవకణముల చేత సులభంగా గ్రహించబడి ఆర్ద్రీకరణను లేదా హైడ్రీషణ్ ను పెంచుతుంది. ఒకటి లేక రెండు గ్లాసుల ఈ రాగిపాత్రలలోని నీరు ఉదయమే తీసుకుంటే మన  ఉదరములోని విషపదార్ధాలను తొలగించేటందుకు సహకరిస్తుంది. ఆయుర్వేదం ఏం చెపుతోందంటే  ఈ  నీరు శరీరంలోని వాత, పిత్త, కఫాలను సమపాళ్ళలో ఉంచుతుంది. ఈ నీరు జీర్ణాశయ రుగ్మతలను తొలగించి, వ్రణములు రాకుండా, శ్వాశ, హృదయ, కండరాల సమస్యలు రాకుండా తోడ్పడుతుంది.    

4. రాగి పాత్రలలో నీటిని విచక్షణతో గ్రహించండి ^6,12,13

మనము రోజూ తీసుకునే నీటితో పాటు ఈ రాగి పాత్రలోని నీటిని ఉదయము సాయంత్రము తీసుకుంటే మన శరీరానికి కావలసినంత రాగి మన శరీరములోనికి చేరుతుంది. (1.2 mg రోజుకు). ఈ విధంగా 3 నెలలు చేసి ఒక నెల విరామం ఇవ్వాలి. దానివల్ల మన శరీరములో ఎక్కువగా పేరుకున్న రాగి నిల్వలు తొలగింపబడతాయి. నెల తర్వాత ఈ పద్దతిని తిరిగి కొనసాగించవచ్చు. ఇలా జీవితాంతము చేస్తే అనారోగ్యము మన దరిజేరదు. 

ఆయుర్వేదం నిలబడి నీళ్ళు (లేక ఆహారాన్ని) త్రాగడాన్ని సమర్ధించదు. అంతేగాక మనం త్రాగే నీరు ఎల్లప్పుడూ గోరువెచ్చగా ఉండాలట. మనం చల్లని నీరు త్రాగితే ఆ నీరు శరీర ఉష్ణోగ్రతకు చేరేవరకు ఎక్కువ మొత్తంలో జీర్ణాశయమునకు రక్త సరఫరా జరుగుతుంది. దీనివల్ల మెదడు మరియు గుండెకు కావలసినంత రక్త సరఫరా కాక వాటి పనితీరు దెబ్బతింటుంది.

5. వెండి పాత్రల లోని నీరు ^12,14-16

ప్రేవులలో ఉండే వ్యాధి కారకమైన బ్యాక్టీరియా పైన చేసిన పరిశోధనలో వెండి పాత్రలలోని నీటికి  ఈ బ్యాక్టీరియాను నిర్మూలనం చేసే శక్తి ఉందని తెలిసింది. వెండి మిశ్రమానికి గురియయిన సూక్ష్మ క్రిములు 6 నిమిషాల కంటే ఎక్కువ బ్రతకలేవు అని మేధావుల పరిశీలనలో తెలిసింది. నాసా అంతరిక్ష పరిశోధనా సంస్థ వెండి ఆయనీకరణము ద్వారా నీటిని శుభ్ర పరిచే రష్యన్ పద్ధతినే అనుసరిస్తూ ఉంటుంది. ఆయుర్వేదం ప్రకారము వెండి పాత్ర లోని నీరు శారీరక పిత్త దోషాన్ని తొలగించి రోగనిరోధక శక్తిని పెంచుతుంది.  కనుక ఈ నీటిని రోజూ  తీసుకోవాలని చెప్పింది.   .

6. ఇత్తడి పాత్రలలోని నీటి  గుణాలు ^17-18 

బ్రిటన్ దేశానికి చెందిన సూక్ష్మజీవ శాస్త్రజ్ఞులు ఇత్తడి పాత్రలలో నిల్వ చేసిన నీటికి నీటి ద్వారా వ్యాపించే రోగాలను అరికట్టే గుణమున్నట్లు కనుగొన్నారు. బ్యాక్టీరియ ఈ నీటిలో తన ఉనికిని కొల్పోతున్నట్లు వీరు చెప్పారు. ఇత్తడిలో 70 శాతం రాగి, 30 శాతము జింకు ఉంటాయి. కనుక దీనిలో ఉండే రాగి అయానుల వల్ల నీరు శుభ్రపడుతుంది. అభివృద్ధి చెందుతున్న దేశాల వారు తమ ప్రాచీన విధానములో వలనే ఇత్తడి పాత్రలలో నిల్వచేసిన నీటిని వాడడం మొదలు పెట్టినట్లయితే చాలావరకు నీటిద్వారా వ్యాపించే వ్యాధులను అరికట్టవచ్చు. 

7. లోహ పాత్రలను శుభ్ర పరిచే పధ్ధతి ^19-20

రాగి, వెండి, ఇత్తడి పాత్రలను ప్రతీ రోజు నిమ్మకాయ లేదా నిమ్మ జ్యూస్ తో, ఉప్పు లేదా చింతపండు పులుసుతో కలిపి (కలపక పోయినా ఫరవాలేదు) ఉపయోగిస్తూ మెల్లగా తోముతూ శుభ్రపరచాలి. అరనిమిషం తోమిన తర్వాత నీటితో శుభ్రపరచాలి. స్క్రబ్బర్ ఎట్టి పరిస్థితులలో ఉపయోగించరాదు. ఇవేకాక వేరే పద్ధతులద్వారా కూడా ఈ పాత్రలను శుభ్ర పరచవచ్చు.

8. మట్టి పాత్రలలోని నీరు ^{12,13,15,21-22}

మట్టి పాత్రలలో నిల్వ చేసిన మట్టి వాసనతో కూడిన చల్లని నీటిని త్రాగడం ఆరోగ్యమే కాక ఆనందాన్నికూడా ఇస్తుంది. బాగా వేడిగా ఉండే వేసవి తాపాన్ని తట్టుకోవడానికి ఇవి బాగా ఉపకరిస్తాయి. మట్టిపాత్రలు తమ లోని నీటిని ఆవిరి  ద్వారా చల్లబరచడమే కాక త్వరగా శరీర ఉష్ణోగ్రతకు చేరుకొంటాయి. మట్టిపాత్రల కుండే సన్నని సూక్ష్మ రంధ్రాలు వల్లనే ఇది సాధ్యమవుతుంది. మరే ఇతర పాత్రలకు ఈ సదుపాయం లేదు. మట్టి సహజమైన క్షార గుణాలున్న పదార్ధము కాబట్టి ఈ నీరు శరీరము లోని అమ్లత్వము pH ను సమ పాళ్ళలో ఉంచుతుంది. కనుక ఈ నీరు ఎసిడిటీ ని తగ్గించి గ్యాస్ సమస్యలున్నవారికి ఉపశమనం ఇస్తుంది. కుండలలో నిల్వ చేసిన నీరు ప్రిజ్ లో నీటి వలె నోటికి ఇబ్బంది కలిగించకుండా మెల్లగా చల్లగా నోటిలోనికి జారి పోతుంది. ఖాళి కడుపుతో దీనిని త్రాగాలనుకొనే వారు ఈ నీటిని కొంచం వేడి చేసుకొనవచ్చు. మట్టిపాత్రలు తక్కువ ధరకు లభిస్తాయి కనుక అందరికీ అందుబాటులో ఉంటాయి. ఐతే వీటిని రెండు రోజులకొకసారి శుభ్ర పరిచే సమయంలో సబ్బు ఉపయోగించ కుండా బ్రష్ తో మెల్లిగా శుభ్రం చేయాలి. మట్టి పాత్రలు దొరకని పక్షంలో ప్లాస్టిక్ పాత్రలు వాడే బదులు స్టీలు పాత్రలు వాడవచ్చు.

9. సూర్యరశ్మికి గురిచేసిన నీరు ^13,23-26

సూర్య రశ్మి నీటి యొక్క గుణాలను పెంచుతుంది. కొన్ని పరిశోధనల ప్రకారము కోబాల్ట్ బ్లూ గ్లాస్ సీసాలో నీటిని పోసి సూర్యరశ్మి లో 20 నిముషాలు ఉంచినప్పుడు (లేక కృత్రిమ వెలుతురులో గంట సమయం) ఆ నీరు సూక్ష్మజీవ రహితం ఔతుంది. దీనిని కొంచం సేపు ఊపడం ద్వారా దానిలోకి శక్తి చేరుతుంది. ఐతే దీనిని లోహం కాని మూత లేదా  ప్లాస్టిక్ మూత తోనే బంధించాలి. మీరు కూడా క్రింద ఇచ్చిన వెబ్ లింకులలో సూచించిన ప్రకారంగా గాజు సీసాలు ఉపయోగించి సూర్యరశ్మి తో శుద్ధి చేయబడిన నీటిని తయారు చేసుకోవచ్చు. 

10. ట్యాప్ ల ద్వారా వచ్చే నీటిలో శక్తి పునరుద్ధరణ ^8-27

సాధారణంగా ట్యాప్ ల ద్వార వచ్చే నీరు శుద్ధపరచబడి మన ఇళ్లకు వస్తుంది. కానీ ఆ నీరు ప్లాస్టిక్ లేదా లోహపు గొట్టల ద్వారా మన ఇళ్లకు చేరే క్రమంలో హానికరమైన కారకాలు అందులో చేరే ప్రమాదం ఉంది. ముఖ్యంగా ఉష్ణమండల ప్రాంతాలయిన భారత దేశమువంటి దేశాలలో ఈ నీటిలో హానికరమయిన బ్యాక్టీరియా కూడా ఈ నీటిలో చేరుతుంది. నీటికి అన్నింటిని దాచుకొనే శక్తి ఎక్కువ కనుక త్వరగా హానికరమైన పదార్ధాల వైబ్రేషణ్ గ్రహిస్తుంది అంత త్వరగానూ వదిలి పెట్టి తన మాములు స్థితికి చేరుతుంది, ట్యాప్ వాటర్ ను ఒక  గంట సమయం కదల్చకుండా అలానే ఉంచితే దానిలోని హానికరమైనవి చాలావరకు పోతాయి. ఒక జగ్ లోని నీటిని 24 గంటల సమయం అలానే ఉంచితే (లేదా 20 నిముషాలు మరగ బెడితే) దానిలోని క్లోరిన్ పోతుంది. నీరు కూడా త్రాగడానికి యోగ్యంగా ఔతాయి. ట్యాప్ నీటిని వేడి చేసి చల్లార్చడం ద్వారానూ పిల్టర్లను ఉపయోగించడం ద్వారాను శుద్ధిచేసి ఉపయోగించుకొనవచ్చు.

11. పాత్రల ఆకారము పైన కూడా ప్రభావము ఉంటుంది ^12.28

త్రాగే నీటిని నిల్వ చేయుటకు ఉపయోగించే పాత్రల ఆకారము ప్రాచీనమైనట్టి దీర్ఘ వృత్తాకారముగా ఉంటే వాటి పైన తలతన్యత లేదా సర్ఫేస్ టెన్షన్ తక్కువగా ఉంటుంది కనుక ఇవి యోగ్యమయినవిగా భావించ వచ్చు. అంతేకాకుండా వాటి శీర్షము ఉర్ధ్వఅభిముఖముగా ఉంటుంది. కనుక దాని లోపల నిరంతర శక్తి ప్రవాహానికి అనుకూలంగా ఉంటుంది. కనుక దానిలో ఉన్న నీటికి శక్తిని ఎక్కువ కాలం నిల్వ ఉంచుకొనే సామర్ధ్యం ఉంటుంది

12. నిర్మాణాకృతి పొందిన నీరు దాని అద్బుత ప్రభావము! ^26,28-30

నిశ్చలంగా ఉన్న నీరు అవాంచనీయ శక్తులను గ్రహిస్తుంది. సహజంగా సుడులు తిరుగుతూ ప్రవహించే నీటిలో అనేక శక్తులు నిక్షిప్త మై ఉంటాయి. కొన్ని అధ్యయనాల ప్రకారము గంగా నది నీరు ప్రకృతి సిద్ధంగా నిర్మాణాకృతి పొందినట్టిది, మానవ శరీర కణాలలో ఉన్న నిర్మాణాకృతి నీటినే అది తనగుండా ప్రవహింపజేస్తుంది.

నీటిని శక్తివంతము మరియు నిర్మాణాత్మకము చేసే విధానము: నీటిని నిర్మాణాత్మకమైనట్టిదిగా మార్చడానికి సరళమైన వాటినుండి సంక్లిష్టమైన వాటివరకు అనేక పద్ధతులు వెబ్ సైట్లలో దొరుకుతాయి. సీనియర్ వైబ్రియనిక్స్ ప్రాక్టీషనర్ల కోసం రూపొందించిన మాన్యువల్ లో అనుభందం A5 లో నీటిని నిర్మాణాత్మకమైన దానిగా మార్చేందుకు పద్ధతి ఉన్నది. ఒక అధ్యయనం ప్రకారము ఒక చెంచాతో నీటిని త్రిప్పడం ద్వారా ఉత్పన్నమైన శక్తి ఇతరత్రా నిర్మాణాత్మక పద్ధతులద్వారా లభ్యమయ్యే శక్తి కన్నా ఎక్కువ అనేది రుజువయ్యింది. కనుక సవ్య, అపసవ్య దిశలో చెమ్చాను కొన్ని నిమిషాల పాటు త్రిప్పడం ద్వారా ఒక శీర్షము ఏర్పడుతుంది. కానీ గమనించవలసింది ఏమిటంటే మన ధ్యాసంతా నీటి పైన లగ్నం చేయాలి కానీ చెమ్చాను తిప్పే వేగం పైన కాదు. ఇంకా బాగా శక్తివంతం చేయాలంటే చెమ్చాను 8 ఆకారములో లేదా గణితంలో అనంతము అని చెప్పడానికి వాడే  ∞ ఆకారములో తిప్పవచ్చు. ఈ పద్దతి నీటిలో ఉన్న హానికరమైన శక్తులు, కారకాలు అన్నింటిని తొలగించి ఉపయోగకరమైన విశ్వ శక్తితో నీటిని శక్తివంతం చేస్తుంది. అంతేకాకుండా ధ్వనిని 432Hz వద్ద నీటి ద్వారా పంపినపుడు ఏర్పడే నిర్మాణా కృతి ఉత్తమమైనదని నిరూపించబడింది. ఈ అధ్యయనము ద్వారా ధ్వనికి అంత శక్తి ఉన్నప్పుడు ధ్వని ద్వారా మానవులలో రోగ నివృత్తి కూడా సాధ్యమే అనేది ఋజువవుతుంది . ఎందుకంటే మానవ దేహమంతా నీరే కనుక.³⁰ 

13. వైబ్రియోనిక్స్ ద్వారా నీటిని స్వచ్చ పరచడం శక్తివంతం చేయడం.

నీటిలో ఉన్న విషతుల్య మైన రసాయనాలను, హానికరమైన శక్తులను వేరు చేయడానికి క్రింది కోమ్బోలు:

CC10.1 Emergencies, CC15.1 Mental & Emotional tonic or CC17.2 Cleansing ఇవి108CC బాక్స్ ఉపయోగించే వారికోసం

NM6 Calming, NM25 Shock, SM1 Removal of Entities, SM14 Chemical Poison or SM16 Cleansing ఇవి  SRHVP ఉపయోగించే వారికోసం

నీటిని శక్తివంతంగాను రోగ నిరోధక శక్తి పెంచే విధంగానూ చేయడం కోసం మనం ఉపయోగించేవి:

CC12.1 Adult tonic 108CC బాక్స్ ఉపయోగించే వారికోసం

 SM2 Divine Protection, NM86 Immunity, or SM26 Immunity  SRHVP ఉపయోగించే వారికోసం

సూచన : వైబ్రియోనిక్స్ రెమిడి లు ఉపయోగించేవారు అలోహం తో చేసినవి లేదా ప్లాస్టిక్ కంటైనర్ లే ఉపయోగించాలి.

14. సాయి మార్గం లో  నీటిని శక్తివంతం చేయడం –ప్రేమమరియు ప్రార్ధన   

మనం బాహ్యంగా ఉన్న నీటిని శుద్ధి చేయడం శక్తివంతం చేయడం లాగానే దేహమంతా కణకణము లో నిండిఉన్న నీటిని కూడా శక్తివంతం చేయడానికి ప్రశాంతంగా ఒక చోట కూర్చుని విధాత పైన దృష్టి లగ్నం చేయాలి. అలాగే మంత్రజపం ద్వారా సృష్టింపబడుతున్న శబ్ద తరంగాల ద్వారా  కూడా దేహంలో ఉన్న నీటిని శక్తివంతం చేయవచ్చు. మనం ఆరోగ్యంగా ఉండాలంటే దేహంలో ఉన్న నీరు కూడా చాలా ముఖ్యం కనుక దీనిని ప్రేమతో కూడిన తరంగాలతో నింపాలి. ఆ తరంగాలు అన్ని దిశలకు వ్యాపిస్తాయి. భగవాన్ బాబా WHO ప్రామాణికాలతో శుద్ధి చేసిన జలమును దక్షిణ భారత దేశంలోని రాష్ట్రాల ప్రజలకు ప్రేమతో అందరినీ ప్రేమించు, అందరినీ సేవించు అన్న నియమానుసారము వారి ఇంటికే చేరే విధంగా ఏర్పాటు చేసారు. ఈ నీటిని త్రాగుతున్న గ్రామాలలోని ప్రజలకు వంటి నొప్పులు, మోకాళ్ళ నొప్పులు మాయమయ్యాయి. జలుబు వంటి సామాన్య రోగాలు అరుదుగా కనబడ సాగాయి. ఈ ప్రాజెక్ట్ ను క్రమంగా దేశమంతా వ్యాప్తి చేయడానికి ప్రయత్నిస్తున్నారు.  

References and Links 

1. Sai Vibrionics Newsletter vol 8 issue 2
2. http://sailoveinaction.org/project/DRINKING-WATER-DEFLUORINATION
3. http://www.academicjournals.org/article/article1380626432_Varkey.pdf
4. http://www.mercola.com/article/water/distilled_water.htm
5. https://www.ncbi.nlm.nih.gov/pmc/articles/PMC3312355/
6. http://www.wholesomeayurveda.com/2017/02/27/correct-way-to-drink-water-copper-vessels-health-benefits/
7. http://www.who.int/water_sanitation_health/dwq/chemicals/copper.pdf
8. http://isha.sadhguru.org/blog//lifestyle/health-fitness/treat-yourself-to-a-copper-detox/
9. http://www.dailyayurveda.com/blog/5-amazing-health-benefits-of-drinking-water-out-of-a-copper-vessel
10. http://www.thehealthsite.com/diseases-conditions/10-benefits-of-drinking-water-from-a-copper-vessel-p214/
11. https://www.vasantihealth.com/copper/
12. https://www.mygov.in/sites/default/files/user_comments/Health_Tips_latest%20pdf.pdf
13. http://naturalwaysofliving.blogspot.in/2010/04/which-water-is-best-for-drinking.html
14. https://www.ncbi.nlm.nih.gov/pubmed/25145073
15. https://www.quora.com/What-difference-does-it-make-if-I-drink-water-stored-in-a-stainless-steel-silver-copper-clay-or-glass-jug
16. http://www.space.news/2016-06-06-nasa-open-to-using-silver-treated-water-in-space-despite-fda-opposition.html
17. http://www.nature.com/news/2005/050404/full/news050404-14.html
18. http://globalvarnasramamission.blogspot.in/2014/05/use-of-copper-and-brass-way-to-good.html
19. https://anubhavati.wordpress.com/2010/09/28/5-minutes-to-sparkle-your-silverware-and-keeping-them-that-way/
20. htp://www.boldsky.com/home-n-garden/improvement/2013/tamarind-uses-cleaning-032137.html
21. https://vaishali2013.blogspot.in/2016/02/healing-power-of-clay-pot-water.html
22. http://www.thehealthsite.com/diseases-conditions/health-benefits-of-water-matka-clay-pot-k0417/
23. http://www.instructables.com/id/Miraculous-Solar-Charged-Water/
24. http://www.robinskey.com/blue-solar-water/
25. https://hubpages.com/health/Health-Benefits-Of-Water-Blue-Water
26. Vibrionics Manual for Senior Vibrionics Practitioners, Appendix A-5
27. http://cci-coral-club.okis.ru/file/cci-coral-club/knigi/FereydoonBatmanghelidj_Your_Bodys_Many_Cries_for_Water_eng.pdf
28. http://www.spiritofmaat.com/feb11/water_structuring.pdf
29. http://articles.mercola.com/sites/articles/archive/2011/01/29/dr-pollack-on-structured-water.aspx
30. https://www.youtube.com/watch?v=Cm0l9O5E4YM

 

2. మా అనువాదకులకు ఒక చిరుకానుక  

ప్రస్తుత సంచికలోని ఈ విభాగాన్ని అలుపెరుగ, అంకిత భావంతో పనిచేస్తూ వైబ్రియోనిక్స్ వార్తాలేఖలు మరియు ఇతర సమాచారాన్ని ఆంగ్లము నుండి తమ తమ మాతృభాషల లోనికి అనువాదం చేస్తున్న వారికి అంకితం చేస్తున్నాము. పాఠకులకు మా హృదయపూర్వక ప్రార్ధన ఏమిటంటే వైబ్రియో మిషన్ కు అవిశ్రాంతంగా సేవ చేస్తున్న వీరి నుండి మీరు స్పూర్తి, ప్రేరణ పొంద వలసిందిగా సూచన.   .

ప్రాక్టీ షనర్ ^{00723…బోస్నియా}  (క్రొయేషియన్ /బోస్నియన్ ) వీరు 2010 లో సాయివైబ్రియోనిక్స్ లోనికి ప్రవేశించినప్పటి నుండి వార్తాలేఖలను అనువదిస్తూ ఉన్నారు. ఈమె ప్రాక్టీషనర్ కాక ముందునుండి కూడా వైబ్రియోనిక్స్ కు చెందిన హ్యాండ్ బుక్స్, మాన్యువల్ వంటి వాటిని అనువదించారు. ఈ సేవ తనకు మరువరాని, వెలకట్టలేని అవకాశముగా ఆమె అభివర్ణిస్తున్నారు. ఇలా చేసేందుకు అవకాశము రావడము వలన తను ఎన్నోరకాల వ్యాధుల గురించి ముఖ్యంగా ఆరోగ్యం గురించి తెలుసుకోగాలిగానని అంటున్నారు. వారి మాటల్లోనే చెప్పాలంటే ‘’ ఈ అనువాద అనుభవానికి కృతజ్ఞతలు. దీనివల్ల నాకు ప్రాక్టీషనర్ నయ్యే అవకాశం కలిగింది. ఈ సేవ ద్వారా బాబా వారి దివ్య హస్తాలలో ఒక ఉపకరణముగా మారి మరింతగా ఈ సేవాభాగ్యాన్ని పొందే అవకాశం లభించింది.