Sai Vibrionics Newsletter

తలపోటు, సైనసైటిస్, అలెర్జీ ^{11621...India}

41 సంవత్సరాల వ్యక్తి స్వయంగా వైబ్రియానిక్స్ ప్రాక్టీషనర్ గత 20 సంవత్సరాలుగా ప్రతీరోజూ తలపోటుతో బాధపడుతున్నారు. ఇతను ధూళి మరియు పుప్పొడి అలర్జీ కలిగి ఉండి ప్రతీరోజూ లేవగానే వరుసగా 10 నుంచి 12 తుమ్ములు కూడా వస్తూ ఉంటాయి. ఈ తుమ్ముల వలన అతని సైనస్ ఎర్రబడి శ్వాస తీసుకోవడంలో ఇబ్బంది పడుతున్నారు. అతని తల్లి నుండి వారసత్వంగా అతనికి సంక్రమించిన తుమ్ముల విషయంలో జాగ్రత్త వహించినప్పటికి 1998లో అతని వంకర తిరిగిన ముక్కు దూలము (సెప్టం) నకు చేసిన చికిత్స అతని శ్వాస అవరోధం మరియు తలపోటు విషయంలో  ఏమాత్రం  సహాయం చేయలేదు. అనేక సంవత్సరాలుగా డాక్టర్లు ముక్కులో వేసుకునే చుక్కలు, యాంటీ హిస్టామిన్లు,యాంటీ ఇన్ఫ్లమేటరీలు, బాధా నివారణలు సూచించినా ఇవేమీ అతనికి సంపూర్ణ ఉపశమనం కలిగించలేదు, కనుక వారానికి రెండు సార్లు వీటిని తీసుకోవడం ఒక ప్రామాణికంగా మారింది. ఇతను తన తలను తడవకుండా ఉండటానికి ఎంతో జాగ్రత్త తీసుకోవాల్సి వస్తుంది. వర్షం వచ్చేటప్పుడు తల తడవకుండా చూడడం, స్విమ్మింగ్ పూల్ కు వెళ్ళడం కూడా మానివేశారు. ఎందుకంటే అరగంట సేపు నీటిలో తడిస్తే ఇది తీవ్రమైన తలపోటును కలిగించి ఏదైనా బలమైన పెయిన్ కిల్లర్ వేసుకుంటేనే ఆ తలనొప్పి నివారణ అవుతుంది.   

2019 నవంబర్ 25న అతను క్రింది రెమిడి తీసుకోవడం ప్రారంభించారు :
#1. CC12.1 Adult tonic + CC15.1 Mental & Emotional tonic + CC19.2 Respiratory allergies + CC19.5 Sinusitis…పది నిమిషాలకు ఒక డోసు చొప్పున ఒక గంట వరకు అనంతరం 6TD 

రెండు రోజుల తర్వాత అతని తల వెనుక భాగంలో ఎల్లప్పుడూ ఉండే నొప్పి స్వల్పంగా తగ్గినట్లు అనిపించింది, అయితే నాసికా అవరోధం విషయంలో 50% ఉపశమనం కలిగింది. ఒక వారం తర్వాత తలనొప్పి  విషయంలో 30% ఉపశమనం కలుగగా నాసా రంధ్రాల అవరోధం, ఎడతెరిపి లేకుండా వచ్చే తుమ్ములు  దాదాపు పూర్తిగా తగ్గిపోయాయి. అనంతరం ఇతను ఒక రీట్రీట్ కు వెళ్ళినప్పుడు అనుకోకుండా సముద్రంలో, కొలనులో, షవర్ కింద తల తడపడం ఈ విధంగా దాదాపు నాలుగు గంటలు నీళ్లలో తడవవలసి వచ్చినా ఆశ్చర్యకరంగా అతనికి నాసా అవరోధం కలుగలేదు.

మరో నెల తర్వాత అనగా 2020 జనవరి నాటికి అతను తలపోటు విషయంలో 80% మెరుగుదల కనిపించింది. అందువల్ల OTC మందుల అవసరం పూర్తిగా తగ్గిపోయింది. అలాగే ఇతర వ్యాధి లక్షణాలు కూడా పూర్తిగా తగ్గిపోయాయి. జనవరి 8-14 తేదీలలో అతను వర్క్ లోడ్ పెరగడం వల్ల అర్ధరాత్రి వరకు పని చేయవలసి వచ్చేది ఈ ఒత్తిడి వలన తలపోటు తిరిగి ప్రారంభమైంది.

అందుచేత అతను అత్యవసర పరిస్థితిలో క్రింది రెమిడీ తయారు చేసుకున్నారు:

#2. CC4.10 Indigestion + CC10.1 Emergencies + CC11.3 Headaches + CC11.4 Migraines + CC19.5 Sinusitis…ప్రతి పది నిమిషాలకు ఒక డోసు చొప్పున రెండు గంటల వరకు (SOS మోతాదు), దీనిని వీరు రెండు సందర్భాల్లోనే తీసుకున్నారు.

మే1 వ తేదీ నాటికీ తలపోటు పూర్తిగా తగ్గిపోయి అతనికి నిద్ర కూడా చక్కగా పడుతోంది. కనుక #1 ని OD కి  తగ్గించి ఒక నెల తర్వాత ఆపివేయడం జరిగింది..కేవలం పని ఒత్తిడి పెరిగి అర్ధరాత్రి వరకు పని చేస్తున్నప్పుడు లేదా అన్నం కూడా తినకుండా ఉన్నప్పుడు అతనికి తలపోటు తిరిగి వస్తోంది. అటువంటి సందర్భంలో  #2 ను ఒకటి లేదా రెండు డోసులు తీసుకున్నప్పుడు పరిస్థితి చక్కబడుతుంది. ఒకవేళ #2, ను తీసుకోవడం మర్చిపోతే తలపోటు తీవ్రమయ్యి ఒక పూట కంటే ఎక్కువ సేపు ఉంటుంది! అందువల్ల అతను దీనికి అవకాశం ఇవ్వదలుచుకోలేదు. ఎప్పుడైతే తలపోటు లక్షణాలు కనిపిస్తూ ఉన్నాయో వెంటనే  #2 తీసుకొనడంతో తలపోటు రావడం లేదు. 2020 జూన్ 1 నుండి అతను కోవిడ్ ఇమ్యూనిటీ బూస్టర్ తీసుకో సాగారు. 2020 అక్టోబరు నాటికి అతనికి వ్యాధి లక్షణాలు పునరావృతం కాకుండా ఆరోగ్యంగా ఉన్నారు.

బాధకారమైన ఋతుక్రమం ^{11621...India}

32-ఏళ్ల మహిళ 2013 నుండి ఋతునొప్పీతో బాధపడుతూ ఉన్నప్పటికీ మందులేవీ తీసుకోకుండా ఏదో విధంగా సర్దుకుంటూ ఉండేవారు. ఈమె ఒక సంప్రదాయ కుటుంబంలో పెళ్లి చేసుకున్నమీదట ఋతు సమయంలో ఆమె ఎటువంటి మత సంబంధమైన కార్యక్రమాల్లో పాల్గొన కూడదు. అందుచేత ఆమె 2013లో కొన్ని సంప్రదాయ కార్యక్రమాల్లో పాల్గొనడానికి తన ఋతుక్రమాన్ని పొడిగించడానికి స్టెరాయిడ్స్ వాడటం ప్రారంభించారు. ఈ విధంగా సంవత్సరానికి ఒకటి లేదా రెండు సార్లు స్టెరాయిడ్లు వాడుతూ ఉండేవారు. అయితే వీటి యొక్క దుష్ప్రభావాలు గమనించి నాలుగు సంవత్సరాల తర్వాత 2017లో వీటిని వాడడం మానివేయడం జరిగింది కారణం ఈ మందులు వీరి ఋతు సమస్యలను మరియు ఋతు నొప్పిని పెంచి ఆమె సమస్యను మరింత తీవ్రం చేసి ఐదు రోజులపాటు తిమ్మిరి కూడా కలిగిస్తున్నాయి. పేషెంటు ఈ వ్యాధికి కారణం తను అంతకు ముందు తీసుకున్న మందుల ఫలితం అని భావించారు. ఆమెకు మందులు తీసుకోవడం ఇష్టం లేక అలాగే ఓపిక పడుతూ విశ్రాంతి మరియు నిద్రలేకుండా నొప్పిని భరిస్తూ ఉండేవారు.  

2019 డిసెంబర్ 1న ఆమె ప్రాక్టీషనర్ ను సంప్రదించగా క్రింది రెమిడీ ఇచ్చారు:

CC8.4 Ovaries & Uterus + CC8.8 Menses irregular + CC12.1 Adult tonic + CC15.4 Eating disorders…TDS, చివరి కోంబో CC15.4.వేయడంలో ప్రధాన ఉద్దేశం ఆమె వేయించిన ఆహారాన్ని ఇష్టంగా తినడం వల్ల అధిక బరువు కలిగి ఉండడం. డిసెంబర్ చివరి నాటికి రోగి తన కాలు నొప్పి మరియు తిమ్మిరి విషయంలో 10-20 శాతం తగ్గింపు గమనించారు. మరో నెలలో అనగా ఫిబ్రవరి చివరినాటికి 30-40 శాతం మెరుగుదల అనంతరం ఫిబ్రవరి నెలాఖరుకు మెరుగుదల 80% వరకు పెరిగింది. ఏప్రిల్ 1న నొప్పి మరియు తిమ్మిరి అనేవి అదొక గడిచిపోయిన కాలంలోని విషయాలవలె పూర్తిగా అదృశ్య మయ్యాయని తెలిపారు, అందుచేత మోతాదు OD కి తగ్గించబడింది. 2020 మే11 నాటికి ఆమె అధిక బరువు మరియు ఇష్టమైన ఆహారముపై మక్కువ కోసం చికిత్స ప్రారంభించడంతో పై రెమిడీ నిలిపివేయ బడింది. 2020 అక్టోబర్ నాటికి నొప్పి గానీ, మానసిక కల్లోలం గానీ పునరావృతం కాలేదు(ఇది ఆశ్చర్య కరమైన బోనస్). ఋతుస్రావం కావడానికి ముందు ఈ సమస్య తరుచూ ఏర్పడుతున్నప్పటికీ ఈ విషయం ఆమె ప్రాక్టీషనరుకు వెల్లడించలేదు!

కుడి వైపు నొప్పి మరియు శ్వాస సంబంధమైన అలెర్జీ ^{11597...India}

40 ఏళ్ల మహిళ భుజం నుండి పాదం వరకూ కుడివైపున నొప్పితో నాలుగు నెలలుగా బాధపడుతున్నారు నొప్పి ఆమె నిద్రకు భంగం కలిగిస్తున్నది. ఎముకల డాక్టర్ నొప్పి నివారణ మందులు ఇచ్చారు కానీ ఇది ఉదయం పూట మగతకు కారణమవుతున్నందువలన ఆమె ఇంటి పనులను నిర్వర్తించు కొనుటకు ఆటంకం కలుగుతున్నది. మొత్తంమీద ఆమె ఈ చికిత్సను మూడు నెలల కొనసాగించినా ఏ ప్రయోజనం కలగలేదు. కనుక కొన్ని గృహ చిట్కాలతో నొప్పిని తగ్గించుకోవాలని నిర్ణయించుకున్నారు. అయినప్పటికీ ఇవి కూడా ఆమెకు సహాయపడలేదు కనుక 2018 మార్చి3న ప్రాక్టీషనరును సంప్రదించగా ఆమెకు క్రింది రెమిడీలు ఇవ్వబడ్డాయి:

పోడుస్తున్నట్లు ఉండే నొప్పి: 
#1. CC10.1 Emergencies + CC18.5 Neuralgia + CC20.5 Spine…TDS

నిద్రా భంగం:
#2. CC15.6 Sleep disorders...నిద్రకు ముందు అవసరమైతే ప్రతీ 10 నిమిషాలకు పునరావృతం చేయాలి.  

మార్చి 9న రోగి తన కుడి చెయ్యి మరియు భుజం నొప్పి విషయంలో 70% కోలుకున్నట్లు తెలిపారు కానీ కుడి కాలు నొప్పి కొనసాగుతూనే ఉంది. తుంటి ప్రాంతం చుట్టూ కొంత నొప్పి మరియు తిమ్మిరి కొనసాగింది. పుల్లౌట్ విషయాన్ని ప్రస్తావిస్తూ అటువంటి లక్షణాలు రెమిడీలు బాగా పనిచేస్తున్నాయని తెలపడానికి సంకేతంగా తీసుకోవాలని ప్రాక్టీషనర్ తెలిపారు. వీరి ప్రోత్సాహంతో రోగి రెమిడీలు కొనసాగించడానికి నిర్ణయించు కున్నారు. వారం తర్వాత మార్చి 17న ఆమె తనకు బాగా నిద్ర పడుతున్నట్లు, తిమ్మిరి కూడా పోయిందని కానీ నొప్పివిషయంలో ఉపశమనం స్వల్పంగానే ఉందని తెలిపారు. దాని కారణంగా #1 ని క్రింది విధంగా మెరుగుపరిచారు:   
#3. CC15.1 Mental & Emotional tonic + CC20.1 SMJ tonic + CC20.3 Arthritis + #1…TDS

ఒక వారం తర్వాత మార్చి 25న #2 నిలిపివేయబడింది. 5 వారాల తర్వాత ఏప్రిల్ 25న రోగి నొప్పి నుండి 100% కోలుకున్నట్లు తెలిపారు. 2018 మే 5 తరువాత కూడా నొప్పి కలగక పోవడంతో మోతాదును నెలరోజులకు OD తర్వాత మరో నెల వరకు OW కి తగ్గించారు. ఆమెకు నొప్పి పునరావృతం కాలేదు.

ఐతే 2018 ఆగస్టు 9న ప్రాక్టీషనరును కలిసి వసంత ఋతువు ప్రారంభంలో ఆమె ఇంటిని శుభ్రపరిచిన కారణంగా మూడు రోజులు అధికంగా తుమ్ములు మరియు శ్వాస తీసుకోవడంలో అవరోధం కలిగింది. వాస్తవానికి ఇది ఎనిమిది సంవత్సరాల సమస్య కానీ మునుపటి సంప్రదింపుల సమయంలో రోగి ఈ విషయం ప్రస్తావించలేదు, ఎందుకంటే ఆమె యాంటీ హిస్టమిన్ ట్యాబ్లెట్ లతో దీనిని తగ్గించుకో గలుగుతున్నారు. ఆమెకు క్రింది రెమిడి ఇవ్వబడింది :

#1. CC19.1 Chest tonic + CC19.2 Respiratory allergies + CC19.4 Asthma attack…ప్రతీ పది నిమిషాలకి ఒక మాత్ర చొప్పున గంట వరకు, అవసరం మేరకు మరొక గంట పునరావృతం చేయడం అనంతరం 6TD

మరుసటి రోజు ఉదయం ఆమెను ఆనంద, ఆశ్చర్యాలకు గురిచేస్తూ ఆమెకు ఒక్కసారి కూడా తుమ్ములు రాలేదు. ఆగస్టు 25న రోగి తుమ్ముల విషయంలో 80% ఉపశమనం పొందినట్లు ఇప్పుడు మరింత తేలికగా ఊపిరి పీల్చుకో గలుగుతున్నట్లు తెలిపారు. కానీ ఛాతీలో రద్దీ ఇంకా స్వల్పంగా ఉంది. అక్టోబర్ 3న మోతాదు TDS కి తగ్గించబడింది.. 

అక్టోబర్ 14వ తేదీన రోగి తనకు రోగలక్షణాలు ఏమీ లేనట్టు ఆమె ప్రాక్టీ షనరుకు తెలిపారు. మోతాదు ODకి తగ్గించబడింది. 2018 నవంబర్ 5న రోగి తనకు అలర్జీ, తుమ్ములు, శ్వాసకోస సమస్యలు ఏవీ లేవని ఆమె తన నివాసానికి వెళ్లినట్లు తెలిపారు.  ఆమె ఒక టెస్టిమోనియల్ కూడా ప్రాక్టీషనరుకు పంపారు.

2020 ఆగస్ట్ నాటికి ఆమె లక్షణాలు ఏమీ పునరావృతం కాలేదు.  

పేషంటు సాక్ష్యము: ప్రాక్టీషనర్లు అందరికీ వారు చేస్తున్న సేవకు నా హృదయపు లోతులనుండి ప్రార్థన చేయాలనుకుంటున్నాను. స్వామికి మరియు వైద్య చికిత్సకు నా హృదయపూర్వక కృతజ్ఞతలు. గత ఎనిమిది నెలలుగా నమ్మశక్యం కానీ విధంగా నొప్పి నివారణ మందులు తీసుకోవటం మానివేసి నందుకు కృతజ్ఞతలు తెలుపు కుంటున్నాను. ఇప్పుడు నేను  యాంటీ హిస్టమిన్ లేదా యాంటీ ఇన్ఫ్లమేటరీ మందుల కోసం ఖెమిస్ట్ దగ్గరకి పరిగెత్తడం లేదు. ఇప్పుడు నా శారీరక వ్యవస్థ రసాయనిక మందులు లేని స్థితికి చేరడం అనేది నా  ఆలోచనలను తేలిక చేసింది. ధన్యవాదాలు, ధన్య వాదాలు!

ఆందోళన ^{11597...India}

2018 మే 5న 47 ఏళ్ల మహిళ నిరంతరం చింతించే అలవాటు అధిగమించడానికి ప్రాక్టీషనరును సంప్రదించారు. ఆమె మానసిక ఆందోళనకు గురియై నప్పుడు అస్థిరమైన నడకనూ, హృదయంలో భారాన్ని అనుభవిస్తూ ఉన్నారు. ఈ అవిశ్రాంతి మరియు ఆందోళన యొక్క లక్షణాలు 2017 డిసెంబర్ లో ప్రారంభమయ్యాయి. ఆమె ఋతు వ్యవస్థ అనిశ్చితంగా ఉన్నప్పటికీ ఈ సమస్యకు చికిత్స ప్రారంభించాలని ఆమె భావించలేదు. ఆమె కేవలం కాల్షియం మాత్రలు మాత్రమే తీసుకుంటూ అవే కొనసాగించారు.

ఆమెకు క్రింది రెమిడీ ఇవ్వబడింది:
#1. CC15.1 Mental & Emotional tonic + CC18.5 Neuralgia…TDS

మే 15న రోగి తనకు ఆనందంగా, విశ్రాంతిగా, మరింత శక్తివంతంగా ఉన్నట్లు తెలిపారు. ప్రస్తుతం ఆందోళన లేకుండా ఉండే విషయంలో 70% మెరుగుదల ఉందని ఆమె భావించారు. 5వారాల తర్వాత జూన్ 20న అనిశ్చిత ఋతు క్రమానికి క్రింది రెమిడి జోడించబడింది:
#2.CC8.1 Female tonic + CC8.8 Menses irregular + #1…TDS

జులై 20న రోగి తనకు ప్రశాంతంగా ఉంది కనుక రెమిడీ విషయంలో గానీ లేదా మోతాదు తగ్గింపు విషయంలో గానీ ఎటువంటి మార్పు లేకుండా కొనసాగించమని అభ్యర్ధించారు. ప్రతీనెలా రీఫిల్ ఆమె  స్వీకరిస్తున్నారు కానీ ఎంత మెరుగుదల శాతం ఉందో అంచనా వెయ్యలేక పోతున్నారు. పూర్తిగా కోలుకోవడం గురించి చెప్పడంలో ఆమె సంకోచించిస్తున్నట్లు ఈ రెమిడీ మీదనే ఆధారపడినట్లు ప్రాక్టీషనరు గ్రహించారు. రోగి మానసికంగా ఉల్లాసంగా ఉండాలనే భావనతో ఆమె సహజ ప్రతిభను గమనించి సంగీతం లేదా కళలకు సంబంధించిన తరగతులలో చేరాలని సూచించారు. రోగికి ఈ సలహా సముచితంగా తోచి వెంటనే సంగీత పాఠాలకు తన పేరు నమోదు చేయించు కున్నారు.  

విశ్వాసం మరియు శ్రద్ధతో #2 ను  కొనసాగించారు. నవంబర్ 7 నాటికి ఆమె మానసిక ఆరోగ్యం, శారీరక శ్రేయస్సు మరియు దృఢత్వం విషయంలో 100% మెరుగుదలను గుర్తించి ధైర్యంగా తెలియ జేశారు. ఆమె ఋతు సమస్య అలాగే కొనసాగింది. ఐతే ఆమె ఋతు విరతి కారణంగా ఏర్పడే సహజమైన శారీరక మార్పులకు లోనవుతున్నట్లు నమ్మకంగా ఉండడంతో క్రమరహిత రుతుస్రావం కోసం ఏ మందులు తీసుకోలేదు. 5 వారాల సమయంలో మోతాదును క్రమంగా తగ్గిస్తూ 2018 డిసెంబర్ 10న రెమిడీ నిలిపివేయ బడింది. 2020 అక్టోబర్ నాటికి ఆమె ఆరోగ్య సమస్యలు అన్నింటినుండి విడుదలై వ్యాధి లక్షణాల పునరావృతం ఏమి లేకుండా చురుకుగా చక్కటి ఆరోగ్యాన్ని అనుభవిస్తూ ఆనందంగా ఉన్నారు.

అజీర్ణం, తలనొప్పి ^{11606...India}

ప్రాక్టీషనరుగా అర్హత సాధించిన వెంటనే గత నాలుగైదు సంవత్సరాలుగా రోజు విడిచి రోజు వచ్చే కడుపులో మంట, ఆసిడ్ రిఫ్లక్స్, తేలికపాటి కడుపునొప్పితో బాధపడుతున్న32 ఏళ్ల పనిమనిషికి చికిత్స చేశారు. రోగి తన నలుగురు పిల్లలను పోషించడానికి అనేక గృహాల్లో పని చేయవలసి ఉన్నందున ఆమె ఆరోగ్యం లేదా ఆహారం పట్ల శ్రద్ధ చూపలేదు మరియు తన అనారోగ్యాలకు చికిత్స కూడా తీసుకోలేదు. రెండు నెలల క్రితం తాగుబోతు భర్త కారణంగా ఆమె పరిస్థితి మరింత దిగజారి ఆమెకు ఇంచుమించు ప్రతీరోజూ తలనొప్పి రావడం ప్రారంభమైంది కొన్నిసార్లు తల మొత్తం తిరుగుతూ ఉంటుంది ఇతర సమయంలో ఒకేవైపు నొప్పి వస్తుంది. 2019 మార్చి 19 న ప్రాక్టీషనర్ ఆమెకు క్రింది రెమిడి ఇచ్చారు:

#1. CC4.10 Indigestion + CC11.3 Headaches + CC11.4 Migraines + CC12.1 Adult tonic + CC15.1 Mental & Emotional tonic…TDS 

 రోగి ఎక్కువ గా నీరు త్రాగాలనీ, కూరగాయలు మరియు పండ్లను ఆహారంలో చేర్చాలనీ, వేయించిన ఆహారాన్ని నివారించాలనీ, సాధ్యమైనంత వరకూ భోజన సమయాన్ని మార్చకుండా ఒకే సమయంలో తీసుకోవాలని సూచించారు. వారం తర్వాత ఆమెకు స్వల్ప ఉపశమనం లభించింది అయితే పనిచేయడానికి ప్రాక్టీషనర్ ఇంటికి వచ్చినప్పుడు ఆమెకు మగత ప్రారంభమై పని అపవలసి వచ్చింది. వెంటనే ఆమెకు క్రింది రెమిడీ ఇవ్వబడింది:

#2. CC10.1 Emergencies…ప్రతీ పది నిమిషాలకు ఒక మోతాదు చొప్పున గంట వరకు ఇవ్వబడింది ఆ తర్వాత ఆమె స్థితి సాధారణమవడంతో #2 నిలిపివేయబడింది.  

వారం తర్వాత రోగి గ్యాస్, యాసిడ్ రిఫ్లెక్స్, మరియు కడుపులో మంట నుండి 100% ఉపశమనం పొందారు కానీ తలనొప్పి విషయంలో 80% మాత్రమే ఉపశమనం కలిగింది. మరో వారం తర్వాత తలనొప్పి కూడా మాయమైంది. 2019 ఏప్రిల్ 12న మోతాదు OD కి తగ్గించబడింది. మోతాదు క్రమంగా తగ్గించడానికి ఆమె ఇష్ట పడలేదు కాబట్టి ఆపడానికి ముందు రెండు నెలలు OD గానే కొనసాగించింది. 2019 జూన్ లో ప్రాక్టీషనర్  మరొక ప్రాంతానికి వెళ్ళడం చేత రోగి ఆమె వద్ద పనిచేయడం లేదు. ఐతే 2020 జూన్ నాటికి రోగి ఎటువంటి వ్యాధి లక్షణాలు పునరావృతం లేకుండా ఆరోగ్యంగా ఉన్నారు.

బిగుసుకుపోయిన భుజం ^{11620...India}

2019 జూన్ లో 53 ఏళ్ల వ్యక్తికి ఎడమ ముంజేతిలో నొప్పి రావడం ప్రారంభమైంది. కొద్ది నెలల్లో నొప్పి బాగా పెరిగి   పరిస్థితి ఎంత దుర్భరంగా మారిందంటే అతను చేయి కూడా ఎత్తి లేకపోయాడు. 2019 అక్టోబర్ 11న అతను న్యూరాలజిస్టును సంప్రదించగా దీనిని స్తంభించిపోయిన భుజముగా నిర్ధారించారు. సాధారణంగా మధుమేహ రోగులు భుజము యొక్క స్తంభన తో ఇబ్బంది ఉంటారు కనుక వైద్యుడు రక్తంలో చక్కెర పరీక్షలకు HbA1C మరియు FPG (Fasting Plasma Glucose) ఆదేశించారు. రెండు పరీక్షల్లో రక్తంలో చక్కెర స్థాయి సాధారణ పరిధిలోనే ఉన్నట్లు నిర్ధారించారు. అతనికి నొప్పి నివారణ మందు ఇవ్వబడింది కానీ ఇది రోగికి తాత్కాలిక ఉపశమనం మాత్రమే ఇవ్వడంతో దానిని ఒక వారం మాత్రమే తీసుకున్నారు. మూడు నెలలుగా అతను తీసుకున్న ఫిజియోథెరపీ కూడా అతనికి సహాయం చేయలేదు.

ఇదే సమయంలో అతను వైబ్రియానిక్స్ లో తన శిక్షణ పూర్తి చేసుకుని స్వయంగా ప్రాక్టీషనర్ అయ్యారు. 2020 ఫిబ్రవరి 2న తన కోసం కింది రెమిడీ తయారు చేసుకున్నారు.    
CC20.3 Arthritis + CC20.4 Muscles & Supportive tissue…TDS

అతను వేరే మందులు ఏమీ తీసుకోలేదు, రెండు వారాల్లో నొప్పులు విషయంలో 75% ఉపశమనం పొందారు కాబట్టి ఏమీ ఇబ్బంది లేకుండా చేతులు ఎత్తగలుగుతున్నారు. ఫిబ్రవరి 22 నాటికి నొప్పి మాయం అవడంతో  తన చేతిని సులువుగా కదిలింప గలుగు తున్నారు. అందుచేత మోతాదు ఒక వారం OD కి తగ్గించి మార్చి 1న ఆపివేయబడింది. 2020 జూలై 31 నాటికి అతని భుజం నొప్పి పునరావృతం కాలేదు.

ఒరో ఫారింజి యల్ డిస్పాజీయ (ఆహారం మ్రింగడం లొ ఇబ్బంది) (Oropharyngeal dysphagia) ^{11613...India}

57 ఏళ్ల వనిత మింగడంలో ఇబ్బంది కలిగి ప్రతి ముద్దకు పొరబారుతున్న పరిస్థితి కలుగుతోంది. 2019 మార్చి 12న పది రోజులు బాధ పడిన తర్వాత వైద్యుని సంప్రదించగా ఈ పరిస్థితిని ఓరోఫారింజియల్ డిస్పాజియాగా గుర్తించి అలోపతి మందులు సూచించారు. ఆమె నోటిలో పుండ్లు కూడా ఉన్నందున 2019 ఏప్రిల్ 5న జరిగిన పరీక్షలలో ఇది ఓరల్ లైకెన్ ప్లానస్(oral lichen planus)అనే ఆటో ఇమ్యూన్ లేదా స్వయం ప్రతిరక్షక రుగ్మత గా నిర్ధారించి దీనికి ఆమెకు మందులు ఇచ్చారు.  ఐదు నెలల తర్వాత నోటి పుండ్లు తగ్గిపోవడంతో 2019 సెప్టెంబర్ 25న మందులు ఆపివేశారు కానీ డిస్పాజియా కొనసాగుతూ ఉండడంతో 2019 నవంబర్ 26న ఎండోస్కోపీ చేయించుకున్నారు. ఇది సన్నని నిరపాయమైన పొర రూపంలో శ్వాసకోశ మార్గము మరియు అన్నవాహిక మధ్యలో ఏర్పడినట్లు కనుగొన్నారు. ఈ పొర ను తొలగించడానికి శస్త్రచికిత్స సూచించ బడింది కానీ  రోగి వైబ్రో చికిత్స ఎంచుకుని అలోపతి ఔషధాలను  తీసుకోవడం అపి వేశారు. 2019 నవంబర్ 27న  ప్రాక్టీషనరును సంప్రదించినప్పుడు ఆమె తన ఆరోగ్యం గురించి ఆందోళనతో ఉంది. ఆమెకు క్రింది రెమిడీ ఇవ్వబడింది:
CC4.10 Indigestion + CC12.4 Autoimmune diseases + CC15.1 Mental & Emotional tonic + CC18.4 Paralysis…6TD ఒక వారం వరకూ అనంతరం TDS

అన్నవాహికలో ఆహారం యొక్క కదలిక నెమ్మదిగా ఉన్నందున బహుశా కండరాలు బలహీనపడడం కారణం కావచ్చని భావించి CC18.4 Paralysis  చేర్చబడింది. రెండువారాల తర్వాత అనగా డిసెంబర్ 12న ఆమెకు పొరబారుతున్న అనుభూతి పూర్తిగా కనుమరుగయింది అని తెలిపారు. 2020 జనవరి 5న మోతాదు OD కి తగ్గించి 2020 మార్చి 5 నాటికి క్రమంగా తగ్గించి ఆపివేశారు. ఇప్పుడు CC12.1 Adult tonic మరియు CC17.2 Cleansing, ప్రతీ నెలకు మార్చి తీసుకునే చక్రం లో ఉన్నారు. 2020 సెప్టెంబర్ నాటికి వ్యాధి లక్షణాలు పునరావృతం కాలేదు.

ఆందోళన రుగ్మత ^03576...UK

2019 మార్చి 15న 48 ఏళ్ల వ్యక్తి తనకు ఏదైనా సహాయం చేయగలరా అని అడగడానికి ప్రాక్టీషనరును సంప్రదించారు. గత ఆరు నెలలుగా అతను తీవ్రమైన ఆందోళన, అలసట మరియు మానసిక అస్థిరత్వముతో బాధపడుతున్నారు. రక్త పరీక్షలు అతని TSH స్థాయి 6.8 mIU/L (సాధారణ స్థాయి 0.4నుండి 4.0) ఉన్నట్లు  వెల్లడయింది. ఇది భవిష్యత్తులో హైపో థైరాయిడిజంకు దారితీస్తుందని డాక్టరు చెపుతూ మందులేవీ ఇవ్వలేదు కానీ ప్రతి సంవత్సరం థైరాయిడ్ పనితీరు పర్యవేక్షించాలని కోరారు.. 

 ఒక వారం తర్వాత అతను ప్రాక్టీషనరును సందర్శించి కొన్ని సమయాల్లో అతను చాలా ఆందోళనతో లోపల మనసులో శూన్యత కలిగి ఉన్నట్లుగా చెప్పారు. తనలో ఆత్మ విశ్వాసం లోపించి మునుపటిలాగా ప్రజలతో ఉత్తర ప్రత్యుత్తరాలు జరపలేకుండా ఉన్నట్లు చెప్పారు. భౌతిక స్థాయిలో చూచినట్లైతే అతనికి అన్నీ ఉన్నాయి. ప్రేమగా చూసే కుటుంబము, విజయవంతముగా నడుస్తున్న వ్యాపారము, విలాసవంతమైన జీవన శైలి కలిగి ఉన్నారు. కానీ ఇప్పుడు అతను ఆతృతగా, ఆందోళనగా, చంచలంగా, చిరాకుగా ఉండడంతో ఇది అతని దినచర్యను, అతని సామాజిక మరియు వృత్తి పరమైన జీవితాన్ని ప్రభావితం చేసింది. జీవితంలో ఇట్టి మానసిక స్థితిని ఎప్పుడూ అనుభవించలేదు. 3 సంవత్సరాల  క్రితం అతని చెల్లెలు 40 ఏళ్ల వయసులో పెళ్లికి ముందు రోజు మరణించడం కూడా అతన్ని ప్రభావితం చేయలేదు కానీ ఇప్పుడు తనను ప్రభావితం చేస్తున్న తీవ్రమైన మానసిక భావోద్వేగ మరియు శారీరక మార్పులు అర్థం చేసుకోలేక పోతున్నట్లు ఈ పరిస్థితి తన వ్యాపారాన్ని దెబ్బ తీస్తుందేమో అనే ఆందోళనతో పెరిగిందని ప్రాక్టీషనరుకు చెప్పారు. అయితే రోగి తన సోదరి మరణానికి సంబంధించి కొన్ని పరిష్కరించని సమస్యలు ఉన్నాయని ప్రాక్టీషనర్ కనుగొన్నారు. ఆరు నెలల క్రితం వరకు అతను ఎటువంటి లక్షణాలు అనుభవించినప్పటికీ ఇది అతని మానసిక స్థితిని ప్రభావితం చేస్తుందని కనుగొన్నారు. అతను మల్టీవిటమిన్ ట్యాబ్లెట్లు తప్ప మరేమీ తీసుకోవాదం లేదు. 2019 మార్చి 23న అతనికి క్రింది రెమిడీ  ఇవ్వబడింది:
CC6.2 Hypothyroid + CC10.1 Emergencies + CC12.1 Adult tonic + CC15.1 Mental & Emotional tonic + CC15.2 Psychiatric disorders…TDS

మూడు రోజులు తర్వాత రోగి తన మానసిక స్థితిలో 60% మెరుగుదల ఉందని భావించారు. ఏప్రిల్ 10న మరో రెండు వారాల తర్వాత కుటుంబ సందర్భంగా అతను 90% మెరుగుదల ఉన్నట్లు తెలిపారు. తన లక్షణాలు మొదలయ్యే ముందు తాను ఎలా ఉన్నాడో అట్టి స్థితికి చేరుకున్నట్లు భావిస్తున్నట్లు తెలిపారు. మరొక వారం తర్వాత ఏప్రిల్ 19న అతను పూర్తిగా కోలుకుని తన సాధారణ వృత్తి మరియు సామాజిక జీవితాన్ని కొనసాగించగలుగుతున్నట్లు ఆనందంగా తెలిపారు. మే 17న మోతాదు BD కి తగ్గించబడింది మరియు జూలై మధ్య భాగం నాటికి క్రమంగా తగ్గిస్తూ పూర్తిగా ఆపివేసారు. 2019 జూలై 2019 న అతని TSHస్థాయి 4mIU/L ఉండటంతో అతని వైద్యుడు ఇది ఆమోదయోగ్యమైనదిగా భావిస్తూ ఇది పునరుద్ధరించబడిన థైరాయిడ్ పనితీరుకు నిదర్శనం అని తెలిపారు. 2020 సెప్టెంబర్ నాటికి రోగి పూర్తిగా కోరుకుని ఉత్సాహంగా ఉన్నారు.

మోకాళ్ళ నొప్పులు ^{03527...France}

72-ఏళ్ల మహిళ మాజీ శారీరక విద్య ఉపాధ్యాయురాలు మరియు యు.కె జాతీయ వాలీబాల్ క్రీడాకారిణి గత 15 సంవత్సరాలుగా మోకాళ్ళ నొప్పులతో బాధపడుతున్నారు (కుడి మోకాలు లోని నెలవంక వంటిదానికి (మెనిస్కస్) ఏడు సంవత్సరాల క్రితం ఆపరేషన్ చేసారు).  ఆమె ఈ నొప్పి నుండి ఉపశమనం కోసం తన కెరీర్ మొత్తం పదేపదే నొప్పి నిరోధక మందులు తీసుకున్నారు, కానీ 5-6 సంవత్సరాల క్రితం వాటిని తీసుకోవడం మానేసారు. ఎందుకంటే ఇవి ఆమె మూత్రపిండాలను దెబ్బతీయడం ప్రారంభించాయి. సాధ్యమైనంతవరకు నొప్పి నివారణ మందులు తీసుకోవడం మానేసి బదులుగా సిలీసియా, కొల్లాజెన్, పసుపు వంటి అనుబంధ ఆహార పదార్థాలను తీసుకునేవారు. 2017 నవంబర్ నాటికి ఆమె ఎడమ కాలు నొప్పి అత్యంత బాధాకరంగా మారడంతో ఆమెకు నడవడం, డ్రైవింగ్ చెయ్యడం అసాధ్య మయ్యింది. అందుచేత ఆమె ఎడమ మోకాలికి శస్త్రచికిత్స చేయించుకోవాలనే ఉద్దేశంతో ఉన్నారు. ఇట్టి నిరాశావాహ స్థితిలో 2018 మే 31న ఆమె ప్రాక్టీషనర్ ను సంప్రదించినప్పుడు ఆమె ఆత్మ విశ్వాస లోపంతో కూడా ఉన్నట్లు కనుగొని క్రింది రెమిడీ ఇచ్చారు:    :
#1. NM2 Blood + NM3 Bone Irregularity + NM12 Combination-12 + NM20 Injury + NM22 Liver + NM40 Knees + NM59 Pain + NM63 Back-up(Booster) + NM86 Immunity + BR18 Circulation + BR21 Injury + SR348 Cortisone + SR573 Osteoporosis + potentised Codeine-Doliprane 200C...6TD in water

సెప్టెంబర్ 4 నాటికి 20% మెరుగుదల కనిపించింది. నొప్పి కాస్త భరించగలిగే స్థాయికి చేరినందువల్ల  #1 మోతాదు TDS కి తగ్గించబడింది. చికిత్స పట్ల తనకు నమ్మకం ఏర్పడినట్లు ప్రాక్టీషనరుతో  చెప్పారు. విటమిన్ C,D, మరియు K2  యొక్క సప్లిమెంట్లు తీసుకోవలసిందిగా ఆమెకు సలహా ఇచ్చారు ఎందుకంటే ఫ్రాన్స్ లో చాలామంది సీనియర్లు వీటి లోపంతో బాధ పడుతున్నట్లు ప్రాక్టీషనరు అభిప్రాయం. 2019 జనవరి నాటికి ఆమె వ్యాధి లక్షణాలు మూడోవంతు మాత్రమే మెరుగుపడముతో ప్రాక్టీషనర్ పురోగతి నెమ్మదిగా ఉందని భావించి రెమిడీని క్రింది విధంగా సవరించారు: 
#2. NM3 Bone Irregularity + NM40 Knees + NM59 Pain + OM5 Circulation + BR18 Circulation + SM28 Injury + SM36 Skeletal + SR348 Cortisone + SR573 Osteoporosis + potentised Codeine-Doliprane 200C...TDS నీటిలో

ఏప్రిల్ నాటికి 80% మెరుగుదల కనిపించింది. జూన్ చివరి నాటికి నొప్పి మాయం అవడంతో ఇప్పుడు ఆమె నడవడంతో పాటు డ్రైవింగ్ కూడా చేయగలుగుతున్నారు. ఆమెను శస్త్రచికిత్సనుండి దూరం చేసి నందుకు వైబ్రియానిక్స్ కు కృతజ్ఞతలు తెలిపారు. జూలై 4 నుండి మోతాదు క్రమంగా తగ్గిస్తూ 2019 సెప్టెంబర్ 30 నాటికి ఆపివేశారు. 2020 మే లో ఆమె ప్రాక్టీషనరుకు ఒక కార్డును పంపుతూ “నా మోకాలు నొప్పి పూర్తిగా తగ్గిపోయింది నేను సంతోషంగా ఉన్నాను” 2020 సెప్టెంబర్ చివరిలో రోగిని వివరాలకోసం పిలిచినప్పుడు నొప్పి పునరావృతం కాలేదని ఈ నివారణ ఒక అద్భుతం అని ఆమె తెలిపారు.    

నొప్పితో బాధపడుతున్న రోగులందరికీ నొప్పి నివారిణి కోడిన్ డోలిప్రేన్(ప్యారాసిటమల్) చాలా మంచి ఫలితాలు ఇస్తున్నట్లు ప్రాక్టీషనర్ పేర్కొంటున్నారు.

108CC బాక్స్ ఉపయోగించి నట్లయితే CC12.1 Adult tonic + CC20.1 SMJ tonic + CC20.2 SMJ Pain + CC20.5 Spine + CC20.6 Osteoporosis ఇవ్వండి.

బాధాకరమైన మొలలు ^{03592...South Africa}

50 ఏళ్ల మహిళ గత ఐదు సంవత్సరాలుగా బాధాకరమైన మొలలు మరియు మల బద్దకంతో బాధపడుతున్నారు. వైద్యుడు ఆమెకు శస్త్రచికిత్స సిఫార్సు చేశారు. ఆపరేషన్ అంటే భయం కారణంగా ఆమె దానిని నిరాకరించారు. గత మూడు సంవత్సరాలుగా ఆమె అప్పుడప్పుడు నొప్పి మరియు మలబద్ధకం కోసం పరిస్థితి తీవ్రంగా ఉన్నప్పుడు మాత్రమే అల్లోపతి మందులు తీసుకున్నారు కానీ ఇవి పెద్దగా సహాయం చేయలేదు. ఆమె వైబ్రియానిక్స్ తీసుకోవాలని నిర్ణయించుకొని 2020 ఏప్రిల్ 10న ప్రాక్టీషనరును సంప్రదించగా క్రింది రెమిడీ ఇచ్చారు:
CC4.4 Constipation…TDS

రోగి వేరే మందులు ఏమీ తీసుకోలేదు. ఏప్రిల్ 29న నొప్పి మరియు మలబద్ధకం రెండింటిలో 25% ఉపశమనం పొందారు. రెండు వారాల తరువాత అనగా మే 17న 50% మెరుగుదల కలిగింది. మొలలు వాటి అసలు పరిమాణంలో సగానికి తగ్గాయి. తర్వాత రెండు వారాల్లో మొలలు మరికొంత కుంచించుకు పోయాయి. జూన్ 1 నాటికి రోగికి 100% ఉపశమనం కలిగి మలబద్ధకం మరియు మొలలు పూర్తిగా కనుమరుగయ్యాయి. అంతేకాకుండా రోగి తన జీవిత కాలమంతా  ప్రతీ నెలలో అనుభవిస్తున్న తిమ్మిరి మరియు భారీ రక్తస్రావం యొక్క సమస్య అనూహ్యంగా పూర్తిగా పోయిందని గమనించారు. ఇంతకుముందు ఈ సమస్యను ప్రాక్టీషనరు ముందు ప్రస్తావించ నందున బోనస్ గా ఏర్పడిన నివారణ పట్ల ఆమె ఎంతో ఆనందంగా ఉన్నారు. మోతాదు మూడు నెలల వ్యవధిలో BD, OD, 3TW, 2TW కి తగ్గించబడింది. చివరిగా 31 ఆగస్టు 2020 రెమిడీ ఆపాలని నిర్ణయించుకున్నారు ఎందుకంటే బాధాకరమైన సమస్యలు ఆమె జ్ఞాపకాల నుండి కూడా తొలగిపోయాయి. 2020 అక్టోబర్ నాటికి సమస్యలేవీ పునరావృతం కాలేదు.

పునరావృతమవుతున్న మూలశంక (పైల్స్) ^{11615...India}

50-ఏళ్ల మహిళకు గత మూడు వారాలుగా మలంలో రక్తము, అలాగే ఆసనము దగ్గరా మరియు కడుపులోనూ తీవ్రమైన నొప్పి కలగ సాగాయి. మొట్టమొదట 1996 లో రక్తస్రావం లేకుండా ఈ లక్షణాలు కనిపించగా ఇది మూలశంకగా నిర్ధారణ కావడంతో  15 రోజుల పాటు కొనసాగిన హోమియో చికిత్సతో వ్యాధి నయమయ్యింది. అదే లక్షణాలు 2017 జూన్ లో పునరావృతం అయ్యాయి. రోగి హోమియోపతి తిరిగి వాడారు. 2019 ఆగస్టు లో మూడవ సారి ఇది పునరావృతం అయింది. ఆమె మునుపటి హోమియోపతి డాక్టర్ ను సంప్రదించకుండా  అల్లోపతి వైద్యుడిని సంప్రదించగా శస్త్రచికిత్స సూచించారు. అది ఇష్టంలేక ఆమె స్వయంగా తన వ్యాధికి హోమియోపతి నివారణలు ఆక్యులస్ (Aesculus) 200  తీసుకున్నారు కానీ ఇది ఏమాత్రం సహాయం చేయలేదు.  2019 ఆగస్టు 24న ప్రాక్టీషనరును సంప్రదించగా క్రింద రెమిడీ ఇచ్చారు:   
#1. CC4.4 Constipation + CC4.6 Diarrhoea + CC4.8 Gastroenteritis + CC4.10 Indigestion + CC8.1 Female tonic + CC15.1 Mental & Emotional tonic…ప్రతీ 10 నిమిషాలకు ఒక మోతాదు చొప్పున 1 గంట వరకూ అనంతరం 6TD.

ఆగస్టు 26న కడుపునొప్పి విషయంలో కాస్త ఉపశమనం ఉన్నప్పటికీ రక్తస్రావం తగ్గకపోవడం మరియు ఆసన ప్రాంతం చాలా బాధాకరంగా ఉన్నందున ప్రాక్టీషనరు #1ని క్రింది విధంగా మెరుగు పరచడం జరిగింది:

#2. CC3.2 Bleeding disorders + CC20.4 Muscles & Supportive tissue + CC21.11 Wounds & Abrasions + #1…ప్రతీ పది నిమిషాలకు ఒక డోస్ చొప్పున ఒక గంట వరకు ఆ తర్వాత 6TD

రెండు రోజుల తర్వాత ఆమె నొప్పి 50% తగ్గినట్లు మరియు మలంలో రక్తంస్రావం లేదని తెలిపారు. సెప్టెంబర్ 2న ఆమె నొప్పి 90% తగ్గినందున మోతాదు TDS కు తగ్గించబడింది. సెప్టెంబర్ 20 నాటికి రోగి వ్యాధి లక్షణాలు అన్నింటినుండి విడుదల కావడంతో మోతాదు OD కి తగ్గించ బడింది. కానీ అక్టోబర్ 15న రోగి రెమిడీ ఆపాలని నిర్ణయించుకున్నారు. నవంబర్ 3న ఆమె ఇతర సమస్యలైన వెన్ను నొప్పి, మోకాలు నొప్పి, సాధారణ బలహీనత మరియు క్రమరహిత ఋతుస్రావం కోసం వచ్చారు. ఆమె రుతువిరతి దగ్గరగా ఉందని గుర్తించి #2 ను  ముందస్తుగా ఆపి దీని స్థానంలో క్రింది రెమిడి ఇచ్చారు:  
#3. CC3.2 Bleeding disorders + CC4.4 Constipation + CC8.6 Menopause + CC12.1 Adult tonic + CC15.1 Mental & Emotional tonic + CC20.4 Muscles & Supportive tissue + CC20.6 Osteoporosis…TDS

16 రోజుల్లో ఆమె రోగ లక్షణాలు అన్నీ కనుమరుగయ్యాయి కాబట్టి నవంబర్ 19న #3  యొక్క మోతాదు OD కి అనంతరం డిసెంబర్ 4 నాటికి క్రమంగా 2TW కి తగ్గించబడింది. రెండు రోజుల తర్వాత ఆ ప్రాంతంలో నొప్పి పునరావృతం అయింది కాబట్టి తిరిగి మోతాదు TDS కి పెంచారు. ఆమెకు మరల నొప్పి లేకుండా పూర్తిగా తగ్గిపోవడానికి ఒక వారం పట్టింది. లక్షణాలు ఏవి పునరావృతం కాలేదని ఒక నెల పాటు భరోసా ఇచ్చిన తర్వాత 2020 జనవరి 14న OD కి తగ్గించారు ఆ తర్వాత ఐదు వారాల పాటు నిర్వహణ మోతాదు OW. కి తగ్గించారు 2020 ఫిబ్రవరి 17 న #3 ను OW వద్ద కొనసాగిస్తూ ఆమెకు CC15.1 Mental & Emotional tonic…TDS గా నెల వరకూ అనంతరం CC12.1 Adult tonic + CC17.2 Cleansing  కు మార్చుతూ మరొక నెల ఇలా సంవత్సరం కొనసాగించ బడింది. 2017 అక్టోబర్ నాటికి వ్యాధి లక్షణాలు పునరావృతం లేకుండా ఆరోగ్యంగా ఉన్నారు.

కోవిడ్ -19 ^{11613...India}

83 ఏళ్ల వ్యక్తికి గత 28 సంవత్సరాలుగా  ఆస్తమాతో బాధ పడుతూ నివారణ కోసం ఇన్హేలర్ మరియు నెబ్యు లైజర్ తీసుకుంటున్నారు. అలాగే పదేళ్ల క్రితం నిర్ధారణ అయినా రక్త క్యాన్సర్ కోసం ఇమిటీ నాబ్ - ( క్యాన్సర్ కణాల పెరుగుదలను మందగింపు చేసే కీమోథెరపీ ఔషధం) కూడా తీసుకుంటున్నారు. 2020 జూలై 12న అతను 101º F జ్వరం మరియు ఊపిరి ఆడకపోవడం వంటి సాధారణ కంటే ఎక్కువ రోగలక్షణాలు ఏర్పడి  నాలుగు రోజులు ఇవి కొనసాగుతూ ఉన్నప్పుడు అతని కుటుంబం పల్స్ ఆక్సీ మీటర్ ని ఉపయోగించి రక్తములో  ఆక్సిజన్ స్థాయిని 89% గా కనుగొన్నారు (సాధారణ స్థాయి 95% - 100% కానీ ఉబ్బస వ్యాధి గ్రస్తుడు ఉపవాసం కావడంతో అతని సాధారణ స్థాయి కనీసం 92%ఉండాలి).జులై 16న వెంటనే అతన్ని ఆస్పత్రిలో చేర్పించారు, అక్కడ అతనికి ఆక్సిజన్ సపోర్ట్ అందించ బడింది. అదే రోజున చేసిన పరీక్షలలో అతనికి కోవిడ్ పాజిటివ్ అని తెలిసింది. అందువల్ల అతనికి విటమిన్ సి, జింక్ మరియు కాల్షియం టాబ్లెట్లతో పాటు ఆసుపత్రి వర్గాలు వెల్లడించక పోయినా  రోజు వారీ నరానికి ఇచ్చే యాంటీ వైరల్ ఇంజక్షన్లను కూడా ఇవ్వబడ్డాయి.

మూడు రోజుల తర్వాత అనగా 2020 19న జూలై 19న జ్వరం 99. 5º F  కి తగ్గింది కానీ ఆక్సిజన్ స్థాయి 84  శాతానికి పడిపోయింది. వెంటనే ఒక కుటుంబ సభ్యుడు ప్రాక్టీషనరును సంప్రదించగా ప్రామాణిక రోగ నిరోధక శక్తిని పెంచే క్రింది రెమిడీ ఇచ్చారు:  

CC4.1 Digestion tonic + CC4.8 Gastroenteritis + CC9.4 Children’s diseases + CC10.1 Emergencies + CC13.1 Kidney & Bladder tonic + CC15.1 Mental & Emotional tonic + CC19.3 Chest infections chronic + CC19.6 Cough chronic + CC19.7 Throat chronic…ప్రతీ 10 నిమిషాలకు ఒక మోతాదు చొప్పున 2 గంటల వరకూ అనంతరం 6TD

మరుసటి రోజు జ్వరం 99º F కి తగ్గింది. అతని శక్తి స్థాయి ఆకలి గణనీయంగా పెరిగాయి. మూడు రోజుల తరువాత జూలై 22న స్వాబ్ టెస్ట్ లో అతను ఇంకా సానుకూలంగా ఉన్నాడని మరియు ఆక్సిజన్ స్థాయి 84 శాతం వద్ద నిలకడగానే ఉందని తేలింది కనుక ఆక్సిజన్ మద్దతును కొనసాగించారు. ఏది ఏమైనా నాలుగు రోజుల తర్వాత జూలై 26న అతను చాలా ఉపశమనం పొందాడు. పరీక్షలలో అతనికి కోవిడ్ నెగిటివ్ రావడంతో పాటు ఆక్సిజన్ స్థాయి 98 శాతానికి మెరుగుపడింది. ఆస్పత్రి నుంచి డిశ్చార్జి అయ్యాడు. రక్త క్యాన్సర్ మరియు ఆస్త్మా ఉన్నప్పటికీ 83 సంవత్సరాల వయసుగల ఈ వ్యక్తి కేవలం పది రోజుల్లోనే కోలుకోవడం వైద్యులను ఎంతో ఆశ్చర్యపరిచింది. ఆగస్టు 5న మోతాదు క్రమంగా TDS, BD, OD గా తగ్గించబడింది. రెమిడీ అవసరం లేదని భావించి రోగి 2020 సెప్టెంబర్ 10న నిలిపివేయడం జరిగింది.

ప్రాక్టీషనర్ల వివరాలు ^{11621...India}

ప్రాక్టీషనర్ ^{11621…ఇండియా}  వీరు 2014 నుండి SSSIHL బృందావనంలో బయో సైన్స్ విభాగంలో అసిస్టెంట్ ప్రొఫెసర్గా పనిచేస్తూ ప్రస్తుతం క్యాంపస్ కోఆర్డినేటర్ కూడా ఉన్నారు. 1989లో స్వామి కోయంబత్తూరులోని పొడనుర్ సమితిని సందర్శించినప్పుడు వీరికి మొదటి దర్శనం లభించింది. ఇతను బాలవికాస్ బృందం ప్రదర్శించిన ఒక నృత్య నాటకములో భాగం కాగా ప్రదర్శన అనంతరం స్వామి విభూదిని సృష్టించి ఇస్తూ ఈ బృందం వారందరినీ  ఆశీర్వదించారు మరియు వారితో గ్రూప్ ఫోటో కూడా తీయించు కున్నారు. స్వామిపై ఎక్కువ దృష్టి లగ్నం చేయడానికి తన బాలవికాస్ గురువులచే ప్రేరణ పొంది స్వామి విద్యా సంస్థలలో విద్యార్థి కావాలని ఆకాంక్షించారు. 1996లో అండర్గ్రాడ్యుయేట్ గా స్వామి విద్యాసంస్థలో చేరి 2001 లో మాస్టర్స్ డిగ్రీ పూర్తి చేయడం ద్వారా అతని కోరిక నెరవేరింది. ఆ తర్వాత 2008లో బెంగళూరులోని JNCASR నుండి డాక్టరేట్ పొందారు.

తను విద్యార్థిగా ఉన్న రోజుల్లో ఈ ప్రాక్టీషనర్ సాయి సేవా కార్యక్రమాల్లో పాల్గొనడం, భజనలు నిర్వహించడం, చిన్న చిన్న ఉపన్యాసాలు ఇవ్వడం సత్సంగాలు నిర్వహించడం వంటి కార్యక్రమాలతో ఆనందించారు. ప్రస్తుతం తన యువ విద్యార్థులకు గురువుగా వారి కోసం అవగాహన కోర్సులు మరియు స్వీయ అభివృద్ధి కోసం వారాంతపు సెషన్లు నిర్వహిస్తూ ఆర్ట్స్ గ్యాలరీ స్వావలంబన బృందం మరియు డ్రామా సెట్ల బాధ్యతలను కూడా నిర్వహిస్తున్నారు. బృందావనం హాస్టల్లో విద్యార్థులకు మామూలుగా ఇచ్చే అల్లోపతి చికిత్స పట్ల అసంతృప్తితో ఉన్న వీరు ప్రత్యామ్నాయ పరిష్కారం కోసం స్వామిని ప్రార్థించారు. బృందావనంలో నెలవారీ వైద్య శిబిరంలో ఆయుర్వేద వైద్యుడు కేవలం ఒకరు లేదా ఇద్దరు విద్యార్థులకు మాత్రమే చికిత్స చేయగలరు, ఎందుకంటే ఈ సంప్రదింపుల నిమిత్తం కనీసం 20 నుంచి 30 నిమిషాలు పడుతుంది. ప్రాక్టీషనర్ ఈ పద్ధతిని స్వయంగా నేర్చుకోవాలని భావించారు. కానీ దీనిని పూర్తిగా అధ్యయనం చేయడానికి చాలా సంవత్సరాలు ఫుల్ టైం కోర్సుగా చేయవలసి ఉంటుంది. అలాగే హోమియోపతి చికిత్స చేయడానికి తగిన అర్హత గల వైద్యుల వీరికి లభించలేదు. 2 సంవత్సరాల ప్రార్థనల తరువాత మాత్రమే ఒక బృంద ధ్యాన సమావేశం అనంతరం ప్రాక్టీషనర్¹¹⁵⁹⁵  బృందం లోని మరొక సభ్యుడికి మందుల గోళీలు ఉన్న చిన్న డబ్బాను అందించడం వీరు గమనించారు. ఇది స్వామి మార్గ నిర్దేశం చేసిన సాయి వైబ్రియానిక్స్ చికిత్సా పద్ధతి అని వారు తెలుసుకున్నారు. మరియు వీరిని నిజంగా ప్రభావితం చేసింది ఆ సభ్యుని యొక్క వ్యాఖ్య “సాయి వైబ్రియానిక్స్ మ్యాజిక్ వలె పనిచేస్తూ ఉండడం వలన నేను ఎల్లప్పుడూ వేగంగా కోలుకుంటాను”.  అంతేకాక ఆ ప్రాక్టీషనర్ ద్వారా కూడా ప్రోత్సహింపబడి అతను వెబ్సైట్ అన్వేషించారు. ప్రవేశ ప్రక్రియ స్వీకరించి శిక్షణా కార్యక్రమంలో పాల్గొన్నారు. e కోర్సు సమయంలో వైబ్రియానిక్స్ సమర్ధత గురించి వీరికి మొదటి అనుభవం చేకూరింది. పైన పేర్కొన్న ప్రాక్టీషనర్ వీరికి సంబంధించిన నిత్యం వేధించే తుమ్ములు, తరుచుగా కలిగే గొంతు ఇన్ఫెక్షన్ కోసం చికిత్స చేసినప్పుడు అది త్వరగా నయం కావడంతో తన విద్యార్థుల్లో చాలామందిని ఆ  తో ప్రాక్టీషనరుతో టెలిఫోన్ సంప్రదింపుల కోసం సూచించడమే కాక వారు అందించిన రెమిడిలను సేకరించి విద్యార్థులకు అందజేసేవారు.

2019 నవంబర్ లో పుట్టపర్తిలో తన AVP శిక్షణ పూర్తి చేసుకున్న తర్వాత అదే రోజు మొదటి రెమిడి  CC1.1 Animal tonic + CC1.2 Plant tonic + CC15.1 Mental & Emotional tonic తయారుచేసి స్వామి ఫోటో ముందు నైవేద్యంగా సమర్పించి విశ్వ శాంతి కోసం స్వామిని ప్రార్ధించారు.  వీరి వైబ్రియానిక్స్ సేవ నాటకీయంగా ప్రారంభమైంది. వీరు వర్క్ షాప్ నుండి ఇంటికి తిరిగి వస్తున్నప్పుడు ఒక గ్రామీణ మహిళ తన కొడుకు బైక్ నుండి రోడ్డుమీద పడిపోయి ప్రమాదానికి గురియవడాన్ని తన టాక్సీ నుండి గమనించారు. ఆమె పాక్షిక అచేతన స్థితిలో ఉండి రక్తస్రావం మరియు నొప్పితో మూలుగుతూ ఉంది. వెంటనే తన జేబులో ఉన్న అత్యవసర నివారణ (శిక్షణ సమయంలో తప్పనిసరి చేసిన ఒక నియమం మేరకు)ఆమెకు ఇచ్చారు ఆపై ఆమెను టాక్సీలో ఆస్పత్రికి తరలించారు ఈ విధంగా మొదటి రోగికి చికిత్స చేయడానికి ఆకస్మిక సేవా అవకాశం ఇచ్చినందుకు స్వామికి వారు కృతజ్ఞతలు తెలిపారు.

  బృందావనానికి చేరుకున్న తర్వాత హాస్టల్లో విద్యార్థులతో తన ప్రాక్టీసు ప్రారంభించారు. అతి త్వరలోనే అనేక మంది విద్యార్థులు దీని గురించి తెలుసుకొని ప్రాక్టీషనర్ ని సంప్రదించడం ప్రారంభించారు. ఇది వీరిని ఎల్లప్పుడూ బిజీగా ఉండేలా చేయడంతో విద్యార్థులను వీరికి సహకరించడానికి ప్రోత్సహించి తద్వారా వారికి వైబ్రియానిక్స్ సేవలో భాగం పంచుకునే చక్కటి అవకాశం కల్పించింది. ఈ విధంగా 12 మంది వాలంటీర్లకు శిక్షణ ఇచ్చి సీసాలలో కొంబోలను నింపడం మరియు వాటిని తగిన సూచనలతో పేషెంట్లకు అందజేయడం నేర్పించారు. అతిసారం, మలబద్దకం, మైగ్రేన్ తలనొప్పి, జ్వరం, దగ్గు మరియు జలుబు వంటి సాధారణముగా ఎదురయ్యే వ్యాధులకు పెద్ద మొత్తంలో రెమిడీలు తయారు చేసి అత్యవసర పరిస్థితిలో ఎవరైనా అనారోగ్యానికి గురైనప్పుడు ఈస్వచ్ఛంద సేవకులు టెలిఫోన్ ద్వారా ప్రాక్టీషనరును సంప్రదించి తగిన రెమిడీని రోగికి అందించడం ద్వారా ఈ సాధారణ వ్యాధుల చికిత్స క్రమబద్ధీకరిస్తారు.

2020 జనవరిలో జరిగిన వార్షిక క్రీడా వేడుకల కోసం విద్యార్థులందరూ పుట్టపర్తికి వెళ్లారు. డ్రామా సెట్స్ తయారు చేయడంలోనూ సుదీర్ఘమైన ప్రాక్టీస్ సందర్భంగానూ విద్యార్థులు తరచూ గాయాల పాలైనప్పుడు వైబ్రియానిక్స్ తో తయారుచేసిన నొప్పుల నివారణ కోంబో , CC3.7 Circulation + CC10.1 Emergencies + CC18.5 Neuralgia + CC20.3 Arthritis + CC20.4 Muscles & Supportive tissue + CC20.5 Spine + CC20.7 Fractures, వీరి మెంటర్ ¹¹⁵⁸³.ను సంప్రదించి తయారు చేయడం జరిగింది. ఇది బాహ్య అనువర్తనం కోసం అవాల నూనెలో తయారు చేసి కండరాల తిమ్మిరి మరియు గాయాలకు ఉపయోగించబడింది. అలాగే నొప్పికి గురైన ప్రాంతముపై నీటిలో కరిగించి పిచికారీ చేయడానికి గోళిలను కూడా పంపిణీ చేశారు. ఈ కాంబో అప్పటినుండి మళ్లీ మళ్లీ ఉపయోగించబడింది మరియు ఇది ఎప్పుడూ విఫలం కాలేదు. చీలమండలో తీవ్రమైన నొప్పితో బాధపడుతూ ఉన్న ఒక రోగి తెల్లవారుజామున 2 గంటలకు ప్రాక్టీషనరును సంప్రదించిన విషయాన్ని గుర్తు చేసుకుంటున్నారు. గతంలో అటువంటి నొప్పి వచ్చినప్పుడు ఆమె పెయిన్ కిల్లర్ తీసుకునేవారు కానీ ఈ సారి స్ప్రే బాటిల్ తో తయారు చేసిన రెమిడి ఉపయోగించారు రెండు నిమిషాల్లో నొప్పి అదృశ్యమయింది. ఈ ఉపశమనం తో ఆమె ఎంతగానో ప్రభావితమై అప్పటినుండి నొప్పి నివారణ కోసం క్రమం తప్పకుండా స్ప్రే  ఉపయోగిస్తూ ఆలోపతి నొప్పి నివారణలు పూర్తిగా ఆపివేశారు. ఇదే కోంబో వృద్ధులైన ప్రాక్టీషనర్ తండ్రికి మోకాలు నొప్పికి మంత్రం లాగా పనిచేసి సత్వర ఉపశమనం ఇచ్చింది.

 ఈ ప్రాక్టీషనర్ తన విద్యార్థులకు ఉపయోగపడే విధంగా మరొక ముఖ్యమైన బాయ్స్ వెల్ బీయింగ్ కాంబో  తయారు చేశారు. మూడవ సంవత్సరం అండర్ గ్రాడ్యుయేషన్ లో ఉండి ఆత్మవిశ్వాస లోపంతో బాధపడుతున్న ఒక విద్యార్థి ఈ రెమిడీ తయారీకి స్ఫూర్తి. ఈ అబ్బాయి గిటార్ వాయించడంలో నైపుణ్యాన్ని పెంపొందించుకుని 15 మంది సభ్యుల బృందంలో ఆర్కెస్ట్రా పోటీల్లో భాగంగా ఎంపికయ్యాడు కూడా. అయితే వేదికపై తనకు మొదటిసారి కావడంతో ఈ అబ్బాయి “నాకు ఈ ప్రోగ్రాం గురించి తలుచుకుంటేనే భయంతో చేతులు మరియు అరచేతులు చమటతో తడిసిపోతున్నాయి. ఈ పరిస్థితిలో గిటార్ వాయించడం నాకు చాలా కష్టం. నా తప్పిదం వల్ల మన బృందం మొత్తానికి చెడ్డ పేరు రావడం నాకు ఇష్టం లేదు నా జుట్టును నిరాశ పరచడం నేను ఇష్టపడను. దీనిని నేను ఎలా పరిష్కరించడం” అని బాధ పడసాగాడు. ఈ ప్రోగ్రాం ఆదివారం జరగాల్సి ఉంది ఈ అబ్బాయి తన తీవ్రమైన భయ నివారణకు గురువారం నుండి CC15.1 Mental & Emotional tonic + CC17.3 Brain & Memory tonic తో చికిత్స పొందాడు. ఆ తర్వాత అబ్బాయి ఎంతో అద్భుతంగా పెర్ఫార్మెన్స్ ఇవ్వడంతో ఆ టీం గెలుపొందింది. వాస్తవానికి ప్రాక్టీషనర్ భావించిన బాయ్స్ వెల్ బీయింగ్ కాంబో.- CC4.1 Digestion tonic + CC12.1 Adult tonic + CC14.1 Male tonic + CC15.1 Mental & Emotional tonic + CC17.3 Brain & Memory tonic కు ఇది తొలి రూపము. దీనిని పరీక్షలకు ముందు, బృంద ప్రదర్శనకు ముందు, అబ్బాయిలు తరచుగా కోరేవారు. ఆ తర్వాత ఈ కాంబోను పెద్ద మొత్తంలో తయారుచేసి హాస్టల్ లో ఉన్న 28 గదులలో గదికి ఒక బాటిల్ చొప్పున ఉంచారు. రూమ్ లీడర్ ప్రతీ అబ్బాయి రోజు కనీసం ఒక సిప్ తీసుకోవడానికి వీలుగా నీటిలో రెమిడీ సిద్ధం చేస్తాడు.

2020 ఏప్రిల్ లో విద్యాసంవత్సరం ముగియడంతో విద్యార్థులు ఇంటికి తిరిగి వెళ్లడానికి సిద్ధమవుతుఉన్నారు. కోవిడ్-19 అప్పటికే వేగంగా వ్యాపిస్తోంది. మన ప్రామాణిక ఇమ్యూనిటీ బూస్టర్‌ ను పెద్ద సంఖ్యలో తయారుచేసి వారి కుటుంబ సభ్యుల నిమిత్తం విద్యార్థులకు ఇవ్వబడింది. ఈ సందర్భంగా హృదయాన్ని ద్రవింపజేసే ఒక సంఘటనను వీరు గుర్తు చేసుకుంటున్నారు. జ్వరము, రుచి మరియు వాసన కోల్పోయి అనారోగ్యంగా కొవిడ్-19 లక్షణాలను కలిగి ఉన్న ఒక విద్యార్థి తండ్రికి ఇమ్యూనిటి బూస్టర్ బాటిల్ కొరియర్ చేసారు. ఆ తండ్రి హోమియోపతి చికిత్స తీసుకుంటూ ఉండగా దాన్ని ఆపి వేయమని విద్యార్థి సలహా ఇచ్చాడు. అతనుSOS అనగా ప్రతి పది నిమిషాలకు ఒక సిప్ చొప్పున రెండు గంటల వరకు ఆ రాత్రి తీసుకొని మరునాడు ఇదే మోతాదులో ఉదయం ఒక గంట వరకు తీసుకున్నారు. ఈ విధంగా 12 గంటలలో అతను పూర్తిగా కోలుకోవడమే కాక తన గదిలో ఉంచిన కర్పూర వాసన గుర్తుపట్టి కలిగారు. అబ్బాయి తల్లి కృతజ్ఞతతో ఈ కథంతా ప్రాక్టీషనర్ కు వివరిస్తూ కన్నీళ్లు పెట్టుకున్నారు. ఈ విధంగా ఇమ్యూనిటీ బూస్టర్ ఎంతో మందికి ఇవ్వగా వారు ఈ అనారోగ్యం బారిన పడకుండా తప్పించుకోగలిగారు. వైబ్రియానిక్స్ మానవాళికి ఇంకా తెలియని అనేక వ్యాధులకు చికిత్స చేయగలదని ప్రాక్టీషనర్ శిక్షణ సమయంలో తెలుసుకున్నారు. ఈ కోవిడ్ పరిస్థితుల్లో వారు దీన్ని స్పష్టంగా చూడగలిగారు.

లాక్ డౌన్ కాలంలో ప్రాక్టీషనర్ సీసాలు మరియు గోళీలు సేకరించి లేనప్పుడు స్థానిక ఇతర అభ్యాసకులు సరఫరాతో ముందుకు రావడంతో తన సేవ ఎప్పుడు ఆగలేదు. బోధన విర్ట్యువల్ ప్లాట్ ఫామ్ కి మారడంతో ఆ తరువాత  రెమిడీలను పోస్టు ద్వారా పంపడం ప్రారంభించి ఈ నాటికి కొనసాగిస్తున్నారు. ఈ సందర్భంగా తన సహ ప్రాక్టీషనర్ల సహకారంతో తన రోగులకు వారు ఉన్న ప్రాంతాలకు రెమిడీలు పంపగలుగుతున్నారు. అలాగే  తన కుటుంబము, స్నేహితులు మరియు సహచరులకు కూడా వైబ్రి యానిక్స్ పరిచయం చేశారు. 

 ఇతరుల యొక్క అనారోగ్య స్థితులను వారి ఇబ్బందులను దగ్గరగా చూసిన అనంతరం ఆరోగ్యం అనేది గొప్ప ఆశీర్వాదం అని ఈ ప్రాక్టీషనర్ అర్థం చేసుకున్నారు. అందుచేత ఆరోగ్యం విషయంలో సమగ్రమైన దృక్పథం కలిగి ఉన్నారు. తన ఆలోచనలు, మాటలుమరియు పనుల విషయంలో మరింత అప్రమత్తంగా ఉన్నారు. ఇది అతని వ్యక్తిగత సాధనను తీర్చిదిద్దడానికి వీలు కల్పించింది. ప్రాక్టీషనర్ తన ఆత్మకు అనుగుణంగా జీవించినప్పుడు అతను దివ్యత్వానికి ఒక ఛానెల్ లాగా పని చేస్తాడనీ అప్పుడు అతను ఇచ్చే రెమిడీలు ఉత్తమంగా పని చేస్తాయని వీరు భావిస్తారు.

 ఈ ప్రాక్టీషనర్ మన 108cc పుస్తకం మొదటి పేజీలో ఉన్న స్వామి మాటలు “మీరు ప్రేమతో కోరబడినందున హృదయంతో సేవ చేయండి” అనే మాటలను తరచుగా మననం చేసుకోవలసిందిగా ప్రాక్టీషనర్లకు సిఫారసు చేస్తున్నారు. తద్వారా వైబ్రియానిక్స్ కు పునాది అయిన ప్రేమను ఆధారంగా చేసుకొని స్వీయ పరిశీలన చేసుకుంటూ సేవ చేసుకునే అవకాశం కలుగుతుంది. ఈ ప్రాక్టీషనర్ సాయి వైబ్రియానిక్స్ స్వామి ప్రేమతో తనకు ఇచ్చిన ప్రత్యేక కానుకగా భావిస్తున్నారు. ‘సాయి కేంద్రీకృత జీవితం’ కోసం తన భార్యతో కలిసి ప్రార్ధన చేస్తూ స్వామి విద్యార్థులకు శరీరము, మనస్సు, మరియు ఆత్మ యొక్క అన్ని అంశాలలో సేవ చేస్తూ వారిని పరిపుష్టి కలిగిన మంచి నాయకులుగా ప్రోత్సహించడం ద్వారా భవిష్యత్ తరాలకు అవసరమైనటువంటి కారకులుగా తయారు చేయడం లక్ష్యంగా కలిగి ఉన్నారు.  

పంచుకున్న కేసులు:

• తలపోటు, సైనుసైటిస్, అలెర్జీ

• బాధకారమైన ఋతుక్రమం

ప్రాక్టీషనర్ల వివరాలు ^{11597...India}

ప్రాక్టీషనర్ ^{11597…ఇండియా}  మూడు ప్రతిష్టాత్మక పాఠశాలకు ప్రిన్సిపాల్ గా పనిచేసిన సుప్రసిద్ధ విద్యావేత్త ఐన ఈమె ఆంగ్ల సాహిత్యంలో ఎం. ఫిల్. బి.ఇడి కలిగి ఉన్నారు. పేద పిల్లలకు విద్యను అందించడంలో సహాయపడటం ఆమె హృదయానికి నచ్చిన పని. ఈమె చేసిన మొదటి ఉద్యోగం సాయంకాల సమయాలలో వెనుకబడిన పిల్లలకు ఒక ఎన్ జీ వో తో కలిసి ప్రోగ్రాం కోఆర్డినేటర్ గా పనిచేయడం. అనంతరం పాఠశాలలో పగటిపూట బోధనకు పరివర్తనం చెంది దాదాపు నాలుగు దశాబ్దాల పాటు బోధనలో కొనసాగేలా అవకాశం లభించింది. ఈమె అనేక సంవత్సరాలుగా భారత సంస్థ ASHA కు విద్యారంగంలో వాలంటీరుగా పాల్గొని ఓల్కాట్  మెమోరియల్ స్కూల్ లో పిల్లలకు సహాయపడ్డారు, మరియు బాల్వాడి (గ్రామీణ ప్రీ స్కూల్ పిల్లలు) పాఠ్యాంశాలను సుసంపన్నం చేయడానికి కృషి చేసారు. ఈ సంస్థలన్నీ అణగారిన పిల్లలు మరియు మురికివాడల పిల్లలకు సేవలు అందిస్తున్నాయి. 1984లో ఒక యువ ప్రధానోపాధ్యాయురాలుగా ఆమెకు చిరస్మరణీయమైన సంఘటన జరిగింది. ఒక పాఠశాల కార్యక్రమంలో మదర్ థెరీసా అనుకోకుండా ఆమెను పిలిచి తలపై తన అరచేతిని వేసి ఆశీర్వదించారు. విద్యా రంగంలో  ఆమె సేవలకు గుర్తింపుగా 2013 లో రోటరీ క్లబ్ వారు “నేషన్ బిల్డర్ (జాతి నిర్మాణ కర్త)”అవార్డు తో సత్కరించారు.  

 ఈమె చిన్నతనం నుండి క్రమంతప్పకుండా వృద్ధాప్య గృహాలను  సందర్శిస్తూ సేవలలో పాల్గొంటూ ఉండేవారు. అనంతరం ఈమె ఒక ఆర్మీ ఆఫీసర్ భార్యగా సైనికుల కోసం “సంక్షేమ కేద్రాలకు” నాయకత్వం వహించేవారు. 2014లో విద్యావాహిని ప్రాజెక్టులలో కొంతకాలం పాల్గొన్నారు కానీ అప్పటి పని వత్తిడి కారణంగా తన భాగస్వామ్యం అరుదుగా ఉండేది. ప్రస్తుతం ఒక ఆధ్యాత్మిక సంస్థ సహకారంతో ఆశ్రమ వాసులకు కమ్యూనికేషన్ నైపుణ్యాలు పెంపొందించే సేవలో స్వచ్ఛందంగా పాల్గొంటున్నారు.

ఈ ప్రాక్టీషనర్ భర్త ఆదర్శప్రాయుడైన ఆర్మీ ఆఫీసర్, షిరిడి బాబా భక్తుడు మరియు ఈమె కూడా ఈ ఆరాధనలో భర్తతో పాటు పాల్గొనేవారు. 2004లో భర్త అపస్మారక  స్థితికి వెళ్ళిన సందర్భంలో ఈ విషాదం వీరి జీవితంలోకి ఊహించని రీతిగా సత్యసాయి భక్తుల ప్రవాహాన్ని తీసుకువచ్చింది. 2004లో గురుపూర్ణిమ వేడుకలకు ఆమె తన చిన్న కుమార్తెతో పాటు ప్రశాంతి నిలయం సందర్శించారు. అప్పటినుండి స్వామి వరదాభయ హస్తాలు ఆమె చుట్టూ చేరి తను మరియు తన కుటుంబ సభ్యులు స్వామి యొక్క దైవిక మార్గదర్శకత్వంలో నడుస్తూ అన్ని వేళల లోనూ వృత్తిపరంగాను మరియు ఆధ్యాత్మికంగానూ పురోగతి మరియు సంక్షేమం వైపు నడిపిస్తున్న అనుభూతి పొందసాగారు. 2006లో ఆమె భర్త యొక్క విషాదకరమైన నిష్క్రమణంతో అప్పటివరకూ ఆమె అనుభవించిన భౌతిక పరమైన కష్టాలు, శారీరక బాధలు, నిస్సహాయత, ముగింపుకు చేరి ఇతరుల బాధలను మరియు ఇబ్బందులను తగ్గించటానికి అప్పటినుండి ఆమె హృదయాన్ని తెరిచేందుకు దోహద పడ్డాయి. అయితే ఆ సమయంలో ఆమె తన సొంత ఇంటిని స్థిరీకరించేందుకు తన పిల్లలకు సహాయంగా ఉండటానికి ఎక్కువ సమయం వెచ్చించ సాగారు.  

2015 సెప్టెంబర్ లో ఆమె బెంగుళూరుకు వెళ్ళిన తర్వాత వైట్ ఫీల్డ్ లోని బృందావనంలో వైబ్రియానిక్స్ క్లినిక్ వెలుపలగల ఒక నేమ్ బోర్డు ఆమె దృష్టిని ఆకర్షించింది. ఇది కేవలం భౌతికపరమైన తాత్కాలికమైన పరిచయం అయినప్పటికీ వైబ్రియానిక్స్ వైపు ఆమె ప్రయాణం 2017 లో అనుకోకుండా వెబ్సైట్ చూడడం ద్వారా ప్రారంభమైంది. ఆమె పదవీ విరమణకు ముందు ఫిబ్రవరి 2018 లో AVPగానూ, 13 నెలల తర్వాత VP గా మారారు. ఇప్పటివరకు అవసరమైనప్పుడు ట్రాన్స్క్రిప్షన్ వంటి పరిపాలన సహాయం కూడా అందించటంతో పాటు అనారోగ్యంతో ఉన్న 1000 మందికి పైగా రోగులకు అనేక రకాల వ్యాధులకు చికిత్స చేశారు. వైట్ ఫీల్డ్ ఆసుపత్రిలోని వైబ్రియానిక్స్ వెల్నెస్ క్లినిక్ లో డాక్యుమెంటేషన్ ప్రక్రియ లో  ప్రాక్టీషనర్ ¹¹²¹⁰ కి క్రమం తప్పకుండా సహయపడుతూ వైబ్రియానిక్స్ వార్తాలేఖలలో “అదనంగా” అనే విభాగ నిర్వహణకు కూడా తోడ్పడుతున్నారు.

2019 మార్చి లో IASVP సభ్యురాలైన తరువాత ఈమె బెంగుళూరు లోని షిరిడి బాబా ఆలయంలోని వైద్య శిబిరంలో రోగులకు చికిత్స చేయడానికి ప్రాక్టీషనర్ ¹⁰³⁵⁴ తో కలిసి పనిచేయడం ప్రారంభించారు. చర్మం మరియు జీర్ణ సమస్యలు ఉన్నా చాలామంది రోగులు వైబ్రియానిక్స్ తో ఉపశమనం పొందుతున్నప్పటికి వారిలో ఆ తర్వాత కొన్ని ఇతర సమస్యలు బయటపడటం ఆమె గమనించారు. చుట్టుపక్కల ప్రాంతాల్లో పరిశుభ్రత మరియు పారిశుద్ధ్యం సరిగా లేకపోవడం దీనికి కారణమని ఆమె అభిప్రాయపడ్డారు. రోగులకు ఈ విషయమై అవగాహన కల్పించడానికి ప్రతి అవకాశాన్ని ఆమె తీసుకుంటూ అవసరమైన నివారణలను కూడా ఇస్తున్నారు. ముఖ్యంగా నీటి ద్వారా వచ్చే వ్యాధులు ప్రబలంగా ఉన్నప్పుడు ఆమె రెమిడీలను ఇవ్వసాగారు. ఈమె అనుభవం ప్రకారం శిబిరాల్లో చికిత్స పొందిన రోగులలో మూడింట ఒక వంతు మాత్రమే సూచించిన మోతాదు అనుసరిస్తూ, తగిన జాగ్రత్తలు తీసుకుంటూ సమయానికి రీఫిల్ లను స్వీకరిస్తారు. అలాంటి వారే ఎక్కువ ప్రయోజనం పొందుతున్నారు. ఉదాహరణకు దీర్ఘకాలిక సోరియాసిస్ తో ఉన్న ఇద్దరు రోగులు ఇతర చికిత్సలు సహాయం చేయని పరిస్థితిలో వైబ్రియానిక్స్ తో అద్భుతమైన ఫలితాన్ని పొందారు.

రోగులకు వ్యాధి నివారణ అయ్యే విధానాన్ని తనింకా అర్ధం చేసుకోలేక పోయానని ఈ ప్రాక్టీషనర్ భావిస్తున్నారు. కొన్నిసార్లు వ్యాధి తగ్గిపోయినట్లు మంచి మార్పు ఉంటుంది,ఐతే చాలా తరచుగా రోగి జీవితంలో ఇతర మార్పులు కలిగి అవి వ్యాధి నివారణకు సహాయపడుతూ ఉండవచ్చు. రక్త ప్రసరణ వ్యవస్థ లో ఏర్పడే అవరోధాల వల్ల చాలా అనారోగ్యాలు వస్తాయని  ఆమె పేర్కొంటూ ఇటువంటి వారి విషయంలో  CC3.7 Circulation జోడించడం వల్ల నివారణ వేగంగా ఉంటుందని ఆమె కనుగొన్నారు. ఈ ప్రాక్టీషనరు పేషంట్ల యొక్క వివరణాత్మక వ్యాధి చరిత్రలను భద్రపరుస్తారు. ఇవి రోగి తదుపరి సందర్శనలో సరైన చర్య తీసుకోవడంలో ఆమెకు సహాయపడతాయి, ప్రత్యేకించి పులౌట్ ఉన్న సందర్భాలలో ఇది ఎంతో ప్రయోజన కారి అనీ ఐతే 8%రోగుల్లో ఇలా జరుగుతుందని వీరి అనుభవంలో తెలుసుకున్నారు.

తన మెంటర్ లను సేవ చేసేసందర్భంలో ప్రత్యక్షముగా చూడటం అనేది ఈ ప్రాక్టీషనరుకు అంకితభావంతో పని చేయడం, రోగుల సంప్రదింపుల సమయంలో ప్రశాంత ప్రవర్తన కొనసాగించడం, ఈ సమయంలో 100% రోగితో హృదయపూర్వకంగా కనెక్ట్ కావడానికి సాయపడసాగింది. రోగుల పట్ల మరింత సానుభూతి చూపడానికి ఆమె తన వైఖరిలో మరింత మార్పును కలిగించుకోవాలని ఆమె భావిస్తున్నారు. రోజూ వ్యాయామం చేయడం, సంతులిత ఆహారం తినడం, ప్రతి పనిని తన శక్తి మేరకు ఉత్తమంగా చేయడం తద్వారా తనను తాను ఆరోగ్యంగా ఉంచుకుంటు రోగులకు మంచి రోల్ మోడల్ గా ఉంటున్నారు. ఆమె తనను తాను ప్రాక్టీషనర్ గా కంటే ఒక లైఫ్ కోచ్ గా చూస్తున్నారు అందువల్ల ఆమె రోగులకు కౌన్సిలింగ్ ఇవ్వడం సహజంగానే ఆమెకు అలవాటయింది. దీనికి అనుగుణంగా ఆమె రోగులలో కొందరు (సుమారు 10%)ఆమె సూచించే  ఆరోగ్యకరమైన జీవనశైలి అనుసరించడానికి మానసికంగా సిద్ధంగా ఉంటున్నారు.  

 ప్రాక్టీషనర్ అభిప్రాయం ప్రకారం సమాజంలోని అన్ని వర్గాల రోగులు అల్లోపతి మందుల పట్ల అసంతృప్తి గానూ, వ్యతిరేక భావనతో ఉన్నారు. ఎందుకంటే దీని యొక్క దుష్ప్రభావాలు మరియు సమస్యల గురించి వారికి అవగాహన ఉంది. అందుచేతనే వైబ్రియానిక్స్ అనేది అందరూ మెచ్చే ప్రస్తుత కాలానికి సరిపడా  చక్కని ఔషధం అనడంలో ఎటువంటి అతిశయోక్తి లేదు.

పంచుకున్న కేసులు:

• కుడి పార్శ్వపు నొప్పి,శ్వాశ కోశ అలెర్జీ

• ఆందోళన