Sai Vibrionics Newsletter

ఆనెలు, పగుళ్లు ^{02696...India}

55-సంవత్సరాల మహిళకు గత 20 సంవత్సరాలుగా కుడిపాదము అడుగుభాగంలో చర్మము కఠినముగా రాయి వలె ఉంటోంది. డాక్టర్లు దీనిని దీర్ఘకాలిక  ఆనె అని నిర్ధారించారు. ఇంతకాలంగా బాధ ఎంత తీవ్రంగా ఉందంటే కుడికాలు పూర్తిగా క్రింద మోపడం, ముఖ్యంగా చెప్పుల్లేకుండా నడవడం దుర్లభంగా ఉంది. కనుక కాలును పక్కకి వంచి మెల్లగా నడవవలసి వచ్చేది.  2018 ఆగస్టు  5 వ తేదీన ప్రాక్టీషనర్ ఆమెకు క్రింది రెమిడీ ఇచ్చారు:
#1.  SR299 Lycopodium CM…1 dose every 2 weeks, total 4 doses

#2.  SR342 Antim Crud 200C…3TW for 4 weeks

#3.  SR318 Thuja 30C…TDS for 5 days అనంతరం SR318 Thuja 200C… 1 రెండు వారాలకు ఒకసారి ఒక డోసు మొత్తం 2 డోసులు మాత్రమే.

పై నివారణాలన్నీ ఒకే రోజు ఒక్కొక్క దానికి 10 నిమిషాలు విరామంతో వేసుకోవడం ప్రారంభించారు.  15 రోజుల తరువాత పేషంటు ఎంతో ఆనందంతో నొప్పి లేకుండానే తన కుడికాలు క్రింద పెట్టగలుగుతున్నానని చెప్పారు. మందులు అలానే కొనసాగించడంతో 15 రోజుల తరువాత ఆనె 80 శాతం తగ్గగా నొప్పి మాత్రం పూర్తిగా తగ్గిపోయింది.

పేషంటుకు క్రింది రెమిడీ ఇవ్వడం జరిగింది:
 #4. CC21.5 Dry Sores…TDS ఇలామూడు నెలలు తీసుకోవలసిందిగా సూచింప బడింది.

పేషంటు నెలకు ఒకసారి రిపోర్టు చేస్తూ తన పనిని తను చక్కగా చేసుకో గలుగుతున్నానని చెప్పారు. #4 ను TDS గా కొనసాగిస్తూ ఉన్నారు. ఆనె 100 శాతం తగ్గిపోగానే మోతాదు OD గా తగ్గించబడుతుందని ప్రాక్టీషనర్ తెలిపారు.

ప్రాక్టీషనర్ సూచనలు: పైన సూచించిన నివారణులు 2015 లో చికిత్సా నిపుణుడు తనపైననే ఉపయోగించుకొని విజయం పొంది ఉన్నారు. గత 15 సంవత్సరాలుగా ఆనెలతో ఇబ్బంది పడుతూ ప్రతీ సంవత్సరము నొప్పి పెరగసాగడంతో చాలా ఇబ్బంది పడుతూ ఉండేవారు.  పైన సూచించిన మోతాదులు  #1 నుండి  #3 వరకూ వాడడంతో సమస్య పూర్తిగా మాయమై పోయింది. ఇప్పటి వరకూ సమస్య పునరావృతం  కాలేదు. సమస్య ఉన్న జాడ కూడా లేదు.

సంపాదకుని సూచన:  108CCబాక్సు ఉపయోగిస్తున్నట్లయితే  CC21.5 Dry Sores ఇవ్వడం మంచిది. ఎందుకంటే దీనిలో అవసరమైన ఇతర నివారణులు అన్నీ ఉన్నాయి. ఇటువంటి ఇతర సమస్యలకు  ఈ రెమిడీ ని  QDS మోతాదులో పూర్తి నివారణ చేకూరే వరకూ వాడడం మంచిది.

బహుళ సమస్యలు ^{02696...India}

75-సంవత్సరాల మహిళ 400 కిలోమీటర్ల దూరం ప్రయాణించి 2018 ఫిబ్రవరి 11 వ తేదీన ప్రాక్టీషనర్ ను కలిసి  తనను ఎన్నో సంవత్సరాలుగా ఇబ్బంది పెడుతున్న బహుళ సమస్యలు గురించి చెప్పారు. ఆమెకు తల తిరగడం సమస్య తో పాటు కొన్నిసార్లు మూర్ఛ పోవడం సమస్య కూడా ఉంది. అంటే కాక కాళ్ళకు విపరీతమైన తిమ్మిరి వీటివలన ఒక్కొక్కసారి రాత్రంతా మేలుకొని ఉండాల్సి వస్తోంది. ఈమెకు కీళ్ల నొప్పులు, తరుచుగా వచ్చే తిమ్మిరులతో పాటు  వళ్లంతా విపరీతమైన దురదలు ఉన్నాయి. వీటితో పాటు గ్యాస్ట్రిక్ అనగా అసిడిటీ, మలబద్దకం, గ్యాస్ సమస్యలు కూడా ఉన్నాయి. ఇన్ని సమస్యలు ఉన్నా వీరు ఆ బాధనంతా దిగమింగి చిరునవ్వు నవ్వుతూ ఉండడడం విశేషం. ప్రాక్టీషనర్ ఈమెకు క్రింది రెమిడీ లు ఇచ్చారు.

తల తిరగడం సమస్యకు:
#1. CC18.7 Vertigo…TDS

గ్యాస్ట్రిక్ సమస్యలకు:
#2. CC4.4 Constipation + CC4.10 Indigestion…TDS

దురదకు:
#3. CC21.3 Skin allergies…TDS

తిమ్మిరులు, మంట, కీళ్ల నొప్పులకు మరియు వెన్ను నొప్పికి:
#4. CC3.7 Circulation + CC20.3 Arthritis…TDS మరియు
#5. CC20.4 Muscles & Supportive tissue + CC20.5 Spine…TDS. పేషంటు చాలా దూరంలో ఉన్న కారణాన ఆమెకు 50 శాతం మెరుగయ్యాక ఈ రెమిడీ వాడవలసిందిగా సూచించడమైనది.

ప్రాక్టీషనర్ ప్రతీ సమస్యకూ పర్యవేక్షణ చేయడానికి వీలుగా ఉండే విధంగా వేరువేరు బాటిళ్ళ లో రెమిడీ ఇవ్వడం జరిగింది. పేషంటు ఎంతో భక్తితో ఈ రెమిడీలను స్వామిని ప్రార్ధిస్తూ తీసుకున్నట్లు తెలుసుకున్నారు.

నెల తరువాత పేషంటు తనకున్న అన్నీ సమస్యల విషయంలో 50% మెరుగుదల కనిపించిందని తెలిపారు. పేషంటు యొక్క కుమార్తె ఈ విషయం చెపుతూ తమ కిదంతా చాలా ఆశ్చర్యంగా ఉందని తెలిపారు. పేషంటు #5 ను కూడా తీసుకోవడం ప్రారంభించారు.  

నెల తరువాత తల తిరగడం, గ్యాస్త్రిక్ సమస్యలు పూర్తిగా తగ్గిపోయాయి. వంటి దురద, మంట విషయంలో చెప్పుకోదగిన మెరుగుదల కూడా కనిపించింది.  మూడు నెలల తరువాత మోకాలు నొప్పి, నడుం నొప్పి మినహా మిగతా అన్నీ సమస్యలు పూర్తిగా మాయమయ్యాయి.  కనుక  #1 నుండి  #3 వరకూ గల రెమిడీ లను OD కి తగ్గించి #4 మరియు  #5లను …TDS గా కొనసాగించారు.  పేషంటు కుమార్తె ప్రతీ నెలా రీఫిల్ కోసం ప్రాక్టీషనర్ ను సంప్రదిస్తూ స్వస్తత నెమ్మదిగా నిలకడగా ఉందని కానీ పూర్తిగా తగ్గిపోతుందనే నమ్మకం  కూడా ఏర్పడిందని చెప్పారు.

సంపాదకుని వ్యాఖ్య:  సాధారణంగా పేషంటుకు ఒకసారి 3 బాటిళ్ళ కన్నా ఎక్కువ ఇవ్వము.  కానీ ఈ కేసు విషయంలో పేషంటు ఎంతో ప్రేరణ పొంది క్రమశిక్షణ తో ఉన్నారు కనుక సడలించడం అనివార్యం అయ్యింది.

జువినైల్ అర్తెరైటీస్ ^{10355...India}

2017 నవంబర్ 12 వ తేదీన 14 సంవత్సరాల అబ్బాయిని అతని తండ్రి ప్రాక్టీషనర్ వద్దకు తీసుకొని వచ్చారు. ఈ అబ్బాయికి వ్రేళ్ళమధ్య  పెద్ద పరిమాణంలో(10 మి.మీ) ఉన్న 7 బొబ్బలు ఉన్నాయి.  మరియు బొటన వ్రేలి కీళ్ల మధ్య 2 బొబ్బలు ఉన్నాయి. ఇవి మొదటిసారి  నెల క్రితం కనబడినప్పుడు చిన్నగా ఎరుపు రంగులో ఉన్నాయి. వీటి వలన అబ్బాయికి  మంట మరియు దురద కూడా ఉంది కానీ ఇది భరించ దగినదిగానే ఉంది.  బొబ్బల వలన కొంచం నొప్పి ఉంది కానీ వాటిని నొక్కితే నొప్పి భరించరానిది గా ఉంది.  అతను వ్రాయడానికి పెన్ను పట్టుకోలేడు, మరియు  బొటన వ్రేలు, వ్రేళ్లను కదపలేడు కనుక స్కూలుకు కూడా వెళ్ళడం లేదు. పేదరికం వలన తండ్రి అబ్బాయిని హాస్పిటల్ లో చూపించ లేకపోయాడు. ఐ‌తే ప్రాక్టీషనర్ తన కుటుంబ డాక్టర్ ని సంప్రదించి ఈ వ్యాధి జువినైల్ అర్తెరైటీస్ అని నిర్ధారించారు

ఈ అబ్బాయికి రెండు సంవత్సరాల క్రితమే ఇటువంటి బొబ్బలు వచ్చాయని అవి చాలా చిన్నగా ఉండి ఏమాత్రం ఇబ్బంది పెట్టలేదని తండ్రి చెప్పాడు. అంతేకాక ఒక వారం తరువాత అవి మాయమవడంతో తండ్రి వాటిని గురించి పట్టించుకోలేదు.

ప్రాక్టీ షనర్ క్రింది రెమిడీ ఇచ్చారు.
CC10.1 Emergencies + CC12.4 Autoimmune diseases + CC15.1 Mental & Emotional tonic + CC20.3 Arthritis…6TD

కేవలం నెల రోజుల లోనే అబ్బాయికి 60 శాతం మెరుగుదల కనిపించింది. నొప్పి మంట బొబ్బలు కొంచం చిన్నగా అయ్యాయి. దురద కూడా కొంచం తగ్గి వ్రేళ్లను కదప గలుగు తున్నాడు.రెండు నెలల లో పూర్తిగా తగ్గిపోయి సైకిలు మీద స్కూలుకు వెళ్ళడం కూడా  ప్రారంభిoచాడు. ఇతే ప్రాక్టీషనర్ మోతాదును తగ్గించడం కుదరలేదు ఎందుకంటే అబ్బాయి తనకు పూర్తిగా తగ్గిపోవడంతో మరలా రాలేదు. అంతేకాదు అబ్బాయి ప్రతీ రోజు ఆనందంగా సైకిలు తొక్కుకుంటూ స్కూలుకు  వెళ్ళడం చూస్తూ ప్రాక్టీషనర్ సంతృప్తి చెందుతున్నారు. ఈ విధంగా సంవత్సరం గడిచిపోయినా అబ్బాయికి సమస్యలేవీ పునరావృతం కాలేదు.

ప్రోస్టేట్ క్యాన్సర్ మరియు భయాలు ^02799...UK

54 సంవత్సరాల వ్యక్తి 2017 మార్చి 23 వ తేదీన ప్రోస్టేట్ క్యాన్సర్ గురింఛి  చికిత్సా నిపుణుడిని కలిసారు.  గత మూడు నెలలు గా వీరు రాత్రులందు అధిక మూత్ర వ్యాధి (నోక్టూరియా)తో బాధ పడుతున్నారు. 2017 ఫిబ్రవరి 16 వ తేదీన వీరి పి.ఎస్.ఏ (ప్రోస్టేట్ స్పెసిఫిక్ అంటిజెన్) 37 ng/mL ఉంది.  ఇతను గత 25 సంవత్సరాలుగా చీకటి అంటే భయపడే ఫోబియా తో బాధపడుతున్నారు. చీకటి పడితే బయటకు కూడా పోరు. ఇది ఇలా ఉండగా ఇటీవలే ఇతనికి క్యాన్సర్ అని రిపోర్టులు తెలపడంతో గత రెండు వారాలుగా అతనిలో ఆత్మహత్య చేసుకోవాలనే ఆలోచనలు ఎక్కువవుతూ వచ్చాయి. MRI స్కానింగ్ తీయించుకోవాలన్నా భయంగా ఉంది. రోగి ఈ సమస్యల నిమిత్తం ఏ ఇతర మందులు వాడడం లేదు. ఇతనికి క్రింది రెమిడీ ఇవ్వబడింది.

ప్రోస్టేట్ మరియు నోక్టూరియా వ్యాధికి:
#1. CC2.1 Cancers - all + CC2.3 Tumours & Growths + CC4.2 Liver & Gallbladder tonic + CC10.1 Emergencies + CC13.1 Kidney & Bladder tonic + CC14.1 Male tonic + CC14.2 Prostate…QDS

భయాలు మరియు ఆత్మ హత్యా ధోరణులకు:  
#2. CC4.2 Liver & Gallbladder tonic + CC10.1 Emergencies + CC13.1 Kidney & Bladder tonic + CC15.1 Mental & Emotional tonic + CC15.2 Psychiatric disorders + CC17.3 Brain & Memory tonic + CC18.1 Brain disabilities…QDS

2017 ఏప్రిల్ 10 వ తేదీన  పేషంటు తన మానసిక స్థితి 30 శాతం మెరుగయ్యిందని ఐతే రాత్రిపూట మూత్ర విసర్జనలో ఏమాత్రం మెరుగుదల లేదని తెలిపారు. 2017 జూన్ 18 వ తేదీన నిర్వహించిన రక్త పరీక్షలో  PSA లో తగ్గుదల అనగా 18 ng/mL గా ఉన్నట్లు నోక్టూరియా సమస్య విషయంలో 40 శాతం మెరుగుదల కనిపించిందని తెలిపారు.  అతనికి మానసిక రుగ్మతల విషయంలో 75 శాతం మెరుగుదల కనిపించి చీకటి అంటే భయం పోయి ప్రశాంతంగా ఉండగలుగుతున్నానని తెలిపారు.   #1 & #2 లు కొనసాగించ బడ్డాయి.

2017 అక్టోబర్ 3 వ తేదీన నిర్వహించిన రక్త పరీక్షలో ఇతని  PSA 8.5 ng/mL, చేరుకున్నట్లు తెలిసింది. నోక్టూరియా విషయంలో 60 శాతం మానసిక భయాల విషయంలో 60% మెరుగుదల కనిపించింది. ఇప్పుడు అతనికి ఆత్మహత్య చేసుకుందామనే ఆలోచనలు రావడం లేదు. కనుక #1 & #2 డోసెజ్ నిTDS కి తగ్గించారు. పేషంటు ఇప్పుడు ప్రశాంతంగా ఉండగలగడంతో 2018 జనవరి 14 వ తేదీన MRI స్కానింగ్ తీయించుకొనగా ప్రోస్టేట్ క్యాన్సర్ ఉన్నట్లు తెలిసింది. ఆపరేషన్ గానీ రేడియో తెరపీ గానీ చేయించుకోవాల్సిందిగా  సూచించారు. మార్చి 18 న అతనికి ఆపరేషన్ చేశారు. జూన్ 22 న ఇతని  PSA  1.2 ng/mL కు చేరుకుంది.  నోక్టూరియా పూర్తిగా తగ్గిపోయింది.  ఆగస్టు 24 నాటికి ఇతని మానసిక భయాలు ఆందోళనలు 100 శాతం తగ్గిపోయాయి. చీకటి అంటే భయం పోయి రాత్రిళ్ళు ఎక్కడికయినా వెళ్లవలసి వస్తే భయం లేకుండా వెళ్లగలుగుతున్నారు. #1 ని OD కి  #2 ను BD స్థాయికి తగ్గించారు. 2018 అక్టోబర్ 28న PSA స్థాయి 0 కి చేరుకుంది. అంతేకాక ఇతని క్యాన్సర్ పూర్తిగా తగ్గిపోయింది. పేషంటు ను పై రెండు రెమిడీలు ముందస్తు జాగ్రత్త కోసం కొనసాగించ వలసిందిగా సూచించడమైనది. 

రీసెర్చ్ టీం వారు సూచించిన ప్రకారం సంపాదకుని వ్యాఖ్య:  తీవ్రమైన వ్యాధి విషయంలో అభ్యాసకుని యొక్క మరొక విజయముగా దీనిని చెప్పుకోవచ్చు. స్వామి పట్ల ఆమెకు ఉన్న ప్రేమ, రోగి యొక్క నమ్మకం  చికిత్సను వేగవంతం చేశాయి. ఐతే కొంబోలు ఎంచుకునేటప్పుడు ఏది అవసరమో  అదే తీసుకోవాలి కానీ అదనముగా కొంబోలు చేర్చడం వలన చికిత్స నెమ్మదిస్తుంది. ఈ పేషంటు యొక్క కోంబోల విషయంలో  చూసినట్లయితే  #1 లో  CC4.2 Liver & Gallbladder tonic, CC10.1 Emergencies మరియు  CC14.1 Male tonic (ఇది CC14.2లో ఉంది ) ఇవ్వకుండా ఉండవలసింది. అలాగే  #2,లో  CC4.2 Liver & Gallbladder tonic, CC10.1 Emergencies, CC13.1 Kidney & Bladder tonic (ఇది  #1లో ఉంది ) మరియు CC17.3 Brain & Memory tonic అవసరంలేదు. అంతేకాకుండా CC15.1 మరియు  CC18.1 రెండూ CC15.2లో చేర్చబడి ఉన్నాయి.

ఇన్ఫ్లమేటరీ గ్లూకోమా ^02799...UK

62 సంవత్సరాల మహిళ 2017 జూన్ నుండి కుడి కంటిలో వత్తిడి మరియు అస్పష్టమైన దృష్టితో బాధపడుతూ చికిత్స కోసం ప్రాక్టీషనర్ ను కలిసారు. రెండునెలల క్రితం ఇన్ఫ్లమేటరీ గ్లూకోమా గా ఈ వ్యాధిని నిర్ధారించారు. దీని కోసం కంటిలో వేసే చుక్కలు, స్టెరాయిడ్లు (ఇవి కంటి నరాల పైన వత్తిడి కల్పించే అవకాశం ఉన్నప్పటికీ, దీనిని వాడడం తప్పనిసరి) వాడారు. అలాగే 2017 అక్టోబర్ 22 తేదీన శస్త్రచికిత్స కూడా చేయించుకున్నారు. దీని ఫలితంగా కంటి దృష్టి మెరుగు పడింది. కానీ దురదృష్టవశాత్తూ వారం రోజులలోనే ఈమె ఎడమ కంటికి ఇదే సమస్య వచ్చింది. దీనిని గ్లూకోమా గా నిర్ధారించారు. దీని అనంతరం వాపు కూడా ఏర్పడింది.  డాక్టర్లు యధావిధిగా  కంటిలో చుక్కలు స్టెరాయిడ్లు  ఇచ్చారు. వాపు నివారణ కోసం శస్త్ర చికిత్స తప్పనిసరి అని చెప్పారు. పేషంటు కంటిలో చుక్కలు తీసుకున్నారు కానీ స్టెరాయిడ్లు తీసుకోలేదు అలాగే ఆపరేషన్ చేయించుకోవడం కూడా ఈమెకు ఇష్టం లేదు. ఈ కంటి చుక్కలు తప్ప వేరే ఇతర ఆలోపతి మందులేవీ వాడడం లేదు. ఈమెకు 2017 డిసెంబర్ 22 న క్రింది రెమిడీ ఇవ్వబడింది

గ్లూకోమా నిమిత్తము :                                                                                 
#1. CC4.2 Liver & Gallbladder tonic + CC7.1 Eye tonic + CC7.3 Eye infections + CC7.4 Eye defects + CC7.5 Glaucoma + CC10.1 Emergencies + CC13.1 Kidney & Bladder + CC15.1 Mental & Emotional…QDS

వాపు నిమిత్తము :
#2. Prednisolone nosode…QDS

రెండు వారాల తరువాత ఆమెకు వత్తిడి మరియు  దృష్టిలో 50%మెరుగనిపించింది. రెండు నెలల తరువాత అనగా 2018 మార్చి 3 వ తేదీన హాస్పిటల్ లో చూపించగా ఆమె ఎడమ కంటిలో వత్తిడి సాదారణ స్థాయిలోనే ఉందని నిర్ధారణ అయ్యింది. కనుక ఆమెకు శస్త్ర చికిత్స అవసరం లేదని ఐతే సంవత్సరానికి ఒకసారి పరీక్ష చేయించుకుంటే చాలు అని చెప్పారు. పేషంటు ఈ విషయం చెప్పి తనకు నూరు శాతం తగ్గిపోయిందని చెప్పడంతో  #1 మరియు  #2 లను TDSకు తగ్గించడం జరిగింది. 2018 సెప్టెంబర్ 8 వ తేదీన పేషంటు కలిసినప్పుడు  ఆమె చాలా ఆరోగ్యంగా కంటి దృష్టి మెరుగ్గా కనిపించడంతో  #1 మరియు #2 లను BDకి తగ్గించడం జరిగింది. సమస్య పునరావృతం కాకుండా ఉండడానికి రెమిడీ లను దీర్ఘకాలము కొనసాగించాలని పేషంటు నిర్ణయించుకున్నారు.

సంపాదకుని వ్యాఖ్య: ప్రాక్టీషనర్ అవసరమైన దానికంటే అధికంగా రెమిడీ లను ఉపయోగించారు. ఉదాహరణకు #1 లో, CC4.2, CC7.4, CC10.1 మరియు CC13.1 అవసరం లేదు. ఈ చికిత్స వలన వ్యాధి తగ్గడానికి రెండు నెలలు పట్టింది. గతంలో   ఇటువంటి వ్యాధికి (వార్తా లేఖ  2018  మార్చి ఏప్రిల్  సంపుటి 9 సంచిక 2) ఒక నెలలోనే పూర్తి నివారణ చేకూరింది. త్వరగా నివారణ చేకూరడానికి అవసరమైన నివారణులను మాత్రమే ఉపయోగించాలి అనేదానికి ఇది చక్కని ఉదాహరణ.

సూర్య తాపము వలన ఏర్పడిన చర్మవ్యాధి ^03567...USA

57 సంవత్సరాల మహిళ గత 35 సంవత్సరాలుగా సూర్య తాపం వలన కలిగిన చర్మ వ్యాధితో బాధపడుతున్నారు. ఆమె చర్మము ఎంత సున్నితంగా ఉండేదంటే కొంచెంసేపు ఎండ లో ఉన్నా చర్మం కమిలిపోయినట్లుగా అయ్యేది.  ఇలా ఎండలో తిరిగినప్పుడు   ఆమె చర్మం పై దద్దుర్లు ఏర్పడి రసిలాంటిది కారటం ప్రారంభమవుతుంది. దాంతోపాటు గుండె దడ కూడా ఏర్పడుతూ ఉండేది. ఆమె వ్యాధి ప్రారంభం అయినప్పటి నుండి కార్టికోస్టెరాయిడ్ క్రీములు  డాక్టర్ సూచించిన విధంగా వాడుతూ ఉండేది. దానివలనకొన్నిరోజులకు దద్దుర్లు కొంచెం తగ్గినట్లు అనిపించేది. కానీ కొంచెంసేపు ఎండలో తిరగగానే తిరిగి ఏర్పడేవి.

అందుచేత ఆమె ఎండలోకి వెళ్లే ముందు డాక్టరు ఇచ్చిన క్రీం రాసుకొనివెళ్ళేది. దీనివలన ప్రారంభంలో ఉపశమనం కలిగేది కానీ రాను రాను పరిస్థితిమరింత అధోగతికి దిగజారింది. డాక్టర్లు ఇచ్చే మందుల వలన శాశ్వత పరిష్కారం ఏమీ లభించలేదు.

ఈ సమస్యను ఎదుర్కోవడానికి ఆమె ఉదయంపూట నడవడం మానేసింది. అలాగే బయటకు వెళ్లవలసి వచ్చినప్పుడు గొడుగు, చేతులను పూర్తిగా కప్పి ఉంచే జాకెట్, కాళ్ళకు ప్యాంటు వంటివి  తీసుకుని వెళ్ళడంతో పాటు తను ప్రయాణించే కారుకు సన్ రైజర్స్ కూడా ఏర్పాటు చేసుకుంది. ఇలా తన జీవన విధానంలో ఎన్నో మార్పులు చేసుకుంది. అయినప్పటికీ ఫలితం లేకపోయేసరికి తాను అమితంగా ప్రేమించే తన ఉద్యోగాన్ని కూడా వదిలివేయాలని అనుకుంది. ఎందుకంటే ఆమె ఒక సంస్థలో  ప్రత్యామ్నాయ ఉపాధ్యాయురాలుగా పనిచేస్తూ ఉన్నందువలన మధ్యాహ్నం ఎండలో పిల్లలను ఆట స్థలానికి తీసుకు వెళ్ళవలసిన పరిస్థితి ఉండేది కనుక ఉద్యోగాన్ని వదులుకోక తప్పలేదు. తప్పనిసరి పరిస్థితిలో ఎండలో వెళ్ళవలసి వస్తే  ఆమె వెడల్పైన టోపీ, పైన తెలిపిన ఆచ్ఛాదనలతో తన శరీరంపై ఏ మాత్రం సూర్యరశ్మి పడకుండా జాగ్రత్త పడుతూ బయటకు వెళ్ళేది. కానీ ఈ విధంగా వెళ్ళడం  ఆమెకు ఎంతో అసౌకర్యాన్ని చిరాకును కలిగించేవి. ఆమెకు డాక్టర్లు యాంటీ డిప్రెసెంట్స్ కూడా ఇచ్చారు. కానీ వాటిని ఆమె  వాడలేదు. తను ప్రాక్టీషనర్ అయిన వెంటనే తనకు తానే వైద్యం చేసుకొని ఉపశమనం పొందారు.

27 జూన్ 2018 తేదీన ఆమె క్రింది రెమిడీ తనకోసం తయారు చేసుకున్నారు.

CC8.1 Female tonic + CC10.1 Emergencies + CC12.1 Adult tonic + CC15.1 Mental & Emotional tonic + CC21.1 Skin tonic + CC21.3 Skin allergies + CC21.10 Psoriasis…QDS  ఇదే రెమిడీని నీటిలో కలుపుకొని వ్యాధికి ప్రభావితమైన చర్మంపై కూడా రాసుకునేవారు. ప్రస్తుతం ఆమె డాక్టర్లు సూచించిన స్టెరాయిడ్ క్రీమ్ మాత్రమే వాడుతూ ఉన్నారు.

వారం రోజులు తరువాత ఎండకు  ప్రభావితమైన చర్మంలో 10 శాతం ఉపశమనం కనిపించింది. అయితే ఆమెకు తీవ్రమైన పుల్లౌట్  ఏర్పడి ఆమె చేతులను మంటలో వేసినంత బాధ కలిగింది. అయితే ఒక టవల్లో ఐస్ క్యూబ్స్ వేసుకొని మంట ఏర్పడిన చర్మంపై మెల్లిగా రాస్తూ ఇంత బాధలో కూడా రెమిడీని QDS గా కొనసాగించారు. ఈ పుల్లౌట్ పది రోజులు ఇబ్బంది పెట్టి ఆ తర్వాత మెల్లిగా తగ్గడం ప్రారంభించింది. అప్పటినుండి తన చర్మం వ్యాధినుంచి త్వరగా కోలుకోవడం ప్రారంభమైంది. చర్మంపై ఉన్న అసౌకర్యము దురద తొలగిపోయాయి. అలాగే దీంతో పాటుగా వచ్చే గుండెదడ కూడా మందులేవి వాడకుండానే తగ్గిపో నారంభించింది. ఒక అద్భుతం జరిగిన రీతిగా జూలై నెలలో ఆమె ఊహకు అందనంత వేగంగా వ్యాధి నయం అవ్వడమే కాకుండా ఆమె చర్మము సాధారణ స్థాయికి చేరుకుంది.  జులై 30 నాటికి ఆమెకి 98 శాతం ఉపశమనం కలుగుగా మోతాదు BD కి తగ్గిం చడం జరిగింది. మరికొద్ది రోజుల్లోనే ఆమెకు 100 శాతం ఉపశమనం కలగడంతో మోతాదును ఆగష్టు రెండవ పక్షం నాటికి OD కి తగ్గించడం జరిగింది. సెప్టెంబర్ నాటికి ఆమె నిత్యకృత్యముల కోసం బయటకు రావడం ప్రారంభించారు.. ఆవిధంగా కొన్నినిమిషాలు బయట ఎండలో ఉన్నాకూడా ఆమెచ ర్మము ప్రభావితం కాకపోవడం గమనించారు. అయితే ఎక్కువ సమయం ఎండలో గడపవలసి వచ్చినప్పుడు ముందు జాగ్రత్తకోసం సన్ స్క్రీన్ ఉపయోగించడం, పొడుగుచేతుల జాకెట్, ప్యాంటు, గొడుగువంటివి తీసుకు వెళ్ళ డం మానలేదు. అలాగే స్టెరాయిడ్స్ వాడడం  పూర్తిగా మానేసారు. అక్టోబర్ 2018 నాటికి ఈ రెమిడీని వాసన లేని క్రిముకు కలుపుకొని బాహ్యచర్మము పైన రాయడానికి OD గాకొనసాగించ సాగారు.

పేషంటువ్యాఖ్య :
37 సంవత్సరాలుగా డాక్టర్లు నయం చేయలేని వ్యాధిని స్వామి దయతో వైబ్రియానిక్స్ నయం చేసినందుకు కృతజ్ఞురాలిని. 

పిల్లి కంటిలో హెర్పీస్ ^03567...USA

ఒక జంతు సంరక్షణ కేంద్రం యొక్క నిర్వాహకుడు తనవద్ద మధ్యవయస్సులోఉన్న ఒక మగపిల్లికి వచ్చిన జబ్బు నిమిత్తము చికిత్సా నిపుణుడి యొక్క సహాయం అర్థించాడు. ఈ పిల్లికి ఎడమ కంటి నుండి నీరు కారుతుంది. కుడి కంటిలో ఒక పుండులాంటిది ఏర్పడింది (ఫోటోచూడండి). ఈ రుగ్మత కారణంగా పిల్లి ఒక మూలన కూర్చుని ఏమీ తినకుండా  పగలు రాత్రి నిశ్శబ్దంగా దిగులుగా ఉంటోంది. పిల్లికి అనారోగ్యం కలిగిన వెంటనే వారు దగ్గరలో ఉన్న పశువుల డాక్టర్ కి చూపించారు కానీ ఏమి ప్రయోజనం కనిపించలేదు. డాక్టర్ దీనిని పిల్లి జాతికి చెందిన హెర్పీస్ గా గుర్తించారు. ఇది తగ్గటానికి కంటి చుక్కలను ఇచ్చారు. కానీ రెండునెలల పాటువాడినా ఏమి ప్రయోజనం కనిపించలేదు. సంస్థ వారికి ధన వనరులు లేక  మెరుగైన వైద్యం చేయించలేకపోయారు అందుచేత వైబ్రియానిక్స్ మందులు ప్రయత్నించాలని యోచించారు. 

15 జులై 2018 న చికిత్సా నిపుణుడు క్రింది రెమిడీ ఇవ్వడం జరిగింది:
CC1.1 Animal tonic + CC7.3 Eye infections + CC10.1 Emergencies + CC15.1 Mental & Emotional tonic + CC21.8 Herpes…3 గోళీలు  పిల్లి తాగే గిన్నెలో నీటిని పోసి ఈ గోళీలు వేసి పిల్లి చేత ప్రతిరోజు తాగించడం. ఈ విధంగా ప్రతి రోజు నీళ్ళు  మారుస్తూ పిల్లికి  ఎంతవరకు ఉపశమనం కలిగిందో పర్యవేక్షించడం. 

జులై 24వ తేదీన అనగా రెమిడి ఇచ్చిన తొమ్మిది రోజుల తర్వాత నిర్వాహకుడు  చికిత్స నిపుణుడిని పిలిపించి పిల్లి కి నూటికి నూరు శాతం తగ్గి పోయిందని ఇప్పుడు పిల్లికి ఏ మాత్రం వ్యాధి లక్షణాలు లేకుండా చాలా చక్కగా ఉందని చెప్పాడు (ఫోటో చూడండి).  పిల్లి ఇప్పుడు తన యొక్క బోనులో చక్కగా కూర్చో గలుగుతోందని చక్కగా తిరుగుతోందని హుషారుగా ఉండగలుగు తోందని  చెప్పాడు. ఐతే చికిత్సా నిపుణుడు ముందు జాగ్రత్త కోసం  రెమెడీని మరొక 7 రోజులు కొనసాగించవలసిందిగా సూచించారు.

హైపోథైరాయిడ్ ^{11600...India}

43 సంవత్సరాల మహిళకు ఏడు సంవత్సరాల క్రితం హైపో థైరాయిడ్ ఏర్పడినట్లుగా నిర్ధారణ చేయబడింది. ఆమెకు థైరాక్సిన్ రోజుకు 100 mg సూచించబడింది.  ఒక సంవత్సరం తర్వాత ఆమెకు దురద, చర్మం పొడిబారటం, తలపోటు ఏర్పడ్డాయి. మామూలుగా డాక్టర్ కి చూపించుకోవడంలో భాగంగా మార్చ్ 2018 పరీక్ష చేయించగా టి ఎస్ హెచ్ విలువ 7.82 ఉన్నది (మామూలుగా ఇది 0. 13 నుండి  6.33 వరకు ఉండాలి). పేషంటు ప్రాక్టీషనర్ వద్దకు 2018 ఆగస్టు 3వ తేదీన వచ్చి క్రింది రెమిడి తీసుకొన్నారు.

CC6.2 Hypothyroid + CC12.1 Adult tonic + CC15.1 Mental & Emotional tonic…TDS

పది రోజుల తర్వాత పేషెంట్  తనకు  దురద, చర్మం పొడిబారటం, తలపోటు విషయంలో 20 శాతం మెరుగుదల కనిపించిందని చెప్పారు.  నెల రోజుల తర్వాత వ్యాధి లక్షణాల విషయంలో 50 శాతం మెరుగుదల మాత్రమేకనిపించినప్పటికీ టి ఎస్ హెచ్ విలువ మాత్రం 1.24 కు అనగా సాధారణ స్థాయికి చేరింది. దీంతో పేషెంట్ ఎంతో సంతృప్తి చెంది స్వయం నిర్ణయంతో తను  తీసుకుంటున్న థైరాక్సిన్ 100μg నుండి 50μg కి తగ్గించారు. అదే సమయంలో చికిత్స నిపుణుడు మోతాదును BD కి ఆ తర్వాత అక్టోబర్ 1 నుండి అనగా డాక్టర్ థైరాక్జిన్  తీసుకోవడం ఆపమని చెప్పిన నాటినుండి మోతాదును OD కి తగ్గించడం జరిగింది. అక్టోబర్ 28 తేదీన టి ఎస్ హెచ్ తిరిగి 5.04 చేరింది. దీంతో చికిత్స నిపుణుడు బహుశా అవసరమైన దానికంటే ముందే మోతాదు తగ్గించడం వలన ఈ  సమస్య ఏర్పడిందేమో అని అని భావించి మోతాదును తిరిగి  కొంత కాలంTDSకు పునరుద్ధరించడం జరిగింది.

టెన్నిస్ఎల్బో ^03511...UK

58 సంవత్సరాల వ్యక్తికి 6 నెలల క్రితం కుడి ముంజేతికి టెన్నిస్ ఎల్బో ఏర్పడింది. ఇతను ఒక టెన్నిస్ ప్లేయర్ క్రమం తప్పకుండా ఆట ఆడే వాడు కానీ ఇతనికి ఏర్పడిన రుగ్మత కారణంగా ఆటను మాని వేయవలసి వచ్చింది. ఇతను చిన్న చిన్న వస్తువులను కూడా పైకి లేప లేక పోయేవాడు. ఫిజియోథెరపీ మరియు ఇంజక్షన్ అతని యొక్క బాధను నివారణ చేయలేకపోయాయి. ఫిజియోథెరపీ చేసే వ్యక్తి ఇతని యొక్క  భుజం జాయింట్ దగ్గర ఉండే స్నాయువులు (టెండాన్స్) చాలా పాడైపోయాయని అందుచేత అతనికి శస్త్ర చికిత్స అవసరం అని చెప్పాడు. అంతేకాక  నాప్రాక్సోన్ టాబ్లెట్ వాడ వలసిందిగా సూచించాడు. అయినప్పటికీ పేషెంటుకు  ఏమాత్రం ఉపశమనం కలుగలేదు. కనుక  పేషెంట్ ఈ మందులు వేసుకోవడం మానేసాడు. శస్త్ర చికిత్స చేయించుకోవడం కూడా ఇష్టం లేక 2018 జూలై 7వ తేదీన చికిత్సా నిపుణుడిని కలిసి క్రింది రెమిడీ వాడటం ప్రారంభించాడు:
CC20.1 SMJ tonic + CC20.4 Muscles & Supportive tissue...TDS

రెండు వారాల తర్వాత నొప్పి 90% తగ్గిపోయింది. కానీ చెయ్యి చిన్న వస్తువులు లేపడానికి సహకరించడం లేదు. అయితే చికిత్సా  నిపుణుడు మోతాదును BD తగ్గించడం జరిగింది. మరో రెండు వారాల తర్వాత అనగా ఆగస్టు 5వ తేదీ నాటికి పేషంటు తనకు నొప్పి పూర్తిగా తగ్గిపోయిందని తన చేతిని అన్నివైపులా చాపగలుగుతున్నానని వస్తువులు పైకి లేపుతున్నా నొప్పి రావడం లేదని తెలిపాడు. నిపుణుడు మోతాదును మరో రెండు వారాలు వాడవలసిందిగా సూచించాడు. అక్టోబర్ 13వ తేదీన చికిత్సా నిపుణుడు పేషెంటును చివరి సారి చూసినప్పుడు నొప్పి ఏమాత్రం పునరావృతం కాకుండా ఆరోగ్యంగా ఉన్నట్టు మునుపటి వలే వారానికి రెండుసార్లు టెన్నిస్ కూడా ఆడగలుగుతున్నట్టు పేషంటు తెలిపారు.

ఫ్రోజెన్ షోల్డర్ (బిగిసుకుపోయిన భుజము) ^02802...UK

54 సంవత్సరాల వైబ్రో చికిత్సా నిపుణురాలు మరియు ఫిజిషియన్  2018 మే 6 వ తేదీ నుండి భుజంలో నొప్పి తో బాధ పడుతూ ఉన్నారు. మొదట  నొప్పి తీవ్రంగా లేకపోవడంతో బహుశా ఎక్కువగా పని చేయడం వల్ల కలిగిందేమో అని ఆవిడ భావించి పట్టించు కోలేదు. తరువాత రెండు రోజుల్లో లో నొప్పి ఎంత తీవ్రమయ్యిందంటే తనకు రాత్రంతా నిద్ర పట్టలేదు.  అందు చేత ఆమె 2018 మే 8వ తేదీన తన దగ్గర ఎప్పుడూ ఉండే మూవ్ వెల్ రెమిడీ తీసుకున్నారు.

#1. CC20.3 Arthritis + CC20.4 Muscles & Supportive tissue + CC20.5 Spine…6TD 

ఈ రెమిడి ఆమెకు ఏ మాత్రం ఉపయోగపడలేదు అంతేకాక నొప్పి అంతకంతకు మరింత ఎక్కువ కాసాగింది. మే 10 నాటికి భుజాన్ని కదపటం కూడా చాలా కష్టమయింది.  అందుచేత ఇది ఫ్రోజెన్ షోల్డర్గా ఆమె గుర్తించారు. డ్రైవింగ్ చేయడం డ్రెస్ వేసుకోవడం బ్రష్ చేసుకోవడం  దువ్వెన తో తల దువ్వుకోవడం ఆఖరికి స్పూన్ నోట్లో పెట్టుకోవడం కూడా  కష్టమైపోయింది. అటువంటి స్థితిలో ఆమె క్రింది రెమిడీ తయారుచేసుకుని వాడటం ప్రారంభించారు.

#2. CC20.4 Muscles & Supportive tissue + CC20.7 Fractures…ప్రతి పది నిమిషాలకు ఒక డోస్ చొప్పున 30 నిమిషాల వరకు ఆ తర్వాత 6TD

ఈ రెమిడీ ఎంత అద్భుతంగా పని చేసింది అంటే మరుసటి ఉదయానికి 50 శాతం రెండవ రోజు కి 90 శాతం మూడవ రోజు  నూరు శాతం బాధ నివారణ అయ్యింది. దీనితో ఈ చికిత్సా నిపుణురాలు మోతాదును TDS గా 3 రోజులు, OD గా మరొక 3 రోజులు వాడి వారం లోపుగా మానివేశారు. ఇలా చేసి ఇప్పటికి 5 నెలలైనా నొప్పి పునరావృతం కాలేదు.  

కర్ణిక కంపనము (ఏట్రియల్ ఫిబ్రిలేషన్) ^02802...UK

70 సంవత్సరాల వ్యక్తి 2017 మార్చి 8వ తేదీన మొదటిసారి చికిత్సా నిపుణుడు వద్దకు వచ్చి తనకు రోజుకు అనేక సార్లు గుండె దడ ఏర్పడుతోందని చెప్పాడు. 2014 లో అతనికి ఏట్రియల్ ఫిబ్రిలేషన్ (ఇది గుండె పై గదులలో ఏర్పడి కొన్ని నిమిషాల పాటు కొనసాగుతుంది) అనే సమస్య ఉన్నట్లు గుర్తించారు.  దీని కారణంగా అతనికి చాలా చికాకుగా అసౌకర్యంగా ఇబ్బందిగా ఉంటుంది కానీ  కారణం ఏమిటో తెలియరాలేదు. అతను మాట్లాడేటప్పుడు కూడా నెర్వస్ గా  ఫీల్ అవుతూ ఉంటారు. ఇతనికి రక్తపోటు కూడా ఉంది. దానికి మందులు కూడా వాడుతున్నారు.

చికిత్స నిపుణుడు క్రింది రెమిడీ ని 2017 మార్చి 7 వ తేదీన  పేషెంటుకు ఇచ్చారు: 

CC3.1 Heart Tonic + CC3.3 High BP + CC3.5 Arteriosclerosis + CC3.6Pulse irregular + CC3.7 Circulation + CC15.1 Mental and Emotional tonic + CC18.1 Brain disabilities…TDS

పేషెంటుకు మరునాటికల్లా తేలికగా ఉన్నట్లు అనిపించి ఆ తర్వాత రెండు వారాల వరకు అతనికి గుండె దడ రాలేదు. ఇతను తన యొక్క ఏట్రియల్ ఫిబ్రిలేషన్ విషయంలో నూరు శాతం ఉపశమనం పొందారు అయినప్పటికీ తనమోతాదును TDS గా  కొనసాగించారు. చికిత్సా నిపుణుడు జూన్ 5 వ తేదీన పేషంటును చూసినప్పుడు మోతాదు OD  కి తగ్గించారు. అనంతరం దీన్ని 2017 నవంబర్ 22 నుండి OW గా మార్చారు. 2018 నవంబర్ నాటికి పేషెంటు ఇదే మెయింటినెన్స్ డోస్ కొనసాగిస్తున్నారు.

2018 జూన్ 27న పేషెంట్ ఇచ్చిన వాంగ్మూలం:  దాదాపు 5 సంవత్సరాల క్రితం  నా ఆరోగ్య పరిస్థితి క్రమంగా క్షీణించడం ప్రారంభించింది. రాను రానూ  పరిస్థితి మరింత దిగజారి నడవడం కూడా కష్టంగా మారిపోయింది. ఊపిరితిత్తుల్లో నీరు చేరినట్టుగా చెప్పారు. నాకు యాంటీబయాటిక్స్ మరియు నీరు తగ్గడానికి టాబ్లెట్ లు ఇచ్చారు. ఫ్లూ తగ్గి పోయినప్పటికీ నాకు గుండె దడ ఏర్పడి నా హృదయస్పందన సాధారణ స్థాయి కంటే ఎక్కువగా పెరిగిపోయింది. గత నాలుగైదు నెలలుగా ఈసీజీ మరియు ఎఖో కార్డియో గ్రామ్ వంటి పరీక్షలు కూడా నిర్వహించారు.  అనంతరం హృద్రోగ నిపుణులు నాకు ఏట్రియల్ ఫిబ్రిలేషన్ ఉన్నట్లు  చెప్పారు. ఇక దీంతో జీవితకాలం బాధపడాలి అని కూడా చెప్పారు. ఆ తర్వాత నాకు తెలిసిన విషయం ఏమిటంటే ఇది వైరల్ ఇన్ఫెక్షన్ వలన ఏర్పడినట్లుగా నిర్ధారణ అయ్యింది. ఇటువంటి పరిస్థితుల్లో సాయి వైబ్రియానిక్స్ గోళీలు  నాపై అద్భుత ప్రభావం చూపికేవలం కొద్దివారాలలోనే అనారోగ్యాన్ని పూర్తిగా తొలగించి సాధారణ స్థాయిని కలిగించాయి.

నిద్రలేమి ^03562...UK

60సంవత్సరాల మహిళ  తన యొక్క నిద్రలేమి వ్యాధికి చికిత్స కోసం చికిత్సా నిపుణుడిని సంప్రదించింది. గత పది సంవత్సరాలుగా ఈ వ్యాధితో బాధపడుతూ ఇన్ని సంవత్సరాలుగా ఆమె అల్లోపతి చికిత్స తీసుకుంటూనే ఉన్నారు. పేషెంటు తనకు ఇంటివద్ద మరియు ఆఫీస్ లోను ఉన్నటువంటి ఒత్తిడి వలన ఈ నిద్రలేమి వచ్చినట్లుగా భావించారు. ఆమె ప్రతిరోజు రాత్రి 9 నుండి 10 గంటల వరకు నిద్రకు ఉపక్రమింఛేది. నిద్ర మాత్రలు వేసుకున్నా కూడా ఈమెకు రెండు మూడు గంటలే నిద్ర వస్తోంది. చాలా అరుదుగా నాలుగు గంటలు నిద్ర పోగలుగుతుంది. ఈ విధంగా అలోపతి మాత్రలు ఆమెకు ఏమాత్రం సహాయపడేవి కావు.

2018 జూన్ 26వ తేదీన ఆమెకు క్రింది రెమిడీ ఇవ్వబడింది:

CC15.6 Sleep disorders... నిద్రించేందుకు అరగంట ముందు ఒక డోస్ ఆపైన అవసరాన్ని బట్టి ప్రతి అరగంటకు ఒక డోసు చొప్పున నాలుగు డోసులు వరకు తీసుకోవాలి.

ఈమె వైబ్రో గోళీలతో పాటు  అలోపతి మందులు కూడా కొనసాగించారు.  మూడు రోజుల తర్వాత తనకు  కేవలము ఒక సింగిల్ డోస్ తోనే నూరు శాతం అద్భుతమైన నిద్ర పట్టినట్టుగా తెలిపారు. ఆ విధంగా ఏడు గంటల సేపు హాయిగా నిద్రించి ఉదయమే తన పనులకు ఉపక్రమించసాగారు.  ఈ విధంగా నెలరోజులు వాడిన తర్వాత తన స్వయం నిర్ణయంతో అలోపతీ  మందులు తీసుకోవడం మానివేశారు. అయినప్పటికీ ఆమె గాఢంగా నిద్ర పోగలుగుతున్నారు.  ఆమె యొక్క శక్తి స్థాయిలు కూడా పెరిగినట్లుగా అనిపించసాగింది. ఈ విధంగా పునర్బలం పొందిన తర్వాత ఆమె అంతకుముందు తను చేయలేక నిర్లక్ష్యంగా వదిలివేసిన పనులను కూడా పూర్తి చేసుకోగలిగారు. సెప్టెంబర్ లో ఆమె రీఫిల్ కోసం వచ్చారు. అలాగే నవంబర్ 2018 నాటికి ఆమె మోతాదును OD  కొనసాగిస్తూ ప్రశాంతంగా నిద్ర పోగలుగుతున్నారు.

గొంతు ఇన్ఫెక్షన్ ^{11406...India}

88-సంవత్సరముల వయస్సు గల వ్యక్తి గత మూడు వారాలుగా గొంతు నొప్పి మరియు దగ్గుతో బాధపడుతూ డాక్టర్ను సంప్రదించారు. డాక్టర్ అతనికి యాంటీబయాటిక్స్ ఇచ్చారు. వారం రోజులు కోర్సు పూర్తి చేసినప్పటికీ ఏ మాత్రం మెరుగుదల కనిపించలేదు. దీనితో రోగి వైబ్రియానిక్స్ చికిత్స తీసుకోవాలని చికిత్సానిపుణుడిని సంప్రదించారు.

15 జూన్ 2018 తేదీన అతనికి క్రింది కొంబోఇవ్వబడింది:
#1. CC12.1 Adult tonic + CC19.6 Cough chronic...6TD 

నాలుగు రోజులు వాడిన తర్వాత పేషెంటు తనకు గొంతు నొప్పి మరియు గొంతు బొంగురు పూర్తిగా నయం అయ్యాయని దగ్గు కూడా గణనీయంగా తగ్గింది అని చెప్పారు. కానీ ఉదయం పూట అతనికి  గొంతు అసౌకర్యం గానూ  గొంతులో ఏదో వున్నట్లుగానూ బాధపడుతున్నారు. కొన్నిసార్లు తెల్లని చిక్కని కఫం బయటకు వస్తూ ఉండేది. అందుచేత పేషెంటును  #1వ రెమెడీని TDS గా కొనసాగించమని సూచించడం జరిగింది.   

మూడు వారాలు వాడిన తర్వాత కూడా  స్థిరమైన మెరుగుదల కనిపించలేదు అందుచేత చికిత్సా నిపుణుడు తన యొక్క సీనియర్ వైద్య నిపుణులతో సంప్రదించి పేషెంటు నిర్మాణపు  రంగంలో లో పని చేస్తున్నాడా అని అడగడం జరిగింది అతను అవునని చెప్పడంతో 13 జూలై 2018 న  #1 ను  మాన్పించి క్రింది రెమిడి ఇవ్వడం జరిగింది.

 #2. CC17.2 Cleansing + CC19.3 Chest infections chronic...TDS

ఈ రెమిడీ వలన వారం రోజుల్లోనే అతనికి 95 శాతం పెరుగుదల కనిపించింది. జులై 27 నాటికి నూరు శాతం ఉపశమనం కలిగింది. అందుచేత మోతాదును BD  కి అనంతరం OD కి మార్చడం జరిగింది. ఆ తర్వాత  2018 ఆగస్టు 17 నాటికి తన వ్యాధి లక్షణాలు ఏమాత్రం పునరావృతం కాకపోవడం చేత ఆ రోజు నుండి రెమిడీ తీసుకోవడం మాని వేయడం జరిగింది. అక్టోబర్ 2018 నాటికి పెషంటు ఎంతో విశ్వాసంతో  పూర్వ ఇబ్బంది ఏమీ లేకుండా ఉత్సాహంగా ఉంటున్నారు.   

సాధకుని వివరములు

ప్రాక్టీషనర్ ^{02696...ఇండియా} కంప్యూటర్ మరియు ఇంజినీరింగ్ రంగాలలో పోస్ట్ డాక్టరేట్ చేసి ఆంధ్రప్రదేశ్ లోని ప్రముఖ యూనివర్సిటీ లో అసిస్టెంట్ ప్రొఫెసర్ మరియు నోడల్ ఆఫీసరుగా వీరు పనిచేస్తున్నారు. అధ్యాత్మిక  కుటుంబ నేపధ్యము కలిగిన వీరికి చిన్నప్పటినుండి సేవ చేయాలనే ధృక్పధం ఉండేది.  వీరు స్వచ్ఛందంగా ప్రజల అవసరాల మేరకు ముఖ్యంగా వృద్ధులు, పిల్లల కోసం అనేక రకాల సహాయము అందించేవారు. 1999 లో వీరు ఒక దేవాలయమునకు వెళ్ళినపుడు అక్కడ సత్యసాయి సంస్థ లోని సేవాదళ్ వీరి చెప్పులను తీసుకొని భద్రపరచడం వీరి హృదయాన్ని కదిలించి ఆ ప్రేమలోని మాధుర్యం, గొప్పతనం వీరి కనులు తెరుచుకునేలా చేసింది. అదే సంవత్సరం వీరికి లభించిన భగవాన్ బాబా వారి దర్శనం వీరిని మంత్ర ముగ్ధులను చేసి వీరి ధృక్పధాన్ని పూర్తిగా మార్చివేసింది. ఆ తరువాత నుండి వీరు సేవా కార్యక్రమాలలో చురుకుగా పాల్గొనడం ప్రారంభించారు. కొంతకాలం పాటు వీరి హృదయంలో ప్రజలతో మమేకం కావాలని వారికి సేవ చేయాలని తపన లోతుగా ఉండేది. కాలేజీ చదివే రోజులలో వీరియొక్క అన్నవాహికలోని పుండును హోమియోపతీ మందులు నయం చేయడం ఎంతగానో కదిలించింది. 2005 లో వీరు పాల్గొన్న సేవా కార్యక్రమంలో వైబ్రియానిక్స్ గురించి విని వైబ్రియానిక్స్ కు ఆకర్షితు లయ్యారు.

వీరు 2005 సంవత్సరంలోనే పేరు నమోదు చేసుకొని రెండువారాల శిక్షణ అనంతరం SRHVP మిషన్ తీసుకున్నారు. ఎందుకంటే ఆ రోజులలో 108CCబాక్సు ఇంకా రూపు దిద్దుకోలేదు. మొదట తన చుట్టాలకు, స్నేహితులకు మందులు ఇవ్వడం ద్వారా తన వైబ్రియానిక్స్ ప్రస్థానం ప్రారంభించారు. స్వామి యొక్క కృప వలన మెల్లగా పేషంట్లు పెరగ నారంభించారు. తన పైనా, వైబ్రియానిక్స్ పైనా స్వామి చూపించిన అనుగ్రహానికి కొలమానం వంటి ఒక లీలను ఈ సందర్భంగా వీరు గుర్తు చేసుకుంటున్నారు. ఒకసారి వైబ్రియానిక్స్ అంటే నమ్మకం లేని ఒక సాయి సభ్యునికి దీనిని గురించి వివరించారు. ఐతే అతడికి నమ్మకం బలపడలేదు. ఈ మందులు నిజంగా రోగాన్ని తగ్గిస్తాయా అనే అపనమ్మకంతోనే ఉన్నాడు. ఆరోజు రాత్రి స్వామి అతడికి కలలో కనబడి వైబ్రియానిక్స్ గురించి వివరించి ప్రాక్టీషనర్ కు సహాయ పడుతూ ఉండమని చెప్పారట. ఈ సంఘటన వీరిద్దరినీ ఎంతో కదిలించింది.

ఈ అభ్యాసకుడు అనేక  కేసులకు విజయవంతంగా చికిత్సలు అందించారు. అవి ఆస్తిగ్మాటిజం, దీర్ఘకాలిక కడుపు నొప్పి, మోకాలి నొప్పి, సైనసైటీస్, ఛాతీ ఇన్ఫెక్షన్, స్పాండిలైటిస్, చర్మ సమస్యలు, థైరాయిడ్, బి.పి. ఋతు సమస్యలు, వత్తిడి, నిద్ర రుగ్మతలు, మానసిక రుగ్మతలు మొదలగునవి.  మానసిక సమస్యలు,భావోద్వేగాల పరంగా బాధితులు, హైపర్ యాక్టివ్ పిల్లలు, మరియు ముసలి వారి సమస్యల విషయంలో వీరి అనుభవం అభిలషనీయమైనది.   ఇటువంటి కేసుల విషయంలో ఆలోపతి మందులు రోగాన్ని అణిచి వేస్తే వైబ్రో రెమెడీలు రోగాన్ని మూలంతో సహా నిర్మూలనం చేస్తాయని వీరి అభిప్రాయము.  వీరు ప్రాక్టీస్ మొదలు పెట్టిన తొలి నాళ్ళలో 2 సంవత్సరాల  హైపర్ యాక్టివ్ అమ్మాయిని వీరి వద్దకు తీసుకొని వచ్చారు. ఈమె అర్ధరాత్రి నిద్రలేచి టి.వి. ఆన్ చెయ్యమని చెప్పి కుటుంబసభ్యులందరినీ తనతో పాటు టి.వి. చూడమని చెప్పేది. ఆమె మాట వినక పోతే తలను గోడకు కొట్టుకునేది  NM6 Calming + SR422 Cherry Plum…OD అద్భుతాలు సృస్టించి వారం లోనే ఆమె అర్ధరాత్రి నిద్ర లేవడం మానేసింది!

వీరు బాచ్ ఫ్లవర్ నివారణలతో అద్భుత ఫలితాలను పొందారు.  ఆధిపత్యం చలాయించే మనస్తత్వం ఉన్న ఒక 49 సంవత్సరాల వ్యక్తి ఆఫీసు నుండి రాగానే నిశ్శబ్దంగా తన గదిలోనికి వెళ్ళిపోతాడు. తన కుటుంబ సభ్యులతో మాట్లాడడం కానీ వారితో కలిసి భోజనం చేయడం గానీ ఏమీ చేయడు. ఇలా 10 సంవత్సరాల నుండి కొనసాగుతోంది. ఇతడికి SR419 Beech + SR446 Vine. ఇవ్వబడింది. వారం తరువాత కుటుంబ సభ్యులు చెప్పిన దాని ప్రకారము ఈ వ్యక్తి  పది సంవత్సరాల తరువాత  మొదటిసారి కుటుంబ సభ్యులతో కలసి భోజనం చేశాడని చెప్పి చాలా సంతోష పడ్డారు. 

11-సంవత్సరాల హైపర్ యాక్టివ్ పిల్లవాడు తన 5 వ ఏటనుండీ హింసాత్మక ప్రవర్తన కలిగి ఉన్నాడు. ఇతడి తల్లి అనేక రకములైన చికిత్సలు చేయించి ఫలితం లేక నిరాశగా ఉన్నారు. చివరికి ఆ బాలుడిని మానసిక వికలాంగుల పాఠశాలలో వేద్దామని కూడా నిర్ణయించుకుంది. వీరు స్వామిని ప్రార్ధించి ఈ బాలునికి  NM4 Brain-2 + NM5 Brain Tissue Salts (TS) + NM6 Calming ఇచ్చారు. రెండు వారాల లోనే ఈ బాలుడు తన తల్లిని కొట్టడం మానేసి కాస్త స్థిమితంగా ఉండడం ప్రారంభించాడు. నెల రోజుల తరువాత అబ్బాయి పూర్తిగా కోలుకొని ప్రస్తుతం మందులు తీసుకోవడం కొనసాగిస్తున్నాడు. 

ప్రారంభంలో అభ్యాసకునికి మిషన్ తో మందులు తయారు చేయడం చాలా కాలయాపన గా ఉండేది. స్వామి దయతో 108CC బాక్సు వచ్చిన తరువాత మందులు ఇవ్వడం, మెడికల్ క్యాంపులకు వెళ్ళి రోగులను చూడడం సులభం అయ్యింది. 60 సంవత్సరాల వృద్దవనిత గత 15 సంవత్సరాలుగా కడుపు నొప్పితో బాధపడుతూ ఉన్నది. ఆమె ఎన్నో రకాల చికిత్సా విధానాలు ప్రయత్నించి విసిగి పోయి ఉన్నారు. చికిత్సా నిపుణుడు ఇచ్చిన  CC4.3 Appendicitis + CC4.10 Indigestion. నివారణి  అద్బుతంగా పని చేయడంతో ఆమెకు ఈ చికిత్సా విధానము పట్ల విశ్వాసము పెరిగింది. ఆమె క్రమం తప్పకుండా రీఫిల్ కోసం రావడం, తన వంతు వచ్చే వరకు వేచి ఉండడం మందులు వేసుకునే టప్పుడు ఆమె పెదవులపై నామస్మరణ సాగుతూ ఎంతో భక్తి విశ్వాసాలతో వాటిని స్వీయకరించడం చూసి వీరు '' స్వామీ మీరే ఆమెకు నయం చేస్తున్నా గుర్తింపు మాత్రం నాకు ఇస్తున్నారన్న మాట'' అని ప్రార్ధించేవారు.

వీరు పని వత్తిడి వలన ఆశించినంత సేవ చేయలేక పోయినా 2014 జనవరి 26 న పుట్టపర్తిలో జరిగిన మొదటి అంతర్జాతీయ వైబ్రియానిక్స్ కాన్ఫరెన్స్ లో అంకిత భావంతో వాలంటీర్ గా పనిచేసే అవకాశం లభించింది.  ఆఫీసుకు సంబంధించిన పనివత్తిడి కొంత తగ్గగానే 2017 నుండీ వైబ్రియానిక్స్ కు మరింత సమయం కేటాయించడం వీరు ప్రారంభించారు. ప్రతీ ఆదివారము అనంతపురం సాయి మందిరం లో జరిగే సాయివైబ్రియానిక్స్ వైద్య శిబిరములో వీరు భాగం పంచుకోసాగారు.  ఆదివారం ఎప్పుడొస్తుందా అని ఎదురు చూడడం వీరికి ఎంతో ఆనందాన్ని ఇస్తోంది. అలాగే నెలకు ఒకసారి గ్రామంలో జరిగే క్యాంపులో కూడా ఇతర వాలంటీర్ లతో పాటు పాల్గొంటున్నారు. ఈ సేవల కారణంగా గత రెండు సంవత్సరాలుగా 1600 మంది పేషంట్లకు చికిత్స చేసే అవకాశం కలిగింది.   

ప్రతీ అభ్యాసకుడు ఆరోగ్య వంతమైన జీవన శైలిని అనుసరిస్తూ తన పేషంట్లకు ఆదర్శప్రాయంగా ఉండాలనే విషయాన్ని వీరు నొక్కి వక్కాణిస్తున్నారు. తను ఆచరిస్తేనే ఇతరులకు  చెప్పగల అర్హత వస్తుంది. కేవలం రెమిడీలు ఇవ్వడంతోనే అభ్యాసకుని బాధ్యత పూర్తయినట్టు కాదు. పేషంటుకు ఆరోగ్యవంతమైన జీవన శైలి  స్వామి చెప్పిన ఆరోగ్య సూత్రాలు చెప్పి పంపించాలి. చికిత్సా నిపుణుడి వద్దనుండి బయటకు వచ్చిన రోగికి ఎంతో స్వాంతన చేకూరి అది పెదవుల పైన చిరునవ్వుగా వ్యక్తంకావాలి. ముఖ్యంగా వృద్ధులు తమను అంతా వదిలివేశారనే భావంతో ఉంటారు కనుక వారిని జాగ్రత్తగా చూసి పంపాలి.

ఈ చికిత్సా నిపుణుడి ఉద్దేశంలో వైబ్రియానిక్స్ ప్రత్యామ్నాయ చికిత్సా విధానము కాదు ప్రధాన చికిత్సా విధానము. ఎవరైనా సరే రోగం రాగానే డాక్టర్ వద్దకు పరిగెత్తే విధానము మార్చుకోవాలి. భగవంతుడు ప్రతీ ఒక్కరిలోనూ వ్యాధి నయం  చేసుకునే శక్తి ఇచ్చాడు. కనుకనే వీరు ‘’ఆలోపతి మందులతో ఏల నీకు చింత వైబ్రియానిక్స్ ఉండగా నీ చెంత’’ అని చెపుతూ ఈ రెమిడీ లతో వ్యాధినిరోధక శక్తిని పెంచుకుని రోగాలకు దూరంగా ఉందాం అని పిలుపు నిస్తున్నారు.  

పంచుకున్న కేసుల వివరాలు:

·       ఆనెలు పగుళ్లు

·       బహుళ సమస్యలు

సాధకురాలి వివరములు

ప్రాక్టీషనర్  ^{10355…ఇండియా} కామర్స్ పట్టభద్రు రాలైన ఈ చికిత్సా నిపుణురాలు రిజర్వ్ బ్యాంక్ ఆఫ్ ఇండియా లో కరెన్సీ పరిశీలకురాలిగా కొన్ని  సంవత్సరాలు పనిచేశారు. 1984 లో పెళ్లైన తరువాత వీరు ఉద్యోగం మానేసి కుటుంబ విషయాలే చూసుకునేవారు.  1989 నుండి స్వామి గురించి తెలుసుకొని ఎప్పుడు వీలు కుదిరితే అప్పుడు భజనలకు హాజరవుతూ ఉండేవారు. 1998 లో పుట్టపర్తి దర్శించిన తరువాత సేవా కార్యక్రమాలలో పాల్గొనడం ప్రారంభించారు. వీరు బాలవికాస్ కు చెందిన సాయి  వాఙ్మయాన్ని ఆంగ్లము నుండి మరాఠీ కి ఆ తరువాత 2002 నుండి సనాతన సారధి పత్రికకు మరియు  ఇటీవలే విద్యావాహిని కి సంబంధించిన వ్యాసాలను  వీరు ఆంగ్లము నుండి మరాఠీ కి తర్జుమా చేయడం ప్రారంభించి ప్రస్తుతం వాటిని కొనసాగిస్తూ ఉన్నారు.  

వీరు 2006 లో వైబ్రియానిక్స్ గురించి ఒక వాలంటీర్ ద్వారా విని ఈ కోర్సులో చేరాలని భావించారు. 2008 లో AVP శిక్షణ పూర్తి చేసుకొని అప్పట్లో ఉన్న నియమం ప్రకారం 54 CC బాక్సును తీసుకున్నారు. అనంతరం 2015లో  అవసర మైన పరీక్ష వ్రాసి 108 CC బాక్సు ను తీసుకున్నారు. ఇంత ఎక్కువ విరామం రావడానికి కారణం 2000 సంవత్సరం లో మయాస్తేనియా గ్రావిస్ అనే  నరాల, కండరాల వ్యాధి సోకినట్లు నిర్ధారణ చేయబడడం ఇంకా ఇతర కుటుంబ సమస్యలు. ప్రాక్టీషనర్ ఐన తరువాత రెండు సంవత్సరాలు తన ఇంట్లోనే  రోగులకు వైద్యం చేసేవారు. ఐతే అనారోగ్య కారణంగా కొంతకాలము పేషంట్లను చూడడం నిలిపి వేశారు. ఆ తరువాత  తనకు అనుకూల మైన సమయంలో రోగులకు జలుబు, దగ్గు,జ్వరము,జీర్ణ సమస్యలు, ఎముకల నొప్పులు వంటి రుగ్మతలకు తయారుచేసి  మెడికల్ క్యాంపులలో  సహచర చికిత్సా నిపుణులకు ఇస్తూ ఉండేవారు. ఐతే తనకు ఏర్పడిన రుగ్మత నిమిత్తము ఆలోపతి మందులనే వాడేవారు కానీ వాటివల్ల ఏర్పడే ప్రతికూల ఫలితాల నివారణకు వైబ్రియానిక్స్ రెమిడీలనే ఆశ్రయించేవారు.  

వీరు తోటి సేవాదళ్ సభ్యుల సహాయంతో గత 15 సంవత్సరాలుగా భవన నిర్మాణపు పనివాళ్ళ పసిపిల్లలకు, పిల్లలకు సాయి ప్రోటీన్ పంపిణీ చేస్తున్నారు. ఒక సీనియర్ వైబ్రియానిక్స్ అభ్యాసకుని సూచన మేరకు రోగులకు తను ఇచ్చే నివారణుల తోడుగా  CC12.2 Child tonic + CC17.3 Brain & Memory tonic + CC20.6 Osteoporosis కూడా ఇవ్వడం ప్రారంభించారు. వీటిలో ప్రతీ ఒక్క కొంబోను 27 చుక్కలను ఒక కేజీ వేయించిన వేరుశెనగ పప్పు పౌడర్ తో కలిపేవారు. దీనిని 27 కేజీల సాయి ప్రోటీన్ మరియు 7.5 కేజీల పంచదార పొడితో కలిపేవారు. ప్రతీ రోజూ రెండు స్పూన్ల పౌడర్ ను నీటిలో గానీ, పాలలో గాని కలిపి పిల్లలకు ఇచ్చేవారు. పిల్లలు ఈ పౌడర్ యొక్క రుచిని ఆస్వాదించేవారు. ఈ పౌడర్ యొక్క ఫలితం గురించి అధ్యయనాలేవీ నిర్వహింప బడలేదు కానీ ఈ చికిత్సా నిపుణురాలు ఇది పిల్లల యొక్క రోగనిరోధక శక్తి,ఆరోగ్యము,జ్ఞాపకశక్తి ఏమేరకు పెంచుతాయో అధ్యయనం చేస్తున్నారు. 

ఈ ప్రాక్టీషనర్ చికిత్స చేసిన కొన్ని విజయవంతమైన కేసుల వివరాలు ఈవిధంగా తెలియచేస్తున్నారు. 2015 అక్టోబర్ నెలలో  75 సంవత్సరాల  మహిళ వీరి వద్దకు వచ్చారు. ఈ పేషంటు గత సంవత్సర కాలంగా మలబద్దకం,కడుపులో మంట, మలద్వారము పైన దురద తో బాధ పడుతూ ఉన్నారు.  ఈమెకు CC4.4 Constipation + CC10.1 Emergencies + CC12.1 Adult tonic + CC15.1 Mental & Emotional tonic ఇచ్చిమషాలాలు ఎక్కువ వాడొద్దని సలహా  ఇచ్చారు.  10 నెలలు వాడిన తరువాత ఆమెకు పూర్తిగా తగ్గిపోవడంతో మోతాదును తగ్గించి వాడుతూ 12 వ నెలలో పూర్తిగా మానేసారు. ఇప్పుడామె మషాలా తో కూడిన ఆహారము కూడా తినగలుగుతున్నారు.  2016ఏప్రిల్ లో ఈ పేషంటు వీపు క్రింది భాగంలో నొప్పి నిమిత్తం  ప్రాక్టీషనర్ ను సంప్రదించారు. గత నాలుగు సంవత్సరాలుగా ఆమెను ఆస్టియో పోరోసిస్ గా నిర్ధారించబడిన ఈ నొప్పి బాధిస్తోంది. ఈమెకు ఆలోపతి నొప్పి నివారణలు కొనసాగించడం ఇష్టం లేదు.  ప్రాక్టీషనర్ ఆమెకు CC20.4 Muscles & Supportive tissue + CC20.6 Osteoporosis + CC20.7 Fractures. ఇచ్చారు. మూడు నెలలలో ఆమెకు 90 శాతము మెరుగయ్యింది. దీనితో ఆమె ఈ నివారణలు తన జబ్బును పూర్తిగా తగ్గిస్తాయనే విశ్వాసం తో  మందులు కొనసాగిస్తూ ఉన్నారు.

ఈ ప్రాక్టీషనర్ ఇప్పటివరకూ 1500 పేషంట్లకు చికిత్స చేశారు. చికిత్స తో పాటు SVP¹⁰⁰⁰¹ తో కలసి AVPమాన్యువల్ ను ఆంగ్లము నుండి మరాఠీ కి అనువాదం చేశారు. ఇది ముద్రిoచ బడింది. 108CC పుస్తకమును కూడా మరాఠీ లోనికి అనువాదం చేశారు ఇది ఇంకా ముద్రించ బడవలసి ఉన్నది. ఈ రెండు పుస్తకాలు మహారాష్ట్ర లోని గ్రామీణ ప్రాంతాల వారికి వారి మాతృ భాషలో AVP కోర్సు నేర్చుకొనడానికి ఎంతో అనువుగా ఉంటాయి. ఈ ప్రాక్టీషనర్  వైబ్రియానిక్స్ అనేది ప్రజలకు నిస్వార్ధంగా ఎల్లలెరుగని సేవ చేయడానికి భగవంతుడు తనకిచ్చిన వరంగా  భావిస్తున్నారు. ఈ సేవ తనను అనారోగ్యం నుండి దూరం చేసి  భౌతికంగా, మానసికంగా,భావోద్వేగ పరంగా  ధృడంగా చేశాయని వీరు భావిస్తున్నారు. అంతేకాక వైబ్రియానిక్స్ తనలో ఇతరుల పట్ల ఫ్రేమ, దయా పెంపొందించుకునేలా చేశాయని తెలుపుతున్నారు. 

పంచుకున్న కేసులు:

• జువెనైల్ అర్థ్రైటీస్