Sai Vibrionics Newsletter

దీర్ఘకాలికమైన లింఫో ప్లాస్మా సైటిక్ సోరియాసిస్ ^{12051...India}

నాలుగు సంవత్సరాల వయస్సు నుండి దీర్ఘకాలిక లింఫోప్లాస్మాటిక్ సోరియాసిస్ తో బాధపడుతున్న ఒక 9 ఏళ్ల బాలుడు తన అరచేతులపై మరియు కుడి మడమ మీద గాయాలు కలిగి ఉన్నాడు. దీనికి  అదనముగా  రెoడు గాయాలు వెనుక వీపు వైపు ఒకటి ఎడమకాలి మీద ఒకటి గాయాలు ఉన్నాయి. ఇతనికి వివిధ చర్మ నిపుణుల చేత సిఫారసు చేయబడిన అనేక వైద్య పరీక్షలు కూడా చేసారు. గత ఐదు సంవత్సరాలలో అనేక అల్లోపతిక్ మందులు మరియు ఆయింట్మెంట్ లను కూడా వాడారు.

కానీ ఏమాత్రం  మెరుగుదల లేదు. జూలై 2016 లో, అభ్యాసకుడు బాబుకు క్రింది కాంబో ఇచ్చారు. 

CC10.1 Emergencies + CC12.2 Child tonic + CC12.4 Autoimmune diseases + CC15.1 Mental & Emotional tonic + CC21.10 Psoriasis + CC21.11 Wounds & Abrasions…TDS మరియు ఆలివ్ ఆయిల్ ద్వారా పై పూతకు కూడా ఇవ్వబడింది.

ఈ బాబు  ఒక మారుమూల ప్రదేశంలో నివసిస్తున్నందున, అతను తరచుగా అభ్యాసకుడిని సందర్శించలేకపోయేవాడు. అందుచేత మూడు నెలల తరువాత, అతను సందర్శించినప్పుడు  50% అభివృద్ధిని గమనించారు. బాలుడికి అదే రెమిడి కొనసాగించవలసిందిగా సూచించబడగా  మూడునెలల తర్వాత  తన తదుపరి సందర్శనలో, 70% మెరుగుదల కనిపించింది. చికిత్సను మరికొంత కాలము కొనసాగించగా ఆ  సంవత్సరం ముగింపులో, అరచేతులు మరియు మడమ మీద 100% మెరుగుదల కనిపించింది (చిత్రాలు చూడండి). వెనుక మరియు కాళ్ళపై ఉన్న గాయాలు కూడా తగ్గిపోయాయి. రెండు నెలల పాటు మోతాదు BD కి తగ్గించబడి, తరువాత నాలుగు నెలలపాటు OD కి తగ్గించడం జరిగింది. వైబ్రియోనిక్స్ చికిత్స చేస్తున్నప్పుడు బాబు ఏ విధమైన ఇతర ఔషధాలను తీసుకోలేదు. బాలుడి తల్లిదండ్రులు ఈ అధ్భుతానికి ఎంతో ఆనందించి అనేకమంది పేషంట్లను ప్రాక్టీషనర్ వద్దకు పంపడం జరిగింది.

చెవిలో హూరు వలన వచ్చే తలదిమ్ము ^{12051...India}

44 - సంవత్సరాల మహిళ చెవిలో హోరు వలన వచ్చే తలదిమ్ముతో  ( పేషంటు యొక్క అలోపతి డాక్టర్ చేత సూచిoచబడింది )  2 సంవత్సరాలుగా బాధపడుతున్నారు. గత రెండున్నర నెలలుగా ఆమెకు తలతిరుగుడు తో పాటు వాంతి చేసుకున్నప్పుడు రక్తపు చుక్కలు కూడా కనబడుతున్నాయి. ఈమె తలదిమ్ముకు అలోపతి మందులు తీసుకున్నారు కానీ ఏమాత్రం ఫలితం ఇవ్వకపోవడంతో నైరాశ్యంలోకి వెళ్ళిపోసాగారు.

ఈమెకు  2016 జూలై నెలలో క్రింది రెమిడి ఇవ్వడం జరిగింది:

CC5.2 Deafness + CC5.3 Meniere’s disease + CC10.1 Emergencies + CC15.1 Mental & Emotional tonic + CC18.7 Vertigo…TDS నీటితో

వారం రోజులలోనే పేషంటు కు తలదిమ్ము నుండి 100% ఉపశమనం కలుగగా చెవిహోరు నుండి 80% ఉపశమనం కలిగింది. నెల రోజులలోనే ఆమెకు పూర్తిగా తగ్గిపోయింది కానీ రెమిడి ని TDS. కొనసాగించాలని నిర్ణయించుకున్నారు. మూడునెలల తర్వాత మోతాదు OD కి తగ్గించి నెలరోజులు అనంతరం OW తీసుకోవడం ప్రారంభించారు. ఐతే ముందు జాగ్రత్త కోసం ఇప్పటికీ అనగా  ఫిబ్రవరి  2018 నాటికి కూడా కొనసాగిస్తూనే ఉన్నారు. వైబ్రోతో తను పొందిన చికిత్స నుండి స్పూర్తిని పొంది అందరికీ ఈ మందులు వాడవలసినదిగా సూచిస్తున్నారు. 

సోరియాసిస్, కీళ్ళనొప్పులు, చెవిలో హొరు ^{12051...India}

63-సంవత్సరాల వయసుగల వ్యక్తి గత 10 సంవత్సరాలుగా సోరియాసిస్ తోనూ గత సంవత్సరంగా కీళ్ళనొప్పులతోను బాధపడుతున్నారు. వీరికి చేతిలో పుండ్లు, మరియు జాయింట్ల లో నొప్పులు కూడా ఉన్నాయి. ఇంతేకాకుండా ఒళ్లంతా దురద కూడా ఉన్నది. వీరు కీళ్ళనొప్పులు నిమిత్తం అలోపతి మందులు  (మిథోట్రెగ్జేట్ ) కూడా తీసుకుంటున్నారు.

2015 నవంబర్ లో వీరికి క్రింది రెమిడి ఇవ్వబడింది: 

 #1. CC10.1 Emergencies + CC12.1 Adult tonic + CC12.4 Autoimmune diseases + CC15.1 Mental & Emotional tonic + CC20.3 Arthritis + CC21.10 Psoriasis…TDS

నెల రోజుల పాటు రెమిడి తీసుకున్న తర్వాత పరిస్థితి కాస్త మెరుగుపడింది కానీ పేషంటుకు కుడి చెవిలో హోరు ప్రారంభ మయ్యింది. పేషంటు ఒక  ENT నిపుణుడికి చూపించగా కుడి చెవి 70% వినికిడిని కోల్పోయినట్లు తెలిపారు. అందుచేత ప్రాక్టీషనర్ క్రింది రెమిడి ని అదనంగా ఇవ్వడం జరిగింది: 

#2. CC5.2 Deafness + CC5.3 Meniere’s disease + CC18.5 Neuralgia…TDS

 #1 మరియు  #2 తీసుకున్న నాలుగు నెలలలోనే సోరియాసిస్ మరియు కీళ్ళనొప్పుల నుండి 100% ఉపశమనం పొందినట్లు అలాగే చెవిహోరు నుండి 40% ఉపశమనం పొందినట్లు తెలిపారు. మెడికల్ రిపోర్టులో కీళ్ళ నొప్పి జాడ కూడా కానరాలేదు. కనుక వీరి డాక్టరు మీతోట్రెక్జేట్ ను 15mg నుండి 5mgకి తగ్గించారు. ప్రాక్టీషనర్   #1 యొక్క మోతాదు OD గానూ  #2 ను TDS గానూ తగ్గించడం జరిగింది. 

6 నెలల తర్వాత పేషంటు చెవిహొరు నుండి పూర్తిగా కోలుకున్నారు కనుక   #2 ను OD కి తగ్గించడం జరిగింది.  2016 అక్టోబర్ లో పేషంటు పరీక్ష చేయించుకున్నప్పుడు వీరికి వినికిడి శాతం అద్భుతంగా మెరుగయినట్లు గతంలో ఉన్న70% నుండి 20% నకు చేరినట్లు ఫలితాలు తెలిపాయి. ఈ పురోగతి చూసి డాక్టర్ చాలా ఆశ్చర్యపడ్డారు. కీళ్ళ నొప్పులకు సంబంధించిన రిపోర్టులు కూడా నార్మల్ గా ఉన్నట్లే చూపిస్తున్నాయి. [ప్రస్తుతం వీరు #1 మరియు #2 లను ODగా తీసుకుంటున్నారు].

విట్రస్ ఫ్లోటర్స్ ( మెరిసే కంటి మచ్చలు ) మరియు గ్లుకోమా ^{10608...India}

   2017 ఫిబ్రవరి17  న, 65 ఏళ్ల మహిళ  తనకు 2016 సెప్టెంబర్ 3 నుండి  కంటిలో మెరుపులు మరియు గ్లకోమా వ్యాధుల చికిత్స కోసం ప్రాక్టీషనర్ ను సంప్రదించారు. ఆమె  కుడి మరియు ఎడమ కళ్ళల్లో  మాములుగా ఉండవలసిన పీడనము 12 to 22mm Hg  కన్నా ఎక్కువగా  28 మరియు 34  ఉన్నాయి. వైద్యుడు దీనికి లేజర్ శస్త్రచికిత్సయే శాశ్వత నివారణ అని  సలహా ఇచ్చారు. కానీ కనీసం శస్త్రచికిత్స ఆలోచన కూడా భరింపలేని స్థితిలో భయపడి పోయి అశాంతికి గురైన పేషంటుకు వైద్యుడు ప్రస్తుతం కంటి వత్తిడి తగ్గడానికి కంటి చుక్కలను వ్రాసి ఇచ్చారు. 

కంటి చుక్కల మందులు ఖరీదైనప్పటికీ, కంటి ఆపరేషన్ బాధ తప్పిందనే ఆనందంతో పేషంటు మందులు వాడసాగారు. కంటి చుక్కలను ఉపయోగించిన  ఐదు నెలల తర్వాత, మరలా పరీక్షలు నిర్వహించగా కంటి ఒత్తిడి అలాగే హెచ్చు స్థాయిలోనే  ఉందని (18 మరియు 25) కనుక ఎంత తొందరగా వీలయితే అంత తొందరగా లేజర్ శస్త్రచికిత్స కు సిద్ధం కావాలని వైద్యుడు సూచించారు. ఐతే ఒక స్నేహితుని సూచన పైన వైబ్రో చికిత్స తీసుకొనడానికి పేషంటు నిర్ణయించుకున్నారు.

పేషంటు కంటి చుక్కలను వేసుకోవడం కూడా మానివేసి వైబ్రో అభ్యాసకుడు ఇచ్చిన క్రింది రెమిడి వేసుకోవడం ప్రారంభించారు:

#1. CC3.7 Circulation + CC7.5 Glaucoma + CC11.3 Headache + CC15.1 Mental & Emotional tonic...6TD

#2. CC7.5 Glaucoma...6TD నీటిలో కలుపుకొని కంటికి చుక్కల మందు వలె వాడాలి

నెల రోజుల తర్వాత పరీక్షలు నిర్వహించగా డాక్టర్ ఊహకు కూడా అందని విధంగా అద్భుతమైన మెరుగుదల కనిపించింది. కంటి పీడనము వరుసగా 15 మరియు 16కు తగ్గిపోయింది. కనుక శస్త్ర చికిత్స అవసరం లేదని వైద్యుడు చెప్పారు. అంతేకాక పేషంటు తన ఆహారము మరియు జీవనవిధానము అలవాట్లు ఏమయినా మార్చుకొనడం వల్ల అంత త్వరగా మార్పు సంభవించిందా అని ఆరా చేసారు. పేషంటు తను తీసుకుంటున్న వైద్య చికిత్స గురించి వివరాలు ఏమీ తెలపకుండా అలోపతి మందులు ఆపివేసి వైబ్రో రెమిడిలు కొనసాగించారు. #1 మరియు  #2 ల యొక్క మోతాదు 6TD నుండి  TDSకు తగ్గించడం జరిగింది. ప్రస్తుతం పేషంటుకు వ్యాధి లక్షణాలన్నీ పూర్తిగా అదృశ్యం ఐనప్పటికీ ముందు జాగ్రత్త కోసం రెమిడిలు కొనసాగిస్తూనే ఉన్నారు.

ప్రాక్టీషనర్ వ్యాఖ్యలు:
పేషంటు త్వరగా కోలుకొనడానికి కారణం ఆమె క్రమశిక్షణతో కూడిన ఔషద సేవనం క్రమం తప్పకుండా మందులు వాడడం.

క్యాన్సర్ నొప్పి ^03533...UK

అభ్యాసకురాలు అనారోగ్యంతో అంతిమ దశలో ఉన్న తన 82 సంవత్సరాల  ఆంటీని  9 నవంబరు 2015 న సందర్శించారు. రెండు సంవత్సరాల క్రితంనుండి ఆంటీ రొమ్ము క్యాన్సర్తో బాధపడుతున్నట్లు తెలిసింది; ఏదేమైనా, ఆమె కుటుంబం ఆమె వయస్సు మరియు బలహీనత కారణంగా ఏ వైద్య సహకారాన్ని కోరుకోలేదు. అక్టోబర్ మధ్యకాలంలో, అధిక నొప్పి కారణంగా, రోగిని ఆసుపత్రిలో చేర్చారు, అక్కడ ఆమెకు మత్తుమందు ఆధారిత నొప్పినివారిణిని ఇచ్చారు. ఇది ఆమె పరిస్థితిని మరింత విషమింప జేయడంతో ఆమె ఒక స్ట్రెచర్లో తిరిగి ఇంటికి తీసుకురాబడింది. ఆసుపత్రికి వెళ్లడానికి ముందు ఆమె సంపూర్ణంగా తెలివితో ఉన్నారు. ఇప్పుడు ఆమె అపస్మారక స్థితి లోనికి చేరుకొని కళ్ళు తెరవడమే కష్టమైపోయింది. ఆమె మంచానికే పరిమిత మైపోయి, మాట లేక అవిశ్రాంతంగ కనీసం పక్కకి తిరగడం కూడా లేకుండా నొప్పితో మూలుగుతూ ఏమీ చెప్పలేని పరిస్థితిలో ఉంది. కనీసం ద్రవపదార్ధాలు కూడా త్రాగలేని పరిస్థితి. ఈమె కోసం కుటుంబమంతా జాగరణ చేయవలసిన పరిస్థితి ఏర్పడింది. కనీసం నొప్పి తెలియకుండా ఉండటానికి కూడా ఏమీ ఇవ్వలేని పరిస్థితి. 

ఈ స్థితిలో ప్రాక్టీషనర్  క్రింది కాంబోతో ఆమెకు చికిత్సప్రారంభించారు:

CC2.1 Cancers – all + CC2.2 Cancer pain + CC15.1 Mental & Emotional tonic + CC18.1 Brain disabilities...TDS

పేషంటు మరే ఇతర నొప్పి నివారణలను తీసుకొనే పరిస్థతి లేదు కనుక కేవలం వైబ్రో మందులనే ఇవ్వడం ప్రారంభించారు. పది రోజుల తరువాత, ఆమె కుటుంబం అభ్యాసకురాలికి రోగికి నొప్పి తగ్గిపోయిందని తెలియచేసింది. ఆకలివేసినప్పుడు మెలుకువ వచ్చి కొంచెం ఆహారం తీసుకొని తర్వాత నిద్రపోయేదట. వైద్యులు ఆమె నొప్పి నుండి 100% నివారణ పొందినందుకు చాలా ఆశ్చర్యపడ్డారు. ఆమె రెండు నెలల తరువాత 2016 జనవరి 15, న  శాంతియుతంగా తనువు చాలించే వరకూ వైబ్రో రెమిడిలను కొనసాగింది. పేషంటు అంతిమ క్షణాలలో బాధ లేకుండా ప్రశాంతంగా తుది శ్వాశ వీడడానికి అవకాశం కల్పించిన వైబ్రియొనిక్స్ కు   కుటుంబమంతా ఎంతో  కృతజ్ఞతలు తెలుపుకున్నారు.

పెద్ద ప్రేగులో వ్రణము ^02802...UK

అనేక సంవత్సరాలపాటు పెద్దప్రేగులో వ్రణముతో బాధపడుతున్న 55 ఏళ్ల మహిళ, సెప్టెంబరు 6, 2014 న ప్రాక్టీషనర్ ను  సంప్రదించారు. వీరికి విరామం లేని నీళ్ళ విరోచనాల వ్యాధి మరియు కడుపు నొప్పి  కూడా  ఉన్నాయి. ఆమె బోవేల్స్/ప్రేవులు  రోజుకు 4 నుండి 8 సార్లు తెరవబడతాయి. జీర్ణాశయ నిపుణుడి పర్యవేక్షణలో ఉన్న ఈ పేషంటుకు  ప్రతి సంవత్సరం అనేక స్టెరాయిడ్స్ తో పాటుగా పెంటాసా 500 mg ని BD (IBS యొక్క స్వల్ప లేదా ఒక మోస్తరు గా వచ్చే నొప్పిని తగ్గించే మాత్రలు) గా సూచించారు. 

పేషంటుకు క్రింది కాంబో ఇవ్వడం  జరిగింది: 

#1. CC4.1 Digestion tonic + CC4.2 Liver & Gallbladder tonic + CC4.6 Diarrhoea + CC4.10 Indigestion + CC15.1 Mental & Emotional tonic…TDS 

రెమిడి తో పాటుగా పేషంటు తన అలోపతి మందులు కొనసాగించారు.  2015 మే  9 నాటికి పరిస్థితిలో మార్పు లేకపోయే సరికి ప్రాక్టీషనర్ రెమిడి ని క్రింది విధంగా మార్చారు: 

#2.  CC10.1 Emergencies + #1…TDS 

పేషంటు క్రమం తప్పకుండా రెమిడి వాడినప్పటికీ ఏమాత్రం మార్పు కలగక పోవడంతో  1 అక్టోబర్ 2015 న ప్రాక్టీషనర్ క్రింది రెమిడి తో చికిత్స ప్రారంభించారు:

#3. Stool nosode prepared at 1M potency...TDS

రెమిడి ప్రారంభించిన రెండు వారాలలోనే 50% మరియు ఆరు వారాలలోనే 80% ఉపశమనం కలిగింది. పేషంటు పరిస్థితిని పర్యవేక్షిస్తున్న జీర్ణాశయ నిపుణుడు,మొదట ఈమె రోగ లక్షణాల నివారణకు అజాతియోప్రిన్ Azathioprine (క్రోన్ వ్యాధి నివారణకు వాడే ఒక మందు) ఇద్దామనుకున్నా పేషంటు పరిస్థితి మెరుగ్గా ఉన్నందున దానిని ప్రారంభించకూడదని నిర్ణయించుకున్నాడు. తొమ్మిది వారాల తరువాత ఉపశమనం కలగడంతో అలోపతి మందుల అవసరమే లేకుండా పేషంటు  భారతదేశానికి ప్రయాణించగలిగారు. ఫిబ్రవరి 2016లో సమీక్షించినప్పుడు ఆమె తన పెద్దప్రేగు వ్రణము పూర్తి నియంత్రణలో ఉండడంతో #3 మినహాయించి మరే ఇతర మందులు తీసుకోవడం నిలిపి వేసారు. తనకు బాగా మెరుగవడం వలన ఆమె మోతాదును OD కి తగ్గించి,జూన్ 2016లో పూర్తిగా నిలిపివేసారు. ఆగష్టు 2016లో ఆమె పెద్దప్రేగు వ్రణము స్వల్పంగా పునరావృత మైనట్లు గమనించి, #3 పునఃప్రారంభించగానే మరలా మెరుగుదల కనిపించింది. కనుక రెమిడి ఆపడానికి ముందు #3 OD గా ఎక్కువ సమయం కొనసాగించాలని సూచింపబడడంతో పేషంటు అలాగే చేసారు. 2018 జనవరి లో ప్రాక్టీషనర్ సమీక్ష లో పేషంటు వైబ్రో మందులను తీసుకోవడం లేదని ఆమె పెద్దప్రేగు వ్రణము ఏమాత్రం పునరావృతం కాకుండా ఆమె ఆనందంగా ఉన్నట్లు తెలిసింది.

హైపో థైరాయిడిజం, దీర్ఘకాలిక దగ్గు, మరియు అస్తమా ^03542...UK

26 జూలై 2016, తేదీన 60 సంవత్సరాల వయసుగల మహిళ తన ఆరోగ్య సమస్యల గురించి ప్రాక్టీషనర్ ను సంప్రదించారు. 40సంవత్సరాల క్రితం మొదలయిన అస్తమా వ్యాధి ఆ తరువాత తగ్గిపోయినప్పటికీ ఇటీవలే తిరిగి ప్రారంభమయ్యింది. పరిస్థితి రానురానూ దిగజారుతూ గొంతులో గురకను అరికట్టడానికి ఈమె రోజుకు రెండుసార్లు ఇన్హేలర్ లేదా నెబ్యులైజర్ ఉపయోగించ వలసిన పరిస్థితి ఏర్పడింది. గత కొన్ని నెలలుగా ఈమెకు దగ్గు కూడా వస్తోంది. అలోపతి మందులు వాడుతున్నప్పటికీ ఫలితం కలుగలేదు. ఈ దగ్గు ఆమె అస్తమాను మరింత పెరిగేలా చేయడంతో డాక్టరు కూడా దిగజారుతున్న ఆమె పరిస్థితి చూసి ఆందోళన  చెందసాగారు. ఈమె గత కొన్ని సంవత్సరాలుగా హైపో థైరాయిడ్ కోసం  థైరాక్జిన్( thyroxine ) రోజుకు 100mg వాడసాగారు. అంతేకాక  రోజంతా  అలసటకు  గురైనట్లుగా ఉండడం వలన డాక్టర్ పర్యవేక్షణలోనే ఉండవలసి వస్తోంది. ఈమెకు లో బి.పి. కూడా ఉంది కానీ అలోపతి మందుల కారణంగా అది కంట్రోల్ లోనే ఉంది. .

ఈమెకు క్రింది రెమిడిలు  ఇవ్వబడినవి:

హైపో థైరాయిడిజం కొరకు:
#1. CC6.2 Hypothyroidism + CC12.1 Adult tonic + CC15.1 Mental & Emotional tonic…TDS

దీర్ఘకాలిక దగ్గు మరియు అస్తమా కొరకు:
#2. CC9.2 Infections acute + CC19.3 Chest infections chronic + CC19.6 Cough chronic…TDS

నాలుగు వారాల తరువాత, తాను దగ్గు నుండి పూర్తిగా కోలుకున్నట్లు మరియు ఈ కాలంలో ఎట్టి అల్లోపతి మందులను తీసుకోలేదని ఆమె తెలిపారు. అస్తమా నుండి కూడా ఆమె 80%  ఉపశమనం కలగడం వలన ఈ కాలంలో ఆమె ఒకసారి కూడా ఇన్హేలర్ ను  ఉపయోగించుకోవాల్సిన అవసరం రాలేదు. మరొక రెండు వారాలలో, ఆమె థైరాయిడ్ ఫంక్షన్ గణనీయంగా మెరుగుపడడం వలన ఆమె తీసుకొనే థైరాక్సిన్ మోతాదును డాక్టర్ రోజుకు 50mg కి  తగ్గించారు. మొత్తంగా, వైబ్రో మందుల కారణంగా ఆమె చాలా ఆరోగ్యంగా మరియు ప్రశాంతముగా ఉన్నట్లు భావించారు. ఒక నెల తరువాత, ఊపిరితిత్తుల పనితీరుకు సంబంధించిన మరియు రక్త పరీక్షల ఫలితాల ప్రకారము ఆమె ఊపిరితిత్తులలో గణనీయమైన మెరుగుదల కనబడడం చూసిన  డాక్టర్ ఆశ్చర్యానికి అంతులేదు. 2016 డిసెంబరు 10, నాటికి  ఆమె తన ఆస్త్మా, దగ్గు మరియు హైపోథైరాయిడిజం నుంచి 100% ఉపశమనము పొందినట్లు తెలిపారు. వైబ్రియోనిక్స్ రెమిడిలు ప్రారంభించిననాటి నుండి ఆమె తన ఇన్హేలర్ను ఉపయోగించవలసిన అవసరం రాకపోయేసరికి  డాక్టర్ ఆమె ప్రిస్క్రిప్షన్ నుండి దానిని తొలగించారు. అందువలన పేషంటు #2 రెండు వారాల వరకూ BD గానూ, OD గా మరో 2 వారాలు, OW గా నెల రోజులు తీసుకోని ఆపివేశారు.  ఆమె హైపోథైరాయిడ్ కోసం ఏ అలోపతి మందులు అవసరం రాలేదు. అయితే, అభ్యాసకుడు ఆమె #1ను కొనసాగించమని సలహా ఇచ్చారు. ఐతే ఈ సమయంలో పేషంటు  కొన్ని వారాలు  విదేశాలకు వెళ్లవలసిన అవసరం ఏర్పడింది. దురదృష్టవశాత్తు, ఆమె వైబ్రో రెమిడిలను వెంట తీసుకు వెళ్ళలేదు. ఆమె తిరిగి వచ్చిన తరువాత, మాములుగా చేయించుకొనే రక్త పరీక్ష ఫలితాన్ని చూసి డాక్టరు  ముందుజాగ్రత్త కోసం థైరాక్సిన్  50mg మందును మళ్లీ ప్రవేశపెట్టారు. ఫలితంగా, ప్రాక్టీషనర్ సూచన మేరకు #1ను ఫిబ్రవరి 2017 నుండి TDS గా తిరిగి ప్రారంభించబడింది. జూలైలో, ఆమె డాక్టర్ రోజువారీ థైరాక్సిన్ మోతాదును 25mgకి తగ్గించారు. నవంబర్ నుండి ఆమె #1 తీసుకోనప్పటికీ ఆమెకు ఎంతో ఆరోగ్యంగా ఉన్నట్లు అనిపించింది. జనవరి 2018 నాటికి, ఆమెకు ఆస్తమా కానీ  దగ్గుకానీ  తిరిగి రాలేదు.

కీళ్ళ నొప్పులు ^{01448...Germany}

64 ఏళ్ల వ్యక్తి 35 సంవత్సరాలుగా  రుమటాయిడ్ ఆర్థరైటిస్ తో బాధపడుతున్నారు. ఇది తన వేళ్లు మరియు మణికట్టు కీళ్లలో వాపుతో ప్రారంభమై సంవత్సరాలు గడిచేకొద్దీ కాళ్ళకు, వీపుకు  వ్యాపించింది. వీరికి తన వేళ్లు, మణికట్టు, చేతులు, కాళ్ళు, మోకాలు మరియు వెనుక అన్ని కీళ్ళలో తీవ్రమైన నొప్పి మరియు కదలికలేక బిగుసుకుపోవడంతో చాలా ఇబ్బంది పడుతూ ఉన్నారు. కాలం గడుస్తున్న కొద్దీ  నొప్పి బాగా పెరిగిపోయి తన సాధారణ దినచర్యను కూడా నిర్వహించలేకపోయే పరిస్థితి ఏర్పడింది. ఉదయపు సమయాలలో ఈ  లక్షణాలు మరీ  అధ్వాన్నంగా ఉంటున్నాయి. తను  చేతుల్లో ఏదైనా పట్టుకోవడం కూడా సాధ్యమయ్యేది కాదు. దీనికి తోడు బలహీనంత కూడా ఏర్పడింది. నెమ్మదిగా తన వెన్నెముక దాదాపు 60° వంగిపోవడం జరిగింది. వ్యాధి యొక్క తీవ్రత  వీరి  కదలికలను శాశించడంతో  ఇంటికే  పరిమితమై ఉండేవారు. వీరు దశాబ్దాలుగా ప్రఖ్యాత కీళ్ళ నిపుణులచే సూచించిన అలోపతి మందులను ప్రయత్నించారు. వీరు గత 20 సంవత్సరాలుగా నొప్పి నిరోధక మందు డైక్లోఫినాక్  50mg ని BDగా తీసుకుంటూ ఉన్నారు. ఆ తరువాత ఇది అసేక్లోఫెనాక్ 100mg OD గా మార్చబడింది. దీనికారణంగా కడుపులో సమస్యలు ప్రారంభం కావడంతో వీరు ఓమేప్రజోల్ 40mg BDను తీసుకోవడం ప్రారంభించారు. ఇట్టి నిరాశవహ పరిస్థితిలో వీరు  భారతదేశం యొక్క వివిధ ప్రాంతాలకు వెళ్లి అనేక ప్రత్యామ్నాయ చికిత్సలు ప్రయత్నించారు కానీ ఏమీ ప్రయోజనం కానరాలేదు.  కీళ్ళ వైద్యులు మరింత నష్టం కలగకుండా ఉండడానికి గానూ శస్త్రచికిత్సద్వారా మోకాలి కీళ్ళను   "ఫ్యూజ్ ” చేయాల్సి వచ్చింది. దీనితో మోకాళ్ళు వంచే పరిస్థితి పూర్తిగా పోయి వీరి కదలికలు  మరింత తగ్గిపోయాయి. వీరు స్టెరాయిడ్ కాని నొప్పి నిరోధక ఔషధము (NSAID) సహాయంతో, ఇంటి లోపల మాత్రమే అనగా రెస్ట్ రూముకు వెళ్ళడం వంటివి సపోర్టు ద్వారా కనీస కార్యకలాపాలు నిర్వహించసాగారు. ఐతే సంవత్సరాలు గడిచే కొద్దీ NSAIDల యొక్క దుష్ప్రభావాలు పెరిగిపోయి రక్తపోటు,  అరిథ్మియా మరియు కాళ్ళలో వాపు వంటి సమస్యలకు కారణమయ్యాయి, దానికోసం వీరి కార్డియాలజిస్ట్ రామిప్రిల్ల్ 5mg BD ను సూచించారు. మొదటి ఔషధము యొక్క దుష్ప్రభావాలు ఎదుర్కొనేందుకు రెండవ ఔషధాన్ని తీసుకునే ఈ వలయాకార విధానము రోగిని మరింత ఒత్తిడి లోనికి నెట్టింది. ఇదే సమయంలో చేయించుకున్న రక్త పరీక్ష రుమటాయిడ్ కారకమును పాజిటివ్ గా చూపించింది. X- రే రిపోర్టు కూడా ఎముకలకు చాలా నష్టం సంభవించినట్లు  ధ్రువీకరించాయి.

ఇటువంటి పరిస్థితిలో 15 డిసెంబర్ 2015 న క్రింది రెమిడి పేషంటుకు ఇవ్వబడింది:
CC10.1 Emergencies + CC15.1 Mental & Emotional tonic + CC20.1 SMJ tonic + CC20.2 SMJ pain + CC20.3 Arthritis + CC20.4 Muscles & Supportive tissue + CC20.5 Spine + CC20.6 Osteoporosis + CC20.7 Fractures…QDS. 

నాలుగు వారాల తరువాత వ్యాధి లక్షణాలలో 30% మెరుగుదల కనిపించింది అందువలన పేషంటు తన నొప్పినివారణుల  మోతాదును తగ్గించారు. ఆరునెలల తరువాత, వీరికి 40% ఉపశమనం కలగడంతో NSAID నొప్పినివారణి మరియు ఓమెప్రజోల్ ను పూర్తిగా నిలిపివేసి, కేవలం వైబ్రో రెమిడిలను మాత్రమే తీసుకోసాగారు. తొమ్మిది నెలల తర్వాత, అభివృద్ధి 50% కు పెరిగింది. ఒక సంవత్సరం వైబ్రోరెమిడిలను వాడిన తర్వాత, వీరికి దాదాపు 80% ఉపశమనము లభించింది. 18 నెలల తర్వాత అనగా 2017 జూన్ నాటికి దాదాపు 90 శాతం ఉపశమనం కలిగింది. 2017 నవంబర్ నాటికి వీరికి రుమటాయిడ్ ఆర్థరైటిస్ కి సంబంధించి వాపు, నొప్పి, గట్టిదనము వంటి లక్షణాలు 100% అదృశ్యమయ్యాయి. సూచించిన విధంగానే పేషంటు వైబ్రో రెమిడిలను క్రమంగా కొనసాగించసాగారు.

వీరికి తన మోకాళ్ళు ఫ్యూజ్ చేయడం వలన ఎల్లప్పుడూ ఊతకర్రలు అవసరము తప్పనిసరైనప్పటికీ   తీవ్రమైన దుష్ప్రభావాలుతో కూడిన ఖరీదైన మందులను తీసుకోకుండా ఇంటి లోపల తన కార్యకలాపాలు కొనసాగించగలుగు తున్నందుకు పేషంటు తనకు చాలా ఆనందంగా ఉంది అని తెలిపారు. అలాగే డిసెంబరు 2017 నుండి వైబ్రో రెమిడిలు ప్రారంభించినందున త్వరలోనే  గుండెలో సమస్యల నిమిత్తం వాడుతున్న రామిప్రిల్ల్ కూడా  ఆపేయాలని వీరు భావిస్తున్నారు.  

సంపాదకుని వ్యాఖ్య:
ప్రాక్టీషనర్ జర్మనీ లోనూ పేషంటు ఇండియా లోనూ ఉండడంతో ఫోన్ ద్వారా సంప్రదింపులు జరిపి మెయిల్ ద్వారా రెమిడిలు పంపడం జరిగింది.

మెడ మరియు భుజాల నొప్పి ^{11587...India}

6 నెలల క్రితం 48-సంవత్సరాల మహిళ ప్రమాదవశాత్తూ రిఫ్రిజిరేటర్ను గుద్దుకొనడం వలన క్రిందపడి ఆమె మెడకు గాయం అయ్యింది. ఆమె మెడ, భుజాలు విపరీతంగా నొప్పి పుట్టడంతో పాటు ఈ నొప్పి క్రమంగా వీపు క్రిందికి కూడా చేరింది. మెడికల్ రిపోర్ట్  లో వీపు మరియు నడుముల వద్ద ఎముకల అమరిక, ఎత్తు, సాంద్రత అంతా సరిగానే ఉంది. ఐతే C4-C5 మరియు C5-C6 డిస్కుల అమరికలో సాధారణంగా ఉండవలసిన ఖాళీ కన్నా కొంచం తగ్గుదల, ఏర్పడింది. అలాగే వీటి మధ్య ఉండే మెత్తని కణాలు దెబ్బతిన్నట్లు గానీ వాపుగానీ ఉన్న దాఖలా కూడా ఏమీలేదు. ఈమె సాధారణ నొప్పి నివారణ గోళీలు తప్ప ఏమీ వేసుకోలేదు  దానివలన  ఫలితం కూడా ఏమాత్రం కలగలేదు. 28 జూలై  2017,న ప్రాక్టీషనర్ ను కలిసే సమయానికి ఈమె విపరీతమైన నొప్పితో బాధపడుతూ సాధారణ గృహకృత్యాలు కూడా చేసుకోలేని పరిస్థితిలో ఉన్నారు. 

ఈమెకు క్రింది రెమిడి ఇవ్వబడింది:
CC3.7 Circulation + CC10.1 Emergencies + CC12.1 Adult tonic + CC15.1 Mental & Emotional tonic + CC18.5 Neuralgia + CC20.5 Spine + CC20.7 Fractures…6TD

కేవలం రెండు వారాలలోనే అనగా 6 ఆగస్టు 2017, నాటికి ఆమెకు మెడ, భుజాలు, మరియు వెన్నుకు సంబంధించి 60% ఉపశమనం కలిగింది. అందువలన మోతాదును TDS కు తగ్గించడం జరిగింది. మరొక వారం తరువాత నొప్పి విషయంలో మరొక 25% ఉపశమనం కనిపించింది. వైబ్రో మందులు ప్రారంభించిన నెల రోజులలోనే ఆమె పూర్తిగా కోలుకొని తన గృహకృత్యాలు చేసుకునే పరిస్థితి ఏర్పడింది. మరొక రెండు వారాల వరకూ మోతాదును క్రమంగా OW కి తగ్గించడం జరిగింది. పేషంటు ఈ మోతాదును మెయింటెనెన్స్ మోతాదుగా కొనసాగించారు.19 జనవరి 2018, నాటికి నొప్పి పునరావృతం కాక పోవడం వలన ఆమె ఆనందంగా ఉన్నారు.

వారికోజ్ వీన్స్ (సిరుల ఉబ్బు) ^{03552...Qatar}

44 ఏళ్ల అభ్యాసకుడు గత 5 సంవత్సరాలుగా నరాల ఉబ్బుతో బాధపడుతున్నారు. రెండు కాళ్లలో ఉబ్బిన సిరలు కనిపిస్తున్నప్పటికీ ఎడమ కాలులో మరింత ప్రస్పుటంగా కనిపిస్తున్నాయి. అతను కొన్ని నిమిషాలు జాగింగ్ చేసినా లేదా వేగంగా నడిచినా తీవ్రమైన నొప్పి వస్తోంది. దీనికోసం వీరు ఏ విధమైన ఇతర చికిత్సలు తీసుకోలేదు.

2016 ఆగస్టు 13న, పేషంటుకు ఈ క్రింది రెమిడి ఇవ్వబడింది:

CC3.5 Arteriosclerosis + CC3.7 Circulation + CC15.1 Mental & Emotional tonic + CC18.5 Neuralgia…TDS

రెమిడి ప్రారంభించిన మరుసటి రోజు అతని ఛాతీ యొక్క ఎడమ వైపు చర్మము పైన ఎర్రని దద్దుర్ల రూపంలో పుల్లౌట్   కనిపించింది. ఏ చికిత్స లేకుండా మూడు రోజుల తరువాత ఇది అదృశ్యమయ్యింది. రెండు వారాల తరువాత కాలి నొప్పి 25% తగ్గింది, అయితే రెండు కాళ్లపై ఉబ్బులు క్రమంగా తగ్గసాగాయి. మరొక రెండు వారాల తరువాత అనగా 10 సెప్టెంబరు 2016న  రెండు కాళ్ళలో నొప్పి పూర్తిగా అదృశ్యమయ్యింది; కుడి కాలులోని ఉబ్బు కూడా గణనీయంగా తగ్గింది. ఇంకొక  రెండు  వారాల తరువాత, కుడి కాలులోని అనారోగ్యపు బొబ్బలు పూర్తిగా అదృశ్యమయ్యాయి మరియు ఎడమ కాల్లో ఉన్నఉబ్బు తగ్గడం ప్రారంభమయ్యింది. ఈ మోతాదు రెండు వారాలు BD గా మరియు మరో రెండు వారాలపాటు OD గా తగ్గించబడింది. 2016 అక్టోబరు మధ్యకాలంలో,  ఎడమ కాలు మీద సిరల ఉబ్బుకు సంబంధించిన చర్యాశీలత ఇంకా కనిపిస్తున్నప్పటికీ, అభ్యాసకునకు దీనివలన అసౌకర్యం ఏమాత్రం కలగడం లేదు. ఇవి కేవలం ఉపరితలం మీద మాత్రమే ఉన్నందున తగిన సమయంలో వాటంతట అవే అదృశ్యమవుతాయని భావించారు. ప్రాక్టీషనర్ రెమిడి తీసుకోవడం నిలిపివేసినప్పటికీ  ఏ ఇబ్బంది లేకుండా అంతా సవ్యంగా ఉంది.

మూలశంక మరియు మలబద్దకము ^{11589...India}

చికిత్సా నిపుణుల వివరాలు ^{12051...India}

ప్రాక్టీషనర్ ^12051...  చిన్ననాటి నుండి ఔషధములు మరియు పరిశోధన పట్ల ఆసక్తిని కలిగి ఉన్న కారణంగా ఈ ప్రాక్టీషనర్, అణు బయో టెక్నాలజీలో పోస్ట్ గ్రాడ్యుయేషన్ చేసి అమెరికా లో పరిశోధనా శాస్త్రవేత్తగా పది సంవత్సరాలు పనిచేసారు. అంతేకాకుండా, 2001 నుండి సాయి సంస్థ యొక్క వివిధ సేవా కార్యక్రమాలలో వీరు చురుకైన భాగస్వామిగా ఉన్నారు.  స్వామి యొక్క బోధనల ద్వారా స్ఫూర్తి పొంది సేవ ద్వారానే పరివర్తన సంభవిస్తుంది అని వీరు గాడముగా విశ్వశిస్తారు. స్వామి యొక్క సందేశాన్ని కలలు ద్వారా పొంది వీరు  2008 అమెరికా నుండి భారతదేశంలోని పూనేకు చేరుకొని అదే స్పూర్తితో సేవలను కొనసాగించారు. అదే సమయంలో మొబైల్ వైద్య సేవలలో భాగంగా నిర్వహించే కార్యక్రమాల ద్వారా సాయి వైబ్రియోనిక్స్ కు పరిచయం చేయబడినారు. తన స్నేహితుడయిన ఒక ప్రాక్టీషనర్ ద్వారా ప్రేరణ పొందిన ఆమె త్వరలోనే సాయివైబ్రియానిక్స్ కోర్సులో చేరి 2012 లో AVP గానూ  మరియు 2013 లో VP గానూ  మారారు. 

చికిత్సా నిపుణుల వివరాలు ^{10608...India}

ప్రాక్టీషనర్ ^{10608…ఇండియా}  కార్పోరేట్ నిర్వహణ మరియు ఇంజనీరింగ్ విభాగాలలో 45 సంవత్సరాల సుదీర్ఘకాలం పనిచేసి పదవీ విరమణ చేసిన తరువాత 2009 నుండి ఈ ప్రాక్టీషనర్ తమ జీవితాన్ని సాయి వైబ్రియానిక్స్ కే అంకితం చేసారు. వీరు సాయి వైబ్రియోనిక్స్ కు ఆకర్షిత మవడానికి కారణముగానూ తన జీవితంలో ఒక మలుపువంటిదిగా చెప్పబడే  సంఘటన 2004 లో తన భార్యకు ఏర్పడిన రుమటోయిడ్ ఆర్థరైటిస్ వ్యాధి.  దాదాపుగా పక్షవాతానికి గురయ్యే పరిస్థితికి దారితీయడంతో మంచం మీద పడి ఉన్న పరిస్థితిలో ఇతరుల సహాయం లేకుండా కనీసం ఒక చిన్ననీళ్ళ గ్లాసును ఎత్తడం గానీ, మంచంలో మరొక వైపుకు తిరగడం గానీ చేయలేని పరిస్థితి ఈమెది. అన్ని రకాల చికిత్సలు మరియు నొప్పి నివారణలు ప్రయత్నించిన తరువాత ఫలితం లేకపోయే సరికి ఆమె జీవితం మీద ఆసక్తిని కోల్పోయారు. 2007లో, స్నేహితులతో కలసి ఒక గెట్ టుగెదర్ ఫంక్షన్ లో  లిఫ్ట్ సౌకర్యం లేకుండా భవనం పై అంతస్తులో నివసిస్తున్న ఒక ప్రాక్టీషనర్ గురించి తెలిసి ఈ ప్రాక్టీషనర్ భార్య అతికష్టంతో ఈ మెట్లన్నిటినీ ఎక్కి చికిత్సా నిపుణుడిని కలిసారు. ప్రతిరోజూ ఎనిమిది అల్లోపతి ఔషధాలను తీసుకుంటే తప్ప జీవితం గడప లేని ఆ దశలో ఈమె రెమిడి  తీసుకోవడం ప్రారంభించారు. ఒక వారం తరువాత, నొప్పి తగ్గడం తో నొప్పి రెమెడీలను తీసుకునే అవసరం కూడా తగ్గింది. 15 రోజులు గడిచిన తరువాత, ఆమె ముందుగా తీసుకున్న దానికి సగం సమయంలోనే మెట్ల పైకి ఎక్కగలిగే స్థితి కలిగింది. 10 నెలల కాలంలో  ఆమె పూర్తిగా కోలుకొని సాధారణ మరియు ఆరోగ్యకరమైన జీవితం ప్రారంభించారు. ఈ అద్భుత వైద్యం తన శ్రీమతి తో పాటు వీరు 2009 లో వైబ్రియోనిక్స్ కోర్సులో చేరి AVP గా మారడానికి అభ్యాసకుడికి ప్రేరణ ఇచ్చింది. తర్వాత వీరు 2011 లో పుట్టపర్తి లో SVP కోర్సుకూడా పూర్తి చేసారు.  ఈ సమయంలో వీరు అనుభవించిన అనేక అద్భుతాలు వైబ్రియోనిక్స్ పట్ల వీరి విశ్వాసాన్ని మరింత బలపరిచాయి. మహా సమాధికి ముందు స్వామి యొక్క చివరి దర్శనాన్ని పొందగలగడం తన అదృష్టంగా వీరు భావిస్తున్నారు. అంతేకాక వైబ్రియోనిక్స్ ద్వారా సేవచేయగలగడం వారి ప్రేమ మరియు ఆశీర్వాదాలను పొందే అద్భుతమైన స్వామి మార్గము అని వీరి విశ్వాసము. 2011 లో వీరు వైబ్రియోనిక్స్ టీచర్ గా సర్టిఫికేట్ పొంది అప్పటి నుండి AVP లు మరియు VPల శిక్షణకు సంబంధించిన వర్క్ షాపులు మరియు రిఫ్రెషర్ కోర్సులు నిర్వహిస్తున్నారు