Sai Vibrionics Newsletter

చెవిలో హోరు ^02856...UK

2015 ఆగస్ట్ 15 వ తేదీన 82 ఏళ్ల వృద్ధ మహిళ చెవిలో హోరుకు వైబ్రో రెమిడి కావాలని ప్రాక్టీషనర్ ను కోరారు. ఒక సంవత్సర కాలంగా వేధిస్తున్న ఈ సమస్యవల్ల ఈమెకు రెండు చెవులలోను అనేక శబ్దాలు వినవస్తూ ఉన్నాయి. అలోపతి డాక్టర్ వీరికి చెవిలో ఇన్ఫెక్షన్ అని గుర్తించి ఇచ్చిన జంటామైసిన్ చెవిలో వేసుకునే మందును సంవత్సరం పాటు వాడినా ఏమాత్రం ఫలితం కలుగలేదు. ఆమె రెమిడి ని లోపలి తీసుకోవడానికి నిరాకరించడంతో ఆలివ్ నూనెలో క్రింది రెమిడి ని కలిపి ఇవ్వడం జరిగింది.

CC5.1 Ear infections + CC5.3 Meniere’s disease…BD, ఒకసారికి రెండు చుక్కలు.

ఐతే ప్రాక్టీషనర్ చెప్పినప్పటికీ వీరు జంటామైసిన్ తీసుకోవడం మానేసి కేవలం వైబ్రియోనిక్స్ మాత్రమే తీసుకున్నారు. వారం లోనే వీరు పూర్తిగా కోలుకొని రెమిడి వాడడం పూర్తిగా మానేసారు. 2017 ఆగస్ట్ లో విషయం తెలుసుకొనడానికి ప్రాక్టీషనర్ ఫోన్ చేయగా ఈమెకు మరలా సమస్య రాలేదని తెలిసింది. 

శరీరానికి ఎడమ పార్శ్వములో చలి ^{11520...India}

కిళ్ళ వాతము ^{11582...India}

కార్పాల్ టన్నెల్ సిండ్రోమ్ (CTS) ^{11576...India}

శప్తాల పండ్ల చెట్టుకు జిగురు వ్యాధి ^{01620...France}

2017 ఏప్రిల్ నెలలో ఒక మహిళ (గమ్మోసిస్) వ్యాధితో బాధ పడుతున్న తన శప్తాలు పండుల(పీచ్ )చెట్టు కు చికిత్స కోసం వచ్చారు.ఈ చెట్టుకు ఒక్క ఆకు  కూడా లేకుండా మొత్తం రాలిపోయాయి.గత సంవత్సరం ఆమెకు కాయలేమి దొరకలేదు ఉన్నవి కూడా పురుగుల  బారిన పడ్డాయి.కనుక ఈ మహిళ తన చెట్టుకు రెమిడి కావాలని ప్రాక్టీ షనర్ ను సంప్రదించారు . ప్రాక్టీషనర్ క్రింది రెమిడి ని ఆమెకు ఇచ్చారు:

CC1.2 Plant tonic…OW

ఐదు గోళీలను 200 మీ.లీ.నీటిలోవేసి అవి కరిగిన తర్వాత బాగా కదిపి ఈ నీటిని లీటరు నీటిలో కలపాలి. బాగా కదిపిన తర్వాత అవసరమైతే నీటిని కలిపి 10 లీటర్ల ద్రావణం గా కూడా తయారుచేసుకోవచ్చు.  

ఈ మహిళ ఈ ద్రావణాన్ని రెండు వారాలలో రెండు సార్లు మాత్రమే చల్లారు.మొదటిసారి చల్లిన తర్వాత ఆకులు పెరగడం మొదలయ్యాయి. 

 2017 సెప్టెంబర్ లో పంట దిగుబడి అద్భుతంగా ఉండడంతో పాటు ఆకులు అద్బుతంగా ఉండడం, ౩౦కిలొగ్రాములు అందమైన పండ్లు లభించడమూ జరిగింది..

చెట్టు యజమాని వ్యాఖ్య :

నాకు ఎంత అద్బుతంగా ఉందంటే   శప్తాలు లు పండు విరివిగా కాచి వానితో నేను జాం  మరియు కేకులు ఎన్నో తయారుచేసుకున్నాను .ఈ ఫలితం చూసాక మందు ద్రావణాన్ని గార్డెన్ లో ఉన్న అన్ని మొక్కలకు చల్లాను. వచ్చిన ఫలితాలతో ఆనందంగా ఉన్నాను.

సంపాదకుని వ్యాఖ్య ;

*గమ్మోసిస్ అనేది కొన్ని రకాల మొక్కలు చెట్లకు జిగురు వంటి ద్రావకము కొమ్మలపైనా  కాండము పైనా స్రవించడం.ఈ వ్యాధి  కొన్నిపరాన్న  జీవుల ప్రభావము చేత ఆకురాల్చే చెట్లకు ముఖ్యంగా చెర్రీ,ప్లం,అప్రికాట్, పీచ్ మరియు నారింజ రకాల చెట్లకు వస్తూ ఉంటుంది. 

వెన్ను నొప్పి ^{11578...India}

2016,మే 23వ తేదీన 53-సంవత్సరాల వయస్సుగల వ్యక్తి వెన్ను నొప్పి సమస్యతో ప్రాక్టీ షనర్ ను కలుసుకున్నారు.12 సంవత్సరాల క్రితం అతని వెన్నుముక కు  తీవ్రమైన దెబ్బతగిలింది. నిజానికి అతని వీపు మొత్తానికి నొప్పి ఉన్నప్పటికీ క్రింది భాగంలో మరి ఎక్కువగా ఉంది.అలా ప్రతీరోజు నొప్పితోనే గడిచిపోయేది.ముఖ్యంగా మంచం మీదనుండి లేవడం నరకప్రాయం గా ఉండేది.6 నెలల పాటు అలోపతి మందులు తీసుకున్నారు అనంతరం నొప్పి బాగా భరింపరానిదిగా ఉన్నప్పుడు మందులు తీసుకునేవారు. ముఖ్యంగా శీతాకాలం నొప్పి భరింపరానిదిగా ఉండేది.అతనికి క్రింది రెమిడి ఇవ్వబడింది :

CC3.7 Circulation + CC10.1 Emergencies + CC12.1 Adult tonic + CC18.5 Neuralgia + CC20.3 Arthritis + CC20.4 Muscles & Supportive tissue + CC20.5 Spine + CC20.7 Fractures…TDS in water

ట్రీట్మెంట్ మొదలుపెట్టిన కొద్దికాలానికే వీరు వేరే దేశం శీతాకాలంలో వెళ్ళవలసి  వచ్చింది. ఐతే రెండు వారాలలోనే చలి ఎక్కువగా ఉన్న  ఆ వాతావరణంలో కూడా నొప్పి తగ్గి కొంత మెరుగనిపించింది.

చికిత్స మొదలుపెట్టిన 4 వారాల  తర్వాత 40% ఆరువారాల తర్వాత  100% మెరుగుదల కనిపించింది. వీరు అటూఇటూ సులువుగా తిరగగలగడమే కాక ఉదయం పక్క మీదనుండి లేవడం కూడా ఇబ్బందేమీ లేకుండా లేవగలుగుతున్నారు .

మరో రెండు వారాలు రెమిడి తీసుకున్న తర్వాత అతని అంతర్జాతీయ వాణిజ్య ఒప్పందాల రీత్యా అనేక దేశాలు తిరగవలసి ఉన్నందున రెమిడి తీసుకోవడం పూర్తిగా మానేశారు. సంవత్సరం తర్వాత అనగా 2017 జూలై నెలలో తనకు మరలా నొప్పిగని మరేవిధమైన ఇబ్బంది గానీ రాలేదని చెప్పారు.

అభ్యాసకుల వివరాలు ^{03039...Poland}

ప్రాక్టీషనర్ లు  ^{03040 & 03039} పోలాండ్ లో ఉంటూ ఇటివలే జర్మనీ వలస వెళ్ళిన ఈ కుటుంబం యావత్తు సాయి వైబ్రియోనిక్స్ కుటుంబము అని చెప్పవచ్చు.ఈ కుటుంబంలోని దంపతులతో పాటు వీరి ముగ్గురు పిల్లలు కూడా తమ పాఠశాలలో స్నేహితులకు రెమిడి లు ఇస్తూ ఉంటారు. వీరంతా వైబ్రియోనిక్స్ లో ఒక విలక్షణ విధానాన్ని పాటిస్తూ ఉంటారు.వీరు ఎవరయినా పేషంటు తమవద్దకు వస్తే ఆ పేషంటు రోగానికి కారణం   మొత్తం కుటుంబం లోని సభ్యుల పైన ఉంటుందని భావిస్తూ కుటుంబం మొత్తానికి వీరు రెమిడి లు ఇస్తారు. వారు విన్నదేమిటంటే ‘‘బిడ్డకు అనారోగ్యము కలిగితే మొదట తల్లికి చికిత్స చెయ్యాలి’’.వారి అనుభవం కూడా దీనినే రుజువు చేస్తోంది.ఎందరో తల్లిదండ్రులు తమ పిల్లలకోసం ఈ చికిత్సా నిపుణులను సంప్రదించినపుడు మొదట తల్లిదండ్రులకు చికిత్స చేయాలని వీరు గుర్తించారు. పిల్లలకు వచ్చిన వ్యాధులకు సంబంధించినంతవరకు తల్లిదండ్రులకు మందులు ఇచ్చి నివారణ చేసి నట్లయితే పిల్లలకు సహజంగానే వ్యాధి నివారణ అవుతున్నట్లు వీరు గుర్తించారు. కుటుంబం యావత్తూ మందులు వాడినట్లయితే ఫలితాలు మరింత మెరుగ్గా ఉంటున్నాయని కుటుంబ పరంగా చేసినవిశ్లేషణలో  వీరు తెలుసుకోగాలిగారు.

వీరి ఇంట్లో మెడికల్ కిట్ లో క్రింది రెమిడి లు ఉంటాయి:

CC10.1 Emergencies, వీరి ముగ్గురు పిల్లలు కేవలం దీనిని మాత్రమే తమతో తీసుకెళతారు.

NM35 Worms + NM66 Bilharzia + CC4.6 Diarrhoea

SR315 Staphysagria;  దీనితో పాటుగా CC11.2 Hair problems కలిపి తమ పేలతో ఉన్న తమ అబ్బాయిలకు ఇచ్చారు, దీనివల్ల మరలా పేల  సమస్య వీరికి కలుగలేదు. 

SM1 Removal of Entities, దీనిని నెలకు ఒకసారి గానీ రెండు సార్లు గానీ ఇంట్లోని వాతావరణాన్ని పరిశుభ్రంగా ఉంచడానికి ఉపయోగిస్తారు. ఎవరయినా తమ ఇంట్లో సభ్యులకు అశాంతిగా,ఆనంద విహీనంగా ఉంటే దీనిని ఉపయోగించవలసిందిగా సూచిస్తున్నారు.  

SM1 Removal of Entities + SM2 Divine Protection  తమ అపార్ట్ మెంట్ లో గానీ ఇంట్లో గానీ కుటుంబ సభ్యులకు ప్రతీ చిన్న విషయానికి కోపం తెచ్చుకోవడం, ఆవేశ పడడం ఇలా వ్యతిరేక భావాలు ఉంటున్నట్లయైతే ఈ రెమిడి ని ఒక బాటిల్ లోని నీళ్ళలో కలుపుకొని తమ అపార్టుమెంటులో చల్లుకోవలసిందిగా సూచిస్తున్నారు. ఇలా తరుచుగా చేస్తూ ఉండడం వలన ఇంట్లో శాంతి ఆనందము నెలకొంటాయని వీరి అభిప్రాయము .

CC1.2 Plant tonic

CC9.2 Infections acute  ఏదయినా ఇన్ఫెక్షన్ వచ్చినపుడు ఇది ఉపయోగిస్తే రెండు రోజుల లోనే తగ్గిపోతుంది.

CC11.6 Tooth infections

ఏదయినా సెలవు రోజున బయటకు వెళ్ళవలసి వస్తే తమ ఆస్తి పాస్తులు రక్షింప బడడానికి  మిషన్ లో SM2 Divine Protection కార్డును వదిలి వెళతారు .

ప్రాధమికంగా ఈ ప్రాక్టీ షనర్ లు వారి పేషంట్ల ఆరోగ్య స్థితిని (వీరి యొక్క బయో రెజోనేన్సు అధ్యయనం ఆధారంగా ) వివరించి వారు  త్వరగా కోలుకోవ డానికి అనారోగ్యము యొక్క స్థితిని కూలంకషంగా వివరిస్తారు. దురదృష్టవశాత్తూ ఇది ఒక్కొక్కసారి, పేషంటు మానసిక స్థితికి మించినది గానూ, భయాందోళనలు రేకెత్తించేవి గానూ పేషంటు కు అర్ధం చేసుకోవడానికి కష్టమైన విషయంగా పరిణమించి గందరగోళమును సృష్టిస్తున్నాయి.అందుచేత వీరు తమ పంధా మార్చుకొని సున్నితమైన విషయాలను పేషంటు స్థాయికి తగ్గట్టుగా  పాజిటివ్ గా  అన్వయించుకొనే లా  తర్ఫీదు నివ్వడం ప్రారంభించారు.దీనివల్ల పేషంటు తన సమత్వ స్థితిని తన సౌకర్యాన్ని పెంచుకోక పోయినా కనీసం ఆ స్థితిలో ఉండగలిగే విధంగా చేయగలుగుతున్నారు.

అప్పుడే వారు తగిన వైబ్రో రెమిడి లను , ప్రయోజనకారి ఐన ఆహారము,దేహ ప్రక్షాళనకు అనువయిన విధానాలు తెలియ చేయడం జరుగుతుంది. ముఖ్యంగా ఆధ్యాత్మిక ప్రక్షాళనకు సయోధ్య మరియు క్షమించే తత్వము తో కూడిన ప్రాచీన హవాయి దీవులకు చెందిన క్షాళన ప్రక్రియ హో ‘అపోనోపోనో ‘ను పేషంట్లకు సూచించ సాగారు. వీరి అనుభవం ప్రకారము ఈ రెండింటి అనగా రెమిడి లు క్షాళన ప్రక్రియ అద్భుత ఫలితాలను అందించింది. దీనితో పాటుగా వీరు అలోపతి కి చెందిన డిసీజ్ వంటి పదాలు   పురాతనమైన పేర్లు,లేబుళ్ళు ఉపయోగించడాన్ని ప్రోత్సహించరు. వీరి ఉద్దేశ్యంలో ప్రతీ ఒక్క రుగ్మతకు ఒక ప్రత్యేక కారణమూ,ప్రయోజనమూ ఉంటుంది తప్ప మనలను చావమని  చెప్పడానికి మాత్రం కాదు అని వీరి అభిప్రాయము. 

ఈ ప్రాక్టీ షనర్లు మైధునం మరియు వయసు విషయంలో ప్రత్యేకమైన టానిక్ లను కనుగొన్నారు. వీరు విభిన్నవయసులకు చెందిన ఆడవారి దేహ మనో బుద్ధులు త్వరగా వికాసం చెందడానికి సాధారణంగా : CC8.1 Female tonic + CC12.1 Adult tonic + CC15.1 Mental & Emotional tonic…TDS నెల వరకు తరువాత BD గా రెండు నెలలు రెమిడి లని అందిస్తారు. అలాగే మొగవారికోసం CC14.1 Male tonic ,యువతకు CC14.2 Prostate. ను,పిల్లలకు   CC12.2 Child tonic ను అందిస్తారు.ఇవి వారిలో స్థిరత్వాన్ని,ఇంగిత జ్ఞానాన్ని కలిగిస్తాయని, ఇవి అమోఘమైనవిగా అభివర్ణించ లేమేమో కానీ చాలా వరకూ వ్యాధులకు ,కొన్ని సందర్భాలలో అత్యంత సంక్లిష్టమైన వ్యాధులు కూడా అదృశ్య మైన సంఘటనలకు వీరు ప్రత్యక్ష సాక్షి. అలాగే బలహీనంగా ఉండి  వైబ్రో థెరపీ కొత్తగా ప్రారంభిస్తున్న వారికి ఇవి వరప్రదాయనులని వీరి అభిప్రాయము.

 2013 లో వీరి స్నేహితుని యొక్క 15 సంవత్సరాల  కుమారుని యొక్క పుట్టుకతో వచ్చిన హైపోక్జియా (కణజాలానికి ప్రాణవాయువు తక్కువగా అందే వ్యాధి),మూర్చ వ్యాధి, అస్పెర్జెర్ సిండ్రోమ్ (సమాజంలో ప్రవర్తించవలసిన రీతిలో స్వభావం ఉండక పోవడం కండరాల అనియంత్రత ),చికాకు, నాడీకణజాల శోధము (పదేపదే ముక్కును రుద్దుకోవడం),పొల్లక్యురియ ,దస్తూరి బాగాలేక పోవడం,క్లాస్ వర్క్ చేయలేకపోవడం ,లోపభూయిష్టమైన చూపు,పదే పదే వచ్చే ఎలర్జీ మరియు న్యుమోనియా,చీకటి అంటే భయం,స్వీట్ ల పైన మక్కువ ఇలా అనేక రుగ్మతలకు రెమిడి లు ఇవ్వడం జరిగింది. ప్రాధమికంగా   CC4.6 Diarrhoea + CC4.10 Indigestion + CC7.2 Partial Vision + CC15.5 ADD & Autism + CC17.2 Cleansing. ఇవ్వబడింది. నెల రోజు ల తర్వాత CC17.2  ను తొలగించి కొత్త రెమిడి  CC18.2 Alzheimer’s disease + CC18.3 Epilepsy + CC18.5 Neuralgia పాత డానికి జోడించి ఇవ్వడం జరిగింది. మూడు నెలల తర్వాత వారు క్రింది రెమిడి కూడా జత చేయడం జరిగింది. CC12.2 Child tonic + CC15.2 Psychiatric disorders.ఇతని సమస్యలన్నీ అదృశ్యమవడంతో  2016 జనవరి లో చికిత్స పూర్తయ్యింది. ప్రస్తుతం ఈ 19 సంవత్సరాల యువకుడు తన గ్రాడ్యుఏషణ్  పూర్తి చేసుకొని తదనంతర విద్య కొనసాగించడానికి సిద్ధపడుతూ ఉన్నాడు. . 

ఈ అబ్బాయికి చెందిన 72-సంవత్సరాల నాయనమ్మ పెద్దప్రేగు క్యాన్సర్ గురించి 2013 మే నెల నుండి ప్రతీ రెండు వారాలకు ఖిమోథెరపి  తీసుకుంటున్నారు. వీరికి ఇంకా పార్కిన్సన్ వ్యాధి,మలబద్ధకం,హెర్నియా (గిలక) వ్యాధి కూడా ఉన్నాయి. 2013 సెప్టెంబర్లో క్రింది రెమిడి తో వీరి వైద్యం ప్రారంభమయ్యింది. SR350 Hydrastis + SR405 Ruta + SR559 Anti Chemotherapy + CC2.1 Cancers–all + CC2.3 Tumours & Growths + CC4.9 Hernia + CC17.2 Cleansing + CC18.6 Parkinson’s disease. అదనంగా త్వరగా జీర్ణము కావడానికి,సులభంగా మలవిసర్జన చేయడానికిగాను ఆహారము సూచించబడింది. ఒక నెల తర్వాత క్రింది రెమిడి CC17.2 ను తొలగించి  NM13 Constipation + BR8 Constipation + BR12 Liver + CC4.4 Constipation ను కలపడం జరిగింది.ఇది ఎటువంటి దుష్ప్రభావాలు లేని ఖిమోథెరపి వలె పనిచేసింది.  పరీక్ష చేయిన్చుకున్న ప్రతిసారీ కణుతులు 2014 చివరినాటికి కేన్సర్ పూర్తిగా తగ్గిపోయింది. ఇప్పుడామె 76-సంవత్సరాల పూర్తి ఆరోగ్యవంతురాలయిన మహిళ.

  2014, ఫిబ్రవరి 8 వ తేదీన  మానసిక రుగ్మతలతో బాధ పడుతూ ఉన్న 75 సంవత్సరాల మహిళకు వైద్యం చేసారు.ఈమెకు డ్రైవింగ్  ఛేసే టప్పుడు కళ్ళు తిరగడం, అలసట ఒక్కొక్కసారి స్పృహ కోల్పోవడం కూడా జరుగుతోంది. దీర్ఘకాలంగా ఈమె కండరాల తిమ్మిరులు, రక్తపోటు, గుండెజబ్బు,పాదాలకు ఫంగస్ వలన ఏర్పడే సమస్యలు,కంటి సమస్యలు,స్వీట్ అంటే బాగా ఇష్ట పడడం ,రుగ్మతలు, మొదలగు సమస్యలతో బాధ పడుతున్నారు.  బయో రెసొనెన్స్ పద్ధతి ద్వారా ఈమెకు  ట్రైపానోసోమియాసిస్ (trypanosomiasis)వ్యాధి ఉన్నట్లు కనుగొన్నారు.. ఆమె యొక్క జీవితము,కుటుంబపరిస్థితి, ఈమె నివసిస్తున్న వాతావరణము,వీటిగురించి సుదీర్ఘమైన సంభాషణ అనంతరం క్రింద పేర్కొన్న రెమిడి ఈమెకు ఇవ్వడం జరిగింది. CC8.1 Female tonic + CC12.1 Adult tonic + CC15.1 Mental & Emotional tonic…TDS  మొదటి నెలకు అనంతరం BD గా  రెండు నెలలకు. పేరసైట్స్ అనగా పరాన్నజీవులనిమిత్తం CC4.6 Diarrhoea + CC4.8 Gastroenteritis + CC4.10 Indigestion…TDS గా నెలకు అనంతరం 14 రోజుల విరామం తర్వాత మరొక నెలవరకు ఇవ్వబడింది.ట్రైపానోసోమియాసిస్ (Trypanosomiasis)అతినిద్ర వ్యాధి నిమిత్తం ఆమెకు CC9.3 Tropical diseases + CC20.4 Muscles & Supportive tissue…TDS నెలవరకు 14 రోజుల విరామం తర్వాత మరొక నెలవరకు ఇవ్వబడింది.

నెల తర్వాత పేషంటు పేరాసైట్ కి చెందిన లక్షణాలు తగ్గిపోయినట్లు తెలియజేసారు . మధ్యమధ్య  ఈ పేషంటు ఇతర వ్యాధి లక్షణాలకు  కూడా రెమిడి లు ఇవ్వబడ్డాయి. రెండు సంవత్సరాలు రెమిడి లను క్రమం తప్పకుండా  వాడిన తర్వాత పాదంలో మైకోసిస్ తప్ప మిగతా వ్యాధులన్నీ తగ్గిపోయాయి. 

ఈ చికిత్స తో ప్రభావితం ఐన పేషంటు ఎందరో పేషంట్లను ప్రాక్టీషనర్ల  వద్దకు పంపసాగారు.వారు ఈ పేషంటు యొక్క బంధువులు స్నేహితులతో పాటు ఈమె పెంపుడు పిల్లి, కుక్క, మొక్కలకు  కూడా చికిత్స చేసారు.  ప్రధానంగా ఈ పేషంటు యొక్క 84 సంవత్సరాల భర్త 10 సంవత్సరాల క్రితం గుండె పోటు రావడమూ,అలాగే గత సంవత్సర కాలంగా  ఈ పేషంటుకు  ప్రోస్టేట్ క్యాన్సర్ అని చెప్పడంతో బాగా నీరస పడిపోవడమే కాక మానసిక వత్తిడికి కూడా లోనయ్యారు. ఇతను  క్యాన్సర్ కారక గ్రంధిని తొలగింప జేసుకొని కేతేటరైజేషన్ చేయించుకున్నారు. ఐతే తరుచుగా కోపపడడము,జ్ఞాపక శక్తి లోపించడం అనే సమస్యలు ఏర్పడాయి. వీరు ప్రోస్టేట్ క్యాన్సర్ కు కూడా చికిత్స తీసుకున్న ౩ నెలల తర్వాత వీరి PSA సూచి (ప్రోస్టేట్ క్యాన్సర్ సూచిక )సాధారణ స్థాయికి చేరుకుంది.  వీరికి మూత్రపిండాలు మరియు మూత్రాశయము,నరాల వ్యవస్థ,శారీరక శక్తి కోసం,మానసిక సమతౌల్యత కోసం,పాదాలలోని ఫంగస్ నివారణకు,దంతాల నొప్పి ఇంకా అనేక వ్యాధుల కోసం రెమిడి లు ఇవ్వబడ్డాయి.సంవత్సరానికి ఒక్కసారి వీరికి ఇవ్వబడ్డ SM10 Spiritual Upliftment వీరి మూర్తిమత్వము లో  అద్భుత ఫలితాలు కనబరిచింది. వీరు నివసించే గదిని దుష్ప్రభావనిర్మూలన కోసం   SM1 Removal of Entities + SM2 Divine Protection తో స్ప్రే చేసే వారు.అలాగే 3 సంవత్సరాలు క్రమం తప్పకుండా ప్రాక్టీషనర్  ⁰⁰⁵¹² నుండి బ్రాడ్కాస్టింగ్ సహాయము కూడా పొందారు.  ఈ విధమైన ప్రేమ పూరితమైన అన్ని రకాల చికిత్సల ఫలితంగా ప్రస్తుతం వీరు పాడగలగడం, పద్యాలు రాయగలగడమే కాక వీరు చనిపోవడానికి సంవత్సరం ముందు ఒక పుస్తకం కూడా వ్రాయడం జరిగింది. 87 సంవత్సరాల వయస్సులో తన కుటుంబ సభ్యుల మధ్య ఆనందంగా తనువు  చాలించారు.

మన చుట్టూ ఉన్న పర్యావరణం మన విలువైన జీవ శక్తిని పెంచడంలో  గానీ తగ్గించడంలో  గానీ ప్రభావితం చేస్తుంది. పర్యావరణం అనడంలో వీరి ఉద్దేశ్యం మన వృత్తీ,గృహ కృత్యాలు,మన ఆహారము,ఇళ్ళు,మొక్కలు,జంతువులూ, మన జీవితాన్ని ప్రభావితం చేసే వివిధ వ్యక్తులూ ఇలా మన చుట్టు ఉన్న ప్రతీ ఒక్కటీ దీనిలోనికి వస్తుంది.  అననుకూల పరిస్థితులలో జీవించడం హానికారక జీవుల  (పోలిష్ భాషలో పరాన్న జీవుల కార్ఖానా)ఆవాస కేంద్రముగా ఉంటుందని వీరి అభిప్రాయము. దీని ఫలితముగా మన శరీరము హానికారక బ్యాక్టీరియ,ఫంగస్ ,వైరస్ లకు కేంద్రముగా మారుతుందని వీరి అభిప్రాయము.కనుక పేషంట్ల విషయంలో వీరు మొదట మనసుకు చికిత్స చేయడం పైన ఎక్కువ దృష్టి పెడతారు.

అభ్యాసకుల వివరాలు ^{00512...Slovenia}

ప్రాక్టీషనర్ ^{00512…స్లొవేనియా}   స్లొవేనియా కు చెందిన ఈ ప్రాక్టీ షనర్ గురించి వార్తాలేఖ సంపుటము 7 సంచిక 6 లో ఇవ్వబడింది . ఐతే పోలాండ్ ప్రాక్టీ షనర్ లతో వీరికి ఉన్న సన్నిహిత సంభందమును పురస్కరించుకొని వీరు పోలాండ్ జాతీయ వైబ్రో సదస్సుకు ఆహ్వానింప బడ్డారు. వీరి సమర్పణ వ్యాసంలో ఎన్నో అద్భుతమైన కేసుల గురించి ప్రస్తావన చేసారు.వీరి దృష్టిలో పేషంటు తో మొదటి సమావేశమే అత్యంత ప్రాధాన్యత కలిగినది. పేషంటు సందర్శనలో ప్రాక్టీషనర్ పట్ల నమ్మకము,గౌరవం,విశ్వాసము క్రమంగా పెరిగిఒక సానుకూల ద్రుక్పధం ఏర్పాటుకు దోహద పడుతుంది. ముఖ్యంగా వీరు పేషంట్లు చెప్పే విషయాలను జాగ్రత్తగా విని నోట్స్ లో వ్రాసుకొని ఖచ్చితమైన నిర్దారణకు వస్తారు.ఆత్మవిశ్వాసం లేకపోవడం ,తనకు తాను అంగీకరించక పోవడం ,ప్రేమలేకపోవడం,ఇవన్నీ వ్యాధికి కారణాలు అని వీరి భావన. ఇదే విషయం వీరు పేషంట్లకు కూడాతెలియజేస్తారు.

సాధారణంగా మన మానసిక భావోద్వేగాలకు కారణం గత అనుభవాలను బట్టి ఉంటుందని ఇవి ప్రస్తుత కాలంలో కోపము ,అసూయ,భయము రూపాలలో వ్యక్తమవుతూ ఉంటాయనే విషయం పేషంట్లు గ్రహించ లేరని  వీరి భావన. ముఖ్యంగా క్షమించే తత్వం అనేది అలవరచుకోవాలని ఇదే రోగ నిర్మూలనకు నాంది అని వీరి భావన. ఈ విధంగా కౌన్సిలింగ్ ద్వారా వీరు పేషంటు లో ఒక క్రొత్త జీవితానికి బాట వేస్తే వీరిచ్చే రెమిడి లు దేహంలోని మూలకణాలలోనికి వెళ్లి వ్యాధి మూలాలను నశింపజేస్తాయి.వీరి ఉద్దేశ్యంలో పేషంట్లు తమ చెడు అనుభవాలను కూడా పంచుకోవడానికి సిద్ధంగా ఉండాలి. దీనివలన సరియయిన రోగనిర్ధారణ జరిగి ప్రాక్టీ షనర్ ఇచ్చే రెమిడి లు సక్రమంగా వాడడం వారిచ్చే సూచనలు పాటించడం ద్వారా వ్యాధి లక్షణాలు పూర్తిగా నశిస్తాయి.  

ఈ ప్రాక్టీ షనర్ మన ఆరోగ్యమును మనమే కాపాడుకోవడానికి -మనమే తీసుకోవలసిన చర్యలు, మన పరివర్తన ఇలా రెండు విధాలుగా ఉంటుందనే భావన వ్యక్తంచేస్తున్నారు. మొదట మనకు వచ్చిన వ్యాధిని అన్ని స్థాయిలలో (భౌతిక,మానసిక,ఉద్వేగ పరంగా)అంగీకరించే స్థితి, దీనిని మనకు మనమే తగ్గించుకోవడానికి దృఢ సంకల్పము వహించడం.  దీనికి సహాయపడే కొన్ని అంశాలు భగవంతుడు అందరిలోనూ ఉంటాడని అందరితో సామరస్యముగా ఉండడం. ఇలా చేయడం వలన మన ఆంతరంగికంగా ,బాహ్యంగా కూడా పొందిక ఏర్పడి అది చక్కటి ఆరోగ్యానికి మార్గం సుగమం చేస్తుంది. ‘’రోగులుంటారు గానీ రోగం ఉండదు’’ అనే దానిని వీరు బలంగా విశ్వసిస్తారు.

మనం ఏది తింటామో అదే రిఫ్లెక్షన్ రూపంలో బయటకు వస్తుందని వీరి ఆభిప్రాయము.అందుకే వీరు తమ పేషంట్ల కు పౌష్టికాహారం,ఆరోగ్యనియమలు వివరించి తద్వారా వ్యాధి త్వరగా తగ్గడానికి మార్గం ఏర్పరుస్తారు. వీరి దృష్టిలో పాకేజ్ చేసిన ఆహార దినుసులలో పోషక విలువలు ఏమాత్రం ఉండవు. దీనికన్నా మాక్రో బయోటిక్ ఆహారము చాలా మంచిదని తన విషయంలోనే దీనిని నిర్ధరాణ చేసుకున్నానని అంటున్నారు.  మన జీర్ణ వ్యవస్థ శాఖాహారమునకు  సమర్ధ వంతంగా పనిచేస్తుందని వీరి అభిప్రాయము.మన మూత్రపిండాలలో శరీరానికి కావలసిన శక్తి ప్రోగుబడి ఉంటుందని ఇది తరిగి పోకుండా ఎప్పటికప్పుడు పునః పూరణ జరుగుతూ ఉంటుందని వీరి భావన. మనం జీవించడానికి రెండు లీటర్లనీరు,కొంత ఆహారము ఉంటే చాలని ఇంత మాత్రం కోసము జంతువులను చంపి తినడం మహాపాపమని అసలు ప్రపంచములో యుద్ధోన్మాదానికి ఈ జీవహింసే కారణమని వీరిభావన.   

వీరు నిస్వార్ధం గా మానవులకు,మొక్కలకు,జంతువులకు వైబ్రో రెమిడి లను నీటిలో కలిపి ఇస్తూ ఉంటారు.వీరి దగ్గరకు ప్రాక్టీషనర్ లు పనిచేయని మెషీన్లు తెచ్చి పెడుతూ ఉంటారు. వీటిని తిరిగిపనిచేసే టట్లు చేసి వాటితో అనేక రకాల సమస్యలకు ఉదాహరణకి యాక్సిడెంట్ లవలన గాయాలు,కోమాలో ఉన్న పేషంట్లు,మాదక ద్రవ్యాలకు బానిసలయిన పెద్దలు,పిల్లలు ఇలా   అనేక మందికి లబ్ది చేకూరుతున్నది. పాత యుగోస్లోవియా లోని జిల్లాల లోనూ అక్కడి ప్రాంతాలలోను డాక్టర్లు ఉండరు,మందులు దొరకవు కనుక అక్కడ వీరు వైబ్రో సేవలు అందిస్తున్నారు. వైబ్రో మందులను అక్కడి ప్రజలు బాగా నమ్ముతారు ఎందుకంటే ఈ మందులు వాడిన వారిలో 90% మందికి నయమయ్యింది.

 2015 లో ప్రాక్టీ షనర్ 1300 పేషంట్లకు వైద్యం అందించారు. 2016 నాటికి ఈ సంఖ్య 1704  పెరిగింది. మార్చ్ లో సదస్సుకు హాజరవడానికి వచ్చేనాటికి వీరు 430 పేషంట్లను చూసారు, వీరిలో కొత్తవారు 280 మంది. వీరికి వచ్చే పేషంట్లలో మెడికల్ డాక్టర్ల సంఖ్య క్రమంగా పెరుగుతోంది. ఈ సదస్సులో కొన్ని అద్బుత అనుభవాలను వీరు సభికులతో పంచుకొన్నారు. వాటిని క్రింద పొందు పరచడం జరిగింది : ఒక లేడి డాక్టర్ కు సహాయకురాలిగా పని చేస్తున్న యువతి కారు ప్రమాదానికి గురి ఐన రెండు నెలల తర్వాత ప్రాక్టీషనర్ ను కలిసారు. ఆమె లివరు పూర్తిగానూ మరియు, శరీరపు ఎడమవైపు భాగము కూడా బాగా పాడయి పోయింది. మూడు నెలలు వైద్యం అనంతరం ఆమెకు ప్రతీ భాగము తిరిగి ఏర్పడడం ఆమె తిరిగి మాములుగానే నమలగలగడం,మాట్లాడ గలగడం చేయసాగింది. వైబ్రో చికిత్స గురించి తెలియని న్యురాలజిస్టులు ఏదో అద్భుతం జరగడం వలననే తప్ప లేనిదే ఇది అసాధ్యం  అన్నారు.

• ఒక అలోపతి డాక్టర్ కుమార్తె తో సహా 21 మంది అమ్మాయిలకు గర్భధారణ లో అవాంతరాలు ఏర్పడడం ముఖ్యంగా కృత్రిమ గర్భధారణ తర్వాత కూడా సమస్యలు ఎదుర్కొంటున్న కొందరికి  వైబ్రో ద్వారా  గర్భధారణ సులభతరం అయ్యింది.  వీరిలో ఒక తల్లి తన 7 సంవత్సరాల కుమారుడిని తీసుకొని వచ్చినపుడు ఆ బాబు తనను చూడడం అదే ప్రధమం ఐనా నాకు ఈ ప్రాక్టీషనర్ తెలుసు అని చెప్పడం ఆశ్చర్యం కలిగించింది. ప్రాక్టీ షనర్ అభిప్రాయం ప్రకారము తల్లి గర్భవతి కాకముందే బిడ్డ, తల్లి యొక్క (ఆరా ) సూక్ష్మదేహములోనికి ప్రవేశిస్తాడు. గర్భధారణ  కష్టంగా ఉన్న తల్లులకు ఈ ప్రాక్టీషనర్ ఇచ్చే సలహా ఏమిటంటే ఆత్మవిశ్వాసం పెంచుకొని తమకిష్టమైన బిడ్డ కోసం ప్రేమతరంగాలను వ్యాపింపజేస్తూ ఉంటే కోరుకున్న పిల్లలు పుట్టే ఆవకాశం ఉందని వీరి అభిప్రాయము. 
• మన చర్మ వ్యాధులకు కారణం లోపల ఉన్న సమస్యలు  బాహ్య రూపములో వ్యక్తం కావడమే అని ప్రాక్టీషనర్ అభిప్రాయము. మనం భయపడే విషయాలు మన ఆలోచనల కన్నా వేగంగా పయనిస్తాయని వీరి అభిప్రాయము. వీరి యొక్క 12 సంవత్సరాల మనుమడు తల మరియు ముంజేతుల పైన బొల్లి వ్యాధితో బాధ పడుతూఉండేవాడు. కానీ అది త్వరలోనే చాలా చోట్లకు వ్యాపించింది. చర్మవ్యాధుల నిపుణుడు ఇచ్చిన ఆయింట్మెంట్ సంవత్సరం వ్రాసినా  కూడా ఫలితం కనిపించలేదు. ఈ మచ్చలు ముక్కు మీద వ్యాపించిన తర్వాతనే ప్రాక్టీ షనర్ కల్పించుకోవడం జరిగింది. ఎప్పుడూ ముభావంగా తనలో తానుగా  ఉండే ఈ బాబు తనతో పూర్తిగా సహకరిస్తేనే తన వైద్యం మొదలు పెడతానని చెప్పడం జరిగింది. అతను ఒప్పుకోవడంతో త్వరగా కోలుకోవడం కోసం తనను తాను ప్రేమించుకోగలగడం,ప్రపంచ పరిధిలోనికి తనను తాను బహిర్గత పరుచుకోవడం కోసం రెమిడి లతో పాటు కొన్ని అఫిర్మేషన్స్(అంతః చేతన ప్రేరేపించే వాక్యాలు) ఇవ్వడం కూడా జరిగింది.  అతని యొక్క పాఠశాల డ్రామాలో పాత్ర పోషించడం ద్వారా తాను సహజ నటుడుననే అవగాహన పిల్లవానికి కలిగింది. మెల్లిగా అతనిలో ఆత్మ విశ్వాసము పెరిగి తనలో ఉన్న ప్రతిభను ప్రదర్శించడం ,నైపుణ్యాలను పెంపొందించుకోవడం ప్రారంభించాడు.రెండు నెలల లోనే అతని సమస్యలన్నీ అదృశ్యమయ్యాయి.ఒక కొత్త జీవితానికి స్వాగతం పలుకుతూ స్వయం ప్రేమికుడు గా మారాడు .
• 11-సంవత్సరాల పాప చదవలేదు,అంకెలు లెక్కపెట్టలేదు. ప్రాక్టీషనర్ దీనికి కారణం ఆ పాప యొక్క తండ్రి తో ఉన్న సంబంధం అని గుర్తించారు. ప్రేమ,ఆప్యాయతలు కనబరచవలసిన ఈ తండ్రి చాలా కటువుగా ఉండడంతో పాపలో కుంచించుకు పోయే తత్వం రావడం ఈ సమస్యకు ఒక కారణమయ్యింది. నెల రోజుల పాటు ఇద్దరూ వైబ్రో రెమిడి లు తీసుకున్న తర్వాత పాప చదవడం లెక్కబెట్టడం చేయగలిగింది.
• మర్జువానా కి అలవాటు పడ్డ 17 సంవత్సరాల యువకుడు తన ఇంటిలోనూ,పాఠశాల లోనూ ఇబ్బందులు ఎదుర్కోనసాగాడు ఈ వ్యసనానికి  కారణము తల్లి ప్రేమ లోపించడమే. అతని తల్లి ప్రతీ ఒక్కటీ ఉత్తమంగా ఉండాలని కోరుకునే వ్యక్తి. తన కుమారుడు పాఠశాలలో ఉత్తమ ఫలితాలు కనబరచాలని దాని నిమిత్తం కటువుగా ఉంటూ తన ప్రేమను ఆప్యాయంగా దగ్గరకు తీసుకొనే విధానాన్ని విస్మరించింది. ప్రాక్టీ షనర్ ఆ బాలునితో తన జీవన విధానము మార్చుకోవాలని,టెన్నిస్,బాస్కెట్ బాల్ ,ఈత ఇటువంటి వాటికి  వెళుతూ ఉండాలని అన్నిటికన్నామించి తనను తాను విశ్వశించాలని చెప్పారు. అతి త్వరలోనే యితడు ఈ దురలవాటును మానేశాడు. 8 సంవత్సరాల క్రితం ఇతని సోదరి మూర్చ వ్యాధి నుండి ,ఇతని తండ్రి నోటి లో వ్రణమునకు  వైబ్రో చికిత్స తో నివారణ పొందారు.
• ఒక అబ్బాయికి పంటికి సంబంధించిన ఇన్ఫెక్షన్ వల్ల నోరు వాచింది. దీనికి గానూ ప్రాక్టీషనర్  NM114 Elimination ఇచ్చి రాత్రంతా వేసుకోమని చెప్పగా ఉదయానికల్లా బాబుకు తగ్గిపొయింది.  
• ఈ ప్రాక్టీ షనర్ అధిక సంఖ్యలో విజయవంతంగా కేన్సర్ కేసులను నివారణ చేసారు,అందులో 5 రక్త క్యాన్సర్ కేసులను రక్త మార్పిడి లేకుండానే నివారణ చేయగలిగారు.క్యాన్సర్ పేషంట్ ముఖ్యంగా ఆహారపు అలవాట్లను మార్చుకోవాలని వీరు సూచిస్తున్నారు. వైబ్రియోనిక్స్ తో పాటు క్రింది సంపూర్ణమైన ఆహారాన్ని తీసుకోవలసిందిగా వీరు సూచిస్తున్నారు
  • సేంద్రియ తవుడు  - ఇది రోగనిరోధకశక్తిని పెంచడంలో అత్యుత్తమమైనది.మామూలు మందులతో పాటు దీనిని కూడా తీసుకోవడం ఉత్తమం.
  • పచ్చని శిలాద్రవం , బార్లీ గడ్డితో చేసిన జూస్ ,దీనిలో విటమిన్లు,ఖనిజలవణాలు,ఎమినో యాసిడ్లు,క్లోరోఫిల్,విటమిన్ E కన్నా బాగా పనిచేసే యాంటిఆక్సిడెంట్ ఉన్నాయి.ఇది జీర్ణ శక్తిని పెంచి టాక్జిన్లు శరీరంలో చేరకుండా చేయడంతో పాటు మంచి ఆల్కలైజర్ కూడా పనిచేస్తుంది.
  • శైటెక్ పుట్టగొడుగులు , ఇవి విటమిన్ B మరియు విటమిన్ D పుష్కలంగా కలిగిఉండి గుండెకు సంబంధించిన వ్యాధుల నివారణ లోనూ ,క్యాన్సర్ కణాల నిర్మూలన లోనూ,శక్తిని పెంచడంలోనూ, మెదడు పనితీరు మెరుగు పరచడంలోనూ,కడుపు మంట తగ్గించడంలో నూ,రోగనిరోధకశక్తిని పెంచడంలోనూ అద్భుతంగా పనిచేస్తుంది.   

ఐతే మన వైబ్రో రెమిడి లు సూక్ష్మ స్థాయిలో పనిచేస్తే పైన చెప్పబడిన అనుబంధ పదార్ధాలు శారీరక లేదా భౌతిక స్థాయిలో పనిచేసి ఆరోగ్యాన్ని ఇస్తాయి.

క్యాన్సర్ తో  బాధ పడుతున్న రోగులు దీనిని హృదయ పూర్వకంగా ఆహ్వానిస్తూ ఇది భగవంతుడి వరంగా భావించాలి. తమలో ఉన్నదానిని గుర్తించి సాధ్యమయినంతవరకు తమ ప్రవర్తనను మార్చుకోవడానికి ప్రయత్నించాలి. దీనిద్వారా సంపూర్ణ పరివర్తన దానిద్వారా వ్యాధి నివారణ కలుగుతుంది.  .

ఈ ప్రాక్టీషనర్ వివిధ రకాల వ్యాధులతో ఉదాహరణకు పొదుగు కు ఇన్ఫెక్షన్ వంటి వ్యాధులతో బాధ పడుతున్న ఎన్నో జంతువులను (కుక్కలు,పిల్లులు,గుర్రాలు)వైబ్రో మందులతో త్వరగా నయం చేయగలిగారు.అలగే మొక్కలు,వృక్షాలు కూడా త్వరలోనే వ్యాదులనుండి విముక్తి పొందాయి.వాటికీ కూడా సొంత భావాలు,జ్ఞాపకాలు ఉంటాయని వీరి అభిప్రాయము. డాక్టర్ రుడాల్ఫ్ స్టీనర్  టెక్నిక్ ఉపయోగపెడుతూ 4 ఎకరాలలో కేవలం  జంతువుల విసర్జకాలను ఉపయోగిస్తూ జీవగతిక (biodynamic)  వ్యవసాయ క్షేత్రం  10 సంవత్సరాలుగా  నడుపుతున్నారు. డాక్టర్ స్టీనర్  ఈ సమకాలీన ఆంత్రో పోసోఫి (anthroposophy ) ఆవిష్కరణకు ,ఉత్తమ విలువలు గల బయో డైనమిక్ ఆహారము తయారీకి ఆద్యుడు అని చెప్పుకోవచ్చు.

ప్రస్తుత పరిణామాల దృష్ట్యా చూస్తే ఈ గడ్డుకాలంలో కూడా మానవత్వం ఇంకా జీవించే ఉంది అని ఈ ప్రాక్టీ షనర్ బలంగా నమ్ముతున్నారు. తన విషయమే చూసినట్లయితే వైబ్రియోనిక్స్ భోధనలు తన నెంతో ప్రభావితం చేస్తూ తన జీవన యాత్రను కొనసాగించేలా తోడ్పాటు నందిస్తున్నాయని వీరి అభిప్రాయము.ఉదాహరణకు వీరి ఇంట్లో వర్షపు నీరు రెండు పాత్రలలో పట్టి ఉంచబడింది.ఇవి రాగి తీగల ద్వారా తన SRHHVP మిషన్ లోని ఒక వెల్లుకు కలిపి బాబాను ప్రార్ధిస్తూ బాబా దీవెనలు అందుతున్నాయని మానసికంగా తలపోస్తూ మరొక వెల్లులో  NM86 Immunity మరియు  SR315 Staphysagria. ఉంచి నీటిని చార్జ్ చేయడం వలన ఆ నీరు త్రాగడానికి మరియు వంటకు అద్భుతంగా ఉపయోగ పడుతున్నాయని తెలుపు తున్నారు. చివరిగా వీరు స్లొవేనియా దేశంలోనే కాక యూరప్ లోని ప్రక్కనున్న దేశాలలో ఉన్న ప్రాక్టీషనర్లకు తన సహాయ సహకారాలను కొనసాగిస్తూనే ఉంటానని స్థిరంగా తెలియజేస్తున్నారు.

అభ్యాసకుల వివరాలు ^{01919...Poland}

ప్రాక్టీషనర్ ^{01919…పోలాండ్}   వీరు పోలండ్ దేశానికి చెందిన ఒక ఫిజిషియన్. వీరి వైబ్రియోనిక్స్ ప్రస్థానం భగవాన్ శ్రీ సత్యసాయిబాబా వారి ఆశ్రమంలో 2001 జనవరి లో ప్రారంభమయ్యింది.   ఒక పేషంటు పైన ఈ వైబ్రో గోళీల ప్రభావం ప్రత్యక్షంగా చూసి తన కళ్ళను తానే నమ్మలేకపోయారు. వెంటనే దీని గురించి మరింత తెలుసుకోవాలని భావించారు. కొన్ని నెలల తర్వాత డాక్టర్ అగ్గర్వాల్ గారు పోలాండ్ సందర్శించినప్పుడు తక్షణమే ‘‘క్రకౌ’’ లో జరుగుతున్న శిక్షణా శిబిరములో నమోదు చేసుకున్నారు.శిక్షణ విజయవంతంగా ముగించుకొని పరీక్ష పాసై SRHVP మెషిను మరియు అనుబంధ కార్డులు తీసుకొని పేషంట్లకు వైద్యం అందించడం తనతోనే ప్రారంభించారు. వీరు తన శరీరంలో  మియాజం తొలగింపు మరియు క్లెన్సింగ్ చేసుకోవడం పైన దృష్టి పెట్టారు. వీరు   SRHVP మిషన్ ను ఎక్కువగా రిమోట్ హీలింగ్ కు ఉపయోగించేవారు.

ఈ మెషిన్ తో రెమిడి లు తయారు చేయడం ఎక్కువ సమయాన్ని హరించేది గా ఉండేది. 2008 లో 108 CC బాక్స్ ప్రవేశపెట్టినప్పుడు వీరెంతో ఆనందపడ్డారు ఎందుకంటే ఇది రెమిడి లు తయారు చేయడానికి పట్టే సమయాన్ని తగ్గించి వేసింది.అంతేకాకుండా ఈ కోమ్బోల పనితీరు వీరు పరిశీలించిన వీరు ఇది ఒక ‘’మహాద్భుతం’’ అనే నిర్దారణ కు వచ్చారు. ముఖ్యంగా చర్మ వ్యాధులు, వ్యాధినిరోధక శక్తి లోపం వలన కలిగే వ్యాధులు, ఆత్మవిశ్వాసం లోపించడం, స్త్రీలలో బాధాకరమైన నెలసరి,మానసిక వత్తిడి,ఇటువంటి కేసులలో రేమిడిల పని తీరు అద్భుతం.అలాగే పిల్లలలోను జంతువుల్లోనూ కూడా ఈ రెమిడి లు అమోఘంగా పనిచేస్తున్నాయి.  పైన పేర్కొన్న విధంగా రెమిడి లు ఇవ్వడంతో పాటు వీరు ‘’హో అపోనో పోనో”పధ్ధతి పాటించవలసిందిగా తన పేషంట్లకు సూచిస్తారు.వీరు  తన భర్త తో పాటు ఈ హవాయి పద్ధతిని తమ జీవితాలలో స్వయంగా అనుసరిస్తున్నారు.

ప్రాక్టీషనర్ ఈ సెమినార్ లో ఎన్నో కేసుల గురించి పంచుకోవడం జరిగింది వాటిలో కొన్ని అద్బుతమైన వాటిని క్రింద ఉదహరించడం జరిగింది. ఈ కేసులలో ఆశ్చర్యకరమైన విషయం ఏమిటంటే కొన్ని కేసులు రోజులలో నయం కాగా కొన్ని గంటల్లోను కొన్ని నిమిషాలలోను నయం కాబడినాయి.

A 53-సంవత్సరాల వయసుగల మధుమేహంతో బాధపడుతూ కాలిలో రక్త సరఫరా నిలిచిపోయిన  పేషంటు కు డాక్టర్లు అతని కాలుతొడ క్రింది భాగము వరకూ తీసివేయవలసి ఉంటుందని చెప్పారు.  బుధవారము కాలు తొలగించడానికి  నిర్నయించారు. శనివారము ఈ పేషంటు ప్రాక్టీషనర్ వద్దకు రాగా క్రింది రెమిడి ఇవ్వడం జరిగింది NM32 Vein-Piles + NM114 Elimination + OM5 Circulation + BR18 Circulation…TDS. రెండు రోజుల చికిత్స తర్వాత రోగగ్రస్తముగా ఉన్న  కాలి బొటన వ్రేలి  చివరన రంధ్రాలు ఏర్పడి షులేస్ వలె ధారగా చీము కారడం ప్రారంభించింది. రక్త సరఫరా తిరిగి సాధారణ స్థాయికి చేరుకోవడంతో కాలు తొలగించవలసిన అవసరం లేదన్నారు.ఆ విధంగా పేషంటు పూర్తిగా కోలుకోవడం జరిగింది.

వీరి ప్రాక్టీసు లోనే 70 సంవత్సరాల మహిళను 108 కొమ్బో ద్వారా చికిత్స చేసిన మరొక కేసు గురించి ప్రస్తావిస్తున్నారు.ఈ పేషంటు యొక్క ఎడమ కాలికి వచ్చిన . నెల రోజుల అలోపతిక్ చికిత్స తర్వాత డాక్టర్ ఆమెతో పరిస్థితి లో మార్పు రానందున మోకాలి పైవరకూ కాలు తొలగించవలసి ఉంటుందని చెప్పారు.ఆమె ప్రాక్టీషనర్ ను ఆశ్రయించడంతో క్రింది రెమిడి ఇవ్వడం జరిగింది : CC3.4 Heart emergencies + CC3.7 Circulation + CC21.1 Skin tonic…TDS. మూడు రోజుల చికిత్స తర్వాత కాలిబొటనవ్రేళ్ళ నుండి చీము కారిపోయింది .రక్త సరఫరా తిరిగి ప్రారంభమయ్యి పేషంటుకు పూర్తీ ఆరోగ్యము చేకూరింది

35 సంవత్సరాల మహిళ గత 10 సంవత్సరాలుగా కాళ్ళు,చేతులు,ఉదరము పైన సోరియాసిస్ వ్యాధితో బాధపడుతున్నారు. వీరు అలోపతి మందుల ద్వారా వైద్యం తీసుకున్నారు కానీ నయమవ్వలేదు. ఈమెకు క్రింది రెమిడి ని ఇవ్వడం జరిగింది. CC21.10 Psoriasis...6TD వారం రోజుల వరకూ అనంతరం ఈ డోస్ TDS.కి తగ్గించ్గడం జరిగింది. మూడు వారాల తర్వాత సోరియాసిస్ పూర్తిగా తగ్గిపోయింది.చర్మవ్యాధులకు సంబంధించిన మరొక సమస్య ఏమిటంటే 7 సంవత్సరాల పాపకు తన రెండవ సంవత్సరం నుండి రెండు పాదాల పైనా ఆటోపిక్ డెర్మటైటిస్ వ్యాధి( అటోపి ద్వారా కలిగే చర్మవ్యాధి) ఉన్నట్లు గుర్తింప బడింది.  మొదట రక్తము రాసి తో కూడిన బొబ్బలు ఏర్పడి అవి చితికి పుండ్లుగా మరి నడవడానికి కూడా కష్టమైపోయింది. ఈ 5 సంవత్సరాలుగా అలోపతి చికిత్స తీసుకుంటున్నా ఏమాత్రం ఉపయోగం కలగలేదు.ఆమెకు క్రింది రెమిడి ఇవ్వడం జరిగింది. CC21.3 Skin allergies…TDS. వారం తర్వాత పాప వ్యాధి లక్షణాలన్నీ తగ్గిపోయి పూర్తీ ఆరోగ్యం చేకూరింది.

76 సంవత్సరాల వ్యక్తి మోకాలి నొప్పులతో బాధ పడసాగారు.అలోపతి మందుల ద్వారా అతనికి నయం కాలేదు,ప్రతీరొజూ ఉదయం 5 గంటలకు ఈ నొప్పి ప్రారంభ మవుతుంది.వీరు కనీసం తన ప్లాట్ కు ఉన్న 5 మెట్లను కూడా ఎక్కలేని స్థితిలో ఉన్నారు.ఒక రోజు సాయంత్రం 10 గంటలకు ప్రాక్టీషనర్ క్రింది రెమిడి ఇవ్వడం జరిగింది. CC20.1 SMJ tonic + CC20.2 SMJ pain + CC20.3 Arthritis + CC20.4 Muscles & Supportive tissue. మరుసటి రోజు ఉదయం 8 గంటలకు ఎటువంటి నొప్పి లేకుండానే నిద్రలేవడం జరిగింది.అప్పటినుండి అతనికి ఎప్పుడూ మోకాళ్ళ నొప్పులు రాలేదు ఏమాత్రం కష్టం లేకుండానే నడవగలుగుతున్నారు. ఇదే రెమిడిని  మోకాళ్ళు వాచి నడవడానికి వంగడానికి ఇబ్బంది పడుతున్న 57 సంవత్సరాల మహిళకు TDS గా ఇవ్వడం జరిగింది.గతంలో ఆమె అలోపతి మందులు వాడారు కానీ ఫలితము లేదు.రెమిడి ప్రారంభించిన వారం తర్వాత కాళ్ళ వాపులు పూర్తిగా పోయాయి.అప్పటినుండి ఆమెకు ఎంతో ఉపశమనం కలిగింది.

మరొక పేషంటు చాలా, కాలంగా థైరాయిడ్ తో బాధ పడుతున్నారు.దీనివల్ల ఇతని మెడ రెండు పక్కలా గడ్డలు కూడా వచ్చాయి. వీటివల్ల ఇతను తరుచుగా తల ప్రక్కకు వాల్చిఉండడంతో అది అలా ఉండిపోయింది.డాక్టర్ ఆపరేషన్ చేసి వీటిని తొలగించాలని చెప్పారు కానీ డానికి పేషంటు ఒప్పుకోలేదు. మూడుసంవత్సరాల క్రితం ఇతను ప్రాక్టీషనర్ ను కలసినపుడు క్రింది రెమిడి ఇవ్వడం జరిగింది. CC3.1 Heart tonic + CC6.1 Hyperthyroid + CC12.4 Autoimmune diseases + CC13.1 Kidney & Bladder tonic. కఫం వంటి పదార్ధం స్రవించడం మొదలయ్యి అతని గడ్డలు అదృశ్యమయ్యాయి.ఐతే మూడు సంవత్సరాల వైబ్రో చికిత్స తర్వాత కూడా   వాసనతో కూడిన పొడవైన ధారల వంటి పదార్ధం మొల భాగం వరకూ వ్యాపిస్తూ అలా కారుతూనే ఉన్నాయి.ఇతను ఇంకా చికిత్స తీసుకుంటూనే ఉన్నాడు.

జాబ్రేజ్ లోని అనోరేక్జియా వార్డులో  16-సంవత్సరాల యువతి చాలా సంక్లిష్టమైన స్థితిలో ఉంది. డాక్టర్లు కొన్ని గంటలలోనే ఆమె దేహత్యాగం చెయ్యవచ్చు అని నిర్ధారించి దానికి తగిన ఏర్పాట్లు చేసుకోవలసిందిగా బంధువులకు సూచించారు. ఈ అమ్మాయి తాత గారు ప్రాక్టీషనర్  ను సంప్రదించారు. ప్రాక్టీషనర్ ఆమెకు CC15.4 Eating disorders.ను ఇచ్చారు.రెండు రోజుల తర్వాత పేషంటు మంచం నుండి లేవగలిగింది. నాలుగు రోజుల తర్వాత ఆమెను డిశ్చార్జ్ చేసారు.ఇప్పుడామె తన శారీరక బరువును తిరిగి పొంది.పూర్తి ఆరోగ్యంగా ఉన్నది.  

 30-సంవత్సరాల యువకుడు డిప్రెషన్ బాధ పడుతూ అలోపతిక్ మందులు వాడారు కానీ ఫలితం ఏమీ లేదు అన్నారు.ప్రాక్టీషనర్ అతని ఫోటో ద్వారా బ్రాడ్కాస్టింగ్ చేసి SM5 Peace & Love Alignment రెమిడి ఇవ్వడం జరిగింది.3 రోజుల తర్వాత అతని డిప్రెషన్  తగ్గిపోగా మానసిక స్థిరత్వం తిరిగి పొందగలిగాడు.

A woman agedమూలశంక బాధ పడుతూ నడవడం కూడా చేతకాని స్థితిలో ఉన్న 37 సంవత్సరాల మహిళకు,  CC4.4 Constipation  ఇవ్వడంతో రెండు రోజులలోనే ఆమెకు వ్యాధి అదృశ్య మయ్యింది. 

 27 సంవత్సరాలమహిళ తీవ్రమైన నెలసరి నొప్పితో బాధ పడుతూ ఉండేది. కేవలం కొన్ని డోసులు CC8.7 Menses frequent + CC8.8 Menses irregular, ఇవ్వడంతో ఈ నొప్పి తగ్గిపోయి మరలా రాలేదు.

ఆరు నెలలు వయసుగల ఒక ప్రత్యేక జాతికి చెందిన కుక్క పిల్లకు కాలి పైన కణితి వంటిది రావడం,అది పశువైద్యనిపుణులకు కూడా అంటూ పట్టనిది గా అయ్యింది.వారు ఈ పప్పీ కి నొప్పి నివారిణులు,ఇన్ఫెక్షన్ తగ్గించే శక్తివంతమైన మందులు ఇచ్చారు కానీ ప్రయోజనం లేదు.అది కణితి వలన కుంటటం కూడా నివారణ కాలేదు.. దీనికి  CC1.1 Animal tonic +CC20.2 SMJ pain + CC20.3 Arthritis + CC20.4 Muscles & Supportive tissue రెమిడి నీటితో  ఇవ్వబడింది.రెండు రోజుల తర్వాత నొప్పి తగ్గిపోయింది.ఇప్పుడు ఆ కుక్క ఎంతో ఆరోగ్యంగా ఉండడంతో యజమాని కుక్క రుగ్మతల గురించి పూర్తిగా మరిచిపోయాడు. మరొక కేసు విషయంలో  రెండు సంవత్సరాల గినియా పంది ఆహారం తినడం మానేసి ఆసక్తి లేకుండా తన యొక్క బోను లోనే ఉండసాగింది.పశు వైద్యుడు దానికేసహాయమూ చేయకపోగా అది త్వరలోనే చనిపోతుందని చెప్పారు.దీనికి  CC1.1 Animal tonic + CC3.1 Heart tonic + CC10.1 Emergencies + CC 13.1 Kidney & Bladder tonic రెమిడి ఒక డోస్ రెమిడి తో ఇవ్వడం జరిగింది.5 నిమిషాల్లోనే అది లేచి నిలబడి తన ఆహారము తినడం తో పాటు పూర్తీ ఆరోగ్యం తో ఒక సంవత్సరం వరకు బ్రతికింది.

16 సంవత్సరాల వైబ్రో సేవలో వీరు ఎంతో ఆనందాన్ని సంతృప్తిని అనుభవించారు.వారి మాటల్లోనే చెప్పాలంటే ‘’ ప్రతీ రెండు నెలలకుఒకసారి  డాక్టర్ అగ్గర్వాల్ గారి ద్వారా వార్తాలేఖ రూపంలో అందే సమాచారం ద్వారా ఎంతో నేర్చుకోగాలుగుతున్నాను. అలాగే నాకు ఎప్పుడూ సమస్య ఎదురయినా మా దేశపు కోఆర్డినేటర్  ⁰²⁵¹⁵  వీరందించిన సహాయ సహకారాలు మరువలేనివి.నాకు ఇట్టి సేవాభాగ్యాన్ని ప్రసాదించినందుకు భగవంతుడికి ఎంతో కృతజ్ఞురాలిని.

అభ్యాసకుల వివరాలు ^{02652...Poland}

ప్రాక్టీషనర్ ^{02652 ...పోలాండ్}   వీరు తమ 13 ఏళ్ల వైబ్రియోనిక్స్ సేవలో వైబ్రో రెమిడి లు ఎందరో పేషంట్ లకు ఆరోగ్యాన్ని ఇవ్వడంలో గొప్ప వరదాయని వంటివని అభిప్రాయ పడుతున్నారు. అలాగే పేషంట్లు తమ జీవన సరళి ని కూడా మార్చుకోవడం తప్పనిసరి అనీ అలా మార్చుకోని  పక్షంలో ఏదో ఒక రూపంలో వ్యాధి తిరిగి ప్రవేశిస్తుందని కూడా వీరు తెలుసుకున్నారు. ప్రస్తుతం వీరు తమ పేషంట్ లు ఆరోగ్యకరమైన జీవన సరళి ని ఎలా పెంపొందించుకోవచ్చునో కౌన్సిలింగ్ చేస్తూ దీనికి వీరు’‘ఆల్కలిన్ విధానము’’ అని పేరు పెట్టారు. దీనివల్ల పేషంట్ ల ఆరోగ్యములో గణనీయ మైన మార్పులు వచ్చినట్లు కనుగొన్నారు. అటువంటి కొన్ని విశిష్టమైన కొన్ని కేసుల వివరాలు ఈ శిబిరములో ప్రదిర్శించ బడ్డాయి.అట్టివానిలో రెండు ఈ వ్యాసము చివర ఇవ్వబడ్డాయి.  ఈమె  తమ భావాలను అనుభవాలను ఇతర ప్రాక్టీ షనర్ లతో పంచుకోనడానికి ఎప్పుడూ సుముఖంగా ఉంటారు కాబట్టే  తాను కనుగొన్న విధానమును  ‘’ఆల్కలిన్ విధానము-ఆరోగ్య రహస్యము ‘’  పేరుతొ ఈ సదస్సులో పవర్ పాయింట్ విధానము ద్వారా ప్రదర్శించడంలో ఆశ్చర్యమేమీ లేదు . వీరు చెప్పిన సమాచారము ననుసరించి ఈ విధానము లో దేహాన్ని తన సహజ సిద్ధమైన సమతుల్యమైన స్థితికి తీసుకు రావడమే ప్రధానము .దీనికోసం వీరు చెప్పిన ప్రధానాంశాలు మనసు,ఆహారము, నిద్ర, వ్యాయామము,సూర్యకాంతి,మరియు ఆరోగ్యకరమైన వాయువు.  

• మనల్నిమనము స్వస్థ పరుచుకోవడానికి మనసు ఒక ప్రధాన మైన పనిముట్టు .సాయిబాబా అంటారు ‘’ప్రతీ వ్యాధికి మనసే కారణం కనుక మనసే ఆ వ్యాధిని నివారణ చేసే శక్తి కూడా కలిగి ఉంటుంది’’. స్వామి ఇంకా ఇలా అంటారు.  “..ప్రకృతి భగవంతుడి యొక్క ప్రతి బింబము. అట్టి దివ్య శక్తియే మన నిజమయిన స్వభావము’’ . కనుక మనలో ఉన్న దివ్యశక్తికి మనం ట్యూన్ చేసుకోగలిగితే అనంత మైన దివ్యశక్తి మనలో ప్రవహించి వ్యాదులన్నిటిని దూరం చేస్తుంది. ఈ దివ్య శక్తే పవిత్రమైన ప్రేమ .మనం అట్టి దివ్య ప్రేమను మన హృదయాలనుండి   ప్రవహింపనిస్తే మన తలపులు,మాట,క్రియలు ప్రేమమయ మవుతాయి మనలో ఎంత పరివర్తన వస్తుందంటే  విజ్ఞాన శాస్త్రం చేత  హృదయపు పొందిక అని పిలువబడే ,అట్టి స్థితి కలుగుతుంది. అధ్యయనాల ద్వారా నిరూపింప బడిన విషయం ఏమిటంటే అటువంటి స్థితిలో మన దేహంలో జీవకణాలు పునరుత్పత్తి చేయబడతాయి,హార్మోన్లు నియంత్రింప బడతాయి.యవ్వన సంబంధితమైన హార్మోన్ల ఉత్పత్తి పెరుగుతుంది రోగనిరోధక వ్యవస్థ పఠిష్టమవుతుంది.మనం శాంతిని,ఆనందాన్ని,రక్షణను,విశ్వాసాన్ని,రుజుత్వాన్ని,అంగీకరించే స్వభావాన్ని,ప్రేమను మనలో పెంపొందింప చేసుకోవడమే కాక క్రమేణా ఇతరులకు పంచబడే స్వభావము కలుగుతుంది .  వత్తిడి,భయాలు,న్యూనత వంటి వ్యతిరేక భావాలు తొలగింప బడతాయి. షరతులు లేని లేదా నిబంధనలు లేని ప్రేమ (ఫ్రీక్వెన్సీ - 528Hz) ఇది ప్రస్తుతం ఉన్న స్వస్థత చేకూర్చే వైబ్రేషణ్ లలో అత్యంత శక్తివంత మైనది.ఇది శరీర ములోని క్షారత్వాన్ని ఆమ్లత్వాన్ని సమతుల్యం లో ఉంచి దేహానికి కాంతిని ఆరోగ్యాన్ని ఇస్తుంది.  

•  తర్వాతి విషయం ఆహారము. ఈ రోజుల్లో మనం తినే ఆహారము అమ్లత్వముతో కూడినది గా ఉంటున్నది అందుచేత వైరస్,బ్యాక్టీరియ,ఫంగస్,యీస్ట్ వంటివి పెరగటానికి తగిన వాతావరణం ఏర్పడుతోంది. ఆమ్లగుణము కలిగిన దేహం వల్ల మన రోగ నిరోధక వ్యవస్థ నిర్వీర్య మయ్యి జీవకణాలకు  ప్రాణవాయువు లోపం ఏర్పడి వాటి ఉత్పత్తికి ఆటంకం ఏర్పడుతుంది.  1933 లో విలియం హోవార్డ్ హే ఇలా చెప్పారు ‘’దేహంలో ఆమ్లము పెరగడం వలన అది దేహ వ్యవస్థ నంతటినీ విషతుల్యం చేసి రోగాలకు నిలయంగా మారుస్తుంది’’ వారు ఇంకా ఇలా చెప్పారు ఇది మీకు దిగ్భ్రమ గొలిపే విషయం కావచ్చు కానీ వాస్తవం ఏమిటంటే పైకి వేరువేరు గా కనిపించి నప్పటికీ రోగాలన్నింటికీ కారణం ఒకటే.

అసిడిటీ కి క్యాన్సర్ తో కూడా సంభంధం ఉంది. (Otto Warburg) ఒట్టో వార్బర్గ్ అనే శాస్త్ర వేత్త జీవకణాలలో ఆక్సిజన్ శాతం లోపించినపుడు ఆమ్ల వాతావరణము సృష్టించబడి అవి క్యాన్సర్ కణాలుగా మారేందుకు అవకాశం ఉందనే విషయం కనుగొన్నందుకు గానూ వీరికి1931 లోనోబెల్ బహుమతి వచ్చింది. కనుకనే క్షారయుత మైన లేదా ఆల్కలిన్ ఆహారము మన శరీరానికి ఎంతో మంచిది. ఎంత తినగలిగితే అంత వండని  ఆహారము, తాజా పళ్ళరసాలు,ముఖ్యంగా ఆకుకూరలు ఇవన్నీ కూడా శరీరాన్ని ఆమ్లయుత తత్వము నుండి దూరం చేస్తాయి.   మన శరీరంలో ఆమ్లత్వం ఎక్కువగా ఉంటే దీర్ఘకాలిక నిస్సత్తువ,శక్తి లేకపోవడం,నీరసం,నిద్రలేమి,కోపము,ఏకాగ్రత లోపించడం,భయము,ఆతృత,కంగారు,మైధునం పైన కోరిక లేకపోవడం ఇవన్నీ కలుగుతాయి.

వీటితో పాటు మనం రోజూ రెండు లీటర్ల పరిశుభ్రమైన నీటిని అనగా ఎక్కువ pH విలువ ఉన్న నీటిని త్రాగాలి.ఇటువంటి నీటికి కొంచం హిమాలయన్ ఉప్పు గానీ,నిమ్మ రసం గానీ,సిలికా గానీ కలిపితే అవి క్షారయుతంగా ఉంటాయి.   పరిశుద్ధమైన నీటికి క్రింది కోమ్బో కలపడంద్వారా వాటి శక్తిని పెంచవచ్చు: NM12 Combination-12 + SR360 VIBGYOR. లేదా CC12.1 Adult tonic. ను కూడా కలపవచ్చు

ఎప్పుడూ కూడా మనకు తగినంత నిద్ర ఉండాలనేది గుర్తు పెట్టుకోవాలి.  నిద్ర లోపిస్తే శారిరంలో ఆమ్లత్వము పెరిగి  పోతుంది. వయోజనులకు 6-7 గంటల నిద్ర అవసరం రాత్రి 10 గంటల నుండి 12 గంటల వరకు గల కాలంలో మన శరీరంలో కొత్త కణాలు ఉత్పత్తి అవుతాయి.అర్ధరాత్రి కి ముందు నిద్రించే ఒక గంట నిద్ర ఆ తర్వాత నిద్రించే 2-4 గంటల నిద్రకు సమానము. 

• వ్యాయామము వలన దేహంలో హానికరమైన విషాలు తొలగింప బడడ మే కాక మనం తీసుకునే ఆక్సిజెన్ శాతాన్ని పెంచుతాయి దీనివలన దేహము యొక్క pH స్థాయిలు సమతుల్యంలో ఉంటాయి. ఎప్పుడూ కూడా అధిక శ్రమ కూడదు దీనివలన దేహము వత్తిడికి గురియవుతూ ఎక్కువ ఆమ్లాలను ఉత్పత్తి చేస్తుంది.నీవు వ్యాయామం చేసేటప్పుడు దేహము ఇచ్చే హెచ్చరికలకు విలువ నివ్వాలి .అంతేగాక రోజులో కనీసం దేహమును 30 నిమిషాల సేపయినా కదుల్చనివ్వాలి.  
• చివరగా మనలో విటమిన్ D3 ఉత్పత్తికి చక్కటి గాలి సూర్యరశ్మి ఎంతో అవసరం .ఇవి మన దేహము క్రమబద్ధముగా పనిచేయడానికి ప్రధానమైనవి .

ఈ ప్రాక్టీషనర్ ఎప్పుడూ అనేక భయాలతో సతమతమవుతున్న తన స్నేహితురాలి కేసును వివరిస్తున్నారు. ఈ పేషంటుకు ఒక మానసిక వ్యాధి (అస్పెర్ సిండ్రోమ్)తో బాధపడుతున్న ఒక బిడ్డను భరించడంలో తరుచుగా కోపం కలుగుతోంది.ఈ పేషంటు జీవితంలో చాలా భాగం నిరాశ,నిస్పృహలతోనూ దీనివల్ల కలిగే అనారోగ్యం తోనూ గడిచిపోయింది.ఈమెకు క్రింది రెమిడి ఇవ్వడం జరిగింది. NM6 Calming + NM25 Shock + SM1 Removal of Entities + SM2 Divine Protection + SM3 Soul Cleansing + SM4 Stabilizing + SM5 Peace and Love Alignment + SM6 Stress + SM39 Tension…TDS. ఈ రెమిడి ని పేషంటు నెల రోజులు తీసుకోవడంతోనే ఆమె కష్టాలు,కన్నీళ్ళు గతం తాలూకు భావోద్వేగాలు దూది పింజం లా కదలిపోయాయి.వీరికి  CC12.1 Adult tonic + CC15.1 Mental and Emotional tonic…6TD ను 6 నెలలు నిమిత్తం ఇవ్వడం జరిగింది. ఈ ఆరు నెలల కాలంలో ఈమె అప్పుడప్పుడూ ప్రాక్టీషనర్ ను కలుస్తూ ఉండేవారు.వీరిరువురు ఆహారము గురించి,అలవాట్ల గురించి చర్చించుకునేవారు. పేషంటు తన జీవన విధానము మార్చుకొనడంతో అద్బుత ఫలితాలు కలగసాగాయి.ముఖ్యంగా ఆమె మానసిక స్థితిలోనూ ఆలోచన విధానంలోను ఎంతో మార్పు వచ్చింది. తను  ప్రార్ధించే దైవం తనను అన్నిరకాలుగా రక్షిస్తోందని ముఖ్యంగా తన పైన తనకు ప్రేమ ఆత్మవిశ్వాసము పెరిగాయని తెలిపారు. ఆమె తన కుమారుడిని హృదయ పూర్వకంగా ప్రేమించగలుగుతూ అతనికి నియమ బద్ధమైన ఆహారము అందించగలుగు తున్నారు. తన కుటుంబం యావత్తుకూ తాజా పళ్ళరసాలను అందిస్తూ మాంసాహారము చాలావరకూ తగ్గించారు.

ఈ కాలము లోనే ఆమె రెండవ సంతానము నిమిత్తము గర్భము దాల్చడంజరిగింది. ఆమెకు గర్భధారణ సజావుగా సాగడం కోసము    CC8.1 Female tonic + CC8.2 Pregnancy tonic + CC8.9 Morning sickness…TDS ఈ రెమిడి గర్భధారణ పూర్తికాల పర్యంతము వాడవలసినదిగా సూచించడం జరిగింది.డాక్టర్లు ఆమె ప్రస్తుత పరిస్థితిలో గర్భవిచ్చిత్తి కావడం గానీ లేదా ఈ 9 నెలలు బెడ్ రెస్ట్ కు పరిమితం కావడం గానీ జరుగుతుందని హెచ్చరించారు. కానీ ఇవేమీ లేకుండానే ఆనందంగా అనాయాసంగా గర్భధారణ చేయడం జరిగింది.  ఈమె స్వభావములో మార్పు రావడంతో తన భయాలన్నీ మటుమాయమై సుఖంగా ప్రసవించడం  జరిగింది. తన శ్రమకు ఫలితం లభించి  పేషంటు లో మార్పువచ్చినందుకు  ప్రాక్టీ షనర్ గర్వపడుతున్నారు .అందుకు తనకు ఎంతో ఆనందంగానూ సంతృప్తిగాను ఉందని తెలియజేస్తున్నారు.

ఇటీవల ఈ ప్రాక్టీషనర్ యొక్క ఒక పేషంటు తన జీవిత అలవాట్లను మార్పు చేసుకోవడం వలన ఎంతో లబ్ది పొందారు. 36 సంవత్సరాల వ్యక్తికి కడుపులో పుండు తీవ్ర స్థాయికి చేరుకుని అంబులెన్సు లో అత్యవసర చికిత్స చేయవలసిన తరుణంలో చివరి క్షణంలో డాక్టర్లు ప్రాణాపాయం నుండి కాపాడారు. ఈ సంఘటన తర్వాత పేషంటు అభ్యర్ధనపై క్రింది రెమిడి ఇవ్వడం జరిగింది.   CC4.5 Ulcers + CC4.10 Indigestion + CC15.1 Mental and Emotional tonic...TDS.  ఇతనికి ఎన్నోసార్లు నచ్చచెప్పిన మీదట అతని జీవన విధానము మార్చుకున్నారు,అంతేకాక వీరి వ్యాధికి మానసిక వత్తిడికి ప్రధాన కారణమైన పనిగంటలను కూడా తగ్గించు కున్నారు. రెండు వారాలు రెమిడి వాడగానే 20% మెరుగుదల కనిపించింది.ఇప్పటికీ వీరు రెమిడి ని TDS గానే తీసుకుంటున్నారు.సంవత్సరాల తరబడి పాతుకు పోయిన అలవాట్లు అంత త్వరగా మారడం కష్టం కనుక సాధ్య మయినంత త్వరలోనే ఆహారపు అలవాట్లను,జీవన విధానాన్ని మార్చుకునుటకు ఈ పేషంటు సుముఖంగా ఉన్నారని ప్రాక్టీషనర్ తెలియజేస్తున్నారు.  

తుది పలుకులుగా ఈ ప్రాక్టీ షనర్ ఆల్కలిన్ జీవన విధానము అనేది మనలో ఉన్న దివ్యత్వముతో సామరస్య పూర్వక సహజీవనం.మనము ఆ స్థితికి చేరుకొన్నప్పుడు మనసు దేహానికి కలిగే వ్యాధులను నిర్మూలిస్తుంది,శక్తి పెరుగుతుంది, త్వరగా వృద్ధాప్యం కలగ కుండా ఉంటుంది అంటున్నారు