Sai Vibrionics Newsletter

గర్భసంచిలో కనపడని శిశువు యొక్క ఒక మూత్రపిండము ^01339...USA

 29-సంవత్సరాల ఒక మహిళ  మే 2016 లో ఒక అబ్బాయికి జన్మనిచ్చింది.మామూలుగానే గర్భధారణ సమయం లో 20 వ వారంలో నిర్వహించే అల్ట్రాసౌండ్ లో బేబీకి ఒక్క మూత్రపిండము మాత్రమే ఉన్నట్లు డాక్టర్లు కనుగొన్నారు. కనుక డెలివరీ అయ్యే లోపు మిగిలిన సమయంలో ప్రతీ 4 వారాలకొక సారి అల్ట్రా సౌండ్ స్కానింగ్ చేయవలసిందిగా వారు అభ్యర్ధించారు. ఈవిధముగా జరిగినందుకు ఆ యువజంట చాలా నిరాశ కు లోనయ్యారు. తదుపరి నిర్వహించిన అల్ట్రా సౌండ్ స్కానింగ్ లో రెండుసార్లు కూడా అదే రిపోర్టు- కిడ్నీ కనిపించకుండా పోవడం. ఆమె భర్త ఈ విషయాన్నీ ఒక సాయి భక్తునికి చెప్పినప్పుడు వారు సాయి విబ్రియో గురించి చెప్పారు. అంతేగాక ఆ ప్రాక్టీ షనర్ యొక్క ఫోన్ నెంబరు మరియు ఎడ్రెస్ కూడా ఇచ్చారు. ఆ రోజు సాయంత్రమే భర్త చెప్పిన ఎడ్రస్ కు వెళ్లి ప్రాక్టి షనర్ను కలసి తన బాధంతా చెప్పుకున్నాడు.

ఫిబ్రవరి 24 వ తేదీన క్రింది కోమ్బో డోస్ ఇవ్వబడింది . .

CC10.1 Emergency + CC12.1 Adult tonic + CC12.2 Child tonic + CC13.1 Kidney & Bladder tonic + CC13.2 Kidney & Bladder infections + CC13.4 Kidney failure + CC13.5 Kidney stones + CC15.1 Mental & Emotional tonic…TDS 

౩ రోజుల పాటు రోజుకు ౩ సార్లు తదనంతరం రోజుకు 4 సార్లు ఇవ్వవలసిందిగా సూచింప బడింది. ఆ తరువాతరోజులలో 4వ వారం నిర్వహించిన స్కానింగ్ లో కూడా కిడ్నీ కనిపించలేదు కానీ 36వ వారం నిర్వహించిన స్కానింగ్ లో రెండవ కిడ్నీ కనిపించింది. ఆ యువజంట ఆనందానికి అవధులే లేవు. అది బాబా ప్రసాదంగా భావించి వారు బాబాకి తమ హృదయ పూర్వక కృతజ్ఞతలు తెలుపుకున్నారు. 2016 ఏప్రిల్ నెల 30 తేది న పూర్తీ ఆరోగ్యంతో ఉన్న మొగ బిడ్డకి ఆ తల్లి జన్మ నిచ్చింది.

ఈ సంఘటన గూర్చి శిశువు యొక్క తండ్రి వ్యాఖ్యానం : 
“….పుట్టబోయే శిశువులో ఒక కిడ్నీ లోపించిందనే విషయం మమ్మల్ని ఎంతగానో కృంగదదీసింది. వేరు దారి లేక స్వామికే మొరపెట్టుకున్నాము. మా ప్రార్ధన మన్నించి బాబు యొక్క లోపాన్ని సరిచేసినందుకు స్వామి కి ఎంతో కృతజ్ఞులం. మాకు దారి చూపిన ప్రాక్టి షనర్ కు కూడా హృదయపూర్వక ధన్యవాదాలు.  అలాగే స్వామి మా పట్ల ప్రదర్శించిన అవ్యాజమైన ప్రేమకు శతకోటి వందనాలు తెలియ చేసుకుంటున్నాము.."

సైనస్ ఇన్ఫెక్షన్ ^01339...USA

2016 మార్చి18వ తేదిన 68 సంవత్సరాల వృద్ధుడు తను 6 నెలలుగా సైనస్ ఇన్ఫెక్షన్ తో బాధపడుతున్నట్లు తెలిపాడు. వ్యాది నివారణ కోసం ఎన్నో మందులు వాడినప్పటికీ ప్రయోజనం కనిపించలేదు. దీనికి తోడు అప్పుడప్పుడు విపరీతముగా తలపోటువస్తుoడడం తో నిత్యకృత్యాలు చేసుకోవడం కూడా కష్టమయ్యింది. తను సంప్రదించిన విబ్రో ప్రాక్టీషనర్ క్రింది రెమెడి ఇవ్వడం జరిగింది.

CC2.3 Tumours & Growths + CC9.2 Infections acute + CC10.1 Emergencies + CC12.1 Adult tonic + CC15.1 Mental & Emotional tonic + CC19.2 Respiratory allergies + CC19.5 Sinusitis…QDS నీటిలో  

నాలుగు రోజుల తరువాత అనగా 22 మార్చ్ 2016, తేదిన ఆ పేషంటు తనకు తలపోటు, సైనస్  ఇన్ఫెక్షన్  చాలావరకు తగ్గిపోయిందని చెప్పాడు. అతను మరొక వారము  QDS వాడి తరువాత OD కి మారడం జరిగింది . చివరిగా 27 వ తేదిన  తనకు పూర్తిగా నయమయ్యిం దని చెప్పి మరియొక సమస్యకు డోస్ తీసుకోవడం జరిగింది.

కుక్క లో దీర్ఘకాలిక దగ్గు, శ్వాస కోశ ఇబ్బంది ^00462...USA

మన విబ్రియో ప్రాక్టీషనర్ తమ ఇంటి ప్రక్కన ఉన్న వారి 13 సంవత్సరాల కుక్క ఒక సంవత్సరం నుండి పొడి దగ్గు మరియు శ్వాస కోశ సమస్యతో బాధ పడుతున్నట్లు గ్రహించారు. వెటర్నరీ డాక్టర్ ఇచ్చిన మందులు ఏమీ పనిచెయ్యలేదు, సరికదా దానిని చంపేసి దాని బాధ నుండి విముక్తి చేయమని అయన సలహా ఇచ్చారు. కుక్క యజమాని సూచన పైన 2013 లో విబ్రియో ప్రాక్టీషనర్  వైద్యం ప్రారంభించారు. కుక్క యజమాని కొన్ని రోజులు వెటర్నరీ మందులను ఇవ్వడం వాయిదా వేసి క్షుణ్ణంగా కుక్కను పరీక్షింప చేసారు. కుక్క ఉపిరితిత్తులు బాగానే ఉన్నవి కానీ సెర్వికల్ గ్రంధులు బాగా ఉబ్బి ఉన్నవి,నొప్పి మాత్రం లేదు. క్రింది కొమ్బో డోస్ కుక్కకు ఇవ్వబడింది.

NM36 War + NM63 Back-up + NM95 Rescue Plus + CC19.6 Coughchronic….నీటితో రెండు రోజుల కొకసారి మార్చే విధంగా

రెండు రోజుల తర్వాత యజమాని కుక్కతో నడుస్తూ కనిపించారు. వ్యాది 100 శాతం నయమయ్యింది. వారం తర్వాత డోస్ ఆపేసి నప్పటికీ కుక్క వ్యాది పూర్తిగా తగ్గిపోయి మరో ఒకటిన్నర సంవత్సరం కాలం పాటు ప్రశాంతంగా జీవితం గడిపి నిద్రలో ప్రాణం వదిలింది. 

మూత్ర నాళ సంక్రమణ వ్యాధి ^00462...USA

2001వ సంవత్సరం ఒకనాటి రాత్రి ఎవరో ఈ ప్రాక్టీషనర్ యొక్క తలుపు తడుతున్న శబ్దం వినిపించసాగింది. తలుపు తెరిచే సరికి పక్కింటి యజమాని కొడుకు చాలా ఆందోళనగా కనిపించాడు. అతని తల్లికి చాలా తీవ్రంగా నొప్పివస్తోందన్న విషయం తెలుసుకొని వెంటనే అక్కడికి చేరుసరికి అక్కడ 45 సంవత్సరాల పెరు దేశానికి చెందిన ఒక మహిళ మూత్ర విసర్జన చేసే సమయంలో తీవ్రమైన నొప్పి మరియు బాధ అనుభవిస్తున్నట్లు చెప్పింది. భాష సమస్య వల్ల ఆమెను ఎక్కువ ప్రశ్నలు అడగలేదు కానీ ఆమె చెప్పిన దానిని బట్టి ఆమెకు మూత్రాశయ వ్యాధి అని నిర్ధారించి ఆమె ఏ మందులను వాడడం లేదని తెలుసుకొని క్రింది కొమ్బో ఇచ్చాడు. 
#1. SM33 Pain + SR260 Mag Phos + CC13.2 Kidney & Bladder infections...ప్రతీ 5 నిమిషాలకు ఒక సారి తీసుకోవలసిందిగా సూచించడం జరిగింది.

కానీ అవసరమైతే అత్యవసర వైద్యం చేయించడానికి వీలుగా ఆమెను ఆసుపత్రికి తరలించారు. ఐతే ఆమె అత్యవసర వైద్యం కోసం వేచి ఉండగానే 20 నిమిషాల్లో ఆమెకు 20 శాతం మెరుగుదల కనిపించింది. గంట కల్లా 50 శాతం వ్యాధి తగ్గినట్లు నిర్ధారణ చేసుకొంది. నొప్పి కూడా లేదు. మెల్లిగా లేచి నిలబడి నడవడానికి ప్రయత్నించింది. ఏ ఇబ్బంది లేదు. అంతేకాదు మూత్ర విసర్జన సమయము లో కూడా మునుపటి నొప్పి గానీ మంట గానీ లేవని తెలుసుకుంది. మరో అరగంట గడిచే సరికి 75 శాతం వరకు వ్యాధి తగ్గి పోయింది. ఆమెకు మెడికల్ ఇన్సురెన్స్ లేనందువల్ల డబ్బులు ఎలా కట్టాలో అని ఆందోళన చెందుతున్న నేపథ్యంలో ఇలా వ్యాధి తగ్గిపోయే సరికి ఆనందంగా నర్సుల సూచనపై ఇంటికి చేరుకొంది. మరుసటి రోజు వరకూ ప్రతీ గంటకు ఒకటి చొప్పున డోస్ తీసుకుని తర్వాత రోజుకు ౩ సార్లు  చొప్పున  డోస్ తీసుకొనసాగింది.

మూడవ రోజున ఆమెకు చాలా వరకు నయమయి నొప్పి తగ్గిపోయినందు వల్ల డోస్ను క్రింది విధంగా మార్చడం జరిగింది.

 
#2. CC13.2 Kidney & Bladder infections...TDS 

వారం రోజులలో నూరు శాతం తగ్గుదల కనిపించే సరికి ఆమె డోస్ ను రోజుకు రెండుసార్లు తీసుకోసాగింది. తరువాత ఆ కుటుంబం ఉరు వదిలి వెళ్ళిపోవడం వల్ల ప్రస్తుత స్థితి గురించి తెలియరాలేదు.

హే ఫీవర్ మరియు తలపై దురద ^02899...UK

2014మార్చి 29వ తేదీన, 31-సంవత్సరాల ఒక మహిళ హే ఫీవర్ మరియు తలపై దురద చికిత్స నిమిత్తము ప్రాక్టీషనర్ ను సంప్రదించినది. తనకు 13వ సంవత్సరము నుండి ఈ వ్యాధితో బాధ పడుతూ యాంటీ హిస్టమిన్  టాబ్లెట్లు వాడుతున్నారు. ఈ వ్యాధి వల్ల ఆమెకు దురద, కంటివెంట నీరు కారడం ఇంతేకాక కలువలున్న తావులకు వెళ్ళినప్పుడు విపరీతమైన తుమ్ములు.రావడం జరిగేది. యాంటీ హిస్టమిన్ టాబ్లెట్లు కొంత ఉపశమనం కలిగించినా 2012 నుండి జ్వరం మాత్రం చాలా తీవ్రముగా వస్తుండేది. అంతేకాకుండా 5 సంవత్సరాలకు పైగా ఆమె తల పైన దురదతో బాధ పడుతూ ఉన్నది. కారణం ఏమిటన్నది తెలియ రాలేదు. డాక్టర్ సలహా పైన ఆమె షాంపు మార్చడంతో కొంత ఉపశమనం కలిగింది కానీ బాధ మాత్రం పూర్తిగా పోలేదు. ఆమెకు క్రింది డోస్ ఇవ్వడం జరిగింది.

హే ఫీవర్ మరియు కంటి దురద,నీరు కారడం:
#1. CC7.3 Eye infections + CC10.1 Emergencies + CC12.1 Adult tonic + CC15.1 Mental & Emotional tonic + CC19.2 Respiratory allergies…TDS.

తల పైన దురద:
#2. CC15.1 Mental and Emotional tonic + CC21.3 Skin allergies…TDS.

ఒక వారం  తరవాత ఆమె తల పైన దురద పూర్తిగా తగ్గిపోయిందని చెప్పింది. ఐతే ప్రాక్టీషనర్ సలహా పైన ఆమె మరొక 3 వారాలు అదే డోస్ వాడింది. హే ఫీవర్ విషయానికొస్తే ఆమె కంటి దురదలు, నీరు కారడం 50 శాతం వరకూ నయమైనవి. అందువల్ల ఆమె  తాను తీసుకొనే ట్యాబ్ లెట్ డోస్ కూడా తగ్గించింది. జూన్ 2014  ఆమెకు నిరాశాజనకంగా ఉన్న కాలము. హే ఫీవర్ తట్టుకోలేని విధంగా రావడంతో ఆమె ఆరోగ్యము పూర్తిగా శిధిలావస్థలోకి చేరుకొంది. వాతావరణం వేడిగా పొడిగా ఉన్నప్పుడు ఆమె పరిస్థితి మరీ విషమం గా ఉండేది. అప్పుడు ఆమె మొదటి డోస్  #1 ను 20 నిమిషాల తేడాతో ఎన్ని ఎక్కువ సార్లు వీలైతే అన్నిసార్లు వేసుకోమని ప్రాక్టీ షనర్ సూచించారు. 4 వారాల తర్వాత ఆమెకు నూరు శాతం నయమయ్యి ఎంతో అనందం పొందింది. తర్వాత ఆమె సెప్టెంబర్ వరకూ రోజుకు రెండు సార్లు వేసుకోవలసింది గా సూచింప బడింది. జనవరి 2015 లో ఆమెకు తల పైన దురద తిరిగి ప్రారంభ మయ్యింది. కానీ రెండవ డోస్  #2 ను వారం రోజుల పాటు తీసుకోగానే పూర్తిగా తగ్గిపోయింది. 2015 వేసవి నుండి ఆమె మొదటి డోస్  #1 ను మధ్య మధ్య తీసుకుంటూ యాంటీ హిస్టమిన్ టాబ్లెట్లు పూర్తిగా మానివేసినది. విబ్రియో రెమెడీ తన పైన అద్భుతంగా పనిచేశాయని చెపుతూ ఇంక తనకున్న ఒకే ఒక సమస్య లిలీ పువ్వులు దగ్గర కాగానే తుమ్ములు రావడం. 2016 నుండి హే ఫీవర్ ను కంట్రోల్ లో ఉంచడానికి ఆమె ఒకటవ డోస్ #1ను రోజుకు ఒకసారి OD గా తీసుకోసాగింది. కానీ పుప్పొడి పెరిగే సీజన్లో రెండుసార్లు BD తీసుకోవలసిందిగా సూచింప బడింది. రాను రాను ఆమె కలువలకు చాలా దగ్గరగా ఉన్నా ఏ ఇబ్బంది లేని పరిస్థితి కలిగింది. మధ్యస్తంగా ఉండే రోగ లక్షణాలు బాగా వేడిగా ఉండే వేసవి రోజులలో పుప్పొడి శాతం ఎక్కువగా ఉన్నప్పుడు మాత్రమే కనిపించేవి. కనుక సెప్టెంబర్ 2016 నుండి 1 వ డోస్ పూర్తిగా మానివేసి  2017 వేసవిలో ప్రివెంటివ్ డోస్ లాగా తీసుకొనుటకు నిర్ణయించుకున్నారు. అంతేకాదు  2016, డిసెంబర్ తర్వాత తల పైన దురద తిరిగి రాలేదు.

శిశువులో నిగూఢమైన నొప్పి ^{02921...Italy}

2016 ఏప్రిల్ 16వ తేదిన ఒక తల్లి తన 8 సంవత్సరాల పాపను ప్రాక్టీషనర్ వద్దకు తీసుకొని వచ్చింది..ఆ పాప పొత్తి కడుపులోను మరియు ప్రేగులలోనూ విపరీతమైన నొప్పితో 3 నెలలు గా బాధపడుతూ ఉంది..కానీ ఆ నొప్పి రాను రానూ తలకు, వీపు వైపు, భుజాలకూ కాళ్ళకు చేతులకు వ్యాపించింది. ఆమె ఆ నొప్పి భరించలేక పెద్దలు తీసుకునే అధిక డోసుకు అలవాటుపడిపోయింది. కానీ ఆ బాధా నివారణలను వాడడంలో ఆమె పొందే ఉపశమనం కొద్ది సేపు మాత్రమే. డాక్టర్లు ఆమె బాధకు నివారణ కానీ కనీసం ఆ బాధకు కారణం ఏమిటో కూడా తెలుసుకోలేక పోయారు. వైద్య పరీక్షల ద్వారా కూడా ఆమె బాధకు కారణం ఏమిటో తెలుసుకో వడానికి సాధ్యం కాలేదు. ఆమె తల్లి చెప్పిన దానినిబట్టి పాప గతించిన కాలంలో ఎట్టి మానసిక సంబంధ వ్యాదులకు భయాందోళనల కూడా గురికాలేదు. ఈ నొప్పి ఎప్పుడయినా ఎక్కడయినా మొదలు కావచ్చు. ఈ నొప్పి కొన్ని నిమషాలు కానీ కొన్ని గంటలు కానీ ఉంటుంది. ఇప్పటికే ఆమె 2 నెలలు పాఠశాలకు వెళ్ళలేకపోయినది అంటూ ఆ తల్లి తన గోడు వెళ్ళ బోసుకున్నది. తన స్నేహితుల ద్వారా విబ్రియో గురించి తెలుసుకొని వచ్చానని చెప్పింది. ఏప్రిల్ 17వ తేదీన పాపకు క్రింది డోస్ ఇవ్వడం జరిగింది: 
CC4.6 Diarrhoea + CC12.2 Child tonic…6TD

కేవలం ఒక్క రోజులోనే పాపకు నొప్పి 75% తగ్గిపోయి తరువాత రండు రోజులూ ఆనందంగా గడిపింది. కానీ 3 వ రోజు ఆమెకు పుల్లౌట్ రావడంతో భరింపరాని నొప్పి వచ్చింది. పెయిన్ కిల్లర్స్ ఇచ్చినా ప్రయోజనం లేకపోవడంతో మందు వేసుకోవడం రెండు రోజులు ఆపారు.

5వ రోజున రోజుకు ఒక్కటి చొప్పున OD డోస్ ఇవ్వబడింది. అదే రోజు ఆమెకు 10 శాతం బాధ నివారణ ఐనట్లు అనిపించింది. వారం గడిచేసరికి పెయిన్ కిల్లర్స్ వాడడం పూర్తిగా మానేసింది. నొప్పి 75 శాతం తగ్గిపోయింది. ఐతే పాప కొంత అనీజీ గా ఉన్నప్పటికీ ప్రాక్టీషనర్ అదే డోస్ కంటిన్యూ చేయాలనీ నిశ్చయించారు. రెండు వారలు గడవగానే నొప్పి పూర్తిగా నూరు శాతం మాయమయ్యింది.  పాప మరియు ఆమె తల్లి ఆనందానికి అవధులే లేవు.

అదే డోస్ 3 వారాలు కంటిన్యూ చేసాక  3TW గా ఒక వారము 2TW గా మరొక వారము చివరగా OW  గా రెండు వారాలు వేసుకొని జూన్ 30 న ఆపివేసింది. అక్టోబర్ 2016 నాటికి ఆమెకు ఏ విధమైన నొప్పి రాలేదు.

రక్త నాళికలు గడ్డకట్టడం (డీప్ వీన్ త్రంబోసిస్ ) ^{10940...India}

2012 లో రక్త నాళికలు గడ్డకట్టే వ్యాధి తో ఒక 33  సంవత్సరాల మహిళ హాస్పిటల్లో చేరింది. వ్యాధి తగ్గినట్లు అనిపించినా 3 సంవత్సరాల తర్వాత మరల తిరగ బెట్టింది .ఆమె వైబ్రియోనిక్స్ ప్రాక్టీషనర్ ను సంప్రదించింది. ఆమెకు కుడి మోకాలి క్రింద భాగమంతా రాయిలా గట్టిగానూ, తిమ్మిరిగాను ఉంటుంది. దీనివల్ల ఆమెకు నడవడం ఇబ్బందికరంగా ఉండడమేకాక బాసిపెట్టు వేసుకొని కూర్చున్నప్పుడు చాలా బాధగా ఉంటోంది.ఆమె బోధనా వృత్తిలో ఉండడం వల్ల చాలా సమయం నిలిచి ఉండడం, మెట్లు ఎక్కుతూ ఉండడం ఆమెకు ఉన్న బాధను కాస్తా ఎక్కువ చేసింది.

2015 అక్టోబర్ 28 తేదీన క్రింది కొమ్బో ఆమెకు ఇవ్వబడింది.

CC3.1 Heart tonic + CC3.4 Heart emergencies + CC20.4 Muscles & Supportive tissue…TDS.

ఆమె డాక్టర్ ఇచ్చిన మందులను వాడడం లేదు కానీ కొన్ని ఎక్సర్సైజులు మాత్రం చేయసాగింది. 

రెండు వారాలు మందులను వాడిన తర్వాత ఆమెకు 60% నివారణ కలిగింది. కానీ  భజనల్లో కుర్చొనడం, ఎక్కువ సేపు నిలబడి పాఠాలు చెప్పడం ఇబ్బంది గానే ఉంది. ఆమె అదే మందును రోజుకు రెండు సార్లు వాడవలసినదిగా సూచింప బడింది.

మూడు వారల తర్వాత ఆమెకు 95 శాతం బాధ నివారణ అయ్యింది. ఇప్పుడామె ఎక్కువ సమయం నిలబడడం లో గానీ మెట్లు ఉపయోగించు కోవడంలో గానీ ఇబ్బంది పడడం లేదు. కనుక డోస్ ను నెల రోజుల వరకూ రోజుకు ఒక్కసారికి తగ్గించడం జరిగింది. ఆ తర్వాత ఆమె మందు తీసుకోవడం పూర్తిగా ఆపారు. 2016 డిసెంబర్ నాటికీ ఆమెకు వ్యాధి నుండి పూర్తి విముక్తి లభించింది. ఎప్పుడయినా మరీ ఎక్కువ సమయం నిలబడవలసి వస్తే కొంత ఇబ్బంది ఉంటోంది కానీ విశ్రాంతి తీసుకొంటే తగ్గిపోతుంది.  

ఆహార పరమైన మానసిక రుగ్మత ^{11567...India}

2015 మార్చ్ 20వ తేదీన 22 సంవత్సరాల యువతిని ఆమె తల్లి ప్రాక్టీషనర్ వద్దకు తీసుకు వచ్చింది. చిన్నతనము నుండీ ఈ యువతికి అన్నం తినడం అలవాటు లేదట కారణం ఏమిటంటే అన్నం తింటే ఆమె గొంతు పట్టేస్తుందట. కనుక ఆమె మూడు పూటలా స్నాక్స్ తింటూ జీవితం సాగిస్తోంది.

 ఆ యువతి తల్లి ఎందరో డాక్టర్లను సంప్రందించింది. కానీ వారందరూ ఆమెకు ఏ సమస్యా లేదు, ఆమె ఆహార నాళము కూడా చక్కగా ఉంది అని చెప్పారు. అందుచేత ఆ యువతి సమస్య మానసిక మైనదేమో అని భావించింది. తెలిసిన వారు ఇచ్చిన సలహా పైన చిన్నచిన్న ముద్దలుగా అన్నం తినాలని ప్రయత్నించింది. కానీ గొంతు పడుతుందేమో అన్న భయంతో ముద్ద ముద్ద కూ మంచి నీరు త్రాగుతూ ప్రయత్నించింది. అలా కూడాను ఎక్కువ ముద్దలు తినలేకపోయింది. హోమియోపతి మందులు వాడి చూసారు కానీ ప్రయోజనంలేదు.  

ఆ యువతికి క్రింది రెమిడి ఇచ్చారు.

CC12.1 Adult tonic + CC15.2 Psychiatric disorders + CC15.4 Eating disorders…TDS

మరుసటి దినము ప్రాక్టీషనర్కు వచ్చిన సమాచారం ప్రకారము ఒక్క గోళీ వేసుకోగానే బాగా ఆకలి అనిపించి కొద్దిగా ఆహారం తీసుకున్నదట. పది రోజుల తర్వాత ఆమె తీసుకొనే అన్నం పరిమాణం లో 25 శాతం పెరుగుదల, ఆమె తీసుకొనే నీటి పరిమాణం లో 25 శాతం తగ్గుదల కనిపించాయి. అన్నం తింటే గొంతు పట్టేస్తుదనే ఆమె భయం కూడా పూర్తిగా పోయింది. పూర్తిగా తగ్గేవరకు రెమిడి వాడేలా సలహా ఇవ్వబడింది.

సంపాదకుని వ్యాఖ్య :
ఇది చాలా అరుదయిన విషయం. ఇది అంతః చేతన లో ఏర్పడిన సమస్య కావచ్చు. బహుశా పసితనం లో తగిన వయసు రాకుండానే తల్లి పాలు మాన్పించినందువల్ల ఈ సమస్య ఏర్పడి ఉండవచ్చు.

ఆహార రుగ్మతలు ^{11577...India}

ఒక 60సంవత్సరాల మహిళ హటాత్తుగా ఆహారం పైన విరక్తి పెంచుకొని అన్నం, నీరు తీసుకోవడం మానేసింది. 3 రోజుల తర్వాత ఆమెను అత్యంత బలహీన స్థితిలో హాస్పిటల్లో ఎడ్మిట్ చేసారు. ఎన్ని టెస్టులు చేసినప్పటికీ రోగమేమిటో అంతు చిక్కలేదు. కొన్ని మందులు రాసిచ్చి ద్రవ పదార్దాలు, తేలికగా జీర్ణమయ్యే ఆహారం తీసుకోమని చెప్పారు. కానీ ఆమె బాగా విరక్తిచెంది ఉండడంతో కనీసము మందులు తీసుకోవడానికి కూడా నిరాకరించారు. కుటుంబ సభ్యుల బలవంతం మీద కేవలం కొద్దిగా నీరు మాత్రమే తీసుకుంటున్నది. రెండు రోజుల తర్వాత ఆమెను డిశ్చార్జ్ చేసారు, ఆమె కుటుంబ సభ్యులకు ఇక ఆమె పైన ఆశలన్నీ వదులుకున్న నిస్సహాయ స్థితి లో సాయి వైబ్రియోనిక్స్ ప్రాక్టీషనర్ ను సంప్రదించారు. ఆమె కూడా ఈ రెమిడి వాడడానికి ఒప్పుకోవడంతో  8 ఏప్రిల్ 2016 న, క్రింది కొమ్బో ఇచ్చారు:
CC12.1 Adult tonic + CC15.4 Eating disorders...QDS నీటితో

కేవలం రెండు రోజులలోనే ఆమెలో మార్పు వచ్చి కొద్దిగా ఆహారం, నీరు తీసుకోవడం ప్రారంభించింది. వారం తర్వాత ఆమె అందరిలాగే ఆహారం నీరు తీసుకోవడమే కాదు మాట్లాడడం, నడవడం కూడా చేయసాగింది. ఏప్రిల్ నెలాఖరుకు ఆమెలో నూరు శాతం మార్పు వచ్చేసింది. రెండు వారల పాటు QDS గానూ అనంతరం రెండు వారల పాటు BD గానూ డోస్ ఇవ్వబడింది. 2016,డిసెంబర్ నాటికీ ఆమె జబ్బు పూర్తిగా మటుమాయమయ్యింది.

పార్శ్వపు నొప్పి, నిద్ర లేమి సమస్య ^{03516...Canada}

ఒక 40 సంవత్సరాల మహిళ 2015 మార్చ్ 10వ తేదిన వైబ్రియోనిక్స్ ప్రాక్టీషనర్ ను సంప్రదించి తనకు 3 సంవత్సరములుగా తీవ్రమైన పార్శ్వపు నొప్పి, నిద్రలేమి సమస్య ఉందని చెప్పారు. ఆమె పార్శ్వపు నొప్పి తీవ్రమైన తలపోటు వికారంతో వస్తోందని ఇది ఉదయం లేచిన దగ్గర నుండి సాయంత్రం పడుకొనే వరకు ఉంటోందని చెప్పింది. దీన్ని తట్టుకోలేక పగలు అప్పుడప్పుడు కాస్త విశ్రాంతి  తీసుకుంటూ ఉంటాననీ అలా చేయలేకపోతే కళ్ళు తెరవలేను, పని పైన మనస్సు నిలపలేనని చెప్పింది. ఆమె హోమియో పతి మందులు ప్రయత్నించారు కానీ ప్రయోజనం లేదు. అల్లోపతి డాక్టర్ ఆమె వ్యాధికి కారణం కనుగొనలేక పోవడంతో ఏ మందులు ఇవ్వలేదు. నిద్రలేమి కి మందులు వాడడం లేదు కానీ పార్శ్వపు నొప్పి తట్టుకోలేక ఆమె చాలా అధిక డోస్ పెయిన్ కిల్లర్ లను వాడుతున్నారు. ఇటువంటి నిస్సహాయ స్థితిలో ఆమె ప్రాక్టిషనర్ ను సంప్రదించారు.

ఆమెకు ఇవ్వబడిన కొంబో  

పార్శ్వపు నొప్పికి:
#1.  CC11.3 Headaches + CC11.4 Migraines + CC12.1 Adult tonic + CC15.2 Psychiatric disorders + CC17.3 Brain & Memory tonic + CC18.1 Brain disabilities...TDS

నిద్రలేమి వ్యాధికి:
#2.  CC15.6 Sleep disorders...2 doses before bedtime, 1 hour apart. 

నెల రోజులు వాడిన తర్వాత ఆమె పార్శ్వపు నొప్పిలో 10%తగ్గుదల, నిద్ర పోవడంలో 20% పెరుగుదల కనిపించింది. మే 2015 నాటికీ అనగా రెండు నెలలు గడిచేసరికి 50% మెరుగుదల కనిపించింది. ఆగస్టు నాటికి 90% మెరుగుదల కనిపించే సరికి  #1 ను  OD గానూ  #2 ను పాత డోస్ ప్రకారముగానూ తీసుకోసాగారు. పెయిన్ కిల్లర్ వేసుకోవడం పూర్తిగా మానేసారు.

మార్చ్ 2016 నాటికి మెరుగుదల 90 శాతమే ఉన్నా పార్శ్వపు నొప్పి వారానికి 2 లేదా 3 సార్లు మాత్రమే వస్తుండడంతో నొప్పికి  #1 ఎక్స్ట్రా డోస్ గా తీసుకోసాగారు. చివరి రిఫిల్ సీసాలు ఇచ్చేనాటికి ఆమె ఎంతో ఆనందంగా కనిపించారు. ప్రాక్టీషనర్ ఆమెను మంచి ఆహారము, తీసుకుంటూ చక్కని జీవన శైలిని కలిగి ఉండమని సలహా ఇచ్చారు. సెప్టెంబర్లో ఆమె తన బాబును తీసుకోని వచ్చినప్పుడు తనకు ఏ రుగ్మతలు లేవని చెప్పారు. డిసెంబర్ 2016 నాటికి తిరిగి ఆ వ్యాధులు తలెత్త లేదని చెప్పారు.

దీర్ఘకాలిక తెల్లబట్ట వ్యాధి ^{11578...India}

ఒక 40 సంవత్సరాల మహిళ గత 20 సంవత్సరాలుగా ప్రతీ  రోజు అయ్యే తెల్లబట్ట వ్యాధితో బాధపడుతున్నారు. ఈ వ్యాధికి కారణ మేమిటో ఆమెకు తెలియలేదు మందులు కూడా ఆమె వాడలేదు. కానీ పరిస్థితి రాను రానూ చాలా ఇబ్బందికరంగా ఉండడంతో ఆమె వైబ్రియోనిక్స్ ప్రాక్టీషనర్ ను సంప్రదించి 2016 ఏప్రిల్ 11న క్రింది డోస్ తీసుకొన్నారు.

CC8.1 Female tonic + CC8.5 Vagina & Cervix + CC8.6 Menopause + CC12.1 Adult tonic + CC15.1 Mental & Emotional tonic...QDS 

రెండు వారాల్లోనే ఆమెకు 75%, నెల రోజులలో 100%వ్యాధి నయం అయ్యింది. మరో నెల రోజుల పాటు డోస్ ను  BDగా తీసుకోని తర్వాత పూర్తిగా మానేశారు. తర్వాత ఆమె తన కీళ్ళనొప్పులు, రక్తహీనత వ్యాధులకు కొంబో తీసుకున్నారు. చివరి సారి కలిసినప్పుడు గత 7 నెలలు గా తనకు ఏ వ్యాధి లేదని తెల్లబట్ట వ్యాధి పూర్తిగా మాయమయ్యిందని చెప్పారు.

సంపాదకుని వ్యాఖ్య :
దీర్ఘకాలికమైన వ్యాదులన్నింటికి నిర్ణీతమైన పధ్ధతి లో డోస్ తగ్గించుకుంటూ రావాలి. ప్రస్తుత సమస్య 20 ఏళ్ల నాటిది కనుక క్రమంగా ఎక్కువ కాలం పాటు డోస్ తగ్గించు కొంటూ వచ్చి OWగా దానిని పరిసమాప్తి చెయ్యాలి.

అభ్యాసకుల ప్రొఫైల్ ^01339...USA

ప్రాక్టీ షనర్  ^01339...USA     మార్కెటింగ్ మరియు సేల్స్ విభాగంలో వైస్ ప్రెసిడెంట్ గా అమెరికాలోని ఒక ప్రఖ్యాత ఆరోగ్య భీమా సంస్థలో పనిచేయుచున్న ఈమె  2006 లో దాని నుండి వైదోలగింది. కారణం ఆమె పని చేయుచున్న కంపెనీ మేనేజ్ మెంట్, ఆరోగ్య భీమా సంస్థలు, ఫార్మాసుటికల్ కంపెనీలు లాభార్జన దృష్టి తో వ్యాపారం చేస్తున్నాయి కానీ పేద పేషంట్ల సంక్షేమం కోసం కృషి చేయడం లేదు. ఇది చాలా అధర్మం అని ఆమెకు తోచింది. కాలం గడుస్తున్న కొద్దీ ఆమె చేస్తున్న పనికి  ఆమె యొక్క ఆధ్యాత్మిక జీవితమునకు పొత్తు కుదరదు అని ఆమెకు తోచింది. అంతేకాక అనారోగ్యముగా ఉన్న పేషంట్లకు సేవ చేయుటకు కంపెనీ వారు నిరాకరించడంతో ఆమె వెంటనే వైదొలగింది. అప్పటినుండి ఆమె వైబ్రియో పేషంట్ల కోసం విస్తృతంగా పనిచెయ్యడం ప్రారంభించింది. గత 10 సంవత్సరములుగా ఆమె ఉంటున్న ప్రాంతంలోని ఒక ఉచిత ధార్మిక స్వచ్చంద సంస్థ లో వాలంటీర్ గా పనిచేస్తోంది. ఇదేకాక  ఆమె తన దేశంలోనూ అంతర్జాతీయముగా కూడా కొన్ని స్వచ్చంద సంస్థలు నెలకొల్పింది.

1999 లో ఆమె మొదటిసారి భగవాన్ బాబా వారిని చూడడానికి ప్రశాంతి నిలయం వచ్చినప్పుడు నిలయం లోని రూమ్మేట్ ద్వారా సాయి వైబ్రియోనిక్స్ గురించి తెలుసుకున్నారు. ఒక సాయంకాలపు వేళ డాక్టర్ అగ్గర్వాల్ గారిని కలుసుకొన్నది. వారు ఆమె విబ్రియో ట్రైనింగ్ తీసుకొనడానికి అంగీకరించారు. కొన్ని రోజుల తర్వాత ఆమె SRHVP కార్డులూ, విబ్రియో గోళీలు, రెమిడి సీసాలు మరెన్నో ఆశలతో సేవా లక్ష్యంతో ప్రశాంతి నిలయం విడిచి తమ ఊరు  చేరుకున్నారు. ఎక్కడయినా ఎప్పుడయినా సేవ ఉన్నదని తెలిస్తే చాలు ఆనందంగా ఆ సేవలో పాల్గొంటారు.                                               ప్రశాంతి నిలయం వచ్చిన ఈ ట్రిప్ లోనే ఆమె బాబాతో ఎన్నోసార్లు ఆంతరంగిక సంభాషణల భాగ్యం పొందారు. మొదటి ఇంటర్వూలో బాబా ఆమెకు కొత్త ఉద్యోగం ప్రసాదిస్తానని చెప్పారు. ఆమె ఆశ్చర్యంతో స్వామీ 3 నెలల క్రితమే నేను కొత్త జాబ్ లో జాయినయ్యాను కదా అన్నారు. అప్పుడు స్వామి నాకు తెలుసు కానీ నేనిచ్చే జాబ్  నీకు ఎంతో సేవా భాగ్యాన్ని సంతృప్తిని అందిస్తుంది అని చెప్పారు. ఆ మాటలు అక్షరాలా నిజమయ్యాయి. 2009, ఈమె ఆశ్రమానికి వచ్చి అగ్గర్వాల్ సార్ను కలిశారు. బాబా వారి ద్వారా ఆశీస్సులు పొందిన 108CC బాక్స్ గురించి తెలపగానే ఆమె దానిని ఉపయోగించడంలో ట్రైనింగ్  తీసుకున్నారు. శిక్షణ ముగించుకొని కోమ్బో బాక్స్ తో ఇంటికి చేరారు.

కొన్ని నెలల తర్వాత అమెరికాలో జరిగిన రిట్రీట్ కు హాజరయ్యారు. అక్కడ జరిగిన మెడికల్ క్యాంప్ లో వైబ్రియోనిక్స్ గురించి అవగాహన కల్పించాలనే ఉద్దేశ్యం తో అందులో పాల్గొన్నారు.ఆశ్చర్యకరంగా మొదటి రోజు ఆమె 25 మంది పేషంట్లకు వైద్యం చేసారు. ఆ తర్వాత ఆమె పరిస్థితి ముందు నుయ్యి, వెనుక గొయ్యి లాగా మారిపోయింది. ఆమె వద్ద పేషంట్లకు ఇవ్వడానికి సరిపడా రెమెడీ బాటిల్స్ లేవు. 9 మాత్రమే ఉన్నాయి. ఇంటికి వెళ్లి తెచ్చుకొనే పరిస్థితి లేదు. స్వామిని ప్రార్ధించి క్యాంప్ లో కూర్చుని వైద్యం ప్రారంభించారు. ఒకరి తర్వాత ఒకరు పేషంట్లు వస్తూనే ఉన్నారు. క్యాంప్ పూర్తి అయ్యే సమయానికి ఆమె 29 మంది పేషంట్లకు వైద్యం చేసారు. అందరికీ రెమిడి బాటిల్స్ సరిపోయాయి. 9 ఆమె తెచ్చుకున్నవి. 20 బాబా సృష్టించినవి ఎంత ఆశ్చర్యం?  ఆ విధంగా రెండు రోజులలో ఆమె 54 మంది పేషంట్లను, బాబావారి లీలనూ  చూసారు.  బాబా వైబ్రియోనిక్స్ పట్ల ఎంత మక్కువ తో ఉన్నారో అర్ధ మై మరింత ప్రేమతో, నమ్మకం తో పేషంట్లకు సేవలందించే బాబా వారి ఉపకరణం గా మారారు. వైబ్రియోనిక్స్ ను వ్యాప్తి చేయడమే లక్ష్యంగా పెట్టుకొన్నారు. ఎంతో మంది ఆమె వద్దకు వైద్యం కోసం రాసాగారు. పేషంట్ల పట్ల ఆమె చూపే వాత్సల్య, ప్రేమాభిమానాలకు, పిల్లల వైద్య నిపుణులయిన ఆమె భర్త ముగ్ధులై తన పంధాను కూడా మార్చు కున్నారు.

ఆమె ఉండే ప్రాంతము జనాభా శాతం తక్కువగానూ, దూర దూరంగానూ ఉండే ప్రాంతం కనుక ఆమె తన ప్రాక్టీస్ కోసం ఎక్కువగా  ఫోన్లు, ఈ మెఇల్, స్కైప్ పైన ఆధార పడ్డారు. ఆమె ద్వారా వ్యాది నివృత్తి పొందిన పేషంట్లు వారి అనందాన్ని కుటుంబీకులకు, స్నేహితులకు, పంచడంతో కొత్త పేషంట్లకు కొదవ ఉండేది కాదు.

ఈ ప్రాక్టీషనర్ ప్రశాంతి నిలయం సందర్శించినప్పుడల్లా డాక్టర్ అగ్గర్వాల్ గారు కంప్యూటర్ వద్ద ఎంతో సమయం వెచ్చిస్తూ  వివిధ ప్రాంతాలు నుండి వచ్చిన ఈమెయిల్ లకు సమాధానం పంపడం, ఒకేప్రశ్నకు అనేకసార్లు  అనేకమందికి సమాధానం పంపడం ఇదంతా కష్టంతో కూడుకున్న, సమయాన్ని హరించే విధానము అని భావించి ‘సార్ మీరు ఈ వెబ్సైటు ను అప్డేట్ చేసి పదే పదే అడిగే ప్రశ్నలకు సమాధానాలు, కొంగ్రొత్త పోకడలు, ప్రాక్టీషనర్ లకు సూచనలు ఇవన్నీ చేర్చడం వల్ల మీకు సమయం కలసి వస్తుంది, ఎంతో మంది ప్రాక్టీషనర్ లకు ఉపయుక్తంగా కూడా ఉంటుంది అని చెప్పారు. వెంటనే అగ్గర్వాల్ సార్ బాగుంది అదేదో నీవే చేయరాదా అన్నారుట. నేనా నాకసలు కంప్యూ టర్ పరిజ్ఞానమే లేదు అని ఈమె చెప్పారట. వెంటనే అగ్గర్వాల్ సార్ లేదు లేదు నీవు చేయగలవు స్వామి నీకు సహాయ పడతారు అన్నారట. ఆ విధంగా స్వామి పంపిన సాఫ్ట్ వేర్ నిపుణుల సహాయంతో 2009 గురుపూర్ణిమ నాటికీ  www.vibrionics.org ను ప్రారంభించడం జరిగింది. ఆమె టేబుల్ పైన ఇప్పటికీ ఒక స్వామి సూక్తి రాసి ఉంటుంది ²ఎంత పెద్ద పని ఐనా ఫరవాలేదు నీవు చేయగలవు స్వామి నీకు ఎల్లవేళలా సహాయ పడతారు” (2007 మార్చ్ సత్యసాయి స్పీచ్ ).

వైబ్రియోనిక్స్ తన సేవా పరిధి ని విస్తృత పరుస్తూ ప్రాక్టీషనర్ లతో మరింత వేగవంతంగా సమాచార సంబంధాలు కొనసాగిస్తూ ముందుకు దూసుకుపోసాగింది. ఆ విధంగా జూలై 2010 నాటికీ ఈ ప్రాక్టీషనర్ డాక్టర్ అగ్గర్వాల్ సార్ తో కలసి ఒక క్రొత్త ప్రాజెక్ట్ ‘‘ సాయి వై బ్రియోనిక్స్ వార్తా లేఖలు’’ప్రారంభించి రెండు నెలలలోనే మొదటిసారిగా వార్తా లేఖను రూపొందించి 2010 సెప్టెంబర్ 17 న డాక్టర్ అగ్గర్వాల్ గారిచే స్వామికి బహూకరించబడింది .స్వామి ప్రతీ పేజీని నిశితంగా పరిశీలించి ఆశీస్సులు అందించి ఆ లేఖను తమ వద్దే ఉంచుకున్నారు. ఇప్పుడు వార్తా లేఖ అనేది అనేకమంది కార్యకర్తలు, ప్రాక్టీషనర్ లు, అనువాదకులు, లేఖకులు, సమీక్షకుల సేవకు, ప్రేమకు గీటురాయి. ఇది వైబ్రియోనిక్స్ కుటుంబ సభ్యులను ఒక్క తాటి మీదకు తెచ్చి తమ భావాలూ అనుభవాలు, ప్రశ్నోత్తరాలు, రోగ చరిత్రలూ, ప్రాక్టీషనర్ల  ప్రేరణ కలిగించే ఆంతరంగిక సమీక్షలు, అన్నింటి సమాహారంగా విశ్వ వ్యాప్తమయ్యింది.

అమెరికాలోని హార్ట్ ఫోర్డ్ CT లో  22 మందితో మొదటి వర్క్ షాప్ 2012 అక్టోబర్ లో ఈ ప్రాక్టీషనర్ ఆధ్వర్యంలో ప్రారంభమయ్యింది. డాక్టర్ అగ్గర్వాల్ మరియు శ్రీమతి అగ్గర్వాల్ ట్రైనీలుగా వ్యవహరించారు. ఈ వర్క్ షాప్ అనంతరం ఈమె అమెరికా, కెనడా దేశాలకు ట్రైనర్ మరియు కోఆర్డినేటర్ గా నియమింపబడ్డారు. 2013 నుండి ఈమె ఎంపిక ఐన విద్యార్ధులకు ఈ-కోర్స్ నిర్వహించడం, 3 రోజుల AVP వర్క్ షాప్ నిర్వహించడం వంటివి ఇతర టెక్నిషియన్లు,వాలంటీర్లు  సహాయంతో నిర్వహిస్తున్నారు. నెలకొకసారి ప్రాక్టీ షనర్ల ఉపయోగార్ధము సంబంధిత అంశాల పైన కాన్ఫెరెన్స్ లు కూడా నిర్వహిస్తున్నారు. అంతేకాకుండా ఈమె ఇతర సీనియర్ ప్రాక్టీషనర్ ల సహాయంతో హాస్పిటల్లో ఉండి విబ్రో సేవలు అందుకోలేని పేషంట్ల నిమిత్తం  AVPలు/VP లకు ఉప యోగకరంగా ఉండే విధంగా 2016 గురు పూర్ణిమ రోజున ప్రసార మాధ్యమాన్ని ప్రారంభించారు.

1999 లో స్వామి చెప్పిన రీతిగా వైబ్రియోనిక్స్ సేవ ఈమెకు అపరిమితముగా ఆనందాన్ని అందిస్తోంది. ఆధ్యాత్మికత లో కూడా ఆమెలో ఎంతో పరివర్తన వచ్చింది. “ నా హృదయం  వైబ్రియోనిక్స్ ద్వారా విద్యార్ధులకు, రోగులకు, సేవలందించుట  ద్వారా దయ ప్రేమ కరుణ లతో నిండిపోయింది. ఎవరు బాధ పడుతూ ఉన్నా, వైబ్రియోనిక్స్ సేవల కోసం ఎవరు ఎదురు చూస్తున్నా వారిపట్ల నాకు తెలియకుండానే ఒక ప్రేమ ప్రవాహం ప్రసరిస్తోంది. నన్నుఈ విధంగా మార్చి ఒక ఉత్తమమైన ఉపకరణం గా మార్చుకున్నందుకు స్వామికి ఎంతో కృతజ్ఞురాలిని ’’ అంటున్నారీమె. నిజంగా ఇది హృదయాన్ని తాకే గాధ అని చెప్పడంలో అతిశయోక్తి లేదు.

అభ్యాసకుల ప్రొఫైల్ ^00462...USA

ప్రాక్టీ షనర్  ^00462…USA  ఈ ప్రాక్టీ షనర్ 1978 లో బెంగుళూరులో ఉన్నప్పుడు హోమియోపతి గురించి మొదట సారి తెలుసుకున్నారు. ఒక వర్క్ షాప్ జరుగుతూ ఉంటే స్వామి నారాయణి మరియు స్వామి ఆనందలను కలుసుకునే భాగ్యం వీరికి కలిగింది. ఈ దంపతులు నారాయణి మిక్స్చర్ అనబడే అనేక హొమియోపతీ మిశ్రమాలను తయారుచేసి రోగులకు ఇచ్చేవారు. వెటర్నరీ డాక్టర్ గా పనిచేస్తున్న ప్రాక్టీ షనర్ కొన్నిప్రత్యేక మైన వ్యాధులకు తమ విభాగంలో మందులు లేకపోవడంతో నారాయణి హీలింగ్ విధానము గురించి నేర్చుకోవాలని భావించారు. ఆకర్షనీయమైన ఫలితాలతో చక్కని వైద్యంతో ముందుకు వెళుతున్న నారాయణి సిస్టం బెంగుళూరు విభాగంలో వీరు వాలంటీర్ గా పేరు నమోదు చేయించుకున్నారు. ఈ క్లినిక్ లు వారానికి రెండు సార్లు సాయంత్రం 5 గంటల నుండి ప్రారంభ మై ఎంత సమయమైనా సరే చిట్ట చివరి పేషంట్ ను చూసే వరకు ( సుమారు  200-400 వరకు పేషంట్లను ) ప్రేమ అంకిత భావంతో కొనసాగుతాయి.

ఈ ప్రాక్టీ షనర్ తన గతించిన అనుభవాలను గుర్తుకు తెచ్చుకుంటూ ఒక సినియర్ ప్రాక్టీ షనర్  ఐన సాయిభక్తుడు తన పేషంట్లను చూసే సేవ చేసే తీరు వారి వ్యక్తిత్వము, తనను చాలా ప్రభావవంతం చేసాయని చెప్పారు. పేషంట్లు ఏ కులమైనా, ఏ మతమైనా, ధనికులైనా, పేదలైనా మనం వారిపట్ల ఒకే విధమైన ప్రేమను చూపించాలని తెలుసుకున్నారు. ఆ సాయిభక్తుని ప్రభావం వల్ల తన వైఖరిలో ఎంతో మార్పు వచ్చిందని ప్రాక్టీ షనర్ చెపుతున్నారు. 1986 లోఅమెరికా వెళ్ళిన తర్వాత ఇక్కడ నేర్చుకున్న విషయములను అమెరికాలో ఉన్న జంతువుల పునరావాస కేంద్రంలో, సేవ చేయడం ద్వారా ఆచరణలో పెట్టారు.

ఎన్నో సంవత్సరాల సేవా అనుభవంతో ఈ ప్రాక్టీ షనర్ జీవితంలోని ఎన్నో జటిలమైన సమస్యలకు పరిష్కారాలు మనం ఉహించని రీతిలో చాలా సరళంగా ఉంటాయని తెలుసుకున్నారు. తనకున్న అపారమైన పుస్తక పరిజ్ఞానము, రోగులతో వారి రోగాలతో ఉన్న అనుభవము, కొన్ని సామాన్య వ్యాధులకు, ఋతు సంబంధమైన వ్యాదులకు సులువైన రెమిడి లను కనుగొనేందుకు పురిగొల్పింది. ముఖ్యంగా అలెర్జీ , వృద్ధాప్య కీళ్ళ వాతము, గాయాలు, సామాన్య జ్వరము వంటి వాటిలో వీరు చక్కని ఫలితాలు సాధించారు. వీరు ప్రస్తుతం పనిచేస్తున్న టెక్సాస్ ప్రాంతంలో పుప్పొడికి సంబంధించి ఎలెర్జీలను నయం చేయడానికి వీరు కనుగొన్న వైబ్రియోనిక్స్ మరియు హోమియోపతి కాంబినేషన్ తో వీరు కనుగొన్న రెమెడీ, Allergen Zone 5 కన్నా బాగా పనిచేస్తున్నట్లు కనుగొనబడింది. వీరు ప్రతీ పేషంట్ ను జాగ్రత్తగా పరిశీలించి సామన్యంగా వచ్చే ఎలెర్జీలు  దీర్ఘకాలికమైనశ్వాశ సంబంధిత వ్యాధులుగా మారకుండా ఉండుటకు చాలా జాగ్రత్త వహిస్తారు. ఎలెర్జీ పైన వీరి విజయాలు అనేక నివేదికల రూపంలో పబ్లిష్ అయ్యాయి.

కేన్సర్ మరియు సోరియాసిస్ పైన వీరు అనేకమంది రోగుల చరిత్రలు, కేస్ హిస్టరీ లు మెడికల్ రిపోర్టులు, ప్రోగు చేయడం ద్వారా ఈ వ్యాధుల పైన పరిశోధనకు వీరెంతో కృషి చేసారు. ఇటీవల జరిగిన ఒక కాన్సెర్ వ్యాధి నివారణ గురించిన వివరాలను వీరు మనతో పంచుకోవాలని భావిస్తున్నారు. వీరితో పాటు జంతు పునరావాస కేంద్రంలో సహపాటి గా పనిచేస్తున్న ఒక మహిళకు చాతీ భాగంలో కుడి వైపు కేన్సర్ ఉన్నట్లు తెలుసుకున్నారు. అది చర్మం పై భాగాన గడ్డ రూపంలో ఏర్పడి ఉంది. ఆమెకు మెడికల్ ఇన్సురెన్సు లేనందువల్ల ఏ డాక్టర్ను సంప్రదించలేదు. ఈ ప్రాక్టీ షనర్  పునరావాస కేంద్రంలో ఎన్నో జంతువులకు వ్యాధులను నయం చేసినందువల్ల ఈమె ప్రాక్టిషనర్ను తన వ్యాధి గురించి సంప్రదించారు. ప్రాక్టీషనర్ ఆమెకు కేన్సర్ సంబంధితమైన రెమిడితో పాటు మానసిక భయాందోళనలు లేకుండా ఉండటానికి మెంటల్ అండ్ ఎమోషనల్ టానిక్ కూడా ఇచ్చారు.  

      ప్రాక్టీ షనర్ ట్రీట్మెంట్ ప్రారంభించిన కొద్ది కాలంలోనే ఈమె ఒక మెడికేర్ ప్లాన్ క్రింద ఒక కేన్సర్ వైద్య నిపుణుడికి చూపించు కున్నారు. వారిచ్చిన సలహా మేరకు పూర్తి శరీరమునకు సంబంధించి తీ యించుకొన్న స్కానింగ్ లో రొమ్ము పైన ఒకటి చంకలలో 3 గడ్డలు ఉన్నట్లు తెలిసింది. ఆమె వీటికి ఖిమో థెరపీ చేయించుకోవలసి వచ్చింది. ఐతే ఆమె వై బ్రియోనిక్స్ మందులు కూడా వాడసాగారు. ఐతే ఖిమోథెరపీలో వచ్చే తలతిప్పుడు వంటి సైడ్ ఎఫెక్ట్స్ పట్ల జాగ్రత్త పడవలసిందిగా సలహా ఇవ్వబడింది. రెండు నెలల తర్వాత చేయించుకొన్న పరీక్షలు ఆమెకు ఎట్టి కేన్సర్ గడ్డలు లేవని ధ్రువపరిచాయి. ప్రస్తుతం ఆమె రెండు థెరపీలు వాడుతూ వ్యాధి నుండి పూర్తిగా విముక్తురాలయ్యారు

       ఈ ప్రాక్టీ షనర్ తన విజయాలకు కారణాలుగా 3 లక్షణాలు గురించి చెపుతున్నారు. 1) దివ్య మార్గదర్శకత్వమునకు సంపూర్ణ శరణాగతి 2) వైద్య విధానం పట్ల అచంచల విశ్వాసం 3)  లక్ష్య సాధనలో పవిత్రత. వీరు తమ అనుభవంలో గమనించినదేమంటే ఒక్కొక్కసారి ఏమరుపాటుగా నిర్దేశిత కార్డు బదులు వేరే కార్డు SRHVP మిషన్ నుండి తీసినా అది కరెక్ట్ కార్డుగా మారిపోయి సత్ఫలితాన్ని ఇస్తోంది. ప్రాక్టీ షనర్ గమనించిందేమిటంటే రోజువారీ గడబిడ మొదలు కాకముందే ఉదయమే రెమిడి ఇవ్వడం సత్ఫలితాన్ని ఇచ్చేది. ఒక జర్నల్ ను ప్రతీ రోజు వ్రాసుకోవడం అప్డేట్ చేయడం పరిశోదనాత్మకంగా కానీ మోనిటరింగ్ నిమిత్తం గానీ బాగా ఉపయోగ పడ్డట్లు కనుగొన్నారు. ఇంకా ధ్యానం కూడా సరైన నిర్ణయం తీసుకోవడానికి ఉపయోగ పడ్డట్లు గమనించారు. పేషంట్లకు  ప్రేమతో ఏమీ ఆశించకుండా సేవ చేసినప్పుడు వారు చూపే ఆప్యాయత, అనురాగాలు తనకు ఎంతో ప్రేరణను మరెంతో సంతృప్తి నిచ్చేవని తెలుపుతున్నారు. నిజంగా సాయి వైబ్రియోనిక్స్ ఇచ్చే పలితం అనపేక్షితమైనది .