Sai Vibrionics Newsletter

శ్వాశ కోశ ఎలెర్జీ, మోకాలి నొప్పి, ఋతు నొప్పి, & అలసట ^{11648...India}

BMI (బాడీ మాస్ ఇండెక్స్) 33 గా ఉన్న 37 ఏళ్ల వయసు గల మహిళకు అనేక ఆరోగ్య సమస్యలు ఉన్నాయి. 1998లో ఆమె రజస్వల ఐనప్పటినుండి ఆమె మూడు రోజుల బహిష్టు సమయంలో ప్రతీనెలా పొత్తికడుపు మరియు రొమ్ములలో తీవ్రమైన నొప్పిని అనుభవిస్తూ ఉన్నారు. హోమియోపతిక్ మాత్రలు ఉపశమనాన్ని అందించినప్పటికీ ఒక మోతాదు తీసుకోక పోయినట్లయితే తీవ్రమైన నొప్పి తిరిగి వచ్చేది.

2013లో ఆమె తండ్రి మరణించిన వెంటనే ఆమె దగ్గు, జ్వరం, బలహీనత, మరియు గొంతులో కపంతో బాధపడేవారు. జ్వరం తగ్గి పోయి దగ్గు 2 నుండి 3 మూడు నెలల్లో తగ్గింది కానీ కఫం మాత్రం కొనసాగింది. 2014 ఏప్రిల్ నుండి ఆమెకు ఎడమ కన్ను మరియు ఎడమ నాసికా రంద్రం నుండి నీరు కారడం, స్వల్పంగా తలనొప్పి, నాసికలో అవరోధం వలన ఊపిరి తీసుకోవడంలో ఇబ్బంది, ప్రారంభమైంది. ఈ విధంగా 4 నుండి 5 రోజులు పాటు మందులు వాడడంతో తగ్గిపోతూ నెలకు మూడు సార్లు పునరావృతం అవుతూ ఉండేవి. తరచుగా వరుసగా రెండు రోజులు తలస్నానం చేయడం ద్వారా ప్రేరేపింపబడేవి. ఆమె హోమియోపతి నివారణలు తీసుకుంటున్నారు కానీ ఉపశమనం లభించనప్పుడు అల్లోపతి వైపు మొగ్గుచూపుతూ ఉండేవారు.

2020 జులై లో కోవిడ్ పాజిటివ్ గా పరీక్షింపబడి హై డోస్ స్టెరాయిడ్లతో చికిత్స పొందారు, ఫలితంగా ఆమె నిరంతరం అలసిపోతూ ఉండేవారు. 2021 డిసెంబర్ నుంచి ఆమె రోజుకు 3 నుండి 4 సార్లు విరోచనానికి వెళ్లాలనిపిస్తూ ఉండడంతో కోవిడ్ వ్యాక్సిన్ యొక్క రెండవ డోస్ దీనికి కారణమని భావించారు.

2022 సెప్టెంబర్ లో బైక్ పై నుండి పడిపోకుండా తనను తాను నిరోధించుకొనే ప్రయత్నంలో ఆమె ఎడమ పాదం బెణికింది కానీ చివరికి అది నయమైంది. అయితే ఆమె ఎడమ మోకాలు మరియు చీలమండలో నొప్పి మరియు వాపు ఏర్పడి అక్టోబర్ చివరి నాటికి పరిస్థితి మరింత దిగజారింది. మూడు రోజులకు ఒకసారి నొప్పి తీవ్రంగా ఉండడంతో ఆమె సూచింపబడిన నొప్పి నివారణ మందులతో పాటు కాల్షియం మాత్రలు మరియు విటమిన్ డి సప్లిమెంట్లను తీసుకుంటూ ఉండేవారు. ఈ విధంగా మందులు మరియు తగినంత విశ్రాంతి తీసుకుంటున్నప్పటికీ ఆమె చలన శీలత గణనీయంగా తగ్గింది. రోజుకు నాలుగు కిలోమీటర్లు నడిచే మునుపటి సామర్థ్యానికి పూర్తి భిన్నంగా ఇప్పుడు తన కార్యాలయంలో కూడా స్వేచ్ఛగా నడవలేక పోయేవారు.   

శాశ్వత పరిష్కారం కోసం నిరాశతో ఆమె ప్రాక్టీషనరును సంప్రదించి శ్వాశ సంబంధిత సమస్యలు తనను ఎక్కువగా బాధిస్తున్నాయని, అలాగే మోకాలు మరియు ఋతుక్రమమునొప్పి కూడా ఇబ్బంది పెడుతున్నాయని చెప్పారు. సంప్రదింపుల సమయంలో ఆమె ఎర్రటి ముఖం మరియు పేలవమైన స్వరంతోపాటు ఆమె అన్ని ఎలర్జీ లక్షణాలను తెలిపారు. ఆమె అన్ని మందులు నిలిపివేశారు, 2022 డిసెంబర్ 12న ఆమెకు క్రింది రెమిడి ఇవ్వబడింది:

శ్వాశ కోశ ఎలర్జీ కి:

#1. CC9.2 Infections acute + CC15.1 Mental & Emotional tonic + CC19.2 Respiratory allergies…6TD ఒక వారం వరకూ అనంతరం TDS

మోకాలి నొప్పికి :

#2. CC18.5 Neuralgia + CC20.2 SMJ pain…TDS నువ్వుల నూనెలో బాహ్య అనువర్తనం కోసం.

ఋతు నొప్పికి  : 

#3. CC8.7 Menses frequent…TDS ఋతు కాలములో 3 రోజుల ముందు ప్రారంభించి కొనసాగించడానికి

డిసెంబర్ 18న ఒక వారంలోనే ఆమె ఎలర్జీ లక్షణాలలో 25% ఉపశమనం పొందారు. బాహ్య అనువర్తన కోసం ఇచ్చిన నూనె రాయడం వలన నొప్పుల నుండి తక్షణ ఉపశమనం లభిస్తోంది కానీ కేవలం రెండు గంటలు మాత్రమే ఉంటోంది కనుక #2 ఈ విధంగా మెరుగుపరచబడి డిసెంబర్ 20న ఇది మౌఖికంగా ఇవ్వబడింది

#4. CC10.1 Emergencies + #2…TDS 

2023 జనవరి 5న రెండు వారాల తర్వాత 2022 డిసెంబర్ లో మొదటిసారిగా తనకు నొప్పిలేని ఋతుక్రమం వచ్చిందని అంతేకాక అదనంగా మోకాళ్ళ నొప్పులలో 40% మరియు శ్వాశకోశ లక్షణాల్లో 60% మెరుగుదల ఉందని ఉత్సాహంగా తెలియజేశారు.  

2023 జనవరి 30న అలసట మాయమైందని మరియు అన్ని ఇతర లక్షణాలలో దాదాపు 75% మెరుగుదల ఉందని ఆమె ఆనందంగా తెలియజేశారు. ఫిబ్రవరి 26 నాటికి ఆమె చాలా రోజులుగా తల స్నానం చేస్తున్నప్పటికీ శ్వాసకోశ లక్షణాలలో 100% మెరుగుదల ఉన్నట్లు తెలిపారు; #1 OD కి తగ్గించబడింది. ఆమె కుటుంబంలో అత్యవసర పరిస్థితుల కారణంగా తదుపరి ఫాలో అప్ కోసం రావడం సాధ్యం కాలేదు.

జూన్ 14 వరకు శ్వాసకోశ లక్షణాలు లేదా ఋతుక్రమ నొప్పి పునరావృతం కాలేదని తెలియజేశారు. తరుచుగా మలవిసర్జనకు వెళ్లాలనే ఆలోచన మరియు మోకాలి నొప్పులు మాయమయ్యాయి. ఐతే అధిక వత్తిడికి గురిఐన సమయంలో ఏర్పడిన స్వల్ప మోకాళ్ళ నొప్పి విశ్రాంతితో పరిష్కరించబడుతున్నది. ఆమె రోజువారి 4 కిలోమీటర్ల నడకను తిరిగి ప్రారంభించారు. #4 OD కి తగ్గించ బడింది. #3 ను అవసరం మేరకు SOS గా తీసుకోవడానికి సూచించ బడింది.

ఈ సమయంలో ఆమె 2014 ఏప్రిల్ లో గుర్తించిన హైపో థైరాయిడిజమ్ ఏర్పడిన ఆహారము పై కోరికల విషయంలో 30% మెరుగుదలను కూడా వెల్లడించారు ఇది ఊహించని బోనస్.

2023 జూన్ 24 నాటికి #1 మరియు #4 క్రమంగా తగ్గించి ఆపివేయ బడ్డాయి, వీటితో పాటు #2 కూడా డిసెంబర్ 4 న ఆపివేయ బడింది.

2024 ఏప్రిల్ నాటికి ఆమె అన్ని రోగ లక్షణాల నుండి విముక్తి పొందారు. ఇటీవలే హైపో థైరాయిడిజం మరియు అధిక బరువు కోసం రెమిడీలు తీసుకోవడం ప్రారంభించారు.

వెన్ను నొప్పి ^{11648...India}

44 ఏళ్ల వ్యక్తి 2022 అక్టోబర్ నుండి సంవత్సర కాలముగా నడుము నొప్పితో ఇబ్బంది పడుతూ ఉన్నారు. అతను పనిచేయడానికి మోటార్ సైకిల్ పై రోజూ 50 కి.మీ ప్రయాణం చేయడం నొప్పి కి కారణం అని భావించారు. ప్రారంభంలో విశ్రాంతి మరియు నొప్పి నివారణ స్ప్రే తో తగ్గించుకున్నప్పటికీ 2023 లో అతను ఎత్తుగానూ మరియు ఇరుకైన సీటుతో ఉన్న కొత్త మోటర్ సైకిల్ ను ఉపయోగించడం ప్రారంభించినప్పటినుండీ అతని పరిస్థితి మరింత దిగజారింది. నొప్పి పగలు క్రమంగా పెరుగుతూ సాయంత్రానికి  తీవ్రమయ్యేది. తన నాలుగు కిలోమీటర్ల రోజువారీ నడకను బలవంతంగా ఆపివేయడమే కాకుండా తన కుటుంబంతో కొంత సమయాన్ని ఆస్వాదించడం కూడా అతనికి కష్టం అనిపించింది. హీట్ ప్యాడ్ ఉపయోగించడం మరియు రాత్రిపూట తగినంత విశ్రాంతి తీసుకోవడం అతనికి తాత్కాలిక ఉపశమనం కలిగించేవి. సెప్టెంబర్ ప్రారంభంలో నొప్పి భరించ లేనివిధంగా వచ్చినప్పుడు అతను వైద్యుడిని సంప్రదించగా MRI స్కానింగ్ మరియు నొప్పిని తగ్గించే మౌఖిక ఔషధాలను సూచించారు. అయినప్పటికీ వైద్యుడైన తన స్నేహితుడి సలహా అనుసరించి వెంటనే MRI చేయించు కోకుండా దూరంగా ఉండి తీవ్రనొప్పి కలిగినప్పుడు అల్ట్రాసెట్ Ultracet (ఇది ఓపియాడ్ ను కలిగి ఉంటుంది.) మాత్ర తీసుకునేవారు. ఇది అతనికి రెండు గంటలు ఉపశమనం కలిగించేది కానీ తప్పించుకోలేని మోటార్ సైకిల్ రైడ్ తర్వాత నొప్పి వెంటనే తిరిగి వచ్చేది. 2023 అక్టోబర్ 20 తేదీన అతను ప్రాక్టీషనర్ ని సంప్రదించారు                                                                                                                         CC10.1 Emergencies + CC20.5 Spine…TDS నువ్వుల నూనెలో బాహ్య అనువర్తనం కోసం …BD 

అతను పని వత్తిడి కారణంగా BD గా మాత్రమే రెమిడీ తీసుకున్నప్పటికీ కేవలం మూడు రోజుల్లో నొప్పి నుండి 20% ఉపశమనం లభించింది. నవంబర్ 3 నాటికి 50% మెరుగుదల కలిగింది. అంతేకాక అతను విశాలంగా మరియు క్రిందికి సౌకర్యవంతంగా సీటు ఉన్నటువంటి మోటార్ సైకిల్ కి మారారు. నవంబర్ 30న అతను 80% ఉపశమనం ఉన్నట్లు ఆనందంగా తెలియజేశారు. సాయంత్రం పది నిమిషాలు విశ్రాంతి తర్వాత తన కుటుంబం సభ్యులతో విశ్రాంతిని మరియు ఆనందాన్ని పొందుతున్నారు. చికిత్స ప్రారంభించినప్పటి నుండి తనికి నొప్పి నివారణ మందులు లేదా హీట్ ప్యాడ్ అవసరం రాలేదు.

డిసెంబర్ 28 నుండి అతని ఒక వారం పాటు నొప్పికి రెమిడీ తీసుకోలేకపోవడంతో నొప్పి పునరావృతం అయ్యింది. 2024 జనవరి 4న రెమిడీ తిరిగి ప్రారంభించిన ఐదు రోజుల తర్వాత అతను 80% ఉపశమనం పొందారు. ఫిబ్రవరి 16 నాటికి 100% ఉపశమనం కలగడంతో  మోతాదు OD కి తగ్గించబడినది మరియు బాహ్య అనువర్తనం నిలిపివేయబడినది. అతని ఇప్పుడు తన రోజువారి నడకలను మరియు మోటార్ సైకిల్ పై ప్రయాణాలను నొప్పి లేకుండా తిరిగి ప్రారంభించారు.

2024 ఏప్రిల్ 3వ తేదీ నాటికి నొప్పి పునరావృతం కాలేదు కానీ అతను తన సౌకర్యం కోసం OD లో కొనసాగుతున్నారు. అతను ఈ చికిత్సతో ఎంతో సంతోషం వ్యక్తం చేస్తూ తన బంధువుల కోసం కూడా ఈ రెమిడీలను తీసుకుంటున్నారు. 

రోగి యొక్క వాంగ్మూలము (స్పష్టత కోసం కొంచెం పారా ఫ్రేజ్ చేయబడింది):  

నా వెన్ను నొప్పికి ప్రాక్టీషనర్ ను సంప్రదించడాన్ని నేను వాయిదా వేస్తూ వచ్చాను కానీ రెమిడి ప్రారంభించిన తర్వాత మాత్రమే నేను ఇంతకుముందే రెమిడీ తీసుకున్నట్లయితే ఇంత బాధ పడే వాడిని కాదు అని గ్రహించాను. తీవ్రమైన నొప్పి ఉన్నప్పుడు  తీసుకున్న ఈ రెమెడీలు అద్భుతంగా పనిచేసాయి. నేను వీటిని ఎంతో గౌరవ ప్రదంగా భావించడమే కాకుండా ఇతరులకు కూడా గట్టిగా సిఫారసు చేస్తున్నాను. నా స్నేహితులను కూడా ప్రాక్టీషనర్లుగా తయారుకమ్మని ప్రోత్సహిస్తున్నాను. 

యాసిడ్ రిఫ్లక్స్ ^{11645...India}

80 ఏళ్ల మహిళ 2018 మే నుండి గత 5 ఏళ్లుగా భోజనం చేసిన ప్రతీసారీ పుల్లని రుచితో తేనుపు రావడం ఆమె అన్నవాహికలో మంటను కలిగించే తీవ్రమైన ఆమ్లత్వము తో బాధపడుతూ ఉన్నారు. వీటి ఫలితంగా మైకము కమ్మినట్లు ఉండడంతో ఆహారం తీసుకోవడం మరియు చలన శీలత పరిమితం చేయబడి ఆమెను మంచాన పడేలా చేసి ప్రాథమిక అవసరాలకు కూడా ఇతరులపై ఆధారపడవలసిన పరిస్థితి ఏర్పడింది.  

ప్రారంభంలో సూచించబడిన యాంటాసిడ్లు తీసుకొని తాత్కాలిక ఉపశమనం పొందారు కానీ లక్షణాలు మరింత తీవ్రము కావడంతో  డాక్టర్ ఆమె పరిస్థితి యాసిడ్ రిఫ్లక్స్ గా నిర్ధారించారు. లక్షణాలు తీవ్రంగా మారడంతో 2018 జూన్ లో హోమియోపతి రెమిడీలకు తీసుకోవాలని నిర్ణయించుకున్నారు కానీ అవి దాదాపు 30% ఉపశమనం మాత్రమే అందించాయి. వైబ్రియానిక్స్ గురించి తెలుసుకున్న తర్వాత 2023 మే 10వ తేదీన ఆమె కుమారుడు ప్రాక్టీషనర్ ను సంప్రదించగా క్రింది రెమిడీ ఇవ్వబడింది: 

CC4.10 Indigestion + CC12.1 Adult tonic + CC15.1 Mental & Emotional tonic…TDS 

మషాలా ఆహారాన్ని నివారించాలని, ఫైబర్ అధికంగా ఉండే ఆహారాన్ని స్వీకరించాలని, మరియు నెమ్మదిగా నీటిని రోజుకు 2 నుండి 3 లీటర్లకు పెంచాలని ప్రాక్టీషనర్ పేషెంట్ కు సూచించారు. ఆమె అన్ని ఇతర మందులు నిలిపివేశారు

మే 18న ఒక వారం లోపు పేషెంట్ లక్షణాలన్నింటిలో 75% ఉపశమనం కలిగిందని ఆమె కుమారుడు ఆనందంగా తెలిపారు. జూలై 20 నాటికి ఆమె రోగ లక్షణరహితంగా మారి సాధారణంగానే ఆహారం తీసుకుంటూ ఎవరి సహాయం లేకుండా రోజువారి పనులు చేసుకుంటున్నారు. మోతాదు ఒక నెలకు  BD కి తగ్గిపోయింది, ఇది క్రమంగా మరింత తగ్గి ప్రస్తుతం OD గా కొనసాగుతోంది. 2024 మార్చి నాటికి ఆమె ఆహారాన్ని మాములుగానే ఆస్వాదిస్తూ బాగానే ఉన్నారు.   

పేషెంటు కుమారుని వాంగ్మూలము:

“మా అమ్మ ఐదు సంవత్సరాలకు పైగా తీవ్రమైన ఆమ్లత్వము మరియు తత్ సంబంధిత సమస్యలతో బాధపడుతున్నారు. అల్లోపతి లేదా హోమియోపతి మందులతో సమస్య మెరుగుపడలేదు. వైబ్రియానిక్స్ రెమిడి తీసుకున్న తర్వాత మొదట్లోనే అన్ని సమస్యలు తగ్గాయి ఇప్పుడు ఆమె సాధారణమైన స్థితిలో జీవిస్తున్నారు, మా తల్లికి సహాయం చేసినందుకు స్వామికి మరియు ప్రాక్టీషనర్ కు ధన్యవాదాలు.”

పొడికళ్ళు, చీము ఉత్సర్గము ^{11645...India}

40 ఏళ్ల మహిళ కోవిడ్ 19 నుండి కోలుకున్న రెండు నెలల తర్వాత పొడి కళ్ళు, ఎరుపుదనంతో కూడి గరగర లాడడం, దురద మరియు తెల్లటి చీము స్రవించడం వంటి సమస్యలతో 2020 జూన్ నుండి బాధపడుతున్నారు. ఐతే ఈ లక్షణాలను 2021 ఫిబ్రవరిలో ఆమె పరిస్థితి క్షీణించే వరకూ ఉపేక్షించారు. కోవిడ్ అనంతర ప్రభావాలు కారణమని కంటి వైద్య నిపుణుడు తెలిపి స్టెరాయిడ్ కంటి చుక్కలు సూచించారు. ఇది దురద మరియు చీమ ఉత్సర్గము నుండి 50% ఉపశమనాన్ని అందించింది కానీ ఆమె కంటిచుక్కలు ఉపయోగించడం ఆపివేస్తే లక్షణాలు తిరిగి రాసాగాయి. తన ఉద్యోగ రీత్యా రోజూ ఆరు గంటల పాటు కంప్యూటర్ తో పని చేయడం వల్ల ఏర్పడిన ఈ స్థితి ఆమె వ్యక్తిగత జీవితాన్ని అలాగే కెరీయర్ ని కూడా ప్రభావితం చేసింది.

2002 డిసెంబర్ 10న ఆమె ఎర్రటి మరియు చీమతో నిండిన కళ్ళతో ప్రాక్టీషనర్ ను సందర్శించగా వారికి క్రింది రెమిడీ ఇవ్వబడింది: 

CC7.3 Eye infections…TDS శ్వేద జలం లో కంటి చుక్కలు వలె ఉపయోగించ డానికి 

ఆమె అల్లోపతి చికిత్స వెంటనే ఆపివేశారు. ఒకటవ నెలలో ఎటువంటి మార్పు లేదు కానీ ప్రాక్టీషనర్ విశ్వాసం మరియు సలహాలు ద్వారా ప్రేరణ పొంది మరో రెండు నెలల పాటు రెమిడి కొనసాగించారు. మార్చి 10 తేదీన ఆమె రెండు కళ్ళల్లో చీము 25% తగ్గిందని కానీ ఇతర మార్పులు ఏమీ లేవని తెలిపారు. ఏప్రిల్ 11 నాటికి రోగికి ఎంతో ఉపశమనాన్ని కలిగిస్తూ చీము ఉత్సర్గంలో 90% మరియు ఇతర లక్షణాలు 50% తగ్గాయి. మరో రెండు నెలల తర్వాత జూన్ 15న అన్ని లక్షణాల నుండి 100% ఉపశమనం పొందానని తన లాప్టాప్ లో హాయిగా పనిచేసుకోగలుగుతున్నారు అని ఉత్సాహంగా తెలిపారు. మోతాదు OD కి తగ్గించబడింది. మరో నెల తర్వాత నోటి నివారణ ఆపివేయబడింది. రోగి నిర్వహణ కోసం OD వద్ద కంటి చుక్కలు కొనసాగిస్తున్నారు, ఆమెకు IB కూడా OD గా ఇవ్వబడింది.

2024 మార్చినాటికి ఆమె రోగ లక్షణ రహితంగా ఉన్నారు.

సంపాదకుని వ్యాఖ్య: నేత్రవైద్యుని రోగనిర్ధారణ ద్వారా వచ్చిన సూచనలు అనుసరించి ప్రాక్టీషనర్ వేగవంతమైన ఉపశమనం కోసం కోవిడ్ రీ కూపరేషన్ కాంబోను అందించి ఉంటే బాగుండేది. 

మానసిక వేదన, భయము, తీవ్రమైన కాళి నొప్పి ^{11645...India}

2012లో భర్త మరణించిన తర్వాత ఒంటరిగా జీవిస్తున్న 76 ఏళ్ల మహిళ నిరాశ, భయము మరియు మానసిక వేదన తో పాటు ఆందోళన తో బాధపడుతున్నారు. తరచూ ఆలయాలను, బంధువులను సందర్శించడం క్రమం తప్పకుండా తన కారు నడపడం ద్వారా ఆమె ఓదార్పును పొందుతున్నారు. 2019 లో తీవ్రమైన కుడికాలు నొప్పి కారణంగా ఆమె దిన చర్యకు ప్రత్యేకించి డ్రైవింగ్ చేస్తున్నప్పుడు తీవ్రంగా అంతరాయం కలిగింది, కాలక్రమణా నొప్పి తీవ్రమైంది. ఇది ఆమె బాధను మరింత పెంచి ఆమె నిద్రకు కూడా భంగం వాటిల్లి ఆమె మానసిక రుగ్మతలను మరింత తీవ్రతరం చేసింది. అధిక ఒత్తిడి సమయంలో ఆమె రెండు కాళ్ళలో తీవ్రమైన నొప్పిని అనుభవిస్తూ ఫలితంగా నిద్రలేని రాత్రులు ఏర్పడ్డాయి. నొప్పి నివారణ మందులు మరియు విటమిన్లతో కూడిన అల్లోపతి మందులు నాలుగు సంవత్సరాలుగా తీసుకున్నప్పటికీ ఆమె పరిస్థితి అలాగే కొనసాగి జీవితాన్ని ఒక సవాలుగా మార్చింది. ఉపశమనం కోసం నిరాశగా ఎదురు చూస్తున్న సందర్భంలో వైబ్రియానిక్స్ ద్వారా నొప్పిని తగ్గించుకోవడమే కాక మానసిక స్థితిని కూడా మెరుగుపడుతుందని ఆమె బంధువు ఆమెకు తెలియజేసినప్పుడు ఆమె ఎంతో ఆశ్చర్యానికి గురయ్యారు. వెంటనే 2023 ఏప్రిల్ 8వ ప్రాక్టీషనర్ ను సంప్రదించగా వారు క్రింది రెమిడీ ఇచ్చారు:

CC12.1 Adult tonic + CC15.1 Mental & Emotional tonic + CC18.5 Neuralgia + CC20.2 SMJ pain + CC20.4 Muscle & Supportive tissue + CC20.5 Spine…TDS

రెమిడీ తీసుకున్న ఒక నెలలోనే చాలా కాలం తర్వాత మానసిక ప్రశాంతతతో సంతోషంగా ఉన్నట్లు అనుభూతి పొందారు. డ్రైవింగ్ చేసే సమయంలో మరియు రాత్రులలో కండరాల నొప్పిలో 90% మెరుగుదల ఉంది. తద్వారా ఆమె నిద్ర కూడా మెరుగుపడింది. నొప్పి రెమిడి తీసుకోవాల్సిన అవసరం ఆమెకు కలుగలేదు. జూన్ 10న మరో నెల తర్వాత భయం మరియు వేదన యొక్క ఆలోచనలు పోయి తాను ప్రశాంతంగా ఉన్నానని మరియు ఒత్తిడికి గురైనప్పటికీ నొప్పి యొక్క జాడ కనిపించలేదని అంత సంతోషంగా తెలియజేశారు. ఆగష్టు 25న రెమిడీ ఆపివేయడానికి ముందు మోతాదు ఒక నెల BD కి ఆ తర్వాత OD కి తగ్గించబడింది. ప్రాథమికముగా చికిత్స లేదని భావించిన తన సమస్యకు పరిష్కారం తన జీవన నాణ్యతను మెరుగుపరిచి నందుకు మరియు మానసిక వేదన నుండి విముక్తి కలిగించినందుకు వైబ్రియానిక్స్ కు కృతజ్ఞతలు తెలియజేశారు.

2024 మార్చినాటికి ఆమె డ్రైవింగ్ ని ఆస్వాదిస్తూ మానసికంగా దృఢంగా ఉన్నారు.  

సోరియాసిస్ ^{11632...India}

52 ఏళ్ల స్త్రీకి 20001 మార్చి లో తన కుడి బొటన వ్రేలు మరియు మడమలో దురద మరియు నొప్పి ఏర్పడింది, అలోపతి మందులతో తాత్కాలిక ఉపశమనం పొందారు. 2002లో రెండు అరచేతులు మరియు వేళ్ళపై ఇలాంటి లక్షణాలు కనిపించినప్పుడు అవే మందులు వాడినా ఉపయోగం కలగలేదు. అప్పటినుండి ఆమె నిరంతర నొప్పి దురద మరియు అరచేతుల్లో మంట ముఖ్యంగా మేల్కొన్నప్పుడు ఇది తీవ్రంగా ఉండేది. అరచేతులపై తెల్లటి మందపాటి పొలుసులు కప్పబడి ఉన్నాయి. దురద నుండి ఉపశమనానికి వాటిని ఒక గోడ లేదా మంచం మీద రుద్దుతూ ఉండేవారు దీనివలన పొలుసులు రాలిపోయేవి.

పాత్రలు కడగడం, ఉప్పు మరియు చింతపండు ఉపయోగించడం వంటి రోజువారి పనులు మంటను తీవ్రతరం చేశాయి. బస్సులో సపోర్టు కోసం కడ్డీలు పట్టుకోవడం లేదా అలాంటిది ఏదైనాపని వలన తన అరచేతిలో వేళ్ళపై చిన్న కోతలు ఏర్పడి రక్తస్రావం అయ్యేలా చేసేది. ఆమె చేతి తొడుగులతో(గ్లౌజ్) దీన్ని తగ్గించుకుందామని ప్రయత్నించారు, కానీ వాటి వలన నిరంతర దురద ఒక సవాలుగా మారింది. ఎంతో మంది వైద్యుల్ని సంప్రదించినప్పటికీ ఉపశమనం పెద్దగా ఏమీ లేదు. లక్షణాలు తగ్గించు కోవడానికి కొబ్బరి నూనె మరియు పసుపు వంటి ఇంటి నివారణలు ఉపయోగించసాగారు.

2019 అక్టోబరులో వారి కుటుంబములో ఏర్పడిన విషాదం తర్వాత ఆమె లక్షణాలు మరింత తీవ్రమయ్యి ముఖం వరకు ఇవి విస్తరించాయి. సూచించబడిన మందులను తీసుకుంటున్నారు కానీ ఇది మరిన్ని సమస్యలకు అనగా ఆమె శరీరం అంతటా చర్మం నల్లబడడం పాదాల్లో వాపుకు దారితీసింది. 2019 అక్టోబర్ నుండి రెండు నెలల పాటు తీసుకున్న ఆయుర్వేద చికిత్స ఉపయోగ పడలేదు. 2019 డిసెంబర్లో ఆమె హోమియోపతికి మారారు కానీ ఆమె పాదాల్లో వాపు పెరగడం వల్ల ఒక నెల తర్వాత దీనిని నిలిపి వేసారు. అప్పటినుండి ఆమె వివిధ వైద్యులు సూచించిన అనేక మందులు ప్రయత్నించారు కానీ ఫలితం లేదు ఓవర్ ది కౌంటర్ గా యాంటీ హిస్టమిన్ తాత్కాలిక ఉపశమనాన్ని అందించింది.

2021 జూన్ 9న ఒక చర్మవ్యాధి నిపుణుడు బయాప్సీ మరియు ఇతర టెస్టుల ద్వారా పరీక్షించి సోరియాటిక్ ఎరిత్రో డెర్మా అని వెల్లడించారు (రిపోర్టులో అందుబాటులో ఉన్నాయి). 15 రోజులు సూచించిన మందులు తర్వాత ఆమె అరచేతులు మరియు వేళ్ళపై మినహా అన్ని లక్షణాల నుండి ఉపశమనం పొందారు. సుదీర్ఘ చికిత్స( ఏడు వారాలకు పైగా) మరియు పెరుగుతున్న వ్యయ భారం వలన జూలై 28న దాన్ని నిలిపివేసి గృహ చిట్కాలను ఆశ్రయించారు.

2022 నవంబర్ 12 న ప్రాక్టీషనర్ గృహంలో భజన సమయంలో వైబ్రియానిక్స్ ప్రయత్నించమని సూచించగా ఆమె వెంటనే అంగీకరించారు, క్రింది రెమిడీ ఇవ్వబడింది:

#1. CC21.3 Skin allergies + CC21.10 Psoriasis…BD కొబ్బరి నూనెలో బాహ్య అనువర్తనం కోసం

#2. CC12.4 Autoimmune diseases + #1…TDS

మరుసటి రోజు ఆమెను ఆశ్చర్యానికి గురిచేస్తూ నొప్పి, దురద, మంటతో పాటు మచ్చల పరిమాణములో 80% ఉపశమనం లభించింది. అనేక సంవత్సరాల తరువాత ఆమెకు మొదటిసారి తన అరచేతులను గోడ వంటి వాటిపై రాయ వలసిన అవసరం రాలేదు. కేవలం మూడు రోజుల తర్వాత నవంబర్ 16న ఆమెకు నమ్మశక్యం కాని రీతిలో 100% ఉపశమనం కలిగిందని అలాగే చర్మం మృదువుగా మారడం ప్రారంభించిందని తెలిపారు. ఐతే చేతులపై పొలుసులు పైకి కనిపిస్తూనే ఉన్నా అవి ఆమెను ఇబ్బంది పెట్టడం లేదు. పాత్రలు కడగటం తలస్నానం చేయడం వంటివి ఏ సమస్య లేకుండా చేయ గలుగుతున్నారు, ఐతే భజన సమయంలో చప్పట్లు కొట్టేటప్పుడు స్వల్ప అసౌకర్యాన్ని పొందుతూ ఉండేవారు కానీ 2023 ఫిబ్రవరి నాటికి అది కూడా అదృశ్యమైంది.

సెప్టెంబర్ నెలలో సందర్శన సమయంలో ఎటువంటి లక్షణాలు పునరావృతం కాలేదని ధ్రువీకరించారు కానీ రెమిడీలు కొనసాగించాలని అభిలషించారు. 2024 ఏప్రిల్ 1న  #1 ని BD  గా #2 ను OD వర్తింప చేసుకొని కొనసాగిస్తూ ఉన్నారు. ఏప్రిల్ 25 నాటికి ఆమె పూర్తి క్షేమంగా ఉన్నారు.   

వాలిపోతున్న కను రెప్పలు (టోసిస్) ^{11632...India}

ఒక వృద్ధాశ్రమంలో నెలవారీగా జరిగే వైబ్రియానిక్స్ క్యాంపులో 80 ఏళ్ల వృద్ధురాలు 2022 జనవరి నుండి ప్రారంభమైన కనురెప్పలు వాలిపోవడం కోసం చికిత్స పొందారు. ప్రారంభంలో ఆమె మేల్కొన్నప్పుడు కళ్ళు తెరవడంలో ఇబ్బంది ఏర్పడి రెప్పలు అతుక్కుపోయినట్లుగా అనిపించి ఆమె వాటిని తన చేతి వేళ్ళతో బలవంతంగా తెరవాల్సిన పరిస్థితి ఉండేది. రోజులు గడిచే కొద్దీ కుడి కనురెప్ప పూర్తిగానూ ఎడమ రెప్ప పాక్షికంగానూ పడిపోతూ ఉండేది. 2 నుండి ౩ వారాల్లో ఆమె పరిస్థితి మరింత దిగజారి మేలుకున్న తర్వాత కుడి కనురెప్పను బలవంతంగా తెరిచిన తర్వాత ఒకటి రెండు నిమిషాల్లో దానికదే మూసుకుపోతుంది మరియు ఎడమ కనురెప్ప పాక్షికంగా మూసుకుపోతుంది. ఇది ఆమె దృష్టిని గణనీయంగా బలహీనపరిచింది..

ఈ ఆశ్రమంలో ఈమె ఒక్కరే అక్షరాస్యురాలు కావడం వలన ఈమె ప్రతీరోజు సాయంత్రం ఇతరులకు ఆధ్యాత్మిక గ్రంథాలను శ్రద్ధగా చదివి వినిపించేవారు. ఇది తాను బాగా ఇష్టపడే ఒక మంచి వ్యాపకం. టీవీ చూడటం ఇంకొక ఇష్టమైన కాలక్షేపం. కానీ క్రమంగా క్షీణిస్తున్న ఆమె కంటి పరిస్థితి వలన తన అభిరుచులను కొనసాగించడం కష్టమయ్యింది. కేవలం15 నిమిషాల్లో టీవీ చూడటం లేదా చదవడం వలన నొప్పి ఏర్పడి కొంత సమయం విశ్రాంతి తర్వాత మాత్రమే ఉపశమనం లభించేది.  

ఫిబ్రవరిలో వైద్యుడు ఆమె కంటి పరిస్థితికి వృద్ధాప్యం కారణమని పేర్కొని ఐదు నెలల పాటు విటమిన్ సప్లిమెంట్లను సూచించారు కానీ ఇవేమీ ప్రభావం చూపలేదు. 2022 ఆగస్టు నుండి ఐదు నెలల పాటు హోమియోపతి చికిత్స తీసుకున్నా ఎటువంటి సహాయము చేయలేదు.

2023 ఫిబ్రవరి 6న ప్రాక్టీషనర్ ఆమెకు క్రింది రెమిడీ అందించారు: 

 #1. CC3.7 Circulation + CC18.4 Paralysis + CC18.5 Neuralgia + CC20.2 SMJ pain...TDS కొబ్బరి నూనెలో బాహ్య అనువర్తనం కోసం

#2. CC10.1 Emergencies + #1...TDS

సున్నితంగా మరియు జాగ్రత్తగా ఆమె కనురెప్పలపై #1 మసాజ్ చేసేవారు. తర్వాత నాలుగు నెలల్లో స్థిరమైన మెరుగుదల కనిపించింది. జూన్ 9న నిద్రలేచిన ఐదు నిమిషాల్లో పాక్షికంగా అయినా తన వేళ్ళను ఉపయోగించకుండా రెండు కళ్ళను తెరవగలిగినట్లు మరియు రోజంతా అవి అదేవిధముగా ఉంటున్నాయని తెలిపారు. దీనికి అదనంగా టీవీ చూసేటప్పుడు నొప్పి నుండి 50% కూడా లభించింది.

సెప్టెంబర్ 13 నాటికి మరో మూడు నెలల్లో నొప్పి పూర్తిగా తగ్గిపోయింది. అంతేకాక నిద్ర లేచిన ఒక్క నిమిషంలో ఆమె సాధారణంగానే తన కన్నులు తెరవగలుగుతున్నారు. మరో రెండు నెలల్లో నవంబర్ 15 నాటికి ఆమె కనురెప్పలు మాములుగానే పనిచేస్తున్నాయి. ఆమె ఆనందంగా తన రోజువారి అధ్యాత్మిక గ్రంధాలను పఠించడం కొనసాగించగలుగుతూ ఉండడంతో వైబ్రియానిక్స్ కు తన హృదయపూర్వక కృతజ్ఞతలు తెలిపారు.

డిసెంబర్ 27 న 27 #1 మరియు #2 యొక్క మోతాదు BD కి మరో నెల అనంతరం OD, కి తగ్గించి 2024 మార్చి 1 న ఆపివేయ బడింది.

2024 ఏప్రిల్ నాటికి లక్షణాల పునరావృతం ఏదీ లేదు. ​

చర్మము పై ఎలెర్జీ ^{11658...India}

45 ఏళ్ల మహిళ కు గత 30 సంవత్సరాలుగా సబ్బు, లేదా కూరగాయలను తాకినప్పుడల్లా ఆమె రెండు చేతులకు ఎలర్జీ వచ్చేది. ఆమె అరచేతులు నల్లబడి గుర్తించదగిన గీతలు మరియు కోతలు ప్రత్యేకించి ఆమె గోళ్ళ చుట్టూ కనిపిస్తాయి. నెలకు ఒకసారి ఈ కోతలు రక్తస్రావం కలిగించడమే కాక జ్వరం కూడా వస్తూ ఉంటుంది. అప్పుడప్పుడు ఆమె అరచేతులు దురదగా ఉంటాయి. ఆమె ఆయుర్వేద క్రీం పెట్రోలియం జల్లి మరియు ఆవాల నూనెను ఆశ్రయించగా అది తాత్కాలిక ఉపశమనం మాత్రమే కలిగించింది. దీంతో ఆమె రోజువారి పనులు ఎవరి సహాయం లేకుండా చేయడం కష్టంగా మారింది. ఆమె తన తండ్రి లో ఇలాంటి పరిస్థితిని చూసినందున ఇది నయం చేయలేని వ్యాధిగా భావించి ఏ వైద్యుడిని సంప్రదించలేదు. వైబ్రియానిక్స్  సమర్థత గురించి తెలుసుకున్న తర్వాత ఆమె వెంటనే 2023 డిసెంబర్ 28న ప్రాక్టీషనర్ను సంప్రదించి క్రింది రెమిడి పొందారు:   

CC21.3 Skin allergies + CC21.5 Dry Sores...TDS శుద్ధమైన కొబ్బరి నూనెలో బాహ్య అనువర్తనం కోసం…BD

ఆమె తన సాధారణ క్రీములు మరియు నూనెను పూయడం మానేశారు, డిసెంబర్ 30న మూడు రోజుల్లో ఆమె తన లక్షణాల్లో 80% ఉపశమనాన్ని పొందారు, అతి త్వరలోనే 2024 జనవరి 2 నాటికి ఇది 100% పెరిగింది. ఇంత త్వరగా స్వస్థత చేకూరడం చూసి ఆమె చాలా ఆశ్చర్యపోయారు. రోగ లక్షణాలు పెంచే సాధారణ ప్రేరేపితములకు నిరంతరం గురియైనప్పుడు కూడా ఎటువంటి అలర్జీ జాడలేదు. మౌఖికంగా తీసుకొనే రెమిడీ ఒక్ వానికి BD అనంతరం మరో వారానికి OD కి తగ్గించబడింది మరియు ఫిబ్రవరి 5న ఆపడానికి ముందు క్రమంగా తగ్గించబడింది. బాహ్య అనువర్తనం కోసం రోగి రెమిడీ కొనసాగించడానికి ఇష్టపడడంతో OD కి తగ్గించబడింది. ఆమె వైబ్రియానిక్స్ కు అపారమైన కృతజ్ఞతలు తెలియజేస్తూ తన ఇద్దరు స్నేహితులను ప్రాక్టీషనర్ కు సూచించారు.

2024 ఏప్రిల్ నాటికి ఎటువంటి పునరావృతం లేదు. 

పేషెంట్ వాంగ్మూలము:

“నా యుక్తవయసు నుండి అరచేతులపై చర్మ అర్జీ కారణంగా నేను ఎలాంటి ఇంటి పనులు చేయలేకపోయాను. పెళ్లయిన తర్వాత ముగ్గురు పనిమనుషులపై పూర్తిగా ఆధారపడి ఉండేదానిని, వారు నా పనంతా చేసేవారు. కానీ వైబ్రియానిక్స్ తీసుకున్న తర్వాత నా అరచేతులకు ఎటువంటి అలర్జీ లేకుండా పోవడంతో నేను నా రోజువారి పనులన్నింటిని చేయగలగడం చూసి ఆశ్చర్యపోయాను. నా అరచేతులు ఇప్పుడు చాలా మృదువైనవి గానూ మరియు ఎటువంటి గాట్లు లేకుండా ఉన్నాయి. ఈ ఉచిత సేవకు నేను కృతజ్ఞు రాలిని. ఇప్పుడు నా కుమార్తె తన కాళ్ళపై వెరికోస్ వీన్స్ కు కూడా మందు తీసుకుంటుంన్నది. వచ్చే నెల నుండి నా మైగ్రేన్ మరియు కండరాల నొప్పుల కోసం అల్లోపతి మందులపై ఆధారపడకుండా వైబ్రియానిక్స్ ను పూర్తిగా నమ్మి ఈ రెమిడీ తీసుకోవాలని భావిస్తున్నాను.”

ఇరిటబుల్ బోవెల్ సిండ్రోమ్(ప్రకోప ప్రేగు రుగ్మత) (IBS) ^{11650...India}

BMI(బాడి మాస్ ఇండెక్స్) 25 కలిగిన 13 ఏళ్ల బాలుడు ఒక రోజులో 3 లేదా 4 సార్లు (ఒక్కసారి వెళ్ళడం సాధారణ స్థాయి) మధ్యస్తంగా గట్టిమలంతో కొంచెం పొత్తికడుపు నొప్పితో మల విసర్జన చేయడం ప్రారంభించాడు. భోజనం చేసిన ప్రతీ సారి అసౌకర్యం మరియు వెంటనే మలవిసర్జన చేయవలసిన అవసరం రావడం దాంతో పరిమాణంతో సంబంధం లేకుండా పొత్తికడుపు తిమ్మిరి మరియు అసౌకర్యంతో డిసెంబర్ 15 నాటికి దీని ఫ్రీక్వెన్సీ 7 లేదా 8 రెట్లు పెరిగింది. అతని తరచూ వాష్ రూమ్ కి వెళ్ళడానికి తల్లి గమనించే వరకు బాలుడు ఈ విషయాన్ని చెప్పకుండా దాచాడు. గత కొన్ని రోజులుగా అతని ఆకలి తగ్గడం, వాష్ రూమ్ కి వెళ్ళవలసి వస్తుందనే భయంతో తినడానికి కూడా విముఖత చూపిస్తున్నాడు.

2022 డిసెంబర్ 10న అతనికి ఐబీఎస్ ఉన్నట్లు నిర్ధారణ అయింది. అల్లోపతి మందులు తో ఉపశమనం పొందాడు అయితే మందులు ఆపిన తర్వాత లక్షణాలు పునరావృతం అయ్యేవి. అతను ఆహారం గురించి జాగ్రత్తగా ఉంటూ తేలికపాటి మసాలా ఉన్న ఆహారం మాత్రమే తీసుకుంటూ బయట ఆహారానికి దూరంగా ఉన్నాడు. 2023 మార్చిలో అతనికి మలాసనం దగ్గర నొప్పి కూడా అభివృద్ధి కావడంతో దానికి సమయోచిత లేపనంతో పాటు నోటి మందులు కూడా సూచింపబడ్డాయి. సాధారణంగా అతను లేపనాన్ని మాత్రమే ఉపయోగించేవాడు, లక్షణాలు తీవ్రంగా ఉన్నప్పుడు టాబ్లెట్లను ఆశ్రయించాడు కానీ అవి తాత్కాలిక ఉపశమనాన్ని మాత్రమే ఇచ్చాయి. 2024 లో తల్లిదండ్రులకు వైబ్రేషన్స్ గురించి తెలిసే వరకూ అతను నెలలు తరబడి ఈ విధంగా చేస్తూ వచ్చాడు. 2024 జనవరి 3న ప్రాక్టీషనర్ తో సంప్రదింపుల సమయంలో ఆ బాలుడు ఆరోజు ఉదయం నుండి పొత్తికడుపులో తిమ్మిరి, మరియు ఆసన నొప్పితో తరచుగా మోషన్ కి వెళ్లసాగాడు. తన కొడుకు సాధారణంగా రిజర్వుడు గా ఉంటాడని తల్లిదండ్రులతో తప్ప ఎవరితోనైనా పరిచయాలకు దూరంగా ఉంటాడని తల్లి చెప్పారు. ప్రత్యేకంగా వెబ్రియానిక్స్ రెమిడీలు ఎంచుకున్న తర్వాత అతను ఇతర మందులు నిలిపివేశాడు అతనికి క్రింది రెమిడీలు ఇవ్వబడ్డాయి:  

జీర్ణ కోశ సంబంధిత సంస్యలకు : 

#1. CC4.2 Liver & Gallbladder tonic + CC4.6 Diarrhoea + CC4.8 Gastroenteritis + CC4.10 Indigestion + CC10.1 Emergencies…6TD for five days followed by TDS 

భావోద్వేగ శ్రేయస్సుకు : 

#2. CC10.1 Emergencies + CC12.1 Adult tonic + CC15.2 Psychiatric disorders + CC17.3 Brain & Memory tonic…TDS 

సాధారణ ఆరోగ్య శ్రేయస్సుకు : 

#3. IB*…OD 

జనవరి 8 నాటికి ఐదు రోజుల్లో పొత్తికడుపు తిమ్మిరి అదృశ్యమైంది, మలము యొక్క ఫ్రీక్వెన్సీ రోజుకు 4 లేదా 5 సార్లకు తగ్గింది. జనవరి 16 నాటికి అతను రోజుకు రెండుసార్లు మాత్రమే సాధారణ మల విసర్జన చేస్తున్నాడు. ఆసన నొప్పి కూడా మాయమైంది. ఇంక అతని తల్లిదండ్రుల ఆనందానికి, బాలుడి సంతోషానికి అవధులే లేవు, ఇప్పుడు అతను మరింత ఆత్మ విశ్వాసంతో ఉంటూ   ఇతరులతో కలిసిపోవడం ప్రారంభించాడు. జనవరి 22 నాటికి అతని ఆకలి తిరిగి ఏర్పడింది. అతని రోజుకు ఒకసారి మలవిసర్జన చేస్తున్నాడు. అతడికి అల్లోపతి మందుల అవసరం లేదని తల్లిదండ్రులు ధీమాగా ఉన్నారు. ఫిబ్రవరి 1 నాటికి 1# మరియు 2# కలిపి మోతాదును BD కి మరో రెండు వారాల్లో మరింత తగ్గి ప్రస్తుతం OD గాకొనసాగిస్తున్నాడు.    

2024 ఏప్రిల్ 24 కి బాలుడు బాగానే ఉన్నాడు, అతని అధిక బరువుకు చికిత్స తీసుకుంటున్నాడు.  

*IB combo ను వార్తాలేఖ సంపుటి 13 సంచిక 5 మేరకు ఇవ్వబడింది.

పార్శ్వపు నొప్పి & అసిడిటీ ^{11652...India}

18 ఏళ్ల బాలుడు 2018 నుండి గత ఐదేళ్లుగా తీవ్రమైన తలనొప్పితో బాధపడుతూ ఉండేవాడు, మండుతున్న ఎండలో పాఠశాల నుండి సైకిల్ తొక్కుకుంటూ వచ్చిన తర్వాత ఈ నొప్పి ఏర్పడేది. మైగ్రేన్ నొప్పిగా నిర్ధారింప బడిన ఈ నొప్పి తన తలకి రెండు వైపులా బాధించేది. పెద్ద శబ్దాలకు గురి కావడం, చదువుకోవడం వంటివి తలనొప్పిని తీవ్రతరం చేసేవి. అతను ఒక వారం పాటు సూచించిన మందులు తీసుకున్నాడు, ఇది ఉపశమనం కలిగించినప్పటికీ ఆర్థిక పరిమితి అతనిని చికిత్స కొనసాగకుండా నిరోధించింది. ఐతే నొప్పి లేపనం రాయడం వలన అతను 2 నుండి 4 గంటల పాటు నిద్రపోయేవాడు, ఫలితంగా పూర్తి ఉపశమనం లభించేది.

గత మూడు సంవత్సరాలుగా వారానికి 3 నుండి 4 సార్లు తలనొప్పి తో పాటు మైకము మరియు ఛాతీలో మండుతున్న అనుభూతి కూడా కలగసాగేవి. ఆయుర్వేద డైజెస్టివ్ టాబ్లెట్ (హాజ్మోలా) మంట నుండి ఉపశమనం అందించేది. అయినప్పటికీ తను ఆరోగ్యకరమైన ఆహారాన్ని కొనసాగించినప్పటికీ అతని లక్షణాలు కొనసాగుతూనే ఉండటం అతని చదువును గణనీయంగా ప్రభావితం చేసింది. అతను వారానికి 2 నుండి 3 సార్లు విద్యాలయానికి వెళ్లకుండా ఉండవలసిన పరిస్థితి ఏర్పడింది. సెలవులలో అతను సూర్యరశ్మికి ప్రభావితం కాకుండా ఉన్నప్పుడు అతను బాగానే ఉన్నాడు. దీనికి అదనంగా మూడు సంవత్సరాల క్రితం అతను నత్తిగా మాట్లాడడం ప్రారంభమయ్యింది, అది కాలక్రమేణా మరింత తీవ్రమైంది. అయితే ప్రాక్టీషనల్ దీనికి తరువాత చికిత్స చేయాలని భావించి  2023 మే 12వ తేదీన అతనికి క్రింది రెమిడీ ఇచ్చారు:  

CC4.10 Indigestion + CC11.4 Migraines + CC14.1 Male tonic + CC15.1 Mental & Emotional tonic + CC17.3 Brain & Memory tonic…TDS

మే 25న రెండు వారాలపాటు శ్రద్ధగా, తెలివిగా, జాగరూకతతో రెమిడి తీసుకున్న తర్వాత పార్శ్వపు నొప్పి తీవ్రత సగం తగ్గి  వారానికి 2 సార్లు మాత్రమే వస్తున్నట్లు అతను ఉత్సాహంగా తెలిపాడు. అంతేకాక తేలికపాటి మైకము మరియు మంట యొక్క సందర్భాలు 2 నుంచి 3 మాత్రమే ఉన్నాయి. అతనికి ఇప్పుడు నొప్పి లేపనం కానీ,  మంటను తగ్గించే ట్యాబ్లెట్ యొక్క అవసరం రాలేదు. అతని శక్తి స్థాయిలలో మెరుగుదల ఏర్పడి అతను ఇప్పుడు చదువుపై బాగా దృష్టి పెట్టగలిగాడు.   

మూడు వారాల తర్వాత జూన్ 16న అతని తదుపరి సందర్శన సమయంలో చాలా రిలాక్స్డ్ గా మరియు సంతోషంగా కనిపించాడు ఇప్పుడు తలపోటు 80% తక్కువ తీవ్రత తో వారానికి ఒకసారి మాత్రమే వస్తోంది. మరో నెలలో తలనొప్పి రెండు సార్లు ఇబ్బంది పెట్టడం మినహా మైకము మరియు మంట పూర్తిగా అదృశ్యమైనవి. అతను రోగ కారకాలకు గురైనప్పుడు కూడా రోగ లక్షణ రహితంగా ఉన్నందున ఆగస్టు 18 న మోతాదు BD కి తగ్గించబడింది. ఇది అక్టోబర్ 8 న ఆగిపోయే ముందు క్రమంగా మరింత తగ్గించబడింది. వైబ్రియానిక్స్ ప్రారంభించిన తర్వాత అతను ఒకరోజు కూడా పాఠశాలకు వెళ్ళకుండా ఉండలేదు! 

2024 ఏప్రిల్ 9 నాటికి, ఎలాంటి లక్షణాలు పునరావృతం కాలేదు, లాప్టాప్ ఎక్కువ సేపు ఉపయోగించడంతో అతనికి తేలికపాటి తలనొప్పి వస్తూ ఉండడంతో ఇది అతని స్క్రీన్ టైం ని సమర్థవంతంగా నిర్వహించేలా ప్రేరేపించింది. అతను 2023 అక్టోబర్ 20 నుండి నత్తి కోసం రెమిడీ తీసుకుంటున్నాడు, ఆరు నెలల్లో ఒక 50% మెరుగుదల కనిపించింది.  

కొనసాగుతున్న దగ్గు ^{11654...India}

46 ఏళ్ల మహిళ 1993 నుండి గత 30 సంవత్సరాలుగా రోజూ కఫం, రాత్రి పూట తేలికపాటి ముక్కు దిబ్బడ, నిరంతరం దగ్గుతో బాధపడుతున్నారు. కాలానుగుణ మార్పులు మరియు బయట ఆహారం తీసుకోవడం లక్షణాలను ముఖ్యంగా రాత్రి సమయంలో తీవ్రతరం చేసేవి. ఆమె గొంతులో కఫం అంటుకొని తెగిరాక పోవడం వల్ల చికాకు మరియు నెప్పి వచ్చేది. 1995 నుండి తన లక్షణాలు తీవ్రంగా ఉన్నప్పుడు అల్లోపతి మందులు తీసుకోవడం ప్రారంభించారు. ఇది ఒక రోజులోపు ఉపశమనం కలిగించింది కానీ దగ్గు మాత్రం ఎప్పుడూ తగ్గేదికాదు. ఉబ్బసంతో తన అమ్మమ్మ జీవితకాల పోరాటాన్ని చూసిన తరువాత ఆమె దగ్గు తన జీవితంలో అనివార్యమైన భాగమని రాజీ పడసాగారు.   

తన అత్తగారి కోసం సంప్రదింపులు సందర్భంగా ఆమె తనకు కూడా రెమిడీలు తీసుకోవాలని నిర్ణయించుకున్నారు. తన నిరంతర దగ్గు గురించి వివరాలు తెలుపుతూ పొరుగువారు తనకు దగ్గు మహిళ (కాఫ్ లేడి) అని నిక్ నేమ్ పెట్టిన విషయం కూడా తెలిపారు. 2023 ఆగస్టు 11న క్రింది రెమిడి ఇవ్వబడింది.

#1. CC10.1 Emergencies + CC19.2 Respiratory allergies + CC19.3 Chest infections chronic + CC19.5 Sinusitis + CC19.6 Cough chronic…TDS  

#2. IB*…OD 

ఆగస్టు 16 నాటికి ఐదు రోజుల్లో ఆమెకు నమ్మశక్యము కాని రీతిగా దగ్గు, కఫం, మరియు ముక్కుదిబ్బడ జాడ లేకుండా పోయాయి. ఆమెకు మరి ఏ ఇతర ఔషధం అవసరం రాలేదు. పది రోజుల తర్వాత ఆగస్టు 26న తన లక్షణమైన దగ్గు నుండి తనకు కొత్తగా లభించిన స్వేచ్ఛను చూసి పొరుగువారు ఆశ్చర్యపోయారని ఆమె ఉత్సాహంగా తెలిపారు. ఈ వేగవంతమైన మెరుగుదలతో  #1 నెల రోజులకు OD కి తగ్గింప బడింది. రెమిడీని నిర్వహణ మోతాదుగా తీసుకోవాలని ప్రాక్టీషనర్ సూచించినప్పటికీ గోళీలు అయిపోవడంతో సెప్టెంబర్ చివరిలో రెమిడీలు నిలిపివేశారు.

2024 జనవరి 5 న విషాదం నుండి బయటపడి గత నాలుగు నెలలుగా రోగ లక్షణాలు లేకుండా ఉన్నట్లు నివేదించారు. అయితే రెండు రోజుల క్రితం చల్లటి వాతావరణ కారణంగా ఆమెకు తేలికపాటి దగ్గు వచ్చింది. ప్రాక్టీషనర్ రీఫిల్ గా #1…TDS మరియు #2…OD.గా ఇచ్చారు. నాలుగు రోజుల్లో దగ్గు మాయమైంది ఫిబ్రవరి 10న #1 OD.కి తగ్గించబడింది.

ఏప్రిల్ 11 నాటికి లక్షణాలు పునరావృతం కాలేదు, రోగి #1 మరియు #2 OD గా తీసుకోవడం కొనసాగిస్తూ OW నిర్వహణ మోతాదు స్థాయికి తగ్గించే ప్రణాళికతో ఉన్నారు. వైబ్రియానిక్స్ పట్ల కృతజ్ఞతతో ఆమె తన స్నేహితులకు ప్రాక్టీషనర్ ను సూచిస్తున్నారు.

ఆందోళన, తలపోటు, అసిడిటీ & నిద్ర లేమి ^{11570...India}

2017 లో దగ్గర బంధువు అకాల మరణం తర్వాత 36 ఏళ్ల మహిళ నిరాశతో రోజువారీ కార్యకలాపాలపై ఆసక్తి కోల్పోయి నిరంతర తలనొప్పి మరియు అనుచితమైన ఆలోచనలు కారణంగా నిద్రలేమికి గురయ్యారు. విపరీతమైన అసిడిటీ మరియు భోజనం చేసిన తర్వాత విపరీతంగా తేన్పులు రావడం వల్ల ఆమెకు చాతిలో మంట ఏర్పడేది. డిప్రెషన్ మరియు నిద్రలేమికి మూడు సంవత్సరాలు అల్లోపతి చికిత్స తీసుకున్నా ఉపశమనం కలగక పోవడంతో 2020 సెప్టెంబరు లో ఇది ఆపివేయబడింది. తలనొప్పి మరియు అసిడిటీ తీవ్రంగా ఉన్నప్పుడు ఆమె ఓవర్ ది కౌంటర్ మందులు వేసుకుని తాత్కాలిక ఉపశమనం పొందారు.

2020 డిసెంబర్ 18న ప్రాక్టీషనర్ను సంప్రదించినప్పుడు తాను త్వరగా కోలుకోవడం గురుంచి చాలా ఆత్రుతగా ఉన్నట్టు పేర్కొన్నారు. ఆమెకు క్రింది రెమిడి ఇవ్వబడింది:  

ఆందోళన, తలనొప్పి, అసిడిటీ కి :

#1. CC4.10 Indigestion + CC10.1 Emergencies + CC11.3 Headaches + CC15.2 Psychiatric disorders…TDS 

నిద్ర లేమికి :

#2. CC15.6 Sleep disorders …నిద్రించడానికి అరగంట ముందు.

రెండు వారాల్లో అన్ని లక్షణాల నుండి 50% మెరుగుదల కనిపించింది. మరో రెండు వారాల్లో అనగా  2021 జనవరి 16 నాటికి ఇది 80% పెరిగింది. ఆమెకు ఎంతో రిఫ్రెష్ గా అనిపించింది. #1 BD కి తగ్గించబడింది. ఇప్పుడు #2, తీసుకోకుండానే బాగా నిద్రపోగలుగుతున్నందున అవసరమైనప్పుడు మాత్రమే దానిని తీసుకోవాలని సలహా ఇవ్వబడింది. 

జనవరి 28 నాటికి ఆమె లక్షణాలని మాయమయ్యాయి ఆమెకు చాలా సంతోషంగా ఉంది ఆందోళన మరియు భయాలు నుండి విముక్తి పొందారు. #2 యొక్క అవసరం కలగలేదు. #1 OD కి క్రమంగా OW కి క్రమంగా తగ్గించబడి 2021 మార్చి 3 నాటికి ఆపివేయ బడింది.  

2024 ఏప్రిల్ నాటికి ఆమె లక్షణాల పునరావృతం ఏమీ లేకుండా సంతోషంగా ఆరోగ్యంగా ఉన్నారు.

పేషంట్ యొక్క వాంగ్మూలము (హిందీ నుండి ఖచ్చితమైన అనువాదము):

ఇంతకుముందు ప్రతీ చిన్న విషయానికి చాలా టెన్షన్ పడే దానిని. నాకు రాత్రి నిద్ర పట్టేది కాదు. డిప్రెషన్ గురించి మూడు సంవత్సరాల నుంచి మందులు వాడుతున్నా ఏమాత్రం ఫలితం ఉండేది కాదు. అటువంటి స్థితిలో వైబ్రియానిక్స్ రెమిడీ తీసుకోవడం ప్రారంభించాను. ఈ మందుతో నేను కొద్ది రోజుల్లోనే కోల్కోవడం ప్రారంభించాను. ఇప్పుడు నేను బాగా నిద్రపోతున్నాను మరియు దేనిగురించి టెన్షన్ పడటం లేదు. నాకు ఇట్టి ఔషధం అందించిన ప్రాక్టీషనర్ కు నేను చాలా కృతజ్ఞురాలిని.    

ప్రాక్టీ షనర్ల వివరాలు ^{11648...India}

ప్రాక్టీ షనర్ ^{11648...ఇండియా}  ఈమె సైన్స్ గ్రాడ్యుయేట్ మరియు మానవ వనరుల శాఖలో MBA చేసారు. ఆమె 2008 నుండి వైజాగ్ స్టీల్ ప్లాంట్లో HR ప్రొఫెషనల్ గా పనిచేస్తున్నారు. క్రీడలు, దేవాలయాలు సందర్శించడం, స్తోత్రాలు పఠించడం, వంటి వాటిపట్ల అభిరుచి కలిగిన వీరు బాహ్య దృష్టి కలిగిన చురుకైన వ్యక్తి మరియు అనేక సేవా కార్యక్రమాల్లో కూడా పాల్గొంటూ ఉంటారు.  

భక్తుల కుటుంబంలో జన్మించడం అదృష్టంగా భావిస్తున్నారు, ఆమె తల్లి అమితమైన సాయి భక్తురాలు. తల్లిదండ్రుల నుండి సాధారణ మరియు సాత్విక జీవన శైలి ప్రభావంతో పెరిగిన వీరు ఎల్లప్పుడూ దేవునికి ఎంతో సన్నిహితంగా ముఖ్యంగా శ్రీరాముని రూపానికి ఎంతో ఆకర్షితురాలుగా ఉండేవారు. ఆమె ఒక భక్త  కుటుంబంలో జన్మించడం ఒక అదృష్టంగా భావిస్తున్నారు. 2022 లో వైబ్రియానిక్స్ గురించి తెలుసుకున్న తర్వాత “సాయి” రాముని భౌతిక రూపాన్ని చూడనందుకు పశ్చాత్తాపం పొందారు. అయితే తన జీవిత కాలంలో తనకు స్వామి భౌతిక దర్శనం తప్పక చేసుకో గలుగుతాననే గట్టి విశ్వాసంతో ఉన్నారు.  

ప్రాక్టీషనర్ 20 సంవత్సరాల వయసులో ఆమె తల్లితో కలిసి వారాంతపు భజనలకు హాజరవుతూ ఉండేవారు. అంతేకాక దుస్తులు మరియు ఆహార పంపిణీ, అనాధాశ్రమాల్లో పిల్లలతో గడపడం, వృద్ధాశ్రమాలకు మద్దతు ఇవ్వడం వంటి సేవా కార్యక్రమాలలో పాల్గొనడం ప్రారంభించారు. ఆమె తన 30 సంవత్సరాల వయసులో బాగా స్థిరపడాలని తద్వారా ప్రతీ రోజు సేవను కొనసాగించాలని భావించారు. కాలేజీలో బయోటెక్నాలజీ చదివడం వలన మరియు ఆమె తండ్రి హోమియోపతి డాక్టర్ గా ఉండడం వలన మానవ శరీరం గురించి మరింత తెలుసుకోవడానికి ఆమెను ప్రేరేపించింది. స్వామి తన వైబ్రియానిక్స్ ప్రయాణానికి పునాది వేస్తున్నారని మొదట్లో ఆమె గ్రహించలేదు. ఆమె వివాహం అయిన వెంటనే ఆమె భర్తకి వైరల్ జ్వరం అనంతరం రుమటాయిడ్ ఆర్థరైటిస్ కి గురి అయ్యారు. అతను స్టెరాయిడ్లు తీసుకోవడానికి ఇష్టపడక పోవడంతో ఆమె ప్రత్యామ్నాయ చికిత్సలను వైపు చూడడం ప్రారంభించారు. ఆమె ఆఫీసు సహోద్యోగి వైబ్రో ప్రాక్టీషనర్ అని తెలుసుకున్నారు. మరింత తెలుసుకోవాలని కుతూహలంతో ఆమె వెబ్సైటు సందర్శించి  ఆమె స్వయంగా ప్రాక్టీషనర్ కావడానికి దరఖాస్తు చేసుకోవచ్చని కనుగొన్నారు. ఆమె తన AVP కోర్స్ ను 2022 నవంబర్ లో పూర్తి చేసి 2023 జూలైలో VP అయ్యారు.   .

తనను స్వామి వారికి దగ్గర చేసిన కొన్ని సంఘటనలు పంచుకోవాలని ప్రాక్టీషనర్ భావిస్తున్నారు. AVP గా చేరడానికి ముందు వైద్య శిబిరాల్లో VP¹¹⁶³⁴ (తర్వాత వీరే ఆమెకు మెంటర్ గా మారారు) కి సహాయం చేయడానికి సూచింప బడ్డారు. ఒకరోజు ఆమెకు   వేళ్ళన్నింటిలో తీవ్రమైన నొప్పిఏర్పడడంతో తన భర్త పరిస్థితి గురించిన ఒత్తిడికి గురికావడం బహుశా తన నొప్పికి కారణమని భావించారు. VP ద్వారా ప్రోత్సహింపబడిన ఆమె బాబాను ప్రార్థించారు, మరుసటి రోజు ఉదయానికి ఆమెకు పూర్తి ఉపశమనం కల్పించి ఆమెను ఆశ్చర్యానికి గురి చేస్తూ నొప్పి మాయమయ్యింది. మరొకసారి ఆమె AVP అడ్మిషన్ ప్రాసెస్ సమయంలో స్వామి ఫోటోను తనకు చూపించడం ద్వారా తన ఉనికిని చాటుకోవాలని స్వామికి సవాలు విసిరారు. అదే రోజు ఆమె తన సాధారణ ప్రయాణంలో ఒకటి కంటే ఎక్కువ ప్రదేశాల్లో స్వామి ఫోటోలు గమనించారు, విశేషమేమంటే గతంలో ఆ దారిలో ఎప్పుడూ ఆ ఫోటోలను ఆమె చూడలేదు!

మొదటి సంవత్సరంలోనే ఇంటి నుంచి 114 మంది రోగులకు మరియు శిబిరాల్లో 269 మంది రోగులకు చికిత్స అందించిన వీరు తన అద్భుతమైన అనుభవాలను పంచుకుంటున్నారు. చర్మం చాలా వేగంగా కంపనాలను గ్రహిస్తుందని ఆమె కనుగొన్నారు, పేషంటు ఒక రోజు తన నోటి ద్వారా తీసుకునే మోతాదును దాటవేసినప్పటికీ బాహ్య అనువర్తనం కోసం వాడే నూనె అద్భుతంగా పనిచేస్తుందని ఆమె గ్రహించారు. ఆమె దీర్ఘకాలిక వ్యాధుల కోసం దాదాపు అన్ని కోంబోలకు CC10.1 Emergencies & CC15.1 Mental & Emotional tonic జోడిస్తారు, మరియు తన రోగులందరికీ అద్భుతమైన ఫలితాలను అందించే IB ని అందిస్తారు. కంటి వ్యాధుల కోసం కంటి రెప్ప కురుపు(స్టై), కంటి వ్యాధులు, మరియు మంట (కండ్లకలక) కోసం CC7.3 Eye infections అద్భుతంగా ఉంటుందని కేవలం 48 గంటల వ్యవధిలో పూర్తి నివారణ అందిస్తుందని గ్రహించారు. అయితే రెమిడి ఆపివేసినట్లయితే కంటి కురుపు తిరిగి రావచ్చు, కానీ ఒక నెలపాటు OD గా ఇవ్వడం ద్వారా అద్భుతం చూడవచ్చని ఉపాయాన్ని సూచిస్తున్నారు. రెండు సందర్భాల్లో అతిసారం, అజీర్ణం, మరియు ఉబ్బరం వంటి ఉదర సంబంధిత సమస్యల కోసం ఈట్ వెల్ కాంబో ఒక గంటలోనే చక్కగా పనిచేసింది. గెట్ వెల్ + బ్రీత్ వెల్ కాంబోను 2 లేదా 3 డోసులు తీసుకోవడం ద్వారా జలుబు, దగ్గు, మాయమైన అనేక సందర్భాలను ఆమె వివరిస్తున్నారు. జలుబు దగ్గు రెండు రోజుల నుండి ఉంటే ఈ కాంబో ప్రతీ పది నిమిషాలకు ఒక మోతాదు చొప్పున ఓ గంట పాటు ఇచ్చిన అనంతరం 6TD గా ఇస్తే ఒక రోజులోనే తగ్గిపోతుందని గ్రహించారు.

అనేక క్లిష్ట మైన కేసుల సందర్భాల్లో కూడా ప్రాక్టీషనర్ అద్భుతమైన విజయాన్ని సాధించారు. అటువంటి హృదయాన్ని కదిలించే ఒక కేసు ఏమిటంటే వీల్ చైర్ కు పరిమితమైన 56 ఏళ్ల పొరుగింటి స్త్రీకి 2019 లో షుగర్ లెవెల్స్ నియంత్రణ కోల్పోవడంతో ఎడమ కాలు తీసివేయ బడింది. తన వీల్ చైర్ నెట్టుకోవడం చేతులు మరియు మెడలో విపరీతమైన నొప్పిని కలిగించింది, అంతేకాక 2023 డిసెంబర్ 2వ తేదీన ఆమె కింద పడిపోవడం వల్ల నొప్పి మరింత తీవ్రమైంది. 2023 డిసెంబర్ 27న ఆమెకు #1. CC20.2 SMJ pain + CC20.5 Spine + CC20.7 Fractures…BD బాహ్య అనువర్తనం కోసం నువ్వుల నూనెలో మరియు #2. CC10.1 Emergencies + #1…6TD, గా అలాగే మన నిద్ర కోసం మన సాధారణ కొంబో కూడా ఇవ్వబడింది. రెండు వారాల్లో ఆమె నొప్పులన్నీ మాయమయ్యాయి కానీ నిద్రలో స్వల్ప మెరుగుదల కలిగింది. 2024 జనవరి 17వ తేదీన ఆమె తొడలపై వేడి నీటి వలన ఏర్పడిన బొబ్బలు కోసం రెమిడీ కోరారు. ఆమెకు #4. CC21.4 Stings & Bites + CC21.11 Wounds & Abrasions…BD కొబ్బరి నూనెలో బాహ్య అనువర్తనం కోసం మరియు #5. CC10.1 Emergencies + 18.5 Neuralgia + #4…6TD.రెమిడీ ఇవ్వబడింది. ఫిబ్రవరి 2 నాటికి కాలిన గాయాలు పొడిగా మారడం ప్రారంభమై మార్చి చివరి నాటికి పూర్తిగా తగ్గిపోయాయి. ఆమెకు నిద్ర విషయంలో 60% మెరుగుదల ఉంది. సంతోషంగా జీవితాన్ని ఆస్వాదిస్తూ ఇప్పుడు మధుమేహం కోసం రెమిడీ తీసుకుంటున్నారు. వైబ్రియానిక్స్ సేవ చేసే అవకాశం లభించడం తన అదృష్టంగా భావిస్తూ వైద్య శిబిరాలలో పాల్గొనే అవకాశం కల్పించి నందుకు స్వామివారికి ఎంతో కృతజ్ఞతలు తెలుపుతున్నారు. జులై 22 - 23 తేదీల్లో విశాఖపట్నంలో జరిగిన ఆంధ్రప్రదేశ్ మరియు తెలంగాణ 1 వ రాష్ట్రస్థాయి సదస్సులో ఆమె మరియు తన భర్త చురుకుగా సేవ చేసారు. సదస్సు సందర్భంగా నిర్వహించిన క్విజ్ లో కూడా ఆమె విజేతగా నిలిచారు. 

ప్రాక్టీషనర్ కావడానికి ముందు కుటుంబంలో ఏదైనా చిన్న ఆరోగ్య సమస్య వస్తే ఎంతో ఆందోళన చెందేవారు. సాయి వైబ్రియానిక్స్ ఆమెకు మనః శాంతిని ఇచ్చింది. బహిర్ముకురాలు కావడంవల్ల అపరిచితులకు కూడా వైబ్రో రెమిడీస్ అందించే అవకాశాన్ని ఆమె కోల్పోయేది కాదు అని ఈమె మెంటర్ తెలియ జేస్తున్నారు. వైబ్రో శిబిరాలలో కూడా రోగులకు రెమిడీలను అందిస్తూ జీవనశైలి మార్పులతో చికిత్సను వేగవంతం చేసుకోమని ప్రత్యేకంగా సలహా ఇస్తూ ఉంటారు. తనకు తెలియని ఏవైనా వైద్య సమస్యల కోసం ఇంటర్నెట్ ను ఆశ్రయించడానికి ఆమె వెనుకాడరు. కేస్ హిస్టరీల అనువాదం, పరిశోధన, మరియు వైబ్రో గురించి అవగాహన కల్పించడం వంటి ఇతర రంగాల్లో కూడా సహకరించడానికి ఆమె ఉత్సాహంగా ఉన్నారు.

మన ఉద్దేశాలు స్వచ్ఛమైనవిగా ఉండి, ఇతరుల విషయంలో తీర్పు చెప్పడం పట్ల దూరంగా ఉంటే అన్నీ మనకు అనుకూలంగా జరిగుతాయని ప్రాక్టీషనర్ విశ్వసిస్తున్నారు. తన విషయానికే వస్తే వైబ్రియానిక్స్ లోనికి ప్రవేశించిన వెంటనే ఆమెకు ఆఫీసు పనిభారం మరియు చిన్న పిల్లల తల్లిగా ఇంట్లో నిబద్ధత పెరిగినప్పటికీ ఆమె సేవాగంటలు ప్రభావితం కాలేదు. రోగులతో మరియు ప్రేమ మరియు కరుణతో వ్యవహరించడం ఆమెకు భౌతిక ఆస్తుల కంటే ఎక్కువ సంతృప్తిని అందిస్తుంది.

ఉదహరించిన కేసులు:

• శ్వాశ కోశ ఎలెర్జీ, మోకాలు నొప్పి, మరియు అలసట.
• వెన్ను నొప్పి  

ప్రాక్టీ షనర్ల వివరాలు ^{11645...India}

ప్రాక్టీషనర్ ^{11645...ఇండియా}  మెఖానికల్ ఇంజినీరింగ్ లో పట్టభద్రులైన వీరు ONGC లో 32 సంవత్సరాలు పనిచేసి డిప్యూటీ జనరల్ మేనేజర్ గా 2021 జూన్ లో రిటైర్ అయ్యారు. తన కెరీర్ లో ఆఫ్షోర్ మరియు ఆన్షోర్  మిషనరీల నిర్వహణ కార్యకలాపాలకు చేసిన కృషికి ఐదు మెరిటోరియస్ అవార్డులను అందుకున్నారు.

1968 లో ఏడేళ్ల వయసులో బాబా కేరళలోని వారి స్వగ్రామాన్ని సందర్శించి నప్పుడు వారి దర్శనం అనంతరం ప్రాక్టీషనర్ తండ్రి బాబా ఫోటోలు ఇంటికి తీసుకొచ్చినప్పుడు బాబాతో మొదటిసారి పరిచయం ఏర్పడింది. వీరి అత్తగారు గొప్ప సాయి భక్తురాలు, చిన్నతనంలో వారి ఇంటిలో హారతి కి హాజరయ్యేవారు. 1994 లో భక్తురాలిని వివాహం వివాహం చేసుకొని అనంతరం సాయి భజనలు మరియు సేవా కార్యక్రమాల్లో పాలు పంచుకోవడం గొప్ప ఆశీర్వాదంగా భావించారు. 1997 నుంచి 2021 మధ్య తన శ్రీమతి తో పాటు పాండిచ్చేరిలో నివసిస్తున్న వీరు అక్కడ వైద్య శిబిరాలు మరియు నారాయణ సేవలో చురుకుగా పాల్గొనేవారు. పదవీ విరమణ తర్వాత వీరు కొచ్చి లోని సాయి సమితి చెందిన ఇతర భక్తులలో కలిసి నెలవారి నారాయణ సేవలో పాల్గొనేవారు.

2011 నుండి ప్రాక్టీషనర్ అయిన తన అత్తమ్మ నుండి సాయి వైబ్రియానిక్స్ గురించి విన్నారు కానీ ఆ సమయంలో దానిని పెద్దగా పట్టించుకోలేదు. 2022 జనవరిలో ఆందోళన మరియు నిద్రలేమితో బాధపడుతున్న సన్నిహిత కుటుంబ సభ్యుడుని వైబ్రియానిక్స్ ఒక వారంలోనే ఎలా నయం చేసిందో ప్రత్యక్షంగా చూసి ప్రాక్టీషనర్ గా మారడానికి ప్రేరణ పొందారు. 2022 నవంబర్లో AVP కోర్సు విజయవంతంగా పూర్తి చేసి 2023 జూలైలో VP గా పదోన్నతి పొందారు.

ఇప్పటివరకు 100 కంటే ఎక్కువ మంది రోగులకు తీవ్రమైన మరియు దీర్ఘకాలిక వ్యాధులకు చికిత్స చేసిన  ప్రాక్టీషనర్ కొన్ని ఆసక్తికరమైన కేసులను పంచుకోవాలని అనుకుంటున్నారు.

2023 మార్చిలో మూడు సంవత్సరాలుగా నిద్రలేమితో బాధపడుతున్న 75 ఏళ్ల మహిళకు చికిత్స చేశారు. ఆమెకు నిద్రపోవడానికి అరగంట ముందు ఆమెకు CC15.6 Sleep Disorders…OD ఇవ్వగా కేవలం ఒక వారం లోనే ఆమె గడచిన వారమంతా కూడా రాత్రంతా గాఢంగా నిద్రపోతున్నట్టు టాయిలెట్ వెళ్లడానికి మాత్రమే ఒకసారి మేల్కొంటున్నానని తెలిపారు. ఆమె రెమిడీ తీసుకోవడం కొనసాగిస్తూ ప్రస్తుతం బాగానే ఉన్నారు.

2023 ఫిబ్రవరిలో 41 ఏళ్ల మహిళ తన తల్లికి ఉన్న అనేక అనారోగ్య సమస్యల గురించి బెంగతో ప్రాక్టీషనర్ ని సంప్రదించారు. గత ఎనిమిది నెలలుగా ఆమెకు ఆకలి కోల్పోయి ఎప్పుడూ కడుపు నిండినట్లు అనిపించేది. అతను Eat well - CC4.2 Liver & Gallbladder tonic + CC4.6 Diarrhoea + CC4.10 Indigestion ఇచ్చారు. ఐదు రోజుల్లో ఆమె ఆందోళన తగ్గి సాధారణంగానే ఆహారం తినడం ప్రారంభించడంతో మోతాదు క్రమంగా తగ్గించారు.

2023 నవంబర్లో ఒక నెల వయసున్న ఆడపిల్ల రోజుకు 10 నుంచి 12 సార్లు విరోచనం చేయడం ప్రారంభించడంతో పరిస్థితి చాలా క్రిటికల్ గా మారింది. శిశు వైద్యుడు దీన్ని తల్లిపాల నుండి ఆవుపాలకు మారడంతో ప్రోటీన్లకు అసహనంగా నిర్ధారించారు. తల్లి అన్ని పాల ఉత్పత్తులను ఆపి సూచించిన ప్రోబయోటిక్స్ సిరప్ ను శిశువుకు ఇచ్చారు కానీ ఎటువంటి మెరుగుదల లేదు. ప్రాక్టీషనర్ శిశువుకు CC4.6 Diarrhoea + CC4.10 Indigestion + CC12.2 Child tonic…6TD నీటిలో (1-2 నోటిలో చుక్కలు *). ఇచ్చారు. మరుసటి రోజు వదులుగా ఉండే మోషన్ ఫ్రీక్వెన్సీ రోజుకు 5 నుండి 6 సార్లు మరియు రెండు రోజుల తర్వాత 3 నుండి 4 సార్లు వరకు తగ్గింది. ఇప్పుడు పిల్లవాడు ప్రశాంతంగా ఉన్నాడు. మోతాదు TDS కు తగ్గించబడింది శిశువు సాధారణ మలాన్ని విసర్జించడం ప్రారంభించింది, ఒక వారం తర్వాత అది ODకి తగ్గించబడింది. ఇది శిశువుకు ఆరు నెలల వయసు వచ్చేవరకు కొనసాగించబడింది. 

* 6 నెలల లోపు శిశువులకు మాత్రమే వర్తిస్తుంది. ఎందుకంటే వాళ్ళ శరీరాలు నీటి వినియోగానికి తగిన రీతిలో ఉండవు. సంపుటి 14 సంచిక 3 ప్రశ్న 1 మే -జూన్ 2023 వార్తాలేఖ చూడండి.  .

మలబద్ధకం మరియు ఇతర కడుపు సంబంధిత సమస్యలకు CC4.4 Constipation అద్భుతమైన నివారణ అని ప్రాక్టీ షనర్  తెలుసుకున్నారు. అతను ఈ కోంబోతో ముగ్గురు రోగులకు చికిత్స చేయగా వారు చాలా త్వరగా పూర్తి ఉపశమనం పొందారు.  కనీసం పది మంది రోగుల్లో వైరల్ ఇన్ఫెక్షన్ లను నయం చేయడంలో IB  యొక్క శక్తిని వారు ప్రత్యక్షంగా చూశారు.

వైబ్రియానిక్స్ సాధన చేయడం వీరికి అపారమైన ఆనందాన్ని మరియు సంతృప్తిని ఇచ్చింది, ప్రత్యేకించి ఇతర వైద్య విధానాలు విఫలమైన చోట వైబ్రియానిక్స్ అక్షరాలా ప్రాణ రక్షకంగా నిరూపింపబడిందని తెలుసుకున్నారు. SVIRT లో బాధ్యతా యుతమైన పాత్ర పోషించడానికి, అలాగే హిందీ మరియు మలయాళం నుండి ఆంగ్లంలోకి కేసు హిస్టరీలను అనువదించడము లేదా మరేదైనా డాక్యుమెంటేషన్ పని లేదా వైబ్రేషన్స్ గురించి అవగాహన కల్పించడానికి పెంచడానికి వీరు ఆసక్తి కలిగి ఉన్నారు. ప్రాక్టీషనల్ తాను స్వామి యొక్క వినయపూర్వక సాధనంగా భావిస్తూ స్వచ్ఛమైన హృదయంతో సేవచేసి భగవంతుడికి సంపూర్ణంగా శరణాగతి చేస్తే అనుకూలమైన ఫలితాలు దక్కుతాయని పేర్కొంటున్నారు. రోగులకు మరియు నిరుపేదలకు ఎక్కడ ఉన్నా సరే వారికి సాయి వైబ్రియానిక్స్ చికిత్స ప్రాప్తి కావాలని స్వామికి తన హృదయపూర్వక ప్రార్థన సమర్పించు కుంటున్నారు.  

ఉదహరించిన కేసులు:  

• యాసిడ్ రిఫ్లక్స్
• మానసిక వేదన, భయము, తీవ్రమైన కాలి నొప్పి 
• పొడి కళ్ళు, చీము ఉత్సర్గం