Sai Vibrionics Newsletter

గత సంవత్సర కాలంగా 52 ఏళ్ల మహిళ రోజుకు మూడు నాలుగు గంటలు మాత్రమే నిద్రపో గలుగుతున్నారు. దీని కారణంగా పగటిపూట ఆమె పనిలో అలసట మరియు నిస్తేజంగా అనిపించసాగింది. నిద్ర మాత్రలు తీసుకుంటే వాటికి బానిస అవుతానేమో అని భయంతో ఆమె వాటిని తీసుకోవడంలేదు. 2019 జనవరి 3న ప్రాక్టీషనరును సంప్రదించగా క్రింది రెమిడీ ఇచ్చారు: 

#1. CC15.1 Mental & Emotional tonic + CC15.6 Sleep disorders… సాధారణ నిద్ర వేళకు గంట ముందు ప్రారంభించి నిద్ర పోయేవరకు ప్రతీ 30 నిమిషాలకు ఒక మోతాదు చొప్పున తీసుకోవాలి.  

రెమిడీ తీసుకుకున్న రాత్రి రోగి 6 గంటలు నిద్ర పోయారు కానీ మూడు మోతాదులు తీసుకోవాల్సి వచ్చింది. రెమిడీ అంత వేగంగా పని చేస్తుందని ఆమె నమ్మలేక పోయారు. ఉత్సాహంతో ఆమె తన అనుభవాల్ని ప్రాక్టీషనరుకు తెలియజేశారు. రెండవరోజు రాత్రి ఆమె సాధారణ నిద్ర కోసం రెండు మోతాదులు, మూడవరోజు రాత్రి ఒక్క మోతాదు మాత్రమే తీసుకోవాల్సి వచ్చింది. ఆమె తన సంతోషాన్ని త్వరగా పంచుకోవాలనే ఆతృతతోనూ మరియు ఇతర ఆరోగ్య సమస్యల చికిత్స కోసం ప్రాక్టీషనరు ఇంటికి చేరుకున్నారు. ఆమె వెన్నుముక భాగంలో L4/L5 ప్రాంతంలో నరాలు నొక్కివేయబడడం కారణంగా గత రెండు సంవత్సరాలుగా నడుము నొప్పితో బాధపడుతున్నారు. వైద్యుడు సూచించిన విధంగా నొప్పి నివారణలు మరియు ఫిజియోథెరపీ తీసుకుంటున్నారు. కానీ ఇది తాత్కాలిక ఉపశమనం మాత్రమే అందించింది. ఆమె ఇతర ఆరోగ్య సమస్యలు అనగా ఆకలి లేకపోవడం, కడుపు నొప్పి మరియు అధిక వాయువు వంటి వాటికి గత సంవత్సర కాలంగా ఆంటాసిడ్ తీసుకుంటున్నారు. అలాగే రెండు నెలలుగా ముక్కులో అవరోధం కారణంగా శ్లేష్మ నివారిణి ఉపయోగించవలసిన అవసరం కలుగుతోంది. 2019 జనవరి 6 న ఆమెకు క్రింది రెమిడీ ఇవ్వబడింది. దీనిని ఆమె తన అల్లోపతి మందులతో పాటు తీసుకున్నారు:   

#2. CC4.5 Ulcers + CC4.10 Indigestion + CC12.1 Adult tonic + CC18.5 Neuralgia + CC19.2 Respiratory allergies + CC19.5 Sinusitis + CC20.5 Spine…TDS. 

ఆమె ఒక వారం మాత్రమే #1ని కొనసాగించారు, ఆ తరువాత దాని అవసరం లేక పోవడంతో దాన్ని ఆపేశారు. ఫిబ్రవరి 2న నాలుగు వారాల తర్వాత ఆమె జీర్ణాశయంలో పుండ్లు, మరియు నాసికా అవరోధం విషయంలో 50% మెరుగుదల కనిపించింది. ఈ పురోగతికి సంతోషించి ఆమె అలోపతి మందులు ఆపి వేశారు కానీ ఫిజియో థెరపీ కొనసాగించారు. ఆ తరువాత ఆమె మూడు నెలలు ప్రాక్టీషనరుతో ఎటువంటి సంప్రదింపులు చేయలేదు కానీ #2 ను కొనసాగించారు. 2019 మే 16న ఆమె 90% మెరుగుదల, మరియు జూన్ 18 నాటికి ఆమె మోకాలు నొప్పితో సహా అన్ని లక్షణాలలో 100% మెరుగుదల ఉందని తెలిపారు. #2 వ మోతాదు    రెండు నెలల వరకు OD కి తగ్గించబడి ఆగస్టు 2019 చివరిలో ఆపి వేయబడింది. 2021 జనవరి నాటికి వ్యాధి లక్షణాలు పునరావృతం కాలేదు. వైబ్రియానిక్స్ ఆరోగ్యం మరియు జీవితంపై ఆమె దృక్పథం పూర్తిగా మార్చి వేసింది. ఆమె తన స్నేహితులు మరియు బంధువులు చాలామందికి ఈ వైద్యం గురించి ప్రస్తావిస్తూ ఉన్నారు.