Sai Vibrionics Newsletter

17 ఏళ్ల బాలిక గత ఏడాది కాలంలో రుతుస్రావ సమయంలో తిమ్మిరి, రొమ్ములో మృదుత్వం, మరియు వెన్నులో స్వల్పంగా నొప్పితో బాధపడుతూ ఉపశమనం కోసం నొప్పి నివారణ మందులు తీసుకుంటున్నది. ఆమె ఋతు సమయంలో శ్వాస కష్టంగా తీసుకోవడమే కాక త్వరగా అలసి పోతున్నది. గత మూడు నెలలుగా పుప్పొడి అలర్జీ కారణంగా ఆమె ముక్కులో అవరోధం ఏర్పడడమే కాక తుమ్ములు కూడా బాగా వస్తున్నాయి. ఇలా ప్రతీ సారి అలోపతి మందులు వాడుతున్నా ఒకటి లేదా రెండు రోజులు ఈ బాధ ఉంటున్నది. కొన్ని వారాల క్రితం చేయించుకున్న రక్త పరీక్షలో ఆమె Hb స్థాయి 8.1g/dl మాత్రమే ఉండడంతో ఈ రక్తహీనత కోసం ఐరన్ సప్లిమెంట్లు సూచింప బడ్డాయి. ఇవి మలబద్ధకం మరియు కడుపునొప్పికి కారణం అయ్యాయి. ఇటీవల కళాశాలలో చేరిన తర్వాత అక్కడ హాస్టల్ లోఉండవలసి రావడంతో అదనపు పనిభారం మరియు ఒత్తిడి కారణంగా వ్యాధి లక్షణాలు మరింత దిగజారాయి. ఆమెకు చిన్నప్పటి నుండి జంక్ ఫుడ్ తినాలనే కోరిక బాగా ఉండేది. 2018 సెప్టెంబర్ 25న ఆమెకు క్రింది రెమిడీలు ఇవ్వబడ్డాయి:   

#1. CC8.7 Menses frequent + CC12.1 Adult tonic…TDS, సాధారణ బహిష్టు తేదీకి 4 రోజుల ముందు నుండి బహిష్టు అనంతరం 5 రోజుల వరకు, వ్యాధి లక్షణాలు తీవ్రంగా ఉంటే ప్రతీ 10 నిమిషాలకు ఒక మోతాదు చొప్పున 1లేదా 2 గంటల వరకూ అనంతరం 6TD.

#2. CC12.1 Adult tonic + CC15.1 Mental & Emotional tonic + CC15.4 Eating disorders + CC18.5 Neuralgia + CC19.2 Respiratory allergies + CC20.4 Muscles & Supportive tissue + CC20.5 Spine…TDS

ప్రాక్టీషనర్ ఆమెను జంక్ ఫుడ్ తీసుకోవడం తగ్గించి బదులుగా బలవర్ధకమైన ఆహారము ఉదాహరణకు తాజాపండ్లు, ఆకుకూరలు మరియు గింజలు మొదలైనవి తీసుకోవాలనీ, రోజువారీ వ్యాయామం మరియు ధ్యానం కూడా చేయమని సలహా ఇచ్చారు. ప్రాక్టీషనరు సలహా మేరకు అమ్మాయి ఆరోగ్యకరమైన జీవనశైలికి మారడానికి ప్రయత్నం ప్రారంభించింది దీనితో పాటు ఆలోపతి మందులు కూడా కొనసాగించింది.  

2018 అక్టోబర్ 28న ఆమె శక్తి మరియు ఒత్తిడి స్థాయిలో 80% మెరుగుదల మరియు ఋతు తిమ్మిరి, వెన్ను నొప్పి, శ్వాస తీసుకోకపోవడం, ముక్కులో అవరోధం, తుమ్ములు వంటి సమస్యల విషయంలో మూడింట ఒక వంతు మెరుగుదల కలిగింది. వైబ్రియానిక్స్ రెమిడీల వలన ఏర్పడిన పురోగతి పట్ల నమ్మకంతో ఆమె అన్ని అల్లోపతి మందులు ఆపాలని నిర్ణయించుకున్నది. 5 వారాల తర్వాత 2018 డిసెంబర్ 2 నాటికి ఋతు తిమ్మిరిలో 90% మెరుగుదల మినహా మిగతా అన్ని లక్షణాలు మాయమయ్యాయి. రక్తంలో Hb స్థాయి కూడా 12.5 g/dl సాధారణ స్థాయికి చేరుకుంది. 2019 జనవరిలో ఆమె పూర్తిగా కోలుకున్నారు మరియు  Hb  స్థాయి 14 g/dl కు పెరిగింది. అమ్మాయి మరొక నెల రోజుల పాటు రెమిడీ కొనసాగించి నిలిపి వేసింది. 2021 జనవరి సమీక్ష ప్రకారం వ్యాధి లక్షణాలు పునరావృతం కాలేదు.  

సంపాదకుని వ్యాఖ్య : రోగి అధిక రక్త హీనతతో ఉన్నందున శీఘ్రమైన మెరుగుదల కోసం CC3.1 Heart tonic జోడిస్తే బాగుండేది.