“మనిషి తెలిసో తెలియకో అనేక అపరాధాలు చేస్తుంటాడు. అవి ఈ జన్మలోనే కాక, పూర్వజన్మలలో చేసినవి కూడా ఉండవచ్చు. ఆ కర్మల ముద్రలను చిత్తం (జ్ఞాపకశక్తి) అనేక జన్మలపాటు మోస్తూ ఉంటుంది. మనస్సు అనే అద్దం ఇంతగా మలినమై ఉన్నప్పుడు, అది ఏ విషయాన్నీ యథార్థ రూపంలో గ్రహించలేదు. అందువల్లే మనిషి తన నిజ స్వరూపాన్ని గుర్తించలేకపోతున్నాడు. కాబట్టి, ఆ అద్దంపై పేరుకుపోయిన మలినాలను తొలగించి దానిని శుద్ధి చేయడం అవసరం. అది ఎలా సాధ్యమవుతుంది? ఆహారం మరియు వినోద సంబంధమైన అలవాట్లను నియంత్రించడం ద్వారా. మనం తీసుకునే ఆహారం ధర్మబద్ధమైన మార్గంలో సంపాదించబడిందని నిర్ధారించుకోవడం చాలా ముఖ్యం. నేడు మనుషులు అనుభవిస్తున్న అనేక కష్టాలకు కారణం, వారు వినియోగించే వస్తువులు అధర్మ మార్గంలో సంపాదించబడినవే కావడం.”

...సత్యసాయి బాబా, “ప్యూరిటీ ఆఫ్ ది మైండ్”, దివ్య ప్రసంగం, 25 మే 1990                            https://saispeaks.sathyasai.org/discourse/purity-mind-role-senses

“మీరు చేపట్టే ఏ సేవా కార్యక్రమానికైనా మీరే కర్తలమని భావించడం ఒక పొరపాటు. అలా ఎన్నటికీ జరగకూడదు. వాస్తవానికి, మీరు నిర్వహిస్తున్న ప్రతి సేవా కార్యక్రమం మీ స్వీయ ఉన్నతికోసమే. ఈ సేవా కార్యక్రమాలు ఆత్మవిశ్వాసంతో, ఆత్మసంతృప్తితో, ఆత్మత్యాగంతో, చివరకు ఆత్మసాక్షాత్కారాన్ని లక్ష్యంగా చేసుకొని నిర్వహించబడాలి. ఈ విధంగా సేవాభావం ఆత్మ నుంచే వికసిస్తుంది.”

…సత్యసాయి బాబా, “అండర్‌స్టాండ్ ది స్పిరిట్ ఆఫ్ సర్వీస్”, దివ్య ప్రసంగం, 11 ఏప్రిల్ 2005.                                     https://sssbpt.info/ssspeaks/volume38/sss38-08.pdf