ప్రియమైన ప్రాక్టీషనర్లకు,

ప్రపంచవ్యాప్తంగా ఉన్న సాయి భక్తులందరూ ఈ సంవత్సరం స్వామి వారి ఆరాధనా దినోత్సవం సమీపిస్తున్న తరుణంలో మన ప్రియమైన స్వామి తన భౌతిక దేహాన్ని విడిచిన తరుణంలో వారి జీవితం ద్వారా ప్రతిబింబించిన ప్రేమ సందేశాన్ని స్మరించుకొనే సమయం ఇది

“ప్రేమయే భగవంతుడు, భగవంతుడే ప్రేమ, ఎక్కడ ప్రేమ ఉంటుందో అక్కడ దేవుడు ఖచ్చితంగా కనిపిస్తాడు, ఎక్కువ మంది వ్యక్తులను ప్రేమించండి, వారిని మరింత గాఢంగా ప్రేమించండి,  ప్రేమను సేవగా మార్చండి, సేవను ఆరాధనగా మార్చండి, అదే అత్యున్నత సాధన. ప్రేమ అనే జ్యోతి లేకుండా జీవిస్తున్న ప్రాణి ఏదీ ఉండదు. ఆఖరికి పిచ్చివాడు కూడా ఎవరో ఒక వ్యక్తినో లేదా వస్తువునో గాఢంగా ప్రేమిస్తాడు. మీ హృదయంలో ప్రేమ అనే చలమ లేకుండా ప్రేమను పంచాలనే స్పృహ మీలో ఉదయించదు. మీరు ఎవరికైతే ఈ ప్రేమను విస్తరింప చేసారో వారి నుండి ప్రతిఫలంగా ఏదీ ఆశించకండి. ఇతరులను దేవుని అంశగా భావించి ఆరాధించండి. అలాగే మీకు మీరే దేవుని ఆసనంగా భావించి మిమ్మల్ని మీరే ప్రేమించుకోండి. మీ హృయద పీఠముపై భగవంతుడు ఆసీనుడయ్యేలా పవిత్రంగా ఉంచండి”. ... శ్రీ సత్య సాయి బాబా, 1965 మార్చి(Sri Sathya Sai Speaks, Vol 5)

ప్రపంచవ్యాప్తంగా ఉన్న వైబ్రియానిక్స్ ప్రాక్టీషనర్లుగా మనం సాయిని మన హృదయాలలో ప్రతిస్టించుకుని మన చేతులను సేవలో నిమగ్నం చేస్తున్నామనడానికి లభిస్తున్న ఆశాజనకమైన అప్డేట్లే దీనికి నిదర్శనం. అటువంటి అంకితభావం మరియు శ్రద్ధ గల బృందంలో భాగమైనందుకు నేను కృతజ్ఞుడను! 113 మంది భారతీయ ప్రాక్టీషనర్ల కృషి మరియు నిస్వార్ధ సేవ కారణంగా మనము ఇప్పుడు 12 రాష్ట్రాల్లో 100 వేరువేరు వేదికలలో క్రమం తప్పకుండా శిబిరాలను నిర్వహిస్తున్నాము. ఇప్పటివరకు 16224 మంది రోగులు సుమారు 500 శిబిరాల్లో చికిత్స పొందారు. త్వరలో ఇతర రాష్ట్రాలలో కూడా ఈ సేవా కార్యకలాపాలను విస్తరించాలని మేము ఆశిస్తున్నాము. 

సరిగ్గా నాలుగు సంవత్సరాల క్రితం మన IB ప్రయాణాన్ని ప్రారంభించి ఇప్పటివరకు దానిని నాలుగు సార్లు అప్డేట్ చేసిన తర్వాత 2024 జనవరి లో ఒక మిలియన్ మార్కు దాటాము. గత నెల చివరి నాటికి అధికారిక లబ్ధిదారుల సంఖ్య 1,033,011.

ఇద్దరు సీనియర్ ఉపాధ్యాయుల^{10375 &11422} నేతృత్వంలో మన శిక్షణా విభాగం గత కొన్ని సంవత్సరాలుగా గణనీయంగా అభివృద్ధి చెందింది. వారు కోర్సు నిర్మాణము, వర్క్ షాపులు, ఆఫ్ లైన్ మరియు ఆన్లైన్ రెండింటిలో మరియు బోధనా పద్ధతులకు గణనీయమైన మెరుగుదలలు చేసారు. ఈ నిష్ణాతులైన మరియు అంకితభావం గల ఉపాధ్యాయుల ఘనత, వారి నిరంతర మద్దతు, మరియు ప్రోత్సాహం కారణంగా ఇటీవల మేము SVIRT లో అధునాతన కోర్సులు చేర్చడం గురించి ప్రాక్టీషనర్ల నుండి కొన్ని విచారణలు స్వీకరించాము. అర్హత ప్రమాణాలు మరియు ఇతర వివరాలు తదుపరి సంచికలో తెలియజేయబడతాయి.

ఇటీవల నేను కొన్ని వర్క్ షాప్ లలో కొన్ని అంశాలకు హాజరయ్యే అవకాశం లభించింది. మన బోధనా పద్ధతులు అసాధారణమైన మార్పుకు గురయ్యాయని గమనించి నేను ఎంతో ఆనందించాను. ప్రాక్టీషనర్లు అందరూ తమ అభ్యాసాన్ని మెరుగుపరచుకోవడానికి తదుపరి కోర్సులు మరియు వర్క్ షాప్ లకు హాజరుకావాలని నేను గట్టిగా సిఫారసు చేస్తున్నాను. ఇది నూతన పరిణామాలతో మిమ్మల్ని అధునాతనంగా ఉంచుతుంది మరియు విషయం గురించి మరింత లోతైన జ్ఞానాన్ని పొందడంలో మీకు సహాయపడుతుంది.   

కొత్త ప్రాక్టీషనర్లు నవీనీకరించబడిన పేషెంట్ రికార్డు ఫార్మేట్ (ఒక ఔత్సాహిక ప్రాక్టీషనర్¹¹⁶⁴⁶ పట్టిక రూపంలో రూపొందించినది) సంక్షిప్తంగా ఉన్నా సంబంధిత పూర్తి సమాచారాన్ని కలిగి ఉన్న కేసు చరిత్రను అందించగలుగుతారు. అప్డేట్ చేసిన ఈ విజయవంతమైన ఫార్మేట్ ను కేస్ హిస్టరీల విషయంలో ముందుకు సాగే ప్రాక్టీషనర్లు అందరూ ఇకనుండి మీ పేషెంట్ రికార్డుల కోసం ఉపయోగించేందుకు ముందుకు రావలసిందిగా ప్రోత్సహిస్తున్నాము. ఇది మీకు మాత్రమే కాకుండా కేసు హిస్టరీ టీం కి కూడా ప్రయోజనకరంగా ఉంటుంది. మన ప్రాక్టీషనర్ల సైట్ లో కేసు చరిత్రను రాయడానికి మార్గదర్శకములతో పాటు ఈ ఫార్మెట్ ను కనుగొనవచ్చు(ఫార్మ్స్ అనే దానిపై క్లిక్ చేసి ఆపై ఎడమవైపు డౌన్లోడ్ ఆప్షన్ ఎంపిక చేసుకోవాలి. ఫైల్ పేర్లు అన్నీ కూడా స్వీయ వివరణాత్మకమైనవి).     

మన ప్రియమైన స్వామి 100వ జన్మదిన వేడుకలను జరుపుకోవడానికి సామూహిక సమర్పణల కోసం ఇప్పటికే సూచనలను  పంపిన మీ అందరికీ నా కృతజ్ఞతలు తెలియజేస్తున్నాను. ఇప్పటికే క్యాంపులు గురించిన సమాచారంతో అనేక ఈమెయిల్ లను అందుకున్నాము. అసాధారణమైన కేసు చరిత్రలు మరియు వైబ్రియానిక్స్ తో అసాధారణ అనుభవాల గురించిన రాత పూర్వక సమాచారం మరియు అనేకమంది ప్రాక్టీషనర్లు వారి కథనాలను త్వరలో పంపుతామని సూచించిన వాగ్దానములు కూడా అందుకున్నాము. ఇంకా అలా చేయని వారు ఎవరైనా ఉంటే వారందరినీ ఇప్పుడే మీ రచనలపై పని ప్రారంభించమని ప్రోత్సహించదలిచాను. మీ సమర్పణలను రాయడంలో మీకు సహాయం లేదా మద్దతు అందించడానికి మేము సంసిద్ధంగా ఉన్నాము. దయచేసి కేసు చరిత్రల కోసం [email protected] మరియు అనుభవాల కోసం [email protected] ను సంప్రదించండి.

ఈశ్వరమ్మడే కి సమీపంలో ఉన్నందున స్వామి వారి మాతృశ్రీ జీవితాన్నిఅవలోకిద్దాం. నిస్వార్థ దయ మరియు కరుణ తోకూడిన  ఈ ఉద్ధరింపబడిన ఆత్మ మూడు కోరికలు మాత్రమే కలిగి ఉన్నది. వాటిలో ఏదీ తన కోసం కాదు. పుట్టపర్తికి ప్రాథమిక వైద్య సదుపాయాలకోసం ఒక చిన్నవైద్య శాల, ఒక పాఠశాల మరియు నిత్యం నీటి వసతి కల్పించేందుకు ఒక వనరు ఇవ్వాలని ఆమె స్వామి వారిని కోరారు. మనందరికీ తెలిసినట్లు ఇవే అనంతరం శ్రీ సత్యసాయి విద్యాసంస్థలు, శ్రీ సత్యసాయి జనరల్ మరియు సూపర్ స్పెషాలిటీ హాస్పిటల్, శ్రీ సత్యసాయి వాటర్ ప్రాజెక్ట్ అనే భారీ సంస్థలుగా వికసించాయి. అట్టి మహోన్నతమైన అమ్మవారి గ్రంధం నుండి ఒక పత్రాన్ని తీసుకొని మనం మన స్వార్ధ కోరికల కంటే సమాజ అవసరాలనే దృష్టిలో ఉంచుకొని స్వామివారు అందించిన ఈ అద్భుతమైన వైద్య విధానంతో మన శక్తి మేరకు సమాజానికి సేవ చేసేందుకు మనందరం కృషి చేద్దాం.

స్వామికి ప్రీతికరమైన సేవలో

జిత్ కె అగర్వాల్