ప్రియమైన ప్రాక్టీషనర్లకు,

మనం 2022 లోకి వెళుతున్న సందర్భంలో జీవితాన్ని ప్రాపంచిక దృక్పథం తో చూసే వ్యక్తికి రాబోయే సంవత్సరం కూడా ఈ మహమ్మారిని భరించడం వల్ల ఏర్పడిన పరిస్థితికి సంబంధించిన అనిశ్చిత స్థితి మరియు ఆందోళనతో నిండి ఉంటుంది. కానీ ఉన్నతమైన ఆదర్శంతో జీవితాన్ని గడిపే వారికి ఈ 2022 పురోభివృద్ధి, ఆశావహ ధృక్పధం, సేవ చేయడానికి మరియు ప్రేమను పంచుకునే అవకాశాన్ని అందించే సంవత్సరంగా స్వాగతించ బడుతుంది. స్వామి ఇలా అన్నారు “పవిత్రమైన శరీరం కలిగిన మనిషి ఈ దేహాన్ని దుర్వినియోగం చేస్తున్నాడు. మనిషి జీవితం ఒక వెదురు కర్ర వంటిది. అది సంపద, భార్య పిల్లలు, కోరికల రూపంలో అనేక ముడులను కలిగి ఉంటుంది. ఈ చిక్కులను తొలగించాలి. ఈ కొత్త సంవత్సరం నుండి మీరు మానవత్వం యొక్క నిజమైన అర్థాన్ని గ్రహించి మీ జీవితములో పరివర్తన పొందాలి. అప్పుడు మీరు దేశానికి నిజమైన సేవకులు అవుతారు. ప్రజా జీవితం లోని ప్రతీ రంగంలోనూ మీ వంతు పాత్ర పోషించి మీ హృదయాన్ని స్వచ్ఛంగా కల్మష రహితంగా ఉంచుకోండి... సత్య సాయి బాబా- నూతన సంవత్సర ప్రసంగం 1998 జనవరి 1.

మన ప్రతీ ఆలోచన, వాక్కు, మరియు పనిలో మానవత్వాన్ని కనబరాచాలంటే సరైన దృక్పథం తప్పనిసరి. ఒక సంస్థ గా మేము 2021 కి న్యాయం చేశామనే భావిస్తున్నాను. కొత్త సంవత్సరంలో కూడా మనం ఇదే ఉత్సాహాన్ని కొనసాగించగలమని ఆశిస్తున్నాను మరియు ప్రార్థిస్తున్నాను. గడిచిన సంవత్సరాన్ని వెనక్కి తిరిగి చూసుకుంటే వైబ్రియానిక్స్ ప్రాక్టీషనర్లుగా మరియు సేవకు అంకితమైన సంస్థగా మనము అన్ని రంగాల్లో అద్భుతమైన ప్రగతి సాధించాము.

• 2020లో ప్రారంభించిన స్ప్రెడ్ ద వర్డ్ ప్రచారం గడచిన సంవత్సరంలో మహమ్మారి సమయంలో కూడా ఊహించని విధంగా పెద్ద ఎత్తున ప్రారంభమైంది. సామాజిక పరిమితులకు కట్టుబడి ఉన్న సమయంలో కూడా మన ప్రాక్టీషనర్లు ఈ సవాళ్లను దీటుగా స్వీకరించి భక్తులు నుండి విద్యార్థులు, ఉపాధ్యాయులు మరియు సాయుధ బలగాల వరకు పట్టణ ప్రాంతాల నుండి ప్రపంచంలోని మారు మూల వరకు కూడా జనబాహుళ్యమును చేరుకోవడానికి పాఠశాలలు, కళాశాలలు, సాయి కేంద్రాలు మరియు ఆన్లైన్  ప్లాట్ఫార్మ్ ద్వారా తమకు లభించిన ప్రతీ అవకాశమును వినియోగించుకొని ప్రజలకు అవగాహన కల్పించారు.
• భారతదేశంలో సత్యసాయి సేవా సంస్థ మరియు సాయి వైబ్రియానిక్స్ మధ్య సహకారం పెరగడం ప్రశాంతి నిలయంలో వైబ్రియానిక్స్ క్లినిక్ లు సజావుగా పనిచేయడానికి, మరియు కొత్త క్లినిక్ లు ప్రారంభించడం మరియు సాయి ఇంటర్నేషనల్ సెంటర్ న్యూఢిల్లీ వంటి అనేక ఇతర ప్రదేశాల్లో కొత్తవాటిని పెంచడానికి మార్గం సుగమం చేసాయి.  
• సాధారణం నుండి వర్చువల్ సమావేశాలకు మారిన ఫలితంగా ఈ ప్రపంచమే ఒక చిన్న ప్రదేశంగా మారడంతో ఇప్పుడు మనమంతా ఒకే కుటుంబంగా మరియు సంస్థగా సన్నిహితంగా ఉన్నాము. ప్రాక్టీషనర్ల మధ్య వర్చువల్ నెట్వర్కింగ్ పెరగడంతో గత  సంవత్సరంలో గణనీయమైన అభివృద్ధి  కనబరుస్తూ అందరి మధ్య సాన్నిహిత్యం పెరగడానికి మరియు అప్డేట్ గా ఉండడానికి అనేక క్రొత్త ప్రాంతాలు నెలవారి సమావేశాలు ప్రారంభించాయి.  
• ఇమ్యూనిటీ బూస్టర్ (IB) గరిష్ట స్థాయిలో వ్యక్తులకు పంపిణీ చేయడం గత సంవత్సరం ప్రాక్టీషనర్ల ప్రాధాన్యతా అంశంగా నిలిచింది. (IB) కోసం డిమాండ్ రోజురోజుకు పెరుగుతూ 2021 చివరి నాటికి మనము 600,000 లబ్ధి దారుల సంఖ్యకు చేరువలో ఉన్నాము.
• ఈ సంవత్సరం మనము సాధించిన అతి పెద్ద పురోగతి కొత్త అభ్యాసకులకు శిక్షణ ఇవ్వడం మరియు ఇప్పటికే ఉన్న వారికి తిరిగి శిక్షణ ఇవ్వడం. 2021లో మన శిక్షణ ప్రమాణాలను గణనీయంగా పెంపొందించడానికి కృషి చేశాము. AVP మరియు SVP హోదా కోసం మరియు కొత్తగా స్థాపించబడిన అసిస్టెంట్ ప్రాక్టీషనర్ AP క్యాటగిరీ కోసం అడ్మిషన్ నుండి అక్రిడిటేషన్ వరకు అప్డేట్ చేయబడిన ప్రమాణాలు (SOP) ఇప్పుడు అమలులో ఉన్నాయి. చాలా కష్టపడి పనిచేస్తూ ఎల్లప్పుడూ  అప్రమత్తముగా ఉండే అడ్మిషన్స్ టీం మరియు IT టీమ్ కు మరియు వారికి మద్దతు ఇస్తున్న ఉపాధ్యాయులు, మెంటర్లు, మరియు ట్రైనింగ్ కోఆర్డినేటర్లు అందరికీ మా హృదయపూర్వక కృతజ్ఞతలు.
• మా పూర్వపు నెలవారీ నివేదిక కోఆర్డినేటర్ లను ప్రాంతీయ సమన్వయకర్తలుగా RC లుగా ఎలివేట్ చేయడం మరొక అభివృద్ధికరమైన అంశము. ఆర్ సి లు ఇప్పుడు పరిపాలన మరియు ప్రాక్టీషనర్ల మధ్య మధ్యవర్తిగా చాలా ముఖ్యమైన పాత్రను కలిగి ఉన్నారు. ద్వైమాసిక  సమన్వయం మరియు నవీనీకరణ  సమావేశం ఇప్పుడు వీరికి ఒక సాధారణ అంశంగా మారాయి.  
• మా AP కోర్సును మాతృభాషలో ప్రారంభించడం అనేది భారతదేశంలోని అనేక మారుమూల ప్రాంతాల్లో క్లినిక్లను ప్రారంభించడంతో పాటు సాయి వైబ్రియానిక్స్ ప్రజలకు మరింత అందుబాటులోకి తీసుకురావాలనే లక్ష్యానికి మమ్మల్ని మరింత చేరువ చేసింది. 2021లో మేము హిందీ మరియు తెలుగులో ప్రారంభించాము, మరియు 2022 లో ఇదే పురోగతి కొనసాగిస్తూ  కన్నడ, తమిళం, మరియు మలయాళం వంటి ఇతర భాషల్లో AP కోర్సులను ప్రారంభించి అనేక అదనపు క్లినిక్కులు ఏర్పరచడం ద్వారా మా పరిధిని విస్తరించాలని మేము భావిస్తున్నాము.
• 2021లో మా IT బృందం ఐటీ వనరులను (సర్వర్లు, డేటాబేస్ లు, డేటా నిల్వ మరియు వెబ్సైట్లు) సమర్థవంతంగా నిర్వహించిందని మరియు 99% నకు మించి అందుబాటులో ఉండేలా చూసుకున్నదని తెలపడానికి నేను సంతోషిస్తున్నాను. 2022 లో హిందీ మరియు తెలుగు వినియోగదారులకు భాషా మద్దతుతో మా ప్రధాన వెబ్ సైట్ యొక్క సవరించిన అంశాన్ని లేదా సంస్కరణను విడుదల చేయడం, బహుళ భాషలలో కేస్ హిస్టరీ లను శోధించడం కోసం మద్దతు అందించడం, మరియు మా మొదటి అంతర్జాతీయ సమావేశపు పుస్తకంలో ప్రచురింపబడిన అన్ని కేసు చరిత్రలను మా వార్తల విభాగపు సైట్ లో అందుబాటులో ఉంచడం, మరియు ఐటి విభాగంలో సంభావ్య ప్రయోజనాల నిమిత్తం అదనపు నిర్వాహక సిబ్బందికి శిక్షణ ఇవ్వడము ఈ బృందం యొక్క ప్రధాన ప్రణాళికలు. దయచేసి వారి ప్రణాళికల అమలులో ఐటీ బృందానికి మీ మద్దతు మరియు సహకారాన్ని అందించండి. మీరు [email protected] ద్వారా వారికి వ్రాయవచ్చు.
• కొన్ని నెలల క్రితం సాయి వైబ్రియానిక్స్ సెంటర్ నిర్మాణాన్ని ప్రారంభించాము. ఐతే నిర్మాణ కాంట్రాక్టర్లతో ఊహించని సవాళ్ళతో ఇటీవల ఇది నిలిపివేయబడింది. వీలైనంత త్వరగా పనిని పునః ప్రారంభించాలని మేము భావిస్తున్నాము. ఇది ఆలశ్యానికి దారి తీయవచ్చు, ఆలశ్యాలు తిరస్కరణలు కావు.   

 సంస్థగా మేము “పనిలో పురోగతి” లో ఉంటాము. మనం ఎల్లప్పుడూ ఇదే ఆశయంతో ఉంటామని నేను ఆశిస్తున్నాను, ఎందుకంటే  పరిణామం చెందకపోతే మనం ఎదగలేము! 

స్వామిని వాక్కు దృష్ట్యా మనమందరం పెంపొందించుకోవాల్సిన నిజమైన దృక్పథం ఇక్కడ ఉంది- “కరుణతో నిండిన హృదయం భగవంతుని ఆలయం. యేసు కరుణ కోసం వేడుకొన్నాడు, కరుణ అతని సందేశం, పేదలను కష్టాలను చూసి ఎంతో చలించి పోయాడు. ఈ రోజు ఏసు ఆరాధింపబడుతున్నాడు కానీ అతని బోధనలు నిర్లక్ష్యం చేయబడ్డాయి. సాయిని ఆరాధిస్తున్నారు కానీ ఆయన బోధనలు విస్మరింప బడ్డాయి. ప్రతీ చోట ఆడంబరం, ప్రదర్శన, ఆర్భాటపు ఉపన్యాసాలు ఉంటున్నాయి. ఉపన్యాసాలు, ఉపన్యాసాలు, ఉపన్యాసాలు, ఇవే తప్ప కార్యాచరణ లేదు, ప్రేమ లేదు, సేవ లేదు. ఉపన్యాసాలు ఇచ్చేటప్పుడు హీరోలు, చెప్పినది ఆచరణలో పెట్టడంలో జీరోలు. కరుణను అభివృద్ధి చేసుకోండి,  ప్రేమలో జీవించండి, మంచిగా ఉండండి, మంచి చేయండి, మంచినే  చూడండి. ఇదే భగవంతుని చేరుకొనే మార్గం. - సత్య సాయి బాబా, క్రిస్మస్ ప్రసంగం, 1981 డిసెంబర్ 25.  

మీకు మరియు మీ ప్రియమైన వారికి 2022 సంతోషంగా ఆరోగ్యంగా మరియు సుసంపన్నంగా ఉండాలని కోరుకుంటూ

సాయికి ప్రీతికరమైన సేవలో 

జిత్ కె అగర్వాల్