ప్రియమైన అభ్యాసకులారా,

గురు మహిమ యొక్క ఆనందం మనకు అగుపడడం ప్రారంభమయినప్పుడు మాత్రమే మనలో స్వచ్ఛమైన ఆనందం మరియు జ్ఞానోదయం కలుగుతుంది. ఆ పరమాత్ముడినే గురువుగా పొందిన మనము ఎంతో అదృష్టవంతులము. "గురు" అన్న సంస్కృత పదానికి "అంధకారాన్ని తొలగించే వారు" అని అర్థం. గురువు పై శ్రద్ధ కలిగియుండడం సర్వశ్రేష్టమని నా నమ్మకం. గురువు పై నిబంధన లేని శ్రద్ధ కలియుండడం ద్వారా మాత్రమే మనము పరమానందం పొందగలుగుతాము.

ప్రశాంతి నిలయంలో అత్యంత పవిత్రమైన సందర్భాలలో ఒకటైన గురు పూర్ణిమ వేడుక దగ్గరకు వచ్చిన సమయంలో మీకు రాయడం నాకెంతో ఆనందాన్ని ఇస్తున్నది. మన హృదయాలలో మనకు అత్యంత ప్రియమైన మరియు ప్రధాన రోగ నివారణ కారకుడైన భగ్వాన్ శ్రీ సత్యసాయి బాబా వారి పైన ఉన్న భక్తి విశ్వాసాలను మరింత ధృడ పరుచుకోవాలని మరియు ఈ విశేషమైన సమయంలో దివ్య ప్రేమ మరియు నిస్వార్థ సేవ యొక్క దివ్య కాంతిలో మనమందరని ముంచెత్తాలని స్వామిని ప్రార్థిస్తున్నాను.

వైబ్రియానిక్స్ కార్యక్రమం, సహకార శక్తి యొక్క ప్రత్యక్ష ఫలితంగా గొప్ప పురోగమన పరిణామానికి గురవుతోందన్న విషయాన్ని మీ అందరితో పాలుపంచుకోవడం నాకు అపార ఆనందాన్ని ఇస్తున్నది. గత వార్తాలేఖలో సూచించబడినట్లుగా, వైబ్రియానిక్స్ లో నిరంతర అభివృద్ధి మరియు జ్ఞ్యానం కొరకు ఇండియా, UK మరియు USA వంటి దేశాలలో చికిత్సా నిపుణుల బృందాల ద్వారా క్రమమైన సమావేశాలను జరపడం జరిగింది. అసాధారణ సంఖ్యలో చికిత్సా నిపుణులు పాల్గొనడం మరియు ముఖ్యమైన విషయాలను మరియు అనుభవాలను పాలుపంచుకోవడం ద్వారా ఈ సమావేశాలు గొప్ప విజయాన్ని సాధించాయి.

సమావేశాలు చాలా నిర్మాణాత్మక రీతిలో జరపబడినవి. సీనియర్ చికిత్సా నిపుణులు ఆహారం, శరీరంలో ఉన్న కీలక అవయవాలు, మిశ్రమాలు వంటి అత్యంత ముఖ్యమైన విషయాల పై ప్రదర్శనలను ఇవ్వడం జరిగింది. ఎనర్జీ కాంబో (మిశ్రమం) మరియు కార్టిసోల్ కాంబో వంటి ప్రత్యేక ప్రయోజనాలు గల మిశ్రమాల ద్వారా కలిగిన విజయవంతమైన ఫలితాలను సీనియర్ చికిత్సా నిపుణులు పాలుపంచుకోవడం జరిగింది. (మరిన్ని వివరాలకు, ఈ వార్తాలేఖలో ఇవ్వబడిన "అదనపు సమాచారం" విభాగంను చదవండి). ఒక ఆరోగ్యకరమైన జీవనశైలిను నిలబెట్టుకోవటానికి, ఆరోగ్యకరమైన ఆహారం యొక్క ప్రాముఖ్యత గురించి వివరంగా చర్చించబడింది. అంతేకాకుండా, ల్యూపస్ మరియు ఆబ్సెసివ్ కంపల్సివ్ డిసార్డర్ వంటి తీవ్రంగా బలహీనపరిచే దీర్ఘకాలిక అనారోగ్యాల చికిత్సకు సహాయపడే విధంగా, ఇటువంటి రోగ సమస్యల చికిత్సలో విజయాన్ని సాధించిన చికిత్సా నిపుణులు వివిధ వైబ్రో మిశ్రమాల వివరాలను పాలుపంచులోవడం జరిగింది. కొన్ని సమావేశాలలో, రేడియానిక్స్ మరియు వైబ్రియానిక్స్ యొక్క అనుగుణ్యత వంటి ఆధునిక విషయాల పై చర్చ జరపబడినది. అంతేకాకుండా, ప్రేమ, కృతజ్ఞత మరియు క్షమ వంటి సద్గుణాల యొక్క శక్తి ద్వారా వ్యతిరేకమైన శక్తి తరంగాలను సానుకూలమైన ఆరోగ్యకరమైన శక్తి తరంగాలుగా రూపపరివర్తన చేయవచ్చని ఈ సమావేశాల్లో చెప్పబడినది.

చికిత్సా నిపుణులు^03531…UK ద్వారా మరొక ముఖ్యమైన యత్నం అసామాన్యమైన రీతిలో ప్రారంభించ బడియున్నది. ఆ యత్నం  ప్రతి ఒక్క చికిత్సా నిపుణులు యొక్క వివరాలను వైబ్రో నిర్వాహక టీము, సమన్వయకర్తలు మరియు శిక్షకులకు అందుబాటులో ఉండేవిధంగా ఒక డేటాబేస్ (సమాచార సంచయం) ను తయారు చేయడమే. తదుపరి కొన్ని నెలల్లో ఈ పని పూర్తవుతుందని ఎదురుచూస్తున్నాము.

ప్రపంచ స్థాయిలో రోగులకు ఉచితంగా ఒక ప్రత్యామ్నాయ ఆరోగ్య సంరక్షణ సంస్థగా వైబ్రియానిక్స్ ఒక స్థిరమైన రీతిలో వేగంగా ముందుకు వెళ్లడం గమనిస్తుంటే, వైబ్రియానిక్స్ భవిష్యత్తులో ప్రపంచ వ్యాప్తంగా ఒక ప్రధాన చికిత్సా విధానంగా ఎన్నుకోబడుతుందని నేను పూర్తిగా నమ్ముతున్నాను. మా జీవితకాలంలో స్వామి యొక్క ఈ సేవా కార్యక్రమం ఒక అద్భుతమైన మరియు దివ్యమైన స్థితికి చేరుకోవడాన్ని చూసే సౌభాగ్యాన్ని ఇచ్చినందుకు స్వామికి మా కృతజ్ఞతలు. ఈ ప్రతిష్ట, వైబ్రియానిక్స్ కార్యక్రమంలో సేవను అందిస్తున్న ప్రతి ఒక్కరికి చెందుతుంది. స్వామి యొక్క ప్రేమ వాహిని పుస్తకంలో ముందుమాటలు రాసిన ప్రొఫెసర్ ఎన్.కస్తూరి గారి మాటలు గుర్తుకు వస్తున్నాయి: "ఇక్కడ సూచించబడిన సాధన ద్వారా (ఆధ్యాత్మిక ఆచరణ) కలిగే కుతూహలాన్ని అనుభవిస్తూ అదే సమయంలో మీరు కరుణాసాగరం యొక్క ఘనతకు ప్రతిస్పందిస్తున్నారు”.

ప్రేమపూర్వకంగా సాయి సేవలో,

    డా.జే కే అగర్వాల్