భూకంప సమయంలో ఎక్కడికి వెళ్లాలి

 
ప్రతీ ఒక్కరితో ఈసమాచారాన్ని భాగస్వామ్యం చేయండి.
భూకంపం, హరికేన్, లేదా సుడిగాలి సమయంలో టేబుల్ కింద దాక్కోవడం లేదా తలుపు పక్కన నిలిచి ఉండటం గురించి హెచ్చరికలు గుర్తున్నాయా ? మంచిది, ఇక వాటిని మర్చిపోండి! మన కన్నులు తెరిపించే వ్యాసం ఇది. ఏదో ఒక రోజున ఇది మీ జీవితాన్ని కాపాడుతుంది.

డాగ్ కాప్ యొక్క వ్యాసం “జీవితం యొక్క త్రికోణం” నుండి గ్రహించబడినది.

నా పేరు డాగ్ కాప్. నేను ప్రపంచంలో అత్యంత అనుభవజ్ఞానశీలిగా పిలువబడే అమెరికన్ రెస్క్యూ టీం ఇంటర్నేషనల్ (ARTI) యొక్క రెస్క్యూ టీం ప్రధాన అధికారిని మరియు డిజాస్టర్ మేనేజర్ గా ఉన్నాను. ఈ వ్యాసంలోని సమాచారం భూకంప బాధిత జీవతలను కాపాడుతుంది.

నేల కూలిపోయిన 875 భవనముల లోపలకి పాకుతూ వెళ్ళాను, 60 దేశాల రెస్క్యూ టీములతో కలిసి పనిచేశాను, అనేక దేశాలలో రెస్క్యూ టీములను స్థాపించాను, మరియు నేను అనేక దేశాల రెస్క్యూ టీములలో సభ్యుడిగా కూడా ఉన్నాను. రెండేళ్లపాటు   ఐక్యరాజ్యసమితి డిజాస్టర్ మేనేజ్మెంట్ నిపుణుడిగా ఉన్నాను మరియు 1985 నుండి ప్రపంచంలోని ప్రతీ ఒక్క ప్రధాన విపత్తులోనూ (ఒకేసారి సంభవించినవి తప్ప) పనిచేశాను.

1985లో భూకంప సమయంలో మెక్సికో  నగరంలోని ఒక పాఠశాల నేను లోపలికి పాకుతూ వెళ్ళిన మొదటి భవనం. పిల్లలంతా తరగతి గదిలో ఉన్న డెస్కుల క్రింద తలదాదాచుకున్నారు. ప్రతీ బిడ్డా ఎముకలతో సహా చూర్ణం చేయబడ్డారు. వారు డెస్క్ పక్కన పడుకొని ఉన్నట్లయితే రక్షింపబడి ఉండేవారేమో. ఆదృశ్యం చూడలేనిదిగా హృదయ విదారకంగా ఉంది.
 
సరళంగా చెప్పాలంటే భవనాలు కూలిపోయినప్పుడు లోపల వస్తువులు లేదా ఫర్నిచర్ పై పడే పైకప్పుల బరువు ఈ వస్తువులను అణిచివేస్తున్నా వాటి పక్కన ఉన్న కొద్ది  స్థలము విడిచివేయబడి శూన్యంగా ఉంటుంది తప్ప వస్తువులక్రింద ఖాళీ జాగా ఉండదు. ఈ ఖాళీ స్థలాన్ని నేను ‘జీవితం యొక్క త్రికోణం’ అని పిలుస్తాను. వస్తువు ఎంత పెద్దదైతే దాని ప్రభావం అంత బలంగా ఉండి అది సృష్టించే శూన్యం అంత తక్కువ ఉంటుంది. వస్తువు ఎంత తక్కువ అది సృష్టించే శూన్యత అంత పెద్దగా ఉంటుంది. అంతేకాక భద్రత కోసం దీనిని ఉపయోగిస్తున్న వ్యక్తి గాయపడక పోవచ్చు. ఈసారి కూలిపోయిన భవనాలను మీరు టెలివిజన్లో చూసేటప్పుడు శిధిలాల్లో ఏర్పడినట్లు కనిపించే త్రిభుజాలను లెక్కించండి. అవి ప్రతీ ఛోటా కనిపిస్తాయి. కూలిపోయిన ఏ భవనంలోనైనా ఇది మనకు కనిపించే చాలా సాధారణ రూపం.

భూకంప సమయంలో సురక్షితమైన చిట్కాలు

1. భవనం కూలి పోవడం ప్రారంభించినప్పుడు ఎవరైనా వస్తువుల క్రిందకు చేరి తమను కాపాడుకోవాలని ప్రయత్నిస్తే మరణానికి గురి అవుతారు. డెస్కులు లేదా కార్లు వంటి వస్తువుల కిందకు చేరే ప్రజలు చూర్ణం అవుతారు.

2. పిల్లులు, కుక్కలు మరియు పిల్లలు సహజంగా కడుపులో పిండస్థ స్థితిలో ముడుచుకొని వంకరగా ఉంటారు. మీరు కూడా భూకంపంలో అలాగే ఉండాలి. ఇది మనుగడ కోసం సహజసిద్ధమైన ప్రక్రియ. ఈ పద్ధతిలో మీరు చిన్న శూన్య ప్రదేశంలో కూడా  రక్షింపబడే అవకాశం ఉంది. ఏదైనా ఒక వస్తువు పక్కన, సోఫా పక్కన, మంచం పక్కన, లేదా పెద్ద విశాలమైన వస్తువు పక్కన  కొద్దిగా ఒదిగి కుదించుకుని పడుకున్నట్లైతే భూకంప సమయంలో అది కొంతమేర నొక్కుకు పోయే అవకాశం ఉంది, కానీ దానిపక్కన శూన్యస్థలము మాత్రం వదిలివేయబడి ఉంటుంది.

3. చెక్క భవనాలు భూకంప సమయంలో అత్యంత సురక్షితమైన నిర్మాణాలు. కలప అనువైనది మరియు భూకంప శక్తితో పాటు కదిలి ఆగిపోతుంది. ఒకవేళ .చెక్క భవనం కూలి పోతే పెద్ద రక్షణ శూన్యప్రదేశాలు సృష్టించబడతాయి. అలాగే చెక్క భవనం తక్కువ  అణిచివేత బరువును కలిగి ఉంటుంది. అదే ఇటుక భవనలైతే విడివిడిగా ఉండే ఇటుకలుగా విరిగిపోతాయి. ఈ ఇటుకలు అనేక గాయాలకు కారణం అవుతాయి, కానీ కాంక్రీట్ స్లాబ్ కన్నా తక్కువ అణిచివేతకు గురిచేసే బరువైన భాగాలను కలిగి ఉంటాయి.  

4. మీరు రాత్రి సమయంలో మంచం మీద ఉంటే మరియు భూకంపం సంభవించినట్లయితే వెంటనే మంచంమీద నుండి ప్రక్కకు దొర్లండి. మంచం చుట్టూ సురక్షితమైన ఖాళీ ప్రదేశాలు ఉంటాయి. భూకంపాల సమయంలో హోటల్ గదులలో ఉండేవారికి  బ్రతికే అవకాశాలు చాలా ఎక్కువ. ప్రతి గది తలుపు వెనుక భాగంలో ఒక సంకేతాన్ని పోస్ట్ చేసి ఉండడం వలన  భూకంప సమయంలో మంచం ప్రక్కగా దిగువన నేల మీద పడుకుని కోమని ఆ సూచన హెచ్చరిస్తుంది.   
5. భూకంపం సంభవించి నట్లయితే మరియు తలుపు లేదా కిటికీ నుండి బయట పడటం ద్వారా సులభంగా తప్పించుకోలేకపోతే అప్పుడు సోఫా లేదా పెద్ద కుర్చీ పక్కన ఉన్న స్థానంలో పిండము ఆకారంలో వంకరగా పడుకోండి.

6. భవనాలు కూలిపోయినప్పుడు ఎవరైనా తలుపు కిందికి వస్తే చనిపోతారు. ఎలా అంటే ? మీరు ఒక తలుపు వద్ద నిలబడి ఉన్నప్పుడు ముందుకు పడినా లేదా వెనుకకు పడినా పైకప్పుతో మీరు చూర్ణం అవుతారు. ఒకవేళ ద్వారబంధం పక్కకి పడితే తలుపు ద్వారా సగానికి కట్ చేయబడతారు. కనుక ఈ రెండు సందర్భాలు చనిపోయే అవకాశం ఉంది!

7. ఎప్పుడూ మెట్ల వద్దకు వెళ్ళవద్దు. మెట్లు వేరేగా ఉండే కదిలే ఫ్రీక్వెన్సీ (అవి ప్రధాన భవన భాగం నుండి విడిగా ఉంటాయి) కలిగి ఉంటాయి. మెట్ల నిర్మాణం పడిపోయే వరకూ భవనం యొక్క మెట్లు మరియు మిగిలిన భవనపు భాగము పరస్పరం ఢీకొంటూ ఉంటాయి. భవనం పడి పోయేటప్పుడు మెట్లు ఎక్కే వ్యక్తులు - చాలా దయనీయంగా ముక్కలుగా చేయబడతారు. ఒకవేళ భవనం కూలక పోయినా మెట్లకు దూరంగా ఉండండి. మెట్లు కూలిపోయే భవనంలో ఒక భాగమే. కనుక భవనంతో పాటు దెబ్బతినే అవకాశం ఎక్కువే. భూకంపం వల్ల మెట్లు మీదుగా పోతే పారిపోతున్న వ్యక్తులు ఎక్కువైనప్పుడు కూలిపోయే అవకాశం ఉంది. కనుక మిగిలిన భవనం సురక్షితంగా ఉన్నా తర్వాత కూలిపోవచ్చు. కనుక భవనం పాడవకుండా ఉన్నా మెట్లను ఎల్లప్పుడూ ఎల్లప్పుడూ తనిఖీ చేసుకుంటూనే ఉండాలి.

8. వీలైతే భవనాల బయటి గోడల దగ్గర లేదా వాటి వెలుపల చోటు పొందండి. భవనం లోపల ఉండేకన్నా వెలుపల ఉండటం ఎల్లప్పటికీ సురక్షితమే. మీరు భవనం వెలుపల చుట్టుకొలత నుండి ఎంత దూరంగా ఉంటే మీరు తప్పించుకునే మార్గం అంత కుదించుకు పోయినట్లు తెలుసుకోండి.

9. తమ వాహనాలలో కూర్చున్న ప్రజలు వారి ముందున్న రోడ్డు భూకంపానికి కుంచించుకు పోయినప్పుడు అది వారి వాహనాలను నొక్కి వేసినప్పుడు, లోపల ప్రజలు చూర్ణం చేయబడతారు. నిమిజ్ ఫ్రీవే రహదారిలో సరిగ్గా ఇలానే జరిగింది. శాన్ ఫ్రాన్సిస్కోలో భూకంపం బాధితులు అందరూ తమ వాహనాల లోపలే ఉండడంతో అందరూ చనిపోయారు. బయటకు రావడం   లేదా వారి వాహనాలు పక్కన కూర్చోవడం లేదా పడుకోవడం ద్వారా వారు సులభంగా రక్షింపబడి ఉండేవారు. ఇలా నలిగిపోయిన కార్ల ప్రక్కన అన్నింటికీ (కాంక్రీట్ నిలువు దిమ్మల మధ్య పూర్తిగా నలిగిపోయిన వాటికి తప్ప) వాటి పక్కన మూడు అడుగుల ఎత్తులో ఖాళీ స్థలం ఉంది.  
10. కూలిపోయిన వార్తాపత్రిక కార్యాలయాలు మరియు ఇతర కార్యాలయాల లోపల నేను వెళ్ళి చూసినప్పుడు కాగితాలతో కూడిన పెద్ద దొంతరలు నలిగిపోలేదు. మరియు వాటి చుట్టూ పెద్ద ఖాళీ ప్రదేశాలు ఏర్పడ్డాయి.  

1996 లో మేము ఒక సినిమా చేసాము, అది నేను సూచించిన రక్షింపబడే విధానము సరైనదని నిరూపించింది. ఈ ఆచరణాత్మక శాస్త్రీయ పరీక్షను చిత్రీకరించడానికి టర్కిష్  ఫెడరల్ గవర్నమెంట్, సిటీ ఆఫ్ ఇస్తాంబుల్, యూనివర్సిటీ ఆఫ్ ఇస్తాంబుల్ కేస్ ప్రొడక్షన్స్ మరియు ARTI సహకరించాయి. ఈ సినిమా లోపల మేము 20 నమూనాలతో ఒక పాఠశాల మరియు ఇంటిని సెట్టింగులు వేసి కూల్చి వేసాము. 10 నమూనాలను ‘డక్ అండ్ కవర్’ అనగా వస్తువుల క్రింద దాగుకొనే పద్దతిలోనూ, మిగతా 10 నమూనాలు నేను ఎంచుకున్న ‘జీవితం యొక్క త్రికోణము’ ద్వారా రక్షింపబడే పద్దతిలోనూ కవర్ చేసాము. అనుకరణ భూకంపం తర్వాత మేము ఈ నమూనా భవనాల లోనికి వెళ్ళి చిత్రీకరించడానికి మరియు ఫలితాలను నమోదు చేయడానికి సంబంధించిన ప్రత్యక్షంగా గమనించదగిన శాస్త్రీయ పరిస్థితులలో నేను ప్రాక్టీస్ చేసిన మనుగడ పద్ధతుల ప్రకారం ‘ డక్ అండ్ కవర్ ‘ పద్దతిలో ప్రాణ రక్షణ 0% ఉందని నిరూపించింది.                                                                                                         అలాగే ‘జీవితము యొక్క త్రిభుజం’ అనే పద్ధతిని ఉపయోగించి ప్రజలకు 100% ప్రాణ రక్షణ ఉండే అవకాశం ఉందని  ఈ చిత్రము నిరూపించింది. ఈ చిత్రాన్ని టర్కీ మరియు మిగిలిన యూరోప్ లోని టెలివిజన్లో మిలియన్లకొద్దీ ప్రేక్షకులు వీక్షించారు. యూఎస్ఏ కెనడా మరియు లాటిన్ అమెరికా టీవీ ప్రోగ్రాం రియల్ టీవీలో కూడా దీనిని చూపించారు.

'మనము ఒక రెక్క ఉన్న దేవదూతలము. మనం ఎగరాలంటే రెండు రెక్కలు కావాలి. కనుక ఈ చిట్కాలను వ్యాప్తి చేసి ఒక ప్రాణాన్ని కాపాడండి ప్రపంచం మొత్తం ప్రకృతి వైపరీత్యాలు ఎదుర్కొంటోంది కనుక వీటిని గురించి తెలుసుకోండి మరియు ఎదుర్కొనడానికి సిద్ధంగా ఉండండి!
                                                         ట్రయాంగిల్ ఆఫ్ లైఫ్ డాగ్ కాప్ వ్యాసం నుండి సంగ్రహించి బడినది