ప్రియమైన అభ్యాసకులకు,

సాయి వైబ్రియానిక్స్ యొక్క ఈ ప్రత్యేక సంచిక రేడియేషన్ మరియు భూకంపాల విపత్తుల నుండి రక్షణ గురించి మరియు ఆహార భద్రత గురించి ఇవ్వబడింది.

మన హృదయ పూర్వక ప్రార్థనలు జపాన్లోని మన సహోదర, సహోదరీలు అందరికీ వారి బాధల నుండి విముక్తి పొందడానికి తోడ్పడాలని కోరుకుంటున్నాము. అక్కడి ప్రజల కోసం మనం సిఫారసు చేసిన కోంబోలు ఉపయోగకరంగా ఉన్నాయని  అభ్యాసకులద్వారా తెలుస్తున్నందుకు ఎంతో సంతోషంగా ఉంది. ఇప్పుడు మనం ప్రస్తుత సవాళ్లను ఎదుర్కొనే రోజులలో ప్రపంచవ్యాప్తంగా ఉన్న మన అభ్యాసకుల శ్రేయస్సు కోసం మరియు వారు సంప్రదింపులు జరిపే వ్యక్తుల కోసం కొన్ని సూచనలు ఇవ్వాలని భావిస్తున్నాము.

ఇది ముందు జాగ్రత్త చర్యలు తీసుకోవాలసిన సమయమే కానీ భయ పడాల్సిన సమయం కాదు. జపాన్లో జరిగిన అణు రియాక్టర్ ప్రమాదం వలన విడుదల అయ్యే రేడియేషన్ ప్రపంచ వాయు ప్రవాహముల ద్వారా అన్ని దేశాలకు తీసుకువెళ్ళబడుతోంది. ప్రస్తుతానికి దీని తీవ్రత కొంత తగ్గినప్పటికీ ఇది ఇంకా మన శారీరక వ్యవస్థలపై  విషపూరితప్రభావాన్ని కలిగి ఉంది. మన వైబ్రో వైద్యం ద్వారా మనల్ని మనం రక్షించుకునే మార్గం ఉంది. క్రింద ఇవ్వబడిన వైబ్రో మిశ్రమాలు మీరు తయారుచేసి మీ రోగులు, కుటుంబ సభ్యులు,  స్నేహితులు, జంతువులు మరియు ఇతరులకు మీరు ఇవ్వవచ్చు.

ఒక సంతోషకరమైన వార్త ప్రకారం, భగవాన్ శ్రీ సత్యసాయి బాబా మన ప్రియమైన స్వామి వ్యాధి నుండి కోలుకునే మార్గంలో ఉన్నందుకు ఎంతో ఆనందంగా ఉంది. స్వామి త్వరలోనే యజుర్ మందిరానికి తిరిగి వచ్చి విశ్రాంతి తీసుకుంటారని ఆశిస్తున్నాము. కొంత సమయం స్వామి యొక్క భౌతిక శరీరానికి శాశ్వత కార్డియో పేస్ మేకర్ ను అమర్చడం అవసరం కాగా విశ్వం యొక్క హృదయ లయను కొనసాగించడానికి ఈ దివ్య లయ కర్త అవిశ్రాంతంగా ఈ సేవను  కొనసాగిస్తూనే ఉంటారు.

స్వామికి బీట్ మిస్ (హృదయ స్పందన) కానప్పటికీ మనలో అనేకమందిమి వారి శ్రేయస్సుకోసం మరియు ప్రపంచ పరిస్థితుల గురించి మిస్డ్ బీట్స్ తో బాధను ఆందోళనను అనుభవిస్తూ ఉన్నాము. ఈ రెండు కూడా తగినంత విశ్వాసం లేకపోవడం మరియు శ్రీవారికి సంపూర్ణ శరణాగతి చేయకపోవడం వలన ఏర్పడ్డవే. అందుకే బాబా వారు “మీ శరీరాన్ని వంచండి, ఇంద్రియాలను నియంత్రించండి, మనోలయం సాధించండి” అన్నారు. మనలో ప్రతీ ఒక్కరూ బ్రహ్మము (దేవుని) యొక్క పూర్తి వ్యక్తీకరణయే. కనుక  మన ప్రతీ ఆలోచన, మాట, క్రియలను విశ్వ ప్రభువైన మన భగవాన్ శ్రీ సత్యసాయి బాబాకు అంకితం చేయడం ద్వారా ఇంద్రియ నియంత్రణ, తద్వారా అహంకార రాహిత్యము పొంది మన మనసు చేసే గారడీ నుండి విముక్తులవుదాము. మనము వివిధ సామాజిక ఒడంబడిక ద్వారా మన ఆలోచనలను మరియు మన పరిమితమైన ప్రాపంచిక అనుభవాలను రూపొందించుకొని మన వ్యక్తిగత అహం లేదా అంతరాత్మను దర్శించలేక మాయలో జీవిస్తున్నాము. సాయి బోధలను అధ్యయనం చేయడానికి, స్వామి నామస్మరణకు ప్రతీరోజూ కొన్ని నిమిషాలు కేటాయించడం, రోజంతా భక్తిగీతాలు పాడుకోవడం లేదా స్మరించడం వంటివి మనలో ఉన్న  దేవుని కనుగొనడంలో సహాయపడతాయి.

ముఖ్యంగా సంకుచితమైన కోర్కెల కోసం బాబాను ప్రార్థించ పోవడమే మంచిది. భగవాన్ బాబా మానవ రూపంలో అవతరించిన సర్వశక్తిమంతులు. మనలను మేల్కొలపడానికి వారితో అనుగుణంగా ఉండటానికి మనల్ని అధ్యాత్మిక పధంలో ఉద్దీపన చేయడానికి తమ లీలను కొనసాగిస్తున్నారు. మన ఆలోచనలు, మాటలు మరియు క్రియలను సరి చేసుకొని స్వార్ధ, అహంకారాలను విడనాడి వారి దివ్య హస్తంలో నిస్వార్ధమైన మరియు ప్రేమగల సాధనంగా మారడానికి మన వంతు కృషి మనం కొనసాగించేలా చేయాలని భగవాన్ బాబాను ప్రార్థిద్దాం. నిజమైన శరణాగతి కోసం మరియు స్వామి భక్తులుగా పిలువబడే అర్హత పొందడం కోసం మనం ప్రార్థిద్దాం. స్వామి మాత్రమే కర్త, మరియు ఈ విశ్వ నాటకానికి సూత్రధారి బాబానే. మనం ఈ నాటకరంగంలో కేవలం వారి దివ్య హస్తంలో పనిముట్లము మాత్రమే అని అర్ధం చేసుకోగలిగినప్పుడు మనం స్వామిని ఏమీ అడగలేము. మనం మన హృదయపూర్వక ప్రార్థన ద్వారా, స్వామిని సంతోషపరిచే చర్యల ద్వారా స్వామి త్వరగా కోలుకోవాలని ప్రార్దిద్దాం.

ప్రేమతో సాయిసేవలో మీ

జిత్ కె అగ్గర్వాల్