అభ్యాసకురాలి వివరాలు 01001...Uruguay
అభ్యాసకురాలు 01001… యురుగ్వే దక్షిణ అమెరికాలోని యురుగ్వే దేశానికీ చెందిన ఈమెకు చిన్నతనం నుంచే భగవంతునిపై ప్రగాఢ విశ్వాసం, ప్రేమ ఉండేది. తనకు అయిదు సంవత్సరముల వయసులో ఒకసారి మేరీ మాత యొక్క సుందరమైన దర్శనం కలిగింది. కానీ తన యొక్క ఆధ్యాత్మిక యాత్ర మాత్రం 21 ఏళ్ల వయసులో ప్రారంభమైంది మరియు రెండు సంవత్సరాల తరువాత తన యోగా టీచర్ ద్వారా సాయి బాబా గురించి ఆవిడ విన్నారు. వెంటనే తనకు ముక్తిమార్గానికి సహాయం చేయగల దివ్యమైన టీచర్ బాబా అని ఆవిడకు అనిపించింది. ఆరు సంవత్సరాల తరువాత డిసెంబర్ 2009 ఈమె ప్రశాంతి నిలయానికి వచ్చారు. ఆ సమయంలో ఆమె జీవితం అల్లకల్లోలంగా ఉంది. తాను తన ప్రేమికుడితో సంబంధం తెంచుకొనే దశలో ఉంది మరియు తాను ఇంకా ఇద్దరు భాగస్వాములతో కలిసి నిర్వహిస్తున్న మరియు తాను పని చేస్తున్న రెస్టారెంట్ మూసివేయబడుతోంది. ఇటువంటి దిక్కు తోచని స్థితిలో ఈమె దర్శన సమయమున బాబాను మార్గము చూపించమని హృదయపూర్వకంగా అడిగింది.
దర్శనం అయిన వెంటనే, తాను ప్రయాణించిన గ్రూపులోని యురుగ్వేకి చెందిన ఫ్రెండ్ ఈమెను అర్జెంటీనాకి చెందిన ఒక మహిళకు ఒక స్వస్థతా కార్యక్రమానికి సంబంధించి అనువాదంలో సహాయం చేయాల్సిందింగా కోరారు. ఈమె ఒప్పుకొని అ గదిలో ప్రవేశించగానే విబ్రియోనిక్స్ సేవ చేస్తున్న డా. అగర్వాల్ మరియు వారి సతీమణి హెమ్ అగర్వాల్ ను చూసారు. ఆవిడకు తాను జీవితంలో ఎప్పుడోకప్పుడు చేయాల్సిన పని ఇదేనని చాలా గాఢంగా బలంగా అనిపించింది. తన యొక్క హృదయపూర్వక ప్రార్థనకు బాబా అత్యద్భుతంగా స్పందించారు. కానీ సమయం సరిపోనందున ఆ సందర్శన లో ఆవిడ ట్రైనింగ్ తీసుకొనలేకపోయారు. కానీ విబ్రియోనిక్స్ పట్ల ఈమెకున్న ఆసక్తి ప్రేమ ఎంత బలమైనదంటే, అనువాదంలో సహాయం చేయడానికి, విబ్రియోనిక్స్ సేవలో ఒక భాగంగా ఉండటానికి, సేవ చేయడంలోని ఆనందాన్ని పొందటానికి, ప్రతి రోజు ఈమె వారి దగ్గరకు వచ్చేవారు.
డిసెంబర్ 2011లో ఈమె ప్రశాంతి నిలయానికి తిరిగి వచ్చి మరొక సారి విబ్రియో శిక్షణ కొరకు దరఖాస్తు చేసుకొన్నారు, కానీ ఈమె దరఖాస్తు తిరస్కరించబడింది ఎందుకంటే ఈమె అక్యూప్రెస్సుర్ థెరపిస్టుగా వృత్తి నిర్వహిస్తున్నారు. కానీ తనకు ప్రియమైన విబ్రియోనిక్స్ లో శిక్షణ కోసం వేచి చూస్తున్నారు. ఇంతలో అక్యూప్రెస్సుర్ మీద పని చేస్తూనే ఒక అద్భుత వ్యక్తిని కలుసుకున్నారు మరియు వారికీ 2013లో ఒక అందమైన పుత్రుడు జన్మించాడు.
ఈమెకు 5 ఏళ్లగా చికిత్స అందిస్తున్న యురుగ్వేకి చెందిన ఒక పెద్ద వయసు అభ్యాసకురాలు, నవంబర్ 2015లో తన యొక్క విబ్రియో యంత్రం పుస్తకాలూ మొదలైనవి ఈమెకు ఇవ్వాల్సిందిగా పెండ్యులం ద్వారా మార్గదర్సత్వం పొందారు. ఆవిడ డా. అగర్వాల్ గారిని వెంటనే సంప్రదించారు! అయన ఈమెకు దరఖాస్తు పత్రం పంపించారు. అప్పుడు ఈమె అక్యూప్రెస్సుర్ కొనసాగించడమే లేదా తన హృదయం యొక్క పిలుపు అనగా విబ్రియోనిక్స్ ను ఎంచుకోవడమా అనేది నిర్ణయించవల్సి వచ్చింది. ఈమె దీని గురించే ఆలోచిస్తుండగా ఒక రాత్రి బాబా వారు స్వప్నంలో కనపడి విబ్రియోనిక్స్ ద్వారా సేవ చేయడమే ఈమె యొక్క జీవిత లక్ష్యమని స్పష్టంగా చూపించారు. వెంటనే ఈమె ఏ విధమైన సంశయం లేకుండా తాను అక్యూప్రెస్సుర్ ను వదిలివేయాలని నిశ్చయించారు. అ తరువాత అభ్యాసకురాలైన అ పెద్దావిడ నుంచి ఈమె యంత్రాన్ని, ఇతర సామాగ్రిని పొందారు. ఇది జరిగిన ఒక నెలలోపే అ పెద్దావిడ తనువు చాలించారు!
మన అభ్యాసకురాలు జూన్ 2016లో AVP కొరకు ఆన్లైన్ లో శిక్షణ పొందారు. ప్రాక్టికల్ వర్క్ షాప్ కొరకు ఈమె లండన్ వెళ్లారు మరియు రెమెడీలతో నిండిన 108 సీసీ పెట్టెను పొందారు. అప్పటి నుంచి ఈమె తనను ఒక పనిముట్టుగా ఎంచుకొన్నందుకు భగవంతునికి హృదయపూర్వకమైన కృతజ్ఞతాభావంతో పనిచేస్తూనే ఉన్నారు. ఈమె చాలా చక్కని గ్రాహకురాలు మరియు తాను ఒక బిడ్డకి తల్లయినప్పటికీ, విబ్రియోనిక్స్ సేవ కోసం ఎంతో సమయాన్ని వెచ్చిస్తూ, చాలా కష్టపడి పనిచేస్తారు. ఆరు నెలల స్వల్ప వ్యవధిలోనే కీల నొప్పులు, చర్మ వ్యాధులు, జీర్ణ కోసం సమస్యలు, గుండె సమస్యలు మరియు మానసిక వ్యాధులు మొదలైన అనేక రోగములకు 70కి పైగా రోగులకు వైద్య సేవ అందించారు.
ఇంకొక అద్భుతంగా నయమైన వ్యాధుల వివరాలు. 78 ఏళ్ల ఒక వృద్ధుడు మూత్ర నాలం ఇన్ఫెక్షన్ వల్ల జ్వరం మరియు తరచూ మూత్రం రావడం వంటి సమస్యతో బాధ పడేవాడు. అతను ఆంటిబయోటిక్స్ వెంటనే తీసుకొన్నారు. 10 రోజులైనా కానీ అతని రోగ లక్షణాలు తగ్గకపోవడంతో అభ్యాసకురాలు అతనికి విబ్రియో రెమెడీలు ఇచ్చారు. కేవలం 24 గంటల్లో అతని రోగ లక్షణాలన్నీ పోయి అతను మాములు మనిషయ్యాడు.
31 ఏళ్ల ఒక వైద్యురాలు గత 5 నెలలుగా పొత్తి కడుపులో నిరంతర నొప్పి, మలబద్దకం కొంతకాలం అటుపిమ్మట విరేచేనాలు కొంతకాలం సమస్యతో బాధపడేది. ఇదంతా ఇంటిలో ఒక భావోద్వేగ సమస్యతో మొదలైంది. ఒక వైద్యురాలిగా ఆమె ఇది సిలియాక్ వ్యాధిగా భావించారు. కానీ అల్లోపతి మందులు తీసుకోకూడదని అనుకొన్నారు. విబ్రియో రెమెడీలు తీసుకొన్న 10 రోజులలో ఆమె ఆరోగ్యం 80 శాతం మెరుగైంది మరియు ఇంకొక రెండు వారాలలో ఆవిడ పూర్తి ఆరోగ్యవంతురాలయ్యారు.
ఈమె దగ్గర ఇటువంటి మరెన్నో అద్భుతంగా నయమైన రోగములు వివరాలు చాలా ఉన్నాయి మరియు ఆమె వైద్యం చేసిన చాలా రోగ చరితలు ప్రచురించబడ్డాయి కూడా. ఆమె యొక్క రోగులు చాలా మంది దేవుని యొక్క అనుగ్రహంతో పరిపూర్ణ స్వస్థత పొందారు.
పంచుకుంటున్న రోగ చరితలు:
- మొలలు, ఆపుకోలేని మలవిసర్జన, ఇరిటబుల్ బవెల్ సిండ్రోమ్, గ్యాస్ట్రో ఈసోఫేజియల్ రిఫ్లెక్స్
- ఎలర్జిక్ రైనైటిస్, అజీర్తి, ఆందోళన, మైండ్ ఫుల్నెస్
- కన్నులు - దురద, మంట