ప్రాక్టీషనర్ల విభాగము 02308...स्लोवेनिया
గిజెలా ఖాన్ 02308…స్లొవేనియా 2002 ఆగస్టులో డా. అగర్వాల్ నిర్వహించిన ఏడు రోజుల ప్రాథమిక వైబ్రియానిక్స్ కోర్సును పూర్తి చేసి ప్రాక్టీషనర్ గా మారారు. ఆ క్షణం నుండి సేవ ఆమె జీవితానికి కేంద్రబిందువుగా నిలిచింది. అనేక సంవత్సరాలుగా ఆమె తనను 
తాను స్వస్థత పరుచు కోవడమే కాకుండా అనేకమంది రోగులను కూడా స్వస్థపరచడంతో ఈ సాధన పట్ల ఆమెకున్న గాఢమైన భక్తి, అంకితభావానికి ఆదర్శ ప్రతీకగా నిలిచింది. ఆరోగ్య సమస్యలు మరియు కంటి చూపు తగ్గిపోవడం వంటి సవాళ్లు ఎదురైనప్పటికీ, ఆమె ఎన్నో సంవత్సరాల పాటు సాయి వైబ్రియానిక్స్ న్యూస్లెటర్కు అధికారిక స్లోవేనియన్ అనువాదకురాలిగా సేవలందిస్తూ 2024 మధ్యకాలం వరకు ఈ సేవను నిరంతరంగా కొనసాగించారు. హృదయాన్ని స్పృశించే ఈ అనుభవ వర్ణనలో, ఆమె తన సేవా ప్రయాణాన్ని మరియు అంకితభావాన్ని మనతో పంచుకుంటున్నారు.
నా జీవితమంతా భగవాన్ శ్రీ సత్యసాయి బాబా ఎలా నన్ను నడిపించారు, రక్షించారు, స్వస్థపరిచారు వారి కృపకు వైబ్రియానిక్స్ ఒక మృదువైనదైనా శక్తివంతమైన సాధనంగా ఎలా నిలిచింది, అనే ఈ అనుభవాన్ని గాఢమైన కృతజ్ఞతతో మీతో పంచుకుంటున్నాను.
2002లో నేను ప్రాక్టీషనర్ గా మారిన కొద్దికాలానికే, స్వామి జన్మదినం అనంతరం నాకు తీవ్రమైన ఫ్లూ వచ్చింది. నేను ఎంతో బలహీనంగా మారిపోయాను. ఆసుపత్రిలో పరీక్షలు మరియు ఇన్ఫ్యూషన్ చికిత్స తీసుకున్నప్పుడు అది అంతర్గతంగా ఒక గొప్ప శుద్ధి ప్రక్రియలాగా అనిపించింది. దాదాపు 10 కిలోల బరువు తగ్గినప్పటికీ, నేను నూతన ఉత్సాహంతో ఇంటికి తిరిగి వచ్చాను. 2003 ఫిబ్రవరిలో నేను స్లోవేనియాకు తిరిగి వెళ్లినప్పుడు, ఆస్తమా స్పెషలిస్ట్ డాక్టర్ నన్ను చూసి చాలా ఆశ్చర్యపోయారు. రెండు నెలలుగా నాకు ఒక్కసారి కూడా ఆస్తమాతో ఇబ్బంది రాలేదు, అంతేకాక నేను అన్ని మందులు పూర్తిగా నిలిపివేశాను. దాదాపు పది సంవత్సరాల పాటు ప్రతి రాత్రి దగ్గుతో బాధపడుతూ, అనేక సైనస్ శస్త్రచికిత్సలు చేయించుకున్న నేను, ఆస్తమా నుండి పూర్తిగా విముక్తి పొందాను. అప్పటి నుండి నాకు ఆస్తమా పూర్తిగా తగ్గిపోయి తిరిగి మరలా రాలేదు.
2007 జనవరిలో నాకు గ్రేడ్-III రొమ్ము క్యాన్సర్ ఉన్నట్లు నిర్ధారణ అయింది. 24 లింఫ్ నోడ్లలో 13 ప్రభావితమయ్యాయి. 2007 ఫిబ్రవరి 28న శస్త్రచికిత్స జరిగింది. అనంతరం కీమోథెరపీ ప్రారంభమైంది. అయితే గుండె సంబంధిత సమస్యల కారణంగా రెండు సెషన్ల తర్వాత దానిని నిలిపివేయాల్సి వచ్చింది. 2007 ఆగస్టు నుండి 2008 జూలై వరకు నేను బయోలాజికల్ థెరపీ మరియు రేడియేషన్ చికిత్స పొందాను. ఈ మొత్తం కాలంలో, వైబ్రియానిక్స్ మందులను నా అల్లోపతీ చికిత్సకు తోడ్పాటుగా ఉపయోగించాను. ముఖ్యంగా, డా. అగర్వాల్ మార్గదర్శకత్వంలో కీమోథెరపీ మందులలో మిగిగిలిన భాగంతో తయారుచేసిన ఒక నోసోడ్ను ఉపయోగించాను. ఇది చికిత్స దుష్ప్రభావాలను గణనీయంగా తగ్గించడంలో ఎంతో సహాయపడింది.
చికిత్స పూర్తయిన కొద్దికాలానికే, 2008 జూలైలో ముంబైలో నిర్వహించిన 42 రోజుల మానవ విలువల సెమినార్లో పాల్గొనే అపూర్వ అవకాశాన్ని స్వామి ప్రసాదించారు. అనారోగ్యం తాలూకా ఆలోచనలను అన్నింటిని వదిలివేసి సేవా కార్యక్రమాలు మరియు ఆధ్యాత్మిక అధ్యయనంలో పూర్తిగా లీనమై మరింత బలంగా, ఉత్సాహంగా, ఉన్నత లక్ష్యంతో నిండిన వ్యక్తిగా మారాను.
సంవత్సరాలు గడిచేకొద్దీ, నేను అన్ని అలోపతి మందులను క్రమంగా నిలిపివేశాను. అయితే వైద్యుల పర్యవేక్షణలో నిరంతర పరీక్షలు 2023 వరకు కొనసాగాయి. నేటికీ నివారణ చర్యగా, వారానికి ఒకసారి CC2.1 Cancers – all + CC2.3 Tumours & Growths మరియు SM13 Cancer మందులను మాత్రమే తీసుకుంటున్నాను. ఈ మొత్తం ప్రయాణంలో నేను డా. అగర్వాల్ గారితో నిరంతర సన్నిహిత బాంధవ్యాన్ని కొనసాగించాను. ఆయన ఇచ్చిన మార్గదర్శకత్వం, ధైర్యం మరియు భరోసా నాకు అమూల్యమైనవి.
నాకు క్యాన్సర్ నిర్ధారణ అయ్యి పదిహేడు సంవత్సరాలకు పైగా గడిచిన తర్వాత, నేను గతాన్ని ఎంతో వినమ్రతతో, గాఢమైన కృతజ్ఞతతో తిరిగి చూసుకుంటూఉంటే ఆస్తమా నుండి విముక్తి పొందడం నుండి క్యాన్సర్ను అధిగమించడం వరకు, సాయి వైబ్రియానిక్స్ నేర్చుకోవడం నుండి దాని ద్వారా సేవ చేయడం వరకు, ప్రతి దశలో స్వామి నా అచంచల సహచరుడిగా, శక్తి ప్రదాతగా నిలిచారు. నా ఈ ప్రయాణం ఇతరులకు కూడా ప్రేరణగా నిలవాలని నేను ఆశిస్తున్నాను. ఇది వారి విశ్వాసాన్ని మరింత బలపరచాలని, ధైర్యాన్ని పెంపొందించాలని, అలాగే ఆయన అపారమైన ప్రేమ మరియు స్వస్థపరిచే శక్తిపై అచంచలమైన నమ్మకాన్ని కలిగించాలని ప్రార్థిస్తున్నాను.