అరచేతి చర్మముపై దురద మరియు పొరలు 11210...India
ఒక 50-ఏళ్ల-వ్యక్తి గత నాలుగు సంవత్సరాలుగా రెండు అరచేతులపై మరియు పాదాలపై కొంతభాగము దురద, బొబ్బలు మరియు చర్మము పొరలుగా విడిపోవడం అనే సమస్యతో బాధపడుతున్నారు. మొదటి రెండు సంవత్సరాలలో, అతను కేవలం కొబ్బరి నూనెను ఉపయోగించడం ద్వారా సమస్య నివారించడానికి ప్రయత్నించారు కానీ ఇది తాత్కాలిక ఉపశమనాన్ని మాత్రమే ఇచ్చింది. 2019 లో పరిస్థితి అధ్వాన్నంగా మారినప్పుడు, అతను చర్మవ్యాధి నిపుణుడిని సంప్రదించగా కొన్ని యాంటీ-అలెర్జీ మాత్రలతో పాటు ప్రోసివేట్ ఎస్ (కార్టికోస్టెరాయిడ్) క్రీమ్ సూచించారు. అతను మాత్రలు తీసుకోలేదు కానీ క్రీమ్ మంచి ఉపశమనాన్ని ఇచ్చింది. అయితే, స్వల్పకాలం తర్వాత, లక్షణాలు మళ్లీ కనిపించేవి. అందువలన అతను
క్రీమ్ను దాదాపు ప్రతీరోజూ ఉపయోగించాల్సి వచ్చింది, ఆ విధంగా అతను రెండు సంవత్సరాలు గడపడం జరిగింది. అతను తన మోటార్బైక్ రైడింగ్ కూడా వదులుకోవాల్సి వచ్చింది, ఎందుకంటే హ్యాండిల్స్ అతని అరచేతులకు రాపిడి జరగడం ద్వారా పరిస్థితి మరింత తీవ్రమవుతూ ఉండేది. 2021 మార్చి3 న (చిత్రాన్ని చూడండి) అతను ప్రాక్టీషనరును సంప్రదించగా క్రింది రెమిడీ ఇవ్వబడింది:
CC21.3 Skin allergies + CC21.5 Dry Sores + CC21.6 Eczema...TDS నోటికి తీసుకోవడానికి మరియు కొబ్బరి నూనెలో బాహ్య అనువర్తనం కోసం …BD
అతను వైబ్రో రెమెడీని మాత్రమే తీసుకున్నారు. ఒక వారం తరువాత, తన పాదాలు ఇప్పుడు సాధారణ స్థితిలో ఉన్నాయని మరియు అరచేతులపై బొబ్బలు పోయాయని తెలిపారు. అయితే దురద మరియు పొరలుగా ఉండే చర్మం కేవలం 25% మాత్రమే మెరుగ్గా ఉండగా మార్చి 29 నాటికి, అతనికి 90% మెరుగయ్యింది (చిత్రాన్ని చూడండి). నోటి ద్వారా తీసుకొనే మోతాదు కూడా BD కి తగ్గించబడింది. ఏప్రిల్ 6 నాటికి అతను పూర్తిగా ఆరోగ్యంగా ఉన్నారు, కనుక అతను ఏప్రిల్ 20 నాటికి రెమిడీలు ఉపయోగించడం మానేసే వరకు తగ్గించిన మోతాదులో రెమిడీ ఉపయోగించారు. 2021 జులై నాటికి, ఎటువంటి లక్షణాలు పునరావృతం కాలేదు.