Sai Vibrionics Newsletter

62 సంవత్సరాల వయస్సు గల ఒక వ్యక్తి బ్యాంకింగ్ రంగంలో చాలాకాలం పాటు తీవ్రమైన ఒత్తిడితో కూడిన ఉద్యోగం చేసి ఆ ఒత్తిడిని తట్టుకోలేక 2013లో, తన 50 ఏళ్ల వయస్సులో ఉద్యోగానికి రాజీనామా చేశాడు. ఉద్యోగం వదిలినప్పటికీ, ఆ ఉద్యోగానికి సంబంధించిన చేదు జ్ఞాపకాలు అతనిని వెంటాడుతూనే ఉండటంతో, 12 సంవత్సరాల తర్వాత కూడా అతను నిరంతర ఆందోళనతో బాధపడుతూనే ఉన్నాడు. దీని ఫలితంగా అతనికి తీవ్రమైన నిద్రలేమి ఏర్పడి, రాత్రి కేవలం మూడు గంటల మాత్రమే నిద్రపోయేవాడు. దీనివల్ల పగటిపూట ఎల్లప్పుడూ అలసటగా ఉండేది. గత నాలుగు సంవత్సరాలుగా, బయట నడవడం లేదా దుమ్ముకు గురికావడం వల్ల అతనికి తరచుగా తుమ్ములు మరియు ముక్కు కారడం ప్రారంభమయ్యేవి. ప్రతి సారి ఈ లక్షణాలు సుమారు మూడు గంటల పాటు కొనసాగేవి. ఉపశమనం కోసం యూకలిప్టస్ నూనె మరియు ఇతర ఇంటి చిట్కాలను ఉపయోగించినప్పటికీ, అవి పాక్షిక ఉపశమనాన్ని మాత్రమే కలిగించాయి. గత రెండు సంవత్సరాలుగా, అతను చేతులు మరియు కాళ్లలో తరచుగా వణుకులతో (tremors) బాధపడుతున్నాడు. రోజుకు కనీసం ఎనిమిది సార్లు ఈ వణుకులు వచ్చేవి. ఒక్కోసారి సుమారు రెండు నిమిషాల పాటు కొనసాగేవి. ఆ సమయంలో అతను పెన్ను పట్టుకోవడం లేదా రోజువారీ పనులను సక్రమంగా చేయడం కూడా కష్టంగా ఉండేది. ఒక సంవత్సరం క్రితం, కొన్ని నిమిషాలు నడిచిన తర్వాత అతనికి వెన్నునొప్పి ప్రారంభమైయ్యెది, మరియు ప్రతిసారీ సుమారు పది నిమిషాల పాటు కొనసాగేది. దీనికి అతను ఇతర ఎలాంటి చికిత్సా తీసుకోలేదు. 2025 ఆగస్టు 12న పదవీ విరమణ చేసిన ఉద్యోగుల సమావేశంలో సాయి వైబ్రియానిక్స్ గురించి జరిగిన సంక్షిప్త ప్రసంగాన్ని విన్న అనంతరం, అతను ఒక ప్రాక్టిషనర్‌ను సంప్రదించగా, క్రింది రెమెడీలు ఇవ్వబడ్డాయి:

తుమ్ములు మరియు ముక్కు కారడానికి:

#1. CC9.2 Infections acute + CC12.1 Adult tonic + CC19.2 Respiratory allergies + CC19.5 Sinusitis + CC19.6 Cough chronic...TDS

వణుకులు మరియు వెన్నునొప్పికి:

#2. CC15.1 Mental & Emotional tonic + CC18.5 Neuralgia + CC18.6 Parkinson’s disease + CC20.2 SMJ pain + CC20.3 Arthritis + CC20.5 Spine...TDS

నిద్ర కోసం:

#3. CC15.6 Sleep disorders...నిద్రపోయే అరగంట ముందు.

చికిత్స పురోగతి:

➢ 19 ఆగస్టు 2025: చేతులు, కాళ్ల వణుకులు రోజుకు 1–2 సార్లకు తగ్గాయి. తుమ్ములు, ముక్కు కారడం ఒక్కోసారి కేవలం ఒక గంట మాత్రమే కొనసాగాయి. దుమ్ము వల్ల కలిగే లక్షణాల తీవ్రత కూడా గణనీయంగా తగ్గింది. మానసికంగా ప్రశాంతంగా అనిపించడంతో పాటు, నిద్ర కూడా మెరుగుపడి రోజుకు ఆరు గంటలు నిద్రపోగలిగాడు.

➢ 10 సెప్టెంబర్ 2025: అన్ని లక్షణాలు పూర్తిగా తగ్గిపోయాయి. ఇంటి చిట్కాల అవసరం లేకుండా పోయింది. ఎలాంటి ఇబ్బంది లేకుండా స్వేచ్ఛగా రాయగలిగాడు. ఉత్సాహంగా, ఆనందంగా అనిపించింది. దీంతో #1 మరియు #2 రెమెడీల మోతాదును రోజుకు ఒకసారి (OD)కు తగ్గించి, #3ను నిలిపివేశారు.

➢ 23 సెప్టెంబర్ 2025: #1 మరియు #2 రెమెడీల మోతాదును క్రమంగా తగ్గించి పూర్తిగా నిలిపివేశారు.

2026 జనవరి 16 నాటికి, ఈ లక్షణాలు ఏవీ తిరిగి కనిపించలేదు.