Sai Vibrionics Newsletter

" Whenever you see a sick person, a dispirited, disconsolate or diseased person, there is your field of seva. " Sri Sathya Sai Baba
Hands Reaching Out

పాదంలో నొప్పి, వాపు, రంగులో మార్పు 11646...भारत

98 సంవత్సరాల వయస్సు గల ఒక వృద్ధుడు శారీరకంగా మరియు మానసికంగా అత్యంత ఆరోగ్యవంతంగా ఉంటూ ఎవరిపైనా ఆధారపడకుండా పూర్తిగా స్వతంత్రంగా జీవిస్తూ, కర్ర సహాయం లేకుండానే నడవగలిగేవారు. 2024 సంవత్సరం చివరి భాగంలో, ఆయనకు రెండు పాదాలలో వాపు మరియు నిరంతరాయమైన నొప్పి ప్రారంభమైంది. కుడి పాదంలో ఈ సమస్య మరింత తీవ్రంగా ఉండేది. దీనికి తోడు శరీరమంతా నొప్పి కూడా ఉండేది. విశ్రాంతి తీసుకున్నప్పటికీ నొప్పి తగ్గకపోగా, క్రమంగా మరింత తీవ్రమై ఆయన నడవలేని స్థితికి చేరుకోవడంతో ఇంటికే పరిమితమయ్యారు. కాలక్రమేణా రెండు పాదాల చర్మం గోధుమ-నలుపు (Brownish-Black) రంగులోకి మారింది. శారీరములో చురుకుదనం పూర్తిగా నిలిచిపోయి ఆందోళన కారణంగా ఆకలి మందగించింది. రాత్రిపూట తరచూ మూత్ర విసర్జన కోసం లేవాల్సి రావడంతో నిద్ర కూడా భంగమయ్యేది. ఈ లక్షణాలు ప్రారంభమయ్యేంత వరకు ఆయన ప్రతీరోజూ సాయంత్రం నడకకు వెళ్లగలిగేఅంత చురుకైన జీవనశైలిని కొనసాగించేవారు.  అకస్మాత్తుగా ఆరోగ్యం క్షీణించడం ఆయనకూ, ఆయన భార్యకూ తీవ్రమైన ఆందోళన కలిగించింది. 2003 సంవత్సరంలో ఆయనకు కరోనరీ ఆర్టరీ బైపాస్ గ్రాఫ్ట్ (Coronary Artery Bypass Graft – CABG) శస్త్రచికిత్స జరిగినప్పటికీ ఆ తరువాత కూడా అనేక సంవత్సరాల పాటు ఆయన ఆరోగ్యంగా, చురుకుగా జీవించారు.

2025 జనవరిలో ఆయన పరిస్థితి మరింత దిగజారింది. కుటుంబ సభ్యులు ఒక వైద్యుడిని సంప్రదించారు. వృద్ధాప్యమే ప్రధాన కారణమని భావించిన వైద్యుడు, గుండె జబ్బుల ప్రమాదాన్ని తగ్గించడానికి స్టాటిన్ (Statin) మందులు మరియు శరీరంలో అదనపు ద్రవాన్ని తగ్గించేందుకు డయూరెటిక్ (Diuretic) మందులు సూచించారు. రెండు నెలలకుపైగా చికిత్స తీసుకున్నప్పటికీ, కేవలం 10% మాత్రమే మెరుగుదల కనిపించింది. తిరిగి సమీక్షించినప్పుడు, చికిత్స కొనసాగించినప్పటికీ ఇకపై గణనీయమైన మెరుగుదల ఆశించలేమని వైద్యుడు రోగి కుమారునికి తెలిపారు. దీంతో తీవ్రంగా కలత చెందిన కుమారుడు స్వామిని ప్రార్థించగా దైవానుగ్రహంతో తన ప్రాంతంలో నివసిస్తున్న ఒక వైబ్రియానిక్స్ సాధకుడిని కలిసే అవకాశం లభించింది. ప్రాక్టీషనర్ రోగిని పరిశీలించినప్పుడు, ఆయన ఆందోళనతో పాటు భయభ్రాంతులకు గురై ఉన్నట్లు కనిపించారు. వైద్యుని నిర్ధారణను ఆధారంగా చేసుకుని, 2025 మార్చి 30న ఆయనకు ఈ క్రింది వైబ్రియానిక్స్ రెమిడీ ఇవ్వబడింది:

NM76 Dyspnoea + NM91 Paramedic Rescue + OM7 Heart + BR4 Fear + BR5 Heart + SM26 Immunity + SR265 Aconite + SR271 Arnica + SR278 Cactus + SR286 Crataegus + SR304 Oxygen + SR413 Sumbul + SR455 Artery + SR461 Brain (Medulla) + SR462 Brain (Pons) + SR473 CN10: Vagus + SR477 Capillary + SR483 Coronary Artery Left + SR484 Coronary Artery Right + SR494 Haemoglobin + SR495 Heart + SR496 Heart Valves + SR539 Vein + SR541 Adonis Ver…నీటిలో రోజంతా చప్పరించే విధంగా* 

అల్లోపతీ మందులు కొనసాగింప బడ్డాయి.   

చికిత్స లో పురోగతి : 

2025 డిసెంబర్ నాటికి, లక్షణాలు మళ్లీ తిరిగి రాలేదు.

 

 

చికిత్స కు ముందు – 30 మార్చి 2025                     3 మే 2025                              5 జూన్ 2025

*సంపాదకుని సూచన: ఇదే మోతాదును అనేకమంది ప్రాక్టీషనర్లు ఉపయోగిస్తూ మంచి ఫలితాలు పొందుతూన్నట్లు వ్యక్తమవుతోంది. 

కుమారుని అనుభవపూర్వక వ్యాఖ్యానం (30 జూన్ 2025):

నా 98 సంవత్సరాల తండ్రి గత మూడు నెలలుగా అలోపతి మందులు తీసుకుంటున్నప్పటికీ, ఆయన తీవ్రమైన శరీర నొప్పులతో పాటు, (రక్తప్రసరణ సమస్యల కారణంగా) పాదాలలో అధిక వాపు మరియు నల్లటి రంగు మార్పుతో బాధపడుతున్నారు. అయితే, అలోపతి మందులతో పాటు సాయి వైబ్రియానిక్స్ మందులను కేవలం 64 రోజుల పాటు తీసుకున్న తరువాత, ఆయన శరీరంలోని వివిధ భాగాలలో ఉన్న నొప్పులు గణనీయంగా తగ్గిపోయాయి. అలాగే పాదాలలోని వాపు మరియు రంగు మార్పు కూడా చాలా వరకు తొలగిపోయాయి. ఆయన ఆరోగ్యంలో వచ్చిన ఈ అద్భుతమైన సానుకూల మార్పుకు నా హృదయపూర్వక కృతజ్ఞతలు మరియు ధన్యవాదాలు స్వీకరించండి.

ఈ సందర్భంలో సర్వశక్తిమంతుడైన శ్రీ సత్యసాయి బాబాకు, సాయి వైబ్రియానిక్స్ వైద్య విధానానికి, అలాగే ముఖ్యంగా మా తండ్రి ఆరోగ్యంలో ఈ అద్భుతమైన మార్పును తీసుకురావడానికి సాయి మాత ఎంపిక చేసిన దివ్య సాధనంగా సేవలందించిన మీకు నా హృదయపూర్వక కృతజ్ఞతలు తెలియజేస్తున్నాను. మరోసారి, మీరు చేస్తున్న మహోన్నత సేవకు నా హృదయపూర్వక ధన్యవాదాలు. సర్వశక్తిమంతుడైన సాయి మీకు, మీ కుటుంబ సభ్యులకు ఆరోగ్యం, ఆనందం మరియు అనుగ్రహాలను ప్రసాదించాలని ప్రార్థిస్తున్నాను.