Sai Vibrionics Newsletter

48 ఏళ్ల మహిళకు జనవరి 2022 నుంచి మెడలో నిరంతరం నొప్పి ఉండటంతో పాటు, ఆ నొప్పి రెండు చేతులకు వ్యాపించేది. ఆరు నెలల తర్వాత ఆమె వైబ్రియానిక్స్ చికిత్సను సంప్రదించే సమయానికి నొప్పి ఎంత తీవ్రంగా ఉందంటే, ఆమె తలను అటూ ఇటూ కదపలేకపోయేవారు. వైద్యుల సూచన మేరకు సర్వైకల్ కాలర్ కూడా ధరించాల్సి వచ్చింది. వ్యవసాయ కూలీగా ఆమె చేసే పనిలో పొలాల్లో నిరంతరం వంగి పనిచేయడం, శారీరక శ్రమ చేయడం ఉండేవి; ఇవే ఆమె సమస్యకు ప్రధాన కారణం అయి ఉండవచ్చని భావించారు. ఇంతకుముందు ఆమె అల్లోపతి మందులు, నొప్పి నివారణ మందులు, నూనెతో మర్దన వంటి వివిధ చికిత్సలు ప్రయత్నించినప్పటికీ, ఏవీ శాశ్వతమైన ఉపశమనాన్ని అందించలేదు.

28 జూలై 2022న, ఆమె ప్రాక్టీషనర్‌ను సంప్రదించగా, ఆమెకు క్రింది రెమెడీలను ఇచ్చారు:

CC3.7 Circulation + CC12.1 Adult tonic + CC18.5 Neuralgia + CC20.2 SMJ pain + CC20.5 Spine + CC20.7 Fractures…6TD

మూడు వారాల్లోనే 20 ఆగస్టు నాటికి, నొప్పిలో 60% ఉపశమనం కలిగింది. ఆమె ఎలాంటి అసౌకర్యం లేకుండా తన తలను కొద్దిగా కదపగలిగారు. మోతాదును TDSకి తగ్గించారు.

23 సెప్టెంబర్ నాటికి ఆమెకు 100% ఉపశమనం కలిగిందని మరియు ఎలాంటి అసౌకర్యం లేకుండా మెడను స్వేచ్ఛగా కదపగల్గినట్లు తెలియచేసారు. 6 అక్టోబర్ నాటికి మోతాదును ODకి తగ్గించి, అనంతరం క్రమంగా తగ్గిస్తూ 28 నవంబర్ 2022న పూర్తిగా నిలిపివేశారు. ఆగస్టు 2023లో జరిగిన చివరి సమీక్షలో, లక్షణాలు మళ్లీ కనిపించలేదని రోగి ధృవీకరించారు.